SALMUS

ASUNTUS DI LIVRU

1
- Diferénsa entri algen justu i algen mau
  - Kes algen ki ta lé lei di Deus é filís (2)
  - Kes algen justu é sima un arvi ki ta da fruta (3)
  - Algen mau é sima padja ki ta bai na béntu (4)
2
- Jeová i kel algen ki el skodje
  - Jeová ta ri di kes nason (4)
  - Jeová poi se rei ta governa (6)
  - Nhos onra fidju (12)
3
- Kunfiansa na Deus sikrê ku prigu
  - ‘Pamodi ki N ten txeu inimigu?’ (1)
  - “Jeová é kel ki ta salva” (8)
4
- Un orason ki ta mostra kunfiansa na Deus
  - “Nhos fika xatiadu, má ka nhos peka” (4)
  - “N ta durmi na pas” (8)
5
- Jeová é un proteson pa kes algen justu
  - Deus ta ôdia maldadi (4, 5)
  - “Gia-m na bu kaminhu di justisa” (8)
6
- Un pididu di ajuda
  - Algen mortu ka ta lova Deus (5)
  - Deus ta obi kes pididu di ajuda (9)
7
- Jeová é un Juís justu
  - ‘Ó Jeová, julga-m’ (8)
8
- Glória di Deus i ónra pa ómi
  - “Fórti bu nómi é grandi!” (1, 9)
  - Ki inportánsia ki ómi ten? (4)
  - Ómi podu koroa di beléza (5)
9
- Pâpia di kes kuza bunitu ki Deus faze
  - Jeová é un proteson suguru (9)
  - Kes ki konxe nómi di Deus ta kunfia na el (10)
10
- Jeová ta djuda kes ki sta dizanparadu
  - Algen mau ta fla ku orgulhu: “Deus ka ta izisti” (4)
  - Kes ki sta dizanparadu ta volta pa Jeová (14)
  - “Jeová é Rei pa tudu ténpu” (16)
11
- Djobe proteson na Jeová
  - “Jeová sta na se ténplu santu” (4)
  - Deus ta ôdia kes algen ki ta ama violénsia (5)
12
- Jeová ta labanta pa aji
  - Palavra di Deus é puru (6)
13
- N tene gana pa Jeová salva-m
  - “Ó Jeová, ti ki ténpu?” (1, 2)
  - Jeová ta rekonpensa-m txeu (6)
14
- Manera ki algen tolu ta konporta
  - “Jeová ka ta izisti” (1)
  - “Ninhun di es ka sta faze kuzas dretu” (3)
15
- Ken ki pode fika na ténda di Jeová?
  - Ken ki ta pâpia verdadi na se korason (2)
  - Ken ki ka ta kalúnia algen (3)
  - Ken ki ta kunpri se promésa, sikrê el fika prujudikadu (4)
16
- Jeová é Fonti di tudu kuza bon
  - “Jeová é nha párti” (5)
  - ‘Nhas pensamentu ta koriji-m di noti’ (7)
  - ‘Jeová sta na nha direita’ (8)
  - “Bu ka ta ben dexa-m na Sipultura” (10)
17
- Orason pa pidi proteson
  - “Bu izamina nha korason” (3)
  - “Na sónbra di bus aza” (8)
18
- Lova Deus pa se salvason
  - “Jeová é nha rótxa” (2)
  - Jeová é lial pa kes ki é lial (25)
  - Kaminhu di Deus é perfeitu (30)
  - “Bu umildadi ta bira-m grandi” (35)
19
- Kes kuza ki Deus faze i ses lei ta da tistimunhu
  - “Séu ta pâpia di glória di Deus” (1)
  - Lei di Deus é perfeitu, el ta da forsa otu bês (7)
  - “Kes pekadu ki N ta faze sen da kónta” (12)
20
- Deus ta salva kel rei ki el skodje
  - Alguns ta kunfia na karu di géra i na kabalu, “má nos nu ta kunfia na nómi di Jeová” (7)
21
- Bensons pa kel rei ki ta kunfia na Jeová
  - Deus ta da rei un vida kunpridu (4)
  - Kes inimigu di Deus ta vensedu (8-12)
22
- Algen ki staba dizusperadu, gósi sta kanta lovor
  - “Nha Deus, pamodi ki bu bandona-m?” (1)
  - “Es ta bota sórti sobri nha ropa” (18)
  - Lova Deus na meiu di kongregason (22, 25)
  - Téra interu ta ben adora Deus (27)
23
- “Jeová é nha Pastor”
  - “Nada ka ta ben falta-m” (1)
  - “El ta torna da-m forsa” (3)
  - “Nha kópu sta xeiu ti bóka” (5)
24
- Rei gloriozu ta entra pa porton
  - ‘Téra é di Jeová’ (1)
25
- Un orason pa pidi orientason i perdon
  - “Inxina-m modi ki N debe vive” (4)
  - Amizadi fórti ku Jeová (14)
  - “Purdua-m di tudu nhas pekadu” (18)
26
- Kontinua ta ser lial
  - “Ó Jeová, izamina-m” (2)
  - Ivita sta djuntu ku kes algen mau (4, 5)
  - ‘N ta ben marxa na vólta di altar di Deus’ (6)
27
- Jeová é proteson di nha vida
  - Da valor pa ténplu di Deus (4)
  - Jeová ta kuida di nos, sikrê nos pai ku nos mai bandona-nu (10)
  - “Poi bu speransa na Jeová” (14)
28
- Deus obi orason di salmista
  - “Jeová é nha forsa i nha skudu” (7)
29
- Vós di Jeová é poderozu
  - Adora Deus bistidu ku ropa santu (2)
  - “Vós di kel Deus gloriozu é sima strubada” (3)
  - Jeová ta da se povu forsa (11)
30
- Tristéza ta bira alegria
  - Bondadi di Deus ta dura pa vida interu (5)
31
- Djobe proteson na Jeová
  - “N ta intrega nha spritu na bu mô” (5)
  - “Jeová, kel Deus di verdadi” (5)
  - Bondadi di Deus é grandi (19)
32
- Kes algen ki ta purduadu é filís
  - ‘N konfesa-u nha pekadu’ (5)
  - Deus ta da-u sabedoria (8)
33
- Lovor pa Kriador
  - “Nhos kanta un kántiku novu pa el” (3)
  - Jeová kria tudu kuza através di se palavra i se spritu (6)
  - Povu di Jeová é filís (12)
  - Odju di Jeová sta sienti (18)
34
- Jeová ta salva ses sérvu
  - “Nu lova se nómi djuntu” (3)
  - Anju di Jeová ta proteje ses sérvu (7)
  - “Nhos sprimenta i nhos odja ma Jeová é bon” (8)
  - ‘Ninhun di ses osu ka kebradu’ (20)
35
- Orason pa salvadu di inimigu
  - Deus ta ben kóre ku kes inimigu (5)
  - Lova Deus na meiu di un monti di algen (18)
  - Odiadu sen motivu (19)
36
- Amor lial di Deus ten txeu valor
  - Ken ki é mau ka ta ruspeta Deus (1)
  - Deus é fonti di vida (9)
  - “Através di bu lus nu ta pode odja lus” (9)
37
- Tudu ta kóre dretu ku kes ki ta kunfia na Jeová
  - Ka bu fika xatiadu pamodi algen mau (1)
  - “Atxa kel alegria más grandi ki ten na Jeová” (4)
  - “Dexa Jeová mostra-u kaminhu” (5)
  - “Kes algen mansu ta ben toma kónta di téra” (11)
  - Kes algen justu ka ta ben xinti falta di pon (25)
  - Kes algen justu ta ben vive pa tudu ténpu (29)
38
- Orason di un algen ki rapende i ki sta ta sufri
  - “N sta frontadu i dizanimadu dimás” (6)
  - Jeová ta obi kes ki ta spera pa se ajuda (15)
  - “Nha pekadu staba ta tormenta-m” (18)
39
- Vida é kurtu
  - Ómi é un sinplis folgu (5, 11)
  - “Ka bu iginora nhas lágua” (12)
40
- Agradese kel Deus ki ka ten konparason
  - Kes óbra di Deus é txeu dimás pa konta (5)
  - Pa Deus, sakrifisiu é ka kel kuza más inportanti (6)
  - ‘N gosta di faze bu vontadi’ (8)
41
- Orason di un algen duenti ki sta na kama
  - Deus ta djuda kes algen duenti (3)
  - Un bon amigu bira traidor (9)
42
- Lova Deus ki é kel Grandiozu Salvador
  - Ku vontadi di sirbi Deus sima un kórsa ki tene sedi di agu (1, 2)
  - “Pamodi ki N sta dizusperadu?” (5, 11)
  - “N ta spera na Deus” (5, 11)
43
- Deus é juís i el ta salva algen
  - ‘Manda bu lus i bu verdadi’ (3)
  - “Pamodi ki N sta dizusperadu?” (5)
  - “N ta spera na Deus” (5)
44
- Orason pa pidi ajuda
  - “É bo ki salva-nu” (7)
  - “Sima ovelhas ki sta ba matadu” (22)
  - “Labanta i ben djuda-nu!” (26)
45
- Kazamentu di kel rei ki Deus skodje
  - Palavras sábi (2)
  - “Deus é bu tronu pa tudu ténpu” (6)
  - Rei ta dizeja beléza di se noiva (11)
  - Kes fidju di rei ta ben ser prínsipi na téra interu (16)
46
- “Deus é nos proteson”
  - Kes kuza grandi ki Deus faze (8)
  - Deus ta ben kaba ku géra na téra interu (9)
47
- Deus é Rei di téra interu
  - ‘Jeová ta poi algen ta fika dimiradu’ (2)
  - Kanta pa lova Deus (6, 7)
48
- Sion é sidadi di kel Grandiozu Rei
  - El é alegria di téra interu (2)
  - Djobe pa sidadi i pa ses tori (11-13)
49
- É tolisi kunfia na rikéza
  - Ninhun di es ka ta pode salva kunpanheru (7, 8)
  - Deus ta resgata algen di Sipultura (15)
  - Rikéza ka ta pode salva algen di mórti (16, 17)
50
- Deus ta julga kes algen lial i kes algen mau
  - Kontratu ku Deus através di sakrifisiu (5)
  - “Deus é Juís” (6)
  - Tudu animal é di Deus (10, 11)
  - Deus ta fla kes kuza ki algen mau ta faze (16-21)
51
- Orason di un algen ki rapende
  - Mi é pekador désdi bariga di nha mai (5)
  - “Purifika-m di nha pekadu” (7)
  - “Da-m un korason puru” (10)
  - Un korason dizanimadu ta agrada Deus (17)
52
- Kunfia na amor lial di Deus
  - Avizu pa kes ki ta ingaba di kuzas mariadu (1-5)
  - Kes algen mau ta kunfia na rikéza (7)
53
- Manera ki kes algen tolu ta konporta
  - “Jeová ka ta izisti” (1)
  - “Ninhun di es ka sta faze kuzas dretu” (3)
54
- Orason pa pidi ajuda na meiu di inimigus
  - “Deus é kel ki ta djuda-m” (4)
55
- Orason kantu un amigu trai-l
  - Un bon amigu insulta-l (12-14)
  - “Lansa bu karga riba di Jeová” (22)
56
- Orason duránti pirsigison
  - “N ta poi nha kunfiansa na Deus” (4)
  - “Djunta nhas lágua na bu bólsa di péli” (8)
  - “Kuzê ki un sinplis ómi pode faze-m?” (4, 11)
57
- Un pididu di ajuda
  - Proteson baxu di aza di Deus (1)
  - Inimigus kai na ses própi armadilha (6)
58
- Ten un Deus ki ta julga téra
  - Orason pa kastiga kes algen mau (6-8)
59
- Deus é un skudu i un proteson
  - ‘Ka bu ten péna di kes traidor’ (5)
  - “N ta ben kanta sobri bu forsa” (16)
60
- Deus ta domina inimigus
  - Salvason ki ta ben di ómi ka ten valor (11)
  - “Deus ta ben da-nu forsa” (12)
61
- Deus é un tori fórti ki ta proteje-nu di inimigu
  - “N ta ben fika na bu ténda” (4)
62
- Salvason di verdadi ta ben di Deus
  - ‘N ta spera na Deus kaladu’ (1, 5)
  - ‘Nhos konta Deus tudu kel ki sta na nhos korason’ (8)
  - Pesoas é sô un folgu (9)
  - Ka nhos kunfia na rikéza (10)
63
- Un dizeju fórti pa sirbi Deus
  - “Bu amor lial é midjór di ki vida” (3)
  - “N sta fartu pamodi bu ta da-m kel midjór párti” (5)
  - N ta pensa na Deus duránti noti (6)
  - ‘N ta pega na Deus’ (8)
64
- Proteson kóntra kes ki ta ataka sukundidu
  - “Deus ta ben da-s ku un flexa” (7)
65
- Deus ta kuida di téra
  - ‘Deus é kel ki ta obi orason’ (2)
  - “Filís é kel algen ki bu ta skodje” (4)
  - Deus ta da txeu kuza bon (11)
66
- Kes kuza bunitu ki Deus faze ki ta dexa-nu dimiradu
  - “Nhos ben i nhos odja kes óbra di Deus” (5)
  - “N ta ben kunpri kes votu ki N faze-u” (13)
  - Deus ta obi orason (18-20)
67
- Na tudu párti di téra pesoas ta ben ten grandi ruspetu pa Deus
  - Kaminhu di Deus ta ben konxedu (2)
  - ‘Pa tudu kes povu lova Deus’ (3, 5)
  - “Deus, ta ben abensua-nu” (6, 7)
68
- ‘Pa inimigus di Deus spadjadu’
  - Deus é “pai di kes órfon” (5)
  - Deus ta da kes algen ki sta es sô un lugar pa es mora (6)
  - Kes mudjer ki ta pâpia di notísias sábi (11)
  - “Bu toma ómis pa es ser sima prezenti” (18)
  - ‘Tudu dia Jeová ta karega nos karga’ (19)
69
- Orason pa pidi salvason
  - “Zelu ki N ten pa bu kaza ta kema déntu di mi” (9)
  - “Responde-m faxi” (17)
  - “Es da-m vinagri pa N bebe” (21)
70
- Un pididu urjenti pa ajuda
  - “Ben faxi i djuda-m” (5)
71
- Kunfiansa di kes algen di idadi
  - Kunfiansa na Deus désdi jóven (5)
  - “Óras ki forsa falta-m” (9)
  - ‘Deus inxina-m désdi nha juventudi’ (17)
72
- Pas duránti kel govérnu di kel rei ki Deus skodje
  - “Algen justu ta ben bira txeu” (7)
  - Kes ki el ta governa ta ben sta di un pónta di mar ti kel otu (8)
  - El ta libra-s di violénsia (14)
  - Kumida avontádi na téra (16)
  - Nómi di Deus ta lovadu pa tudu ténpu (19)
73
- Un sérvu di Deus ta koriji se manera di pensa
  - “Nha pé staba kuazi ta disvia” (2)
  - “Dia interu N ta staba ku prubléma” (14)
  - ‘Ti ki N entra na santuáriu di Deus’ (17)
  - Kes algen mau sta na txon ki ta skorega (18)
  - Txiga pértu di Deus é bon (28)
74
- Orason pa Deus lenbra di se povu
  - Es lenbra di kes kuza ki Deus faze pa salva ses sérvu (12-17)
  - “Lenbra modi ki bu inimigu insulta-u” (18)
75
- Deus ta julga ku justisa
  - Kes algen mau ta bebe na kópu di Jeová (8)
76
- Deus vense kes inimigu di Sion
  - Deus ta salva kes algen mansu (9)
  - Kes inimigu orgulhozu ta umilhadu (12)
77
- Orason na ténpu di frónta
  - Midita na kes óbra di Deus (11, 12)
  - ‘Ken ki é grandi sima bo, ó Deus?’ (13)
78
- Deus kuida di se povu i Israel mostra falta di fé
  - Konta kel jerason ki sta pa ben kes kuza ki Jeová faze (2-8)
  - “Es ka poi fé na Deus” (22)
  - “Serial di séu” (24)
  - “Es poi kel Santu di Israel ta xinti tristi” (41)
  - Di Ijitu ti kel téra ki Deus prometeba es (43-55)
  - ‘Es kontinua ta dizafia Deus’ (56)
79
- Orason kantu kes nason ataka povu di Deus
  - ‘Es goza ku nos’ (4)
  - ‘Djuda-nu pamodi bu nómi’ (9)
  - “Kastiga nos vizinhu 7 bês más” (12)
80
- Es pidi pa Pastor di Israel torna seta se povu
  - “Ó Deus, seta-nu otu bês” (3)
  - Israel é sima pé di uva di Deus (8-15)
81
- Un avizu pa obi ku Deus
  - Ka nhos adora deus falsu (9)
  - ‘Si peloménus nhos obiba’ (13)
82
- Un pididu pa julga ku justisa
  - Deus ta julga na meiu di “kes deus” (1)
  - “Nhos difende kes algen koitadu” (3)
  - “Anhos é deus” (6)
83
- Orason kantu inimigus amiasa povu di Deus
  - “Ó Deus, ka bu fika kaladu” (1)
  - Inimigus é sima planta séku (13)
  - Nómi di Deus é Jeová (18)
84
- Gana di bai pa kel lugar bunitu ki Deus ta mora
  - Un levita ku gana di bira sima un pasu (3)
  - “Un dia na bus pátiu” (10)
  - “Deus é sol i skudu” (11)
85
- Orason pa Deus torna seta se povu
  - Deus ta ben pâpia di pas pa kes ki é lial (8)
  - Amor lial i lialdadi ta ben inkontra (10)
86
- Ka ten Deus sima Jeová
  - Jeová sta sénpri prontu pa púrdua (5)
  - Tudu nason ta ben adora Jeová (9)
  - ‘Inxina-m anda na bu kaminhu’ (11)
  - “Da-m un korason konplétu” (11)
87
- Sion é sidadi di Deus verdaderu
  - Kes ki nase na Sion (4-6)
88
- Orason pa libradu di mórti
  - “N sta kuazi ta bai pa Sipultura” (3)
  - ‘Tudu dia di palmanhan N ta ora pa bo’ (13)
89
- Kanta sobri amor lial di Jeová
  - Kontratu ku Davidi (3)
  - Kes disendenti di Davidi ta dura pa tudu ténpu (4)
  - Kel skodjedu di Deus ta txoma-L di “Pai” (26)
  - Kontratu ku Davidi ta kunpri sen falta (34-37)
  - Ningen ka ta pode skapa di Sipultura (48)
90
- Deus ta vive pa tudu ténpu i vida di algen é kurtu
  - Mil anu é sima onti ki pasa (4)
  - Algen ta vive 70 ti 80 anu (10)
  - “Inxina-nu modi ki nu ta konta nos dia” (12)
91
- Proteson na kel lugar sukundidu di Deus
  - Deus ta libra algen di armadilha di kasador di pasu (3)
  - Proteson dibaxu di aza di Deus (4)
  - Sikrê milharis kai, nada ka ta txiga na bo (7)
  - Anjus ta mandadu pa da proteson (11)
92
- Jeová sta na un puzison más altu pa tudu ténpu
  - Ses óbra é grandi i ses pensamentu é profundu (5)
  - ‘Kes algen justu ta ben bira txeu sima arvi’ (12)
  - Kes algen di idadi ta kontinua ta da frutu (14)
93
- Govérnu di Jeová ta dexa algen dimiradu
  - “Jeová dja bira Rei!” (1)
  - ‘Bus avizu é di kunfiansa’ (5)
94
- Un orason pa Deus faze vingansa
  - “Ti ki ténpu ki algen mau ta kontinua?” (3)
  - Koreson di Jeová ta traze alegria (12)
  - Deus ka ta dexa se povu dizanparadu (14)
  - “Es ta uza lei pa ranja prubléma” (20)
95
- Obidiensa ta faze párti di adorason verdaderu
  - “Oji, si nhos obi se vós” (7)
  - “Ka nhos bira nhos korason duru” (8)
  - “Es ka ta ben entra na nha diskansu” (11)
96
- “Nhos kanta un kántiku novu pa Jeová”
  - Jeová merese tudu lovor (4)
  - Kes deus di kes otu povu ka ta sirbi pa nada (5)
  - Adora Jeová bistidu ku ropa santu (9)
97
- Jeová sta na un puzison más altu di ki kes otu deus
  - “Jeová dja bira Rei!” (1)
  - Ama Jeová i ôdia kel ki é mau (10)
  - Lus pa kes algen justu (11)
98
- Jeová é Salvador i kel Juís justu
  - Jeová dexa pesoas sabe ma el ta da salvason (2, 3)
99
- Jeová é kel Rei santu
  - El sta xintadu na se tronu riba di kes kerubin (1)
  - Un Deus ki ta púrdua i ki ta kastiga (8)
100
- Agradese Kriador
  - “Nhos sirbi Jeová ku alegria” (2)
  - ‘É Deus ki faze-nu’ (3)
101
- Un governanti lial
  - ‘N ka ta ben tolera algen orgulhozu’ (5)
  - ‘N ta ben da valor pa kes algen ki é fiel’ (6)
102
- Orason di un algen ki sta frontadu i dizusperadu
  - “N sta sima un pasu ki sta el sô” (7)
  - “Nha vida é sima sónbra ki ta dizaparse” (11)
  - “Jeová ta ben konpo Sion” (16)
  - Jeová ta kontinua pa tudu ténpu (26, 27)
103
- “N ta lova Jeová”
  - Deus ta poi nos pekadu lonji di nos (12)
  - Deus ten mizerikórdia di nos sima un pai (13)
  - Deus ta lenbra ma nos é di téra (14)
  - Tronu di Jeová i se govérnu (19)
  - Anjus ta kunpri palavra di Deus (20)
104
- Lova Deus pa kes kuza bunitu ki el faze
  - Téra ta kontinua pa tudu ténpu (5)
  - Vinhu i pon pa ómi (15)
  - “Bu faze txeu trabadju!” (24)
  - ‘Óras ki bu tra-s folgu, es ta móre’ (29)
105
- Kes kuza ki Jeová faze pa se povu ta mostra ma el é fiel
  - Deus ta lenbra di se kontratu (8-10)
  - “Ka nhos toka na kes ki N skodje” (15)
  - Deus uza Juzé kantu el éra skravu (17-22)
  - Kes milagri ki Deus faze na Ijitu (23-36)
  - Povu di Israel sai di Ijitu (37-39)
  - Deus lenbra di kel promésa ki el faze pa Abraon (42)
106
- Israelitas ka mostra gratidon
  - Es skese faxi di kes kuza ki Deus faze (13)
  - Envês di da glória pa Deus, es adora imajen di un toru (19, 20)
  - Es ka tinha fé na promésa di Deus (24)
  - Es kumesa ta adora Baal (28)
  - Es sakrifika ses fidju pa Baal (37)
107
- Nhos agradese Jeová pa kes kuza bunitu ki el faze
  - El gia-s na kaminhu sértu (7)
  - El da-s agu i kumida (9)
  - El tra-s di sukuru (14)
  - El manda se palavra pa kura-s (20)
  - El ta proteje kes algen póbri di frónta (41)
108
- Un orason ta pidi pa vense kes inimigu
  - Ka bale péna spera pa salvason ki ta ben di ómi (12)
  - “Deus ta ben da-nu forsa” (13)
109
- Orason di un ómi dizanimadu
  - “Pa otu algen toma se lugar” (8)
  - Deus ta difende algen póbri (31)
110
- Un rei i saserdóti sima Melkizedeki
  - ‘Governa na meiu di bus inimigu’ (2)
  - Kes jóven ki ta ben djuda di livri vontadi é sima gótas di orbadju (3)
111
- Lova Jeová pa kes kuza grandi ki el faze
  - Nómi di Deus é santu i el ta poi algen ta ten grandi ruspetu (9)
  - Grandi ruspetu pa Jeová é sabedoria (10)
112
- Algen justu ten grandi ruspetu pa Jeová
  - Algen ki gosta di inprista ken ki meste é filís (5)
  - “Algen justu ta ben lenbradu di el pa tudu ténpu” (6)
  - Algen ki gosta di da ta dividi ses kuza ku póbri (9)
113
- Deus ki sta na séu ta labanta kes koitadu
  - Nómi di Jeová ta lovadu pa tudu ténpu (2)
  - Deus ta inbaxa (6)
114
- Israel libertadu di Ijitu
  - Mar dividi na dôs (5)
  - Monti salta sima karneru (6)
  - Rótxa ta bira na fontis di agu (8)
115
- É sô Deus ki merese glória
  - Kes imajen ka ten vida (4-8)
  - Deus da-nu téra (16)
  - “Algen mortu ka ta lova Jeová” (17)
116
- Un kántiku pa agradese
  - “Modi ki N ta paga Jeová?” (12)
  - “N ta ben labanta kópu di salvason” (13)
  - “N ta ben kunpri nhas votu ki N faze pa Jeová” (14, 18)
  - Jeová ta xinti txeu dór óras ki ses sérvu lial ta móre (15)
117
- Tudu nason txomadu pa lova Jeová
  - Amor lial di Deus é grandi (2)
118
- Agradese Jeová pa vitória ki el da
  - ‘N txoma Jeová i el responde-m’ (5)
  - “Jeová sta di nha ladu” (6, 7)
  - Kel pédra ki negadu bira kel pédra prinsipal di kantu (22)
  - ‘Kel ki ta ben na nómi di Jeová’ (26)
119
- Gratidon pa valor di palavra di Deus
  - ‘Modi ki jóvens pode kontinua puru na ses kaminhu?’ (9)
  - “N gosta txeu di bus avizu” (24)
  - “Bu palavra é nha speransa” (74, 81, 114)
  - “Fórti N ta ama bu lei!” (97)
  - “N ten más intendimentu di ki tudu nhas méstri” (99)
  - “Bu palavra é un lánpida pa nha pé” (105)
  - ‘Tudu bu palavra é verdadi’ (160)
  - Kes algen ki ta ama bu lei ta ten pas (165)
120
- Un stranjeru ta dizeja pas
  - ‘Salva-m di língua falsu’ (2)
  - “N krê pas” (7)
121
- Jeová ta proteje se povu
  - “Nha ajuda ta ben di Jeová” (2)
  - Jeová nunka ka ta durmi (3, 4)
122
- Orason pa Jiruzalen ten pas
  - Alegria di bai pa kaza di Jeová (1)
  - Un sidadi ku kaza pegadu na kunpanheru (3)
123
- Ta djobe mizerikórdia di Jeová
  - ‘Sima skravu, nu ta odja pa Jeová’ (2)
  - “Nu sta kansadu di kes algen ki ta dispreza-nu” (3)
124
- “Si Jeová ka staba ku nos”
  - Nu skapa di kel armadilha ki kebra (7)
  - “Nos ajuda sta na nómi di Jeová” (8)
125
- Jeová ta proteje se povu
  - “Sima kes monti ki sta na vólta di Jiruzalen” (2)
  - “Pa ten pas na Israel” (5)
126
- Alegria kantu kes ki staba prézu volta pa Sion
  - “Jeová faze kuzas grandi pa nos” (3)
  - Di txoru pa alegria (5, 6)
127
- Sen Deus, nada ka bale péna
  - “Si Jeová ka faze kaza” (1)
  - Fidju é un eransa di Deus (3)
128
- Filís é kes ki ten grandi ruspetu pa Jeová
  - Un mudjer sima un pé di uva ki ta da txeu uva (3)
  - ‘Pa bu odja kuzas ta kóre dretu na Jiruzalen’ (5)
129
- El atakadu, má el ka vensedu
  - Kes algen ki ta ôdia Sion fika na vergónha (5)
130
- “N ta txoma-u pamodi N sta dizusperadu”
  - “Si bu ta djobeba pa nos fadja” (3)
  - Jeová ta púrdua di verdadi (4)
  - “N sta spera ku gana pa Jeová ben djuda-m” (6)
131
- Kontenti sima un mininu pikinoti
  - “N ka sta djobe kuzas grandi dimás” (1)
132
- Deus skodje Davidi i Sion
  - “Ka bu nega kel algen ki bu skodje” (10)
  - Deus ta ben salva kes saserdóti di Sion (16)
133
- Ta vive djuntu i unidu
  - Sima óliu na kabésa di Aron (2)
  - Sima orbadju di monti Ermon (3)
134
- Ta lova Deus duránti noti
  - “Nhos debe ser santu óras ki nhos ta labanta nhos mô pa faze orason” (2)
135
- Nhos lova Jeová pamodi se grandéza
  - Txeu milagri i kuzas grandi kóntra Ijitu (8, 9)
  - “Bu nómi ta dura pa tudu ténpu” (13)
  - Kes imajen ka ten vida (15-18)
136
- Amor lial di Jeová ta dura pa tudu ténpu
  - Deus faze séu ku téra ku sabedoria (5, 6)
  - Faraó móre na mar Brumedju (15)
  - Deus ta lenbra di kes algen dizanimadu (23)
  - El ta da tudu se kriason kumida (25)
137
- Djuntu di kes riu di Babilónia
  - Ka kantadu ninhun kántiku di Sion (3, 4)
  - Babilónia ta ser distruídu (8)
138
- Deus sta na un puzison altu, má el ta preokupa ku algen
  - ‘Bu responde nha orason’ (3)
  - ‘Sikrê na prigu, bu salva-m’ (7)
139
- Deus konxe ses sérvu dretu
  - Ka ta da pa skapa di spritu di Deus (7)
  - “N fazedu di manera spetakular” (14)
  - ‘Bu odja-m kantu N staba na bariga di nha mai’ (16)
  - “Gia-m na kaminhu ki ta dura pa tudu ténpu” (24)
140
- Jeová é nha Salvador Poderozu
  - Kes ómi mau é sima kóbra (3)
  - Kes ómi violéntu ta kabadu ku es (11)
141
- Orason ta pidi proteson
  - “Pa nha orason ser sima insénsu” (2)
  - Koreson di algen justu é sima óliu (5)
  - Kes algen mau ta kai na ses própi armadilha (10)
142
- Orason pa libradu di kes pirsigidor
  - “N ka ten pa undi fuji” (4)
  - “Abo é tudu kel ki N ten” (5)
143
- Ku sedi di Deus sima un téra séku
  - ‘N ta pensa na bu trabadju’ (5)
  - “Inxina-m faze bu vontadi” (10)
  - “Gia-m ku bu spritu” (10)
144
- Orason pa pidi vitória
  - “Kuzê ki é ómi?” (3)
  - “Spadja nhas inimigu” (6)
  - Povu di Jeová é filís (15)
145
- Lova Deus, kel grandi Rei
  - ‘N ta ben pâpia di grandéza di Deus’ (6)
  - “Jeová é bon ku tudu kriatura” (9)
  - “Kes ki é lial pa bo ta ben lova-u” (10)
  - Reinu di Deus ta dura pa tudu ténpu (13)
  - Mô di Deus ta realiza dizeju di tudu kuza bibu (16)
146
- Ka bu kunfia na ómi, má kunfia na Deus
  - Óras ki un algen móre, el ta para di pensa (4)
  - Deus ta labanta kes ki sta xeiu di prubléma (8)
147
- Lova Deus pa se amor i ses óbra poderozu
  - El ta kura kes ki tene korason kebradu (3)
  - El ta txoma tudu stréla pa ses nómi (4)
  - El ta poi névi ta kai sima lan (16)
148
- Pa tudu kriason lova Jeová
  - “Tudu ses anju, nhos lova-l” (2)
  - ‘Sol, lua i stréla, nhos lova-l’ (3)
  - Jóvens ku algen di idadi debe lova Deus (12, 13)
149
- Un kántiku pa lova vitória di Deus
  - Deus ta fika kontenti ku se povu (4)
  - Sérvus lial di Deus ta ten ónra (9)
150
- Pa tudu kuza ki ta da folgu lova Jeová
  - Aleluia! (1, 6)