ലേവ്യ

1 യഹോവ മോശയെ വിളിച്ച്‌ സാന്നിധ്യകൂടാരത്തിൽനിന്ന്‌*+ അവനോ​ടു പറഞ്ഞു: 2 “ഇസ്രായേ​ല്യരോ​ടു പറയുക: ‘നിങ്ങളിൽ ആരെങ്കി​ലും വളർത്തു​മൃ​ഗ​ങ്ങ​ളിൽനിന്ന്‌ യഹോ​വ​യ്‌ക്കു യാഗം അർപ്പി​ക്കുന്നെ​ങ്കിൽ അതു കന്നുകാ​ലി​ക​ളിൽനി​ന്നോ ആട്ടിൻപ​റ്റ​ത്തിൽനി​ന്നോ ആയിരി​ക്കണം.+

3 “‘ദഹനയാ​ഗം കന്നുകാ​ലി​ക​ളിൽനി​ന്നു​ള്ള​താണെ​ങ്കിൽ അതു ന്യൂന​ത​യി​ല്ലാത്ത ആണായി​രി​ക്കണം.+ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽവെച്ച്‌ അവൻ അതു സ്വമനസ്സാലെ+ യഹോ​വ​യു​ടെ സന്നിധി​യിൽ അർപ്പി​ക്കണം. 4 അവൻ ദഹനയാ​ഗ​ത്തി​നുള്ള മൃഗത്തി​ന്റെ തലയിൽ കൈ വെക്കണം. അങ്ങനെ അത്‌ അവന്റെ പാപപ​രി​ഹാ​ര​ത്തി​നാ​യി അവന്റെ പേരിൽ സ്വീക​രി​ക്കും.

5 “‘പിന്നെ കാളക്കു​ട്ടി​യെ യഹോ​വ​യു​ടെ സന്നിധി​യിൽവെച്ച്‌ അറുക്കണം. എന്നിട്ട്‌, അഹരോ​ന്റെ പുത്ര​ന്മാ​രായ പുരോഹിതന്മാർ+ രക്തം കൊണ്ടു​വന്ന്‌ സാന്നി​ധ്യ​കൂ​ടാ​ര​ത്തി​ന്റെ പ്രവേ​ശ​ന​ക​വാ​ട​ത്തി​ലുള്ള യാഗപീ​ഠ​ത്തി​ന്റെ എല്ലാ വശങ്ങളി​ലും തളിക്കണം.+ 6 ദഹനയാഗമൃഗത്തെ തോലു​രിച്ച്‌ കഷണങ്ങ​ളാ​ക്കണം.+ 7 അഹരോന്റെ പുത്ര​ന്മാ​രായ പുരോ​ഹി​ത​ന്മാർ, യാഗപീ​ഠ​ത്തിൽ തീ ഇട്ട്‌+ തീയുടെ മുകളിൽ വിറക്‌ അടുക്കണം. 8 അഹരോന്റെ പുത്ര​ന്മാ​രായ പുരോ​ഹി​ത​ന്മാർ ദഹനയാ​ഗ​മൃ​ഗ​ത്തി​ന്റെ കഷണങ്ങൾ തലയും കൊഴുപ്പും* സഹിതം യാഗപീ​ഠ​ത്തി​ലെ തീയുടെ മുകളി​ലുള്ള വിറകിൽ അടുക്കിവെ​ക്കണം.+ 9 അതിന്റെ കുടലു​ക​ളും കണങ്കാ​ലു​ക​ളും വെള്ളം​കൊ​ണ്ട്‌ കഴുകണം. പുരോ​ഹി​തൻ അവയെ​ല്ലാം ഒരു ദഹനയാ​ഗ​മാ​യി യാഗപീ​ഠ​ത്തിൽ വെച്ച്‌ പുക ഉയരും​വി​ധം ദഹിപ്പി​ക്കണം. യഹോ​വയെ പ്രസാദിപ്പിക്കുന്ന* സുഗന്ധ​മാ​യി അഗ്നിയിൽ അർപ്പി​ക്കുന്ന യാഗമാ​ണ്‌ ഇത്‌.+

10 “‘ഒരു ആടി​നെ​യാ​ണു ദഹനയാ​ഗ​മാ​യി അർപ്പി​ക്കു​ന്നതെ​ങ്കിൽ,+ അത്‌ ഇളം​പ്രാ​യ​ത്തി​ലുള്ള ചെമ്മരി​യാ​ടോ കോലാ​ടോ ആകട്ടെ, ന്യൂന​ത​യി​ല്ലാത്ത ആണായി​രി​ക്കണം.+ 11 അതിനെ യാഗപീ​ഠ​ത്തി​ന്റെ വടക്കു​വ​ശ​ത്തുവെച്ച്‌ യഹോ​വ​യു​ടെ സന്നിധി​യിൽ അറുക്കണം. അഹരോ​ന്റെ പുത്ര​ന്മാ​രായ പുരോ​ഹി​ത​ന്മാർ അതിന്റെ രക്തം യാഗപീ​ഠ​ത്തി​ന്റെ എല്ലാ വശങ്ങളി​ലും തളിക്കു​ക​യും വേണം.+ 12 പുരോഹിതൻ അതിനെ മുറിച്ച്‌ കഷണങ്ങ​ളാ​ക്കണം. എന്നിട്ട്‌ അവ യാഗപീ​ഠ​ത്തി​ലെ തീയുടെ മുകളി​ലുള്ള വിറകിൽ തലയും കൊഴുപ്പും* സഹിതം അടുക്കിവെ​ക്കണം. 13 അതിന്റെ കുടലു​ക​ളും കണങ്കാ​ലു​ക​ളും വെള്ളം​കൊ​ണ്ട്‌ കഴുകി​യിട്ട്‌ അവയെ​ല്ലാം കൊണ്ടു​വന്ന്‌ യാഗപീ​ഠ​ത്തിൽ വെച്ച്‌ ദഹിപ്പി​ക്കണം.* യഹോ​വയെ പ്രസാ​ദി​പ്പി​ക്കുന്ന സുഗന്ധ​മാ​യി അഗ്നിയിൽ അർപ്പി​ക്കുന്ന ദഹനയാ​ഗ​മാണ്‌ ഇത്‌.

14 “‘അതേസ​മയം, പക്ഷിക​ളിൽനി​ന്നാണ്‌ യഹോ​വ​യ്‌ക്കു ദഹനയാ​ഗം അർപ്പി​ക്കു​ന്നതെ​ങ്കിൽ, അതു ചെങ്ങാ​ലിപ്രാ​വോ നാട്ടുപ്രാവിൻകുഞ്ഞോ+ ആയിരി​ക്കണം. 15 പുരോഹിതൻ അതിനെ യാഗപീ​ഠ​ത്തിലേക്കു കൊണ്ടു​വന്ന്‌ അതിന്റെ കഴുത്തു മുറിച്ച്‌ യാഗപീ​ഠ​ത്തിൽ വെച്ച്‌ ദഹിപ്പി​ക്കണം. എന്നാൽ അതിന്റെ രക്തം യാഗപീ​ഠ​ത്തി​ന്റെ വശത്തു​കൂ​ടെ ഒഴുക്കി​ക്ക​ള​യണം. 16 അവൻ അതിന്റെ കണ്‌ഠ​സ​ഞ്ചി​യും തൂവലും നീക്കം ചെയ്‌ത്‌ അവ യാഗപീ​ഠ​ത്തിന്‌ അരികെ കിഴക്കു​വ​ശത്ത്‌, ചാരം*+ ഇടുന്ന സ്ഥലത്തേക്ക്‌ എറിയണം. 17 അവൻ അതിനെ ചിറകി​ന്റെ ഭാഗത്ത്‌ പിളർക്കണം. എന്നാൽ രണ്ടു ഭാഗമാ​യി വേർപെ​ടു​ത്ത​രുത്‌. പിന്നെ പുരോ​ഹി​തൻ അതിനെ യാഗപീ​ഠ​ത്തിൽ, തീയുടെ മുകളി​ലുള്ള വിറകി​ന്മേൽ വെച്ച്‌ ദഹിപ്പി​ക്കണം. യഹോ​വയെ പ്രസാ​ദി​പ്പി​ക്കുന്ന സുഗന്ധ​മാ​യി അഗ്നിയിൽ അർപ്പി​ക്കുന്ന ദഹനയാ​ഗ​മാണ്‌ ഇത്‌.

2 “‘ആരെങ്കി​ലും യഹോ​വ​യ്‌ക്ക്‌ ഒരു ധാന്യയാഗം+ അർപ്പി​ക്കുന്നെ​ങ്കിൽ, ആ യാഗം നേർത്ത ധാന്യപ്പൊ​ടി​യാ​യി​രി​ക്കണം. അതിനു മുകളിൽ എണ്ണ ഒഴിക്കു​ക​യും കുന്തി​രി​ക്കം ഇടുക​യും വേണം.+ 2 പിന്നെ അവൻ അത്‌ അഹരോ​ന്റെ പുത്ര​ന്മാ​രായ പുരോ​ഹി​ത​ന്മാ​രു​ടെ അടുത്ത്‌ കൊണ്ടു​വ​രും. പുരോ​ഹി​തൻ അതിൽനി​ന്ന്‌ ഒരു കൈ നിറയെ ധാന്യപ്പൊ​ടി​യും എണ്ണയും അതിലെ കുന്തി​രി​ക്കം മുഴു​വ​നും എടുക്കും. എന്നിട്ട്‌, ആ മുഴുവൻ യാഗത്തിന്റെ​യും പ്രതീകമായി*+ അതു യാഗപീ​ഠ​ത്തിൽ വെച്ച്‌ ദഹിപ്പി​ക്കും.* ഇത്‌ യഹോ​വയെ പ്രസാദിപ്പിക്കുന്ന* സുഗന്ധ​മാ​യി അഗ്നിയിൽ അർപ്പി​ക്കുന്ന യാഗം. 3 ധാന്യയാഗത്തിൽ ശേഷി​ക്കു​ന്നതെ​ല്ലാം അഹരോ​നും പുത്ര​ന്മാർക്കും ഉള്ളതാ​യി​രി​ക്കും.+ അത്‌ അഗ്നിയിൽ യഹോ​വ​യ്‌ക്ക്‌ അർപ്പി​ക്കുന്ന യാഗങ്ങ​ളിൽനി​ന്നുള്ള ഏറ്റവും വിശു​ദ്ധ​മായ ഭാഗമാ​ണ്‌.+

4 “‘അടുപ്പിൽ ചുട്ടെ​ടു​ത്ത​താ​ണു ധാന്യ​യാ​ഗ​മാ​യി അർപ്പി​ക്കു​ന്നതെ​ങ്കിൽ അത്‌ ഒന്നുകിൽ നേർത്ത ധാന്യപ്പൊ​ടികൊണ്ട്‌, എണ്ണ ചേർത്ത്‌ വളയാ​കൃ​തി​യിൽ ഉണ്ടാക്കിയ പുളിപ്പില്ലാത്ത* അപ്പമാ​യി​രി​ക്കണം. അല്ലെങ്കിൽ, കനം കുറച്ച്‌ മൊരിച്ചെ​ടുത്ത, എണ്ണ പുരട്ടിയ പുളി​പ്പി​ല്ലാത്ത അപ്പമാ​യി​രി​ക്കണം.+

5 “‘അപ്പക്കല്ലിൽ ഉണ്ടാക്കി​യ​താ​ണു ധാന്യ​യാ​ഗ​മാ​യി കൊണ്ടുവരുന്നതെങ്കിൽ+ അത്‌ എണ്ണ ചേർത്ത, നേർത്ത, പുളി​പ്പി​ല്ലാത്ത മാവുകൊ​ണ്ടു​ള്ള​താ​യി​രി​ക്കണം. 6 അതു നുറുക്കി കഷണങ്ങ​ളാ​ക്കി​യിട്ട്‌ അതിനു മുകളിൽ എണ്ണ ഒഴിക്കണം.+ ഇത്‌ ഒരു ധാന്യ​യാ​ഗ​മാണ്‌.

7 “‘ചട്ടിയിൽ തയ്യാറാ​ക്കി​യ​താ​ണു ധാന്യ​യാ​ഗ​മാ​യി കൊണ്ടു​വ​രു​ന്നതെ​ങ്കിൽ അതു നേർത്ത ധാന്യപ്പൊ​ടി​യും എണ്ണയും ഉപയോ​ഗിച്ച്‌ ഉണ്ടാക്കി​യ​താ​യി​രി​ക്കണം. 8 ഇങ്ങനെ ഉണ്ടാക്കി​യതു ധാന്യ​യാ​ഗ​മാ​യി യഹോ​വ​യു​ടെ മുന്നിൽ കൊണ്ടു​വ​രുമ്പോൾ അതു പുരോ​ഹി​തനെ ഏൽപ്പി​ക്കണം. അവൻ അതു യാഗപീ​ഠ​ത്തിന്‌ അടു​ത്തേക്കു കൊണ്ടു​വ​രണം. 9 പുരോഹിതൻ ധാന്യ​യാ​ഗ​ത്തിൽനിന്ന്‌ കുറച്ച്‌ എടുത്ത്‌ മുഴുവൻ യാഗത്തിന്റെ​യും ഒരു പ്രതീകമായി+ യാഗപീ​ഠ​ത്തിൽ വെച്ച്‌ ദഹിപ്പി​ക്കും. യഹോ​വയെ പ്രസാ​ദി​പ്പി​ക്കുന്ന സുഗന്ധ​മാ​യി അഗ്നിയിൽ അർപ്പി​ക്കുന്ന യാഗമാ​ണ്‌ ഇത്‌.+ 10 ധാന്യയാഗത്തിൽ മിച്ചമു​ള്ളതു മുഴുവൻ, അഗ്നിയിൽ യഹോ​വ​യ്‌ക്ക്‌ അർപ്പി​ക്കുന്ന യാഗങ്ങ​ളിൽനി​ന്നുള്ള ഏറ്റവും വിശു​ദ്ധ​മായ ഒന്നായി, അഹരോ​നും പുത്ര​ന്മാർക്കും ഉള്ളതാ​യി​രി​ക്കും.+

11 “‘നിങ്ങൾ യഹോ​വ​യ്‌ക്ക്‌ അർപ്പി​ക്കുന്ന ധാന്യ​യാ​ഗമൊ​ന്നും പുളി​ച്ച​താ​യി​രി​ക്ക​രുത്‌.+ ഒരുത​ര​ത്തി​ലു​മുള്ള പുളിച്ച മാവോ തേനോ അഗ്നിയിൽ യഹോ​വ​യ്‌ക്ക്‌ അർപ്പി​ക്കുന്ന യാഗമാ​യി നിങ്ങൾ ദഹിപ്പി​ക്കാൻ പാടില്ല.

12 “‘അവ ആദ്യഫലങ്ങളുടെ+ യാഗമാ​യി യഹോ​വ​യ്‌ക്ക്‌ അർപ്പി​ക്കാം. എന്നാൽ, പ്രസാ​ദി​പ്പി​ക്കുന്ന സുഗന്ധ​മാ​യി അവ യാഗപീ​ഠ​ത്തിൽ അർപ്പി​ക്ക​രുത്‌.

13 “‘നീ അർപ്പി​ക്കുന്ന ധാന്യ​യാ​ഗമെ​ല്ലാം ഉപ്പു ചേർത്ത​താ​യി​രി​ക്കണം. നിന്റെ ദൈവ​ത്തി​ന്റെ ഉടമ്പടി​യു​ടെ ഉപ്പു നിന്റെ ധാന്യ​യാ​ഗ​ത്തിൽ ഇല്ലാ​തെപോ​ക​രുത്‌. നിന്റെ എല്ലാ യാഗങ്ങ​ളുടെ​യും​കൂ​ടെ നീ ഉപ്പ്‌+ അർപ്പി​ക്കണം.

14 “‘നീ യഹോ​വ​യ്‌ക്ക്‌ അർപ്പി​ക്കുന്ന ധാന്യ​യാ​ഗം ആദ്യവി​ള​യിൽനി​ന്നാണെ​ങ്കിൽ, അതു പുതിയ ധാന്യ​മാ​യി​രി​ക്കണം. അതു തീയിൽ വറുത്ത്‌, തരിയാ​യി പൊടി​ക്കണം. ഇതായി​രി​ക്കണം നിന്റെ ആദ്യവിളയിൽനിന്നുള്ള+ ധാന്യ​യാ​ഗം. 15 നീ അതിന്റെ മുകളിൽ എണ്ണ ഒഴിച്ച്‌ കുന്തി​രി​ക്കം വെക്കണം. ഇത്‌ ഒരു ധാന്യ​യാ​ഗ​മാണ്‌. 16 തരിയായി പൊടിച്ച ധാന്യ​ത്തിൽ കുറച്ചും അൽപ്പം എണ്ണയും കുന്തി​രി​ക്കം മുഴു​വ​നും പുരോ​ഹി​തൻ, മുഴുവൻ യാഗത്തിന്റെ​യും പ്രതീകമായി+ ദഹിപ്പി​ക്കും. ഇത്‌ അഗ്നിയിൽ യഹോ​വ​യ്‌ക്ക്‌ അർപ്പി​ക്കുന്ന യാഗമാ​ണ്‌.

3 “‘ഒരാൾ സഹഭോജനബലി*+ അർപ്പി​ക്കുന്നെ​ന്നി​രി​ക്കട്ടെ. അവൻ യഹോ​വ​യു​ടെ മുമ്പാകെ അർപ്പി​ക്കു​ന്നതു കന്നുകാ​ലിയെ​യാണെ​ങ്കിൽ, അതു ന്യൂന​ത​യി​ല്ലാത്ത ആണോ പെണ്ണോ ആയിരി​ക്കണം. 2 യാഗമൃഗത്തിന്റെ തലയിൽ അവൻ കൈ വെക്കണം. തുടർന്ന്‌, അഹരോ​ന്റെ പുത്ര​ന്മാ​രായ പുരോ​ഹി​ത​ന്മാർ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽവെച്ച്‌ അതിനെ അറുത്ത്‌ യാഗപീ​ഠ​ത്തി​ന്റെ എല്ലാ വശങ്ങളി​ലും അതിന്റെ രക്തം തളിക്കണം. 3 സഹഭോജനബലിയുടെ ഒരു ഭാഗം അവൻ അഗ്നിയി​ലുള്ള യാഗമാ​യി യഹോ​വ​യ്‌ക്ക്‌ അർപ്പി​ക്കും.+ കുടലു​കളെ പൊതി​ഞ്ഞുള്ള കൊഴുപ്പും+ കുടലി​നു ചുറ്റു​മുള്ള മുഴുവൻ കൊഴു​പ്പും 4 രണ്ടു വൃക്കയും അവയുടെ മേൽ അരയ്‌ക്കു സമീപ​ത്തുള്ള കൊഴു​പ്പും ആണ്‌ ഇങ്ങനെ അർപ്പിക്കേ​ണ്ടത്‌. വൃക്കകളോടൊ​പ്പം കരളിന്മേ​ലുള്ള കൊഴു​പ്പും അവൻ എടുക്കും.+ 5 യാഗപീഠത്തിൽ, തീയുടെ മുകളിൽ വിറകി​നു മീതെ വെച്ചി​രി​ക്കുന്ന ദഹനയാ​ഗ​മൃ​ഗ​ത്തി​ന്മേൽ വെച്ച്‌ അഹരോ​ന്റെ പുത്ര​ന്മാർ അതു ദഹിപ്പി​ക്കും.*+ അത്‌ യഹോ​വയെ പ്രസാദിപ്പിക്കുന്ന* സുഗന്ധ​മാ​യി അഗ്നിയിൽ അർപ്പി​ക്കുന്ന യാഗമാ​ണ്‌.+

6 “‘സഹഭോ​ജ​ന​ബ​ലി​യാ​യി യഹോ​വ​യ്‌ക്ക്‌ അർപ്പി​ക്കുന്ന യാഗമൃ​ഗം ആട്ടിൻപ​റ്റ​ത്തിൽനി​ന്നാണെ​ങ്കിൽ, അതു ന്യൂന​ത​യി​ല്ലാത്ത ആണോ പെണ്ണോ ആകാം.+ 7 യാഗമായി കൊണ്ടു​വ​രു​ന്നത്‌ ഒരു ആൺചെ​മ്മ​രി​യാ​ട്ടിൻകു​ട്ടിയെ​യാ​ണെ​ങ്കിൽ, അവൻ അതിനെ യഹോ​വ​യു​ടെ മുമ്പാകെ അർപ്പി​ക്കണം. 8 യാഗമൃഗത്തിന്റെ തലയിൽ അവൻ കൈ വെക്കണം. ആ യാഗമൃ​ഗത്തെ സാന്നി​ധ്യ​കൂ​ടാ​ര​ത്തി​ന്റെ മുന്നിൽവെച്ച്‌ അറുക്കും. അഹരോ​ന്റെ പുത്ര​ന്മാർ യാഗപീ​ഠ​ത്തി​ന്റെ എല്ലാ വശങ്ങളി​ലും അതിന്റെ രക്തം തളിക്കണം. 9 സഹഭോജനബലിയിൽനിന്നുള്ള കൊഴു​പ്പ്‌ അവൻ അഗ്നിയി​ലുള്ള യാഗമാ​യി യഹോ​വ​യ്‌ക്ക്‌ അർപ്പി​ക്കും.+ കൊഴു​പ്പു നിറഞ്ഞ വാൽ അവൻ അപ്പാടേ നട്ടെല്ലി​ന്‌ അടുത്തു​വെച്ച്‌ മുറിച്ചെ​ടു​ക്കും. ഒപ്പം, കുടലു​കളെ പൊതി​ഞ്ഞുള്ള കൊഴു​പ്പും അവയ്‌ക്കു ചുറ്റു​മുള്ള മുഴുവൻ കൊഴു​പ്പും 10 രണ്ടു വൃക്കയും അവയുടെ മേൽ അരയ്‌ക്കു സമീപ​ത്തുള്ള കൊഴു​പ്പും അവൻ എടുക്കും. വൃക്കകളോടൊ​പ്പം കരളിന്മേ​ലുള്ള കൊഴു​പ്പും അവൻ എടുക്കും.+ 11 പുരോഹിതൻ അതു ഭക്ഷണമായി* യാഗപീ​ഠ​ത്തിൽ വെച്ച്‌ ദഹിപ്പി​ക്കും. യഹോ​വ​യ്‌ക്ക്‌ അഗ്നിയിൽ അർപ്പി​ക്കുന്ന ഒരു യാഗമാ​ണ്‌ ഇത്‌.+

12 “‘യാഗമൃ​ഗം ഒരു കോലാ​ടാണെ​ങ്കിൽ, അവൻ അതിനെ യഹോ​വ​യു​ടെ മുമ്പാകെ അർപ്പി​ക്കണം. 13 അതിന്റെ തലയിൽ അവൻ കൈ വെക്കും. ആ യാഗമൃ​ഗത്തെ സാന്നി​ധ്യ​കൂ​ടാ​ര​ത്തി​ന്റെ മുന്നിൽവെച്ച്‌ അറുക്കും. അഹരോ​ന്റെ പുത്ര​ന്മാർ യാഗപീ​ഠ​ത്തി​ന്റെ എല്ലാ വശങ്ങളി​ലും അതിന്റെ രക്തം തളിക്കണം. 14 അതിൽനിന്ന്‌ അഗ്നിയി​ലുള്ള യാഗമാ​യി യഹോ​വ​യ്‌ക്ക്‌ അർപ്പിക്കേ​ണ്ടത്‌ ഇതാണ്‌: കുടലു​കളെ പറ്റിയി​രി​ക്കുന്ന കൊഴു​പ്പും അവയ്‌ക്കു ചുറ്റു​മുള്ള മുഴുവൻ കൊഴുപ്പും+ 15 രണ്ടു വൃക്കയും അവയുടെ മേൽ അരയ്‌ക്കു സമീപ​ത്തുള്ള കൊഴു​പ്പും. വൃക്കകളോടൊ​പ്പം കരളിന്മേ​ലുള്ള കൊഴു​പ്പും അവൻ എടുക്കും. 16 പുരോഹിതൻ അവ ഭക്ഷണമായി* യാഗപീ​ഠ​ത്തിൽ വെച്ച്‌ ദഹിപ്പി​ക്കും. പ്രസാ​ദി​പ്പി​ക്കുന്ന സുഗന്ധം ഉണ്ടാകാൻ അഗ്നിയിൽ അർപ്പി​ക്കുന്ന ഒരു യാഗമാ​ണ്‌ ഇത്‌. കൊഴു​പ്പു മുഴുവൻ യഹോ​വ​യ്‌ക്കു​ള്ള​താണ്‌.+

17 “‘നിങ്ങൾ ഒരു കാരണ​വ​ശാ​ലും കൊഴു​പ്പോ രക്തമോ+ കഴിക്ക​രുത്‌. ഇതു നിങ്ങൾ താമസി​ക്കു​ന്നി​ടത്തെ​ല്ലാം നിങ്ങൾക്കും നിങ്ങളു​ടെ വരും​ത​ല​മു​റ​കൾക്കും വേണ്ടി ദീർഘ​കാ​ലത്തേ​ക്കുള്ള ഒരു നിയമ​മാ​യി​രി​ക്കും.’”

4 യഹോവ മോശ​യോ​ട്‌ ഇങ്ങനെ​യും പറഞ്ഞു: 2 “ഇസ്രായേ​ല്യരോ​ടു പറയുക: ‘ആരെങ്കി​ലും യഹോവ വിലക്കി​യി​ട്ടുള്ള എന്തെങ്കി​ലും അറിയാ​തെ ചെയ്‌ത്‌+ പാപി​യാ​കുന്നെ​ങ്കിൽ സ്വീക​രി​ക്കേണ്ട നടപടി ഇതാണ്‌:

3 “‘അഭിഷിക്തപുരോഹിതൻ+ പാപം+ ചെയ്‌ത്‌ ജനത്തിന്റെ മേൽ കുറ്റം വരുത്തിവെ​ക്കുന്നെ​ങ്കിൽ തന്റെ പാപത്തി​നു പരിഹാ​ര​മാ​യി, ന്യൂന​ത​യി​ല്ലാത്ത ഒരു കാളക്കു​ട്ടി​യെ പാപയാ​ഗ​മാ​യി യഹോ​വ​യ്‌ക്ക്‌ അർപ്പി​ക്കണം.+ 4 അവൻ കാളയെ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ+ യഹോ​വ​യു​ടെ സന്നിധി​യിൽ കൊണ്ടു​വന്ന്‌ അതിന്റെ തലയിൽ കൈ വെക്കണം. എന്നിട്ട്‌ യഹോ​വ​യു​ടെ സന്നിധി​യിൽവെ​ച്ചു​തന്നെ അതിനെ അറുക്കണം.+ 5 അഭിഷിക്തപുരോഹിതൻ+ കാളയു​ടെ രക്തം കുറച്ച്‌ എടുത്ത്‌ സാന്നി​ധ്യ​കൂ​ടാ​ര​ത്തിൽ കൊണ്ടു​വ​രും. 6 എന്നിട്ട്‌, തന്റെ കൈവി​രൽ രക്തത്തിൽ മുക്കി+ അതിൽ കുറച്ച്‌ എടുത്ത്‌ യഹോ​വ​യു​ടെ മുമ്പാകെ, വിശു​ദ്ധ​സ്ഥ​ലത്തെ തിരശ്ശീ​ല​യു​ടെ മുന്നിൽ ഏഴു പ്രാവ​ശ്യം തളിക്കും.+ 7 പുരോഹിതൻ കുറച്ച്‌ രക്തം സാന്നി​ധ്യ​കൂ​ടാ​ര​ത്തിൽ യഹോ​വ​യു​ടെ മുമ്പാകെ​യുള്ള സുഗന്ധദ്ര​വ്യ​ത്തി​ന്റെ യാഗപീ​ഠ​ത്തി​ലെ കൊമ്പു​ക​ളിൽ പുരട്ടു​ക​യും ചെയ്യും.+ അവൻ കാളയു​ടെ ബാക്കി രക്തം മുഴുവൻ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ ഇരിക്കുന്ന ദഹനയാ​ഗ​ത്തി​നുള്ള യാഗപീ​ഠ​ത്തി​ന്റെ ചുവട്ടിൽ ഒഴിക്കും.+

8 “‘പിന്നെ അവൻ പാപയാ​ഗ​ത്തി​നുള്ള കാളയു​ടെ കൊഴു​പ്പു മുഴുവൻ എടുക്കും. കുടലു​കളെ പൊതി​ഞ്ഞുള്ള കൊഴു​പ്പും അവയ്‌ക്കു ചുറ്റു​മുള്ള മുഴുവൻ കൊഴു​പ്പും 9 രണ്ടു വൃക്കയും അവയുടെ മേൽ അരയ്‌ക്കു സമീപ​ത്തുള്ള കൊഴു​പ്പും ഇതിൽപ്പെ​ടും. വൃക്കകളോടൊ​പ്പം കരളിന്മേ​ലുള്ള കൊഴു​പ്പും അവൻ എടുക്കും.+ 10 സഹഭോജനബലിക്കുള്ള+ കാളയിൽനി​ന്ന്‌ എടുത്ത​തു​തന്നെ​യാ​യി​രി​ക്കും ഇതിൽനി​ന്നും എടുക്കു​ന്നത്‌. ദഹനയാ​ഗ​ത്തി​നുള്ള യാഗപീ​ഠ​ത്തിൽ വെച്ച്‌ പുരോ​ഹി​തൻ ഇവ ദഹിപ്പി​ക്കും.*

11 “‘പക്ഷേ കാളയു​ടെ തോൽ, മാംസം, തല, കണങ്കാ​ലു​കൾ, കുടലു​കൾ, ചാണകം+ എന്നിങ്ങനെ 12 കാളയുടെ ബാക്കി ഭാഗം മുഴുവൻ പാളയ​ത്തി​നു പുറത്ത്‌, ചാരം* കളയുന്ന ശുദ്ധി​യുള്ള ഒരു സ്ഥലത്തേക്കു കൊണ്ടുപോ​കാൻ അവൻ ഏർപ്പാ​ടാ​ക്കണം. എന്നിട്ട്‌ അവൻ അതു വിറകിൽ വെച്ച്‌ കത്തിക്കണം.+ ചാരം കളയുന്ന സ്ഥലത്തു​വെച്ച്‌ വേണം അതു കത്തിക്കാൻ.

13 “‘ഇനി, അറിയാ​തെ പാപം ചെയ്‌ത്‌ ഇസ്രാ​യേൽസഭ മുഴുവൻ കുറ്റക്കാ​രാ​യി​ത്തീ​രുന്നെ​ന്നി​രി​ക്കട്ടെ.+ യഹോവ വിലക്കി​യി​ട്ടുള്ള എന്തെങ്കി​ലും ചെയ്‌തി​ട്ടുണ്ടെന്ന്‌ അവർ അറിയു​ന്നു​മില്ല.+ 14 പക്ഷേ പിന്നീട്‌ ആ പാപം വെളിപ്പെ​ടുമ്പോൾ, പാപയാ​ഗ​മാ​യി അർപ്പി​ക്കാൻ സഭ ഒരു കാളക്കു​ട്ടി​യെ നൽകണം. അവർ അതിനെ സാന്നി​ധ്യ​കൂ​ടാ​ര​ത്തി​നു മുന്നിൽ കൊണ്ടു​വ​രണം. 15 ഇസ്രായേൽസമൂഹത്തിലെ മൂപ്പന്മാർ* യഹോ​വ​യു​ടെ സന്നിധി​യിൽവെച്ച്‌ കാളയു​ടെ തലയിൽ കൈ വെക്കും. എന്നിട്ട്‌ യഹോ​വ​യു​ടെ സന്നിധി​യിൽവെച്ച്‌ അതിനെ അറുക്കും.

16 “‘അഭിഷി​ക്ത​പുരോ​ഹി​തൻ കാളയു​ടെ രക്തം കുറച്ച്‌ എടുത്ത്‌ സാന്നി​ധ്യ​കൂ​ടാ​ര​ത്തിൽ കൊണ്ടു​വ​രും. 17 എന്നിട്ട്‌ കൈവി​രൽ രക്തത്തിൽ മുക്കി അതിൽ കുറച്ച്‌ യഹോ​വ​യു​ടെ സന്നിധി​യിൽ, തിരശ്ശീലയുടെ+ മുന്നിൽ ഏഴു പ്രാവ​ശ്യം തളിക്കും. 18 കുറച്ച്‌ രക്തം സാന്നി​ധ്യ​കൂ​ടാ​ര​ത്തിൽ യഹോ​വ​യു​ടെ സന്നിധി​യി​ലുള്ള യാഗപീഠത്തിന്റെ+ കൊമ്പു​ക​ളിൽ പുരട്ടും. ബാക്കി രക്തം മുഴുവൻ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ ഇരിക്കുന്ന ദഹനയാ​ഗ​ത്തി​നുള്ള യാഗപീഠത്തിന്റെ+ ചുവട്ടിൽ ഒഴിക്കും. 19 അതിന്റെ കൊഴു​പ്പു മുഴുവൻ എടുത്ത്‌ യാഗപീ​ഠ​ത്തിൽ വെച്ച്‌ ദഹിപ്പി​ക്കും.+ 20 പാപയാഗമായി അർപ്പിച്ച മറ്റേ കാളയു​ടെ കാര്യ​ത്തിൽ ചെയ്‌ത​തുപോ​ലെ ഈ കാളയു​ടെ കാര്യ​ത്തി​ലും ചെയ്യണം. അങ്ങനെ​തന്നെ​യാ​യി​രി​ക്കണം ചെയ്യേ​ണ്ടത്‌. പുരോ​ഹി​തൻ അവർക്കു പാപപരിഹാരം+ വരുത്തു​ക​യും അങ്ങനെ അവർക്കു ക്ഷമ ലഭിക്കു​ക​യും ചെയ്യും. 21 അവൻ കാളയെ പാളയ​ത്തി​നു പുറ​ത്തേക്കു കൊണ്ടുപോ​കാൻ ഏർപ്പാ​ടാ​ക്കണം. ആദ്യത്തെ കാളയെ ചുട്ടു​ക​ള​ഞ്ഞ​തുപോ​ലെ ഇതി​നെ​യും ചുട്ടു​ക​ള​യണം.+ ഇതു സഭയ്‌ക്കുവേ​ണ്ടി​യുള്ള പാപയാ​ഗ​മാണ്‌.+

22 “‘ദൈവ​മായ യഹോവ വിലക്കി​യി​ട്ടുള്ള ഏതെങ്കി​ലും ഒരു കാര്യം, അറിയാ​തെ ചെയ്‌തുപോ​യ​തി​ന്റെ പാപം കാരണം ജനത്തിലെ ഒരു തലവൻ+ കുറ്റക്കാ​ര​നാ​യി​ത്തീ​രുന്നെ​ന്നി​രി​ക്കട്ടെ. 23 അല്ലെങ്കിൽ താൻ ദിവ്യ​ക​ല്‌പന ലംഘിച്ച്‌ ഒരു പാപം ചെയ്‌ത​തിനെ​ക്കു​റിച്ച്‌ അവൻ പിന്നീടു ബോധ​വാ​നാ​കുന്നെ​ന്നി​രി​ക്കട്ടെ. രണ്ടായാ​ലും അവൻ യാഗമാ​യി ന്യൂന​ത​യി​ല്ലാത്ത ഒരു ആൺകോ​ലാ​ട്ടിൻകു​ട്ടി​യെ കൊണ്ടു​വ​രണം. 24 അവൻ അതിന്റെ തലയിൽ കൈ വെക്കണം. എന്നിട്ട്‌, യഹോ​വ​യു​ടെ മുമ്പാകെ ദഹനയാ​ഗ​മൃ​ഗത്തെ അറുക്കുന്ന സ്ഥലത്തു​വെച്ച്‌ അതിനെ അറുക്കണം.+ ഇത്‌ ഒരു പാപയാ​ഗ​മാണ്‌. 25 പുരോഹിതൻ തന്റെ കൈവി​രൽകൊണ്ട്‌ പാപയാ​ഗ​ത്തി​ന്റെ രക്തത്തിൽ കുറച്ച്‌ എടുത്ത്‌ ദഹനയാ​ഗ​ത്തി​നുള്ള യാഗപീ​ഠ​ത്തി​ലെ കൊമ്പു​ക​ളിൽ പുരട്ടും.+ ബാക്കി രക്തം മുഴുവൻ ദഹനയാ​ഗ​ത്തി​നുള്ള യാഗപീ​ഠ​ത്തി​ന്റെ ചുവട്ടിൽ ഒഴിക്കും.+ 26 അതിന്റെ കൊഴു​പ്പു മുഴു​വ​നും സഹഭോ​ജ​ന​ബ​ലി​യു​ടെ കൊഴു​പ്പി​ന്റെ കാര്യ​ത്തിൽ ചെയ്‌ത​തുപോലെ​തന്നെ യാഗപീ​ഠ​ത്തിൽ വെച്ച്‌ ദഹിപ്പി​ക്കും.+ പുരോ​ഹി​തൻ അവനു പാപപ​രി​ഹാ​രം വരുത്തു​ക​യും അവനു ക്ഷമ ലഭിക്കു​ക​യും ചെയ്യും.

27 “‘ദേശത്തെ ജനത്തിൽ ആരെങ്കി​ലും, ചെയ്യരു​തെന്ന്‌ യഹോവ കല്‌പിച്ച ഒരു കാര്യം, അറിയാ​തെ ചെയ്‌തി​ട്ട്‌ ആ പാപം കാരണം കുറ്റക്കാ​ര​നായെ​ന്നി​രി​ക്കട്ടെ.+ 28 അല്ലെങ്കിൽ താൻ ചെയ്‌ത ഒരു പാപ​ത്തെ​ക്കു​റിച്ച്‌ അവൻ പിന്നീ​ടാ​ണു ബോധ​വാ​നാ​കു​ന്നതെ​ന്നി​രി​ക്കട്ടെ. രണ്ടായാ​ലും അവൻ പാപപ​രി​ഹാ​ര​മാ​യി ന്യൂന​ത​യി​ല്ലാത്ത ഒരു പെൺകോ​ലാ​ട്ടിൻകു​ട്ടി​യെ തന്റെ യാഗമാ​യി കൊണ്ടു​വ​രണം. 29 അവൻ പാപയാ​ഗ​മൃ​ഗ​ത്തി​ന്റെ തലയിൽ കൈ വെക്കണം. ദഹനയാ​ഗ​മൃ​ഗത്തെ അറുത്ത അതേ സ്ഥലത്തു​വെച്ച്‌ വേണം ഇതി​നെ​യും അറുക്കാൻ.+ 30 പുരോഹിതൻ കൈവി​രൽകൊണ്ട്‌ അതിന്റെ രക്തത്തിൽ കുറച്ച്‌ എടുത്ത്‌ ദഹനയാ​ഗ​ത്തി​നുള്ള യാഗപീ​ഠ​ത്തി​ലെ കൊമ്പു​ക​ളിൽ പുരട്ടണം. ബാക്കി രക്തം മുഴുവൻ അവൻ യാഗപീ​ഠ​ത്തി​ന്റെ ചുവട്ടിൽ ഒഴിക്കും.+ 31 സഹഭോജനബലിയുടെ മൃഗത്തിൽനി​ന്ന്‌ കൊഴു​പ്പ്‌ എടുത്തതുപോലെതന്നെ+ ഇതി​ന്റെ​യും കൊഴു​പ്പു മുഴുവൻ+ എടുക്കും. എന്നിട്ട്‌ പുരോ​ഹി​തൻ അത്‌ യഹോ​വയെ പ്രസാദിപ്പിക്കുന്ന* സുഗന്ധ​മാ​യി യാഗപീ​ഠ​ത്തിൽ വെച്ച്‌ ദഹിപ്പി​ക്കും. പുരോ​ഹി​തൻ അവനു പാപപ​രി​ഹാ​രം വരുത്തു​ക​യും അവനു ക്ഷമ ലഭിക്കു​ക​യും ചെയ്യും.

32 “‘എന്നാൽ ചെമ്മരി​യാ​ട്ടിൻകു​ട്ടിയെ​യാ​ണു പാപയാ​ഗ​മാ​യി അർപ്പി​ക്കു​ന്നതെ​ങ്കിൽ ന്യൂന​ത​യി​ല്ലാത്ത പെണ്ണാ​ട്ടിൻകു​ട്ടിയെ​യാ​ണു കൊണ്ടു​വരേ​ണ്ടത്‌. 33 അവൻ പാപയാ​ഗ​മൃ​ഗ​ത്തി​ന്റെ തലയിൽ കൈ വെക്കണം. ദഹനയാ​ഗ​മൃ​ഗത്തെ അറുക്കുന്ന അതേ സ്ഥലത്തു​വെച്ച്‌ ഇതി​നെ​യും പാപയാ​ഗ​മാ​യി അറുക്കണം.+ 34 പുരോഹിതൻ കൈവി​രൽകൊണ്ട്‌ പാപയാ​ഗ​മൃ​ഗ​ത്തി​ന്റെ രക്തത്തിൽ കുറച്ച്‌ എടുത്ത്‌ ദഹനയാ​ഗ​ത്തി​നുള്ള യാഗപീ​ഠ​ത്തി​ലെ കൊമ്പു​ക​ളിൽ പുരട്ടണം.+ ബാക്കി രക്തം മുഴുവൻ അവൻ യാഗപീ​ഠ​ത്തി​ന്റെ ചുവട്ടിൽ ഒഴിക്കും. 35 സഹഭോജനബലിക്കുള്ള ആൺചെ​മ്മ​രി​യാ​ട്ടിൻകു​ട്ടി​യിൽനിന്ന്‌ കൊഴു​പ്പ്‌ എടുത്ത​തുപോലെ​തന്നെ അവൻ ഇതി​ന്റെ​യും കൊഴു​പ്പു മുഴുവൻ എടുക്കും. പുരോ​ഹി​തൻ അവ യാഗപീ​ഠ​ത്തിൽ, അഗ്നിയിൽ യഹോ​വ​യ്‌ക്ക്‌ അർപ്പി​ക്കുന്ന യാഗങ്ങ​ളു​ടെ മുകളിൽ വെച്ച്‌ ദഹിപ്പി​ക്കും.+ പുരോ​ഹി​തൻ അവനു പാപപ​രി​ഹാ​രം വരുത്തു​ക​യും അവനു ക്ഷമ ലഭിക്കു​ക​യും ചെയ്യും.+

5 “‘സാക്ഷിമൊഴി+ കൊടു​ക്കാ​നുള്ള പരസ്യ​മായ ആഹ്വാനം* കേട്ടി​ട്ടും ഒരാൾ, താൻ സാക്ഷി​യാ​യി​രി​ക്കു​ക​യോ കാണു​ക​യോ മനസ്സി​ലാ​ക്കു​ക​യോ ചെയ്‌ത കാര്യത്തെ​പ്പറ്റി വിവരം കൊടു​ക്കാ​തി​രു​ന്നാൽ അതു പാപമാ​ണ്‌. അവൻ സ്വന്തം തെറ്റിന്‌ ഉത്തരം പറയണം.

2 “‘ഒരാൾ ശുദ്ധി​യി​ല്ലാത്ത എന്തി​ലെ​ങ്കി​ലും തൊട്ടാൽ അശുദ്ധ​നാ​കും. അതു ചത്തുകി​ട​ക്കുന്ന, ശുദ്ധി​യി​ല്ലാത്ത ഒരു വന്യമൃ​ഗ​മോ വളർത്തു​മൃ​ഗ​മോ കൂട്ടമാ​യി കാണ​പ്പെ​ടുന്ന ജീവി​യോ ആകട്ടെ അതിനെ തൊട്ടാൽ അവൻ അശുദ്ധ​നാ​കും.+ അക്കാര്യം തിരി​ച്ച​റി​യു​ന്നില്ലെ​ങ്കിൽപ്പോ​ലും അവൻ കുറ്റക്കാ​ര​നാണ്‌. 3 അറിയാതെ ആരെങ്കി​ലും മനുഷ്യ​ന്റെ അശുദ്ധിയിൽ+—ഒരാളെ അശുദ്ധ​നാ​ക്കുന്ന അശുദ്ധ​മായ എന്തി​ലെ​ങ്കി​ലും—തൊട്ടാൽ അത്‌ അറിയു​മ്പോൾ അവൻ കുറ്റക്കാ​ര​നാ​കും.

4 “‘ചിന്താ​ശൂ​ന്യ​മാ​യി സത്യം ചെയ്‌ത ഒരാൾ അതിന്റെ ഗൗരവം സംബന്ധി​ച്ച്‌ ബോധ​വാ​നല്ലെ​ന്നി​രി​ക്കട്ടെ. താൻ ഉദ്ദേശിച്ച കാര്യം നല്ലതാ​യാ​ലും ചീത്തയാ​യാ​ലും ചിന്താ​ശൂ​ന്യ​മാ​യാ​ണു സത്യം ചെയ്‌ത​തെന്നു പിന്നീടു തിരി​ച്ച​റി​യുമ്പോൾ അവൻ കുറ്റക്കാ​ര​നാ​കും.*+

5 “‘ഇപ്പറഞ്ഞ ഏതെങ്കി​ലും കാര്യ​ത്തിൽ അവൻ കുറ്റക്കാ​ര​നാ​യി​ത്തീ​രുന്നെ​ങ്കിൽ താൻ ചെയ്‌ത പാപം എന്താ​ണെന്ന്‌ അവൻ ഏറ്റുപ​റ​യണം.+ 6 പാപത്തിനു പരിഹാ​ര​മാ​യി അവൻ യഹോ​വ​യ്‌ക്ക്‌ അപരാ​ധ​യാ​ഗം കൊണ്ടു​വ​രു​ക​യും വേണം.+ ആട്ടിൻപ​റ്റ​ത്തിൽനിന്ന്‌ ഒരു പെണ്ണാ​ട്ടിൻകു​ട്ടിയെ​യാണ്‌ ഇങ്ങനെ പാപയാ​ഗ​ത്തി​നാ​യി കൊണ്ടു​വരേ​ണ്ടത്‌. അതു ചെമ്മരി​യാ​ടോ കോലാ​ടോ ആകാം. അപ്പോൾ പുരോ​ഹി​തൻ അവനു പാപപ​രി​ഹാ​രം വരുത്തും.

7 “‘പക്ഷേ ഒരു ആടിനെ അർപ്പി​ക്കാൻ അവനു വകയില്ലെ​ങ്കിൽ, അപരാ​ധ​യാ​ഗ​മാ​യി രണ്ടു ചെങ്ങാ​ലിപ്രാ​വിനെ​യോ രണ്ടു പ്രാവിൻകുഞ്ഞിനെയോ+ യഹോ​വ​യു​ടെ മുന്നിൽ കൊണ്ടു​വ​രണം; ഒന്നു പാപയാ​ഗ​ത്തി​നും മറ്റേതു ദഹനയാ​ഗ​ത്തി​നും.+ 8 അവയെ പുരോ​ഹി​തന്റെ അടുത്ത്‌ കൊണ്ടു​വ​രണം. പുരോ​ഹി​തൻ ആദ്യം അർപ്പി​ക്കു​ന്നതു പാപയാ​ഗ​ത്തി​നു​ള്ള​തിനെ​യാ​യി​രി​ക്കും. പുരോ​ഹി​തൻ അതിന്റെ കഴുത്തി​ന്റെ മുൻഭാ​ഗം മുറി​ക്കും. പക്ഷേ തല വേർപെ​ടു​ത്തില്ല. 9 പാപയാഗത്തിന്റെ രക്തത്തിൽ കുറച്ച്‌ എടുത്ത്‌ അവൻ യാഗപീ​ഠ​ത്തി​ന്റെ വശത്ത്‌ തളിക്കും.+ ബാക്കി രക്തം യാഗപീ​ഠ​ത്തി​ന്റെ ചുവട്ടി​ലേക്കു വാർന്നുപോ​കാൻ ഇടയാ​ക്കും. ഇത്‌ ഒരു പാപയാ​ഗ​മാണ്‌. 10 മറ്റേതിനെ അവൻ പതിവ്‌ നടപടിക്രമമനുസരിച്ച്‌+ ദഹനയാ​ഗ​മാ​യി അർപ്പി​ക്കും. അവൻ ചെയ്‌ത പാപത്തി​നു പുരോ​ഹി​തൻ അവനു​വേണ്ടി പാപപ​രി​ഹാ​രം വരുത്തു​ക​യും അവനു ക്ഷമ ലഭിക്കു​ക​യും ചെയ്യും.+

11 “‘എന്നാൽ പാപത്തി​നുവേണ്ടി രണ്ടു ചെങ്ങാ​ലിപ്രാ​വിനെ​യോ രണ്ടു പ്രാവിൻകു​ഞ്ഞിനെ​യോ യാഗം അർപ്പി​ക്കാൻ അവനു വകയില്ലെ​ങ്കിൽ ഒരു ഏഫായു​ടെ പത്തിലൊന്ന്‌*+ അളവ്‌ നേർത്ത ധാന്യപ്പൊ​ടി അവൻ പാപയാ​ഗ​മാ​യി കൊണ്ടു​വ​രണം. അതിൽ എണ്ണ ചേർക്കു​ക​യോ അതിനു മുകളിൽ കുന്തി​രി​ക്കം വെക്കു​ക​യോ അരുത്‌. കാരണം ഇതൊരു പാപയാ​ഗ​മാണ്‌. 12 അവൻ അതു പുരോ​ഹി​തന്റെ അടുത്ത്‌ കൊണ്ടു​വ​രും. പുരോ​ഹി​തൻ മുഴുവൻ യാഗത്തിന്റെ​യും പ്രതീകമായി* അതിൽനി​ന്ന്‌ കൈ നിറയെ എടുത്ത്‌ യാഗപീ​ഠ​ത്തിൽ, യഹോ​വ​യ്‌ക്ക്‌ അഗ്നിയിൽ അർപ്പി​ക്കുന്ന യാഗങ്ങ​ളു​ടെ മുകളിൽ വെച്ച്‌ ദഹിപ്പി​ക്കും.* ഇതൊരു പാപയാ​ഗ​മാണ്‌. 13 അവൻ ചെയ്‌തത്‌ ഇവയിൽ ഏതു പാപമാ​യാ​ലും പുരോ​ഹി​തൻ അവനു​വേണ്ടി പാപപ​രി​ഹാ​രം വരുത്തും. അങ്ങനെ അവനു ക്ഷമ കിട്ടും.+ ഈ യാഗവ​സ്‌തു​വിൽ ബാക്കി​യുള്ള ഭാഗം ധാന്യ​യാ​ഗ​ത്തി​ന്റെ കാര്യ​ത്തിലെ​ന്നപോലെ​തന്നെ പുരോ​ഹി​ത​നു​ള്ള​താണ്‌.’”+

14 യഹോവ മോശ​യോ​ട്‌ ഇങ്ങനെ​യും പറഞ്ഞു: 15 “യഹോ​വ​യു​ടെ വിശുദ്ധവസ്‌തുക്കൾക്കെതിരെ+ അറിയാ​തെ പാപം ചെയ്‌ത്‌ ആരെങ്കി​ലും അവിശ്വ​സ്‌തത കാണി​ക്കുന്നെ​ങ്കിൽ, അവൻ ആട്ടിൻപ​റ്റ​ത്തിൽനിന്ന്‌ ന്യൂന​ത​യി​ല്ലാത്ത ഒരു ആൺചെ​മ്മ​രി​യാ​ടി​നെ അപരാ​ധ​യാ​ഗ​മാ​യി യഹോ​വ​യു​ടെ സന്നിധി​യിൽ കൊണ്ടു​വ​രണം.+ അതിന്റെ മൂല്യം വിശു​ദ്ധ​സ്ഥ​ലത്തെ ശേക്കെലിന്റെ* തൂക്കപ്രകാരമുള്ള+ വെള്ളി​പ്പ​ണ​ത്തിൽ കണക്കാ​ക്കി​യ​താ​യി​രി​ക്കണം. 16 കൂടാതെ, വിശു​ദ്ധ​സ്ഥ​ല​ത്തിന്‌ എതിരെ അവൻ ചെയ്‌ത പാപത്തി​നു നഷ്ടപരി​ഹാ​ര​വും കൊടു​ക്കണം. കണക്കാ​ക്കിയ തുക​യോടൊ​പ്പം അഞ്ചി​ലൊ​ന്നും​കൂ​ടെ ചേർത്ത്‌ അവൻ അതു പുരോ​ഹി​തനെ ഏൽപ്പി​ക്കണം.+ അപരാ​ധ​യാ​ഗ​ത്തി​നുള്ള ആൺചെ​മ്മ​രി​യാ​ടി​നെ അർപ്പിച്ച്‌ പുരോ​ഹി​തൻ അവനു പാപപരിഹാരം+ വരുത്തു​ക​യും അവനു ക്ഷമ കിട്ടു​ക​യും ചെയ്യും.+

17 “ചെയ്യരു​തെന്ന്‌ യഹോവ കല്‌പി​ച്ചി​രി​ക്കുന്ന എന്തെങ്കി​ലും ചെയ്‌ത്‌ ഒരാൾ പാപം ചെയ്യുന്നെ​ങ്കിൽ, അതി​നെ​ക്കു​റിച്ച്‌ ബോധ​വാ​നല്ലെ​ങ്കിൽപ്പോ​ലും അവൻ കുറ്റക്കാ​ര​നാണ്‌.+ അവന്റെ തെറ്റിന്‌ അവൻ ഉത്തരം പറയണം. 18 അപരാധയാഗത്തിനുവേണ്ടി അവൻ ആട്ടിൻപ​റ്റ​ത്തിൽനിന്ന്‌, ന്യൂന​ത​യി​ല്ലാ​ത്ത​തും കണക്കാ​ക്കിയ മൂല്യ​ത്തിന്‌ ഒത്തതും ആയ ഒരു ആൺചെ​മ്മ​രി​യാ​ടി​നെ പുരോ​ഹി​തന്റെ അടുത്ത്‌ കൊണ്ടു​വ​രണം.+ അപ്പോൾ അവൻ അബദ്ധവ​ശാൽ അറിയാ​തെ ചെയ്‌തു​പോയ തെറ്റിനു പുരോ​ഹി​തൻ പാപപ​രി​ഹാ​രം വരുത്തു​ക​യും അവനു ക്ഷമ കിട്ടു​ക​യും ചെയ്യും. 19 ഇതൊരു അപരാ​ധ​യാ​ഗ​മാണ്‌. യഹോ​വ​യ്‌ക്കെ​തി​രെ പാപം ചെയ്‌ത്‌ അവൻ കുറ്റക്കാ​ര​നാ​യ​ല്ലോ.”

6 യഹോവ മോശ​യോ​ട്‌ ഇങ്ങനെ​യും പറഞ്ഞു: 2 “തന്നെ വിശ്വ​സിച്ച്‌ ഏൽപ്പി​ച്ച​തോ തന്റെ പക്കൽ നിക്ഷേ​പി​ച്ച​തോ ആയ എന്തെങ്കി​ലു​മാ​യി ബന്ധപ്പെട്ട്‌ ഒരാൾ അയൽക്കാ​രനെ വഞ്ചിച്ച്‌ പാപം ചെയ്യുകയും+ അങ്ങനെ, യഹോ​വയോട്‌ അവിശ്വ​സ്‌തത കാണിക്കുകയും+ ചെയ്യുന്നെ​ന്നി​രി​ക്കട്ടെ. അല്ലെങ്കിൽ, ഒരാൾ അയൽക്കാ​ര​നിൽനിന്ന്‌ എന്തെങ്കി​ലും കട്ടെടു​ക്കു​ക​യോ അയൽക്കാ​രനെ ചതിക്കു​ക​യോ ചെയ്യുന്നു. 3 അതുമല്ലെങ്കിൽ അവന്‌ എന്തെങ്കി​ലും കളഞ്ഞു​കി​ട്ടു​ക​യും അതു സംബന്ധി​ച്ച്‌ നുണ പറയു​ക​യും ചെയ്യുന്നു. ഇതു​പോ​ലുള്ള ഏതെങ്കി​ലും പാപം ചെയ്‌തി​ട്ട്‌ അതെപ്പറ്റി അവൻ കള്ളസത്യം ചെയ്‌താൽ+ അവൻ ചെയ്യേ​ണ്ടത്‌ ഇതാണ്‌: 4 അവൻ പാപം ചെയ്‌ത്‌ കുറ്റക്കാ​ര​നായെ​ങ്കിൽ താൻ മോഷ്ടി​ച്ച​തോ അന്യാ​യ​മാ​യി കൈവ​ശപ്പെ​ടു​ത്തി​യ​തോ വഞ്ചി​ച്ചെ​ടു​ത്ത​തോ തന്നെ വിശ്വ​സിച്ച്‌ ഏൽപ്പി​ച്ച​തോ തനിക്കു കളഞ്ഞു​കി​ട്ടി​യ​തോ ആയ വസ്‌തു തിരികെ കൊടു​ക്കണം. 5 ഇനി, അവൻ എന്തി​നെയെ​ങ്കി​ലും സംബന്ധി​ച്ച്‌ കള്ളസത്യം ചെയ്‌തി​ട്ടുണ്ടെ​ങ്കിൽ അതു മടക്കിക്കൊ​ടു​ക്കണം. അവൻ മുതലും അതിന്റെ അഞ്ചി​ലൊ​ന്നും​കൂ​ടെ ചേർത്ത്‌ മുഴുവൻ നഷ്ടപരി​ഹാ​ര​വും കൊടു​ക്കണം.+ കുറ്റം തെളി​യി​ക്കപ്പെ​ടുന്ന ദിവസം അവൻ അത്‌ ഉടമസ്ഥനു കൊടു​ക്കണം. 6 മതിപ്പുവിലയനുസരിച്ച്‌, ന്യൂന​ത​യി​ല്ലാത്ത ഒരു ആൺചെ​മ്മ​രി​യാ​ടി​നെ അപരാ​ധ​യാ​ഗ​മാ​യി യഹോ​വ​യ്‌ക്ക്‌ അർപ്പി​ക്കാൻ പുരോ​ഹി​തന്റെ അടുത്ത്‌ കൊണ്ടു​വ​രു​ക​യും വേണം.+ 7 പുരോഹിതൻ യഹോ​വ​യു​ടെ മുന്നിൽവെച്ച്‌ അവനു പാപപ​രി​ഹാ​രം വരുത്തും. അങ്ങനെ അവന്റെ മേൽ കുറ്റം വരുത്തി​വെച്ച അവന്റെ ഏതൊരു പ്രവൃ​ത്തി​ക്കും ക്ഷമ കിട്ടും.”+

8 യഹോവ മോശ​യോ​ട്‌ ഇങ്ങനെ​യും പറഞ്ഞു: 9 “അഹരോനോ​ടും പുത്ര​ന്മാരോ​ടും ഇങ്ങനെ കല്‌പി​ക്കുക: ‘ദഹനയാ​ഗ​ത്തി​ന്റെ നിയമം ഇതാണ്‌:+ ദഹനയാ​ഗ​വ​സ്‌തു യാഗപീ​ഠ​ത്തി​ലുള്ള അഗ്നികു​ണ്ഡ​ത്തിൽ രാത്രി മുഴുവൻ, അതായത്‌ രാവിലെ​വരെ, ഇരിക്കണം. യാഗപീ​ഠ​ത്തിൽ തീ കത്തി​ക്കൊ​ണ്ടി​രി​ക്കു​ക​യും വേണം. 10 പുരോഹിതൻ ലിനൻകൊ​ണ്ടുള്ള ഔദ്യോഗികവേഷവും+ നഗ്നത മറയ്‌ക്കേ​ണ്ട​തി​നു ലിനൻകൊ​ണ്ടുള്ള അടിവസ്‌ത്രവും+ ധരിച്ച​ശേഷം, യാഗപീ​ഠ​ത്തിൽ വെച്ച്‌ ദഹിപ്പിച്ച ദഹനയാ​ഗ​ത്തി​ന്റെ ചാരം*+ നീക്കം ചെയ്‌ത്‌ യാഗപീ​ഠ​ത്തി​ന്റെ ഒരു വശത്ത്‌ വെക്കണം. 11 പിന്നെ വസ്‌ത്രം മാറി+ വേറെ വസ്‌ത്രം ധരിച്ചി​ട്ട്‌ ചാരം എടുത്ത്‌ പാളയ​ത്തി​നു പുറത്ത്‌ ശുദ്ധി​യുള്ള ഒരു സ്ഥലത്തേക്കു കൊണ്ടുപോ​കണം.+ 12 യാഗപീഠത്തിൽ തീ കത്തി​ക്കൊ​ണ്ടി​രി​ക്കണം. അത്‌ അണഞ്ഞുപോ​ക​രുത്‌. പുരോ​ഹി​തൻ ദിവസ​വും രാവിലെ അതിൽ വിറകു+ കത്തിച്ച്‌ ദഹനയാ​ഗ​വ​സ്‌തു അതിനു മുകളിൽ ക്രമത്തിൽ നിരത്തിവെ​ക്കു​ക​യും സഹഭോ​ജ​ന​ബ​ലി​ക​ളു​ടെ കൊഴു​പ്പ്‌ അതിൽ വെച്ച്‌ ദഹിപ്പിക്കുകയും* വേണം.+ 13 യാഗപീഠത്തിൽ തീ എപ്പോ​ഴും കത്തി​ക്കൊ​ണ്ടി​രി​ക്കണം. അത്‌ അണഞ്ഞുപോ​ക​രുത്‌.

14 “‘ധാന്യയാഗത്തിന്റെ+ നിയമം ഇതാണ്‌: അഹരോ​ന്റെ പുത്ര​ന്മാർ യാഗപീ​ഠ​ത്തി​നു മുന്നിൽ യഹോ​വ​യു​ടെ സന്നിധി​യിൽ ഇത്‌ അർപ്പി​ക്കണം. 15 അവരിൽ ഒരാൾ ധാന്യ​യാ​ഗ​ത്തി​ന്റെ നേർത്ത ധാന്യപ്പൊ​ടി​യിൽനിന്ന്‌ ഒരു കൈ നിറയെ പൊടി​യും ധാന്യ​യാ​ഗ​ത്തി​ന്റെ മുകളി​ലുള്ള കുറച്ച്‌ എണ്ണയും കുന്തി​രി​ക്കം മുഴു​വ​നും എടുക്കണം. എന്നിട്ട്‌, അതു പ്രസാദിപ്പിക്കുന്ന* സുഗന്ധ​മാ​യി യാഗപീ​ഠ​ത്തിൽ ദഹിപ്പി​ക്കണം. മുഴുവൻ യാഗത്തിന്റെ​യും പ്രതീകമായി* യഹോ​വ​യ്‌ക്ക്‌ അർപ്പി​ക്കു​ന്ന​താണ്‌ ഇത്‌.+ 16 അതിൽ ബാക്കി​വ​രു​ന്നത്‌ അഹരോ​നും പുത്ര​ന്മാ​രും കഴിക്കണം.+ പുളി​പ്പി​ല്ലാത്ത അപ്പമായി വിശു​ദ്ധ​മായ ഒരു സ്ഥലത്തു​വെച്ച്‌ അതു കഴിക്കണം. സാന്നി​ധ്യ​കൂ​ടാ​ര​ത്തി​ന്റെ മുറ്റത്തു​വെച്ച്‌ അവർ അതു കഴിക്കണം.+ 17 ചുടാനുള്ള മാവിൽ പുളി​പ്പി​ക്കു​ന്നതൊ​ന്നും ചേർക്ക​രുത്‌.+ എനിക്ക്‌ അഗ്നിയിൽ അർപ്പി​ക്കുന്ന യാഗങ്ങ​ളിൽനിന്ന്‌ അവരുടെ ഓഹരി​യാ​യി ഞാൻ അതു കൊടു​ത്തി​രി​ക്കു​ന്നു.+ പാപയാ​ഗ​വും അപരാ​ധ​യാ​ഗ​വും പോ​ലെ​തന്നെ ഇതും ഏറ്റവും വിശു​ദ്ധ​മായ ഒന്നാണ്‌.+ 18 അഹരോന്യവംശത്തിലെ ആണുങ്ങളെ​ല്ലാം അതു കഴിക്കണം.+ അത്‌ യഹോ​വ​യ്‌ക്ക്‌ അഗ്നിയിൽ അർപ്പി​ക്കുന്ന യാഗങ്ങ​ളിൽനിന്ന്‌ അവർക്കുള്ള സ്ഥിരമായ ഓഹരി​യാ​യി​രി​ക്കും.+ നിങ്ങളു​ടെ തലമു​റ​ക​ളി​ലു​ട​നീ​ളം അത്‌ അങ്ങനെ​യാ​യി​രി​ക്കണം. അവയിൽ* മുട്ടു​ന്നതെ​ല്ലാം വിശു​ദ്ധ​മാ​കും.’”

19 യഹോവ ഇങ്ങനെ​യും മോശയോ​ടു പറഞ്ഞു: 20 “അഹരോ​നെ അഭിഷേകം*+ ചെയ്യുന്ന ദിവസം അവനും പുത്ര​ന്മാ​രും യഹോ​വ​യ്‌ക്ക്‌ അർപ്പി​ക്കേണ്ട യാഗം ഇതാണ്‌: ഒരു ഏഫായു​ടെ പത്തിലൊന്ന്‌*+ അളവ്‌ നേർത്ത ധാന്യപ്പൊ​ടി പതിവാ​യുള്ള ധാന്യയാഗമായി+ പകുതി രാവിലെ​യും പകുതി വൈകുന്നേ​ര​വും അർപ്പി​ക്കണം. 21 എണ്ണ ചേർത്ത്‌ അപ്പക്കല്ലിൽ ചുട്ടെ​ടു​ത്ത​താ​യി​രി​ക്കണം ഇത്‌.+ ഈ ധാന്യ​യാ​ഗം എണ്ണയിൽ കുതിർത്ത്‌ വേണം കൊണ്ടു​വ​രാൻ. ഇതു കഷണങ്ങ​ളാ​ക്കി യഹോ​വയെ പ്രസാ​ദി​പ്പി​ക്കുന്ന സുഗന്ധ​മാ​യി അർപ്പി​ക്കണം. 22 അവന്റെ പുത്ര​ന്മാ​രിൽനിന്ന്‌ അവന്റെ പിൻഗാ​മി​യാ​യി അഭിഷി​ക്ത​നാ​കുന്ന പുരോഹിതൻ+ അത്‌ ഉണ്ടാക്കണം. ദീർഘ​കാ​ലത്തേ​ക്കുള്ള ഒരു ചട്ടമാ​യി​രി​ക്കട്ടെ ഇത്‌: ആ ധാന്യ​യാ​ഗം ദഹിപ്പി​ച്ച്‌ അതു മുഴുവൻ യഹോ​വ​യ്‌ക്ക്‌ അർപ്പി​ക്കണം. 23 പുരോഹിതന്റെ എല്ലാ ധാന്യ​യാ​ഗ​വും സമ്പൂർണ​യാ​ഗ​മാ​യി​രി​ക്കണം. അതു കഴിക്കാൻ പാടില്ല.”

24 യഹോവ ഇങ്ങനെ​യും മോശയോ​ടു പറഞ്ഞു: 25 “അഹരോനോ​ടും പുത്ര​ന്മാരോ​ടും ഇങ്ങനെ പറയുക: ‘പാപയാഗത്തിന്റെ+ നിയമം ഇതാണ്‌: ദഹനയാ​ഗ​മൃ​ഗത്തെ അറുക്കുന്ന സ്ഥലത്തുവെച്ചുതന്നെ+ പാപയാ​ഗ​മൃ​ഗത്തെ​യും യഹോ​വ​യു​ടെ സന്നിധി​യിൽവെച്ച്‌ അറുക്കണം. ഇത്‌ ഏറ്റവും വിശു​ദ്ധ​മായ ഒന്നാണ്‌. 26 പാപയാഗം അർപ്പി​ക്കുന്ന പുരോ​ഹി​തൻ ഇതു കഴിക്കണം.+ ഒരു വിശു​ദ്ധ​സ്ഥ​ല​ത്തുവെച്ച്‌, അതായത്‌ സാന്നി​ധ്യ​കൂ​ടാ​ര​ത്തി​ന്റെ മുറ്റത്തു​വെച്ച്‌,+ ആണ്‌ ഇതു കഴി​ക്കേ​ണ്ടത്‌.

27 “‘അതിന്റെ മാംസ​ത്തിൽ മുട്ടു​ന്നതെ​ല്ലാം വിശു​ദ്ധ​മാ​യി​ത്തീ​രും. അതിന്റെ രക്തം ആരു​ടെയെ​ങ്കി​ലും വസ്‌ത്ര​ത്തിൽ തെറി​ച്ചാൽ ആ വസ്‌ത്രം ഒരു വിശു​ദ്ധ​സ്ഥ​ല​ത്തുവെച്ച്‌ കഴുകണം. 28 അതു വേവി​ക്കാൻ ഉപയോ​ഗിച്ച മൺപാ​ത്രം ഉടച്ചു​ക​ള​യണം. എന്നാൽ ഒരു ചെമ്പു​പാത്ര​ത്തി​ലാണ്‌ അതു വേവി​ച്ചതെ​ങ്കിൽ ആ പാത്രം നന്നായി ഉരച്ച്‌ കഴുകി​യാൽ മതി.

29 “‘പുരോ​ഹി​ത​ന്മാ​രായ പുരു​ഷ​ന്മാരെ​ല്ലാം അതു കഴിക്കും.+ അത്‌ ഏറ്റവും വിശു​ദ്ധ​മാണ്‌.+ 30 പക്ഷേ വിശുദ്ധസ്ഥലത്ത്‌+ പാപപ​രി​ഹാ​രം വരുത്താൻ പാപയാ​ഗ​ത്തിൽനി​ന്നുള്ള കുറച്ച്‌ രക്തം സാന്നി​ധ്യ​കൂ​ടാ​ര​ത്തി​നു​ള്ളിൽ കൊണ്ടു​വ​രുന്നെ​ങ്കിൽ ആ പാപയാ​ഗം കഴിക്ക​രുത്‌. അതു ദഹിപ്പി​ച്ചു​ക​ള​യണം.

7 “‘അപരാ​ധ​യാ​ഗ​ത്തി​ന്റെ നിയമം+ ഇതാണ്‌: ഇത്‌ ഏറ്റവും വിശു​ദ്ധ​മാണ്‌. 2 ദഹനയാഗമൃഗങ്ങളെ അറുക്കുന്ന സ്ഥലത്തുവെ​ച്ചു​തന്നെ അപരാ​ധ​യാ​ഗ​മൃ​ഗത്തെ​യും അറുക്കണം. അതിന്റെ രക്തം+ യാഗപീ​ഠ​ത്തി​ന്റെ എല്ലാ വശങ്ങളി​ലും തളിക്കണം.+ 3 കൊഴുപ്പു നിറഞ്ഞ വാലും കുടലു​കളെ പൊതി​ഞ്ഞുള്ള കൊഴുപ്പും+ 4 രണ്ടു വൃക്കയും അരയ്‌ക്കു സമീപ​ത്തുള്ള കൊഴു​പ്പും ഉൾപ്പെടെ അതിന്റെ കൊഴു​പ്പു മുഴു​വ​നും അവൻ അർപ്പി​ക്കും. വൃക്കകളോടൊ​പ്പം കരളിന്മേ​ലുള്ള കൊഴു​പ്പും അവൻ എടുക്കും.+ 5 അഗ്നിയിൽ യഹോ​വ​യ്‌ക്ക്‌ അർപ്പി​ക്കുന്ന യാഗമാ​യി പുരോ​ഹി​തൻ അവ യാഗപീ​ഠ​ത്തിൽ വെച്ച്‌ ദഹിപ്പി​ക്കും.*+ ഇത്‌ ഒരു അപരാ​ധ​യാ​ഗ​മാണ്‌. 6 പുരോഹിതന്മാരായ പുരു​ഷ​ന്മാരെ​ല്ലാം ഇതു കഴിക്കും.+ വിശു​ദ്ധ​മായ ഒരു സ്ഥലത്തു​വെച്ച്‌ വേണം കഴിക്കാൻ. ഇത്‌ ഏറ്റവും വിശു​ദ്ധ​മാണ്‌.+ 7 പാപയാഗത്തിന്റെ നിയമം അപരാ​ധ​യാ​ഗ​ത്തി​നും ബാധക​മാണ്‌. യാഗമൃ​ഗം പാപപ​രി​ഹാ​രം വരുത്തുന്ന പുരോ​ഹി​ത​നു​ള്ള​താണ്‌.+

8 “‘ആർക്കെ​ങ്കി​ലുംവേണ്ടി പുരോ​ഹി​തൻ ദഹനയാ​ഗം അർപ്പി​ക്കുന്നെ​ങ്കിൽ ആ മൃഗത്തി​ന്റെ തോൽ+ പുരോ​ഹി​ത​നു​ള്ള​താണ്‌.

9 “‘അടുപ്പിൽ ചുട്ടെ​ടു​ക്കുന്ന ധാന്യ​യാ​ഗ​വും ചട്ടിയി​ലോ അപ്പക്കല്ലിലോ+ ഉണ്ടാക്കുന്ന ധാന്യ​യാ​ഗ​വും അത്‌ അർപ്പി​ക്കുന്ന പുരോ​ഹി​തന്‌ അവകാ​ശപ്പെ​ട്ട​താണ്‌. അത്‌ അവനു കിട്ടും.+ 10 എന്നാൽ എണ്ണ ചേർത്ത+ എല്ലാ ധാന്യ​യാ​ഗ​വും എണ്ണ ചേർക്കാത്ത+ എല്ലാ ധാന്യ​യാ​ഗ​വും അഹരോ​ന്റെ പുത്ര​ന്മാർക്കെ​ല്ലാം തുല്യ​മാ​യി വീതി​ച്ചു​കി​ട്ടും.

11 “‘ഒരാൾ യഹോ​വ​യ്‌ക്ക്‌ അർപ്പി​ക്കുന്ന സഹഭോജനബലിയുടെ+ നിയമം ഇതാണ്‌: 12 നന്ദിസൂചകമായിട്ടാണ്‌+ അവൻ അത്‌ അർപ്പി​ക്കു​ന്നതെ​ങ്കിൽ, ആ ബലിയുടെ​കൂ​ടെ എണ്ണ ചേർത്ത, വളയാ​കൃ​തി​യി​ലുള്ള, പുളി​പ്പി​ല്ലാത്ത അപ്പവും കനം കുറഞ്ഞ്‌ മൊരി​ഞ്ഞി​രി​ക്കുന്ന, എണ്ണ പുരട്ടിയ, പുളി​പ്പി​ല്ലാത്ത അപ്പവും നേർത്ത ധാന്യപ്പൊ​ടി എണ്ണ ചേർത്ത്‌ നന്നായി കുഴച്ച്‌ ഉണ്ടാക്കിയ വളയാ​കൃ​തി​യി​ലുള്ള അപ്പവും അവൻ അർപ്പി​ക്കും. 13 ഈ യാഗവും അവൻ സഹഭോ​ജ​ന​ബ​ലി​യാ​യി അർപ്പി​ക്കുന്ന നന്ദി​പ്ര​കാ​ശ​ന​ബ​ലി​യും കാഴ്‌ചവെ​ക്കു​ന്നതു വളയാ​കൃ​തി​യി​ലുള്ള പുളി​പ്പുള്ള അപ്പത്തോടൊ​പ്പ​മാ​യി​രി​ക്കും. 14 ഈ രണ്ടു യാഗത്തിൽനി​ന്നും ഓരോ അപ്പം വീതം അവൻ യഹോ​വ​യ്‌ക്കു കാഴ്‌ചവെ​ക്കണം. അതു വിശു​ദ്ധ​മായ ഒരു ഓഹരി​യാണ്‌. സഹഭോ​ജ​ന​ബ​ലി​ക​ളു​ടെ രക്തം തളിക്കുന്ന പുരോ​ഹി​ത​നു​ള്ള​താ​യി​രി​ക്കും അത്‌.+ 15 താൻ സഹഭോ​ജ​ന​ബ​ലി​യാ​യി അർപ്പി​ക്കുന്ന നന്ദി​പ്ര​കാ​ശ​ന​ബ​ലി​യു​ടെ മാംസം അത്‌ അർപ്പി​ക്കുന്ന ദിവസം​തന്നെ അവൻ കഴിക്കണം. അതിൽ ഒട്ടും രാവിലെ​വരെ വെച്ചേ​ക്ക​രുത്‌.+

16 “‘അവൻ അർപ്പി​ക്കുന്ന ബലി നേർച്ചയോ+ സ്വമന​സ്സാ​ലെ നൽകുന്ന കാഴ്‌ചയോ+ ആണെങ്കിൽ, ആ ബലി അർപ്പി​ക്കുന്ന ദിവസം അതു കഴിക്കണം. അതിൽ ബാക്കി​വ​രു​ന്നത്‌ അടുത്ത ദിവസ​വും കഴിക്കാം. 17 പക്ഷേ, ബലിയു​ടെ മാംസ​ത്തിൽ വല്ലതും മൂന്നാം ദിവസ​വും ബാക്കി​യുണ്ടെ​ങ്കിൽ അതു തീയി​ലിട്ട്‌ ചുട്ടു​ക​ള​യണം.+ 18 സഹഭോജനബലിയുടെ മാംസ​ത്തിൽ വല്ലതും മൂന്നാം ദിവസം കഴിച്ചാൽ അത്‌ അർപ്പി​ക്കു​ന്ന​വനു ദൈവപ്രീ​തി ലഭിക്കില്ല. അത്‌ അവന്റെ പേരിൽ കണക്കി​ടു​ക​യു​മില്ല. അത്‌ അറപ്പു​ണ്ടാ​ക്കുന്ന കാര്യ​മാണ്‌. അതിൽനി​ന്ന്‌ കഴിക്കു​ന്നവൻ ആ തെറ്റിന്‌ ഉത്തരം പറയണം.+ 19 അശുദ്ധമായ എന്തി​ലെ​ങ്കി​ലും മാംസം മുട്ടി​യാൽ അതു കഴിക്ക​രുത്‌. അതു തീയി​ലിട്ട്‌ ചുട്ടു​ക​ള​യണം. പക്ഷേ ശുദ്ധി​യുള്ള മാംസം ശുദ്ധി​യു​ള്ള​വർക്കെ​ല്ലാം കഴിക്കാം.

20 “‘എന്നാൽ അശുദ്ധ​നാ​യി​രി​ക്കെ ആരെങ്കി​ലും യഹോ​വ​യ്‌ക്കുള്ള സഹഭോ​ജ​ന​ബ​ലി​യു​ടെ മാംസം കഴിച്ചാൽ അവനെ ജനത്തിന്റെ ഇടയിൽ വെച്ചേ​ക്ക​രുത്‌.+ 21 ആരെങ്കിലും അശുദ്ധ​മായ എന്തി​ലെ​ങ്കി​ലും തൊട്ടി​ട്ട്‌—അതു മനുഷ്യ​ന്റെ അശുദ്ധിയോ+ ശുദ്ധി​യി​ല്ലാത്ത മൃഗമോ+ അശുദ്ധ​വും അറയ്‌ക്കേണ്ടതും+ ആയ മറ്റ്‌ എന്തെങ്കി​ലു​മോ ആയി​ക്കൊ​ള്ളട്ടെ—യഹോ​വ​യ്‌ക്കുള്ള സഹഭോ​ജ​ന​ബ​ലി​യു​ടെ മാംസം കഴിച്ചാൽ അവനെ ജനത്തിന്റെ ഇടയിൽ വെച്ചേ​ക്ക​രുത്‌.’”

22 യഹോവ ഇങ്ങനെ​യും മോശയോ​ടു പറഞ്ഞു: 23 “ഇസ്രായേ​ല്യരോ​ടു പറയുക: ‘കാളയുടെ​യോ ചെമ്മരി​യാ​ടിന്റെ​യോ കോലാ​ടിന്റെ​യോ കൊഴുപ്പു+ നിങ്ങൾ കഴിക്ക​രുത്‌. 24 താനേ ചത്ത മൃഗത്തി​ന്റെ കൊഴു​പ്പോ മറ്റൊരു മൃഗം കൊന്ന മൃഗത്തി​ന്റെ കൊഴു​പ്പോ നിങ്ങൾ ഒരിക്ക​ലും കഴിക്ക​രുത്‌.+ പക്ഷേ അതിന്റെ കൊഴു​പ്പു മറ്റു കാര്യ​ങ്ങൾക്ക്‌ ഉപയോ​ഗി​ക്കാം. 25 അഗ്നിയിൽ യഹോ​വ​യ്‌ക്കു യാഗം കഴിക്കാൻ കൊണ്ടു​വ​രുന്ന മൃഗത്തി​ന്റെ കൊഴു​പ്പു കഴിക്കുന്ന ആരെയും ജനത്തിന്റെ ഇടയിൽ വെച്ചേ​ക്ക​രുത്‌.

26 “‘നിങ്ങൾ എവിടെ താമസി​ച്ചാ​ലും ഒന്നി​ന്റെ​യും രക്തം—അതു പക്ഷിക​ളുടെ​യോ മൃഗങ്ങ​ളുടെ​യോ ആയി​ക്കൊ​ള്ളട്ടെ—കഴിക്ക​രുത്‌.+ 27 ആരെങ്കിലും രക്തം കഴിച്ചാൽ അവനെ ജനത്തിന്റെ ഇടയിൽ വെച്ചേ​ക്ക​രുത്‌.’”+

28 യഹോവ മോശ​യോ​ട്‌ ഇങ്ങനെ​യും പറഞ്ഞു: 29 “ഇസ്രായേ​ല്യരോ​ടു പറയുക: ‘യഹോ​വ​യ്‌ക്കു സഹഭോ​ജ​ന​ബലി അർപ്പി​ക്കു​ന്ന​വരെ​ല്ലാം ആ ബലിയു​ടെ ഒരു ഭാഗം യഹോ​വ​യ്‌ക്കു കൊണ്ടു​വ​രണം.+ 30 കൊഴുപ്പും നെഞ്ചും അഗ്നിയിൽ യഹോ​വ​യ്‌ക്ക്‌ അർപ്പി​ക്കാ​നുള്ള യാഗമാ​യി അവൻ സ്വന്തകൈ​ക​ളിൽ കൊണ്ടു​വ​രും.+ എന്നിട്ട്‌ അവ ഒരു ദോളനയാഗമായി* യഹോ​വ​യു​ടെ മുന്നിൽ അങ്ങോ​ട്ടും ഇങ്ങോ​ട്ടും ആട്ടും.+ 31 പുരോഹിതൻ കൊഴു​പ്പു യാഗപീ​ഠ​ത്തിൽ വെച്ച്‌ ദഹിപ്പി​ക്കും.+ പക്ഷേ നെഞ്ച്‌ അഹരോ​നും പുത്ര​ന്മാർക്കും ഉള്ളതാ​യി​രി​ക്കും.+

32 “‘നിങ്ങളു​ടെ സഹഭോ​ജ​ന​ബ​ലി​ക​ളിൽനിന്ന്‌ വലങ്കാൽ വിശു​ദ്ധ​മായ ഓഹരി​യാ​യി പുരോ​ഹി​തനു കൊടു​ക്കണം.+ 33 അഹരോന്റെ ഏതു മകനാ​ണോ സഹഭോ​ജ​ന​ബ​ലി​ക​ളു​ടെ രക്തവും കൊഴു​പ്പും അർപ്പി​ക്കു​ന്നത്‌, അവന്‌ ആ വലങ്കാൽ ഓഹരി​യാ​യി കിട്ടും.+ 34 കാരണം ഞാൻ ഇസ്രായേ​ല്യ​രു​ടെ സഹഭോ​ജ​ന​ബ​ലി​ക​ളിൽനിന്ന്‌ ദോള​ന​യാ​ഗ​ത്തി​ന്റെ നെഞ്ചും വിശു​ദ്ധയോ​ഹ​രി​യായ വലങ്കാ​ലും എടുത്ത്‌ പുരോ​ഹി​ത​നായ അഹരോ​നും പുത്ര​ന്മാർക്കും കൊടു​ക്കു​ന്നു.+ ഇത്‌ ഇസ്രായേ​ല്യർക്കു ദീർഘ​കാ​ലത്തേ​ക്കുള്ള ഒരു ചട്ടമാ​യി​രി​ക്കും.

35 “‘പുരോ​ഹി​ത​ന്മാ​രായ അഹരോനെ​യും പുത്ര​ന്മാരെ​യും യഹോ​വ​യ്‌ക്കു പുരോ​ഹി​ത​ശുശ്രൂഷ ചെയ്യാൻ ഹാജരാക്കിയ+ ദിവസം അഗ്നിയിൽ യഹോ​വ​യ്‌ക്ക്‌ അർപ്പിച്ച യാഗങ്ങ​ളിൽനിന്ന്‌ അവർക്കു​വേണ്ടി മാറ്റിവെ​ക്കേണ്ട ഓഹരി​യാ​യി​രു​ന്നു ഇത്‌. 36 അവർക്ക്‌ ഇസ്രായേ​ല്യ​രിൽനി​ന്നുള്ള ഈ ഓഹരി കൊടു​ക്ക​ണമെന്ന്‌ അവരെ അഭി​ഷേകം ചെയ്‌ത+ ദിവസം യഹോവ കല്‌പി​ച്ചു. ഇത്‌ അവർക്കു തലമു​റ​ത​ല​മു​റയോ​ളം ഒരു സ്ഥിരനി​യ​മ​മാ​യി​രി​ക്കും.’”

37 ഇതാണു ദഹനയാ​ഗം,+ ധാന്യ​യാ​ഗം,+ പാപയാ​ഗം,+ അപരാ​ധ​യാ​ഗം,+ സ്ഥാനാരോ​ഹ​ണ​ബലി,+ സഹഭോജനബലി+ എന്നിവ സംബന്ധി​ച്ചുള്ള നിയമം. 38 സീനായ്‌ വിജനഭൂമിയിൽ* യഹോ​വ​യ്‌ക്കു യാഗങ്ങൾ അർപ്പി​ക്ക​ണമെന്ന്‌ ഇസ്രായേ​ല്യർക്കു കല്‌പന+ കൊടുത്ത ദിവസം സീനായ്‌ പർവത​ത്തിൽവെച്ച്‌ യഹോവ മോശയോ​ടു കല്‌പി​ച്ച​താണ്‌ ഇത്‌.+

8 യഹോവ ഇങ്ങനെ​യും മോശയോ​ടു പറഞ്ഞു: 2 “അഹരോനെ​യും പുത്രന്മാരെയും+ കൊണ്ടു​വ​രുക. വസ്‌ത്രങ്ങൾ,+ അഭി​ഷേ​ക​തൈലം,+ പാപയാ​ഗ​ത്തി​നുള്ള കാള, രണ്ട്‌ ആൺചെ​മ്മ​രി​യാട്‌, പുളി​പ്പി​ല്ലാത്ത അപ്പം+ വെച്ചി​രി​ക്കുന്ന കൊട്ട എന്നിവ​യും കൊണ്ടു​വ​രണം. 3 ഇസ്രായേൽസമൂഹത്തെ മുഴുവൻ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ ഒന്നിച്ചു​കൂ​ട്ടു​ക​യും വേണം.”

4 യഹോവ കല്‌പി​ച്ച​തുപോലെ​തന്നെ മോശ ചെയ്‌തു. ഇസ്രായേൽസ​മൂ​ഹം സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ ഒന്നിച്ചു​കൂ​ടി. 5 അപ്പോൾ മോശ അവരോ​ടു പറഞ്ഞു: “ഇങ്ങനെ ചെയ്യാ​നാണ്‌ യഹോവ നമ്മളോ​ടു കല്‌പി​ച്ചി​രി​ക്കു​ന്നത്‌.” 6 അതനുസരിച്ച്‌ മോശ അഹരോനെ​യും പുത്ര​ന്മാരെ​യും അടുത്ത്‌ കൊണ്ടു​വന്ന്‌ അവരെ വെള്ളം​കൊ​ണ്ട്‌ കഴുകി.+ 7 അതിനു ശേഷം അഹരോ​നെ നീളൻ കുപ്പായം+ ധരിപ്പി​ച്ചു, അരയിൽ നടുക്കെട്ടു+ കെട്ടി, കൈയി​ല്ലാത്ത അങ്കിയും+ അണിയി​ച്ചു. എന്നിട്ട്‌ ഏഫോദ്‌+ ധരിപ്പി​ച്ച്‌ അതിന്റെ നെയ്‌തെ​ടുത്ത അരപ്പട്ടകൊണ്ട്‌+ അതു മുറുക്കെ കെട്ടി. 8 അടുത്തതായി അഹരോ​നെ മാർച്ചട്ട+ അണിയി​ച്ച്‌ അതിൽ ഊറീ​മും തുമ്മീമും+ വെച്ചു. 9 പിന്നെ തലപ്പാവ്‌+ അണിയി​ച്ചു. അതിന്റെ മുൻഭാ​ഗ​ത്താ​യി സമർപ്പ​ണ​ത്തി​ന്റെ വിശു​ദ്ധ​ചി​ഹ്ന​മായ,* തിളങ്ങുന്ന സ്വർണ​ത്ത​കി​ടും വെച്ചു.+ യഹോവ മോശയോ​ടു കല്‌പി​ച്ച​തുപോലെ​തന്നെ ഇതെല്ലാം ചെയ്‌തു.

10 പിന്നെ മോശ അഭി​ഷേ​ക​തൈലം എടുത്ത്‌ വിശു​ദ്ധ​കൂ​ടാ​ര​വും അതിനു​ള്ളി​ലു​ള്ളതെ​ല്ലാം അഭിഷേകം+ ചെയ്‌ത്‌ വിശു​ദ്ധീ​ക​രി​ച്ചു. 11 അതിനു ശേഷം തൈല​ത്തിൽ കുറച്ച്‌ എടുത്ത്‌ യാഗപീ​ഠ​ത്തിൽ ഏഴു പ്രാവ​ശ്യം തളിച്ച്‌ യാഗപീ​ഠ​വും അതിന്റെ എല്ലാ ഉപകര​ണ​ങ്ങ​ളും വെള്ളം വെക്കാ​നുള്ള പാത്ര​വും അതിന്റെ താങ്ങും അഭി​ഷേകം ചെയ്‌ത്‌ വിശു​ദ്ധീ​ക​രി​ച്ചു. 12 ഒടുവിൽ അഹരോ​നെ വിശു​ദ്ധീ​ക​രി​ക്കാൻ അഭി​ഷേ​ക​തൈ​ല​ത്തിൽ കുറച്ച്‌ അഹരോ​ന്റെ തലയിൽ ഒഴിച്ച്‌ അഭി​ഷേകം ചെയ്‌തു.+

13 പിന്നെ മോശ അഹരോ​ന്റെ പുത്ര​ന്മാ​രെ കൊണ്ടു​വന്ന്‌ അവരെ നീളൻ കുപ്പാ​യങ്ങൾ ധരിപ്പി​ച്ചു, അരയിൽ നടു​ക്കെ​ട്ടു​കൾ കെട്ടി, തലേക്കെട്ടും+ അണിയി​ച്ചു.* യഹോവ കല്‌പി​ച്ച​തുപോലെ​തന്നെ മോശ ചെയ്‌തു.

14 അതിനു ശേഷം, മോശ പാപയാ​ഗ​ത്തി​നുള്ള കാളയെ കൊണ്ടു​വന്നു. അഹരോ​നും പുത്ര​ന്മാ​രും അവരുടെ കൈകൾ അതിന്റെ തലയിൽ വെച്ചു.+ 15 മോശ അതിനെ അറുത്ത്‌ അതിന്റെ രക്തം+ വിരൽകൊ​ണ്ട്‌ എടുത്ത്‌ യാഗപീ​ഠ​ത്തി​ന്റെ ഓരോ കൊമ്പി​ലും പുരട്ടി യാഗപീ​ഠ​ത്തി​നു പാപശു​ദ്ധി വരുത്തി. ബാക്കി​യുള്ള രക്തം യാഗപീ​ഠ​ത്തി​ന്റെ ചുവട്ടിൽ ഒഴിച്ചു. അങ്ങനെ യാഗപീ​ഠം വിശു​ദ്ധീ​ക​രിച്ച്‌ അതിൽ വെച്ച്‌ പാപപ​രി​ഹാ​രം വരുത്താൻ അത്‌ ഒരുക്കി. 16 അതിനു ശേഷം കുടലു​ക​ളിന്മേ​ലുള്ള മുഴുവൻ കൊഴു​പ്പും കരളിന്മേ​ലുള്ള കൊഴു​പ്പും വൃക്കകൾ രണ്ടും അവയുടെ കൊഴുപ്പും+ എടുത്ത്‌ യാഗപീ​ഠ​ത്തിൽ വെച്ച്‌ ദഹിപ്പി​ച്ചു.* 17 കാളയുടെ ബാക്കി ഭാഗങ്ങൾ, അതിന്റെ തോൽ, മാംസം, ചാണകം എന്നിവ പാളയ​ത്തി​നു വെളി​യിൽവെച്ച്‌ തീയി​ലിട്ട്‌ ചുട്ടു​ക​ളഞ്ഞു.+ യഹോവ കല്‌പി​ച്ച​തുപോലെ​തന്നെ മോശ ചെയ്‌തു.

18 പിന്നെ മോശ ദഹനയാ​ഗ​ത്തി​നുള്ള ആൺചെ​മ്മ​രി​യാ​ടി​നെ കൊണ്ടു​വന്നു. അഹരോ​നും പുത്ര​ന്മാ​രും അതിന്റെ തലയിൽ കൈകൾ വെച്ചു.+ 19 മോശ അതിനെ അറുത്ത്‌ ആ രക്തം യാഗപീ​ഠ​ത്തി​ന്റെ എല്ലാ വശങ്ങളി​ലും തളിച്ചു. 20 മോശ ആൺചെ​മ്മ​രി​യാ​ടി​നെ മുറിച്ച്‌ കഷണങ്ങ​ളാ​ക്കി അതിന്റെ തലയും കഷണങ്ങ​ളും കൊഴുപ്പും* ദഹിപ്പി​ച്ചു. 21 കുടലുകളും കണങ്കാ​ലു​ക​ളും വെള്ളം​കൊ​ണ്ട്‌ കഴുകി. അങ്ങനെ ആൺചെ​മ്മ​രി​യാ​ടി​നെ മുഴുവൻ മോശ യാഗപീ​ഠ​ത്തിൽ വെച്ച്‌ ദഹിപ്പി​ച്ചു. ഇതു പ്രസാദിപ്പിക്കുന്ന* സുഗന്ധ​മാ​യി അഗ്നിയിൽ യഹോ​വ​യ്‌ക്ക്‌ അർപ്പിച്ച ദഹനയാ​ഗ​മാ​യി​രു​ന്നു. യഹോവ കല്‌പി​ച്ച​തുപോലെ​തന്നെ മോശ ചെയ്‌തു.

22 പിന്നെ മോശ രണ്ടാമത്തെ ആൺചെ​മ്മ​രി​യാ​ടി​നെ, അതായത്‌ സ്ഥാനാരോഹണത്തിന്റെ+ ആടിനെ, കൊണ്ടു​വന്നു. അഹരോ​നും പുത്ര​ന്മാ​രും അവരുടെ കൈകൾ അതിന്റെ തലയിൽ വെച്ചു.+ 23 മോശ അതിനെ അറുത്ത്‌ കുറച്ച്‌ രക്തം എടുത്ത്‌ അഹരോ​ന്റെ വലത്തെ കീഴ്‌ക്കാ​തി​ലും വല​ങ്കൈ​യു​ടെ പെരു​വി​ര​ലി​ലും വലങ്കാ​ലി​ന്റെ പെരു​വി​ര​ലി​ലും പുരട്ടി. 24 അടുത്തതായി മോശ അഹരോ​ന്റെ പുത്ര​ന്മാ​രെ മുന്നോ​ട്ടു കൊണ്ടു​വന്ന്‌ കുറച്ച്‌ രക്തം അവരുടെ വലത്തെ കീഴ്‌ക്കാ​തി​ലും വല​ങ്കൈ​യു​ടെ പെരു​വി​ര​ലി​ലും വലങ്കാ​ലി​ന്റെ പെരു​വി​ര​ലി​ലും പുരട്ടി. ബാക്കി​യുള്ള രക്തം യാഗപീ​ഠ​ത്തി​ന്റെ എല്ലാ വശങ്ങളി​ലും തളിച്ചു.+

25 എന്നിട്ട്‌ മോശ കൊഴുത്ത വാലും കുടലു​ക​ളിന്മേ​ലുള്ള മുഴുവൻ കൊഴു​പ്പും കരളിന്മേ​ലുള്ള കൊഴു​പ്പും വൃക്കകൾ രണ്ടും അവയുടെ കൊഴു​പ്പും ഉൾപ്പെടെ മുഴുവൻ കൊഴു​പ്പും വലങ്കാ​ലും എടുത്തു.+ 26 കൂടാതെ, യഹോ​വ​യു​ടെ സന്നിധി​യിൽ ഇരിക്കുന്ന പുളി​പ്പി​ല്ലാത്ത അപ്പത്തിന്റെ കൊട്ട​യിൽനിന്ന്‌ വളയാ​കൃ​തി​യി​ലുള്ള, പുളി​പ്പി​ല്ലാത്ത ഒരു അപ്പവും+ വളയാ​കൃ​തി​യി​ലുള്ള, എണ്ണ ചേർത്ത ഒരു അപ്പവും+ കനം കുറഞ്ഞ്‌ മൊരി​ഞ്ഞി​രി​ക്കുന്ന ഒരു അപ്പവും എടുത്തു. എന്നിട്ട്‌ അവ കൊഴു​പ്പി​ന്റെ കഷണങ്ങ​ളുടെ​യും വലങ്കാ​ലിന്റെ​യും മുകളിൽ വെച്ചു. 27 അതിനു ശേഷം മോശ അവയെ​ല്ലാം അഹരോ​ന്റെ ഉള്ള​ങ്കൈ​ക​ളി​ലും അഹരോ​ന്റെ പുത്ര​ന്മാ​രു​ടെ ഉള്ള​ങ്കൈ​ക​ളി​ലും വെച്ച്‌ യഹോ​വ​യു​ടെ സന്നിധി​യിൽ ഒരു ദോളനയാഗമായി* അങ്ങോ​ട്ടും ഇങ്ങോ​ട്ടും ആട്ടി. 28 എന്നിട്ട്‌ അവരുടെ കൈയിൽനി​ന്ന്‌ അവ എടുത്ത്‌ യാഗപീ​ഠ​ത്തിൽ ദഹനയാ​ഗ​മൃ​ഗ​ത്തി​ന്റെ മുകളിൽ വെച്ച്‌ ദഹിപ്പി​ച്ചു. അവ പ്രസാ​ദി​പ്പി​ക്കുന്ന സുഗന്ധ​മാ​യി അർപ്പിച്ച ഒരു സ്ഥാനാരോ​ഹ​ണ​ബ​ലി​യാ​യി​രു​ന്നു. അഗ്നിയിൽ യഹോ​വ​യ്‌ക്ക്‌ അർപ്പിച്ച ഒരു യാഗമാ​യി​രു​ന്നു അത്‌.

29 പിന്നെ അതിന്റെ നെഞ്ച്‌ എടുത്ത്‌ മോശ യഹോ​വ​യു​ടെ സന്നിധി​യിൽ ഒരു ദോള​ന​യാ​ഗ​മാ​യി അങ്ങോ​ട്ടും ഇങ്ങോ​ട്ടും ആട്ടി.+ സ്ഥാനാരോ​ഹ​ണ​ത്തി​ന്റെ ആൺചെ​മ്മ​രി​യാ​ടിൽനിന്ന്‌ ഇതു മോശ​യ്‌ക്കുള്ള ഓഹരി​യാ​യി​രു​ന്നു, യഹോവ മോശയോ​ടു കല്‌പി​ച്ച​തുപോലെ​തന്നെ.+

30 മോശ അഭിഷേകതൈലവും+ യാഗപീ​ഠ​ത്തി​ലു​ണ്ടാ​യി​രുന്ന കുറച്ച്‌ രക്തവും എടുത്ത്‌ അഹരോ​ന്റെ മേലും അഹരോ​ന്റെ വസ്‌ത്ര​ങ്ങ​ളി​ലും അഹരോന്റെ​കൂടെ​യു​ണ്ടാ​യി​രുന്ന പുത്ര​ന്മാ​രു​ടെ മേലും അവരുടെ വസ്‌ത്ര​ങ്ങ​ളി​ലും തളിച്ചു. അങ്ങനെ മോശ അഹരോനെ​യും പുത്രന്മാരെയും+ വിശു​ദ്ധീ​ക​രി​ച്ചു. കൂടാതെ അഹരോന്റെ​യും പുത്ര​ന്മാ​രുടെ​യും വസ്‌ത്ര​ങ്ങ​ളും വിശു​ദ്ധീ​ക​രി​ച്ചു.+

31 എന്നിട്ട്‌ മോശ അഹരോനോ​ടും പുത്ര​ന്മാരോ​ടും പറഞ്ഞു: “സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽവെച്ച്‌ മാംസം വേവി​ക്കുക.+ സ്ഥാനാരോ​ഹ​ണ​ത്തി​ന്റെ കൊട്ട​യി​ലുള്ള അപ്പത്തോടൊ​പ്പം നിങ്ങൾ അത്‌ അവി​ടെവെച്ച്‌ കഴിക്കണം. ‘അഹരോ​നും പുത്ര​ന്മാ​രും അതു കഴിക്കും’+ എന്ന്‌ എന്നോടു കല്‌പി​ച്ചി​രി​ക്കു​ന്ന​തുപോലെ​തന്നെ നിങ്ങൾ ചെയ്യണം. 32 ബാക്കിവരുന്ന മാംസ​വും അപ്പവും നിങ്ങൾ ചുട്ടു​ക​ള​യണം.+ 33 നിങ്ങളുടെ സ്ഥാനാരോ​ഹണം പൂർത്തി​യാ​കാൻവേണ്ട ഏഴു ദിവസം കഴിയു​ന്ന​തു​വരെ നിങ്ങൾ സാന്നി​ധ്യ​കൂ​ടാ​ര​ത്തി​ന്റെ പ്രവേ​ശ​ന​ക​വാ​ടം വിട്ട്‌ പുറ​ത്തെ​ങ്ങും പോക​രുത്‌. കാരണം പുരോ​ഹി​ത​ന്മാ​രാ​യുള്ള നിങ്ങളു​ടെ സ്ഥാനാരോഹണത്തിന്‌*+ ഏഴു ദിവസം എടുക്കും. 34 നിങ്ങൾക്കു പാപപരിഹാരം+ വരുത്താൻ ഇന്നു നമ്മൾ ചെയ്‌ത​തു​തന്നെ ഇനിയും ചെയ്യാൻ യഹോവ കല്‌പി​ച്ചി​രി​ക്കു​ന്നു. 35 ഏഴു ദിവസ​ത്തേക്ക്‌, രാവും പകലും സാന്നി​ധ്യ​കൂ​ടാ​ര​ത്തി​ന്റെ പ്രവേ​ശ​ന​ക​വാ​ട​ത്തിന്‌ അടുത്തുണ്ടായിരിക്കുകയും+ യഹോ​വയോ​ടുള്ള നിങ്ങളു​ടെ കടമ നിറ​വേ​റ്റു​ക​യും വേണം.+ ഇല്ലെങ്കിൽ നിങ്ങൾ മരിക്കും. കാരണം ഇങ്ങനെ​യാണ്‌ എന്നോടു കല്‌പി​ച്ചി​രി​ക്കു​ന്നത്‌.”

36 അഹരോനും പുത്ര​ന്മാ​രും മോശ​യി​ലൂ​ടെ യഹോവ കല്‌പിച്ച എല്ലാ കാര്യ​ങ്ങ​ളും ചെയ്‌തു.

9 എട്ടാം ദിവസം+ മോശ അഹരോനെ​യും പുത്ര​ന്മാരെ​യും ഇസ്രായേൽമൂ​പ്പ​ന്മാരെ​യും വിളിച്ചു. 2 മോശ അഹരോനോ​ടു പറഞ്ഞു: “അഹരോ​ന്റെ പാപയാഗത്തിനുവേണ്ടി+ ന്യൂന​ത​യി​ല്ലാത്ത ഒരു കാളക്കു​ട്ടിയെ​യും ദഹനയാ​ഗ​ത്തി​നാ​യി ന്യൂന​ത​യി​ല്ലാത്ത ഒരു ആൺചെ​മ്മ​രി​യാ​ടിനെ​യും യഹോ​വ​യു​ടെ സന്നിധി​യിൽ കൊണ്ടു​വ​രുക. 3 എന്നാൽ, ഇസ്രായേ​ല്യരോട്‌ ഇങ്ങനെ പറയണം: ‘പാപയാ​ഗ​ത്തി​നുവേണ്ടി ഒരു ആൺകോ​ലാ​ടിനെ​യും ദഹനയാ​ഗ​ത്തി​നുവേണ്ടി ഒരു വയസ്സുള്ള, ന്യൂന​ത​യി​ല്ലാത്ത ഒരു കാളക്കു​ട്ടിയെ​യും ഒരു ആൺചെ​മ്മ​രി​യാ​ട്ടിൻകു​ട്ടിയെ​യും 4 സഹഭോജനബലികൾക്കുവേണ്ടി+ ഒരു കാള​യെ​യും ഒരു ആൺചെ​മ്മ​രി​യാ​ടിനെ​യും എടുക്കുക. ബലി അർപ്പി​ക്കാൻ അവയെ യഹോ​വ​യു​ടെ സന്നിധി​യിൽ കൊണ്ടു​വ​രണം. എണ്ണ ചേർത്ത ധാന്യയാഗവും+ കൊണ്ടു​വ​രണം. കാരണം യഹോവ ഇന്നു നിങ്ങൾക്കു പ്രത്യ​ക്ഷ​നാ​കും.’”+

5 മോശ കല്‌പി​ച്ചതെ​ല്ലാം അവർ സാന്നി​ധ്യ​കൂ​ടാ​ര​ത്തി​നു മുന്നിൽ കൊണ്ടു​വന്നു. തുടർന്ന്‌ സമൂഹം മുഴുവൻ മുന്നോ​ട്ടു വന്ന്‌ യഹോ​വ​യു​ടെ സന്നിധി​യിൽ നിന്നു. 6 അപ്പോൾ മോശ പറഞ്ഞു: “നിങ്ങൾക്ക്‌ യഹോ​വ​യു​ടെ തേജസ്സു+ ദൃശ്യ​മാ​കാൻ നിങ്ങൾ ചെയ്യണ​മെന്ന്‌ യഹോവ കല്‌പി​ച്ചി​രി​ക്കു​ന്നത്‌ ഇതാണ്‌.” 7 പിന്നെ മോശ അഹരോനോ​ടു പറഞ്ഞു: “യാഗപീ​ഠ​ത്തി​ന്റെ അടു​ത്തേക്കു ചെന്ന്‌ അഹരോ​നും ഭവനത്തി​നും വേണ്ടി പാപയാഗവും+ ദഹനയാ​ഗ​വും അർപ്പിച്ച്‌ നിങ്ങൾക്കു പാപപ​രി​ഹാ​രം വരുത്തുക.+ ജനത്തിന്റെ യാഗം അർപ്പിച്ച്‌+ അവർക്കും പാപപ​രി​ഹാ​രം വരുത്തുക.+ യഹോവ കല്‌പി​ച്ചി​രി​ക്കു​ന്ന​തുപോലെ​തന്നെ ചെയ്യണം.”

8 ഉടനെ അഹരോൻ യാഗപീ​ഠ​ത്തി​ന്റെ അടുത്ത്‌ ചെന്ന്‌ തന്റെ പാപയാ​ഗ​ത്തി​നുള്ള കാളക്കു​ട്ടി​യെ അറുത്തു.+ 9 തുടർന്ന്‌ അഹരോ​ന്റെ പുത്ര​ന്മാർ ആ രക്തം+ അഹരോ​ന്റെ മുന്നിൽ കൊണ്ടു​വന്നു. അഹരോൻ അതിൽ കൈവി​രൽ മുക്കി യാഗപീ​ഠ​ത്തി​ന്റെ കൊമ്പു​ക​ളിൽ പുരട്ടി. ബാക്കിവന്ന രക്തം യാഗപീ​ഠ​ത്തി​ന്റെ ചുവട്ടിൽ ഒഴിക്കു​ക​യും ചെയ്‌തു.+ 10 പാപയാഗമൃഗത്തിൽനിന്നുള്ള കൊഴു​പ്പും വൃക്കക​ളും കരളിന്മേ​ലുള്ള കൊഴു​പ്പും അഹരോൻ യാഗപീ​ഠ​ത്തിൽ വെച്ച്‌ ദഹിപ്പി​ച്ചു.*+ യഹോവ മോശയോ​ടു കല്‌പി​ച്ചി​രു​ന്ന​തുപോലെ​തന്നെ എല്ലാം ചെയ്‌തു. 11 എന്നിട്ട്‌ അതിന്റെ മാംസ​വും തോലും പാളയ​ത്തി​നു വെളി​യിൽവെച്ച്‌ ചുട്ടു​ക​ളഞ്ഞു.+

12 പിന്നെ അഹരോൻ ദഹനയാ​ഗ​മൃ​ഗത്തെ അറുത്തു. അഹരോ​ന്റെ പുത്ര​ന്മാർ അതിന്റെ രക്തം എടുത്ത്‌ അഹരോ​നു കൊടു​ത്തു. അഹരോൻ അതു യാഗപീ​ഠ​ത്തി​ന്റെ എല്ലാ വശങ്ങളി​ലും തളിച്ചു.+ 13 പിന്നെ അവർ ദഹനയാ​ഗ​മൃ​ഗ​ത്തി​ന്റെ തലയും കഷണങ്ങ​ളും കൊടു​ത്തു. അഹരോൻ അവ യാഗപീ​ഠ​ത്തിൽ വെച്ച്‌ ദഹിപ്പി​ച്ചു. 14 അതിന്റെ കുടലു​ക​ളും കണങ്കാ​ലു​ക​ളും കഴുകി, അവയും യാഗപീ​ഠ​ത്തി​ലുള്ള ദഹനയാ​ഗ​വ​സ്‌തു​വി​നു മുകളിൽ വെച്ച്‌ ദഹിപ്പി​ച്ചു.

15 പിന്നെ അഹരോൻ ജനത്തിന്റെ യാഗം അർപ്പിച്ചു. അഹരോൻ ജനത്തി​നുവേ​ണ്ടി​യുള്ള പാപയാ​ഗ​ത്തി​ന്റെ കോലാ​ടി​നെ കൊണ്ടു​വന്ന്‌ അറുത്ത്‌ ആദ്യത്തെ മൃഗത്തി​ന്റെ കാര്യ​ത്തിൽ ചെയ്‌ത​തുപോലെ​തന്നെ ഒരു പാപയാ​ഗം അർപ്പിച്ചു. 16 എന്നിട്ട്‌ ദഹനയാ​ഗ​മൃ​ഗത്തെ​യും അർപ്പിച്ചു. പതിവ്‌ നടപടിക്രമമനുസരിച്ചുതന്നെ+ അഹരോൻ അതു ചെയ്‌തു.

17 അടുത്തതായി ധാന്യയാഗമാണ്‌+ അർപ്പി​ച്ചത്‌. അതിനു​വേണ്ടി അഹരോൻ യാഗവ​സ്‌തു​വിൽനിന്ന്‌ ഒരു കൈ നിറയെ എടുത്ത്‌ യാഗപീ​ഠ​ത്തിൽ വെച്ച്‌ ദഹിപ്പി​ച്ചു. രാവി​ലത്തെ ദഹനയാഗത്തിനു+ പുറ​മേ​യാ​യി​രു​ന്നു ഇത്‌.

18 അതിനു ശേഷം അഹരോൻ ജനത്തി​നുവേ​ണ്ടി​യുള്ള സഹഭോ​ജ​ന​ബ​ലി​യു​ടെ കാള​യെ​യും ആൺചെ​മ്മ​രി​യാ​ടിനെ​യും അറുത്തു. തുടർന്ന്‌, അഹരോ​ന്റെ പുത്ര​ന്മാർ അതിന്റെ രക്തം എടുത്ത്‌ അഹരോ​നു കൊടു​ത്തു. അഹരോൻ അതു യാഗപീ​ഠ​ത്തി​ന്റെ എല്ലാ വശങ്ങളി​ലും തളിച്ചു.+ 19 കാളയുടെ കൊഴു​പ്പ്‌,+ ആൺചെ​മ്മ​രി​യാ​ടി​ന്റെ കൊഴുത്ത വാൽ, ആന്തരാ​വ​യ​വ​ങ്ങളെ പൊതി​ഞ്ഞി​രി​ക്കുന്ന കൊഴു​പ്പ്‌, വൃക്കകൾ, കരളിന്മേ​ലുള്ള കൊഴുപ്പ്‌+ 20 എന്നിങ്ങനെ കൊഴു​പ്പി​ന്റെ കഷണങ്ങളെ​ല്ലാം അവർ അവയുടെ നെഞ്ചിൽ വെച്ചു. പിന്നെ അഹരോൻ കൊഴു​പ്പി​ന്റെ ആ കഷണങ്ങൾ എടുത്ത്‌ യാഗപീ​ഠ​ത്തിൽ വെച്ച്‌ ദഹിപ്പി​ച്ചു.+ 21 എന്നാൽ നെഞ്ചു​ക​ളും വലങ്കാ​ലും യഹോ​വ​യു​ടെ മുമ്പാകെ ഒരു ദോളനയാഗമായി* അഹരോൻ അങ്ങോ​ട്ടും ഇങ്ങോ​ട്ടും ആട്ടി. മോശ കല്‌പിച്ചിരുന്നതുപോലെതന്നെ+ ഇതെല്ലാം ചെയ്‌തു.

22 പാപയാഗവും ദഹനയാ​ഗ​വും സഹഭോ​ജ​ന​ബ​ലി​ക​ളും അർപ്പി​ക്കു​ക​യാ​യി​രുന്ന അഹരോൻ, ജനത്തിനു നേരെ കൈകൾ ഉയർത്തി അവരെ അനുഗ്രഹിച്ചിട്ട്‌+ ഇറങ്ങി​വന്നു. 23 ഒടുവിൽ മോശ​യും അഹരോ​നും സാന്നി​ധ്യ​കൂ​ടാ​ര​ത്തി​ന്റെ ഉള്ളി​ലേക്കു പോയി. പിന്നെ പുറത്ത്‌ വന്ന്‌ ജനത്തെ അനു​ഗ്ര​ഹി​ച്ചു.+

യഹോ​വ​യു​ടെ തേജസ്സ്‌ അപ്പോൾ ജനത്തിനു മുഴുവൻ ദൃശ്യ​മാ​യി.+ 24 യഹോവയിൽനിന്ന്‌ തീ പുറപ്പെട്ട്‌+ യാഗപീ​ഠ​ത്തി​ലുള്ള ദഹനയാ​ഗ​മൃ​ഗത്തെ​യും കൊഴു​പ്പി​ന്റെ കഷണങ്ങളെ​യും ദഹിപ്പി​ച്ചു​തു​ടങ്ങി. അതു കണ്ടപ്പോൾ ജനമെ​ല്ലാം ആർത്തു​വി​ളി​ക്കാൻതു​ടങ്ങി. അവർ നിലത്ത്‌ കമിഴ്‌ന്നു​വീണ്‌ നമസ്‌ക​രി​ച്ചു.+

10 പിന്നീട്‌ അഹരോ​ന്റെ പുത്ര​ന്മാ​രായ നാദാ​ബും അബീഹുവും+ അവരവ​രു​ടെ സുഗന്ധ​ക്കൂ​ട്ടു കത്തിക്കുന്ന പാത്രം എടുത്ത്‌ അതിൽ തീയും സുഗന്ധക്കൂട്ടും+ ഇട്ടു. അങ്ങനെ അവർ നിഷി​ദ്ധ​മായ അഗ്നി+ യഹോ​വ​യു​ടെ മുന്നിൽ അർപ്പിച്ചു. അവരോ​ടു ചെയ്യാൻ കല്‌പി​ക്കാ​ത്ത​താ​യി​രു​ന്നു ഇത്‌. 2 അതുകൊണ്ട്‌ യഹോ​വ​യു​ടെ സന്നിധി​യിൽനിന്ന്‌ തീ പുറ​പ്പെട്ട്‌ അവരെ ദഹിപ്പി​ച്ചു​ക​ളഞ്ഞു.+ അങ്ങനെ അവർ യഹോ​വ​യു​ടെ സന്നിധി​യിൽവെച്ച്‌ മരിച്ചുപോ​യി.+ 3 അപ്പോൾ മോശ അഹരോനോ​ടു പറഞ്ഞു: “യഹോവ ഇങ്ങനെ പറഞ്ഞി​രി​ക്കു​ന്നു: ‘എന്റെ അടുത്തു​ള്ളവർ എന്നെ വിശു​ദ്ധ​നാ​യി കാണണം.+ എല്ലാ ജനത്തിന്റെ​യും മുന്നിൽ എന്നെ മഹത്ത്വീ​ക​രി​ക്കണം.’” അഹരോ​നോ മൗനം പാലിച്ചു.

4 അപ്പോൾ മോശ അഹരോ​ന്റെ പിതൃ​സഹോ​ദ​ര​നായ ഉസ്സീയേലിന്റെ+ പുത്ര​ന്മാ​രായ മീശായേ​ലിനെ​യും എൽസാ​ഫാനെ​യും വിളിച്ചു. എന്നിട്ട്‌ അവരോ​ടു പറഞ്ഞു: “ഇവിടെ വന്ന്‌ നിങ്ങളു​ടെ സഹോ​ദ​ര​ന്മാ​രെ വിശു​ദ്ധ​സ്ഥ​ല​ത്തി​ന്റെ മുന്നിൽനി​ന്ന്‌ പാളയ​ത്തി​നു വെളി​യി​ലുള്ള ഒരു സ്ഥലത്തേക്ക്‌ എടുത്തുകൊ​ണ്ടുപോ​കൂ.” 5 മോശ കല്‌പി​ച്ച​തുപോ​ലെ അവർ വന്ന്‌ ആ പുരു​ഷ​ന്മാ​രെ അവരുടെ കുപ്പാ​യ​ങ്ങളോ​ടു​കൂ​ടെ പാളയ​ത്തി​നു വെളി​യി​ലുള്ള ഒരു സ്ഥലത്തേക്ക്‌ എടുത്തുകൊ​ണ്ടുപോ​യി.

6 പിന്നെ മോശ അഹരോനോ​ടും അഹരോ​ന്റെ മറ്റു പുത്ര​ന്മാ​രായ എലെയാ​സ​രിനോ​ടും ഈഥാ​മാ​രിനോ​ടും പറഞ്ഞു: “നിങ്ങൾ മരിക്കാ​തി​രി​ക്കാ​നും മുഴു​സ​മൂ​ഹ​ത്തി​നും എതിരെ ദൈവം കോപി​ക്കാ​തി​രി​ക്കാ​നും നിങ്ങൾ മുടി അലക്ഷ്യ​മാ​യി വിടരു​ത്‌, വസ്‌ത്രം കീറു​ക​യു​മ​രുത്‌.+ യഹോവ തീകൊ​ണ്ട്‌ കൊന്ന​വരെച്ചൊ​ല്ലി ഇസ്രായേൽഗൃ​ഹ​ത്തി​ലുള്ള നിങ്ങളു​ടെ സഹോ​ദ​ര​ന്മാർ കരഞ്ഞുകൊ​ള്ളും. 7 നിങ്ങൾ സാന്നി​ധ്യ​കൂ​ടാ​ര​ത്തി​ന്റെ പ്രവേ​ശ​ന​ക​വാ​ടം വിട്ട്‌ പുറ​ത്തെ​ങ്ങും പോക​രുത്‌, പോയാൽ നിങ്ങൾ മരിക്കും. കാരണം യഹോ​വ​യു​ടെ അഭി​ഷേ​ക​തൈലം നിങ്ങളു​ടെ മേൽ ഉണ്ട്‌.”+ അങ്ങനെ അവർ മോശ പറഞ്ഞതുപോ​ലെ ചെയ്‌തു.

8 പിന്നെ, യഹോവ അഹരോനോ​ടു പറഞ്ഞു: 9 “സാന്നി​ധ്യ​കൂ​ടാ​ര​ത്തിൽ വരു​മ്പോൾ നീയും നിന്റെ​കൂടെ​യുള്ള നിന്റെ പുത്ര​ന്മാ​രും വീഞ്ഞോ മറ്റു ലഹരി​പാ​നീ​യ​ങ്ങ​ളോ കുടി​ക്ക​രുത്‌.+ എങ്കിൽ നിങ്ങൾ മരിക്കില്ല. ഇതു നിങ്ങൾക്കു തലമു​റ​ത​ല​മു​റ​യാ​യുള്ള സ്ഥിരനി​യ​മ​മാ​യി​രി​ക്കും. 10 വിശുദ്ധമായതും വിശു​ദ്ധ​മ​ല്ലാ​ത്ത​തും തമ്മിലും അശുദ്ധ​മാ​യ​തും ശുദ്ധമാ​യ​തും തമ്മിലും നിങ്ങൾക്കു വേർതി​രി​ക്കാൻ പറ്റേണ്ടതിനും+ 11 മോശയിലൂടെ യഹോവ ഇസ്രായേ​ല്യരോ​ടു സംസാ​രിച്ച എല്ലാ ചട്ടങ്ങളും നിങ്ങൾക്ക്‌ അവരെ പഠിപ്പി​ക്കാൻ കഴി​യേ​ണ്ട​തി​നും ആണ്‌ ഈ നിയമം തരുന്നത്‌.”+

12 പിന്നെ, മോശ അഹരോനോ​ടും അഹരോ​ന്റെ ശേഷിച്ച പുത്ര​ന്മാ​രായ എലെയാ​സ​രിനോ​ടും ഈഥാ​മാ​രിനോ​ടും പറഞ്ഞു: “അഗ്നിയിൽ യഹോ​വ​യ്‌ക്ക്‌ അർപ്പിച്ച യാഗങ്ങ​ളിൽപ്പെട്ട ധാന്യ​യാ​ഗ​ത്തിൽ ബാക്കി​വ​ന്നത്‌ എടുത്ത്‌ യാഗപീ​ഠ​ത്തിന്‌ അടുത്തു​വെച്ച്‌ പുളി​പ്പി​ല്ലാത്ത അപ്പമായി കഴിക്കുക.+ കാരണം അത്‌ ഏറ്റവും വിശു​ദ്ധ​മാണ്‌.+ 13 വിശുദ്ധമായ ഒരു സ്ഥലത്തു​വെച്ച്‌ വേണം നിങ്ങൾ അതു കഴിക്കാൻ.+ കാരണം അഗ്നിയിൽ യഹോ​വ​യ്‌ക്ക്‌ അർപ്പിച്ച യാഗങ്ങ​ളിൽനിന്ന്‌ നിനക്കും നിന്റെ പുത്ര​ന്മാർക്കും ഉള്ള ഓഹരി​യാണ്‌ അത്‌. ഇതാണ്‌ എന്നോടു കല്‌പി​ച്ചി​രി​ക്കു​ന്നത്‌. 14 കൂടാതെ ദോളനയാഗത്തിന്റെ* നെഞ്ചും വിശു​ദ്ധയോ​ഹ​രി​യായ കാലും+ ശുദ്ധി​യുള്ള ഒരു സ്ഥലത്തു​വെച്ച്‌ വേണം നിങ്ങൾ കഴിക്കാൻ. ഇവ ഇസ്രായേ​ല്യ​രു​ടെ സഹഭോ​ജ​ന​ബ​ലി​ക​ളിൽനിന്ന്‌ നിനക്കും മക്കൾക്കും ഉള്ള ഓഹരി​യാ​യി നൽകി​യി​രി​ക്കു​ന്ന​തുകൊണ്ട്‌ നിനക്കും നിന്റെ പുത്ര​ന്മാർക്കും നിന്റെ​കൂടെ​യുള്ള നിന്റെ പുത്രി​മാർക്കും അതു കഴിക്കാം.+ 15 അവർ അഗ്നിയിൽ യാഗമാ​യി അർപ്പി​ക്കുന്ന കൊഴു​പ്പു കൊണ്ടു​വ​രു​ന്ന​തിന്റെ​കൂ​ടെ വിശു​ദ്ധയോ​ഹ​രി​യായ കാലും ദോള​ന​യാ​ഗ​ത്തി​ന്റെ നെഞ്ചും കൊണ്ടു​വ​രണം. എന്നിട്ട്‌ ദോള​ന​യാ​ഗ​വ​സ്‌തു യഹോ​വ​യു​ടെ മുന്നിൽ അങ്ങോ​ട്ടും ഇങ്ങോ​ട്ടും ആട്ടും. ഇതു നിനക്കും നിന്റെ​കൂടെ​യുള്ള നിന്റെ പുത്ര​ന്മാർക്കും സ്ഥിരമായ ഓഹരി​യാ​യി കിട്ടും,+ യഹോവ കല്‌പി​ച്ചി​രി​ക്കു​ന്ന​തുപോലെ​തന്നെ.”

16 പാപയാഗത്തിനുള്ള കോലാടിനെ+ മോശ പലയി​ട​ത്തും തിര​ഞ്ഞെ​ങ്കി​ലും കണ്ടില്ല. അതു ദഹിച്ചു​തീർന്നെന്ന്‌ അറിഞ്ഞ​പ്പോൾ അഹരോ​ന്റെ ശേഷിച്ച പുത്ര​ന്മാ​രായ എലെയാ​സ​രിനോ​ടും ഈഥാ​മാ​രിനോ​ടും മോശ ദേഷ്യ​പ്പെട്ട്‌ ഇങ്ങനെ പറഞ്ഞു: 17 “നിങ്ങൾ എന്തു​കൊ​ണ്ടാ​ണു വിശു​ദ്ധ​സ്ഥ​ല​ത്തുവെച്ച്‌ പാപയാ​ഗം ഭക്ഷിക്കാ​തി​രു​ന്നത്‌?+ അത്‌ ഏറ്റവും വിശു​ദ്ധ​മാ​യ​തല്ലേ? ഇസ്രായേൽസ​മൂ​ഹ​ത്തി​ന്റെ തെറ്റിനു നിങ്ങൾ ഉത്തരം പറയാ​നും യഹോ​വ​യു​ടെ മുമ്പാകെ അവർക്കു പാപപ​രി​ഹാ​രം വരുത്താ​നും വേണ്ടി ദൈവ​മല്ലേ അതു നിങ്ങൾക്കു തന്നത്‌? 18 പക്ഷേ നിങ്ങൾ അതിന്റെ രക്തം വിശുദ്ധസ്ഥലത്തേക്കു+ കൊണ്ടു​വ​ന്നി​ട്ടില്ല. എനിക്കു കിട്ടിയ കല്‌പ​നപോ​ലെ, നിങ്ങൾ അതു വിശു​ദ്ധ​സ്ഥ​ല​ത്തുവെച്ച്‌ കഴി​ക്കേ​ണ്ട​താ​യി​രു​ന്നു.” 19 മറുപടിയായി അഹരോൻ മോശയോ​ടു പറഞ്ഞു: “അവർ ഇന്ന്‌ അവരുടെ പാപയാ​ഗ​വും ദഹനയാഗവും+ യഹോ​വ​യു​ടെ മുമ്പാകെ അർപ്പിച്ചു. എന്നിട്ടും എനിക്ക്‌ ഇങ്ങനെയൊ​ക്കെ സംഭവി​ച്ചു. അഥവാ ഇന്നു ഞാൻ പാപയാ​ഗം കഴിച്ചി​രുന്നെ​ങ്കി​ലും യഹോ​വ​യ്‌ക്ക്‌ അതിൽ പ്രസാദം തോന്നു​മാ​യി​രു​ന്നോ?” 20 ആ വിശദീ​ക​രണം മോശ​യ്‌ക്കു തൃപ്‌തി​ക​ര​മാ​യി തോന്നി.

11 പിന്നെ യഹോവ മോശയോ​ടും അഹരോനോ​ടും പറഞ്ഞു: 2 “ഇസ്രായേ​ല്യരോട്‌ ഇങ്ങനെ പറയുക: ‘കരയിലെ ജന്തുക്ക​ളിൽ നിങ്ങൾക്കു കഴിക്കാ​കു​ന്നവ ഇവയാണ്‌:+ 3 പൂർണമായി പിളർന്ന ഇരട്ടക്കു​ള​മ്പുള്ള, അയവി​റ​ക്കുന്ന മൃഗങ്ങൾ.

4 “‘എന്നാൽ അയവി​റ​ക്കു​ന്ന​തി​ലും ഇരട്ടക്കു​ള​മ്പു​ള്ള​തി​ലും നിങ്ങൾ ഭക്ഷിക്ക​രു​താത്ത മൃഗങ്ങ​ളു​മുണ്ട്‌: ഒട്ടകം അയവി​റ​ക്കു​ന്ന​താണെ​ങ്കി​ലും അതിന്‌ ഇരട്ടക്കു​ള​മ്പില്ല. അതു നിങ്ങൾക്ക്‌ അശുദ്ധം.+ 5 പാറമുയൽ+ അയവി​റ​ക്കു​ന്ന​താണെ​ങ്കി​ലും അതിന്‌ ഇരട്ടക്കു​ള​മ്പില്ല. അതു നിങ്ങൾക്ക്‌ അശുദ്ധം. 6 മുയൽ അയവി​റ​ക്കു​ന്ന​താണെ​ങ്കി​ലും അതിന്‌ ഇരട്ടക്കു​ള​മ്പില്ല. അതു നിങ്ങൾക്ക്‌ അശുദ്ധം. 7 പന്നിക്കു+ പൂർണ​മാ​യി പിളർന്ന ഇരട്ടക്കു​ള​മ്പുണ്ട്‌. പക്ഷേ അത്‌ അയവി​റ​ക്കു​ന്നില്ല. അതു നിങ്ങൾക്ക്‌ അശുദ്ധം. 8 നിങ്ങൾ അവയുടെ മാംസം കഴിക്കു​ക​യോ അവയുടെ ജഡത്തിൽ തൊടു​ക​യോ അരുത്‌. അവ നിങ്ങൾക്ക്‌ അശുദ്ധ​മാണ്‌.+

9 “‘വെള്ളത്തിൽ ജീവി​ക്കു​ന്ന​വ​യിൽ നിങ്ങൾക്കു കഴിക്കാ​കു​ന്നവ ഇവയാണ്‌: കടലി​ലോ നദിയി​ലോ ജീവി​ക്കുന്ന, ചിറകും ചെതു​മ്പ​ലും ഉള്ളതെ​ല്ലാം നിങ്ങൾക്കു തിന്നാം.+ 10 എന്നാൽ കടലി​ലും നദിയി​ലും കൂട്ടമാ​യി സഞ്ചരി​ക്കുന്ന എല്ലാ ജലജീ​വി​ക​ളി​ലും വെള്ളത്തി​ലുള്ള മറ്റെല്ലാ ജീവി​ക​ളി​ലും, ചിറകും ചെതു​മ്പ​ലും ഇല്ലാത്തതെ​ല്ലാം നിങ്ങൾക്ക്‌ അറപ്പാ​യി​രി​ക്കണം. 11 അതെ, അവ നിങ്ങൾക്ക്‌ അറപ്പാ​യി​രി​ക്കണം. നിങ്ങൾ അവയുടെ മാംസം തിന്നു​കയേ അരുത്‌.+ അവയുടെ ജഡം നിങ്ങൾക്ക്‌ അറപ്പാ​യി​രി​ക്കണം. 12 ചിറകും ചെതു​മ്പ​ലും ഇല്ലാത്ത, വെള്ളത്തി​ലു​ള്ളതെ​ല്ലാം നിങ്ങൾക്ക്‌ അറപ്പാ​യി​രി​ക്കണം.

13 “‘പക്ഷിക​ളിൽ നിങ്ങൾ അറപ്പോ​ടെ കാണേ​ണ്ട​വ​യുണ്ട്‌. അറയ്‌ക്കേ​ണ്ട​താ​യ​തുകൊണ്ട്‌ അവയെ തിന്നരു​ത്‌. ആ പക്ഷികൾ ഇവയാണ്‌: കഴുകൻ,+ താലി​പ്പ​രുന്ത്‌, കരിങ്ക​ഴു​കൻ,+ 14 ചെമ്പരുന്ത്‌, എല്ലാ തരത്തി​ലു​മുള്ള ചക്കിപ്പ​രുന്ത്‌, 15 എല്ലാ തരത്തി​ലു​മുള്ള മലങ്കാക്ക, 16 ഒട്ടകപ്പക്ഷി, മൂങ്ങ, കടൽക്കാക്ക, എല്ലാ തരത്തി​ലു​മുള്ള പ്രാപ്പി​ടി​യൻ, 17 നത്ത്‌, നീർക്കാക്ക, നെടുഞ്ചെ​വി​യൻ മൂങ്ങ, 18 അരയന്നം, ഞാറപ്പക്ഷി, ശവംതീ​നി​ക്ക​ഴു​കൻ, 19 കൊക്ക്‌, എല്ലാ തരത്തി​ലു​മുള്ള മുണ്ടി, ഉപ്പൂപ്പൻ, വവ്വാൽ. 20 കൂട്ടമായി കാണ​പ്പെ​ടുന്ന, ചിറകുള്ള ചെറുജീവികളിൽ* നാലു കാലിൽ നടക്കു​ന്ന​വയെ​ല്ലാം നിങ്ങൾക്ക്‌ അറപ്പാ​യി​രി​ക്കണം.

21 “‘എന്നാൽ കൂട്ടമാ​യി കാണ​പ്പെ​ടുന്ന ചെറു​ജീ​വി​ക​ളിൽ നിങ്ങൾക്കു കഴിക്കാ​കു​ന്നവ, ചിറകു​ക​ളും നാലു കാലും ചാടി​ന​ട​ക്കാൻ പാദങ്ങൾക്കു മീതെ കാലിൽ സന്ധിബ​ന്ധ​വും ഉള്ളവ മാത്ര​മാണ്‌. 22 ഇവയിൽ നിങ്ങൾക്കു കഴിക്കാ​കു​ന്ന​വ​യാണ്‌ ദേശാ​ടനം നടത്തുന്ന വിവി​ധ​തരം വെട്ടു​ക്കി​ളി​കൾ, ഭക്ഷ്യ​യോ​ഗ്യ​മായ മറ്റു വെട്ടു​ക്കി​ളി​കൾ,+ വിവി​ധ​തരം ചീവീ​ടു​കൾ, വിവി​ധ​തരം പുൽച്ചാ​ടി​കൾ എന്നിവ. 23 എന്നാൽ കൂട്ടമാ​യി കാണ​പ്പെ​ടുന്ന ചെറു​ജീ​വി​ക​ളിൽ ചിറകുള്ള, നാലു കാലിൽ നടക്കുന്ന മറ്റുള്ള​വയെ​ല്ലാം നിങ്ങൾക്ക്‌ അറപ്പാ​യി​രി​ക്കണം. 24 ഇവയാൽ നിങ്ങൾ അശുദ്ധ​രാ​കും. അവയുടെ ജഡത്തിൽ തൊടു​ന്നവൻ വൈകുന്നേ​രം​വരെ അശുദ്ധ​നാ​യി​രി​ക്കും.+ 25 അവയിൽ ഏതി​ന്റെയെ​ങ്കി​ലും ജഡം എടുത്തുകൊ​ണ്ടുപോ​കു​ന്നവൻ വസ്‌ത്രം കഴുകണം.+ അവൻ വൈകുന്നേ​രം​വരെ അശുദ്ധ​നാ​യി​രി​ക്കും.

26 “‘ഇരട്ടക്കു​ള​മ്പു​ള്ളതെ​ങ്കി​ലും കുളമ്പു പൂർണ​മാ​യി പിളരാത്ത, അയവി​റ​ക്കാത്ത മൃഗങ്ങളെ​ല്ലാം നിങ്ങൾക്ക്‌ അശുദ്ധം. അവയെ തൊടു​ന്ന​വരെ​ല്ലാം അശുദ്ധ​രാ​കും.+ 27 നാലു കാലിൽ നടക്കുന്ന ജീവി​ക​ളിൽ പാദങ്ങ​ളിൽ നഖമു​ള്ള​വയെ​ല്ലാം നിങ്ങൾക്ക്‌ അശുദ്ധം. അവയുടെ ജഡത്തിൽ തൊടു​ന്ന​വരെ​ല്ലാം വൈകുന്നേ​രം​വരെ അശുദ്ധ​രാ​യി​രി​ക്കും. 28 അവയുടെ ജഡം എടുത്തുകൊ​ണ്ടുപോ​കു​ന്നവൻ വസ്‌ത്രം കഴുകണം.+ അവൻ വൈകുന്നേ​രം​വരെ അശുദ്ധ​നാ​യി​രി​ക്കും. കാരണം അവ നിങ്ങൾക്ക്‌ അശുദ്ധ​മാണ്‌.+

29 “‘കരയിൽ കാണുന്ന, എണ്ണത്തിൽ ധാരാ​ള​മുള്ള ചെറു​ജീ​വി​ക​ളിൽ ഇവ നിങ്ങൾക്ക്‌ അശുദ്ധം: തുരക്കുന്ന എലി, ചുണ്ടെലി,+ പല്ലിവർഗ​ത്തി​ലുള്ള ജീവികൾ, 30 ഗൗളി, പെരും​പല്ലി, നീർപ്പല്ലി, മണൽപ്പല്ലി, ഓന്ത്‌. 31 എണ്ണത്തിൽ ധാരാ​ള​മുള്ള ഈ ജീവികൾ നിങ്ങൾക്ക്‌ അശുദ്ധം.+ അവയുടെ ജഡത്തിൽ തൊടു​ന്ന​വരെ​ല്ലാം വൈകുന്നേ​രം​വരെ അശുദ്ധ​രാ​യി​രി​ക്കും.+

32 “‘ഇനി, അവ ചത്ത്‌ എന്തി​ലെ​ങ്കി​ലും വീഴുന്നെ​ങ്കിൽ, അതു മരപ്പാത്ര​മോ വസ്‌ത്ര​മോ തോലോ ചാക്കു​തു​ണി​യോ എന്തായി​രു​ന്നാ​ലും, അത്‌ അശുദ്ധ​മാ​കും. ഉപയോ​ഗ​ത്തി​ലുള്ള ഏതൊരു പാത്ര​വും വെള്ളത്തിൽ മുക്കണം. അതു വൈകുന്നേ​രം​വരെ അശുദ്ധ​മാ​യി​രി​ക്കും, പിന്നെ ശുദ്ധമാ​കും. 33 അവ ഒരു മൺപാത്ര​ത്തി​ലാ​ണു വീഴു​ന്നതെ​ങ്കിൽ നിങ്ങൾ അത്‌ ഉടച്ചു​ക​ള​യണം. അതിലു​ണ്ടാ​യി​രു​ന്നതെ​ല്ലാം അശുദ്ധ​മാ​കും.+ 34 അങ്ങനെയൊരു പാത്ര​ത്തി​ലെ വെള്ളം ഏതെങ്കി​ലും ആഹാര​സാ​ധ​ന​ത്തിൽ പറ്റിയാൽ ആ ആഹാരം അശുദ്ധ​മാ​കും. ഏതെങ്കി​ലും പാനീയം ആ പാത്ര​ത്തി​ലുണ്ടെ​ങ്കിൽ അതും അശുദ്ധ​മാ​കും. 35 അവയുടെ ജഡം വീഴു​ന്നത്‌ എന്തിലാ​യാ​ലും അത്‌ അശുദ്ധ​മാ​കും. അത്‌ അടുപ്പോ തീച്ചട്ടി​യോ ആയാലും പൊട്ടി​ച്ചു​ക​ള​യണം. അവ അശുദ്ധ​മാണെന്നു മാത്രമല്ല, അവയുടെ അശുദ്ധി മാറ്റാ​നും കഴിയില്ല. 36 നീരുറവയും ജലസംഭരണിയും* മാത്രം അശുദ്ധ​മാ​കില്ല. പക്ഷേ അവയുടെ ജഡത്തിൽ തൊടു​ന്ന​വരെ​ല്ലാം അശുദ്ധ​രാ​കും. 37 വിതയ്‌ക്കാൻ വെച്ചി​രി​ക്കുന്ന വിത്തിന്മേ​ലാണ്‌ അവയുടെ ജഡം വീഴു​ന്നതെ​ങ്കിൽ അതു ശുദ്ധം. 38 എന്നാൽ നനച്ച വിത്തി​ലാണ്‌ അവയുടെ ജഡത്തിന്റെ ഏതെങ്കി​ലും ഭാഗം വീഴു​ന്നതെ​ങ്കിൽ ആ വിത്തു നിങ്ങൾക്ക്‌ അശുദ്ധം.

39 “‘ഇനി, ഭക്ഷ്യ​യോ​ഗ്യ​മായ ഒരു മൃഗം ചാകുന്നെ​ങ്കിൽ, അതിന്റെ ജഡത്തിൽ തൊടു​ന്നവൻ വൈകുന്നേ​രം​വരെ അശുദ്ധ​നാ​യി​രി​ക്കും.+ 40 ആ ജഡത്തിന്റെ ഏതെങ്കി​ലും ഭാഗം കഴിക്കു​ന്നവൻ തന്റെ വസ്‌ത്രം അലക്കണം; വൈകുന്നേ​രം​വരെ അവൻ അശുദ്ധ​നാ​യി​രി​ക്കും.+ ആ ജഡം എടുത്തുകൊ​ണ്ടുപോ​കു​ന്നവൻ തന്റെ വസ്‌ത്രം അലക്കണം; വൈകുന്നേ​രം​വരെ അവൻ അശുദ്ധ​നാ​യി​രി​ക്കും. 41 കരയിലെ ചെറു​ജീ​വി​ക​ളിൽ എണ്ണത്തിൽ ധാരാ​ള​മു​ള്ള​വയെ​ല്ലാം നിങ്ങൾക്ക്‌ അറപ്പാ​യി​രി​ക്കണം.+ അവയെ തിന്നരു​ത്‌. 42 ഉരഗങ്ങളെയോ നാലു കാലിൽ നടക്കുന്ന ചെറു​ജീ​വി​കളെ​യോ കൂട്ടമാ​യി കാണ​പ്പെ​ടുന്ന, കരയിൽ കാണുന്ന, ധാരാളം കാലു​ക​ളുള്ള ചെറു​ജീ​വി​കളെ​യോ നിങ്ങൾ കഴിക്ക​രുത്‌. അവ നിങ്ങൾക്ക്‌ അറപ്പാ​യി​രി​ക്കണം.+ 43 കൂട്ടമായി കാണ​പ്പെ​ടുന്ന ഏതെങ്കി​ലും ജീവി കാരണം നിങ്ങൾ അറയ്‌ക്കത്തക്ക അവസ്ഥയി​ലാ​കാൻ ഇടയാ​ക​രുത്‌. അവയെ​ക്കൊ​ണ്ട്‌ നിങ്ങ​ളെ​ത്തന്നെ മലിന​രാ​ക്കി അശുദ്ധ​രാ​ക​രുത്‌.+ 44 കാരണം ഞാൻ നിങ്ങളു​ടെ ദൈവ​മായ യഹോ​വ​യാണ്‌.+ ഞാൻ വിശുദ്ധനായതുകൊണ്ട്‌+ നിങ്ങൾ നിങ്ങ​ളെ​ത്തന്നെ ശുദ്ധീ​ക​രിച്ച്‌ വിശു​ദ്ധ​രാ​കണം.+ അതു​കൊണ്ട്‌, കൂട്ടമാ​യി കാണ​പ്പെ​ടുന്ന, കരയിൽ ജീവി​ക്കുന്ന ഒരു ചെറു​ജീ​വിയെക്കൊ​ണ്ടും നിങ്ങ​ളെ​ത്തന്നെ അശുദ്ധ​രാ​ക്ക​രുത്‌. 45 കാരണം നിങ്ങൾക്കു ദൈവ​മാ​യി​രിക്കേ​ണ്ട​തിന്‌, ഈജി​പ്‌ത്‌ ദേശത്തു​നിന്ന്‌ നിങ്ങളെ നയിച്ചുകൊ​ണ്ടു​വ​രു​ന്നത്‌ യഹോവ എന്ന ഞാനാണ്‌.+ ഞാൻ വിശുദ്ധനായതുകൊണ്ട്‌+ നിങ്ങളും വിശു​ദ്ധ​രാ​യി​രി​ക്കണം.+

46 “‘മൃഗങ്ങളെ​യും പറക്കുന്ന ജീവി​കളെ​യും എല്ലാ ജലജന്തു​ക്കളെ​യും കരയിൽ കൂട്ടമാ​യി കാണ​പ്പെ​ടുന്ന എല്ലാ ചെറു​ജീ​വി​കളെ​യും സംബന്ധി​ച്ചുള്ള നിയമ​മാണ്‌ ഇത്‌. 47 ശുദ്ധവും അശുദ്ധ​വും തമ്മിലും കഴിക്കാ​കുന്ന ജീവി​ക​ളും കഴിച്ചു​കൂ​ടാ​ത്ത​വ​യും തമ്മിലും വ്യത്യാ​സം കല്‌പി​ക്കാൻവേ​ണ്ടി​യു​ള്ള​താണ്‌ ഈ നിയമം.’”+

12 യഹോവ മോശ​യോ​ട്‌ ഇങ്ങനെ​യും പറഞ്ഞു: 2 “ഇസ്രായേ​ല്യരോ​ടു പറയുക: ‘ഒരു സ്‌ത്രീ ഗർഭി​ണി​യാ​യി ആൺകു​ഞ്ഞി​നെ പ്രസവി​ക്കുന്നെ​ങ്കിൽ, ആർത്തവ​കാ​ലത്തെ​ന്നപോ​ലെ ഏഴു ദിവസ​ത്തേക്ക്‌ അശുദ്ധ​യാ​യി​രി​ക്കും.+ 3 എട്ടാം ദിവസം കുട്ടി​യു​ടെ അഗ്രചർമം പരിച്ഛേദന* ചെയ്യണം.+ 4 തുടർന്ന്‌ 33 ദിവസം​കൂ​ടെ അവൾ രക്തത്തിൽനി​ന്നുള്ള ശുദ്ധീ​ക​രണം ആചരി​ക്കും. തന്റെ ശുദ്ധീ​ക​ര​ണ​ദി​വ​സങ്ങൾ പൂർത്തി​യാ​കു​ന്ന​തു​വരെ അവൾ വിശു​ദ്ധ​വ​സ്‌തു​ക്കളൊ​ന്നും തൊടാ​നോ വിശു​ദ്ധ​മായ സ്ഥലത്ത്‌ പ്രവേ​ശി​ക്കാ​നോ പാടില്ല.

5 “‘എന്നാൽ പെൺകു​ഞ്ഞിനെ​യാ​ണു പ്രസവി​ക്കു​ന്നതെ​ങ്കിൽ അവൾ 14 ദിവസ​ത്തേക്ക്‌ ആർത്തവ​കാ​ലത്തെ​ന്നപോ​ലെ അശുദ്ധ​യാ​യി​രി​ക്കും. തുടർന്ന്‌ 66 ദിവസം​കൂ​ടെ അവൾ രക്തത്തിൽനി​ന്നുള്ള ശുദ്ധീ​ക​രണം ആചരി​ക്കണം. 6 മകനോ മകൾക്കോ വേണ്ടി​യുള്ള അവളുടെ ശുദ്ധീ​ക​ര​ണ​ദി​വ​സങ്ങൾ പൂർത്തി​യാ​കുമ്പോൾ, അവൾ ഒരു വയസ്സോ അതിൽ താഴെ​യോ പ്രായ​മുള്ള ഒരു ആൺചെ​മ്മ​രി​യാ​ട്ടിൻകു​ട്ടി​യെ ദഹനയാഗമായും+ ഒരു പ്രാവിൻകു​ഞ്ഞിനെ​യോ ഒരു ചെങ്ങാ​ലിപ്രാ​വിനെ​യോ പാപയാ​ഗ​മാ​യും സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ പുരോ​ഹി​തന്റെ അടുത്ത്‌ കൊണ്ടു​വ​രണം. 7 പുരോഹിതൻ അതിനെ യഹോ​വ​യു​ടെ സന്നിധി​യിൽ അർപ്പിച്ച്‌ അവൾക്കു പാപപ​രി​ഹാ​രം വരുത്തും. അങ്ങനെ അവൾ തന്റെ രക്തസ്ര​വ​ത്തിൽനിന്ന്‌ ശുദ്ധയാ​കും. ഇതാണ്‌ ആൺകു​ഞ്ഞിനെ​യോ പെൺകു​ഞ്ഞിനെ​യോ പ്രസവി​ക്കുന്ന സ്‌ത്രീ​യെ സംബന്ധി​ച്ചുള്ള നിയമം. 8 എന്നാൽ ആടിനെ അർപ്പി​ക്കാൻ അവൾക്കു വകയില്ലെ​ങ്കിൽ അവൾ രണ്ടു ചെങ്ങാ​ലിപ്രാ​വിനെ​യോ രണ്ടു പ്രാവിൻകു​ഞ്ഞിനെ​യോ കൊണ്ടു​വ​രണം.+ ഒന്നു ദഹനയാ​ഗ​ത്തി​നും മറ്റേതു പാപയാ​ഗ​ത്തി​നും. പുരോ​ഹി​തൻ അവൾക്കു പാപപ​രി​ഹാ​രം വരുത്തും. അങ്ങനെ അവൾ ശുദ്ധയാ​കും.’”

13 യഹോവ മോശയോ​ടും അഹരോനോ​ടും ഇങ്ങനെ​യും പറഞ്ഞു: 2 “ഒരാളു​ടെ തൊലി​പ്പു​റത്ത്‌ തടിപ്പോ ചിരങ്ങോ പുള്ളി​യോ ഉണ്ടായി​ട്ട്‌ അത്‌ അവന്റെ ചർമത്തിൽ കുഷ്‌ഠരോഗമായിത്തീരാൻ*+ സാധ്യ​ത​യുണ്ടെന്നു കണ്ടാൽ അവനെ പുരോ​ഹി​ത​നായ അഹരോന്റെ​യോ അഹരോ​ന്റെ പുത്ര​ന്മാ​രായ പുരോ​ഹി​ത​ന്മാ​രിൽ ഒരാളുടെ​യോ അടുത്ത്‌ കൊണ്ടു​വ​രണം.+ 3 പുരോഹിതൻ തൊലി​പ്പു​റത്തെ രോഗ​ബാധ പരി​ശോ​ധി​ക്കും. ആ ഭാഗത്തെ രോമം വെള്ള നിറമാ​കു​ക​യും രോഗം തൊലി​യു​ടെ അടിയി​ലേക്കു വ്യാപി​ച്ച​തുപോ​ലെ കാണ​പ്പെ​ടു​ക​യും ചെയ്‌താൽ അതു കുഷ്‌ഠരോ​ഗ​മാണ്‌. പുരോ​ഹി​തൻ അതു പരി​ശോ​ധിച്ച്‌ അവനെ അശുദ്ധ​നാ​യി പ്രഖ്യാ​പി​ക്കും. 4 എന്നാൽ തൊലി​പ്പു​റത്തെ പുള്ളി വെളു​ത്തി​രി​ക്കുന്നെ​ങ്കി​ലും അതു തൊലി​യു​ടെ അടിയി​ലേക്കു വ്യാപി​ച്ച​താ​യോ രോമം വെള്ള നിറമാ​യ​താ​യോ കാണു​ന്നില്ലെ​ങ്കിൽ രോഗ​ബാ​ധി​ത​നായ വ്യക്തിയെ പുരോ​ഹി​തൻ ഏഴു ദിവസം മാറ്റി​പ്പാർപ്പി​ക്കും.+ 5 ഏഴാം ദിവസം പുരോ​ഹി​തൻ അവനെ പരി​ശോ​ധി​ക്കും. അപ്പോൾ അതു തൊലി​പ്പു​റത്ത്‌ പടരാതെ അങ്ങനെ​തന്നെ നിൽക്കു​ന്നെന്നു കണ്ടാൽ പുരോ​ഹി​തൻ വീണ്ടും ഏഴു ദിവസം​കൂ​ടെ അവനെ മാറ്റി​പ്പാർപ്പി​ക്കും.

6 “ഏഴാം ദിവസം പുരോ​ഹി​തൻ വീണ്ടും അവനെ പരി​ശോ​ധി​ക്കണം. രോഗ​ബാധ മങ്ങി​യെ​ന്നും തൊലി​പ്പു​റത്ത്‌ പടർന്നി​ട്ടില്ലെ​ന്നും കണ്ടാൽ പുരോ​ഹി​തൻ അവനെ ശുദ്ധനാ​യി പ്രഖ്യാ​പി​ക്കും.+ അതു വെറുമൊ​രു ചിരങ്ങാ​യി​രു​ന്നു. അവൻ വസ്‌ത്രം അലക്കി ശുദ്ധനാ​കും. 7 എന്നാൽ ശുദ്ധനാ​ണെന്നു സ്ഥിരീ​ക​രി​ക്കാൻ പുരോ​ഹി​തന്റെ അടുത്ത്‌ ചെന്ന​ശേഷം ചിരങ്ങു* തൊലി​പ്പു​റത്ത്‌ പടർന്നെ​ങ്കിൽ അവൻ പുരോ​ഹി​തന്റെ അടുത്ത്‌ രണ്ടാമ​തും ചെല്ലണം. 8 പുരോഹിതൻ അതു പരി​ശോ​ധി​ക്കും. ചിരങ്ങു തൊലി​പ്പു​റത്ത്‌ പടർന്നി​ട്ടുണ്ടെ​ങ്കിൽ പുരോ​ഹി​തൻ അവനെ അശുദ്ധ​നാ​യി പ്രഖ്യാ​പി​ക്കണം. അതു കുഷ്‌ഠം​തന്നെ.+

9 “ഒരാൾക്കു കുഷ്‌ഠരോ​ഗം പിടിപെ​ടുന്നെ​ങ്കിൽ അവനെ പുരോ​ഹി​തന്റെ അടുത്ത്‌ കൊണ്ടു​വ​രണം. 10 പുരോഹിതൻ അവനെ പരി​ശോ​ധി​ക്കും.+ തൊലി​പ്പു​റത്ത്‌ ഒരു വെളുത്ത തടിപ്പ്‌ ഉണ്ടായി​ട്ട്‌ അവിടത്തെ രോമം വെള്ള നിറമാ​കു​ക​യും അവിടെ വ്രണം വന്ന്‌ പൊട്ടു​ക​യും ചെയ്‌തിട്ടുണ്ടെങ്കിൽ+ 11 അതു തൊലി​പ്പു​റത്ത്‌ ഉണ്ടാകുന്ന വിട്ടു​മാ​റാത്ത കുഷ്‌ഠ​മാണ്‌. പുരോ​ഹി​തൻ അവനെ അശുദ്ധ​നാ​യി പ്രഖ്യാ​പി​ക്കും. നിരീ​ക്ഷ​ണാർഥം അവനെ മാറ്റി​പ്പാർപ്പിക്കേ​ണ്ട​തില്ല.+ അവൻ അശുദ്ധ​നാണ്‌. 12 എന്നാൽ, അടിമു​ടി കുഷ്‌ഠം ഉണ്ടായി അതു തൊലി​പ്പു​റത്ത്‌ പുരോ​ഹി​തനു കാണാ​നാ​കു​ന്നി​ടത്തെ​ല്ലാം വ്യാപി​ച്ചി​ട്ടുണ്ടെ​ങ്കിൽ 13 പുരോഹിതൻ അവനെ പരി​ശോ​ധിച്ച്‌ കുഷ്‌ഠം അവന്റെ ചർമത്തിൽ മുഴുവൻ പടർന്നി​ട്ടുണ്ടെന്ന്‌ ഉറപ്പു വരുത്തണം. അത്‌ ഉറപ്പാ​യാൽ പുരോ​ഹി​തൻ ആ രോഗി​യെ ശുദ്ധനായി* പ്രഖ്യാ​പി​ക്കും. കാരണം ശരീരം മുഴുവൻ വെള്ള നിറമാ​യി​രി​ക്കു​ന്നു; അവൻ ശുദ്ധനാ​ണ്‌. 14 എന്നാൽ എപ്പോഴെ​ങ്കി​ലും ഒരു വ്രണം വന്ന്‌ പൊട്ടി​യാൽ അവൻ അശുദ്ധ​നാ​കും. 15 വ്രണം വന്ന്‌ പൊട്ടി​യെന്നു കണ്ടാൽ പുരോ​ഹി​തൻ അവനെ അശുദ്ധ​നാ​യി പ്രഖ്യാ​പി​ക്കും.+ പൊട്ടിയ വ്രണം അശുദ്ധ​മാണ്‌. അതു കുഷ്‌ഠം​തന്നെ.+ 16 അഥവാ, പൊട്ടിയ വ്രണം വീണ്ടും വെള്ള നിറമാ​കുന്നെ​ങ്കിൽ, അവൻ പുരോ​ഹി​തന്റെ അടുത്ത്‌ ചെല്ലണം. 17 പുരോഹിതൻ അവനെ പരി​ശോ​ധി​ക്കും.+ രോഗ​ബാധ വെള്ള നിറമാ​യി​ട്ടുണ്ടെ​ങ്കിൽ അവനെ ശുദ്ധനാ​യി പ്രഖ്യാ​പി​ക്കും; അവൻ ശുദ്ധനാ​ണ്‌.

18 “ഒരാൾക്കു തൊലി​പ്പു​റത്ത്‌ പരു ഉണ്ടായി​ട്ട്‌ അതു സുഖ​പ്പെട്ടെ​ങ്കി​ലും 19 പരു വന്നിടത്ത്‌ ഒരു വെള്ളത്ത​ടി​പ്പോ ചുവപ്പു കലർന്ന വെള്ള നിറത്തി​ലുള്ള പുള്ളി​യോ ഉണ്ടായി​ട്ടുണ്ടെ​ങ്കിൽ അവൻ പുരോ​ഹി​തന്റെ അടുത്ത്‌ ചെല്ലണം. 20 പുരോഹിതൻ അതു പരി​ശോ​ധി​ക്കും.+ അതു തൊലി​യു​ടെ അടിയി​ലേക്കു വ്യാപി​ച്ച​താ​യി കാണ​പ്പെ​ടു​ക​യും അതിലെ രോമം വെള്ള നിറമാ​കു​ക​യും ചെയ്‌തി​ട്ടുണ്ടെ​ങ്കിൽ പുരോ​ഹി​തൻ അവനെ അശുദ്ധ​നാ​യി പ്രഖ്യാ​പി​ക്കും. പരുവിൽ ഉണ്ടായി​രി​ക്കു​ന്നതു കുഷ്‌ഠ​മാണ്‌. 21 എന്നാൽ, പുരോ​ഹി​തൻ അതു പരി​ശോ​ധി​ക്കുമ്പോൾ അതു മങ്ങിയി​ട്ടുണ്ടെ​ന്നും അതിൽ വെള്ള നിറത്തി​ലുള്ള രോമ​മില്ലെ​ന്നും അതു തൊലി​യു​ടെ അടിയി​ലേക്കു വ്യാപി​ച്ചി​ട്ടില്ലെ​ന്നും കാണുന്നെ​ങ്കിൽ പുരോ​ഹി​തൻ ഏഴു ദിവസ​ത്തേക്ക്‌ അവനെ മാറ്റി​പ്പാർപ്പി​ക്കും.+ 22 എന്നാൽ അതു തൊലി​പ്പു​റത്ത്‌ പടർന്നി​ട്ടുണ്ടെ​ങ്കിൽ പുരോ​ഹി​തൻ അവനെ അശുദ്ധ​നാ​യി പ്രഖ്യാ​പി​ക്കും. അത്‌ ഒരു രോഗ​മാണ്‌. 23 എന്നാൽ പുള്ളി പടരാതെ അങ്ങനെ​തന്നെ നിൽക്കുന്നെ​ങ്കിൽ അതു പരു നിമി​ത്ത​മുള്ള വീക്കം മാത്ര​മാണ്‌. പുരോ​ഹി​തൻ അവനെ ശുദ്ധനാ​യി പ്രഖ്യാ​പി​ക്കും.+

24 “ഇനി, ഒരാൾക്കു തീപ്പൊ​ള്ളലേ​റ്റിട്ട്‌ ആ ഭാഗത്തെ പച്ചമാം​സം വെള്ളപ്പു​ള്ളി​യോ ചുവപ്പു കലർന്ന വെള്ള നിറത്തി​ലുള്ള പുള്ളി​യോ ആകു​ന്നെ​ങ്കിൽ 25 പുരോഹിതൻ അതു പരി​ശോ​ധി​ക്കും. അതു തൊലി​യു​ടെ അടിയി​ലേക്കു വ്യാപി​ച്ച​തുപോ​ലെ കാണ​പ്പെ​ടു​ക​യും പുള്ളി​യി​ലെ രോമം വെള്ള നിറമാ​കു​ക​യും ചെയ്‌തി​ട്ടുണ്ടെ​ങ്കിൽ അതു പൊള്ള​ലിൽനിന്ന്‌ ഉണ്ടായ കുഷ്‌ഠരോ​ഗ​മാണ്‌. പുരോ​ഹി​തൻ അവനെ അശുദ്ധ​നാ​യി പ്രഖ്യാ​പി​ക്കും. അതു കുഷ്‌ഠരോ​ഗ​മാണ്‌. 26 എന്നാൽ പുരോ​ഹി​തൻ അതു പരി​ശോ​ധി​ക്കുമ്പോൾ അതു മങ്ങിയി​ട്ടുണ്ടെ​ന്നും പുള്ളി​യിൽ വെള്ള നിറത്തി​ലുള്ള രോമ​മില്ലെ​ന്നും അതു തൊലി​യു​ടെ അടിയി​ലേക്കു വ്യാപി​ച്ചി​ട്ടില്ലെ​ന്നും കണ്ടാൽ അവനെ ഏഴു ദിവസ​ത്തേക്കു നിരീ​ക്ഷ​ണാർഥം മാറ്റി​പ്പാർപ്പി​ക്കും.+ 27 ഏഴാം ദിവസം പുരോ​ഹി​തൻ അവനെ പരി​ശോ​ധി​ക്കും. അപ്പോൾ അതു തൊലി​പ്പു​റത്ത്‌ പടർന്നി​ട്ടുണ്ടെ​ങ്കിൽ പുരോ​ഹി​തൻ അവനെ അശുദ്ധ​നാ​യി പ്രഖ്യാ​പി​ക്കും. അതു കുഷ്‌ഠരോ​ഗ​മാണ്‌. 28 എന്നാൽ പുള്ളി തൊലി​പ്പു​റത്ത്‌ പടരാതെ അങ്ങനെ​തന്നെ നിൽക്കുന്നെ​ന്നും അതു മങ്ങിയി​ട്ടുണ്ടെ​ന്നും കണ്ടാൽ അത്‌ ഒരു തടിപ്പു മാത്ര​മാണ്‌. പുരോ​ഹി​തൻ അവനെ ശുദ്ധനാ​യി പ്രഖ്യാ​പി​ക്കും. കാരണം അതു വെറുമൊ​രു വീക്കമാ​ണ്‌.

29 “ഒരു പുരു​ഷന്റെ​യോ സ്‌ത്രീ​യുടെ​യോ തലയി​ലോ താടി​യി​ലോ രോഗ​ബാധ ഉണ്ടാകുന്നെ​ങ്കിൽ 30 പുരോഹിതൻ അതു പരി​ശോ​ധി​ക്കും. അതു തൊലി​യു​ടെ അടിയി​ലേക്കു വ്യാപി​ച്ച​താ​യി കാണ​പ്പെ​ടു​ക​യും അതിലുള്ള രോമം എണ്ണത്തിൽ കുറഞ്ഞ്‌ മഞ്ഞ നിറമാ​കു​ക​യും ചെയ്‌തി​ട്ടുണ്ടെ​ങ്കിൽ പുരോ​ഹി​തൻ അവനെ അശുദ്ധ​നാ​യി പ്രഖ്യാ​പി​ക്കും. തലയിലെ​യോ താടി​യിലെ​യോ ഈ രോഗബാധ+ കുഷ്‌ഠ​മാണ്‌. 31 എന്നാൽ രോഗ​ബാധ തൊലി​യു​ടെ അടിയി​ലേക്കു വ്യാപി​ച്ചി​ട്ടില്ലെ​ന്നും അതിൽ കറുത്ത രോമ​മില്ലെ​ന്നും കണ്ടാൽ പുരോ​ഹി​തൻ അവനെ ഏഴു ദിവസം മാറ്റി​പ്പാർപ്പി​ക്കണം.+ 32 പുരോഹിതൻ ഏഴാം ദിവസം രോഗ​ബാധ പരി​ശോ​ധി​ക്കും. അപ്പോൾ, അതു തൊലി​പ്പു​റത്ത്‌ പടർന്നി​ട്ടില്ലെ​ന്നും അതിൽ മഞ്ഞരോ​മം വളർന്നി​ട്ടില്ലെ​ന്നും കാണു​ക​യും അതു തൊലി​യു​ടെ അടിയി​ലേക്കു വ്യാപി​ച്ചി​ട്ടില്ലെന്നു തോന്നു​ക​യും ചെയ്യുന്നെ​ങ്കിൽ 33 രോഗി തന്റെ തലയും താടി​യും വടിക്കണം. പക്ഷേ, രോഗം ബാധിച്ച ഭാഗം അവൻ വടിക്ക​രുത്‌. തുടർന്ന്‌ പുരോ​ഹി​തൻ രോഗി​യെ ഏഴു ദിവസം മാറ്റി​പ്പാർപ്പി​ക്കും.

34 “ഏഴാം ദിവസം പുരോ​ഹി​തൻ രോഗം ബാധിച്ച ഭാഗം വീണ്ടും പരി​ശോ​ധി​ക്കും. അപ്പോൾ, അതു തൊലി​പ്പു​റത്ത്‌ പടർന്നി​ട്ടില്ലെന്നു കാണു​ക​യും അതു തൊലി​യു​ടെ അടിയി​ലേക്കു വ്യാപി​ച്ചി​ട്ടില്ലെന്നു തോന്നു​ക​യും ചെയ്യുന്നെ​ങ്കിൽ പുരോ​ഹി​തൻ അവനെ ശുദ്ധനാ​യി പ്രഖ്യാ​പി​ക്കണം. അവൻ വസ്‌ത്രം അലക്കി ശുദ്ധനാ​കണം. 35 എന്നാൽ അവന്റെ ശുദ്ധീ​ക​ര​ണ​ത്തി​നു ശേഷം രോഗ​ബാധ തൊലി​പ്പു​റത്ത്‌ പടരുന്നെ​ങ്കിൽ 36 പുരോഹിതൻ അവനെ വീണ്ടും പരി​ശോ​ധി​ക്കും. രോഗ​ബാധ തൊലി​പ്പു​റത്ത്‌ പടർന്നി​ട്ടുണ്ടെ​ങ്കിൽ മഞ്ഞ നിറത്തി​ലുള്ള രോമം അതിലു​ണ്ടോ എന്നു പുരോ​ഹി​തൻ നോ​ക്കേ​ണ്ട​തില്ല. അവൻ അശുദ്ധ​നാണ്‌. 37 എന്നാൽ പരി​ശോ​ധ​ന​യിൽ രോഗ​ബാധ തൊലി​പ്പു​റത്ത്‌ പടർന്നി​ട്ടില്ലെ​ന്നും അതിൽ കറുത്ത രോമം വളർന്നി​ട്ടുണ്ടെ​ന്നും കാണുന്നെ​ങ്കിൽ രോഗം ഭേദമാ​യി​രി​ക്കു​ന്നു. അവൻ ശുദ്ധനാ​ണ്‌. പുരോ​ഹി​തൻ അവനെ ശുദ്ധനാ​യി പ്രഖ്യാ​പി​ക്കും.+

38 “ഒരു പുരു​ഷന്റെ​യോ സ്‌ത്രീ​യുടെ​യോ തൊലി​പ്പു​റത്ത്‌ പുള്ളികൾ ഉണ്ടായി അവ വെള്ള നിറമാ​കുന്നെ​ങ്കിൽ, 39 പുരോഹിതൻ അവ പരി​ശോ​ധി​ക്കും.+ തൊലി​പ്പു​റത്തെ പുള്ളികൾ മങ്ങിയ വെള്ള നിറത്തി​ലു​ള്ള​താണെ​ങ്കിൽ, തൊലി​പ്പു​റത്ത്‌ ഉണ്ടായി​രി​ക്കു​ന്നതു വെറുമൊ​രു പാടാണ്‌. അവൻ ശുദ്ധനാ​ണ്‌.

40 “ഒരാളു​ടെ മുടി കൊഴി​ഞ്ഞ്‌ തല കഷണ്ടി​യാ​കുന്നെ​ങ്കിൽ അവൻ ശുദ്ധനാ​ണ്‌. 41 തലയുടെ മുൻവ​ശത്തെ മുടി കൊഴി​ഞ്ഞ്‌ അവിടെ കഷണ്ടി​യു​ണ്ടാ​കുന്നെ​ങ്കിൽ അവൻ ശുദ്ധനാ​ണ്‌. 42 എന്നാൽ, അവന്റെ നെറ്റി​യി​ലോ തലയിൽ കഷണ്ടി​യുള്ള ഭാഗത്തോ ചുവപ്പു കലർന്ന വെള്ള നിറത്തി​ലുള്ള വ്രണം ഉണ്ടാകുന്നെ​ങ്കിൽ, അവന്റെ നെറ്റി​യി​ലോ തലയി​ലോ കുഷ്‌ഠം വരുക​യാണ്‌. 43 പുരോഹിതൻ അവനെ പരി​ശോ​ധി​ക്കും. രോഗ​ബാധ നിമിത്തം അവന്റെ നെറ്റി​യി​ലോ ഉച്ചിയി​ലെ കഷണ്ടി​യി​ലോ ചുവപ്പു കലർന്ന വെള്ള നിറത്തിൽ കാണുന്ന തടിപ്പു തൊലി​പ്പു​റത്തെ കുഷ്‌ഠംപോ​ലെ കാണ​പ്പെ​ടുന്നെ​ങ്കിൽ, 44 അവൻ കുഷ്‌ഠരോ​ഗി​യാണ്‌. അവൻ അശുദ്ധ​നാണ്‌. തലയിലെ രോഗം കാരണം പുരോ​ഹി​തൻ അവനെ അശുദ്ധ​നാ​യി പ്രഖ്യാ​പി​ക്കണം. 45 കുഷ്‌ഠരോഗി കീറിയ വസ്‌ത്രം ധരിക്കണം. മുടി കോതിയൊ​തു​ക്കാ​നും പാടില്ല. അവൻ വായ്‌* മറച്ചു​പി​ടിച്ച്‌ ‘അശുദ്ധൻ! അശുദ്ധൻ!’ എന്നു വിളി​ച്ചു​പ​റ​യണം. 46 രോഗം മാറു​ന്ന​തു​വരെ അവൻ അശുദ്ധ​നാ​യി​രി​ക്കും. അവൻ മറ്റുള്ള​വ​രിൽനിന്ന്‌ മാറി​ത്താ​മ​സി​ക്കണം. അവന്റെ താമസം പാളയ​ത്തി​നു പുറത്താ​യി​രി​ക്കണം.+

47 “കമ്പിളി​വ​സ്‌ത്ര​മോ ലിനൻവ​സ്‌ത്ര​മോ, 48 ലിനന്റെയോ കമ്പിളി​യുടെ​യോ ഇഴകളോ, തോലോ തോലു​കൊ​ണ്ട്‌ ഉണ്ടാക്കിയ എന്തെങ്കി​ലു​മോ കുഷ്‌ഠരോ​ഗ​ത്താൽ മലിന​മാ​യിട്ട്‌ 49 ആ വസ്‌ത്ര​ത്തി​ലോ തോലി​ലോ ഇഴകളി​ലോ തോലുകൊ​ണ്ടുള്ള വസ്‌തു​വി​ലോ മഞ്ഞ കലർന്ന പച്ച നിറത്തി​ലു​ള്ള​തോ ഇളഞ്ചു​വപ്പു നിറത്തി​ലു​ള്ള​തോ ആയ പാട്‌ ഉണ്ടാകുന്നെ​ങ്കിൽ അതു കുഷ്‌ഠരോ​ഗംകൊ​ണ്ടുള്ള മലിന​ത​യാണ്‌. അതു പുരോ​ഹി​തനെ കാണി​ക്കണം. 50 പുരോഹിതൻ രോഗ​ബാധ പരി​ശോ​ധി​ക്കു​ക​യും അതു ബാധിച്ച വസ്‌തു ഏഴു ദിവസം നിരീ​ക്ഷ​ണാർഥം മറ്റൊ​ന്നു​മാ​യി സമ്പർക്ക​ത്തിൽവ​രാ​തെ മാറ്റിവെ​ക്കു​ക​യും വേണം.+ 51 ഏഴാം ദിവസം പുരോ​ഹി​തൻ രോഗ​ബാധ പരി​ശോ​ധി​ക്കുമ്പോൾ അതു തോലി​ലോ (അതിന്റെ ഉപയോ​ഗം എന്തുമാ​കട്ടെ.) വസ്‌ത്ര​ത്തി​ലോ വസ്‌ത്ര​ത്തി​ന്റെ ഇഴകളി​ലോ വ്യാപി​ച്ചി​രി​ക്കു​ന്ന​താ​യി കണ്ടാൽ അതു കഠിന​മായ കുഷ്‌ഠ​മാണ്‌. അത്‌ അശുദ്ധം.+ 52 രോഗബാധ വസ്‌ത്ര​ത്തി​ലോ കമ്പിളി​യുടെ​യോ ലിന​ന്റെ​യോ ഇഴകളി​ലോ തോലുകൊ​ണ്ടുള്ള വസ്‌തു​വി​ലോ ആകട്ടെ അതു കത്തിച്ചു​ക​ള​യണം. കാരണം അതു കഠിന​മായ കുഷ്‌ഠ​മാണ്‌. അതു കത്തിച്ചു​ക​ള​യണം.

53 “എന്നാൽ പുരോ​ഹി​തൻ അതു പരി​ശോ​ധി​ക്കുമ്പോൾ രോഗ​ബാധ വസ്‌ത്ര​ത്തി​ലോ അതിന്റെ ഇഴകളി​ലോ തോലുകൊ​ണ്ടുള്ള വസ്‌തു​വി​ലോ വ്യാപി​ച്ചി​ട്ടില്ലെ​ന്നാ​ണു കാണു​ന്നതെ​ങ്കിൽ, 54 മലിനമായ ആ വസ്‌തു കഴുകാൻ പുരോ​ഹി​തൻ അവരോ​ടു കല്‌പി​ക്കും. എന്നിട്ട്‌ അവൻ അതു മറ്റൊ​ന്നു​മാ​യി സമ്പർക്ക​ത്തിൽ വരാതെ നിരീ​ക്ഷ​ണാർഥം ഏഴു ദിവസം​കൂ​ടെ മാറ്റിവെ​ക്കും. 55 പിന്നെ അതു നന്നായി കഴുകി​യശേഷം പുരോ​ഹി​തൻ വീണ്ടും പരി​ശോ​ധി​ക്കണം. ആ പാടിനു പ്രത്യ​ക്ഷ​ത്തിൽ വ്യത്യാ​സമൊ​ന്നും വന്നിട്ടില്ലെ​ങ്കിൽ, രോഗ​ബാധ വ്യാപി​ച്ചി​ട്ടില്ലെ​ങ്കിൽപ്പോ​ലും, അത്‌ അശുദ്ധ​മാണ്‌. അതു കത്തിച്ചു​ക​ള​യണം. കാരണം, അതിന്റെ അകവശ​ത്തു​നി​ന്നോ പുറത്തു​നി​ന്നോ അതു ദ്രവി​ച്ച​ല്ലോ.

56 “എന്നാൽ നന്നായി കഴുകി​യപ്പോൾ, മലിന​മായ ഭാഗം മങ്ങിയ​താ​യി പുരോ​ഹി​തൻ പരി​ശോ​ധ​ന​യിൽ കാണുന്നെ​ങ്കിൽ അവൻ ആ ഭാഗം വസ്‌ത്ര​ത്തിൽനി​ന്നോ തുണി​യു​ടെ ഇഴകളിൽനി​ന്നോ തോലിൽനി​ന്നോ നീക്കം ചെയ്യും. 57 എങ്കിലും അതു വസ്‌ത്ര​ത്തി​ന്റെ മറ്റൊരു ഭാഗത്തോ തുണി​യു​ടെ ഇഴകളി​ലോ തോലുകൊ​ണ്ടുള്ള ആ വസ്‌തു​വി​ലോ അപ്പോ​ഴും കാണുന്നെ​ങ്കിൽ അതു വ്യാപി​ക്കു​ന്നുണ്ട്‌. മലിന​മായ ഏതൊരു വസ്‌തു​വും തീയി​ലിട്ട്‌ ചുട്ടു​ക​ള​യണം.+ 58 എന്നാൽ കഴുകിയ വസ്‌ത്ര​ത്തിൽനി​ന്നോ ഇഴകളിൽനി​ന്നോ തോലുകൊ​ണ്ടുള്ള ആ വസ്‌തു​വിൽനി​ന്നോ മലിനത അപ്രത്യ​ക്ഷ​മാ​കുന്നെ​ങ്കിൽ നീ അതു രണ്ടാമ​തും കഴുകണം. അപ്പോൾ അതു ശുദ്ധമാ​കും.

59 “കമ്പിളി​ത്തു​ണി​യി​ലോ ലിനൻതു​ണി​യി​ലോ തുണി​യു​ടെ ഇഴകളി​ലോ തോലുകൊ​ണ്ടുള്ള ഏതെങ്കി​ലും വസ്‌തു​വി​ലോ ഉണ്ടാകുന്ന കുഷ്‌ഠരോ​ഗത്തെ സംബന്ധി​ച്ചുള്ള നിയമ​മാണ്‌ ഇത്‌. അവ ശുദ്ധമോ അശുദ്ധ​മോ എന്നു പ്രഖ്യാ​പി​ക്കാൻവേ​ണ്ടി​യു​ള്ള​താണ്‌ ഈ നിയമം.”

14 യഹോവ ഇങ്ങനെ​യും മോശയോ​ടു പറഞ്ഞു: 2 “കുഷ്‌ഠരോ​ഗി ശുദ്ധനാ​ണെന്നു സ്ഥിരീ​ക​രി​ക്കാൻ അവനെ പുരോ​ഹി​തന്റെ അടുത്ത്‌ കൊണ്ടുവരേണ്ട+ ദിവസം അവനെ സംബന്ധി​ച്ചുള്ള നിയമം ഇതായി​രി​ക്കണം. 3 പുരോഹിതൻ പാളയ​ത്തി​നു വെളി​യിൽ ചെന്ന്‌ അവനെ പരി​ശോ​ധി​ക്കും. കുഷ്‌ഠരോ​ഗി​യു​ടെ കുഷ്‌ഠം മാറിയെ​ങ്കിൽ 4 അവന്റെ ശുദ്ധീകരണത്തിനുവേണ്ടി+ ശുദ്ധി​യുള്ള രണ്ടു പക്ഷികൾ, ദേവദാ​രു​വി​ന്റെ ഒരു കഷണം, കടുഞ്ചു​വ​പ്പു​നൂൽ, ഈസോ​പ്പുചെടി എന്നിവ കൊണ്ടു​വ​രാൻ പുരോ​ഹി​തൻ അവനോ​ടു കല്‌പി​ക്കും. 5 ശുദ്ധമായ കുറച്ച്‌ ഒഴുക്കു​വെള്ളം ഒരു മൺപാത്ര​ത്തിൽ എടുത്ത്‌ പക്ഷിക​ളിൽ ഒന്നിനെ അതിന്റെ മുകളിൽ പിടിച്ച്‌ കൊല്ലാൻ പുരോ​ഹി​തൻ കല്‌പി​ക്കും. 6 എന്നാൽ അവൻ ജീവനുള്ള പക്ഷിയെ ദേവദാ​രു​വി​ന്റെ ഒരു കഷണം, കടുഞ്ചു​വ​പ്പു​നൂൽ, ഈസോ​പ്പുചെടി എന്നിവയോടൊ​പ്പം എടുത്ത്‌, അവയെ​ല്ലാം​കൂ​ടെ മൺപാത്ര​ത്തി​ലെ വെള്ളത്തി​നു മുകളിൽ പിടിച്ച്‌ കൊന്ന പക്ഷിയു​ടെ രക്തത്തിൽ മുക്കണം. 7 തുടർന്ന്‌ അവൻ അതു കുഷ്‌ഠരോ​ഗ​ത്തിൽനിന്ന്‌ ശുദ്ധി പ്രാപി​ക്കാൻ വന്നയാ​ളു​ടെ മേൽ ഏഴു പ്രാവ​ശ്യം തളിച്ച്‌ അവനെ ശുദ്ധി​യു​ള്ള​വ​നാ​യി പ്രഖ്യാ​പി​ക്കും. ജീവനുള്ള പക്ഷിയെ അവൻ തുറസ്സായ സ്ഥലത്ത്‌ സ്വത​ന്ത്ര​മാ​യി വിടും.+

8 “ശുദ്ധി പ്രാപി​ക്കാൻ വന്നിരി​ക്കു​ന്ന​യാൾ വസ്‌ത്രം അലക്കി, രോമം മുഴുവൻ വടിച്ച്‌ വെള്ളത്തിൽ കുളി​ക്കണം. അങ്ങനെ അവൻ ശുദ്ധനാ​കും. അതിനു ശേഷം അവനു പാളയ​ത്തിൽ പ്രവേ​ശി​ക്കാം. എന്നാൽ ഏഴു ദിവസം അവൻ തന്റെ കൂടാ​ര​ത്തി​നു വെളി​യിൽ താമസി​ക്കണം. 9 ഏഴാം ദിവസം അവൻ തലമു​ടി​യും താടി​യും പുരി​ക​വും മുഴുവൻ വടിക്കണം. അവൻ രോമം മുഴുവൻ വടിച്ച​ശേഷം വസ്‌ത്രം അലക്കി, വെള്ളത്തിൽ കുളി​ക്കും. അങ്ങനെ അവൻ ശുദ്ധനാ​കും.

10 “എട്ടാം ദിവസം അവൻ ന്യൂന​ത​യി​ല്ലാത്ത രണ്ട്‌ ആൺചെ​മ്മ​രി​യാ​ട്ടിൻകു​ട്ടിയെ​യും ഒരു വയസ്സോ അതിൽ താഴെ​യോ പ്രായ​മുള്ള ന്യൂന​ത​യി​ല്ലാത്ത ഒരു പെൺചെമ്മരിയാടിനെയും+ കൊണ്ടു​വ​രണം. ഒപ്പം, ഒരു ലോഗ്‌ * എണ്ണയും ധാന്യയാഗമായി+ എണ്ണ ചേർത്ത പത്തിൽ മൂന്ന്‌ ഏഫാ* നേർത്ത ധാന്യപ്പൊ​ടി​യും വേണം.+ 11 അവനെ ശുദ്ധി​യു​ള്ള​വ​നാ​യി പ്രഖ്യാ​പി​ക്കുന്ന പുരോ​ഹി​തൻ, ശുദ്ധി പ്രാപി​ക്കാൻ വന്നിരി​ക്കുന്ന ആ മനുഷ്യ​നെ യാഗവ​സ്‌തു​ക്കളോടൊ​പ്പം സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ യഹോ​വ​യു​ടെ സന്നിധി​യിൽ കൊണ്ടു​വ​രും. 12 പുരോഹിതൻ അതിലൊരു+ ആൺചെ​മ്മ​രി​യാ​ട്ടിൻകു​ട്ടി​യെ എടുത്ത്‌ ഒരു ലോഗ്‌ എണ്ണയോടൊ​പ്പം അപരാ​ധ​യാ​ഗ​മാ​യി അർപ്പി​ക്കാൻ കൊണ്ടു​വ​രും. അവൻ അവ യഹോ​വ​യു​ടെ സന്നിധി​യിൽ ഒരു ദോളനയാഗമായി* അങ്ങോ​ട്ടും ഇങ്ങോ​ട്ടും ആട്ടും.+ 13 പിന്നെ, ആ ആൺചെ​മ്മ​രി​യാ​ട്ടിൻകു​ട്ടി​യെ, പാപയാ​ഗ​മൃ​ഗത്തെ​യും ദഹനയാ​ഗ​മൃ​ഗത്തെ​യും അറുക്കാ​റുള്ള വിശു​ദ്ധ​മായ സ്ഥലത്തുവെ​ച്ചു​തന്നെ അറുക്കും.+ കാരണം, പാപയാ​ഗംപോലെ​തന്നെ അപരാ​ധ​യാ​ഗ​വും പുരോ​ഹി​ത​നു​ള്ള​താണ്‌.+ ഇത്‌ ഏറ്റവും വിശു​ദ്ധ​മാണ്‌.+

14 “തുടർന്ന്‌ പുരോ​ഹി​തൻ അപരാ​ധ​യാ​ഗ​ത്തി​ന്റെ രക്തത്തിൽ കുറച്ച്‌ എടുത്ത്‌, ശുദ്ധി പ്രാപി​ക്കാൻ വന്നിരി​ക്കുന്ന മനുഷ്യ​ന്റെ വലത്തെ കീഴ്‌ക്കാ​തി​ലും വല​ങ്കൈ​യു​ടെ പെരു​വി​ര​ലി​ലും വലങ്കാ​ലി​ന്റെ പെരു​വി​ര​ലി​ലും പുരട്ടും. 15 പുരോഹിതൻ ആ ഒരു ലോഗ്‌ എണ്ണയിൽ+ കുറച്ച്‌ എടുത്ത്‌ തന്റെ ഇടത്തെ ഉള്ള​ങ്കൈ​യിൽ ഒഴിക്കും. 16 എന്നിട്ട്‌ ആ എണ്ണയിൽ വല​ങ്കൈ​യു​ടെ വിരൽ മുക്കി അതിൽ കുറച്ച്‌ യഹോ​വ​യു​ടെ മുന്നിൽ ഏഴു പ്രാവ​ശ്യം തളിക്കും. 17 പിന്നെ ഉള്ള​ങ്കൈ​യിൽ ബാക്കി​യുള്ള എണ്ണയിൽ കുറച്ച്‌, ശുദ്ധി പ്രാപി​ക്കാൻ വന്ന മനുഷ്യ​ന്റെ വലത്തെ കീഴ്‌ക്കാ​തി​ലും വല​ങ്കൈ​യു​ടെ പെരു​വി​ര​ലി​ലും വലങ്കാ​ലി​ന്റെ പെരു​വി​ര​ലി​ലും അപരാ​ധ​യാ​ഗ​ത്തി​ന്റെ രക്തം പുരട്ടി​യ​തി​നു മീതെ പുരട്ടും. 18 എന്നിട്ട്‌ പുരോ​ഹി​തൻ, തന്റെ ഉള്ള​ങ്കൈ​യിൽ ബാക്കി​യുള്ള എണ്ണ, ശുദ്ധി പ്രാപി​ക്കാൻ വന്നിരി​ക്കുന്ന മനുഷ്യ​ന്റെ തലയിൽ പുരട്ടി യഹോ​വ​യു​ടെ സന്നിധി​യിൽവെച്ച്‌ അവനു പാപപ​രി​ഹാ​രം വരുത്തും.+

19 “പുരോ​ഹി​തൻ പാപയാഗമൃഗത്തെ+ ബലി അർപ്പിച്ച്‌, അശുദ്ധി​യിൽനിന്ന്‌ ശുദ്ധി പ്രാപി​ക്കാൻ വന്നിരി​ക്കുന്ന ആൾക്കു പാപപ​രി​ഹാ​രം വരുത്തും. അതിനു ശേഷം ദഹനയാ​ഗ​മൃ​ഗത്തെ അറുക്കും. 20 പുരോഹിതൻ ദഹനയാ​ഗ​വും ധാന്യയാഗവും+ യാഗപീ​ഠ​ത്തിൽ അർപ്പിച്ച്‌ അവനു പാപപ​രി​ഹാ​രം വരുത്തും.+ അങ്ങനെ അവൻ ശുദ്ധനാ​കും.+

21 “എന്നാൽ അവൻ ദരി​ദ്ര​നും വകയി​ല്ലാ​ത്ത​വ​നും ആണെങ്കിൽ പാപപ​രി​ഹാ​രം വരു​ത്തേ​ണ്ട​തി​നു ദോള​ന​യാ​ഗ​മാ​യി അർപ്പി​ക്കാൻ അപരാ​ധ​യാ​ഗ​മാ​യി ഒരു ആൺചെ​മ്മ​രി​യാ​ട്ടിൻകു​ട്ടിയെ​യും ഒപ്പം, ധാന്യ​യാ​ഗ​മാ​യി എണ്ണ ചേർത്ത പത്തി​ലൊന്ന്‌ ഏഫാ* നേർത്ത ധാന്യപ്പൊ​ടി​യും ഒരു ലോഗ്‌ എണ്ണയും കൊണ്ടു​വ​രാ​വു​ന്ന​താണ്‌. 22 കൂടാതെ അവനു വകയു​ള്ള​തുപോ​ലെ രണ്ടു ചെങ്ങാ​ലിപ്രാ​വിനെ​യോ രണ്ടു പ്രാവിൻകു​ഞ്ഞിനെ​യോ ഒന്നിനെ പാപയാ​ഗ​ത്തി​നും മറ്റേതി​നെ ദഹനയാ​ഗ​ത്തി​നും കൊണ്ടു​വ​രാ​വു​ന്ന​താണ്‌.+ 23 എട്ടാം ദിവസം,+ താൻ ശുദ്ധനാ​ണെന്നു സ്ഥിരീ​ക​രി​ക്കാൻ അവൻ അവയെ പുരോ​ഹി​തന്റെ അടുത്ത്‌ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ യഹോ​വ​യു​ടെ സന്നിധി​യിൽ കൊണ്ടു​വ​രും.+

24 “പുരോ​ഹി​തൻ അപരാ​ധ​യാ​ഗ​ത്തി​നുള്ള ആൺചെമ്മരിയാട്ടിൻകുട്ടിയെയും+ ഒപ്പം ആ ഒരു ലോഗ്‌ എണ്ണയും എടുത്ത്‌ യഹോ​വ​യു​ടെ മുമ്പാകെ ദോള​ന​യാ​ഗ​മാ​യി അങ്ങോ​ട്ടും ഇങ്ങോ​ട്ടും ആട്ടും.+ 25 പിന്നെ അപരാ​ധ​യാ​ഗ​ത്തി​ന്റെ ആൺചെ​മ്മ​രി​യാ​ട്ടിൻകു​ട്ടി​യെ അറുക്കും. എന്നിട്ട്‌ അപരാ​ധ​യാ​ഗ​ത്തി​ന്റെ രക്തത്തിൽ കുറച്ച്‌ എടുത്ത്‌, ശുദ്ധി പ്രാപി​ക്കാൻ വന്നിരി​ക്കുന്ന മനുഷ്യ​ന്റെ വലത്തെ കീഴ്‌ക്കാ​തി​ലും വല​ങ്കൈ​യു​ടെ പെരു​വി​ര​ലി​ലും വലങ്കാ​ലി​ന്റെ പെരു​വി​ര​ലി​ലും പുരട്ടും.+ 26 പുരോഹിതൻ എണ്ണയിൽ കുറച്ച്‌ എടുത്ത്‌ തന്റെ ഇടത്തെ ഉള്ള​ങ്കൈ​യിൽ ഒഴിക്കും.+ 27 എന്നിട്ട്‌, ആ എണ്ണയിൽ കുറച്ച്‌ തന്റെ വല​ങ്കൈ​യു​ടെ വിരൽകൊ​ണ്ട്‌ യഹോ​വ​യു​ടെ മുന്നിൽ ഏഴു പ്രാവ​ശ്യം തളിക്കും. 28 പിന്നെ തന്റെ ഉള്ള​ങ്കൈ​യി​ലുള്ള എണ്ണയിൽ കുറച്ച്‌, ശുദ്ധി പ്രാപി​ക്കാൻ വന്നിരി​ക്കുന്ന മനുഷ്യ​ന്റെ വലത്തെ കീഴ്‌ക്കാ​തി​ലും വല​ങ്കൈ​യു​ടെ പെരു​വി​ര​ലി​ലും വലങ്കാ​ലി​ന്റെ പെരു​വി​ര​ലി​ലും താൻ അപരാ​ധ​യാ​ഗ​ത്തി​ന്റെ രക്തം പുരട്ടിയ അതേ സ്ഥലങ്ങളിൽ പുരട്ടും. 29 എന്നിട്ട്‌, തന്റെ ഉള്ള​ങ്കൈ​യിൽ ബാക്കി​യുള്ള എണ്ണ, ശുദ്ധനാ​കാൻ വന്നിരി​ക്കുന്ന മനുഷ്യ​ന്റെ തലയിൽ പുരട്ടി യഹോ​വ​യു​ടെ സന്നിധി​യിൽവെച്ച്‌ അവനു പാപപ​രി​ഹാ​രം വരുത്തും.

30 “അവൻ തനിക്കു വകയു​ള്ള​തുപോ​ലെ, തന്റെ കഴിവ​നു​സ​രിച്ച്‌, കൊണ്ടു​വന്ന ചെങ്ങാ​ലിപ്രാ​വു​ക​ളി​ലോ പ്രാവിൻകു​ഞ്ഞു​ങ്ങ​ളി​ലോ ഒന്നിനെ+ 31 പാപയാഗമായും മറ്റേതി​നെ ദഹനയാഗമായും+ ധാന്യ​യാ​ഗത്തോടൊ​പ്പം അർപ്പി​ക്കും. ശുദ്ധനാ​കാൻ വന്ന മനുഷ്യ​നു പുരോ​ഹി​തൻ അങ്ങനെ യഹോ​വ​യു​ടെ സന്നിധി​യിൽവെച്ച്‌ പാപപ​രി​ഹാ​രം വരുത്തും.+

32 “തന്റെ ശുദ്ധീ​ക​ര​ണ​ത്തിന്‌ ആവശ്യ​മായ വസ്‌തു​ക്കൾ കൊണ്ടു​വ​രാൻ വകയി​ല്ലാത്ത കുഷ്‌ഠരോ​ഗി​ക്കുവേ​ണ്ടി​യുള്ള നിയമ​മാണ്‌ ഇത്‌.”

33 പിന്നെ, യഹോവ മോശയോ​ടും അഹരോനോ​ടും പറഞ്ഞു: 34 “ഞാൻ നിങ്ങൾക്ക്‌ അവകാ​ശ​മാ​യി തരുന്ന കനാൻ ദേശത്ത്‌+ നിങ്ങൾ എത്തിയ​ശേഷം നിങ്ങളു​ടെ ദേശത്തെ ഏതെങ്കി​ലും വീടു ഞാൻ കുഷ്‌ഠരോ​ഗംകൊണ്ട്‌ മലിന​മാ​ക്കുന്നെ​ങ്കിൽ,+ 35 വീട്ടുടമസ്ഥൻ ചെന്ന്‌ പുരോ​ഹി​തനോട്‌, ‘എന്തോ ഒരു മലിനത എന്റെ വീട്ടിൽ കാണുന്നു’ എന്നു പറയണം. 36 പുരോഹിതൻ മലിനത പരി​ശോ​ധി​ക്കാൻ എത്തു​മ്പോൾ വീട്ടി​ലു​ള്ളതെ​ല്ലാം അശുദ്ധ​മെന്നു പ്രഖ്യാ​പി​ക്കു​ന്നത്‌ ഒഴിവാ​ക്കാൻ, താൻ വരുന്ന​തി​നു മുമ്പു​തന്നെ വീട്ടി​ലു​ള്ളതെ​ല്ലാം എടുത്തു​മാ​റ്റാൻ പുരോ​ഹി​തൻ കല്‌പന നൽകും. അതിനു ശേഷം പുരോ​ഹി​തൻ അകത്ത്‌ ചെന്ന്‌ വീടു പരി​ശോ​ധി​ക്കും. 37 മലിനതയുള്ള ഭാഗം അവൻ പരി​ശോ​ധി​ക്കും. വീടിന്റെ ചുവരിൽ മഞ്ഞ കലർന്ന പച്ച നിറത്തി​ലോ ഇളഞ്ചു​വപ്പു നിറത്തി​ലോ ഉള്ള പാടുകൾ കാണു​ക​യും അവ മറ്റു ഭാഗങ്ങളെ​ക്കാൾ കുഴിഞ്ഞ്‌ ഉള്ളി​ലേ​ക്കു​കൂ​ടെ വ്യാപി​ച്ച​തുപോ​ലെ കാണ​പ്പെ​ടു​ക​യും ചെയ്യുന്നെ​ങ്കിൽ, 38 പുരോഹിതൻ വീട്ടിൽനി​ന്ന്‌ പുറത്ത്‌ ഇറങ്ങി ഏഴു ദിവസ​ത്തേക്കു വീട്‌ അടച്ചി​ടും.+

39 “ഏഴാം ദിവസം പുരോ​ഹി​തൻ തിരികെ ചെന്ന്‌ വീടു പരി​ശോ​ധി​ക്കും. മലിനത വീടിന്റെ ചുവരിൽ വ്യാപി​ച്ചി​ട്ടുണ്ടെ​ങ്കിൽ 40 അതു ബാധിച്ച കല്ലുകൾ ഇളക്കിയെ​ടുത്ത്‌ നഗരത്തി​നു വെളി​യിൽ അശുദ്ധ​മായ ഒരു സ്ഥലത്ത്‌ എറിഞ്ഞു​ക​ള​യാൻ പുരോ​ഹി​തൻ കല്‌പന കൊടു​ക്കും. 41 തുടർന്ന്‌ വീടിന്റെ ഉൾഭാഗം നന്നായി ചുരണ്ടാൻ അവൻ ഏർപ്പാടു ചെയ്യണം. അങ്ങനെ ചുരണ്ടി​മാ​റ്റിയ ചാന്ത്‌, നഗരത്തി​നു വെളി​യിൽ അശുദ്ധ​മായ ഒരു സ്ഥലത്ത്‌ കളയണം. 42 നീക്കം ചെയ്‌ത കല്ലുക​ളു​ടെ സ്ഥാനത്ത്‌ അവർ വേറെ കല്ലുകൾ വെക്കണം. എന്നിട്ട്‌ പുതിയ ചാന്തു​കൊ​ണ്ട്‌ വീടു തേപ്പി​ക്കണം.

43 “എന്നാൽ കല്ല്‌ ഇളക്കി​മാ​റ്റു​ക​യും വീടു ചുരണ്ടി പുതിയ ചാന്തു തേക്കു​ക​യും ചെയ്‌തി​ട്ടും മലിനത വീണ്ടും വീട്ടിൽ കണ്ടുതു​ട​ങ്ങി​യാൽ 44 പുരോഹിതൻ അകത്ത്‌ ചെന്ന്‌ അതു പരി​ശോ​ധി​ക്കും. മലിനത വീട്ടിൽ വ്യാപി​ച്ചി​ട്ടുണ്ടെ​ങ്കിൽ അതു കഠിന​മായ കുഷ്‌ഠ​മാണ്‌.+ ആ വീട്‌ അശുദ്ധം. 45 തുടർന്ന്‌ അവൻ, ആ വീട്‌—അതിന്റെ കല്ലും തടിയും ചാന്തും എല്ലാം—പൊളി​ച്ച്‌ നഗരത്തി​നു വെളി​യിൽ അശുദ്ധ​മായ ഒരു സ്ഥലത്തേക്കു+ കൊണ്ടുപോ​കാൻ ഏർപ്പാ​ടാ​ക്കും. 46 വീട്‌ അടച്ചി​ട്ടി​രി​ക്കുന്ന ദിവസങ്ങളിൽ+ ആരെങ്കി​ലും വീട്ടിൽ പ്രവേ​ശി​ച്ചാൽ അവൻ വൈകുന്നേ​രം​വരെ അശുദ്ധ​നാ​യി​രി​ക്കും.+ 47 ആരെങ്കിലും ആ വീട്ടിൽ കിടക്കുന്നെ​ങ്കിൽ അവൻ തന്റെ വസ്‌ത്രം അലക്കണം. ആ വീട്ടിൽവെച്ച്‌ ആഹാരം കഴിക്കു​ന്ന​വ​നും വസ്‌ത്രം അലക്കണം.

48 “എന്നാൽ, പുരോ​ഹി​തൻ വന്ന്‌ നോക്കു​മ്പോൾ, പുതിയ ചാന്തു തേച്ച​ശേഷം മലിനത വീട്ടിൽ വ്യാപി​ച്ചി​ട്ടില്ലെ​ന്നാ​ണു കാണു​ന്നതെ​ങ്കിൽ അവൻ വീടു ശുദ്ധി​യു​ള്ള​താ​യി പ്രഖ്യാ​പി​ക്കും. കാരണം മലിനത നീങ്ങി​യി​രി​ക്കു​ന്നു. 49 അശുദ്ധി* നീക്കി വീടിനെ ശുദ്ധീ​ക​രി​ക്കാൻ അവൻ രണ്ടു പക്ഷി, ദേവദാ​രു​വി​ന്റെ ഒരു കഷണം, കടുഞ്ചു​വ​പ്പു​നൂൽ, ഈസോ​പ്പു ചെടി എന്നിവ എടുക്കും.+ 50 പക്ഷികളിൽ ഒന്നിനെ അവൻ മൺപാത്ര​ത്തിൽ എടുത്ത ശുദ്ധമായ ഒഴുക്കുവെ​ള്ള​ത്തി​നു മുകളിൽ പിടിച്ച്‌ കൊല്ലണം. 51 തുടർന്ന്‌ അവൻ ജീവനുള്ള പക്ഷിയെ ദേവദാ​രു​വി​ന്റെ ഒരു കഷണം, ഈസോ​പ്പു ചെടി, കടുഞ്ചു​വ​പ്പു​നൂൽ എന്നിവയോടൊ​പ്പം ശുദ്ധമായ ഒഴുക്കുവെ​ള്ള​ത്തി​ലും കൊന്ന പക്ഷിയു​ടെ രക്തത്തി​ലും മുക്കി വീടിനു നേരെ ഏഴു പ്രാവ​ശ്യം തളിക്കണം.+ 52 അങ്ങനെ പക്ഷിയു​ടെ രക്തം, ശുദ്ധമായ ഒഴുക്കു​വെള്ളം, ജീവനുള്ള പക്ഷി, ദേവദാ​രു​വി​ന്റെ ഒരു കഷണം, ഈസോ​പ്പുചെടി, കടുഞ്ചു​വ​പ്പു​നൂൽ എന്നിവ ഉപയോ​ഗിച്ച്‌ അവൻ അശുദ്ധി നീക്കി വീടു ശുദ്ധീ​ക​രി​ക്കും. 53 എന്നിട്ട്‌ അവൻ ജീവനുള്ള പക്ഷിയെ നഗരത്തി​നു വെളി​യിൽ തുറസ്സായ സ്ഥലത്ത്‌ സ്വത​ന്ത്ര​മാ​യി വിടു​ക​യും വീടിനു പാപപ​രി​ഹാ​രം വരുത്തു​ക​യും ചെയ്യും. അങ്ങനെ ആ വീടു ശുദ്ധി​യു​ള്ള​താ​കും.

54 “ഏതുത​ര​ത്തി​ലു​മുള്ള കുഷ്‌ഠം, ശിരോ​ചർമ​ത്തിലെ​യോ താടി​യിലെ​യോ രോഗ​ബാധ,+ 55 വസ്‌ത്രത്തിലോ+ വീട്ടി​ലോ ഉണ്ടാകുന്ന കുഷ്‌ഠം,+ 56 തടിപ്പ്‌, ചിരങ്ങ്‌, പുള്ളി+ എന്നിവ 57 എപ്പോൾ അശുദ്ധം എപ്പോൾ ശുദ്ധം എന്നു നിർണയിക്കാനുള്ള+ നിയമ​മാണ്‌ ഇത്‌. ഇതാണു കുഷ്‌ഠത്തെ സംബന്ധി​ച്ചുള്ള നിയമം.”+

15 യഹോവ മോശയോ​ടും അഹരോനോ​ടും ഇങ്ങനെ​യും പറഞ്ഞു: 2 “ഇസ്രായേ​ല്യരോട്‌ പറയുക: ‘ഒരാൾക്കു ജനനേന്ദ്രി​യ​ത്തിൽനിന്ന്‌ സ്രാവം ഉണ്ടാകുന്നെ​ങ്കിൽ ആ സ്രവം അയാളെ അശുദ്ധ​നാ​ക്കു​ന്നു.+ 3 അയാൾ സ്രവം കാരണം അശുദ്ധ​നാണ്‌. സ്രവം ജനനേന്ദ്രി​യ​ത്തിൽനിന്ന്‌ ഒഴുകിക്കൊ​ണ്ടി​രു​ന്നാ​ലും അതിന്റെ ഒഴുക്കു തടസ്സ​പ്പെ​ട്ടി​രു​ന്നാ​ലും അയാൾ അശുദ്ധ​നാ​യി​രി​ക്കും.

4 “‘സ്രാവ​മു​ള്ള​യാൾ കിടക്കുന്ന കിടക്ക​യും അയാൾ ഇരിക്കുന്ന ഏതു സാധന​വും അശുദ്ധ​മാ​യി​രി​ക്കും. 5 അയാളുടെ കിടക്ക​യിൽ തൊടു​ന്ന​യാൾ വസ്‌ത്രം അലക്കി, കുളിച്ച്‌ വൈകുന്നേ​രം​വരെ അശുദ്ധ​നാ​യി​രി​ക്കണം.+ 6 സ്രാവമുള്ളയാൾ ഇരുന്ന സാധന​ത്തിൽ ഇരിക്കു​ന്ന​യാൾ വസ്‌ത്രം അലക്കി, കുളിച്ച്‌ വൈകുന്നേ​രം​വരെ അശുദ്ധ​നാ​യി​രി​ക്കണം. 7 സ്രാവമുള്ളയാളുടെ ശരീര​ത്തിൽ തൊടു​ന്നവൻ വസ്‌ത്രം അലക്കി, കുളിച്ച്‌ വൈകുന്നേ​രം​വരെ അശുദ്ധ​നാ​യി​രി​ക്കണം. 8 സ്രാവമുള്ളയാളുടെ തുപ്പൽ ശുദ്ധി​യുള്ള ഒരാളു​ടെ മേൽ വീഴുന്നെ​ങ്കിൽ അയാൾ വസ്‌ത്രം അലക്കി, കുളിച്ച്‌ വൈകുന്നേ​രം​വരെ അശുദ്ധ​നാ​യി​രി​ക്കണം. 9 സ്രാവമുള്ളയാൾ മൃഗത്തി​ന്റെ പുറത്ത്‌ സവാരി ചെയ്യു​മ്പോൾ ഇരിക്കാൻ ഉപയോ​ഗി​ക്കുന്ന എന്തും അശുദ്ധ​മാ​യി​രി​ക്കും. 10 അയാൾ ഇരുന്ന എന്തി​ലെ​ങ്കി​ലും തൊടു​ന്ന​യാൾ വൈകുന്നേ​രം​വരെ അശുദ്ധ​നാ​യി​രി​ക്കും. ആ വസ്‌തു​ക്കൾ എടുക്കു​ന്ന​യാ​ളും വസ്‌ത്രം അലക്കി, കുളിച്ച്‌ വൈകുന്നേ​രം​വരെ അശുദ്ധ​നാ​യി​രി​ക്കും. 11 സ്രാവമുള്ളയാൾ+ കൈ വെള്ളത്തിൽ കഴുകാ​തെ ആരെ​യെ​ങ്കി​ലും തൊടുന്നെ​ങ്കിൽ അയാളും വസ്‌ത്രം അലക്കി, കുളിച്ച്‌ വൈകുന്നേ​രം​വരെ അശുദ്ധ​നാ​യി​രി​ക്കണം. 12 സ്രാവമുള്ളയാൾ തൊടുന്ന മൺപാ​ത്രം ഉടച്ചു​ക​ള​യണം. അയാൾ മരപ്പാത്ര​ത്തിൽ തൊട്ടാൽ അതു വെള്ളത്തിൽ കഴുകണം.+

13 “‘ഇനി, സ്രാവം നിന്ന്‌ അയാൾ ശുദ്ധനാ​കുന്നെ​ങ്കിൽ ശുദ്ധീ​ക​ര​ണ​ത്തി​നാ​യി ഏഴു ദിവസം കാത്തി​രു​ന്നശേഷം തന്റെ വസ്‌ത്രം അലക്കി ശുദ്ധമായ ഒഴുക്കു​വെള്ളം ഉപയോ​ഗിച്ച്‌ കുളി​ക്കണം. അങ്ങനെ അയാൾ ശുദ്ധനാ​കും.+ 14 എട്ടാം ദിവസം അയാൾ രണ്ടു ചെങ്ങാ​ലിപ്രാ​വിനെ​യോ രണ്ടു പ്രാവിൻകുഞ്ഞിനെയോ+ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ യഹോ​വ​യു​ടെ സന്നിധി​യിൽ കൊണ്ടു​വന്ന്‌ പുരോ​ഹി​തനു കൊടു​ക്കണം. 15 പുരോഹിതൻ അവയിൽ ഒന്നിനെ പാപയാ​ഗ​മാ​യും മറ്റേതി​നെ ദഹനയാ​ഗ​മാ​യും അർപ്പി​ക്കും. അയാളു​ടെ സ്രാവ​ത്തെ​പ്രതി പുരോ​ഹി​തൻ യഹോ​വ​യു​ടെ മുമ്പാകെ അയാൾക്കു പാപപ​രി​ഹാ​രം വരുത്തും.

16 “‘ഇനി, ഒരാൾക്കു ബീജസ്‌ഖ​ലനം ഉണ്ടാകുന്നെ​ങ്കിൽ അയാൾ ശരീരം മുഴുവൻ വെള്ളത്തിൽ കഴുകി വൈകുന്നേ​രം​വരെ അശുദ്ധ​നാ​യി​രി​ക്കണം.+ 17 ബീജം പറ്റിയി​രി​ക്കുന്ന ഏതു വസ്‌ത്ര​വും തോലും വെള്ളത്തിൽ കഴുകണം. വൈകുന്നേ​രം​വരെ അത്‌ അശുദ്ധ​മാ​യി​രി​ക്കും.

18 “‘ഒരു പുരുഷൻ സ്‌ത്രീ​യു​മാ​യി ബന്ധപ്പെ​ടുമ്പോൾ ബീജസ്‌ഖ​ലനം ഉണ്ടാകുന്നെ​ങ്കിൽ, അവർ ഇരുവ​രും കുളി​ക്കണം; വൈകുന്നേ​രം​വരെ അശുദ്ധ​രാ​യി​രി​ക്കു​ക​യും വേണം.+

19 “‘ആർത്തവം കാരണം ഒരു സ്‌ത്രീ​ക്കു രക്തസ്രാ​വം ഉണ്ടാകുന്നെ​ങ്കിൽ അവൾ ഏഴു ദിവസ​ത്തേക്ക്‌ അശുദ്ധ​യാ​യി​രി​ക്കും.+ അവളെ തൊടു​ന്ന​വരെ​ല്ലാം വൈകുന്നേ​രം​വരെ അശുദ്ധ​രാ​യി​രി​ക്കും.+ 20 ആ സമയത്ത്‌, അവൾ കിടക്കാ​നോ ഇരിക്കാ​നോ ഉപയോ​ഗി​ക്കു​ന്നത്‌ എന്തും അശുദ്ധ​മാ​കും.+ 21 അവളുടെ കിടക്ക​യിൽ തൊടു​ന്ന​വരെ​ല്ലാം വസ്‌ത്രം അലക്കി, കുളിച്ച്‌ വൈകുന്നേ​രം​വരെ അശുദ്ധ​രാ​യി​രി​ക്കണം. 22 അവൾ ഇരുന്ന ഏതെങ്കി​ലും സാധന​ത്തിൽ തൊടു​ന്ന​വരെ​ല്ലാം വസ്‌ത്രം അലക്കി, കുളിച്ച്‌ വൈകുന്നേ​രം​വരെ അശുദ്ധ​രാ​യി​രി​ക്കണം. 23 കിടക്കയിലോ മറ്റ്‌ ഏതെങ്കി​ലും സാധന​ത്തി​ലോ അവൾ ഇരുന്നാൽ അതിൽ തൊടു​ന്ന​വ​രും വൈകുന്നേ​രം​വരെ അശുദ്ധ​രാ​യി​രി​ക്കും.+ 24 ഒരാൾ അവളു​മാ​യി ബന്ധപ്പെട്ട്‌ അവളുടെ ആർത്തവാ​ശു​ദ്ധി അയാളു​ടെ മേൽ ആകുന്നെങ്കിൽ+ അയാൾ ഏഴു ദിവസ​ത്തേക്ക്‌ അശുദ്ധ​നാ​യി​രി​ക്കും. അയാൾ കിടക്കുന്ന ഏതു കിടക്ക​യും അശുദ്ധ​മാ​കും.

25 “‘ഒരു സ്‌ത്രീ​ക്കു തന്റെ ആർത്തവസമയത്തല്ലാതെ+ കുറെ ദിവസ​ത്തേക്കു രക്തസ്രാ​വം ഉണ്ടാകുകയോ+ തന്റെ ആർത്തവം പതിവി​ലും നീണ്ടു​നിൽക്കു​ക​യോ ചെയ്യുന്നെ​ങ്കിൽ തന്റെ സ്രാവ​ത്തി​ന്റെ ദിവസ​ങ്ങ​ളിലെ​ല്ലാം ആർത്തവാ​ശു​ദ്ധി​യു​ടെ ദിവസ​ങ്ങ​ളിലെ​ന്നപോലെ​തന്നെ അവൾ അശുദ്ധ​യാ​യി​രി​ക്കും. 26 സ്രാവത്തിന്റെ ദിവസ​ങ്ങ​ളിൽ അവൾ കിടക്കുന്ന കിടക്ക​യും ഇരിക്കുന്ന സാധന​വും അവളുടെ ആർത്തവാ​ശു​ദ്ധി​യു​ടെ സമയ​ത്തെ​ന്നപോലെ​തന്നെ അശുദ്ധ​മാ​കും.+ 27 അവയിൽ തൊടു​ന്ന​യാൾ അശുദ്ധ​നാ​കും. അയാൾ വസ്‌ത്രം അലക്കി, കുളിച്ച്‌ വൈകുന്നേ​രം​വരെ അശുദ്ധ​നാ​യി​രി​ക്കണം.+

28 “‘എന്നാൽ അവൾ സ്രാവ​ത്തിൽനിന്ന്‌ ശുദ്ധയാ​കുമ്പോൾ ഏഴു ദിവസം എണ്ണും. അതു കഴിഞ്ഞാൽപ്പി​ന്നെ അവൾ ശുദ്ധയാ​ണ്‌.+ 29 എട്ടാം ദിവസം അവൾ രണ്ടു ചെങ്ങാ​ലിപ്രാ​വിനെ​യോ രണ്ടു പ്രാവിൻകുഞ്ഞിനെയോ+ എടുത്ത്‌ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ പുരോ​ഹി​തന്റെ അടുത്ത്‌ കൊണ്ടു​വ​രണം.+ 30 പുരോഹിതൻ അവയിലൊ​ന്നി​നെ പാപയാ​ഗ​മാ​യും മറ്റേതി​നെ ദഹനയാ​ഗ​മാ​യും അർപ്പി​ക്കും. അവളുടെ അശുദ്ധസ്രാ​വത്തെപ്രതി പുരോ​ഹി​തൻ യഹോ​വ​യു​ടെ സന്നിധി​യിൽവെച്ച്‌ അവൾക്കു പാപപ​രി​ഹാ​രം വരുത്തും.+

31 “‘ഇസ്രായേ​ല്യർ അവരുടെ ഇടയി​ലുള്ള എന്റെ വിശു​ദ്ധ​കൂ​ടാ​രം അശുദ്ധ​മാ​ക്കി അവരുടെ അശുദ്ധി​യിൽ മരിച്ചുപോ​കാ​തി​രി​ക്കാൻ നിങ്ങൾ അവരെ അവരുടെ അശുദ്ധി​യിൽനിന്ന്‌ ഇങ്ങനെ അകറ്റി നിറു​ത്തണം.+

32 “‘സ്രാവ​മുള്ള മനുഷ്യ​നും ബീജസ്‌ഖ​ലനം നിമിത്തം അശുദ്ധ​നാ​കുന്ന മനുഷ്യനും+ 33 ആർത്തവാശുദ്ധിയിലായിരിക്കുന്ന+ സ്‌ത്രീ​ക്കും സ്രാവ​മുള്ള ഏതൊരു ആണിനും പെണ്ണിനും+ അശുദ്ധ​യായ ഒരു സ്‌ത്രീ​യു​മാ​യി ബന്ധപ്പെ​ടുന്ന പുരു​ഷ​നും ഉള്ള നിയമ​മാണ്‌ ഇത്‌.’”

16 അഹരോ​ന്റെ രണ്ടു പുത്ര​ന്മാർ യഹോ​വ​യു​ടെ അടു​ത്തേക്കു ചെന്നതു കാരണം മരിച്ച ആ സംഭവത്തെത്തുടർന്ന്‌+ യഹോവ മോശയോ​ടു സംസാ​രി​ച്ചു. 2 മോശയോട്‌ യഹോവ പറഞ്ഞു: “നിന്റെ സഹോ​ദ​ര​നായ അഹരോ​നോ​ട്‌, അവൻ മരിക്കാ​തി​രി​ക്കാൻ,+ തിരശ്ശീലയ്‌ക്കകത്തുള്ള+ വിശു​ദ്ധ​സ്ഥ​ലത്ത്‌,+ പെട്ടക​ത്തി​ന്റെ മുകളി​ലുള്ള മൂടി​യു​ടെ മുന്നിൽ,+ തോന്നുന്ന സമയ​ത്തെ​ല്ലാം വരരു​തെന്നു പറയുക. കാരണം ആ മൂടി​യു​ടെ മുകളി​ലാ​ണ​ല്ലോ ഞാൻ മേഘത്തിൽ പ്രത്യ​ക്ഷ​നാ​കു​ന്നത്‌.+

3 “അഹരോൻ അതിവി​ശു​ദ്ധ​സ്ഥ​ലത്തേക്കു വരു​മ്പോൾ പാപയാ​ഗ​ത്തി​നുവേണ്ടി ഒരു കാളക്കുട്ടിയെയും+ ദഹനയാ​ഗ​ത്തി​നുവേണ്ടി ഒരു ആൺചെ​മ്മ​രി​യാ​ടിനെ​യും കൊണ്ടു​വ​രണം.+ 4 അവൻ അവിടെ പ്രവേ​ശി​ക്കുമ്പോൾ ലിനൻകൊ​ണ്ടുള്ള വിശു​ദ്ധ​മായ നീളൻ കുപ്പായം+ ധരിച്ചി​രി​ക്കണം. ലിനൻകൊ​ണ്ടുള്ള അടിവസ്‌ത്രം+ ഉപയോ​ഗിച്ച്‌ തന്റെ നഗ്നത* മറയ്‌ക്കണം. ലിനൻകൊ​ണ്ടുള്ള നടുക്കെട്ടും+ തലപ്പാവും+ കെട്ടണം. അവ വിശു​ദ്ധ​വ​സ്‌ത്ര​ങ്ങ​ളാണ്‌.+ കുളിച്ചശേഷം+ വേണം അവ ധരിക്കാൻ.

5 “ഇസ്രായേ​ല്യ​രു​ടെ സമൂഹ​ത്തിൽനിന്ന്‌, പാപയാ​ഗ​ത്തി​നുവേണ്ടി രണ്ട്‌ ആൺകോ​ലാ​ട്ടിൻകു​ട്ടിയെ​യും ദഹനയാ​ഗ​ത്തി​നുവേണ്ടി ഒരു ആൺചെ​മ്മ​രി​യാ​ടിനെ​യും അവൻ എടുക്കണം.+

6 “തുടർന്ന്‌ അഹരോൻ അവനുവേ​ണ്ടി​യുള്ള പാപയാഗത്തിന്റെ+ കാളയെ കൊണ്ടു​വന്ന്‌ അവനും അവന്റെ ഭവനത്തി​നും പാപപ​രി​ഹാ​രം വരുത്തണം.

7 “പിന്നെ അവൻ രണ്ടു കോലാ​ടിനെ​യും കൊണ്ടു​വന്ന്‌ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ യഹോ​വ​യു​ടെ സന്നിധി​യിൽ നിറു​ത്തും. 8 അഹരോൻ രണ്ടു കോലാ​ടി​നുംവേണ്ടി നറുക്കി​ടും. ഒന്ന്‌ യഹോ​വ​യ്‌ക്കും മറ്റേത്‌ അസസേ​ലി​നും.* 9 യഹോവയ്‌ക്കായി നറുക്കു+ വീണ കോലാ​ടി​നെ അഹരോൻ കൊണ്ടു​വന്ന്‌ പാപയാ​ഗ​മാ​യി അർപ്പി​ക്കും. 10 പക്ഷേ അസസേ​ലി​നാ​യി നറുക്കു വീണ കോലാ​ടി​നെ യഹോ​വ​യു​ടെ സന്നിധി​യിൽ ജീവ​നോ​ടെ കൊണ്ടു​വന്ന്‌ നിറുത്തി അതിന്മേൽ പാപപ​രി​ഹാ​ര​കർമം നടത്തണം. അതിനെ അസസേ​ലി​നുവേണ്ടി വിജന​ഭൂ​മി​യിലേക്ക്‌ അയയ്‌ക്കും.+

11 “അഹരോൻ തനിക്കുവേ​ണ്ടി​യുള്ള പാപയാ​ഗ​ത്തി​ന്റെ കാളയെ യാഗപീ​ഠ​ത്തിന്‌ അടു​ത്തേക്കു കൊണ്ടു​വന്ന്‌ തനിക്കും ഭവനത്തി​നും പാപപ​രി​ഹാ​രം വരുത്തും.+ അതിനു ശേഷം, ആ കാളയെ അവൻ അറുക്കും.

12 “പിന്നെ അവൻ രണ്ടു കൈ നിറയെ, നേർമ​യാ​യി പൊടിച്ച സുഗന്ധദ്ര​വ്യ​വും യഹോ​വ​യു​ടെ സന്നിധി​യി​ലുള്ള യാഗപീ​ഠ​ത്തിൽനിന്ന്‌ സുഗന്ധക്കൂട്ട്‌+ അർപ്പി​ക്കാ​നുള്ള പാത്രം+ നിറയെ തീക്കനലും+ എടുത്ത്‌ അവ തിരശ്ശീ​ല​യു​ടെ ഉള്ളിൽ+ കൊണ്ടു​വ​രും. 13 അവൻ യഹോ​വ​യു​ടെ സന്നിധിയിൽവെച്ച്‌+ സുഗന്ധ​ക്കൂ​ട്ടു തീയി​ലി​ടുമ്പോൾ, സുഗന്ധ​ക്കൂ​ട്ടി​ന്റെ പുക ‘സാക്ഷ്യം’+ വെച്ചി​രി​ക്കുന്ന പെട്ടക​ത്തി​ന്റെ മൂടിയെ+ ആവരണം ചെയ്യും. അവൻ മരിക്കാ​തി​രി​ക്കാൻ ഇങ്ങനെ ചെയ്യണം.

14 “അവൻ കാളയു​ടെ രക്തത്തിൽ+ കുറച്ച്‌ എടുത്ത്‌ കൈവി​രൽകൊണ്ട്‌ മൂടി​യു​ടെ മുൻവ​ശത്ത്‌, അതായത്‌ കിഴക്കു​വ​ശത്ത്‌, തളിക്കും. അവൻ വിരൽകൊ​ണ്ട്‌ രക്തത്തിൽ കുറച്ച്‌ എടുത്ത്‌ മൂടി​യു​ടെ മുന്നിൽ ഏഴു പ്രാവ​ശ്യം തളിക്കും.+

15 “പിന്നെ അവൻ ജനത്തിനുവേണ്ടിയുള്ള+ പാപയാ​ഗ​ത്തി​ന്റെ കോലാ​ടി​നെ അറുത്ത്‌ അതിന്റെ രക്തം തിരശ്ശീലയ്‌ക്കുള്ളിൽ+ കൊണ്ടു​വന്ന്‌ കാളയു​ടെ രക്തംകൊണ്ട്‌+ ചെയ്‌ത​തുപോലെ​തന്നെ ചെയ്യും. അവൻ ആ രക്തം മൂടി​യു​ടെ നേർക്ക്‌, അതിന്റെ മുന്നിൽ തളിക്കും.

16 “ഇസ്രായേ​ല്യ​രു​ടെ അശുദ്ധ​മായ പ്രവൃ​ത്തി​ക​ളും ലംഘന​ങ്ങ​ളും പാപങ്ങ​ളും കാരണം അവൻ അതിവി​ശു​ദ്ധ​സ്ഥ​ല​ത്തി​നു പാപപ​രി​ഹാ​രം വരുത്തണം.+ അവരുടെ അശുദ്ധ​മായ പ്രവൃ​ത്തി​ക​ളു​ടെ മധ്യേ, അവരുടെ ഇടയിൽ സ്ഥിതിചെ​യ്യുന്ന സാന്നി​ധ്യ​കൂ​ടാ​ര​ത്തി​നുവേ​ണ്ടി​യും ഇതുതന്നെ ചെയ്യണം.

17 “അതിവി​ശു​ദ്ധ​സ്ഥ​ല​ത്തുവെച്ച്‌ പാപപ​രി​ഹാ​രം വരുത്താൻ അവൻ അകത്ത്‌ പ്രവേ​ശി​ക്കുന്ന സമയം​മു​തൽ പുറത്ത്‌ വരുന്ന​തു​വരെ മറ്റാരും സാന്നി​ധ്യ​കൂ​ടാ​ര​ത്തിൽ ഉണ്ടാക​രുത്‌. അവൻ അവനും അവന്റെ ഭവനത്തി​നും ഇസ്രായേൽസ​ഭ​യ്‌ക്കു മുഴു​വ​നും പാപപ​രി​ഹാ​രം വരുത്തും.+

18 “പിന്നെ അവൻ വെളി​യിൽ യഹോ​വ​യു​ടെ സന്നിധി​യി​ലുള്ള യാഗപീഠത്തിന്റെ+ അടുത്ത്‌ വന്ന്‌ അതിനു പാപപ​രി​ഹാ​രം വരുത്തും. അവൻ കാളയുടെ​യും കോലാ​ടിന്റെ​യും രക്തത്തിൽ കുറച്ച്‌ എടുത്ത്‌ യാഗപീ​ഠ​ത്തി​ന്റെ ഓരോ കൊമ്പി​ലും പുരട്ടും. 19 കൂടാതെ അവൻ രക്തത്തിൽ കുറച്ച്‌ കൈവി​രൽകൊണ്ട്‌ ഏഴു പ്രാവ​ശ്യം അതിൽ തളിച്ച്‌ ഇസ്രായേ​ല്യ​രു​ടെ അശുദ്ധ​മായ പ്രവൃ​ത്തി​ക​ളിൽനിന്ന്‌ അതിനു ശുദ്ധി​വ​രു​ത്തി അതിനെ വിശു​ദ്ധീ​ക​രി​ക്കും.

20 “അവൻ അതിവി​ശു​ദ്ധ​സ്ഥ​ല​ത്തി​നും സാന്നി​ധ്യ​കൂ​ടാ​ര​ത്തി​നും യാഗപീ​ഠ​ത്തി​നും പാപപ​രി​ഹാ​രം വരുത്തിക്കഴിയുമ്പോൾ+ ജീവനുള്ള കോലാ​ടി​നെ കൊണ്ടു​വ​രും.+ 21 അഹരോൻ ഇരുകൈ​ക​ളും ജീവനുള്ള കോലാ​ടി​ന്റെ തലയിൽ വെച്ച്‌ ഇസ്രായേ​ല്യ​രു​ടെ എല്ലാ തെറ്റു​ക​ളും ലംഘന​ങ്ങ​ളും പാപങ്ങ​ളും ഏറ്റുപ​റഞ്ഞ്‌ അവ അതിന്റെ തലയിൽ ചുമത്തും.+ എന്നിട്ട്‌ അതിനെ വിജന​ഭൂ​മി​യിലേക്കു വിടാൻ നിയമിച്ചിരിക്കുന്ന* ആളുടെ കൈവശം കൊടു​ത്ത​യ​യ്‌ക്കും. 22 അങ്ങനെ കോലാ​ട്‌ അവരുടെ എല്ലാ തെറ്റു​ക​ളും ഒരു മരുപ്രദേശത്തേക്കു+ വഹിച്ചുകൊ​ണ്ടുപോ​കും.+ ആ കോലാ​ടി​നെ അവൻ വിജന​ഭൂ​മി​യിലേക്കു വിടും.+

23 “തുടർന്ന്‌ അഹരോൻ സാന്നി​ധ്യ​കൂ​ടാ​ര​ത്തി​നു​ള്ളിൽ പ്രവേ​ശിച്ച്‌, അതിവി​ശു​ദ്ധ​സ്ഥ​ല​ത്തി​നു​ള്ളിലേക്കു പോയ​പ്പോൾ ധരിച്ച ലിനൻവ​സ്‌ത്രങ്ങൾ അവിടെ ഊരി​യി​ടും. 24 അവൻ വിശു​ദ്ധ​മായ ഒരു സ്ഥലത്തു​വെച്ച്‌ കുളിച്ചശേഷം+ വസ്‌ത്രം+ ധരിച്ച്‌ പുറത്ത്‌ വരും. പിന്നെ തന്റെ ദഹനയാഗവും+ ജനത്തിന്റെ ദഹനയാഗവും+ അർപ്പിച്ച്‌ തനിക്കും ജനത്തി​നും പാപപ​രി​ഹാ​രം വരുത്തും.+ 25 പാപയാഗത്തിന്റെ കൊഴു​പ്പ്‌ അവൻ യാഗപീ​ഠ​ത്തിൽ വെച്ച്‌ ദഹിപ്പി​ക്കും.*

26 “അസസേ​ലി​നുള്ള കോലാടിനെയുംകൊണ്ട്‌+ പോയ വ്യക്തി വസ്‌ത്രം അലക്കി കുളി​ക്കണം. അതിനു ശേഷം അവനു പാളയ​ത്തിൽ വരാം.

27 “പാപപ​രി​ഹാ​രം വരുത്താൻവേണ്ടി അതിവി​ശു​ദ്ധ​സ്ഥ​ല​ത്തി​നു​ള്ളിലേക്കു രക്തം കൊണ്ടു​വ​രാൻ അറുത്ത പാപയാ​ഗ​ത്തി​ന്റെ കാള​യെ​യും പാപയാ​ഗ​ത്തി​ന്റെ കോലാ​ടിനെ​യും പാളയ​ത്തി​നു വെളി​യിൽ കൊണ്ടുപോ​കണം. അവയുടെ തോലും മാംസ​വും ചാണക​വും അവി​ടെവെച്ച്‌ കത്തിച്ചു​ക​ള​യും.+ 28 അവ കത്തിക്കു​ന്നവൻ വസ്‌ത്രം അലക്കി കുളി​ക്കണം. അതിനു ശേഷം അവനു പാളയ​ത്തി​നു​ള്ളിൽ വരാം.

29 “ഇതു നിങ്ങൾക്കു ദീർഘ​കാ​ലത്തേ​ക്കുള്ള ഒരു നിയമ​മാ​യി​രി​ക്കും: ഏഴാം മാസം പത്താം ദിവസം നിങ്ങൾ നിങ്ങളെ ക്ലേശി​പ്പി​ക്കണം.* സ്വദേ​ശി​യോ നിങ്ങളു​ടെ ഇടയിൽ വന്നുതാ​മ​സി​ക്കുന്ന വിദേ​ശി​യോ ആകട്ടെ, നിങ്ങൾ ആരും ഒരു ജോലി​യും ചെയ്യു​ക​യു​മ​രുത്‌.+ 30 അന്നായിരിക്കും നിങ്ങളെ ശുദ്ധി​യു​ള്ള​വ​രാ​യി പ്രഖ്യാ​പി​ക്കാൻ നിങ്ങൾക്കു പാപപരിഹാരം+ വരുത്തു​ന്നത്‌. യഹോ​വ​യു​ടെ മുന്നിൽ നിങ്ങൾ നിങ്ങളു​ടെ എല്ലാ പാപങ്ങ​ളിൽനി​ന്നും ശുദ്ധരാ​കും.+ 31 അതു നിങ്ങൾക്കു സമ്പൂർണ​വിശ്ര​മ​ത്തി​ന്റെ ശബത്താണ്‌. നിങ്ങൾ നിങ്ങളെ ക്ലേശി​പ്പി​ക്കണം.+ ഇതു ദീർഘ​കാ​ലത്തേ​ക്കുള്ള ഒരു നിയമ​മാണ്‌.

32 “തന്റെ അപ്പന്റെ സ്ഥാനത്ത്‌ പുരോ​ഹി​ത​നാ​യി സേവിക്കാൻ+ അഭിഷേകം+ ചെയ്യ​പ്പെട്ട്‌ അവരോ​ധി​ത​നാ​കുന്ന പുരോഹിതൻ+ പാപപ​രി​ഹാ​രം വരുത്തു​ക​യും വിശുദ്ധവസ്‌ത്രങ്ങളായ+ ലിനൻവസ്‌ത്രങ്ങൾ+ ധരിക്കു​ക​യും ചെയ്യും. 33 അവൻ അതിവി​ശു​ദ്ധ​സ്ഥ​ല​ത്തി​നും സാന്നി​ധ്യ​കൂ​ടാ​ര​ത്തി​നും യാഗപീ​ഠ​ത്തി​നും പാപപ​രി​ഹാ​രം വരുത്തും.+ പുരോ​ഹി​ത​ന്മാർക്കും സഭയിലെ സർവജ​ന​ത്തി​നും അവൻ പാപപ​രി​ഹാ​രം വരുത്തും.+ 34 ഇസ്രായേല്യരുടെ എല്ലാ പാപങ്ങ​ളും കാരണം വർഷത്തിലൊ​രി​ക്കൽ അവർക്കു പാപപ​രി​ഹാ​രം വരുത്താൻവേണ്ടി+ ഇതു നിങ്ങൾക്കു ദീർഘ​കാ​ലത്തേ​ക്കുള്ള ഒരു നിയമ​മാ​യി​രി​ക്കും.”+

അങ്ങനെ യഹോവ മോശയോ​ടു കല്‌പി​ച്ച​തുപോലെ​തന്നെ അഹരോൻ ചെയ്‌തു.

17 യഹോവ മോശ​യോ​ട്‌ ഇങ്ങനെ​യും പറഞ്ഞു: 2 “അഹരോനോ​ടും പുത്ര​ന്മാരോ​ടും എല്ലാ ഇസ്രായേ​ല്യരോ​ടും പറയുക: ‘യഹോവ കല്‌പി​ച്ചി​രി​ക്കു​ന്നത്‌ ഇതാണ്‌:

3 “‘“ഇസ്രായേൽഗൃ​ഹ​ത്തിൽപ്പെട്ട ആരെങ്കി​ലും ഒരു കാള​യെ​യോ ചെമ്മരി​യാ​ടിനെ​യോ കോലാ​ടിനെ​യോ പാളയ​ത്തിന്‌ അകത്തോ പുറത്തോ വെച്ച്‌ അറുക്കുന്നെ​ങ്കിൽ, 4 അതായത്‌ അവൻ അതിനെ യഹോ​വ​യ്‌ക്ക്‌ ഒരു യാഗമാ​യി അർപ്പി​ക്കാൻ യഹോ​വ​യു​ടെ വിശു​ദ്ധ​കൂ​ടാ​ര​ത്തി​നു മുന്നിൽ, സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ കൊണ്ടു​വ​രു​ന്നില്ലെ​ങ്കിൽ, രക്തം ചൊരി​ഞ്ഞ​തി​ന്റെ കുറ്റം അവന്റെ മേൽ വരും. അവൻ രക്തം ചിന്തി​യി​രി​ക്കു​ന്നു. അവനെ ജനത്തിന്‌ ഇടയിൽ വെച്ചേ​ക്കാ​തെ കൊന്നു​ക​ള​യണം. 5 വെളിമ്പ്രദേശത്തുവെച്ച്‌ മൃഗങ്ങളെ അറുക്കുന്ന ഇസ്രായേ​ല്യർ മേലാൽ അങ്ങനെ ചെയ്യാതെ അവയെ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ പുരോ​ഹി​തന്റെ അടുത്ത്‌ യഹോ​വ​യു​ടെ മുമ്പാകെ കൊണ്ടു​വ​രാൻവേ​ണ്ടി​യാണ്‌ ഇത്‌. അവർ അവ സഹഭോ​ജ​ന​ബ​ലി​ക​ളാ​യി യഹോ​വ​യ്‌ക്ക്‌ അർപ്പി​ക്കണം.+ 6 പുരോഹിതൻ ആ രക്തം സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ യഹോ​വ​യു​ടെ യാഗപീ​ഠ​ത്തിൽ തളിക്കു​ക​യും, കൊഴു​പ്പ്‌ യഹോ​വയെ പ്രസാദിപ്പിക്കുന്ന* സുഗന്ധ​മാ​യി ദഹിപ്പിക്കുകയും* ചെയ്യണം.+ 7 കോലാട്ടുരൂപമുള്ള ഭൂതങ്ങളുമായി* വേശ്യാവൃത്തിയിൽ+ ഏർപ്പെ​ടുന്ന അവർ ഇനി ഒരിക്ക​ലും അവയ്‌ക്കു ബലി അർപ്പി​ക്ക​രുത്‌.+ ഇതു നിങ്ങൾക്കു തലമു​റ​ക​ളി​ലു​ട​നീ​ളം നിലനിൽക്കുന്ന ദീർഘ​കാ​ലത്തേ​ക്കുള്ള ഒരു നിയമ​മാ​യി​രി​ക്കും.”’

8 “നീ അവരോ​ട്‌ ഇങ്ങനെ പറയണം: ‘ദഹനയാ​ഗ​മോ ബലിയോ അർപ്പി​ക്കുന്ന ഇസ്രായേൽഗൃ​ഹ​ക്കാ​ര​നോ നിങ്ങളു​ടെ ഇടയിൽ താമസി​ക്കുന്ന ഏതെങ്കി​ലും അന്യ​ദേ​ശ​ക്കാ​ര​നോ 9 അത്‌ യഹോ​വ​യ്‌ക്ക്‌ അർപ്പി​ക്കാൻ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ കൊണ്ടു​വ​രാ​തി​രു​ന്നാൽ അവനെ അവന്റെ ജനത്തിന്‌ ഇടയിൽ വെച്ചേ​ക്ക​രുത്‌.+

10 “‘ഒരു ഇസ്രായേൽഗൃ​ഹ​ക്കാ​ര​നോ നിങ്ങളു​ടെ ഇടയിൽ താമസി​ക്കുന്ന ഒരു അന്യ​ദേ​ശ​ക്കാ​ര​നോ ഏതെങ്കി​ലും തരം രക്തം കഴിക്കുന്നെങ്കിൽ+ ഞാൻ അവന്‌ എതിരെ തിരി​യും. പിന്നെ അവനെ അവന്റെ ജനത്തിന്‌ ഇടയിൽ വെച്ചേ​ക്കില്ല. 11 കാരണം ഏതൊരു ജീവി​യുടെ​യും പ്രാണൻ രക്തത്തി​ലാണ്‌.+ ഈ രക്തമാ​ണ​ല്ലോ അതില​ട​ങ്ങി​യി​ട്ടുള്ള ജീവൻ മുഖാ​ന്തരം പാപപ​രി​ഹാ​രം വരുത്തു​ന്നത്‌.+ അതു​കൊണ്ട്‌ പാപപ​രി​ഹാ​രം വരുത്താൻവേണ്ടി+ യാഗപീ​ഠ​ത്തിൽ ഉപയോ​ഗി​ക്കാൻ ഞാൻ അതു നിങ്ങൾക്കു തന്നിരി​ക്കു​ന്നു. 12 ഇക്കാരണത്താലാണു ഞാൻ ഇസ്രായേ​ല്യരോട്‌, “നിങ്ങളോ നിങ്ങളു​ടെ ഇടയിൽ വന്നുതാ​മ​സി​ക്കുന്ന അന്യദേശക്കാരോ+ ആരും രക്തം കഴിക്ക​രുത്‌”+ എന്നു പറഞ്ഞി​രി​ക്കു​ന്നത്‌.

13 “‘ഒരു ഇസ്രായേ​ല്യ​നോ നിങ്ങളു​ടെ ഇടയിൽ വന്നുതാ​മ​സി​ക്കുന്ന അന്യ​ദേ​ശ​ക്കാ​ര​നോ ഭക്ഷ്യ​യോ​ഗ്യ​മായ ഒരു കാട്ടു​മൃ​ഗത്തെ​യോ പക്ഷി​യെ​യോ വേട്ടയാ​ടി​പ്പി​ടി​ക്കുന്നെ​ങ്കിൽ അവൻ അതിന്റെ രക്തം നിലത്ത്‌ ഒഴിച്ച്‌ മണ്ണ്‌ ഇട്ട്‌ മൂടണം.+ 14 രക്തത്തിൽ ജീവൻ അടങ്ങി​യി​രി​ക്കു​ന്ന​തുകൊണ്ട്‌ എല്ലാ തരം ജീവി​ക​ളുടെ​യും പ്രാണൻ അതിന്റെ രക്തമാണ്‌. അതു​കൊ​ണ്ടാണ്‌ ഞാൻ ഇസ്രായേ​ല്യരോട്‌ ഇങ്ങനെ പറഞ്ഞത്‌: “ഒരു ജീവി​യുടെ​യും രക്തം നിങ്ങൾ കഴിക്ക​രുത്‌. കാരണം, എല്ലാ ജീവി​ക​ളുടെ​യും പ്രാണൻ അതിന്റെ രക്തമാണ്‌. രക്തം കഴിക്കുന്ന ഒരുത്തനെ​യും ഞാൻ വെച്ചേ​ക്കില്ല.”+ 15 താനേ ചത്ത മൃഗ​ത്തെ​യോ വന്യമൃ​ഗം കടിച്ചു​കീ​റിയ മൃഗ​ത്തെ​യോ തിന്നുന്നവൻ+ സ്വദേ​ശി​യാ​യാ​ലും അന്യ​ദേ​ശ​ക്കാ​ര​നാ​യാ​ലും വസ്‌ത്രം അലക്കി, കുളി​ക്കണം. അവൻ വൈകുന്നേ​രം​വരെ അശുദ്ധ​നാ​യി​രി​ക്കും.+ പിന്നെ അവൻ ശുദ്ധനാ​കും. 16 എന്നാൽ അവൻ വസ്‌ത്രം അലക്കു​ക​യോ കുളി​ക്കു​ക​യോ ചെയ്യു​ന്നില്ലെ​ങ്കിൽ അവൻ സ്വന്തം തെറ്റിന്‌ ഉത്തരം പറയേ​ണ്ടി​വ​രും.’”+

18 യഹോവ മോശ​യോ​ട്‌ ഇങ്ങനെ​യും പറഞ്ഞു: 2 “ഇസ്രായേ​ല്യരോ​ടു പറയുക: ‘ഞാൻ നിങ്ങളു​ടെ ദൈവ​മായ യഹോ​വ​യാണ്‌.+ 3 നിങ്ങൾ താമസി​ച്ചി​രുന്ന ഈജി​പ്‌ത്‌ ദേശത്തെ ആളുകളെപ്പോ​ലെ നിങ്ങൾ പെരു​മാ​റ​രുത്‌. ഞാൻ നിങ്ങളെ കൊണ്ടുപോ​കുന്ന കനാൻ ദേശത്തെ ആളുകൾ ചെയ്യു​ന്ന​തുപോലെ​യും നിങ്ങൾ ചെയ്യരു​ത്‌.+ നിങ്ങൾ അവരുടെ നിയമ​ങ്ങ​ള​നു​സ​രിച്ച്‌ നടക്കരു​ത്‌. 4 നിങ്ങൾ എന്റെ ന്യായ​ത്തീർപ്പു​കൾ പിൻപ​റ്റണം. നിങ്ങൾ എന്റെ നിയമങ്ങൾ പാലി​ക്കു​ക​യും അവയനു​സ​രിച്ച്‌ നടക്കു​ക​യും വേണം.+ ഞാൻ നിങ്ങളു​ടെ ദൈവ​മായ യഹോ​വ​യാണ്‌. 5 നിങ്ങൾ എന്റെ നിയമങ്ങൾ അനുസ​രിച്ച്‌ എന്റെ ന്യായ​ത്തീർപ്പു​കൾക്കു ചേർച്ച​യിൽ ജീവി​ക്കണം. അങ്ങനെ ചെയ്യു​ന്ന​വരെ​ല്ലാം അവയാൽ ജീവി​ക്കും.+ ഞാൻ യഹോ​വ​യാണ്‌.

6 “‘നിങ്ങൾ ആരും അടുത്ത ബന്ധുക്ക​ളു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട​രുത്‌.*+ ഞാൻ യഹോ​വ​യാണ്‌. 7 നിന്റെ അപ്പനു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട​രുത്‌. അമ്മയു​മാ​യും അരുത്‌. അവൾ നിന്റെ അമ്മയാണ്‌. നീ അവളു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട​രുത്‌.

8 “‘നിന്റെ അപ്പന്റെ ഭാര്യ​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട​രുത്‌.+ അങ്ങനെ ചെയ്‌താൽ നീ നിന്റെ അപ്പനു മാന​ക്കേട്‌ ഉണ്ടാക്കു​ക​യാണ്‌.*

9 “‘നിന്റെ സഹോ​ദ​രി​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട​രുത്‌. അവൾ നിന്റെ അപ്പന്റെ മകളാ​യാ​ലും അമ്മയുടെ മകളാ​യാ​ലും അവൾ ജനിച്ചതു നിന്റെ സ്വന്തം വീട്ടി​ലാണെ​ങ്കി​ലും അല്ലെങ്കി​ലും അങ്ങനെ ചെയ്യരു​ത്‌.+

10 “‘നിന്റെ മകന്റെ മകളു​മാ​യോ മകളുടെ മകളു​മാ​യോ ലൈം​ഗി​ക​ബ​ന്ധ​ത്തിൽ ഏർപ്പെ​ട​രുത്‌. കാരണം അതു നിന്റെ​തന്നെ നഗ്നതയാ​ണ​ല്ലോ.

11 “‘നിന്റെ അപ്പന്റെ ഭാര്യ​യിൽ അവനു ജനിച്ച മകളു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട​രുത്‌. കാരണം അവൾ നിന്റെ സഹോ​ദ​രി​യാ​ണ​ല്ലോ.

12 “‘നിന്റെ അപ്പന്റെ സഹോ​ദ​രി​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട​രുത്‌. അവൾക്കു നിന്റെ അപ്പനു​മാ​യി രക്തബന്ധ​മു​ണ്ട​ല്ലോ.+

13 “‘നിന്റെ അമ്മയുടെ സഹോ​ദ​രി​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട​രുത്‌. കാരണം അവൾക്കു നിന്റെ അമ്മയു​മാ​യി രക്തബന്ധ​മുണ്ട്‌.

14 “‘നിന്റെ പിതൃ​സഹോ​ദ​രന്റെ ഭാര്യ​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട്ടുകൊണ്ട്‌ പിതൃ​സഹോ​ദ​രനു മാന​ക്കേട്‌ ഉണ്ടാക്ക​രുത്‌. അവൾ നിന്റെ ബന്ധുവാ​ണ​ല്ലോ.+

15 “‘നിന്റെ മരുമ​ക​ളു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട​രുത്‌.+ അവൾ നിന്റെ മകന്റെ ഭാര്യ​യാ​ണ​ല്ലോ. അതു​കൊണ്ട്‌, അവളു​മാ​യി ബന്ധപ്പെ​ട​രുത്‌.

16 “‘നിന്റെ സഹോ​ദ​രന്റെ ഭാര്യ​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട​രുത്‌.+ കാരണം, അങ്ങനെ ചെയ്‌താൽ നീ നിന്റെ സഹോ​ദ​രനു മാന​ക്കേട്‌ ഉണ്ടാക്കു​ക​യാണ്‌.

17 “‘ഒരു സ്‌ത്രീ​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ടുന്നെ​ങ്കിൽ അവളുടെ മകളു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട​രുത്‌.+ അവളുടെ മകന്റെ മകളു​മാ​യോ അവളുടെ മകളുടെ മകളു​മാ​യോ ബന്ധപ്പെ​ട​രുത്‌. അവർ അവളുടെ അടുത്ത ബന്ധുക്ക​ളാ​ണ​ല്ലോ. അതു മ്ലേച്ഛത​യാണ്‌.*

18 “‘ഭാര്യ ജീവി​ച്ചി​രി​ക്കുമ്പോൾ അവളുടെ സഹോ​ദ​രിയെ​ക്കൂ​ടി ഭാര്യ​യാ​യി സ്വീകരിച്ച്‌+ അവളു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട​രുത്‌.

19 “‘ഒരു സ്‌ത്രീ ആർത്തവാ​ശു​ദ്ധി​യി​ലാ​യി​രി​ക്കുമ്പോൾ അവളു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട​രുത്‌.+

20 “‘നിന്റെ സഹമനുഷ്യന്റെ* ഭാര്യ​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെട്ട്‌ നിന്നെ​ത്തന്നെ അശുദ്ധ​നാ​ക്ക​രുത്‌.+

21 “‘നിന്റെ സന്തതി​ക​ളി​ലാരെ​യും മോലേക്കിന്‌* അർപ്പിക്കാൻ* അനുവ​ദി​ക്ക​രുത്‌.+ അങ്ങനെ ചെയ്‌ത്‌ നിന്റെ ദൈവ​ത്തി​ന്റെ പേര്‌ അശുദ്ധ​മാ​ക്ക​രുത്‌.+ ഞാൻ യഹോ​വ​യാണ്‌.

22 “‘സ്‌ത്രീ​യുടെ​കൂ​ടെ കിടക്കു​ന്ന​തുപോ​ലെ ഒരു പുരു​ഷന്റെ​കൂ​ടെ കിടക്ക​രുത്‌.+ അതു ഹീനമായ പ്രവൃ​ത്തി​യാണ്‌.

23 “‘ഒരാൾ ഒരു മൃഗവു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെട്ട്‌ അതിനാൽ അശുദ്ധ​നാ​ക​രുത്‌. ഒരു മൃഗവു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ടു​ന്ന​തിന്‌ ഒരു സ്‌ത്രീ അതിന്റെ മുന്നിൽ നിന്നുകൊ​ടു​ക്ക​രുത്‌.+ ഇതു പ്രകൃ​തി​വി​രു​ദ്ധ​മാണ്‌.

24 “‘ഇക്കാര്യ​ങ്ങളൊ​ന്നും ചെയ്‌ത്‌ നിങ്ങൾ അശുദ്ധ​രാ​യി​ത്തീ​ര​രുത്‌. കാരണം, നിങ്ങളു​ടെ മുന്നിൽനി​ന്ന്‌ ഞാൻ ഓടി​ച്ചു​ക​ള​യുന്ന ജനതകൾ ഇതു​പോ​ലുള്ള കാര്യങ്ങൾ ചെയ്‌താ​ണ്‌ അശുദ്ധ​രാ​യി​ത്തീർന്നത്‌.+ 25 അങ്ങനെ ദേശം അശുദ്ധ​മാ​യി​രി​ക്കു​ന്നു. അതിന്റെ തെറ്റു കാരണം ഞാൻ അതിനെ ശിക്ഷി​ക്കും. ദേശം അതിലെ നിവാ​സി​കളെ ഛർദി​ച്ചു​ക​ള​യു​ക​യും ചെയ്യും.+ 26 എന്നാൽ നിങ്ങൾ എന്റെ നിയമങ്ങൾ അനുസ​രി​ക്കു​ക​യും എന്റെ ന്യായ​ത്തീർപ്പു​കൾക്കു ചേർച്ച​യിൽ ജീവി​ക്കു​ക​യും വേണം.+ ഹീനമായ ഈ കാര്യ​ങ്ങളൊ​ന്നും നിങ്ങൾ ആരും, സ്വദേ​ശി​യാ​യാ​ലും നിങ്ങളു​ടെ ഇടയിൽ വന്നുതാ​മ​സി​ക്കുന്ന വിദേ​ശി​യാ​യാ​ലും, ചെയ്യു​ക​യു​മ​രുത്‌.+ 27 നിങ്ങൾക്കു മുമ്പ്‌ ആ ദേശത്തു​ണ്ടാ​യി​രു​ന്നവർ ഇത്തരം ഹീനമായ കാര്യങ്ങൾ ചെയ്‌തതുകൊണ്ട്‌+ ദേശം ഇപ്പോൾ അശുദ്ധ​മാ​യി​രി​ക്കു​ന്നു. 28 എന്നാൽ നിങ്ങൾ ദേശം അശുദ്ധ​മാ​ക്ക​രുത്‌. എങ്കിൽ, ദേശം അശുദ്ധ​മാ​ക്കി​യ​തി​ന്റെ പേരിൽ ആ ജനതകളെ അതു ഛർദി​ച്ചു​ക​ള​യാൻപോ​കു​ന്ന​തുപോ​ലെ നിങ്ങളെ അതിനു ഛർദി​ച്ചു​ക​ളയേ​ണ്ടി​വ​രില്ല. 29 ആരെങ്കിലും, ഹീനമായ ഈ കാര്യ​ങ്ങ​ളിൽ ഏതെങ്കി​ലും ചെയ്‌താൽ, അങ്ങനെ ചെയ്യു​ന്ന​വനെ ജനത്തിന്‌ ഇടയിൽ വെച്ചേ​ക്ക​രുത്‌. 30 മുമ്പ്‌ അവി​ടെ​യു​ണ്ടാ​യി​രു​ന്നവർ പിൻപ​റ്റിപ്പോന്ന ഹീനമായ ആചാരങ്ങൾ അനുഷ്‌ഠി​ച്ച്‌ അശുദ്ധ​രാ​ക​രുത്‌.+ അങ്ങനെ നിങ്ങൾ എന്നോ​ടുള്ള കടമ നിറ​വേ​റ്റണം. ഞാൻ നിങ്ങളു​ടെ ദൈവ​മായ യഹോ​വ​യാണ്‌.’”

19 യഹോവ മോശ​യോ​ട്‌ ഇങ്ങനെ​യും പറഞ്ഞു: 2 “ഇസ്രായേ​ല്യ​സ​മൂ​ഹത്തോ​ടു മുഴുവൻ പറയുക: ‘നിങ്ങളു​ടെ ദൈവ​മായ യഹോവ എന്ന ഞാൻ വിശു​ദ്ധ​നാ​യ​തുകൊണ്ട്‌ നിങ്ങളും വിശു​ദ്ധ​രാ​യി​രി​ക്കണം.+

3 “‘നിങ്ങൾ എല്ലാവ​രും അപ്പനെ​യും അമ്മയെ​യും ബഹുമാ​നി​ക്കണം.*+ നിങ്ങൾ എന്റെ ശബത്തുകൾ അനുഷ്‌ഠി​ക്കണം.+ ഞാൻ നിങ്ങളു​ടെ ദൈവ​മായ യഹോ​വ​യാണ്‌. 4 ഒരു ഗുണവു​മി​ല്ലാത്ത ദൈവ​ങ്ങ​ളിലേക്കു തിരി​യ​രുത്‌.+ ലോഹംകൊ​ണ്ടുള്ള ദൈവ​ങ്ങളെ ഉണ്ടാക്കു​ക​യു​മ​രുത്‌.+ ഞാൻ നിങ്ങളു​ടെ ദൈവ​മായ യഹോ​വ​യാണ്‌.

5 “‘നിങ്ങൾ യഹോ​വ​യ്‌ക്ക്‌ ഒരു സഹഭോജനബലി+ അർപ്പി​ക്കുന്നെ​ങ്കിൽ ദൈവാം​ഗീ​കാ​രം നേടും​വി​ധം വേണം അത്‌ അർപ്പി​ക്കാൻ.+ 6 ബലി അർപ്പി​ക്കുന്ന ദിവസ​വും തൊട്ട​ടുത്ത ദിവസ​വും നിങ്ങൾക്ക്‌ അതു കഴിക്കാം. പക്ഷേ മൂന്നാം ദിവസം​വരെ ശേഷി​ക്കു​ന്നതു കത്തിച്ചു​ക​ള​യണം.+ 7 മൂന്നാം ദിവസം അതിൽനി​ന്ന്‌ കഴിക്കുന്നെ​ങ്കിൽ, അത്‌ അറപ്പു​ള​വാ​ക്കുന്ന കാര്യ​മാണ്‌. അതു സ്വീകാ​ര്യ​മാ​കില്ല. 8 അതു കഴിക്കു​ന്നവൻ അവന്റെ തെറ്റിന്‌ ഉത്തരം പറയേ​ണ്ടി​വ​രും. കാരണം അവൻ യഹോ​വ​യു​ടെ വിശു​ദ്ധ​വ​സ്‌തു അശുദ്ധ​മാ​ക്കി​യി​രി​ക്കു​ന്നു. അവനെ അവന്റെ ജനത്തിന്‌ ഇടയിൽ വെച്ചേ​ക്ക​രുത്‌.

9 “‘നിങ്ങൾ കൊയ്യു​മ്പോൾ വയലിന്റെ അരികു തീർത്ത്‌ കൊയ്‌തെ​ടു​ക്ക​രുത്‌. കൊയ്‌ത​ശേഷം കാലാ പെറു​ക്കു​ക​യു​മ​രുത്‌.*+ 10 കൂടാതെ വിള​വെ​ടു​പ്പി​നു ശേഷം നിന്റെ മുന്തി​രിത്തോ​ട്ട​ത്തിൽ ബാക്കി​യു​ള്ള​തോ വീണു​കി​ട​ക്കു​ന്ന​തോ ശേഖരി​ക്ക​രുത്‌. അതു പാവപ്പെട്ടവനും+ നിങ്ങളു​ടെ ഇടയിൽ വന്നുതാ​മ​സി​ക്കുന്ന വിദേ​ശി​ക്കും വേണ്ടി വിട്ടേ​ക്കണം. ഞാൻ നിങ്ങളു​ടെ ദൈവ​മായ യഹോ​വ​യാണ്‌.

11 “‘നിങ്ങൾ മോഷ്ടി​ക്ക​രുത്‌,+ വഞ്ചിക്ക​രുത്‌,+ പരസ്‌പരം കാപട്യത്തോ​ടെ ഇടപെ​ട​രുത്‌. 12 നിങ്ങൾ എന്റെ നാമത്തിൽ കള്ളസത്യം+ ചെയ്‌ത്‌ നിങ്ങളു​ടെ ദൈവ​ത്തി​ന്റെ പേര്‌ അശുദ്ധ​മാ​ക്ക​രുത്‌. ഞാൻ യഹോ​വ​യാണ്‌. 13 നിന്റെ സഹമനു​ഷ്യ​നെ ചതിക്ക​രുത്‌.+ കവർച്ച ചെയ്യരു​ത്‌.*+ കൂലി​ക്കാ​രന്റെ കൂലി പിറ്റെ രാവിലെ​വരെ പിടി​ച്ചുവെ​ക്ക​രുത്‌.+

14 “‘ചെവി കേൾക്കാ​ത്ത​വനെ ശപിക്കു​ക​യോ കാഴ്‌ച​യി​ല്ലാ​ത്ത​വന്റെ മുന്നിൽ തടസ്സം വെക്കു​ക​യോ അരുത്‌.+ നീ നിന്റെ ദൈവത്തെ ഭയപ്പെ​ടണം.+ ഞാൻ യഹോ​വ​യാണ്‌.

15 “‘നിങ്ങൾ നീതി​ര​ഹി​ത​മാ​യി ന്യായം വിധി​ക്ക​രുത്‌. ദരി​ദ്രനോ​ടു പക്ഷപാ​ത​മോ സമ്പന്ന​നോ​ടു പ്രത്യേ​ക​പ​രി​ഗ​ണ​ന​യോ കാണി​ക്ക​രുത്‌.+ സഹമനു​ഷ്യ​നെ നീതിയോ​ടെ വിധി​ക്കണം.

16 “‘ജനത്തിന്റെ ഇടയിൽ പരദൂ​ഷണം പറഞ്ഞു​ന​ട​ക്ക​രുത്‌.+ സഹമനു​ഷ്യ​ന്റെ ജീവൻ അപായപ്പെ​ടു​ത്താൻ നോക്ക​രുത്‌.*+ ഞാൻ യഹോ​വ​യാണ്‌.

17 “‘നിന്റെ സഹോ​ദ​രനെ ഹൃദയം​കൊ​ണ്ട്‌ വെറു​ക്ക​രുത്‌.+ സഹമനു​ഷ്യ​ന്റെ പാപം നീയും​കൂ​ടെ വഹി​ക്കേ​ണ്ടി​വ​രാ​തി​രി​ക്കാൻ നീ ഏതു വിധേ​ന​യും അവന്റെ തെറ്റ്‌ അവനെ ബോധ്യപ്പെ​ടു​ത്തണം.+

18 “‘നിന്റെ ജനത്തിലെ ആരോ​ടും പ്രതി​കാ​രം ചെയ്യുകയോ+ പക വെച്ചുകൊ​ണ്ടി​രി​ക്കു​ക​യോ അരുത്‌. നിന്റെ സഹമനു​ഷ്യ​നെ നിന്നെപ്പോലെ​തന്നെ സ്‌നേ​ഹി​ക്കണം.+ ഞാൻ യഹോ​വ​യാണ്‌.

19 “‘നിങ്ങൾ എന്റെ നിയമങ്ങൾ പാലി​ക്കണം: നിന്റെ വളർത്തു​മൃ​ഗ​ങ്ങ​ളിൽ രണ്ടു തരത്തിൽപ്പെ​ട്ട​വയെ തമ്മിൽ ഇണചേർക്ക​രുത്‌. നീ വയലിൽ ഒരേ സമയം രണ്ടു തരം വിത്തു വിതയ്‌ക്ക​രുത്‌.+ രണ്ടു തരം നൂലുകൾ ഇടകലർത്തി ഉണ്ടാക്കിയ വസ്‌ത്രം ധരിക്ക​രുത്‌.+

20 “‘ഇനി മറ്റൊ​രു​വ​നുവേണ്ടി നിശ്ചയി​ച്ചുവെ​ച്ചി​രി​ക്കു​ന്ന​വ​ളും അതേസ​മയം, വീണ്ടെ​ടു​ക്കപ്പെ​ടു​ക​യോ സ്വത​ന്ത്ര​യാ​ക്കപ്പെ​ടു​ക​യോ ചെയ്യാ​ത്ത​വ​ളും ആയ ഒരു ദാസി​യുടെ​കൂ​ടെ ഒരു പുരുഷൻ കിടക്കു​ക​യും അവളു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ടു​ക​യും ചെയ്യുന്നെ​ങ്കിൽ തക്ക ശിക്ഷ നടപ്പാ​ക്കണം. എന്നാൽ അവരെ കൊന്നു​ക​ള​യ​രുത്‌. കാരണം അവൾ അപ്പോൾ സ്വത​ന്ത്ര​യ​ല്ലാ​യി​രു​ന്നു. 21 അവൻ തന്റെ അപരാ​ധ​യാ​ഗ​മാ​യി ഒരു ആൺചെ​മ്മ​രി​യാ​ടി​നെ യഹോ​വ​യു​ടെ അടുത്ത്‌, സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ, കൊണ്ടു​വ​രണം.+ 22 അവൻ ചെയ്‌ത പാപത്തി​നു പുരോ​ഹി​തൻ യഹോ​വ​യു​ടെ സന്നിധി​യിൽ അപരാ​ധ​യാ​ഗ​ത്തി​ന്റെ ആൺചെ​മ്മ​രി​യാ​ടിനെക്കൊണ്ട്‌ അവനു പാപപ​രി​ഹാ​രം വരുത്തും. അങ്ങനെ അവൻ ചെയ്‌ത പാപത്തി​നു ക്ഷമ കിട്ടും.

23 “‘നിങ്ങൾ ദേശത്ത്‌ എത്തിയ​ശേഷം ആഹാര​ത്തി​നാ​യി ഏതെങ്കി​ലും ഫലവൃക്ഷം നട്ടാൽ അതിന്റെ ഫലം മലിന​വും വിലക്കപ്പെ​ട്ട​തും ആയി* കണക്കാ​ക്കണം. മൂന്നു വർഷ​ത്തേക്ക്‌ അതിന്റെ ഫലം വിലക്കപ്പെ​ട്ട​താ​യി​രി​ക്കും.* അതു കഴിക്ക​രുത്‌. 24 എന്നാൽ, നാലാം വർഷം അതിന്റെ ഫലം മുഴു​വ​നും വിശു​ദ്ധ​മാ​യി കണക്കാക്കി ആഘോ​ഷത്തോ​ടെ യഹോ​വ​യ്‌ക്കു സമർപ്പി​ക്കണം.+ 25 അഞ്ചാം വർഷം നിനക്ക്‌ അതിന്റെ ഫലം കഴിക്കാം. അങ്ങനെ അതിന്റെ ഫലം നിന്റെ വിള​യോ​ടു ചേരും. ഞാൻ നിന്റെ ദൈവ​മായ യഹോ​വ​യാണ്‌.

26 “‘രക്തം അടങ്ങി​യി​ട്ടുള്ള ഒന്നും നിങ്ങൾ കഴിക്ക​രുത്‌.+

“‘ശകുനം നോക്കു​ക​യോ മന്ത്രവാ​ദം ചെയ്യു​ക​യോ അരുത്‌.+

27 “‘തലയുടെ വശങ്ങളി​ലുള്ള മുടി* വടിക്കുകയോ* താടി​യു​ടെ വിളുമ്പു വിരൂ​പ​മാ​ക്കു​ക​യോ അരുത്‌.+

28 “‘മരിച്ചവനുവേണ്ടി* നിങ്ങളു​ടെ ശരീര​ത്തിൽ മുറി​വു​കൾ ഉണ്ടാക്ക​രുത്‌.+ ദേഹത്ത്‌ പച്ചകു​ത്തു​ക​യു​മ​രുത്‌. ഞാൻ യഹോ​വ​യാണ്‌.

29 “‘നിന്റെ മകളെ വേശ്യ​യാ​ക്കി അപമാ​നി​ക്ക​രുത്‌.+ അങ്ങനെ ചെയ്‌താൽ ദേശം വേശ്യാ​വൃ​ത്തി​യിൽ ഏർപ്പെട്ട്‌ അവിടം മുഴുവൻ അസാന്മാർഗി​കത നിറയും.+

30 “‘നിങ്ങൾ എന്റെ ശബത്തുകൾ അനുഷ്‌ഠിക്കുകയും+ എന്റെ വിശു​ദ്ധ​മ​ന്ദി​രത്തോ​ടു ഭയാദരവ്‌* കാണി​ക്കു​ക​യും വേണം. ഞാൻ യഹോ​വ​യാണ്‌.

31 “‘ആത്മാക്ക​ളു​ടെ ഉപദേശം തേടുന്നവരിലേക്കോ*+ ഭാവി പറയുന്നവരിലേക്കോ+ തിരിഞ്ഞ്‌ അവർ നിമിത്തം അശുദ്ധ​രാ​ക​രുത്‌. ഞാൻ നിങ്ങളു​ടെ ദൈവ​മായ യഹോ​വ​യാണ്‌.

32 “‘മുടി നരച്ചയാളുടെ+ മുന്നിൽ എഴു​ന്നേൽക്കു​ക​യും പ്രായംചെ​ന്ന​യാളോ​ടു ബഹുമാ​നം കാണി​ക്കു​ക​യും വേണം.+ നിന്റെ ദൈവത്തെ നീ ഭയപ്പെ​ടണം.+ ഞാൻ യഹോ​വ​യാണ്‌.

33 “‘ഒരു അന്യ​ദേ​ശ​ക്കാ​രൻ നിങ്ങളു​ടെ ദേശത്ത്‌ വന്ന്‌ നിങ്ങളുടെ​കൂ​ടെ താമസി​ക്കുന്നെ​ങ്കിൽ നിങ്ങൾ അവനെ ദ്രോ​ഹി​ക്ക​രുത്‌.+ 34 നിങ്ങളുടെകൂടെ താമസി​ക്കുന്ന ആ അന്യ​ദേ​ശ​ക്കാ​രനെ സ്വദേ​ശിയെപ്പോ​ലെ കണക്കാ​ക്കണം.+ അവനെ നിന്നെപ്പോലെ​തന്നെ സ്‌നേ​ഹി​ക്കണം. കാരണം നിങ്ങളും ഈജി​പ്‌ത്‌ ദേശത്ത്‌ പരദേ​ശി​ക​ളാ​യി താമസി​ച്ചി​രു​ന്ന​ല്ലോ.+ ഞാൻ നിങ്ങളു​ടെ ദൈവ​മായ യഹോ​വ​യാണ്‌.

35 “‘നീളവും തൂക്കവും വ്യാപ്‌ത​വും അളക്കു​മ്പോൾ നിങ്ങൾ കള്ളത്തരം കാണി​ക്ക​രുത്‌.+ 36 നിങ്ങൾ ഉപയോ​ഗി​ക്കുന്ന ത്രാസ്സും തൂക്കക്ക​ട്ടി​യും ഏഫായും* ഹീനും* കൃത്യ​ത​യു​ള്ള​താ​യി​രി​ക്കണം.+ ഞാൻ ഈജി​പ്‌ത്‌ ദേശത്തു​നിന്ന്‌ നിങ്ങളെ വിടു​വിച്ച്‌ കൊണ്ടു​വന്ന നിങ്ങളു​ടെ ദൈവ​മായ യഹോ​വ​യാണ്‌. 37 അതുകൊണ്ട്‌ നിങ്ങൾ എന്റെ നിയമ​ങ്ങളെ​ല്ലാം അനുസ​രിച്ച്‌ എന്റെ എല്ലാ ന്യായ​ത്തീർപ്പു​കൾക്കും ചേർച്ച​യിൽ ജീവി​ക്കണം.+ ഞാൻ യഹോ​വ​യാണ്‌.’”

20 യഹോവ മോശ​യോ​ട്‌ ഇങ്ങനെ​യും പറഞ്ഞു: 2 “നീ ഇസ്രായേ​ല്യരോ​ടു പറയുക: ‘ഇസ്രായേ​ല്യ​രി​ലോ ഇസ്രായേ​ലിൽ വന്നുതാ​മ​സി​ക്കുന്ന വിദേ​ശി​ക​ളി​ലോ ആരെങ്കി​ലും തന്റെ മകനെ​യോ മകളെ​യോ മോ​ലേ​ക്കി​നു കൊടു​ത്താൽ അവനെ ഒരു കാരണ​വ​ശാ​ലും ജീവ​നോ​ടെ വെക്കരു​ത്‌.+ ദേശത്തെ ജനം അവനെ കല്ലെറി​ഞ്ഞ്‌ കൊല്ലണം. 3 ഞാൻ അവന്‌ എതിരെ തിരി​യും. അവന്റെ ജനത്തിന്‌ ഇടയിൽ ഞാൻ അവനെ വെച്ചേ​ക്കില്ല. കാരണം അവൻ തന്റെ മക്കളിൽ ചിലരെ മോ​ലേ​ക്കി​നു കൊടു​ത്ത്‌ എന്റെ വിശു​ദ്ധ​സ്ഥലം അശുദ്ധമാക്കുകയും+ എന്റെ വിശു​ദ്ധ​നാ​മ​ത്തി​നു കളങ്ക​മേൽപ്പി​ക്കു​ക​യും ചെയ്‌തി​രി​ക്കു​ന്നു. 4 ഒരാൾ മകനെ​യോ മകളെ​യോ മോ​ലേ​ക്കി​നു കൊടു​ത്തി​ട്ടും ദേശത്തെ ജനം മനഃപൂർവം അതു കണ്ടി​ല്ലെന്നു നടിച്ച്‌ അവനെ കൊല്ലാ​തെ വിട്ടാൽ+ 5 ഞാൻ അവനും അവന്റെ കുടും​ബ​ത്തി​നും എതിരെ തിരി​യും.+ ഞാൻ അവനെ​യും മോ​ലേ​ക്കു​മാ​യി വേശ്യാ​വൃ​ത്തി​യിൽ ഏർപ്പെ​ടാൻ അവന്റെ​കൂ​ടെ ചേരുന്ന ആരെയും അവന്റെ ജനത്തിന്‌ ഇടയിൽ വെച്ചേ​ക്കില്ല.

6 “‘ഒരാൾ ആത്മാക്ക​ളു​ടെ ഉപദേശം തേടുന്നവരിലേക്കോ*+ ഭാവി പറയുന്നവരിലേക്കോ+ തിരിഞ്ഞ്‌ അവരു​മാ​യി ആത്മീയവേ​ശ്യാ​വൃ​ത്തി​യിൽ ഏർപ്പെ​ട്ടാൽ ഞാൻ അവന്‌ എതിരെ തിരി​യും. അവനെ ഞാൻ ജനത്തിന്‌ ഇടയിൽ വെച്ചേ​ക്കില്ല.+

7 “‘ഒരു വിശു​ദ്ധ​ജ​ന​മാ​യി നിങ്ങൾ നിങ്ങ​ളെ​ത്തന്നെ വേർതി​രി​ക്കണം.+ കാരണം ഞാൻ നിങ്ങളു​ടെ ദൈവ​മായ യഹോ​വ​യാണ്‌. 8 നിങ്ങൾ എന്റെ നിയമങ്ങൾ അനുസ​രിച്ച്‌ അവയ്‌ക്കു ചേർച്ച​യിൽ ജീവി​ക്കണം.+ യഹോവ എന്ന ഞാനാണു നിങ്ങളെ വിശു​ദ്ധ​ജ​ന​മാ​യി വേർതി​രി​ക്കു​ന്നത്‌.+

9 “‘ആരെങ്കി​ലും അപ്പനെ​യോ അമ്മയെ​യോ ശപിച്ചാൽ അവനെ ഒരു കാരണ​വ​ശാ​ലും ജീവ​നോ​ടെ വെക്കരു​ത്‌.+ അപ്പനെ​യോ അമ്മയെ​യോ ശപിച്ച​തുകൊണ്ട്‌ അവൻതന്നെ​യാണ്‌ അവന്റെ രക്തത്തിന്‌ ഉത്തരവാ​ദി.

10 “‘ഇനി, മറ്റൊ​രാ​ളു​ടെ ഭാര്യ​യു​മാ​യി വ്യഭി​ചാ​രം ചെയ്യുന്ന ഒരു മനുഷ്യ​ന്റെ കാര്യ​ത്തിൽ ചെയ്യേ​ണ്ടത്‌: സഹമനു​ഷ്യ​ന്റെ ഭാര്യ​യു​മാ​യി വ്യഭി​ചാ​രം ചെയ്യു​ന്ന​വനെ ഒരു കാരണ​വ​ശാ​ലും ജീവ​നോ​ടെ വെക്കരു​ത്‌. വ്യഭി​ചാ​രം ചെയ്‌ത ആ പുരു​ഷനെ​യും സ്‌ത്രീയെ​യും കൊന്നു​ക​ള​യണം.+ 11 അപ്പന്റെ ഭാര്യ​യു​മാ​യി ബന്ധപ്പെ​ടു​ന്നവൻ അപ്പനു മാന​ക്കേട്‌ ഉണ്ടാക്കി​യി​രി​ക്കു​ന്നു.+ അവരെ ഒരു കാരണ​വ​ശാ​ലും ജീവ​നോ​ടെ വെക്കരു​ത്‌. അവർതന്നെ​യാണ്‌ അവരുടെ രക്തത്തിന്‌ ഉത്തരവാ​ദി​കൾ. 12 ഒരാൾ മകന്റെ ഭാര്യ​യു​മാ​യി ബന്ധപ്പെ​ടുന്നെ​ങ്കിൽ അവരെ ഒരു കാരണ​വ​ശാ​ലും ജീവ​നോ​ടെ വെക്കരു​ത്‌. അവർ പ്രകൃ​തി​വി​രു​ദ്ധ​മാ​യതു ചെയ്‌തി​രി​ക്കു​ന്നു. അവർതന്നെ​യാണ്‌ അവരുടെ രക്തത്തിന്‌ ഉത്തരവാ​ദി​കൾ.+

13 “‘ഒരാൾ സ്‌ത്രീ​യുടെ​കൂ​ടെ എന്നപോ​ലെ പുരു​ഷന്റെ​കൂ​ടെ കിടന്നാൽ രണ്ടു പേരും കാണി​ച്ചതു മഹാവൃ​ത്തികേ​ടാണ്‌.+ അവരെ ഒരു കാരണ​വ​ശാ​ലും ജീവ​നോ​ടെ വെക്കരു​ത്‌. അവർതന്നെ​യാണ്‌ അവരുടെ രക്തത്തിന്‌ ഉത്തരവാ​ദി​കൾ.

14 “‘ഒരാൾ ഒരു സ്‌ത്രീയെ​യും അവളുടെ അമ്മയെ​യും തനിക്കു​വേണ്ടി എടുത്താൽ അതു മ്ലേച്ഛത​യാണ്‌.*+ മേലാൽ ഇത്തരം മ്ലേച്ഛകാ​ര്യ​ങ്ങൾ നിങ്ങളു​ടെ ഇടയിൽ ആരും ചെയ്യാ​തി​രി​ക്കാൻ അവർ അവനെ​യും ആ സ്‌ത്രീ​കളെ​യും ചുട്ടുകൊ​ല്ലണം.+

15 “‘ഒരാൾ ഒരു മൃഗവു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ടുന്നെ​ങ്കിൽ അവനെ ഒരു കാരണ​വ​ശാ​ലും ജീവ​നോ​ടെ വെക്കരു​ത്‌. ആ മൃഗ​ത്തെ​യും കൊല്ലണം.+ 16 ഒരു മൃഗവു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ടാൻ ഒരു സ്‌ത്രീ അതിന്റെ അടുത്ത്‌ ചെല്ലുന്നെങ്കിൽ+ നീ ആ സ്‌ത്രീയെ​യും മൃഗ​ത്തെ​യും കൊല്ലണം. അവരെ ഒരു കാരണ​വ​ശാ​ലും ജീവ​നോ​ടെ വെക്കരു​ത്‌. അവർതന്നെ​യാണ്‌ അവരുടെ രക്തത്തിന്‌ ഉത്തരവാ​ദി​കൾ.

17 “‘സ്വന്തം അപ്പനോ അമ്മയ്‌ക്കോ ജനിച്ച സഹോ​ദ​രി​യു​മാ​യി ഒരാൾ ലൈം​ഗി​ക​ബ​ന്ധ​ത്തിൽ ഏർപ്പെട്ട്‌, അവൻ അവളുടെ നഗ്നതയും അവൾ അവന്റെ നഗ്നതയും കാണുന്നെ​ങ്കിൽ അതു നിന്ദ്യ​മായ ഒരു കാര്യ​മാണ്‌.+ അവരുടെ ജനത്തിന്റെ കൺമു​ന്നിൽവെച്ച്‌ അവരെ കൊന്നു​ക​ള​യണം. അവൻ തന്റെ സഹോ​ദ​രി​ക്കു മാന​ക്കേട്‌ ഉണ്ടാക്കി​യി​രി​ക്കു​ന്നു. അവൻ ആ തെറ്റിന്‌ ഉത്തരം പറയണം.

18 “‘ഒരു സ്‌ത്രീ​യു​ടെ ആർത്തവ​സ​മ​യത്ത്‌ ഒരാൾ അവളു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട്ടാൽ അവനും അവളും അവളുടെ രക്തസ്രവം തുറന്നു​കാ​ട്ടി​യി​രി​ക്കു​ന്നു.+ രണ്ടു പേരെ​യും ജനത്തിന്‌ ഇടയിൽ വെച്ചേ​ക്ക​രുത്‌.

19 “‘അമ്മയുടെ സഹോ​ദ​രി​യു​മാ​യോ അപ്പന്റെ സഹോ​ദ​രി​യു​മാ​യോ നീ ലൈം​ഗി​ക​ബ​ന്ധ​ത്തിൽ ഏർപ്പെ​ട​രുത്‌. കാരണം അങ്ങനെ ചെയ്‌താൽ നീ രക്തബന്ധ​മുള്ള ഒരു വ്യക്തിക്കു മാന​ക്കേട്‌ ഉണ്ടാക്കു​ക​യാണ്‌.+ അവർ അവരുടെ തെറ്റിന്‌ ഉത്തരം പറയണം. 20 പിതൃസഹോദരന്റെ ഭാര്യ​യു​മാ​യി ബന്ധപ്പെ​ടു​ന്നവൻ തന്റെ പിതൃ​സഹോ​ദ​രനു മാന​ക്കേട്‌ ഉണ്ടാക്കി​യി​രി​ക്കു​ന്നു.+ അവർ തങ്ങളുടെ പാപത്തി​ന്‌ ഉത്തരം പറയണം. അവർ മക്കളി​ല്ലാ​തെ മരിക്കണം. 21 ഒരാൾ തന്റെ സഹോ​ദ​രന്റെ ഭാര്യയെ തനിക്കാ​യിട്ട്‌ എടുക്കുന്നെ​ങ്കിൽ അതു വെറു​ക്കത്തക്ക കാര്യ​മാണ്‌.+ അവൻ തന്റെ സഹോ​ദ​രനു മാന​ക്കേട്‌ ഉണ്ടാക്കി​യി​രി​ക്കു​ന്നു. അവർ മക്കളി​ല്ലാ​ത്ത​വ​രാ​യി​രി​ക്കും.

22 “‘നിങ്ങൾ എന്റെ നിയമ​ങ്ങളെ​ല്ലാം അനുസ​രിച്ച്‌ എന്റെ എല്ലാ ന്യായത്തീർപ്പുകൾക്കും+ ചേർച്ച​യിൽ ജീവി​ക്കണം.+ അങ്ങനെ​യാ​യാൽ ഞാൻ നിങ്ങളെ കൊണ്ടുപോ​യി താമസി​പ്പി​ക്കുന്ന ദേശം നിങ്ങളെ ഛർദി​ച്ചു​ക​ള​യില്ല.+ 23 നിങ്ങളുടെ മുന്നിൽനി​ന്ന്‌ ഞാൻ ഓടി​ച്ചു​ക​ള​യുന്ന ജനതക​ളു​ടെ നിയമ​ങ്ങ​ള​നു​സ​രിച്ച്‌ നിങ്ങൾ നടക്കരു​ത്‌.+ അവർ ഇക്കാര്യ​ങ്ങളെ​ല്ലാം ചെയ്‌ത​തുകൊണ്ട്‌ ഞാൻ അവരെ വെറു​ക്കു​ന്നു.+ 24 അതുകൊണ്ടാണ്‌ ഞാൻ നിങ്ങ​ളോട്‌ ഇങ്ങനെ പറഞ്ഞത്‌: “നിങ്ങൾ അവരുടെ ദേശം കൈവ​ശ​മാ​ക്കും. പാലും തേനും ഒഴുകുന്ന ആ ദേശം+ ഞാൻ നിങ്ങൾക്ക്‌ അവകാ​ശ​മാ​യി തരും. മറ്റുള്ള എല്ലാ ജനങ്ങളിൽനി​ന്നും നിങ്ങളെ വേർതി​രി​ച്ചി​രി​ക്കു​ന്നതു നിങ്ങളു​ടെ ദൈവ​മായ യഹോവ എന്ന ഞാനാണ്‌.”+ 25 ശുദ്ധിയുള്ള മൃഗങ്ങളെ ശുദ്ധി​യി​ല്ലാ​ത്ത​വ​യിൽനി​ന്നും ശുദ്ധി​യുള്ള പക്ഷികളെ ശുദ്ധി​യി​ല്ലാ​ത്ത​വ​യിൽനി​ന്നും നിങ്ങൾ വേർതി​രിച്ച്‌ കാണണം.+ നിങ്ങൾ അശുദ്ധ​മാ​യി കണക്കാ​ക്കാൻ ഞാൻ വേർതി​രി​ച്ചി​രി​ക്കുന്ന മൃഗമോ പക്ഷിയോ നിലത്തു​കൂ​ടെ ഇഴയുന്ന* എന്തെങ്കി​ലു​മോ കാരണം നിങ്ങൾ നിങ്ങ​ളെ​ത്തന്നെ അറയ്‌ക്കത്തക്ക അവസ്ഥയി​ലാ​ക്ക​രുത്‌.+ 26 യഹോവ എന്ന ഞാൻ വിശുദ്ധനായതുകൊണ്ട്‌+ നിങ്ങൾ എനിക്കു വിശു​ദ്ധ​രാ​യി​രി​ക്കണം. നിങ്ങൾ എന്റേതാ​യി​ത്തീ​രാൻവേണ്ടി മറ്റുള്ള എല്ലാ ജനങ്ങളിൽനി​ന്നും ഞാൻ നിങ്ങളെ വേർതി​രി​ക്കു​ക​യാണ്‌.+

27 “‘ആത്മാക്ക​ളു​ടെ ഉപദേശം തേടു​ക​യോ ഭാവി പറയുകയോ* ചെയ്യുന്ന ഏതൊരു പുരു​ഷനെ​യും സ്‌ത്രീയെ​യും കൊന്നു​ക​ള​യണം.+ ഒരു കാരണ​വ​ശാ​ലും അവരെ ജീവ​നോ​ടെ വെക്കരു​ത്‌. ജനം അവരെ കല്ലെറി​ഞ്ഞ്‌ കൊല്ലണം. അവരുടെ രക്തത്തിന്‌ അവർതന്നെ​യാണ്‌ ഉത്തരവാ​ദി​കൾ.’”

21 യഹോവ മോശ​യോ​ട്‌ ഇങ്ങനെ​യും പറഞ്ഞു: “അഹരോ​ന്റെ പുത്ര​ന്മാ​രായ പുരോ​ഹി​ത​ന്മാരോ​ടു പറയുക: ‘അവരിൽ ആരും തന്റെ ജനത്തിൽപ്പെട്ട മരിച്ച ഒരാൾ നിമിത്തം അശുദ്ധ​നാ​ക​രുത്‌.+ 2 എന്നാൽ അത്‌ അവന്റെ അടുത്ത രക്തബന്ധ​ത്തിൽപ്പെട്ട ഒരാളാണെ​ങ്കിൽ അവന്‌ അശുദ്ധ​നാ​കാം. അതായത്‌ അവന്റെ അമ്മ, അപ്പൻ, മകൻ, മകൾ, സഹോ​ദരൻ എന്നിവ​രു​ടെ കാര്യ​ത്തി​ലും, 3 അവന്റെ അടുത്തുള്ള സഹോ​ദരി അവിവാ​ഹി​ത​യായ കന്യക​യാണെ​ങ്കിൽ അവളുടെ കാര്യ​ത്തി​ലും അവന്‌ അശുദ്ധ​നാ​കാം. 4 പക്ഷേ, തന്റെ ജനത്തിൽപ്പെട്ട ഒരാൾ വിവാഹം കഴിച്ച ഒരു സ്‌ത്രീ​ക്കുവേണ്ടി അവൻ മലിന​നാ​കു​ക​യോ അശുദ്ധ​നാ​കു​ക​യോ അരുത്‌. 5 അവർ തലമുടി വടിക്കുകയോ+ താടി​യു​ടെ വിളുമ്പു വടിക്കു​ക​യോ ശരീര​ത്തിൽ മുറി​വു​കൾ ഉണ്ടാക്കു​ക​യോ അരുത്‌.+ 6 അവർ ദൈവ​ത്തി​നു വിശു​ദ്ധ​രാ​യി​രി​ക്കണം.+ അവരുടെ ദൈവ​ത്തി​ന്റെ പേര്‌ അവർ അശുദ്ധ​മാ​ക്ക​രുത്‌.+ അവർ യഹോ​വ​യ്‌ക്ക്‌ അഗ്നിയി​ലുള്ള യാഗങ്ങൾ, അതായത്‌ അവരുടെ ദൈവ​ത്തി​ന്റെ അപ്പം,* അർപ്പി​ക്കു​ന്ന​വ​രാണ്‌. അതു​കൊണ്ട്‌ അവർ വിശു​ദ്ധ​രാ​യി​രി​ക്കണം.+ 7 അവർ ഒരു വേശ്യയെ​യോ ചാരിത്ര​ശു​ദ്ധി നഷ്ടപ്പെ​ട്ട​വളെ​യോ വിവാ​ഹമോ​ചി​തയെ​യോ വിവാഹം കഴിക്ക​രുത്‌.+ കാരണം പുരോ​ഹി​തൻ ദൈവ​ത്തി​നു വിശു​ദ്ധ​നാണ്‌. 8 നിന്റെ ദൈവ​ത്തി​ന്റെ അപ്പം അർപ്പി​ക്കു​ന്നത്‌ അവനാ​യ​തുകൊണ്ട്‌ നീ അവനെ വിശു​ദ്ധ​നാ​യി കരുതണം.+ നിങ്ങളെ വിശു​ദ്ധീ​ക​രി​ക്കുന്ന യഹോവ എന്ന ഞാൻ വിശു​ദ്ധ​നാ​യ​തുകൊണ്ട്‌ അവൻ നിനക്കു വിശു​ദ്ധ​നാ​യി​രി​ക്കണം.+

9 “‘ഒരു പുരോ​ഹി​തന്റെ മകൾ വേശ്യാ​വൃ​ത്തി​യിൽ ഏർപ്പെട്ട്‌ അശുദ്ധ​യാ​കുന്നെ​ങ്കിൽ അവൾ തന്റെ അപ്പനെ​യാണ്‌ അശുദ്ധ​നാ​ക്കു​ന്നത്‌. അവളെ തീയി​ലിട്ട്‌ ചുട്ടു​ക​ള​യണം.+

10 “‘തലയിൽ അഭി​ഷേ​ക​തൈലം ചൊരിയപ്പെട്ട്‌+ പൗരോ​ഹി​ത്യ​വ​സ്‌ത്രങ്ങൾ ധരിക്കാൻ അവരോ​ധി​ത​നായ,+ തന്റെ സഹോ​ദ​ര​ങ്ങ​ളു​ടെ മഹാപുരോ​ഹി​തൻ മുടി കോതിയൊ​തു​ക്കാ​തി​രി​ക്കു​ക​യോ വസ്‌ത്രം കീറു​ക​യോ അരുത്‌.+ 11 അവൻ ആരു​ടെ​യും ശവശരീ​ര​ത്തിന്‌ അടുത്ത്‌* ചെന്ന്‌ അശുദ്ധ​നാ​ക​രുത്‌.+ അതു സ്വന്തം അപ്പന്റെ​യാ​യാ​ലും അമ്മയുടെ​യാ​യാ​ലും അവൻ അതിന്‌ അടുത്ത്‌ ചെല്ലരു​ത്‌. 12 അവൻ വിശു​ദ്ധ​മ​ന്ദി​രം വിട്ട്‌ പുറത്ത്‌ പോകാ​നോ തന്റെ ദൈവ​ത്തി​ന്റെ വിശു​ദ്ധ​മ​ന്ദി​രം അശുദ്ധ​മാ​ക്കാ​നോ പാടില്ല.+ കാരണം അവന്റെ ദൈവ​ത്തി​ന്റെ അഭി​ഷേ​ക​തൈലം എന്ന സമർപ്പ​ണ​ചി​ഹ്നം അവന്റെ മേലു​ണ്ട​ല്ലോ.+ ഞാൻ യഹോ​വ​യാണ്‌.

13 “‘അവൻ ഭാര്യ​യാ​യി സ്വീക​രി​ക്കു​ന്നതു കന്യക​യായ ഒരു സ്‌ത്രീയെ​യാ​യി​രി​ക്കണം.+ 14 വിധവയെയോ വിവാ​ഹമോ​ചി​ത​യായ സ്‌ത്രീയെ​യോ ചാരിത്ര​ശു​ദ്ധി നഷ്ടപ്പെ​ട്ട​വളെ​യോ വേശ്യയെ​യോ അവൻ വിവാഹം കഴിക്ക​രുത്‌. പകരം സ്വന്തം ജനത്തിൽപ്പെട്ട ഒരു കന്യകയെ വേണം അവൻ ഭാര്യ​യാ​യി സ്വീക​രി​ക്കാൻ. 15 എങ്കിൽ അവന്റെ ജനത്തിന്‌ ഇടയിൽ അവന്റെ സന്തതി അശുദ്ധ​നാ​കില്ല.+ കാരണം അവനെ വിശു​ദ്ധീ​ക​രി​ക്കു​ന്നത്‌ യഹോവ എന്ന ഞാനാ​ണ​ല്ലോ.’”

16 യഹോവ ഇങ്ങനെ​യും മോശയോ​ടു പറഞ്ഞു: 17 “അഹരോനോ​ടു പറയുക: ‘നിന്റെ സന്തതി​ക​ളിൽ വൈക​ല്യ​മുള്ള ആരും ഒരിക്ക​ലും ദൈവ​ത്തി​ന്റെ അപ്പം അർപ്പി​ക്കാൻ അടുത്ത്‌ വരരുത്‌. 18 ആർക്കെങ്കിലും വൈക​ല്യ​മുണ്ടെ​ങ്കിൽ അവൻ അടുത്ത്‌ വരരുത്‌: അന്ധനും മുടന്ത​നും മുഖം വിരൂപമായവനും* ഒരു കൈക്കോ കാലി​നോ നീളക്കൂ​ടു​ത​ലു​ള്ള​വ​നും 19 കൈക്കോ കാലി​നോ ഒടിവു​ള്ള​വ​നും 20 കൂനനും കുള്ളനും* കണ്ണിനു തകരാ​റു​ള്ള​വ​നും ചിരങ്ങോ പുഴു​ക്ക​ടി​യോ ഉള്ളവനും വൃഷണ​ങ്ങൾക്കു തകരാ​റു​ള്ള​വ​നും അതിൽപ്പെ​ടും.+ 21 പുരോഹിതനായ അഹരോ​ന്റെ മക്കളിൽ വൈക​ല്യ​മുള്ള ഒരു പുരു​ഷ​നും യഹോ​വ​യ്‌ക്ക്‌ അഗ്നിയി​ലുള്ള യാഗങ്ങൾ അർപ്പി​ക്കാൻ അടുത്ത്‌ വരരുത്‌. അവനു വൈക​ല്യ​മു​ള്ള​തുകൊണ്ട്‌ ദൈവ​ത്തി​ന്റെ അപ്പം അർപ്പി​ക്കാൻ അവൻ അടുത്ത്‌ വരരുത്‌. 22 അതിവിശുദ്ധമായവയിൽനിന്നും+ വിശു​ദ്ധ​മാ​യ​വ​യിൽനി​ന്നും അവന്റെ ദൈവ​ത്തി​ന്റെ അപ്പം അവനു കഴിക്കാം.+ 23 എന്നാൽ അവൻ അകത്ത്‌, തിരശ്ശീ​ല​യു​ടെ അടുത്ത്‌ ചെല്ലുകയോ+ യാഗപീഠത്തെ+ സമീപി​ക്കു​ക​യോ അരുത്‌. കാരണം അവനു വൈക​ല്യ​മുണ്ട്‌. അവൻ എന്റെ വിശുദ്ധമന്ദിരം+ അശുദ്ധ​മാ​ക്ക​രുത്‌. അവരെ വിശു​ദ്ധീ​ക​രി​ക്കു​ന്നത്‌ യഹോവ എന്ന ഞാനാ​ണ​ല്ലോ.’”+

24 മോശ അങ്ങനെ അഹരോനോ​ടും അവന്റെ പുത്ര​ന്മാരോ​ടും എല്ലാ ഇസ്രായേ​ല്യരോ​ടും സംസാ​രി​ച്ചു.

22 യഹോവ ഇങ്ങനെ​യും മോശയോ​ടു പറഞ്ഞു: 2 “അഹരോ​നും അവന്റെ പുത്ര​ന്മാ​രും ഇസ്രായേ​ല്യ​രു​ടെ വിശു​ദ്ധ​വ​സ്‌തു​ക്കൾ ശ്രദ്ധ​യോ​ടെ കൈകാ​ര്യം ചെയ്യണമെന്നും* വിശു​ദ്ധ​മാ​യി അവർ എനിക്ക്‌ അർപ്പി​ക്കുന്ന വസ്‌തുക്കളോടുള്ള+ ബന്ധത്തിൽ എന്റെ വിശു​ദ്ധ​നാ​മം അശുദ്ധമാക്കരുതെന്നും+ പറയണം. ഞാൻ യഹോ​വ​യാണ്‌. 3 അവരോടു പറയുക: ‘നിങ്ങളോ നിങ്ങളു​ടെ സന്തതി​പ​ര​മ്പ​ര​ക​ളിൽ ആരെങ്കി​ലു​മോ അശുദ്ധ​നാ​യി​രി​ക്കുമ്പോൾ, ഇസ്രായേ​ല്യർ വിശു​ദ്ധ​മാ​യി യഹോ​വ​യ്‌ക്ക്‌ അർപ്പി​ക്കുന്ന വസ്‌തു​ക്ക​ളു​ടെ അടുത്ത്‌ വന്നാൽ അവനെ എന്റെ മുന്നിൽനി​ന്ന്‌ ഛേദി​ച്ചു​ക​ള​യും.*+ ഞാൻ യഹോ​വ​യാണ്‌. 4 അഹരോന്റെ മക്കളിൽ കുഷ്‌ഠമോ+ സ്രാവമോ+ ഉള്ള ആരും താൻ ശുദ്ധനാ​കു​ന്ന​തു​വരെ വിശു​ദ്ധ​വ​സ്‌തു​ക്കൾ കഴിക്ക​രുത്‌.+ കൂടാതെ ആരു​ടെയെ​ങ്കി​ലും ശവശരീ​രം നിമിത്തം അശുദ്ധനായവനെ+ തൊടു​ന്ന​വ​നോ ബീജസ്‌ഖ​ലനം ഉണ്ടായവനോ+ 5 കൂട്ടമായി കാണ​പ്പെ​ടുന്ന, ശുദ്ധി​യി​ല്ലാത്ത ഏതെങ്കി​ലും ചെറുജീവിയെ+ തൊടു​ന്ന​വ​നോ ഏതെങ്കി​ലും കാരണ​ത്താൽ അശുദ്ധ​നാ​യി​ത്തീർന്ന​തുകൊണ്ട്‌ മറ്റൊ​രാ​ളെ അശുദ്ധ​നാ​ക്കാ​നാ​കു​ന്ന​യാ​ളെ തൊടു​ന്ന​വ​നോ അവ കഴിക്ക​രുത്‌.+ 6 ഇവയിലേതിലെങ്കിലും തൊടു​ന്ന​യാൾ വൈകുന്നേ​രം​വരെ അശുദ്ധ​നാ​യി​രി​ക്കും. ആ സമയം​വരെ വിശു​ദ്ധ​വ​സ്‌തു​ക്കൾ ഒന്നും കഴിക്കു​ക​യു​മ​രുത്‌. എന്നാൽ അവൻ കുളി​ക്കണം.+ 7 സൂര്യാസ്‌തമയശേഷം അവൻ ശുദ്ധനാ​കും. പിന്നെ അവനു വിശു​ദ്ധ​വ​സ്‌തു​ക്കൾ കഴിക്കാം. കാരണം അത്‌ അവന്റെ ഭക്ഷണമാ​ണ​ല്ലോ.+ 8 കൂടാതെ താനേ ചത്ത ഏതെങ്കി​ലും മൃഗ​ത്തെ​യോ വന്യമൃ​ഗങ്ങൾ കടിച്ചു​കീ​റി​യ​തിനെ​യോ കഴിച്ച്‌ അവൻ അശുദ്ധ​നാ​ക​രുത്‌.+ ഞാൻ യഹോ​വ​യാണ്‌.

9 “‘അവർ എന്നോ​ടുള്ള കടമ നിറ​വേ​റ്റണം. അല്ലാത്ത​പക്ഷം അവർ വിശു​ദ്ധ​വ​സ്‌തു​ക്കളെ അശുദ്ധ​മാ​ക്കി അവരുടെ മേൽ പാപം വരുത്തിവെ​ക്കും. അങ്ങനെ അവർ മരിക്കും. അവരെ വിശു​ദ്ധീ​ക​രി​ക്കു​ന്നത്‌ യഹോവ എന്ന ഞാനാ​ണ​ല്ലോ.

10 “‘അർഹത​യി​ല്ലാത്ത ആരും* വിശു​ദ്ധ​മാ​യതു കഴിക്ക​രുത്‌.+ പുരോ​ഹി​തന്റെ വിദേ​ശി​യായ അതിഥി​യോ കൂലി​ക്കാ​ര​നോ വിശു​ദ്ധ​മാ​യത്‌ ഒന്നും കഴിക്ക​രുത്‌. 11 പക്ഷേ പുരോ​ഹി​തൻ കൈയി​ലുള്ള പണം കൊടു​ത്ത്‌ ആരെ​യെ​ങ്കി​ലും വാങ്ങുന്നെ​ങ്കിൽ ആ വ്യക്തിക്ക്‌ അതിൽനി​ന്ന്‌ കഴിക്കാം. കൂടാതെ അവന്റെ ഭവനത്തിൽ ജനിച്ച അടിമ​കൾക്കും അവന്റെ ഭക്ഷണത്തിൽ പങ്കുപ​റ്റാം.+ 12 പുരോഹിതന്റെ മകൾ പുരോ​ഹി​ത​ന​ല്ലാത്ത ഒരാളെ വിവാഹം കഴിക്കുന്നെ​ങ്കിൽ അവൾ സംഭാ​വ​ന​യായ വിശു​ദ്ധ​വ​സ്‌തു​ക്ക​ളിൽനിന്ന്‌ കഴിക്ക​രുത്‌. 13 എന്നാൽ പുരോ​ഹി​തന്റെ മകൾ മക്കളി​ല്ലാ​തെ വിധവ​യാ​കു​ക​യോ വിവാ​ഹമോ​ചി​ത​യാ​കു​ക​യോ ചെയ്‌തി​ട്ട്‌ അപ്പന്റെ വീട്ടി​ലേക്കു മടങ്ങി​വന്ന്‌ ചെറു​പ്പ​കാ​ലത്തെ​ന്നപോ​ലെ കഴിയുന്നെ​ങ്കിൽ അവൾക്ക്‌ അപ്പന്റെ ഭക്ഷണത്തിൽനി​ന്ന്‌ കഴിക്കാം.+ പക്ഷേ അർഹത​യി​ല്ലാത്ത ആരും അതു കഴിക്ക​രുത്‌.

14 “‘ഇനി, ഒരാൾ അബദ്ധത്തിൽ ഒരു വിശു​ദ്ധ​വ​സ്‌തു കഴിച്ചാൽ അതിന്റെ മൂല്യ​ത്തി​ന്റെ അഞ്ചി​ലൊ​ന്നും​കൂ​ടെ ചേർത്ത്‌ അവൻ ആ വിശു​ദ്ധ​യാ​ഗം പുരോ​ഹി​തനു കൊടു​ക്കണം.+ 15 ഇസ്രായേല്യർ യഹോ​വ​യ്‌ക്കു സംഭാ​വ​ന​യാ​യി കൊടുത്ത വിശു​ദ്ധ​വ​സ്‌തു​ക്കൾ പുരോ​ഹി​ത​ന്മാർ അശുദ്ധ​മാ​ക്ക​രുത്‌.+ 16 ഇസ്രായേല്യർ വിശു​ദ്ധ​വ​സ്‌തു​ക്കൾ കഴിച്ച്‌ കുറ്റക്കാ​രാ​യി തങ്ങളുടെ മേൽ ശിക്ഷ വരുത്തിവെ​ക്കാൻ അവർ ഇടയാ​ക്ക​രുത്‌. അവരെ വിശു​ദ്ധീ​ക​രി​ക്കു​ന്നത്‌ യഹോവ എന്ന ഞാനാ​ണ​ല്ലോ.’”

17 യഹോവ ഇങ്ങനെ​യും മോശയോ​ടു പറഞ്ഞു: 18 “അഹരോനോ​ടും പുത്ര​ന്മാരോ​ടും എല്ലാ ഇസ്രായേ​ല്യരോ​ടും ഇങ്ങനെ പറയുക: ‘ഒരു ഇസ്രായേ​ല്യ​നോ ഇസ്രായേ​ലിൽ വന്നുതാ​മ​സ​മാ​ക്കിയ വിദേ​ശി​യോ തന്റെ നേർച്ചകൾ നിവർത്തി​ക്കാൻ, അല്ലെങ്കിൽ സ്വമന​സ്സാലെ​യുള്ള ഒരു കാഴ്‌ചയായി+ യഹോ​വ​യ്‌ക്ക്‌ ഒരു ദഹനയാ​ഗം അർപ്പിക്കുമ്പോൾ+ 19 അംഗീകാരം കിട്ടണമെ​ങ്കിൽ, അതു കന്നുകാ​ലി​ക്കൂ​ട്ട​ത്തിൽനി​ന്നോ ആൺചെ​മ്മ​രി​യാ​ട്ടിൻകു​ട്ടി​ക​ളിൽനി​ന്നോ കോലാ​ടു​ക​ളിൽനി​ന്നോ എടുത്ത ന്യൂന​ത​യി​ല്ലാത്ത ഒരു ആണായി​രി​ക്കണം.+ 20 വൈകല്യമുള്ള ഒന്നി​നെ​യും നിങ്ങൾ അർപ്പി​ക്ക​രുത്‌.+ കാരണം അതു നിങ്ങൾക്ക്‌ അംഗീ​കാ​രം നേടി​ത്ത​രില്ല.

21 “‘നേർച്ച നിവർത്തി​ക്കാൻവേ​ണ്ടി​യോ സ്വമന​സ്സാ​ലെ നൽകുന്ന കാഴ്‌ച​യാ​യോ ഒരാൾ യഹോ​വ​യ്‌ക്ക്‌ ഒരു സഹഭോജനബലി+ അർപ്പി​ക്കുന്നെ​ങ്കിൽ അംഗീ​കാ​രം നേടാൻ, കന്നുകാ​ലി​ക്കൂ​ട്ട​ത്തിൽനി​ന്നോ ആട്ടിൻപ​റ്റ​ത്തിൽനി​ന്നോ ന്യൂന​ത​യി​ല്ലാത്ത ഒരു മൃഗത്തെ വേണം അർപ്പി​ക്കാൻ. അതിനു വൈക​ല്യമൊ​ന്നും ഉണ്ടായി​രി​ക്ക​രുത്‌. 22 പൊട്ടക്കണ്ണോ ഒടിവോ മുറി​വോ മുഴയോ ചിരങ്ങോ പുഴു​ക്ക​ടി​യോ ഉള്ള ഒന്നി​നെ​യും യാഗമാ​യി അർപ്പി​ക്ക​രുത്‌. നിങ്ങൾ ഇവയിൽ ഏതി​നെയെ​ങ്കി​ലും യഹോ​വ​യ്‌ക്കുവേണ്ടി കൊണ്ടു​വ​രു​ക​യോ അത്തരത്തി​ലുള്ള ഒന്നിനെ യാഗപീ​ഠ​ത്തിൽ യഹോ​വ​യ്‌ക്ക്‌ അർപ്പി​ക്കു​ക​യോ അരുത്‌. 23 ഒരു കൈക്കോ കാലി​നോ നീളക്കൂ​ടു​ത​ലോ നീളക്കു​റ​വോ ഉള്ള ഒരു കാള​യെ​യോ ആടി​നെ​യോ സ്വമന​സ്സാ​ലെ നൽകുന്ന കാഴ്‌ച​യാ​യി നിനക്കു കൊണ്ടു​വ​രാം. പക്ഷേ നേർച്ച​യാ​ഗ​മാ​യി അതിനെ അർപ്പി​ച്ചാൽ അതു സ്വീകാ​ര്യ​മാ​യി​രി​ക്കില്ല. 24 എന്നാൽ വൃഷണം ഉടഞ്ഞതിനെ​യോ എടുത്തു​ക​ള​ഞ്ഞ​തിനെ​യോ മുറി​ച്ചു​ക​ള​ഞ്ഞ​തിനെ​യോ വൃഷണ​ത്തി​നു തകരാ​റു​ള്ള​തിനെ​യോ നീ യഹോ​വ​യ്‌ക്കുവേണ്ടി കൊണ്ടു​വ​ര​രുത്‌. നിങ്ങളു​ടെ ദേശ​ത്തെ​ങ്ങും അത്തരം മൃഗങ്ങളെ അർപ്പി​ക്ക​രുത്‌. 25 ഇവയിലേതിനെയെങ്കിലും ഒരു വിദേ​ശി​യു​ടെ കൈയിൽനി​ന്ന്‌ വാങ്ങി നിങ്ങളു​ടെ ദൈവ​ത്തി​ന്റെ അപ്പമായി അർപ്പി​ക്കു​ക​യു​മ​രുത്‌. കാരണം അവ ഊനവും വൈക​ല്യ​വും ഉള്ളതാണ്‌. അവ സ്വീകാ​ര്യ​മാ​യി​രി​ക്കില്ല.’”

26 യഹോവ ഇങ്ങനെ​യും മോശയോ​ടു പറഞ്ഞു: 27 “ഒരു കാളയോ ചെമ്മരി​യാ​ടോ കോലാ​ടോ പിറന്നാൽ ഏഴു ദിവസ​ത്തേക്ക്‌ അതു തള്ളയുടെ​കൂടെ​യാ​യി​രി​ക്കണം.+ എന്നാൽ, എട്ടാം ദിവസം​മു​തൽ അഗ്നിയിൽ യഹോ​വ​യ്‌ക്ക്‌ അർപ്പി​ക്കുന്ന യാഗമാ​യി അതു സ്വീകാ​ര്യ​മാ​യി​രി​ക്കും. 28 കന്നുകാലിയായാലും ആടായാ​ലും, ഒരേ ദിവസം തള്ളയെ​യും കുഞ്ഞിനെ​യും അറുക്ക​രുത്‌.+

29 “നിങ്ങൾ യഹോ​വ​യ്‌ക്ക്‌ ഒരു നന്ദി​പ്ര​കാ​ശ​ന​ബലി അർപ്പിക്കുന്നെങ്കിൽ+ അംഗീ​കാ​രം കിട്ടുന്ന വിധത്തിൽ വേണം അത്‌ അർപ്പി​ക്കാൻ. 30 അന്നുതന്നെ അതു കഴിക്കണം. അതിൽ ഒട്ടും നിങ്ങൾ രാവിലെ​വരെ ബാക്കി വെക്കരു​ത്‌.+ ഞാൻ യഹോ​വ​യാണ്‌.

31 “നിങ്ങൾ എന്റെ കല്‌പ​നകൾ അനുസ​രിച്ച്‌ അവയ്‌ക്കു ചേർച്ച​യിൽ ജീവി​ക്കണം.+ ഞാൻ യഹോ​വ​യാണ്‌. 32 നിങ്ങൾ എന്റെ വിശു​ദ്ധ​നാ​മം അശുദ്ധ​മാ​ക്ക​രുത്‌.+ പകരം ഇസ്രായേ​ല്യ​രു​ടെ ഇടയിൽ നിങ്ങൾ എന്നെ വിശു​ദ്ധീ​ക​രി​ക്കണം.+ നിങ്ങളെ വിശു​ദ്ധീ​ക​രി​ക്കു​ന്നത്‌ യഹോവ എന്ന ഞാനാണ്‌.+ 33 നിങ്ങൾക്കു ദൈവ​മാ​യി​രി​ക്കാൻവേണ്ടി ഞാനാണ്‌ ഈജി​പ്‌ത്‌ ദേശത്തു​നിന്ന്‌ നിങ്ങളെ വിടു​വിച്ച്‌ കൊണ്ടു​വ​രു​ന്നത്‌.+ ഞാൻ യഹോ​വ​യാണ്‌.”

23 യഹോവ ഇങ്ങനെ​യും മോശയോ​ടു പറഞ്ഞു: 2 “ഇസ്രായേ​ല്യരോ​ടു പറയുക: ‘നിങ്ങൾ വിളംബരം+ ചെയ്യേണ്ട, യഹോ​വ​യു​ടെ ഉത്സവങ്ങൾ വിശു​ദ്ധ​സമ്മേ​ള​ന​ങ്ങ​ളാണ്‌.+ എന്റെ ഉത്സവങ്ങൾ ഇവയാണ്‌:

3 “‘ആറു ദിവസം ജോലി ചെയ്യാം. എന്നാൽ ഏഴാം ദിവസം സമ്പൂർണ​വിശ്ര​മ​ത്തി​ന്റെ ശബത്താണ്‌.+ വിശു​ദ്ധ​സമ്മേ​ള​ന​ത്തി​നുള്ള ദിവസ​മാണ്‌ അത്‌. ഒരുത​ര​ത്തി​ലുള്ള ജോലി​യും അന്നു ചെയ്യരു​ത്‌. നിങ്ങൾ എവിടെ താമസി​ച്ചാ​ലും അത്‌ യഹോ​വ​യ്‌ക്കുള്ള ശബത്താ​യി​രി​ക്കണം.+

4 “‘യഹോ​വ​യു​ടെ ഉത്സവങ്ങൾ അവയ്‌ക്കു​വേണ്ടി നിശ്ചയിച്ച സമയത്ത്‌ നിങ്ങൾ വിളം​ബരം ചെയ്യണം. ആ വിശു​ദ്ധ​സമ്മേ​ള​നങ്ങൾ ഇവയാണ്‌: 5 ഒന്നാം മാസം 14-ാം ദിവസം+ സന്ധ്യാസമയത്ത്‌* യഹോ​വ​യ്‌ക്കുള്ള പെസഹ+ ആചരി​ക്കണം.

6 “‘ആ മാസം 15-ാം ദിവസം യഹോ​വ​യ്‌ക്കുള്ള പുളി​പ്പി​ല്ലാത്ത അപ്പത്തിന്റെ ഉത്സവമാ​ണ്‌.+ ഏഴു ദിവസം നിങ്ങൾ പുളി​പ്പി​ല്ലാത്ത അപ്പം കഴിക്കണം.+ 7 ഒന്നാം ദിവസം നിങ്ങൾ ഒരു വിശു​ദ്ധ​സമ്മേ​ള​ന​ത്തി​നാ​യി കൂടി​വ​രണം;+ കഠിനജോ​ലിയൊ​ന്നും ചെയ്യരു​ത്‌. 8 പക്ഷേ ഏഴു ദിവസ​വും നിങ്ങൾ യഹോ​വ​യ്‌ക്ക്‌ അഗ്നിയി​ലുള്ള യാഗം അർപ്പി​ക്കണം. ഏഴാം ദിവസം ഒരു വിശു​ദ്ധ​സമ്മേ​ള​ന​മു​ണ്ടാ​യി​രി​ക്കും. അന്നു കഠിനജോ​ലിയൊ​ന്നും ചെയ്യരു​ത്‌.’”

9 യഹോവ ഇങ്ങനെ​യും മോശയോ​ടു പറഞ്ഞു: 10 “ഇസ്രായേ​ല്യരോ​ടു പറയുക: ‘ഒടുവിൽ നിങ്ങൾ, ഞാൻ തരുന്ന ദേശത്ത്‌ എത്തി നിങ്ങളു​ടെ വിള കൊയ്യു​മ്പോൾ വിളവി​ന്റെ ആദ്യഫലങ്ങളുടെ+ ഒരു കറ്റ പുരോ​ഹി​തന്റെ അടുത്ത്‌ കൊണ്ടു​വ​രണം.+ 11 നിങ്ങൾക്കു ദൈവാം​ഗീ​കാ​രം ലഭിക്കാൻവേണ്ടി അവൻ ആ കറ്റ യഹോ​വ​യു​ടെ മുന്നിൽ അങ്ങോ​ട്ടും ഇങ്ങോ​ട്ടും ആട്ടും. ശബത്തിന്റെ പിറ്റെ​ന്നാ​ളാ​ണു പുരോ​ഹി​തൻ ഇതു ചെയ്യേ​ണ്ടത്‌. 12 കറ്റ ദോളനം* ചെയ്യുന്ന ദിവസം ഒരു വയസ്സോ അതിൽ താഴെ​യോ പ്രായ​മുള്ള ന്യൂന​ത​യി​ല്ലാത്ത ഒരു ആൺചെ​മ്മ​രി​യാ​ട്ടിൻകു​ട്ടി​യെ നിങ്ങൾ ദഹനയാ​ഗ​മാ​യി യഹോ​വ​യ്‌ക്ക്‌ അർപ്പി​ക്കണം. 13 അതിന്റെകൂടെയുള്ള ധാന്യ​യാ​ഗം ഒരു ഏഫായു​ടെ പത്തിൽ രണ്ട്‌* അളവ്‌ നേർത്ത ധാന്യപ്പൊ​ടി​യിൽ എണ്ണ ചേർത്ത​താ​യി​രി​ക്കും. അത്‌ അഗ്നിയി​ലുള്ള യാഗമാ​യി, പ്രസാദിപ്പിക്കുന്ന* സുഗന്ധ​മാ​യി, യഹോ​വ​യ്‌ക്ക്‌ അർപ്പി​ക്കണം. അതി​ന്റെ​കൂ​ടെ പാനീ​യ​യാ​ഗ​മാ​യി കാൽ ഹീൻ* വീഞ്ഞും അർപ്പി​ക്കണം. 14 നിങ്ങൾ നിങ്ങളു​ടെ ദൈവ​ത്തി​നു യാഗം കൊണ്ടു​വ​രുന്ന ഈ ദിവസം​വരെ അപ്പമോ വറുത്ത ധാന്യ​മോ പുതിയ ധാന്യ​മോ ഒന്നും കഴിക്ക​രുത്‌. നിങ്ങൾ എവിടെ താമസി​ച്ചാ​ലും ഇതു നിങ്ങളു​ടെ എല്ലാ തലമു​റ​കൾക്കും ദീർഘ​കാ​ലത്തേ​ക്കുള്ള ഒരു നിയമ​മാ​യി​രി​ക്കും.

15 “‘ശബത്തിന്റെ പിറ്റെ ദിവസം​മു​തൽ, അതായത്‌ ദോളനയാഗത്തിന്റെ* കറ്റ കൊണ്ടു​വ​രുന്ന ദിവസം​മു​തൽ, നിങ്ങൾ ഏഴു ശബത്ത്‌ എണ്ണണം.+ അവ ഏഴും പൂർണ​വാ​രങ്ങൾ ആയിരി​ക്കണം. 16 ഏഴാമത്തെ ശബത്തിന്റെ പിറ്റെ ദിവസം​വരെ 50 ദിവസം+ എണ്ണിയി​ട്ട്‌ നിങ്ങൾ യഹോ​വ​യ്‌ക്കു മറ്റൊരു ധാന്യ​യാ​ഗം അർപ്പി​ക്കണം.+ 17 ദോളനയാഗമായി നിങ്ങൾ വീട്ടിൽനി​ന്ന്‌ രണ്ട്‌ അപ്പം കൊണ്ടു​വ​രണം. അവ ഒരു ഏഫായു​ടെ പത്തിൽ രണ്ട്‌* അളവ്‌ നേർത്ത ധാന്യപ്പൊ​ടികൊണ്ട്‌ ഉണ്ടാക്കി​യ​താ​യി​രി​ക്കണം. നിങ്ങളു​ടെ വിളയിൽനി​ന്ന്‌ യഹോ​വ​യ്‌ക്കുള്ള ആദ്യഫലമായി+ പുളി​പ്പിച്ച്‌ ചുട്ടെടുത്തതായിരിക്കണം+ അവ. 18 അപ്പങ്ങളോടൊപ്പം നിങ്ങൾ ഒരു വയസ്സുള്ള ന്യൂന​ത​യി​ല്ലാത്ത ഏഴ്‌ ആൺചെമ്മരി​യാ​ട്ടിൻകു​ട്ടി​കളെ​യും ഒരു കാളക്കു​ട്ടിയെ​യും രണ്ട്‌ ആൺചെ​മ്മ​രി​യാ​ടു​കളെ​യും കാഴ്‌ചവെ​ക്കണം.+ അവ യഹോ​വ​യ്‌ക്കുള്ള ദഹനയാ​ഗ​മാ​യി, അതതിന്റെ ധാന്യ​യാ​ഗത്തോ​ടും പാനീ​യ​യാ​ഗ​ങ്ങളോ​ടും ഒപ്പം അഗ്നിയി​ലുള്ള ഒരു യാഗമാ​യി, യഹോ​വയെ പ്രസാ​ദി​പ്പി​ക്കുന്ന സുഗന്ധ​മാ​യി അർപ്പി​ക്കാ​നു​ള്ള​താണ്‌. 19 കൂടാതെ, നിങ്ങൾ ഒരു കോലാ​ട്ടിൻകു​ട്ടി​യെ പാപയാഗമായും+ ഒരു വയസ്സുള്ള രണ്ട്‌ ആൺചെ​മ്മ​രി​യാ​ട്ടിൻകു​ട്ടി​കളെ സഹഭോജനബലിയായും+ അർപ്പി​ക്കണം. 20 പുരോഹിതൻ ആ രണ്ട്‌ ആൺചെ​മ്മ​രി​യാ​ട്ടിൻകു​ട്ടി​കളെ ആദ്യഫ​ല​ത്തി​ന്റെ രണ്ട്‌ അപ്പത്തോടൊ​പ്പം യഹോ​വ​യു​ടെ മുമ്പാകെ ഒരു ദോള​ന​യാ​ഗ​മാ​യി അങ്ങോ​ട്ടും ഇങ്ങോ​ട്ടും ആട്ടും. അവ യഹോ​വ​യ്‌ക്കു വിശു​ദ്ധ​മാ​യി​രി​ക്കും. അവ പുരോ​ഹി​ത​നു​ള്ള​താണ്‌.+ 21 അന്നുതന്നെ നിങ്ങൾ നിങ്ങൾക്കു​വേണ്ടി ഒരു വിശു​ദ്ധ​സമ്മേ​ളനം വിളം​ബരം ചെയ്യണം;+ കഠിനജോ​ലിയൊ​ന്നും ചെയ്യരു​ത്‌. നിങ്ങൾ താമസി​ക്കു​ന്നി​ടത്തെ​ല്ലാം ഇതു നിങ്ങളു​ടെ എല്ലാ തലമു​റ​കൾക്കും ദീർഘ​കാ​ലത്തേ​ക്കുള്ള ഒരു നിയമ​മാ​യി​രി​ക്കും.

22 “‘നിങ്ങൾ കൊയ്യു​മ്പോൾ വയലിന്റെ അരികു തീർത്ത്‌ കൊയ്‌തെ​ടു​ക്ക​രുത്‌. കൊയ്‌ത​ശേഷം അവിടെ വീണു​കി​ട​ക്കു​ന്നതു പെറു​ക്കു​ക​യു​മ​രുത്‌.+ അതു ദരിദ്രർക്കും+ വന്നുതാ​മ​സി​ക്കുന്ന വിദേ​ശി​കൾക്കും ആയി വിട്ടേ​ക്കണം.+ ഞാൻ നിങ്ങളു​ടെ ദൈവ​മായ യഹോ​വ​യാണ്‌.’”

23 യഹോവ ഇങ്ങനെ​യും മോശയോ​ടു പറഞ്ഞു: 24 “ഇസ്രായേ​ല്യരോ​ടു പറയുക: ‘ഏഴാം മാസം ഒന്നാം ദിവസം നിങ്ങൾക്കു സമ്പൂർണ​വിശ്ര​മ​മാ​യി​രി​ക്കണം. അതു കാഹള​നാ​ദംകൊണ്ട്‌ വിളംബരം+ ചെയ്യുന്ന ഒരു അനുസ്‌മ​ര​ണ​ദി​നം, ഒരു വിശു​ദ്ധ​സമ്മേ​ള​ന​ദി​നം, ആയിരി​ക്കും. 25 അന്നു നിങ്ങൾ കഠിനജോ​ലിയൊ​ന്നും ചെയ്യരു​ത്‌. പക്ഷേ യഹോ​വ​യ്‌ക്ക്‌ അഗ്നിയി​ലുള്ള ഒരു യാഗം അർപ്പി​ക്കണം.’”

26 യഹോവ ഇങ്ങനെ​യും മോശയോ​ടു പറഞ്ഞു: 27 “എന്നാൽ ഈ ഏഴാം മാസത്തി​ന്റെ പത്താം ദിവസം പാപപ​രി​ഹാ​ര​ദി​വ​സ​മാണ്‌.+ നിങ്ങൾ ഒരു വിശു​ദ്ധ​സമ്മേ​ള​ന​ത്തി​നുവേണ്ടി കൂടി​വ​രണം. നിങ്ങൾ നിങ്ങ​ളെ​ത്തന്നെ ക്ലേശിപ്പിക്കുകയും*+ യഹോ​വ​യ്‌ക്ക്‌ അഗ്നിയി​ലുള്ള ഒരു യാഗം അർപ്പി​ക്കു​ക​യും വേണം. 28 അന്നേ ദിവസം നിങ്ങൾ ഒരുത​ര​ത്തി​ലുള്ള ജോലി​യും ചെയ്യരു​ത്‌. കാരണം നിങ്ങളു​ടെ ദൈവ​മായ യഹോ​വ​യു​ടെ മുമ്പാകെ നിങ്ങൾക്കു പാപപ​രി​ഹാ​രം വരുത്താനുള്ള+ പാപപ​രി​ഹാ​ര​ദി​വ​സ​മാണ്‌ അത്‌. 29 ആ ദിവസം തങ്ങളെ​ത്തന്നെ ക്ലേശിപ്പിക്കാത്തവരെയൊന്നും* ജനത്തിന്‌ ഇടയിൽ വെച്ചേ​ക്കില്ല.+ 30 അന്നേ ദിവസം ആരെങ്കി​ലും ഏതെങ്കി​ലും തരത്തി​ലുള്ള ജോലി ചെയ്‌താൽ അവനെ ഞാൻ അവന്റെ ജനത്തിന്‌ ഇടയിൽ വെച്ചേ​ക്കില്ല. 31 നിങ്ങൾ ഒരുത​ര​ത്തി​ലുള്ള ജോലി​യും ചെയ്യരു​ത്‌. എവിടെ താമസി​ച്ചാ​ലും ഇതു നിങ്ങളു​ടെ എല്ലാ തലമു​റ​കൾക്കും ദീർഘ​കാ​ലത്തേ​ക്കുള്ള ഒരു നിയമ​മാ​യി​രി​ക്കും. 32 ഇതു നിങ്ങൾക്കു സമ്പൂർണ​വിശ്ര​മ​ത്തി​ന്റെ ശബത്താണ്‌. ആ മാസത്തി​ന്റെ ഒൻപതാം ദിവസം വൈകു​ന്നേരം നിങ്ങൾ നിങ്ങളെ ക്ലേശി​പ്പി​ക്കണം.+ വൈകുന്നേ​രം​മു​തൽ അടുത്ത വൈകുന്നേ​രം​വരെ നിങ്ങൾ ശബത്ത്‌ ആചരി​ക്കണം.”

33 യഹോവ ഇങ്ങനെ​യും മോശയോ​ടു പറഞ്ഞു: 34 “ഇസ്രായേ​ല്യരോ​ടു പറയുക: ‘ഈ ഏഴാം മാസം 15-ാം ദിവസം​മു​തൽ ഏഴു ദിവസ​ത്തേക്ക്‌ യഹോ​വ​യ്‌ക്കുള്ള കൂടാരോ​ത്സ​വ​മാ​യി​രി​ക്കും.*+ 35 ഒന്നാം ദിവസം ഒരു വിശു​ദ്ധ​സമ്മേ​ള​ന​മു​ണ്ടാ​യി​രി​ക്കണം; കഠിനജോ​ലിയൊ​ന്നും ചെയ്യരു​ത്‌. 36 ഏഴു ദിവസ​വും നിങ്ങൾ യഹോ​വ​യ്‌ക്ക്‌ അഗ്നിയി​ലുള്ള യാഗം അർപ്പി​ക്കണം. എട്ടാം ദിവസം നിങ്ങൾ ഒരു വിശുദ്ധസമ്മേളനത്തിനുവേണ്ടി+ കൂടി​വ​രു​ക​യും യഹോ​വ​യ്‌ക്ക്‌ അഗ്നിയി​ലുള്ള ഒരു യാഗം അർപ്പി​ക്കു​ക​യും വേണം. അതു പവി​ത്ര​മായ ഒരു സമ്മേള​ന​മാണ്‌. അന്നു കഠിനജോ​ലിയൊ​ന്നും ചെയ്യരു​ത്‌.

37 “‘അതതു ദിവസത്തെ പട്ടികപ്ര​കാ​ര​മുള്ള ദഹനയാ​ഗം,+ മൃഗബ​ലിയോടൊ​പ്പ​മുള്ള ധാന്യ​യാ​ഗം,+ പാനീയയാഗങ്ങൾ+ എന്നിങ്ങനെ യഹോ​വ​യ്‌ക്ക്‌ അഗ്നിയി​ലുള്ള യാഗം അർപ്പി​ക്കാൻവേണ്ടി വിശുദ്ധസമ്മേളനങ്ങളായി+ വിളം​ബരം ചെയ്യേണ്ട യഹോ​വ​യു​ടെ ഉത്സവങ്ങ​ളാണ്‌ ഇവ.+ 38 ആ യാഗങ്ങ​ളാ​കട്ടെ, നിങ്ങൾ യഹോ​വ​യ്‌ക്ക്‌ അർപ്പി​ക്കേണ്ട യഹോ​വ​യു​ടെ ശബത്തുകളിലെ+ യാഗങ്ങൾക്കും നിങ്ങളു​ടെ സംഭാവനകൾക്കും+ നേർച്ചയാഗങ്ങൾക്കും+ സ്വമന​സ്സാ​ലെ നൽകുന്ന കാഴ്‌ചകൾക്കും+ പുറ​മേ​യു​ള്ള​വ​യാണ്‌. 39 എന്നാൽ ദേശത്തെ വിളവ്‌ ശേഖരി​ച്ചു​ക​ഴി​യുമ്പോൾ, ഏഴാം മാസം 15-ാം ദിവസം​മു​തൽ ഏഴു ദിവസ​ത്തേക്കു നിങ്ങൾ യഹോ​വ​യ്‌ക്കുള്ള ഉത്സവം ആഘോ​ഷി​ക്കണം.+ ഒന്നാം ദിവസ​വും എട്ടാം ദിവസ​വും സമ്പൂർണ​വിശ്ര​മ​ത്തി​ന്റെ ദിവസ​ങ്ങ​ളാ​യി​രി​ക്കും.+ 40 ഒന്നാം ദിവസം നിങ്ങൾ മേത്തരം വൃക്ഷങ്ങ​ളു​ടെ പഴങ്ങൾ, ഈന്തപ്പ​നയോ​ലകൾ,+ ഇലകൾ നിറഞ്ഞ മരച്ചി​ല്ലകൾ, താഴ്‌വരയിലെ* വെള്ളില മരങ്ങളു​ടെ ശാഖകൾ എന്നിവ എടുക്കണം. ഏഴു ദിവസം നിങ്ങൾ നിങ്ങളു​ടെ ദൈവ​മായ യഹോ​വ​യു​ടെ സന്നിധി​യിൽ ആഹ്ലാദി​ക്കണം.+ 41 നിങ്ങൾ അത്‌ യഹോ​വ​യ്‌ക്കുള്ള ഉത്സവമാ​യി വർഷത്തിൽ ഏഴു ദിവസം ആഘോ​ഷി​ക്കണം. നിങ്ങളു​ടെ എല്ലാ തലമു​റ​കൾക്കും ദീർഘ​കാ​ലത്തേ​ക്കുള്ള ഒരു നിയമ​മാ​യി നിങ്ങൾ ഏഴാം മാസം അത്‌ ആഘോ​ഷി​ക്കണം.+ 42 നിങ്ങൾ ഏഴു ദിവസ​ത്തേക്കു കൂടാ​ര​ങ്ങ​ളിൽ താമസി​ക്കണം.+ എല്ലാ ഇസ്രായേ​ല്യ​രും ഇങ്ങനെ ചെയ്യണം. 43 ഞാൻ ഇസ്രായേ​ല്യ​രെ ഈജി​പ്‌തിൽനിന്ന്‌ വിടു​വിച്ച്‌ കൊണ്ടു​വ​ന്നപ്പോൾ അവരെ കൂടാ​ര​ങ്ങ​ളി​ലാ​ണു താമസിപ്പിച്ചതെന്നു+ നിങ്ങളു​ടെ വരും​ത​ല​മു​റകൾ അറിയാൻവേ​ണ്ടി​യാണ്‌ ഇത്‌.+ ഞാൻ നിങ്ങളു​ടെ ദൈവ​മായ യഹോ​വ​യാണ്‌.’”

44 അങ്ങനെ യഹോ​വ​യു​ടെ ഉത്സവങ്ങളെ​ക്കു​റിച്ച്‌ മോശ ഇസ്രായേ​ല്യരോ​ടു പറഞ്ഞു.

24 യഹോവ ഇങ്ങനെ​യും മോശയോ​ടു പറഞ്ഞു: 2 “ദീപങ്ങൾ എപ്പോ​ഴും കത്തിനിൽക്കാൻ അവയ്‌ക്കു വേണ്ട ഇടി​ച്ചെ​ടുത്ത ശുദ്ധമായ ഒലിവെണ്ണ നിന്റെ അടുത്ത്‌ കൊണ്ടു​വ​രാൻ ഇസ്രായേ​ല്യരോ​ടു കല്‌പി​ക്കുക.+ 3 സാന്നിധ്യകൂടാരത്തിലുള്ള ‘സാക്ഷ്യ’ത്തിന്റെ തിരശ്ശീ​ല​യ്‌ക്കു വെളി​യിൽ, യഹോ​വ​യു​ടെ സന്നിധി​യിൽ വൈകുന്നേ​രം​മു​തൽ രാവിലെ​വരെ ദീപങ്ങൾ എപ്പോ​ഴും കത്തിനിൽക്കാൻവേണ്ട ക്രമീ​ക​ര​ണങ്ങൾ അഹരോൻ ചെയ്യണം. ഇതു നിങ്ങളു​ടെ എല്ലാ തലമു​റ​കൾക്കുംവേ​ണ്ടി​യുള്ള സ്ഥിരമായ നിയമ​മാണ്‌. 4 യഹോവയുടെ സന്നിധി​യിൽ തനിത്ത​ങ്കംകൊ​ണ്ടുള്ള തണ്ടുവിളക്കിൽ+ അവൻ നിത്യ​വും ദീപങ്ങൾ ഒരുക്കിവെ​ക്കണം.

5 “നീ നേർത്ത ധാന്യപ്പൊ​ടി എടുത്ത്‌ വളയാ​കൃ​തി​യി​ലുള്ള 12 അപ്പം ചുടണം. ഓരോ അപ്പവും ഒരു ഏഫായു​ടെ പത്തിൽ രണ്ട്‌* അളവ്‌ ധാന്യപ്പൊ​ടികൊ​ണ്ടു​ള്ള​താ​യി​രി​ക്കണം. 6 അവ യഹോ​വ​യു​ടെ മുമ്പാകെ തനിത്ത​ങ്കംകൊ​ണ്ടുള്ള മേശയിൽ+ ആറു വീതം രണ്ട്‌ അടുക്കാ​യി വെച്ച്‌+ 7 ഓരോ അടുക്കിന്റെ​യും മുകളിൽ ശുദ്ധമായ കുന്തി​രി​ക്കം വെക്കണം. മുഴുവൻ യാഗത്തിന്റെ​യും പ്രതീകമായി* അഗ്നിയിൽ യഹോ​വ​യ്‌ക്ക്‌ അർപ്പി​ക്കാൻവേ​ണ്ടി​യുള്ള അപ്പമാ​യി​രി​ക്കും ഇത്‌.+ 8 ഓരോ ശബത്തു​ദി​വ​സ​വും അവൻ പതിവാ​യി യഹോ​വ​യു​ടെ മുമ്പാകെ അത്‌ അടുക്കിവെ​ക്കണം.+ ഇത്‌ ഇസ്രായേ​ല്യ​രു​മാ​യി ചെയ്‌തി​രി​ക്കുന്ന ദീർഘ​കാ​ലത്തേ​ക്കുള്ള ഉടമ്പടി​യാണ്‌. 9 അത്‌ അഹരോ​നും പുത്ര​ന്മാർക്കും ഉള്ളതാ​യി​രി​ക്കും.+ അവർ അത്‌ ഒരു വിശു​ദ്ധ​സ്ഥ​ല​ത്തുവെച്ച്‌ കഴിക്കും.+ കാരണം അഗ്നിയിൽ യഹോ​വ​യ്‌ക്ക്‌ അർപ്പി​ക്കുന്ന യാഗങ്ങ​ളിൽനിന്ന്‌ പുരോ​ഹി​തനു കിട്ടുന്ന ഏറ്റവും വിശു​ദ്ധ​മായ ഓഹരി​യാണ്‌ അത്‌. ഇതു ദീർഘ​കാ​ലത്തേ​ക്കുള്ള ഒരു ചട്ടമാണ്‌.”

10 ഇസ്രായേല്യരുടെ ഇടയിൽ, അമ്മ ഇസ്രായേൽക്കാ​രി​യും അപ്പൻ ഈജിപ്‌തുകാരനും+ ആയ ഒരാളു​ണ്ടാ​യി​രു​ന്നു. അവനും ഒരു ഇസ്രായേ​ല്യ​പു​രു​ഷ​നും തമ്മിൽ പാളയ​ത്തിൽവെച്ച്‌ അടി ഉണ്ടായി. 11 അപ്പോൾ ഇസ്രായേൽക്കാ​രി​യു​ടെ മകൻ ദൈവ​നാ​മത്തെ അധി​ക്ഷേ​പി​ക്കാ​നും ശപിക്കാ​നും തുടങ്ങി.+ അതു​കൊണ്ട്‌ അവർ അവനെ മോശ​യു​ടെ അടുത്ത്‌ കൊണ്ടു​വന്നു.+ അവന്റെ അമ്മ ദാൻഗോത്ര​ത്തി​ലെ ദിബ്രി​യു​ടെ മകൾ ശെലോ​മീത്ത്‌ ആയിരു​ന്നു. 12 യഹോവയുടെ തീരു​മാ​നം എന്താ​ണെന്നു വ്യക്തമാ​യി അറിയു​ന്ന​തു​വരെ അവർ അവനെ തടവിൽ വെച്ചു.+

13 തുടർന്ന്‌ യഹോവ മോശയോ​ടു പറഞ്ഞു: 14 “ശപിച്ച​വനെ പാളയ​ത്തി​നു വെളി​യിൽ കൊണ്ടു​വ​രുക. അവൻ പറഞ്ഞതു കേട്ടവരെ​ല്ലാം അവരുടെ കൈകൾ അവന്റെ തലയിൽ വെക്കണം. എന്നിട്ട്‌ സമൂഹം ഒന്നടങ്കം അവനെ കല്ലെറി​ഞ്ഞ്‌ കൊല്ലണം.+ 15 നീ ഇസ്രായേ​ല്യരോട്‌ ഇങ്ങനെ പറയു​ക​യും വേണം: ‘ആരെങ്കി​ലും ദൈവത്തെ ശപിച്ചാൽ അവൻ തന്റെ പാപത്തി​ന്‌ ഉത്തരം പറയേ​ണ്ടി​വ​രും. 16 യഹോവയുടെ നാമത്തെ അധി​ക്ഷേ​പി​ക്കു​ന്ന​വനെ ഒരു കാരണ​വ​ശാ​ലും കൊല്ലാ​തെ വിടരു​ത്‌.+ സമൂഹം ഒന്നടങ്കം അവനെ കല്ലെറി​ഞ്ഞ്‌ കൊല്ലണം. ദൈവ​നാ​മത്തെ അധി​ക്ഷേ​പി​ക്കു​ന്നത്‌ ആരായാ​ലും, അത്‌ ഒരു സ്വദേ​ശി​യാ​യാ​ലും ദേശത്ത്‌ വന്നുതാ​മ​സ​മാ​ക്കിയ ഒരു വിദേ​ശി​യാ​യാ​ലും, അവനെ കൊന്നു​ക​ള​യണം.

17 “‘ആരെങ്കി​ലും ഒരു മനുഷ്യ​നെ കൊന്നാൽ അവനെ ഒരു കാരണ​വ​ശാ​ലും ജീവ​നോ​ടെ വെക്കരു​ത്‌.+ 18 ആരെങ്കിലും മറ്റൊ​രാ​ളു​ടെ വളർത്തു​മൃ​ഗത്തെ കൊന്നാൽ മൃഗത്തി​നു പകരം മൃഗത്തെ നഷ്ടപരി​ഹാ​ര​മാ​യി കൊടു​ക്കണം. 19 ആരെങ്കിലും തന്റെ സഹമനു​ഷ്യ​നു പരിക്ക്‌ ഏൽപ്പി​ച്ചാൽ അവൻ ചെയ്‌ത​തു​തന്നെ തിരിച്ച്‌ അവനോ​ടും ചെയ്യണം.+ 20 ഒടിവിനു പകരം ഒടിവ്‌, കണ്ണിനു പകരം കണ്ണ്‌, പല്ലിനു പകരം പല്ല്‌. അവൻ ഏതുത​ര​ത്തി​ലുള്ള പരിക്ക്‌ ഏൽപ്പി​ച്ചോ അതേ തരത്തി​ലുള്ള പരിക്ക്‌ അവനും ഏൽപ്പി​ക്കണം.+ 21 ആരെങ്കിലും ഒരു മൃഗത്തെ അടിച്ചി​ട്ട്‌ അതു ചത്തു​പോ​യാൽ അവൻ അതിനു നഷ്ടപരി​ഹാ​രം കൊടു​ക്കണം.+ എന്നാൽ ഒരു മനുഷ്യനെ​യാ​ണു കൊല്ലു​ന്നതെ​ങ്കിൽ അവനെ കൊന്നു​ക​ള​യണം.+

22 “‘സ്വദേ​ശി​യാ​യാ​ലും ദേശത്ത്‌ വന്നുതാ​മ​സ​മാ​ക്കിയ വിദേ​ശി​യാ​യാ​ലും എല്ലാവർക്കു​മുള്ള നിയമം ഒന്നുതന്നെ.+ കാരണം, ഞാൻ നിങ്ങളു​ടെ ദൈവ​മായ യഹോ​വ​യാണ്‌.’”

23 പിന്നെ മോശ ഇസ്രായേ​ല്യരോ​ടു സംസാ​രി​ച്ചു. തുടർന്ന്‌ ശാപം ഉച്ചരി​ച്ച​വനെ അവർ പാളയ​ത്തി​നു വെളി​യിൽ കൊണ്ടു​വന്ന്‌ കല്ലെറി​ഞ്ഞ്‌ കൊന്നു.+ അങ്ങനെ യഹോവ മോശയോ​ടു കല്‌പി​ച്ച​തുപോലെ​തന്നെ ഇസ്രായേ​ല്യർ ചെയ്‌തു.

25 സീനായ്‌ പർവത​ത്തിൽവെച്ച്‌ യഹോവ ഇങ്ങനെ​യും മോശയോ​ടു പറഞ്ഞു: 2 “ഇസ്രായേ​ല്യരോ​ടു പറയുക: ‘ഞാൻ തരുന്ന ദേശത്ത്‌ നിങ്ങൾ എത്തിക്കഴിയുമ്പോൾ+ ദേശം യഹോ​വ​യ്‌ക്കു ശബത്ത്‌ ആചരി​ക്കും.+ 3 ആറു വർഷം നിന്റെ വയലിൽ വിത്തു വിതയ്‌ക്കു​ക​യും ആറു വർഷം നിന്റെ മുന്തിരി വെട്ടിയൊ​രു​ക്കു​ക​യും ദേശത്ത്‌ വിളയു​ന്നതു ശേഖരി​ക്കു​ക​യും വേണം.+ 4 എന്നാൽ ഏഴാം വർഷം ദേശത്തി​നു സമ്പൂർണ​വിശ്ര​മ​ത്തി​ന്റെ ശബത്താ​യി​രി​ക്കണം. ഇത്‌ യഹോ​വ​യ്‌ക്കുള്ള ശബത്താണ്‌. നീ വയലിൽ വിത്തു വിതയ്‌ക്കു​ക​യോ മുന്തിരി വെട്ടിയൊ​രു​ക്കു​ക​യോ അരുത്‌. 5 വയലിൽ താനേ വളർന്ന​തിന്റെപോ​ലും കൊയ്‌ത്തു നടത്താ​നോ വെട്ടിയൊ​രു​ക്കാത്ത മുന്തി​രി​യിൽനിന്ന്‌ മുന്തി​രി​പ്പ​ഴ​ത്തി​ന്റെ വിള​വെ​ടു​ക്കാ​നോ പാടില്ല. ഒരു വർഷം ദേശത്തി​നു സമ്പൂർണ​വിശ്ര​മ​മാ​യി​രി​ക്കണം. 6 പക്ഷേ ദേശത്തി​ന്റെ ശബത്തിൽ അവിടെ വിളയു​ന്നതു നിനക്കു കഴിക്കാം. നിനക്കും നിന്റെ അടിമ​കൾക്കും നിന്റെ കൂലി​ക്കാ​ര​നും നിന്നോടൊ​പ്പം വന്നുതാ​മ​സി​ക്കുന്ന വിദേ​ശി​ക​ളായ കുടിയേ​റ്റ​ക്കാർക്കും അതു കഴിക്കാം. 7 നിന്റെ ദേശത്തെ വളർത്തു​മൃ​ഗ​ങ്ങൾക്കും കാട്ടു​മൃ​ഗ​ങ്ങൾക്കും അതു കഴിക്കാം. ദേശം ഉത്‌പാ​ദി​പ്പി​ക്കു​ന്നതെ​ല്ലാം നിനക്കു കഴിക്കാം.

8 “‘നീ ഏഴു ശബത്തു​വർഷം എണ്ണണം. അതായത്‌ ഏഴു പ്രാവ​ശ്യം ഏഴു വർഷം എണ്ണണം. ഏഴു ശബത്തു​വർഷ​ത്തി​ന്റെ ദൈർഘ്യം 49 വർഷമാ​യി​രി​ക്കും. 9 തുടർന്ന്‌ പാപപരിഹാരദിവസമായ+ ഏഴാം മാസം പത്താം ദിവസം ഉച്ചത്തിൽ കൊമ്പു* വിളി​ക്കണം. ആ കൊമ്പു​വി​ളി ദേശം മുഴുവൻ കേൾക്കണം. 10 നിങ്ങൾ 50-ാം വർഷത്തെ വിശു​ദ്ധീ​ക​രിച്ച്‌ ദേശത്ത്‌ എല്ലാവർക്കും സ്വാത​ന്ത്ര്യം വിളം​ബരം ചെയ്യണം.+ അതു നിങ്ങൾക്ക്‌ ഒരു ജൂബി​ലി​യാ​യി​രി​ക്കും. നിങ്ങൾ ഓരോ​രു​ത്ത​രും അവരവ​രു​ടെ അവകാ​ശ​ത്തിലേ​ക്കും അവരവ​രു​ടെ കുടും​ബ​ത്തിലേ​ക്കും മടങ്ങിപ്പോ​കണം.+ 11 നിങ്ങൾക്ക്‌ 50-ാം വർഷം ഒരു ജൂബി​ലി​യാ​യി​രി​ക്കും. നിങ്ങൾ വിത്തു വിതയ്‌ക്കു​ക​യോ വീണു​കി​ടന്ന ധാന്യ​മ​ണി​കൾ താനേ വളർന്നു​ണ്ടാ​യ​തി​ന്റെ കൊയ്‌ത്തു നടത്തു​ക​യോ വെട്ടിയൊ​രു​ക്കാത്ത മുന്തി​രി​വ​ള്ളി​യിൽനി​ന്നുള്ള മുന്തി​രി​പ്പ​ഴ​ത്തി​ന്റെ വിള​വെ​ടു​ക്കു​ക​യോ അരുത്‌.+ 12 കാരണം അതു ജൂബി​ലി​യാണ്‌. അതു നിങ്ങൾക്കു വിശു​ദ്ധ​മാ​യി​രി​ക്കണം. എന്നാൽ ദേശത്ത്‌ താനേ വിളയു​ന്നതു നിങ്ങൾക്കു കഴിക്കാം.+

13 “‘ജൂബി​ലി​വർഷ​ത്തിൽ നിങ്ങൾ ഓരോ​രു​ത്ത​രും അവരവ​രു​ടെ അവകാ​ശ​ത്തിലേക്കു മടങ്ങിപ്പോ​കണം.+ 14 നിങ്ങൾ എന്തെങ്കി​ലും വിൽക്കു​ക​യോ വാങ്ങു​ക​യോ ചെയ്യു​മ്പോൾ പരസ്‌പരം ചൂഷണം ചെയ്യരു​ത്‌.+ 15 നീ സഹമനു​ഷ്യ​നിൽനിന്ന്‌ വാങ്ങു​ന്നതു ജൂബി​ലി​ക്കു ശേഷം കടന്നു​പോയ വർഷങ്ങ​ളു​ടെ എണ്ണം കണക്കിലെ​ടു​ത്താ​യി​രി​ക്കണം. വിള​വെ​ടു​പ്പി​നു ബാക്കി​യുള്ള വർഷങ്ങൾ കണക്കിലെ​ടുത്ത്‌ വേണം അവൻ നിനക്കു വിൽക്കാൻ.+ 16 ധാരാളം വർഷങ്ങൾ ബാക്കി​യുണ്ടെ​ങ്കിൽ അവന്‌ അതിന്റെ വില കൂട്ടാം. എന്നാൽ കുറച്ച്‌ വർഷങ്ങളേ ബാക്കി​യുള്ളെ​ങ്കിൽ അവൻ അതിന്റെ വില കുറയ്‌ക്കണം. കാരണം ശേഷി​ച്ചി​രി​ക്കുന്ന വിള​വെ​ടു​പ്പു​ക​ളാ​ണ​ല്ലോ അവൻ നിനക്കു വിൽക്കു​ന്നത്‌. 17 നിങ്ങൾ ആരും സഹമനു​ഷ്യ​നെ ചൂഷണം ചെയ്യരു​ത്‌.+ നീ നിന്റെ ദൈവത്തെ ഭയപ്പെ​ടണം.+ കാരണം ഞാൻ നിങ്ങളു​ടെ ദൈവ​മായ യഹോ​വ​യാണ്‌.+ 18 എന്റെ നിയമങ്ങൾ അനുസ​രി​ക്കു​ക​യും എന്റെ ന്യായ​ത്തീർപ്പു​കൾക്കു ചേർച്ച​യിൽ ജീവി​ക്കു​ക​യും ചെയ്യു​ന്ന​പക്ഷം നിങ്ങൾ ദേശത്ത്‌ സുരക്ഷി​ത​രാ​യി താമസി​ക്കും.+ 19 ദേശം അതിന്റെ ഫലം തരും.+ നിങ്ങൾ തൃപ്‌തി​യാ​കു​ന്ന​തു​വരെ കഴിച്ച്‌ അവിടെ സുരക്ഷി​ത​രാ​യി താമസി​ക്കും.+

20 “‘“വിത്തു വിതയ്‌ക്കാതെ​യും വിള​വെ​ടു​ക്കാതെ​യും ഇരുന്നാൽ ഏഴാം വർഷം എന്തു തിന്നും”+ എന്നു നിങ്ങൾ ചോദിച്ചേ​ക്കാം. 21 ആറാം വർഷം ഞാൻ നിങ്ങളു​ടെ മേൽ എന്റെ അനു​ഗ്രഹം ചൊരി​യും. അങ്ങനെ മൂന്നു വർഷ​ത്തേക്ക്‌ ആവശ്യ​മാ​യത്ര വിളവ്‌ ദേശത്ത്‌ വിളയും.+ 22 പിന്നെ എട്ടാം വർഷം നിങ്ങൾ വിത്തു വിതയ്‌ക്കും. ഒൻപതാം വർഷം​വരെ പഴയ വിളവിൽനി​ന്നാ​യി​രി​ക്കും കഴിക്കു​ന്നത്‌. പുതിയ വിളവ്‌ കിട്ടു​ന്ന​തു​വരെ പഴയതിൽനി​ന്നു​തന്നെ നിങ്ങൾ തിന്നും.

23 “‘നിലം എന്നേക്കു​മാ​യി വിറ്റു​ക​ള​യ​രുത്‌.+ കാരണം അത്‌ എന്റേതാ​ണ്‌.+ നിങ്ങൾ എന്റെ വീക്ഷണ​ത്തിൽ, വന്നുതാ​മ​സി​ക്കുന്ന വിദേ​ശി​ക​ളും കുടിയേ​റ്റ​ക്കാ​രും ആണല്ലോ.+ 24 നിങ്ങളുടെ അവകാ​ശദേ​ശത്ത്‌ എല്ലായി​ട​ത്തും, നിലം തിരികെ വാങ്ങാ​നുള്ള അവകാശം നിങ്ങൾ അനുവ​ദി​ച്ചുകൊ​ടു​ക്കണം.

25 “‘ദരി​ദ്ര​നാ​യിട്ട്‌ നിന്റെ സഹോ​ദ​രനു തന്റെ വസ്‌തു​വിൽ കുറച്ച്‌ വിൽക്കേ​ണ്ടി​വ​ന്നാൽ അവന്റെ അടുത്ത ബന്ധത്തി​ലുള്ള ഒരു വീണ്ടെ​ടു​പ്പു​കാ​രൻ വന്ന്‌ തന്റെ സഹോ​ദരൻ വിറ്റതു തിരികെ വാങ്ങണം.+ 26 എന്നാൽ വീണ്ടെ​ടു​പ്പു​കാ​ര​നി​ല്ലാത്ത ആർക്കെ​ങ്കി​ലും പിന്നീടു സമൃദ്ധി ഉണ്ടായി​ട്ട്‌ അതു വീണ്ടെ​ടു​ക്കാ​നുള്ള വക ഉണ്ടായാൽ, 27 അവൻ അതു വിറ്റ സമയം​മു​ത​ലുള്ള വർഷങ്ങ​ളി​ലെ അതിന്റെ ആകെ മൂല്യം കണക്കു​കൂ​ട്ടണം. എന്നിട്ട്‌ വ്യത്യാ​സം കണക്കാക്കി ബാക്കി പണം ആ വസ്‌തു വാങ്ങിയ വ്യക്തിക്കു മടക്കിക്കൊ​ടു​ക്കണം. പിന്നെ അവനു തന്റെ വസ്‌തു​വിലേക്കു മടങ്ങിപ്പോ​കാം.+

28 “‘എന്നാൽ അതു തിരികെ വാങ്ങാ​നുള്ള വക കണ്ടെത്താൻ അവനു സാധി​ക്കു​ന്നില്ലെ​ങ്കിൽ വാങ്ങിയ ആളുടെ കൈവ​ശം​തന്നെ ജൂബി​ലി​വർഷം​വരെ അത്‌ ഇരിക്കും.+ ജൂബി​ലി​യിൽ അത്‌ അവനു തിരികെ കിട്ടും. അപ്പോൾ അവനു തന്റെ വസ്‌തു​വിലേക്കു മടങ്ങിപ്പോ​കാം.+

29 “‘ഇനി, ചുറ്റു​മ​തി​ലുള്ള നഗരത്തി​ലെ ഒരു വീട്‌ ഒരാൾ വിൽക്കുന്നെ​ങ്കിൽ വിൽപ്പന നടന്നതു​മു​തൽ ഒരു വർഷം പൂർത്തി​യാ​കു​ന്ന​തു​വരെ അവന്‌ അതു വീണ്ടെ​ടു​ക്കാ​നുള്ള അവകാ​ശ​മുണ്ട്‌. ഒരു വർഷം മുഴുവൻ അവന്റെ വീണ്ടെടുപ്പവകാശം+ പ്രാബ​ല്യ​ത്തി​ലു​ണ്ടാ​യി​രി​ക്കും. 30 എന്നാൽ ഒരു വർഷത്തി​നു​ള്ളിൽ അതു തിരികെ വാങ്ങു​ന്നില്ലെ​ങ്കിൽ ചുറ്റു​മ​തി​ലുള്ള നഗരത്തി​ലെ ആ വീട്‌, അതു വാങ്ങിയ ആൾക്കു തലമു​റ​ക​ളി​ലു​ട​നീ​ളം സ്ഥിരമായ ഒരു അവകാ​ശ​മാ​കും. ജൂബി​ലി​യിൽ അതു വിട്ടുകൊ​ടുക്കേ​ണ്ട​തില്ല. 31 എന്നാൽ ചുറ്റു​മ​തി​ലി​ല്ലാത്ത ഒരു പാർപ്പി​ടമേ​ഖ​ല​യി​ലെ വീടുകൾ നാട്ടിൻപു​റത്തെ നിലത്തി​ന്റെ ഭാഗമാ​യി കണക്കാ​ക്കണം. അവ വീണ്ടെ​ടു​ക്കാ​നുള്ള അവകാശം എപ്പോ​ഴു​മു​ണ്ടാ​യി​രി​ക്കും. ജൂബി​ലി​യിൽ അവ വിട്ടുകൊ​ടു​ക്കു​ക​യും വേണം.

32 “‘ലേവ്യ​രു​ടെ നഗരങ്ങളിലെ+ അവരുടെ വീടു​ക​ളു​ടെ കാര്യ​ത്തിൽ, അവ വീണ്ടെ​ടു​ക്കാൻ അവർക്ക്‌ എന്നും അവകാ​ശ​മു​ണ്ടാ​യി​രി​ക്കും. 33 അവർ ആ വീടുകൾ തിരികെ വാങ്ങു​ന്നില്ലെ​ങ്കിൽ, അവരുടെ നഗരത്തി​ലുള്ള വിറ്റു​പോയ വീടുകൾ ജൂബി​ലി​യിൽ വിട്ട്‌ കിട്ടും.+ കാരണം ആ വീടുകൾ ഇസ്രായേ​ല്യ​രു​ടെ ഇടയിൽ ലേവ്യ​രു​ടെ അവകാ​ശ​മാണ്‌.+ 34 പക്ഷേ നഗരത്തി​നു ചുറ്റു​മുള്ള മേച്ചിൽപ്പു​റ​മായ നിലം+ വിൽക്ക​രുത്‌. കാരണം അത്‌ അവരുടെ സ്ഥിരമായ അവകാ​ശ​മാണ്‌.

35 “‘നിന്റെ അയൽക്കാ​ര​നായ സഹോ​ദരൻ ദരി​ദ്ര​നാ​യി അവന്‌ ഉപജീ​വ​ന​ത്തി​നു വകയി​ല്ലാ​താ​കുന്നെ​ങ്കിൽ അവൻ നിങ്ങളു​ടെ ഇടയിൽ ജീവി​ച്ചി​രി​ക്കാൻവേണ്ടി, ദേശത്ത്‌ താമസ​മാ​ക്കിയ ഒരു വിദേ​ശി​യുടെ​യും കുടിയേറ്റക്കാരന്റെയും+ കാര്യ​ത്തിൽ ചെയ്യു​ന്ന​തുപോലെ​തന്നെ നീ അവനെ​യും പുലർത്തണം.+ 36 അവനിൽനിന്ന്‌ പലിശ വാങ്ങു​ക​യോ അവനെ​ക്കൊ​ണ്ട്‌ ലാഭം ഉണ്ടാക്കുകയോ* അരുത്‌.+ നീ നിന്റെ ദൈവത്തെ ഭയപ്പെ​ടണം.+ അങ്ങനെ നിന്റെ സഹോ​ദരൻ നിങ്ങളു​ടെ ഇടയിൽ ജീവ​നോ​ടി​രി​ക്കാൻ ഇടയാ​കും. 37 നീ അവനു പലിശ​യ്‌ക്കു പണം കൊടു​ക്ക​രുത്‌.+ ലാഭം വാങ്ങി ആഹാരം കൊടു​ക്കു​ക​യു​മ​രുത്‌. 38 നിങ്ങൾക്കു ദൈവ​മാ​യി​രി​ക്കാൻ നിങ്ങളെ ഈജി​പ്‌ത്‌ ദേശത്തു​നിന്ന്‌ വിടുവിച്ച്‌+ കനാൻ ദേശം തരാൻ കൊണ്ടു​വന്ന ഞാൻ നിങ്ങളു​ടെ ദൈവ​മായ യഹോ​വ​യാണ്‌.+

39 “‘നിന്റെ അയൽക്കാ​ര​നായ ഒരു സഹോ​ദരൻ ദരി​ദ്ര​നാ​യിട്ട്‌ അവനെ നിനക്കു വിൽക്കേണ്ടിവന്നാൽ+ വെറുമൊ​രു അടിമയെപ്പോ​ലെ അവനെ​ക്കൊ​ണ്ട്‌ പണി​യെ​ടു​പ്പി​ക്ക​രുത്‌.+ 40 പകരം ഒരു കൂലിക്കാരനോടോ+ ഒരു കുടിയേ​റ്റ​ക്കാ​രനോ​ടോ പെരു​മാ​റു​ന്ന​തുപോ​ലെ അവനോ​ടു പെരു​മാ​റണം. ജൂബി​ലി​വർഷം​വരെ അവൻ നിന്നെ സേവി​ക്കണം. 41 പിന്നെ അവൻ നിന്നെ വിട്ട്‌ പോകും. അവനും കുട്ടികളും* അവന്റെ കുടും​ബ​ത്തിലേക്കു തിരികെപ്പോ​കും. അവൻ പൂർവി​ക​രു​ടെ അവകാ​ശ​ത്തിലേക്കു തിരികെപ്പോ​കണം.+ 42 കാരണം അവർ എന്റെ അടിമ​ക​ളാണ്‌; ഈജി​പ്‌ത്‌ ദേശത്തു​നിന്ന്‌ ഞാൻ വിടു​വിച്ച്‌ കൊണ്ടു​വ​ന്നവർ.+ ഒരു അടിമയെ വിൽക്കു​ന്ന​തുപോ​ലെ അവർ തങ്ങളെ​ത്തന്നെ വിൽക്ക​രുത്‌. 43 നീ അവനോ​ടു ക്രൂര​മാ​യി പെരു​മാ​റ​രുത്‌.+ നീ നിന്റെ ദൈവത്തെ ഭയപ്പെ​ടണം.+ 44 എന്നാൽ ചുറ്റു​മുള്ള ജനതക​ളിൽനിന്ന്‌ നിങ്ങൾ ആണുങ്ങളെ​യും പെണ്ണു​ങ്ങളെ​യും അടിമ​ക​ളാ​യി സ്വന്തമാ​ക്കിക്കൊ​ള്ളൂ. അവരുടെ ഇടയിൽനി​ന്ന്‌ അടിമ​കളെ നിങ്ങൾക്കു വിലയ്‌ക്കു വാങ്ങാം. 45 കൂടാതെ നിങ്ങ​ളോടൊ​പ്പം വന്നുതാ​മ​സി​ക്കുന്ന വിദേശികളായ+ കുടിയേ​റ്റ​ക്കാ​രിൽനി​ന്നും നിങ്ങളു​ടെ ദേശത്തു​വെച്ച്‌ അവർക്കു ജനിച്ച മക്കളിൽനി​ന്നും അടിമ​കളെ നിങ്ങൾക്കു വാങ്ങാം. അവർ നിങ്ങളു​ടെ സ്വത്താ​കും. 46 ഒരു പൈതൃ​ക​സ്വ​ത്താ​യി നിങ്ങൾക്ക്‌ അവരെ നിങ്ങളു​ടെ മക്കൾക്കു കൈമാ​റാം. അങ്ങനെ നിങ്ങളു​ടെ മക്കൾക്ക്‌ അവരെ സ്ഥിരമായ ഒരു അവകാ​ശ​മാ​യി സ്വന്തമാ​ക്കാം. നിങ്ങൾക്ക്‌ അവരെ ജോലി​ക്കാ​രാ​യി ഉപയോ​ഗി​ക്കാം. എന്നാൽ നീ നിന്റെ ഇസ്രായേ​ല്യ​സഹോ​ദ​ര​ന്മാരോ​ടു ക്രൂര​മാ​യി പെരു​മാ​റ​രുത്‌.+

47 “‘എന്നാൽ നിന്റെ ഇടയിൽ വന്നുതാ​മ​സി​ക്കുന്ന ഒരു വിദേ​ശി​യോ കുടിയേ​റ്റ​ക്കാ​ര​നോ സമ്പന്നനാ​കു​ക​യും അതേസ​മയം അവന്റെ അടുത്ത്‌ താമസി​ക്കുന്ന നിന്റെ ഒരു സഹോ​ദരൻ ദരി​ദ്ര​നാ​യിട്ട്‌ തന്നെത്തന്നെ ആ വിദേ​ശി​ക്കോ കുടിയേ​റ്റ​ക്കാ​ര​നോ വിദേ​ശി​യു​ടെ ഒരു കുടും​ബാം​ഗ​ത്തി​നോ വിൽക്കേ​ണ്ടി​വ​രു​ക​യും ചെയ്യുന്നെ​ങ്കിൽ 48 അവൻ തന്നെത്തന്നെ വിറ്റ​ശേ​ഷ​വും അവന്റെ കാര്യ​ത്തിൽ വീണ്ടെ​ടു​പ്പ​വ​കാ​ശം പ്രാബ​ല്യ​ത്തി​ലു​ണ്ടാ​യി​രി​ക്കും. അവന്റെ സഹോ​ദ​ര​ന്മാ​രിൽ ഒരാൾക്ക്‌ അവനെ തിരികെ വാങ്ങാം.+ 49 അല്ലെങ്കിൽ അവന്റെ പിതൃ​സഹോ​ദ​ര​നോ പിതൃ​സഹോ​ദ​ര​പുത്ര​നോ അവന്റെ കുടും​ബ​ത്തിൽപ്പെട്ട ഏതെങ്കി​ലും അടുത്ത ബന്ധുവിനോ* അവനെ തിരികെ വാങ്ങാം.

“‘ഇനി, അവൻ സമ്പന്നനാ​കുന്നെ​ങ്കിൽ അവനു സ്വയമാ​യും തന്നെ തിരികെ വാങ്ങാ​വു​ന്ന​താണ്‌.+ 50 തന്നെ വിറ്റ വർഷം​മു​തൽ ജൂബിലിവർഷംവരെയുള്ള+ കാലയ​ളവ്‌ അവനും അവനെ വാങ്ങു​ന്ന​യാ​ളും ചേർന്ന്‌ കണക്കു​കൂ​ട്ടി നോക്കണം. അവന്റെ വിൽപ്പ​ന​വില ആ വർഷങ്ങ​ളു​ടെ എണ്ണത്തിന്‌ ആനുപാ​തി​ക​മാ​യി​രി​ക്കണം.+ ഒരു കൂലി​ക്കാ​രന്റെ വേതന​നി​ര​ക്കിന്‌ അനുസൃ​ത​മാ​യി​ട്ടാ​യി​രി​ക്കും ആ കാലയ​ള​വി​ലെ അവന്റെ പ്രവൃ​ത്തി​ദി​ന​ങ്ങ​ളു​ടെ മൂല്യം നിർണ​യി​ക്കു​ന്നത്‌.+ 51 ധാരാളം വർഷങ്ങൾ ബാക്കി​യുണ്ടെ​ങ്കിൽ ബാക്കി​യുള്ള വർഷങ്ങൾക്ക്‌ ആനുപാ​തി​ക​മാ​യി അവൻ അവന്റെ വീണ്ടെ​ടു​പ്പു​വില കൊടു​ക്കണം. 52 പക്ഷേ ജൂബി​ലി​വർഷ​മാ​കാൻ കുറച്ച്‌ വർഷങ്ങളേ ബാക്കി​യു​ള്ളൂ എങ്കിൽ അവശേ​ഷി​ക്കുന്ന വർഷങ്ങൾക്ക്‌ ആനുപാ​തി​ക​മാ​യി അവന്റെ വീണ്ടെ​ടു​പ്പു​വില കണക്കു​കൂ​ട്ടി ആ തുക കൊടു​ക്കണം. 53 അവൻ എല്ലാ വർഷവും ഒരു കൂലി​ക്കാ​ര​നാ​യി അവനെ സേവി​ക്കണം. വാങ്ങി​യ​യാൾ അവനോ​ടു ക്രൂര​മാ​യി പെരു​മാ​റു​ന്നില്ലെന്ന്‌ ഉറപ്പാ​ക്കണം.+ 54 എന്നാൽ ഈ വ്യവസ്ഥ​ക​ളു​ടെ അടിസ്ഥാ​ന​ത്തിൽ അവനു തന്നെത്തന്നെ തിരികെ വാങ്ങാൻ സാധി​ക്കു​ന്നില്ലെ​ങ്കിൽ ജൂബി​ലി​വർഷം അവൻ സ്വത​ന്ത്ര​നാ​യി പോകും.+ അവനും അവനോടൊ​പ്പം മക്കളും പോകും.

55 “‘ഇസ്രായേ​ല്യർ എന്റെ സ്വന്തം അടിമ​ക​ളാ​ണ​ല്ലോ; ഈജി​പ്‌ത്‌ ദേശത്തു​നിന്ന്‌ ഞാൻ വിടു​വിച്ച്‌ കൊണ്ടു​വന്ന എന്റെ അടിമകൾ.+ ഞാൻ നിങ്ങളു​ടെ ദൈവ​മായ യഹോ​വ​യാണ്‌.

26 “‘നിങ്ങൾ ഒരു ഗുണവു​മി​ല്ലാത്ത ദൈവ​ങ്ങളെ ഉണ്ടാക്ക​രുത്‌.+ വിഗ്രഹമോ* പൂജാ​സ്‌തം​ഭ​മോ സ്ഥാപി​ക്ക​രുത്‌. നിങ്ങളു​ടെ ദേശത്ത്‌+ ഏതെങ്കി​ലും ശിലാരൂപം+ പ്രതി​ഷ്‌ഠിച്ച്‌ അതിന്റെ മുന്നിൽ കുമ്പി​ടു​ക​യു​മ​രുത്‌.+ കാരണം ഞാൻ നിങ്ങളു​ടെ ദൈവ​മായ യഹോ​വ​യാണ്‌. 2 നിങ്ങൾ എന്റെ ശബത്തുകൾ അനുഷ്‌ഠി​ക്കു​ക​യും എന്റെ വിശു​ദ്ധ​മ​ന്ദി​രത്തോ​ടു ഭയാദരവ്‌* കാണി​ക്കു​ക​യും വേണം. ഞാൻ യഹോ​വ​യാണ്‌.

3 “‘നിങ്ങൾ തുടർന്നും എന്റെ നിയമ​ങ്ങ​ള​നു​സ​രിച്ച്‌ നടക്കു​ക​യും എന്റെ കല്‌പ​നകൾ പാലി​ക്കു​ക​യും അവയ്‌ക്കു ചേർച്ച​യിൽ ജീവി​ക്കു​ക​യും ചെയ്‌താൽ+ 4 തക്ക കാലത്ത്‌ ഞാൻ നിങ്ങൾക്കു മഴ തരും.+ ഭൂമി വിളവ്‌ തരുകയും+ വൃക്ഷങ്ങൾ ഫലം നൽകു​ക​യും ചെയ്യും. 5 നിങ്ങളുടെ മെതി​യു​ടെ കാലം മുന്തി​രി​യു​ടെ വിള​വെ​ടു​പ്പു​വരെ​യും, മുന്തി​രി​യു​ടെ വിള​വെ​ടു​പ്പു വിതയു​ടെ കാലം​വരെ​യും നീളും. നിങ്ങൾ തൃപ്‌തി​യാ​കു​ന്ന​തു​വരെ അപ്പം തിന്ന്‌ ദേശത്ത്‌ സുരക്ഷി​ത​രാ​യി താമസി​ക്കും.+ 6 ഞാൻ ദേശത്ത്‌ സമാധാ​നം തരും.+ ആരും നിങ്ങളെ ഭയപ്പെ​ടു​ത്താ​തെ നിങ്ങൾ സ്വസ്ഥമാ​യി കിടന്നു​റ​ങ്ങും.+ ഉപദ്ര​വ​കാ​രി​ക​ളായ വന്യമൃ​ഗ​ങ്ങളെ ഞാൻ ദേശത്തു​നിന്ന്‌ നീക്കി​ക്ക​ള​യും. യുദ്ധത്തി​ന്റെ വാൾ നിങ്ങളു​ടെ ദേശത്തു​കൂ​ടെ കടന്നുപോ​കു​ക​യു​മില്ല. 7 നിങ്ങൾ നിങ്ങളു​ടെ ശത്രു​ക്കളെ പിന്തു​ടർന്ന്‌ പിടി​ക്കും. അവർ നിങ്ങളു​ടെ മുന്നിൽ വാളാൽ വീഴും. 8 നിങ്ങളിൽ അഞ്ചു പേർ 100 പേരെ പിന്തു​ട​രും, നിങ്ങളിൽ 100 പേർ 10,000 പേരെ​യും. ശത്രുക്കൾ നിങ്ങളു​ടെ മുന്നിൽ വാളാൽ വീഴും.+

9 “‘ഞാൻ നിങ്ങളെ കടാക്ഷി​ച്ച്‌ നിങ്ങൾ സന്താന​സ​മൃ​ദ്ധി​യു​ള്ള​വ​രാ​യി വർധി​ച്ചുപെ​രു​കാൻ ഇടയാ​ക്കും.+ നിങ്ങ​ളോ​ടുള്ള എന്റെ ഉടമ്പടി ഞാൻ പാലി​ക്കും.+ 10 നിങ്ങൾക്കു കഴിക്കാൻ തലേവർഷത്തെ വിളവ്‌ ധാരാ​ള​മു​ണ്ടാ​യി​രി​ക്കും. ഒടുവിൽ പുതിയ വിളവ്‌ സംഭരി​ച്ചുവെ​ക്കാൻവേണ്ടി നിങ്ങൾക്കു പഴയതു നീക്കേ​ണ്ടി​വ​രും. 11 ഞാൻ എന്റെ വിശു​ദ്ധ​കൂ​ടാ​രം നിങ്ങളു​ടെ ഇടയിൽ സ്ഥാപി​ക്കും.+ ഞാൻ നിങ്ങളെ തള്ളിക്ക​ള​യു​ക​യു​മില്ല. 12 ഞാൻ നിങ്ങളു​ടെ ഇടയി​ലൂ​ടെ നടക്കും.+ ഞാൻ നിങ്ങളു​ടെ ദൈവ​മാ​യി​രി​ക്കും, നിങ്ങളോ എന്റെ ജനവും.+ 13 നിങ്ങൾ മേലാൽ ഈജി​പ്‌തു​കാ​രു​ടെ അടിമ​ക​ളാ​യി കഴിയാ​തി​രി​ക്കാൻവേണ്ടി ഈജി​പ്‌ത്‌ ദേശത്തു​നിന്ന്‌ നിങ്ങളെ വിടു​വിച്ച്‌ കൊണ്ടു​വന്ന നിങ്ങളു​ടെ ദൈവ​മായ യഹോ​വ​യാ​ണു ഞാൻ. ഞാൻ നിങ്ങളു​ടെ നുകം ഒടിച്ച്‌ നിങ്ങൾ തല ഉയർത്തി* നടക്കാൻ ഇടയാ​ക്കി​യി​രി​ക്കു​ന്നു.

14 “‘എന്നാൽ നിങ്ങൾ എന്നെ ശ്രദ്ധി​ക്കാ​തി​രി​ക്കു​ക​യും ഈ കല്‌പ​ന​കളെ​ല്ലാം പാലി​ക്കാ​തി​രി​ക്കു​ക​യും ചെയ്‌താൽ,+ 15 എന്റെ നിയമങ്ങൾ തള്ളിക്കളയുകയും+ എന്റെ ന്യായ​ത്തീർപ്പു​കൾ വെറുത്ത്‌ എന്റെ കല്‌പ​നകൾ പാലി​ക്കാ​തെ എന്റെ ഉടമ്പടി ലംഘി​ക്കു​ക​യും ചെയ്‌താൽ,+ 16 ഞാൻ നിങ്ങ​ളോ​ടു ചെയ്യു​ന്നത്‌ ഇതായി​രി​ക്കും: നിങ്ങളു​ടെ കാഴ്‌ച​ശക്തി നശിപ്പി​ക്കു​ക​യും ജീവൻ ക്ഷയിപ്പി​ക്കു​ക​യും ചെയ്യുന്ന ക്ഷയരോ​ഗ​വും കലശലായ പനിയും വരുത്തി ഞാൻ നിങ്ങളെ കഷ്ടപ്പെ​ടു​ത്തും. അങ്ങനെ നിങ്ങളെ ഞാൻ ശിക്ഷി​ക്കും. നിങ്ങൾ വിത്തു വിതയ്‌ക്കു​ന്നതു വെറുതേ​യാ​കും. കാരണം നിങ്ങളു​ടെ ശത്രു​ക്ക​ളാ​യി​രി​ക്കും അതു കഴിക്കു​ന്നത്‌.+ 17 നിങ്ങളിൽനിന്ന്‌ ഞാൻ എന്റെ മുഖം തിരി​ച്ചു​ക​ള​യും. ശത്രുക്കൾ നിങ്ങളെ തോൽപ്പി​ക്കും.+ നിങ്ങളെ വെറു​ക്കു​ന്നവർ നിങ്ങളെ ചവിട്ടിമെ​തി​ക്കും.+ ആരും പിന്തു​ട​രാ​ത്തപ്പോ​ഴും നിങ്ങൾ ഭയന്ന്‌ ഓടും.+

18 “‘ഇത്ര​യൊക്കെ​യാ​യി​ട്ടും നിങ്ങൾ എന്നെ ശ്രദ്ധി​ക്കു​ന്നില്ലെ​ങ്കിൽ നിങ്ങളു​ടെ പാപങ്ങൾ കാരണം എനിക്കു നിങ്ങളെ ഏഴു മടങ്ങു ശിക്ഷിക്കേ​ണ്ടി​വ​രും. 19 ഞാൻ നിങ്ങളു​ടെ കടുത്ത അഹങ്കാരം തകർത്ത്‌ നിങ്ങളു​ടെ ആകാശത്തെ ഇരുമ്പുപോലെയും+ നിങ്ങളു​ടെ ഭൂമിയെ ചെമ്പുപോലെ​യും ആക്കും. 20 നിങ്ങൾ നിങ്ങളു​ടെ മുഴുവൻ ഊർജ​വും വിനിയോ​ഗി​ച്ചാ​ലും ഒട്ടും പ്രയോ​ജ​ന​മു​ണ്ടാ​കില്ല. കാരണം നിങ്ങളു​ടെ ദേശം വിളവ്‌ തരുകയോ+ വൃക്ഷങ്ങൾ ഫലം നൽകു​ക​യോ ഇല്ല.

21 “‘നിങ്ങൾ തുടർന്നും എനിക്കു വിരോ​ധ​മാ​യി നടന്ന്‌ എന്നെ ശ്രദ്ധി​ക്കാൻ വിസമ്മ​തി​ച്ചാൽ നിങ്ങളു​ടെ പാപങ്ങൾക്ക​നു​സ​രിച്ച്‌ എനിക്കു നിങ്ങളെ ഏഴു മടങ്ങു പ്രഹരിക്കേ​ണ്ടി​വ​രും. 22 ഞാൻ വന്യമൃ​ഗ​ങ്ങളെ നിങ്ങളു​ടെ ഇടയി​ലേക്ക്‌ അയയ്‌ക്കും.+ അവ നിങ്ങളെ മക്കളില്ലാത്തവരാക്കുകയും+ നിങ്ങളു​ടെ വളർത്തു​മൃ​ഗ​ങ്ങളെ കൊ​ന്നൊ​ടു​ക്കു​ക​യും നിങ്ങളെ എണ്ണത്തിൽ കുറയ്‌ക്കു​ക​യും ചെയ്യും. നിങ്ങളു​ടെ വീഥികൾ വിജന​മാ​കും.+

23 “‘ഇങ്ങനെയൊ​ക്കെ സംഭവി​ച്ചി​ട്ടും നിങ്ങൾ എന്റെ തിരുത്തൽ സ്വീകരിക്കാതെ+ ശാഠ്യത്തോ​ടെ എനിക്കു വിരോ​ധ​മാ​യി​ത്തന്നെ നടന്നാൽ 24 ഞാനും നിങ്ങൾക്കു വിരോ​ധ​മാ​യി നടക്കും. നിങ്ങളു​ടെ പാപങ്ങൾ നിമിത്തം ഞാൻ, അതെ, ഞാൻ നിങ്ങളെ ഏഴു മടങ്ങു പ്രഹരി​ക്കും. 25 ഉടമ്പടി ലംഘിച്ചതിനു+ പ്രതി​കാ​ര​ത്തി​ന്റെ വാൾ ഞാൻ നിങ്ങളു​ടെ മേൽ വരുത്തും. നിങ്ങൾ നിങ്ങളു​ടെ നഗരങ്ങ​ളിൽ അഭയം പ്രാപി​ച്ചാ​ലും ഞാൻ നിങ്ങളു​ടെ ഇടയിൽ രോഗം അയയ്‌ക്കും.+ നിങ്ങളെ ശത്രു​വി​ന്റെ കൈയിൽ ഏൽപ്പി​ക്കു​ക​യും ചെയ്യും.+ 26 ഞാൻ നിങ്ങളു​ടെ അപ്പത്തിന്റെ ശേഖരം* നശിപ്പിക്കുമ്പോൾ+ നിങ്ങൾക്കു​വേണ്ടി അപ്പം ചുടാൻ പത്തു സ്‌ത്രീ​കൾക്കു വെറും ഒറ്റ അടുപ്പു മതി എന്ന സ്ഥിതി​യാ​കും.+ അവർ നിങ്ങൾക്ക്‌ അപ്പം അളന്നു​തൂ​ക്കി​യേ തരൂ. നിങ്ങൾ അതു തിന്നും. പക്ഷേ തൃപ്‌ത​രാ​കില്ല.+

27 “‘ഇത്ര​യൊക്കെ​യാ​യി​ട്ടും നിങ്ങൾ എന്നെ ശ്രദ്ധി​ക്കാ​തെ ശാഠ്യത്തോ​ടെ എനിക്കു വിരോ​ധ​മാ​യി നടന്നാൽ 28 നിങ്ങളെ ഞാൻ കൂടുതൽ ശക്തമായി എതിർക്കും.+ നിങ്ങളു​ടെ പാപങ്ങൾ കാരണം എനിക്കു നിങ്ങളെ ഏഴു മടങ്ങു ശിക്ഷിക്കേ​ണ്ടി​വ​രും. 29 സ്വന്തം മകന്റെ​യും മകളുടെ​യും മാംസം നിങ്ങൾക്കു തിന്നേ​ണ്ടി​വ​രും.+ 30 നിങ്ങളുടെ ആരാധനാസ്ഥലങ്ങൾ* ഞാൻ നിശ്ശേഷം തകർത്ത്‌+ നിങ്ങളു​ടെ സുഗന്ധ​ക്കൂട്ട്‌ അർപ്പി​ക്കാ​നുള്ള പീഠങ്ങൾ വെട്ടി​വീ​ഴ്‌ത്തും. നിങ്ങളു​ടെ തകർന്നു​കി​ട​ക്കുന്ന മ്ലേച്ഛവിഗ്രഹങ്ങളുടെ* മേൽ നിങ്ങളു​ടെ ശവശരീ​രങ്ങൾ കൂമ്പാ​രം​കൂ​ട്ടും.+ അങ്ങേയറ്റം വെറുപ്പോ​ടെ ഞാൻ നിങ്ങളിൽനി​ന്ന്‌ മുഖം തിരി​ക്കും.+ 31 ഞാൻ നിങ്ങളു​ടെ നഗരങ്ങളെ വാളിന്‌ ഏൽപ്പിച്ച്‌+ നിങ്ങളു​ടെ വിശു​ദ്ധ​മ​ന്ദി​രങ്ങൾ വിജന​മാ​ക്കും. നിങ്ങളു​ടെ ബലിക​ളിൽനിന്ന്‌ ഉയരുന്ന സുഗന്ധം ഞാൻ മണക്കു​ക​യു​മില്ല. 32 ഞാൻ, ഞാൻതന്നെ, നിങ്ങളു​ടെ ദേശം ആൾപ്പാർപ്പി​ല്ലാ​ത്ത​താ​ക്കും.+ അവിടെ താമസ​മാ​ക്കുന്ന നിന്റെ ശത്രുക്കൾ ഇതു കണ്ട്‌ അതിശ​യിച്ച്‌ കണ്ണുമി​ഴി​ക്കും.+ 33 നിങ്ങളെയോ ഞാൻ ജനതക​ളു​ടെ ഇടയിൽ ചിതറി​ക്കും.+ ഞാൻ ഉറയിൽനി​ന്ന്‌ വാൾ ഊരി നിങ്ങളു​ടെ പുറകേ അയയ്‌ക്കും.+ നിങ്ങളു​ടെ ദേശം വിജന​മാ​കും.+ നിങ്ങളു​ടെ നഗരങ്ങൾ നാമാ​വശേ​ഷ​മാ​കും.

34 “‘നിങ്ങൾ ശത്രുദേ​ശ​ത്താ​യി​രി​ക്കുന്ന ആ കാലം മുഴുവൻ ദേശം വിജന​മാ​യി​ക്കി​ടന്ന്‌ ശബത്തു​ക​ളു​ടെ കടം വീട്ടും. ആ സമയത്ത്‌ ദേശം വിശ്ര​മി​ക്കും.* അതിനു ശബത്തു​ക​ളു​ടെ കടം വീട്ടേ​ണ്ട​തു​ണ്ട​ല്ലോ.+ 35 വിജനമായിക്കിടക്കുന്ന കാലമത്ര​യും അതു വിശ്ര​മി​ക്കും. കാരണം നിങ്ങൾ അവിടെ താമസി​ച്ചപ്പോൾ നിങ്ങളു​ടെ ശബത്തു​ക​ളിൽ അതു വിശ്ര​മി​ച്ചില്ല.

36 “‘ജീവ​നോ​ടെ ശേഷിക്കുന്നവരുടെ+ കാര്യ​ത്തി​ലോ, ശത്രുദേ​ശ​ങ്ങ​ളി​ലാ​യി​രി​ക്കുന്ന അവരുടെ ഹൃദയ​ങ്ങ​ളിൽ ഞാൻ നിരാശ നിറയ്‌ക്കും. കാറ്റത്ത്‌ പറക്കുന്ന ഇലയുടെ ശബ്ദം കേട്ട്‌ അവർ ഭയന്നോ​ടും! വാളിനെ പേടിച്ച്‌ ഓടു​ന്ന​വനെപ്പോ​ലെ അവർ ഓടും. ആരും പിന്തു​ട​രു​ന്നില്ലെ​ങ്കി​ലും അവർ ഓടി വീഴും.+ 37 ആരും പിന്തു​ട​രാ​ത്തപ്പോ​ഴും അവർ വാളിനെ പേടിച്ച്‌ ഓടു​ന്ന​വരെപ്പോ​ലെ ഓടി പരസ്‌പരം തട്ടി വീഴും. ശത്രു​ക്കളോ​ടു ചെറു​ത്തു​നിൽക്കാൻ നിങ്ങൾക്കാ​കില്ല.+ 38 ജനതകളുടെ ഇടയിൽക്കി​ടന്ന്‌ നിങ്ങൾ നശിച്ചുപോ​കും.+ ശത്രു​ക്ക​ളു​ടെ ദേശം നിങ്ങളെ വിഴു​ങ്ങി​ക്ക​ള​യും. 39 നിങ്ങളിൽ ബാക്കി​യു​ള്ളവർ തങ്ങളുടെ തെറ്റു കാരണം ശത്രുദേ​ശ​ങ്ങ​ളിൽവെച്ച്‌ ക്ഷയിച്ചുപോ​കും.+ അതെ, അവരുടെ പിതാ​ക്ക​ന്മാ​രു​ടെ തെറ്റു നിമിത്തം അവർ ക്ഷയിച്ചുപോ​കും.+ 40 അപ്പോൾ അവർ അവരുടെ സ്വന്തം തെറ്റും അവരുടെ പിതാ​ക്ക​ന്മാ​രു​ടെ തെറ്റും അവിശ്വ​സ്‌ത​ത​യും ഏറ്റുപ​റ​യും.+ എനിക്കു വിരോ​ധ​മാ​യി നടന്ന്‌ എന്നോട്‌ അവിശ്വ​സ്‌ത​തയോ​ടെ പെരു​മാ​റി എന്ന്‌ അവർ സമ്മതി​ക്കു​ക​യും ചെയ്യും.+ 41 അവരെ ശത്രുദേ​ശത്ത്‌ അയച്ചുകൊണ്ട്‌+ ഞാനും അവർക്കു വിരോ​ധ​മാ​യി നടന്നി​രു​ന്ന​ല്ലോ.+

“‘അങ്ങനെ ചെയ്‌തത്‌, അവർ തങ്ങളുടെ പരിച്ഛേദന* ചെയ്യാത്ത* ഹൃദയം താഴ്‌മയുള്ളതാക്കുകയും+ തങ്ങളുടെ തെറ്റിനു വില​യൊ​ടു​ക്കു​ക​യും ചെയ്യും എന്നു കരുതി​യാണ്‌. 42 അവർ അങ്ങനെ ചെയ്യു​ന്ന​പക്ഷം, ഞാൻ യാക്കോ​ബു​മാ​യുള്ള എന്റെ ഉടമ്പടിയും+ യിസ്‌ഹാ​ക്കു​മാ​യുള്ള എന്റെ ഉടമ്പടിയും+ അബ്രാ​ഹാ​മു​മാ​യുള്ള എന്റെ ഉടമ്പടിയും+ ഓർക്കും. ദേശ​ത്തെ​യും ഞാൻ ഓർക്കും. 43 അവർ ദേശം വിട്ട്‌ പോയ​തുകൊണ്ട്‌ അതു വിജന​മാ​യി​ക്കി​ടന്നു. അങ്ങനെ ആ കാലം മുഴുവൻ ദേശം അതിന്റെ ശബത്തു​ക​ളു​ടെ കടം വീട്ടി.+ അവരാ​കട്ടെ എന്റെ ന്യായ​ത്തീർപ്പു​കൾ തള്ളിക്ക​ള​യു​ക​യും എന്റെ നിയമങ്ങൾ വെറു​ക്കു​ക​യും ചെയ്‌ത​തുകൊണ്ട്‌ ആ കാലം മുഴുവൻ തങ്ങളുടെ തെറ്റിനു വില​യൊ​ടു​ക്കു​ക​യും ചെയ്‌തു.+ 44 എന്നാൽ ഇങ്ങനെയൊക്കെ​യാണെ​ങ്കി​ലും അവർ ശത്രു​ക്ക​ളു​ടെ ദേശത്താ​യി​രി​ക്കുമ്പോൾ ഞാൻ അവരെ പൂർണ​മാ​യും തള്ളിക്കളയുകയോ+ അവരെ നിശ്ശേഷം ഇല്ലാതാ​ക്കുന്ന അളവോ​ളം പരിത്യ​ജി​ക്കു​ക​യോ ഇല്ല. അങ്ങനെ ചെയ്‌താൽ അത്‌ അവരു​മാ​യുള്ള എന്റെ ഉടമ്പടി​യു​ടെ ലംഘന​മാ​യി​രി​ക്കു​മ​ല്ലോ.+ ഞാൻ അവരുടെ ദൈവ​മായ യഹോ​വ​യാണ്‌. 45 അവരെപ്രതി അവരുടെ പൂർവി​ക​രു​മാ​യുള്ള എന്റെ ഉടമ്പടി+ ഞാൻ ഓർക്കും. അവർക്കു ദൈവ​മാ​യി​രി​ക്കാൻ ജനതകൾ കാൺകെ ഈജി​പ്‌ത്‌ ദേശത്തു​നിന്ന്‌ ഞാൻ അവരെ വിടു​വിച്ച്‌ കൊണ്ടു​വ​ന്ന​താ​ണ​ല്ലോ.+ ഞാൻ യഹോ​വ​യാണ്‌.’”

46 യഹോവ സീനായ്‌ പർവത​ത്തിൽവെച്ച്‌ മോശ​യി​ലൂ​ടെ തനിക്കും ഇസ്രായേ​ല്യർക്കും ഇടയിൽ സ്ഥാപിച്ച ചട്ടങ്ങളും ന്യായ​ത്തീർപ്പു​ക​ളും നിയമ​ങ്ങ​ളും ഇവയാണ്‌.+

27 യഹോവ ഇങ്ങനെ​യും മോശയോ​ടു പറഞ്ഞു: 2 “ഇസ്രായേ​ല്യരോ​ടു പറയുക: ‘ഒരു വ്യക്തി​യു​ടെ മതിപ്പു​വില യഹോ​വ​യ്‌ക്കു നൽകാ​മെന്ന്‌ ഒരാൾ ഒരു സവി​ശേ​ഷനേർച്ച നേരുന്നെങ്കിൽ+ 3 20-നും 60-നും ഇടയ്‌ക്കു പ്രായ​മുള്ള പുരു​ഷന്റെ മതിപ്പു​വില വിശു​ദ്ധ​സ്ഥ​ലത്തെ ശേക്കെലിന്റെ* തൂക്ക​പ്ര​കാ​രം 50 ശേക്കെൽ വെള്ളി​യാ​യി​രി​ക്കും. 4 സ്‌ത്രീയുടേതോ 30 ശേക്കെ​ലും. 5 5-നും 20-നും ഇടയ്‌ക്കു പ്രായ​മുള്ള ആണിന്റെ മതിപ്പു​വില 20 ശേക്കെ​ലും പെണ്ണി​ന്റേത്‌ 10 ശേക്കെ​ലും ആയിരി​ക്കും. 6 ഒരു മാസത്തി​നും അഞ്ചു വയസ്സി​നും ഇടയ്‌ക്കു പ്രായ​മുള്ള ആണിന്റെ മതിപ്പു​വില അഞ്ചു ശേക്കെൽ വെള്ളി​യും പെണ്ണി​ന്റേതു മൂന്നു ശേക്കെൽ വെള്ളി​യും ആയിരി​ക്കും.

7 “60-ഓ അതിനു മുകളി​ലോ പ്രായ​മുള്ള പുരു​ഷന്റെ മതിപ്പു​വില 15 ശേക്കെ​ലും സ്‌ത്രീ​യുടേതു 10 ശേക്കെ​ലും ആയിരി​ക്കും. 8 എന്നാൽ അവൻ ആ വ്യക്തി​യു​ടെ മതിപ്പു​വില കൊടു​ക്കാൻ കഴിയാ​ത്തത്ര ദരിദ്രനാണെങ്കിൽ+ ആ വ്യക്തി പുരോ​ഹി​തന്റെ മുന്നിൽ നിൽക്കണം. പുരോ​ഹി​തൻ അവന്‌ ഒരു വില നിശ്ചയി​ക്കും. നേർച്ച നേരു​ന്ന​വന്റെ പ്രാപ്‌തി​യ​നു​സ​രി​ച്ചാ​യി​രി​ക്കും പുരോ​ഹി​തൻ വില നിശ്ചയി​ക്കു​ന്നത്‌.+

9 “‘യഹോ​വ​യ്‌ക്ക്‌ അർപ്പി​ക്കാൻ പറ്റിയ ഒരു മൃഗത്തെ ഒരാൾ നേരുന്നെ​ന്നി​രി​ക്കട്ടെ. ഇത്തരത്തിൽ യഹോ​വ​യ്‌ക്കു കൊടു​ക്കുന്ന ഏതൊരു മൃഗവും വിശു​ദ്ധ​മാണ്‌. 10 അവൻ അതിനു പകരം മറ്റൊ​ന്നി​നെ കൊടു​ക്ക​രുത്‌. നല്ലതിനു പകരം ചീത്തയോ ചീത്തയ്‌ക്കു പകരം നല്ലതോ വെച്ചു​മാ​റു​ക​യും അരുത്‌. അഥവാ, വെച്ചു​മാ​റി​യാൽ അവ രണ്ടും വിശു​ദ്ധ​മാ​യി​ത്തീ​രും. 11 പക്ഷേ യഹോ​വ​യ്‌ക്ക്‌ അർപ്പി​ക്കാൻ പാടി​ല്ലാത്ത തരം ശുദ്ധി​യി​ല്ലാത്ത മൃഗമാണ്‌+ അതെങ്കിൽ അവൻ അതിനെ പുരോ​ഹി​തന്റെ മുന്നിൽ നിറു​ത്തും. 12 അതു നല്ലതോ ചീത്തയോ എന്നതി​ന​നു​സ​രിച്ച്‌ പുരോ​ഹി​തൻ അതിന്റെ വില നിശ്ചയി​ക്കും. പുരോ​ഹി​തൻ മതിക്കു​ന്ന​താ​യി​രി​ക്കും അതിന്റെ വില. 13 ഇനി, അഥവാ അവന്‌ അതിനെ തിരികെ വാങ്ങണമെ​ന്നുണ്ടെ​ങ്കിൽ ആ മതിപ്പു​വി​ലയോടൊ​പ്പം അതിന്റെ അഞ്ചി​ലൊ​ന്നു​കൂ​ടെ കൊടു​ക്കണം.+

14 “‘ഇനി, ഒരാൾ തന്റെ വീടു വിശു​ദ്ധ​മായ ഒന്നായി യഹോ​വ​യ്‌ക്കു കൊടു​ക്കുന്നെ​ങ്കിൽ അതു നല്ലതോ ചീത്തയോ എന്നതി​ന​നു​സ​രിച്ച്‌ പുരോ​ഹി​തൻ അതിന്റെ വില നിശ്ചയി​ക്കും. പുരോ​ഹി​തൻ നിശ്ചയി​ക്കു​ന്ന​താ​യി​രി​ക്കും അതിന്റെ വില.+ 15 എന്നാൽ വീടു വിശു​ദ്ധ​മായ ഒന്നായി നൽകുന്ന ഒരാൾക്ക്‌ അതു തിരികെ വാങ്ങണമെ​ന്നുണ്ടെ​ങ്കിൽ, മതിപ്പു​വി​ലയോടൊ​പ്പം അതിന്റെ അഞ്ചി​ലൊ​ന്നു​കൂ​ടെ കൊടു​ക്കണം. അപ്പോൾ അത്‌ അവന്റേ​താ​യി​ത്തീ​രും.

16 “‘ഒരു മനുഷ്യൻ കൈവ​ശ​മുള്ള നിലത്തിൽ കുറച്ച്‌ യഹോ​വ​യ്‌ക്കു നേർന്ന്‌ വിശു​ദ്ധീ​ക​രി​ക്കുന്നെ​ങ്കിൽ അവിടെ വിതയ്‌ക്കാൻ ആവശ്യ​മായ വിത്തിന്‌ ആനുപാ​തി​ക​മാ​യി​ട്ടാ​യി​രി​ക്കും അതിന്റെ വില മതിക്കു​ന്നത്‌: ഒരു ഹോമർ* ബാർളി വിത്തിന്‌ 50 ശേക്കെൽ വെള്ളി. 17 അവൻ തന്റെ നിലം വിശു​ദ്ധീ​ക​രി​ക്കു​ന്നതു ജൂബിലിവർഷംമുതലാണെങ്കിൽ+ മതിപ്പു​വി​ല​യാ​യി​രി​ക്കും അതിന്റെ വില. 18 എന്നാൽ അവൻ നിലം വിശു​ദ്ധീ​ക​രി​ക്കു​ന്നതു ജൂബി​ലി​ക്കു ശേഷമാണെ​ങ്കിൽ അടുത്ത ജൂബി​ലി​വരെ ബാക്കി​യുള്ള വർഷങ്ങൾക്ക്‌ ആനുപാ​തി​ക​മാ​യുള്ള വില പുരോ​ഹി​തൻ അവനു​വേണ്ടി കണക്കു​കൂ​ട്ടി അതനു​സ​രിച്ച്‌ മതിപ്പു​വി​ല​യിൽ ഇളവ്‌ വരുത്തണം.+ 19 ഇനി, അഥവാ നിലം വിശു​ദ്ധീ​ക​രി​ച്ച​വന്‌ അതു തിരികെ വാങ്ങണമെ​ന്നുണ്ടെ​ങ്കിൽ മതിപ്പു​വി​ലയോടൊ​പ്പം അതിന്റെ അഞ്ചി​ലൊ​ന്നു​കൂ​ടെ അവൻ കൊടു​ക്കണം. പിന്നെ അത്‌ അവന്റേ​താ​യി​രി​ക്കും. 20 എന്നാൽ അവൻ നിലം തിരികെ വാങ്ങാ​തി​രി​ക്കു​ക​യും അതു മറ്റൊരു വ്യക്തിക്കു വിറ്റുപോ​കു​ക​യും ചെയ്യുന്നെ​ങ്കിൽ പിന്നീട്‌ ഒരിക്ക​ലും അതു തിരികെ വാങ്ങാ​നാ​കില്ല. 21 ജൂബിലിയിൽ നിലം സ്വത​ന്ത്ര​മാ​കുമ്പോൾ യഹോ​വ​യ്‌ക്കു സമർപ്പിച്ച നില​മെ​ന്നപോ​ലെ അത്‌ അവനു വിശു​ദ്ധ​മായ ഒന്നായി​ത്തീ​രും. ആ വസ്‌തു പുരോ​ഹി​ത​ന്മാ​രുടേ​താ​കും.+

22 “‘താൻ വില കൊടു​ത്ത്‌ വാങ്ങിയ, തന്റെ പൈതൃ​കാ​വ​കാ​ശ​മ​ല്ലാത്ത,+ ഒരു നിലമാ​ണ്‌ ഒരാൾ യഹോ​വ​യ്‌ക്കു നേർന്ന്‌ വിശു​ദ്ധീ​ക​രി​ക്കു​ന്നതെ​ങ്കിൽ 23 ജൂബിലിവർഷംവരെയുള്ള അതിന്റെ മൂല്യം പുരോ​ഹി​തൻ അവനു​വേണ്ടി കണക്കു​കൂ​ട്ടും. അവൻ അന്നുതന്നെ ആ മതിപ്പു​വില കൊടു​ക്കു​ക​യും ചെയ്യും.+ അത്‌ യഹോ​വ​യ്‌ക്കു വിശു​ദ്ധ​മാണ്‌. 24 ജൂബിലിവർഷത്തിൽ ആ നിലം, അവൻ അത്‌ ആരിൽനി​ന്ന്‌ വാങ്ങി​യോ അവന്‌, അതായത്‌ അതിന്റെ ശരിക്കുള്ള അവകാ​ശിക്ക്‌, തിരികെ കിട്ടും.+

25 “‘എല്ലാ വിലയും കണക്കാ​ക്കു​ന്നതു വിശു​ദ്ധ​സ്ഥ​ലത്തെ ശേക്കെ​ലി​ന്റെ തൂക്കമ​നു​സ​രി​ച്ചാ​യി​രി​ക്കണം. 20 ഗേരയാണ്‌* ഒരു ശേക്കെൽ.

26 “‘പക്ഷേ മൃഗങ്ങ​ളി​ലെ കടിഞ്ഞൂ​ലി​നെ ആരും വിശു​ദ്ധീ​ക​രി​ക്ക​രുത്‌. കാരണം അതു പിറക്കു​ന്ന​തു​തന്നെ യഹോ​വ​യ്‌ക്കുള്ള കടിഞ്ഞൂ​ലാ​യി​ട്ടാണ്‌.+ കാളയാ​യാ​ലും ആടായാ​ലും അത്‌ യഹോ​വ​യുടേ​താണ്‌.+ 27 എന്നാൽ അതു ശുദ്ധിയില്ലാത്ത* മൃഗങ്ങ​ളിൽപ്പെ​ട്ട​താണെ​ങ്കിൽ മതിപ്പു​വില കൊടു​ത്ത്‌ അവന്‌ അതിനെ വീണ്ടെ​ടു​ക്കാം. പക്ഷേ അവൻ ആ തുക​യോടൊ​പ്പം അതിന്റെ അഞ്ചി​ലൊ​ന്നു​കൂ​ടെ കൊടു​ക്കണം.+ എന്നാൽ തിരികെ വാങ്ങു​ന്നില്ലെ​ങ്കിൽ മതിപ്പു​വി​ല​യ്‌ക്ക്‌ അതിനെ വിൽക്കും.

28 “‘എന്നാൽ ഒരാൾ തനിക്കു​ള്ള​തിൽനിന്ന്‌ യഹോ​വ​യ്‌ക്കു നിരു​പാ​ധി​കം സമർപ്പി​ക്കുന്ന യാതൊ​ന്നും, അതു മനുഷ്യ​നോ മൃഗമോ അവന്റെ കൈവ​ശ​മുള്ള നിലമോ ആകട്ടെ, വിൽക്കു​ക​യോ തിരികെ വാങ്ങു​ക​യോ അരുത്‌. സമർപ്പി​ത​മാ​യതെ​ല്ലാം യഹോ​വ​യ്‌ക്ക്‌ ഏറ്റവും വിശു​ദ്ധ​മാണ്‌.+ 29 കൂടാതെ, കുറ്റം വിധിച്ച്‌ നാശത്തി​നാ​യി വേർതി​രി​ച്ചി​രി​ക്കുന്ന ആരെയും വീണ്ടെ​ടു​ക്ക​രുത്‌.+ അവനെ കൊന്നു​ക​ള​യണം.+

30 “‘വയലിലെ വിളവ്‌, വൃക്ഷങ്ങ​ളു​ടെ ഫലം എന്നിങ്ങനെ നിലത്തി​ലെ എല്ലാത്തിന്റെ​യും പത്തിലൊന്ന്‌*+ യഹോ​വ​യ്‌ക്കു​ള്ള​താണ്‌. അത്‌ യഹോ​വ​യ്‌ക്കു വിശു​ദ്ധ​മാണ്‌. 31 ഇനി, അഥവാ ഒരാൾക്ക്‌ ആ പത്തി​ലൊ​ന്നു തിരികെ വാങ്ങണമെ​ന്നുണ്ടെ​ങ്കിൽ അവൻ അതിന്റെ വില​യോടൊ​പ്പം അഞ്ചി​ലൊ​ന്നു​കൂ​ടെ കൊടു​ക്കണം. 32 കന്നുകാലികളിലെയും ആട്ടിൻപ​റ്റ​ത്തിലെ​യും പത്തി​ലൊ​ന്നി​ന്റെ കാര്യ​ത്തിൽ, ഇടയന്റെ കോലി​നു കീഴി​ലൂ​ടെ കടന്നുപോ​കുന്ന ഓരോ പത്താമത്തെ മൃഗവും* യഹോ​വ​യ്‌ക്കു വിശു​ദ്ധ​മാ​യി​രി​ക്കും. 33 അതു നല്ലതോ ചീത്തയോ എന്ന്‌ അവൻ പരി​ശോ​ധി​ക്ക​രുത്‌. അതിനെ മറ്റൊ​ന്നു​മാ​യി വെച്ചു​മാ​റാ​നും പാടില്ല. ഇനി, അഥവാ അവൻ അതിനെ മറ്റൊ​ന്നു​മാ​യി വെച്ചു​മാ​റാൻ ശ്രമി​ച്ചാൽ അതും വെച്ചു​മാ​റി​യ​തും വിശു​ദ്ധ​മാ​കും.+ അതിനെ തിരികെ വാങ്ങി​ക്കൂ​ടാ.’”

34 ഇവയാണ്‌ ഇസ്രായേ​ല്യർക്കുവേണ്ടി സീനായ്‌ പർവതത്തിൽവെച്ച്‌+ യഹോവ മോശ​യ്‌ക്കു കൊടുത്ത കല്‌പ​നകൾ.