സംഖ്യ

1 ഈജി​പ്‌ത്‌ ദേശത്തു​നിന്ന്‌ പുറ​പ്പെ​ട്ടു​പോ​ന്ന​തി​ന്റെ രണ്ടാം വർഷം രണ്ടാം മാസം ഒന്നാം ദിവസം+ സീനായ്‌ വിജനഭൂമിയിൽവെച്ച്‌*+ സാന്നിധ്യകൂടാരത്തിൽനിന്ന്‌*+ യഹോവ മോശ​യോ​ടു സംസാ​രി​ച്ചു. ദൈവം പറഞ്ഞു: 2 “കുടും​ബ​മ​നു​സ​രി​ച്ചും പിതൃഭവനമനുസരിച്ചും* ഇസ്രാ​യേൽസ​മൂ​ഹ​ത്തി​ലുള്ള എല്ലാ പുരു​ഷ​ന്മാ​രു​ടെ​യും പേരുകൾ എണ്ണി* ഒരു കണക്കെ​ടു​പ്പു നടത്തണം.+ 3 ഇസ്രായേലിൽ സൈന്യ​ത്തിൽ സേവി​ക്കാൻ കഴിയുന്ന, 20 വയസ്സും അതിനു മേലോ​ട്ടും പ്രായമുള്ള+ എല്ലാവ​രു​ടെ​യും പേരുകൾ അവരുടെ ഗണമനുസരിച്ച്‌* നീയും അഹരോ​നും രേഖ​പ്പെ​ടു​ത്തണം.

4 “ഓരോ ഗോ​ത്ര​ത്തിൽനി​ന്നും ഒരു പുരു​ഷനെ വീതം തിര​ഞ്ഞെ​ടു​ക്കുക. അവർ ഓരോ​രു​ത്ത​രും അവരവ​രു​ടെ പിതൃ​ഭ​വ​ന​ത്തി​നു തലവന്മാ​രാ​യി​രി​ക്കണം.+ 5 നിങ്ങളെ സഹായി​ക്കേ​ണ്ട​വ​രു​ടെ പേരുകൾ ഇതാണ്‌: രൂബേ​നിൽനിന്ന്‌ ശെദേ​യൂ​രി​ന്റെ മകൻ എലീസൂർ,+ 6 ശിമെയോനിൽനിന്ന്‌ സൂരി​ശ​ദ്ദാ​യി​യു​ടെ മകൻ ശെലൂ​മി​യേൽ,+ 7 യഹൂദയിൽനിന്ന്‌ അമ്മീനാ​ദാ​ബി​ന്റെ മകൻ നഹശോൻ,+ 8 യിസ്സാഖാരിൽനിന്ന്‌ സൂവാ​രി​ന്റെ മകൻ നെഥന​യേൽ,+ 9 സെബുലൂനിൽനിന്ന്‌ ഹേലോ​ന്റെ മകൻ എലിയാ​ബ്‌,+ 10 യോസേഫിന്റെ ആൺമക്ക​ളിൽ എഫ്രയീമിൽനിന്ന്‌+ അമ്മീഹൂ​ദി​ന്റെ മകൻ എലീശാമ, മനശ്ശെ​യിൽനിന്ന്‌ പെദാ​സൂ​രി​ന്റെ മകൻ ഗമാലി​യേൽ, 11 ബന്യാമീനിൽനിന്ന്‌ ഗിദെ​യോ​നി​യു​ടെ മകൻ അബീദാൻ,+ 12 ദാനിൽനിന്ന്‌ അമ്മീശ​ദ്ദാ​യി​യു​ടെ മകൻ അഹി​യേ​സെർ,+ 13 ആശേരിൽനിന്ന്‌ ഒക്രാന്റെ മകൻ പഗീയേൽ,+ 14 ഗാദിൽനിന്ന്‌ ദയൂ​വേ​ലി​ന്റെ മകൻ എലിയാ​സാഫ്‌,+ 15 നഫ്‌താലിയിൽനിന്ന്‌ എനാന്റെ മകൻ അഹീര.+ 16 ഇസ്രായേൽസമൂഹത്തിൽനിന്ന്‌ തിര​ഞ്ഞെ​ടു​ത്തി​രി​ക്കുന്ന ഇവർ ഇവരുടെ പിതാ​ക്ക​ന്മാ​രു​ടെ ഗോ​ത്ര​ങ്ങൾക്കു തലവന്മാ​രാണ്‌.+ അതായത്‌ ഇസ്രാ​യേ​ലി​ലെ സഹസ്ര​ങ്ങൾക്ക്‌ അധിപ​ന്മാർ.”+

17 അങ്ങനെ, നാമനിർദേശം ചെയ്യപ്പെട്ട ഈ പുരു​ഷ​ന്മാ​രെ മോശ​യും അഹരോ​നും തിര​ഞ്ഞെ​ടു​ത്തു. 18 പേര്‌, കുടും​ബം, പിതൃ​ഭ​വനം എന്നിവ​യു​ടെ അടിസ്ഥാ​ന​ത്തിൽ 20 വയസ്സും അതിനു മേലോ​ട്ടും പ്രായമുള്ള+ എല്ലാവ​രു​ടെ​യും പേരുകൾ രേഖ​പ്പെ​ടു​ത്താ​നാ​യി രണ്ടാം മാസം ഒന്നാം ദിവസം അവർ ഇസ്രാ​യേൽസ​മൂ​ഹത്തെ മുഴുവൻ കൂട്ടി​വ​രു​ത്തി. 19 യഹോവ മോശ​യോ​ടു കല്‌പി​ച്ച​തു​പോ​ലെ​തന്നെ അവർ ചെയ്‌തു. അങ്ങനെ സീനായ്‌ വിജന​ഭൂ​മി​യിൽവെച്ച്‌ മോശ അവരു​ടെ​യെ​ല്ലാം പേരുകൾ രേഖ​പ്പെ​ടു​ത്തി.+

20 ഇസ്രായേലിന്റെ മൂത്ത മകനായ രൂബേന്റെ മക്കളെ, അതായത്‌ രൂബേന്റെ വംശജരെ,+ അവരുടെ പേര്‌, കുടും​ബം, പിതൃ​ഭ​വനം എന്നിവ​യ​നു​സ​രിച്ച്‌ പട്ടിക​പ്പെ​ടു​ത്തി. 20 വയസ്സും അതിനു മേലോ​ട്ടും പ്രായ​മുള്ള, സൈന്യ​ത്തിൽ സേവി​ക്കാൻ കഴിയുന്ന പുരു​ഷ​ന്മാ​രെ​യെ​ല്ലാം എണ്ണി. 21 രൂബേൻ ഗോ​ത്ര​ത്തിൽനിന്ന്‌ പേര്‌ ചേർത്തവർ 46,500.

22 ശിമെയോന്റെ വംശജരെ+ പേര്‌, കുടും​ബം, പിതൃ​ഭ​വനം എന്നിവ​യ​നു​സ​രിച്ച്‌ പട്ടിക​പ്പെ​ടു​ത്തി. 20 വയസ്സും അതിനു മേലോ​ട്ടും പ്രായ​മുള്ള, സൈന്യ​ത്തിൽ സേവി​ക്കാൻ കഴിയുന്ന പുരു​ഷ​ന്മാ​രെ​യെ​ല്ലാം എണ്ണി. 23 ശിമെയോൻ ഗോ​ത്ര​ത്തിൽനിന്ന്‌ പേര്‌ ചേർത്തവർ 59,300.

24 ഗാദിന്റെ വംശജരെ+ പേര്‌, കുടും​ബം, പിതൃ​ഭ​വനം എന്നിവ​യ​നു​സ​രിച്ച്‌ പട്ടിക​പ്പെ​ടു​ത്തി. 20 വയസ്സും അതിനു മേലോ​ട്ടും പ്രായ​മുള്ള, സൈന്യ​ത്തിൽ സേവി​ക്കാൻ കഴിയുന്ന പുരു​ഷ​ന്മാ​രെ​യെ​ല്ലാം എണ്ണി. 25 ഗാദ്‌ ഗോ​ത്ര​ത്തിൽനിന്ന്‌ പേര്‌ ചേർത്തവർ 45,650.

26 യഹൂദയുടെ വംശജരെ+ പേര്‌, കുടും​ബം, പിതൃ​ഭ​വനം എന്നിവ​യ​നു​സ​രിച്ച്‌ പട്ടിക​പ്പെ​ടു​ത്തി. 20 വയസ്സും അതിനു മേലോ​ട്ടും പ്രായ​മുള്ള, സൈന്യ​ത്തിൽ സേവി​ക്കാൻ കഴിയുന്ന പുരു​ഷ​ന്മാ​രെ​യെ​ല്ലാം എണ്ണി. 27 യഹൂദ ഗോ​ത്ര​ത്തിൽനിന്ന്‌ പേര്‌ ചേർത്തവർ 74,600.

28 യിസ്സാഖാരിന്റെ വംശജരെ+ പേര്‌, കുടും​ബം, പിതൃ​ഭ​വനം എന്നിവ​യ​നു​സ​രിച്ച്‌ പട്ടിക​പ്പെ​ടു​ത്തി. 20 വയസ്സും അതിനു മേലോ​ട്ടും പ്രായ​മുള്ള, സൈന്യ​ത്തിൽ സേവി​ക്കാൻ കഴിയുന്ന പുരു​ഷ​ന്മാ​രെ​യെ​ല്ലാം എണ്ണി. 29 യിസ്സാഖാർ ഗോ​ത്ര​ത്തിൽനിന്ന്‌ പേര്‌ ചേർത്തവർ 54,400.

30 സെബുലൂന്റെ വംശജരെ+ പേര്‌, കുടും​ബം, പിതൃ​ഭ​വനം എന്നിവ​യ​നു​സ​രിച്ച്‌ പട്ടിക​പ്പെ​ടു​ത്തി. 20 വയസ്സും അതിനു മേലോ​ട്ടും പ്രായ​മുള്ള, സൈന്യ​ത്തിൽ സേവി​ക്കാൻ കഴിയുന്ന പുരു​ഷ​ന്മാ​രെ​യെ​ല്ലാം എണ്ണി. 31 സെബുലൂൻ ഗോ​ത്ര​ത്തിൽനിന്ന്‌ പേര്‌ ചേർത്തവർ 57,400.

32 എഫ്രയീമിലൂടെയുള്ള യോ​സേ​ഫി​ന്റെ വംശജരെ+ പേര്‌, കുടും​ബം, പിതൃ​ഭ​വനം എന്നിവ​യ​നു​സ​രിച്ച്‌ പട്ടിക​പ്പെ​ടു​ത്തി. 20 വയസ്സും അതിനു മേലോ​ട്ടും പ്രായ​മുള്ള, സൈന്യ​ത്തിൽ സേവി​ക്കാൻ കഴിയുന്ന പുരു​ഷ​ന്മാ​രെ​യെ​ല്ലാം എണ്ണി. 33 എഫ്രയീം ഗോ​ത്ര​ത്തിൽനിന്ന്‌ പേര്‌ ചേർത്തവർ 40,500.

34 മനശ്ശെയുടെ വംശജരെ+ പേര്‌, കുടും​ബം, പിതൃ​ഭ​വനം എന്നിവ​യ​നു​സ​രിച്ച്‌ പട്ടിക​പ്പെ​ടു​ത്തി. 20 വയസ്സും അതിനു മേലോ​ട്ടും പ്രായ​മുള്ള, സൈന്യ​ത്തിൽ സേവി​ക്കാൻ കഴിയുന്ന പുരു​ഷ​ന്മാ​രെ​യെ​ല്ലാം എണ്ണി. 35 മനശ്ശെ ഗോ​ത്ര​ത്തിൽനിന്ന്‌ പേര്‌ ചേർത്തവർ 32,200.

36 ബന്യാമീന്റെ വംശജരെ+ പേര്‌, കുടും​ബം, പിതൃ​ഭ​വനം എന്നിവ​യ​നു​സ​രിച്ച്‌ പട്ടിക​പ്പെ​ടു​ത്തി. 20 വയസ്സും അതിനു മേലോ​ട്ടും പ്രായ​മുള്ള, സൈന്യ​ത്തിൽ സേവി​ക്കാൻ കഴിയുന്ന പുരു​ഷ​ന്മാ​രെ​യെ​ല്ലാം എണ്ണി. 37 ബന്യാമീൻ ഗോ​ത്ര​ത്തിൽനിന്ന്‌ പേര്‌ ചേർത്തവർ 35,400.

38 ദാന്റെ വംശജരെ+ പേര്‌, കുടും​ബം, പിതൃ​ഭ​വനം എന്നിവ​യ​നു​സ​രിച്ച്‌ പട്ടിക​പ്പെ​ടു​ത്തി. 20 വയസ്സും അതിനു മേലോ​ട്ടും പ്രായ​മുള്ള, സൈന്യ​ത്തിൽ സേവി​ക്കാൻ കഴിയുന്ന പുരു​ഷ​ന്മാ​രെ​യെ​ല്ലാം എണ്ണി. 39 ദാൻ ഗോ​ത്ര​ത്തിൽനിന്ന്‌ പേര്‌ ചേർത്തവർ 62,700.

40 ആശേരിന്റെ വംശജരെ+ പേര്‌, കുടും​ബം, പിതൃ​ഭ​വനം എന്നിവ​യ​നു​സ​രിച്ച്‌ പട്ടിക​പ്പെ​ടു​ത്തി. 20 വയസ്സും അതിനു മേലോ​ട്ടും പ്രായ​മുള്ള, സൈന്യ​ത്തിൽ സേവി​ക്കാൻ കഴിയുന്ന പുരു​ഷ​ന്മാ​രെ​യെ​ല്ലാം എണ്ണി. 41 ആശേർ ഗോ​ത്ര​ത്തിൽനിന്ന്‌ പേര്‌ ചേർത്തവർ 41,500.

42 നഫ്‌താലിയുടെ വംശജരെ+ പേര്‌, കുടും​ബം, പിതൃ​ഭ​വനം എന്നിവ​യ​നു​സ​രിച്ച്‌ പട്ടിക​പ്പെ​ടു​ത്തി. 20 വയസ്സും അതിനു മേലോ​ട്ടും പ്രായ​മുള്ള, സൈന്യ​ത്തിൽ സേവി​ക്കാൻ കഴിയുന്ന പുരു​ഷ​ന്മാ​രെ​യെ​ല്ലാം എണ്ണി. 43 നഫ്‌താലി ഗോ​ത്ര​ത്തിൽനിന്ന്‌ പേര്‌ ചേർത്തവർ 53,400.

44 ഇവരെയാണു മോശ അഹരോ​ന്റെ​യും അവരവ​രു​ടെ പിതൃ​ഭ​വ​നത്തെ പ്രതി​നി​ധീ​ക​രി​ക്കുന്ന ഇസ്രാ​യേ​ലി​ലെ 12 തലവന്മാ​രു​ടെ​യും സഹായ​ത്തോ​ടെ പേര്‌ ചേർത്തത്‌. 45 ഇസ്രായേലിലെ സൈന്യ​ത്തിൽ സേവി​ക്കാൻ കഴിയുന്ന, 20 വയസ്സും അതിനു മേലോ​ട്ടും പ്രായ​മുള്ള എല്ലാ ഇസ്രാ​യേ​ല്യ​രു​ടെ​യും പേര്‌ അവരുടെ പിതൃ​ഭ​വ​ന​മ​നു​സ​രിച്ച്‌ രേഖ​പ്പെ​ടു​ത്തി. 46 അങ്ങനെ പേര്‌ ചേർത്തവർ ആകെ 6,03,550.+

47 എന്നാൽ ലേവ്യരെ+ പിതാ​ക്ക​ന്മാ​രു​ടെ ഗോ​ത്ര​മ​നു​സ​രിച്ച്‌ ഇവരോ​ടൊ​പ്പം പട്ടിക​പ്പെ​ടു​ത്തി​യില്ല.+ 48 യഹോവ മോശ​യോ​ടു പറഞ്ഞു: 49 “ലേവി ഗോ​ത്രത്തെ മാത്രം നീ രേഖയിൽ ചേർക്ക​രുത്‌; മറ്റ്‌ ഇസ്രാ​യേ​ല്യ​രു​ടെ എണ്ണത്തിൽ ഇവരുടെ സംഖ്യ ഉൾപ്പെ​ടു​ത്തു​ക​യു​മ​രുത്‌.+ 50 ലേവ്യരെ നീ സാക്ഷ്യ​ത്തി​ന്റെ വിശുദ്ധകൂടാരത്തിനും+ അതിന്റെ എല്ലാ ഉപകര​ണ​ങ്ങൾക്കും അതി​നോ​ടു ബന്ധപ്പെട്ട എല്ലാത്തി​നും മേൽ നിയമി​ക്കണം.+ അവർ വിശു​ദ്ധ​കൂ​ടാ​ര​വും അതിന്റെ എല്ലാ ഉപകരണങ്ങളും+ ചുമക്കു​ക​യും അതിൽ ശുശ്രൂഷ+ ചെയ്യു​ക​യും വേണം. അവർ വിശു​ദ്ധ​കൂ​ടാ​ര​ത്തി​നു ചുറ്റും പാളയ​മ​ടി​ക്കണം.+ 51 വിശുദ്ധകൂടാരം നീക്കേ​ണ്ടി​വ​രു​മ്പോൾ ലേവ്യർ അത്‌ അഴി​ച്ചെ​ടു​ക്കണം.+ വിശു​ദ്ധ​കൂ​ടാ​രം വീണ്ടും സ്ഥാപി​ക്കേ​ണ്ടി​വ​രു​മ്പോൾ ലേവ്യർ അതു കൂട്ടി​യോ​ജി​പ്പി​ക്കണം. അധികാ​ര​പ്പെ​ടു​ത്താത്ത ആരെങ്കിലും* അതിന്‌ അടുത്ത്‌ വന്നാൽ അയാളെ കൊന്നു​ക​ള​യണം.+

52 “ഇസ്രാ​യേ​ല്യർ ഓരോ​രു​ത്ത​രും അവരവർക്കു നിയമി​ച്ചു​കി​ട്ടിയ പാളയ​ത്തിൽത്തന്നെ കൂടാരം അടിക്കണം. ഓരോ​രു​ത്ത​രും മൂന്നുഗോത്രവിഭാഗത്തിൽ*+ സ്വന്തം ഗണത്തിൽത്തന്നെ കൂടാരം അടിക്കണം. 53 ഇസ്രായേൽസമൂഹത്തിനു നേരെ ദൈവ​ക്രോ​ധം ജ്വലിക്കാതിരിക്കാൻ+ ലേവ്യർ സാക്ഷ്യ​ത്തി​ന്റെ വിശു​ദ്ധ​കൂ​ടാ​ര​ത്തി​നു ചുറ്റും പാളയ​മ​ടി​ക്കണം. ലേവ്യർക്കാ​യി​രി​ക്കും അതിന്റെ സംരക്ഷ​ണ​ച്ചു​മതല.”*+

54 യഹോവ മോശ​യോ​ടു കല്‌പി​ച്ച​തെ​ല്ലാം ഇസ്രാ​യേൽ ജനം അനുസ​രി​ച്ചു; അങ്ങനെ​തന്നെ അവർ ചെയ്‌തു.

2 പിന്നെ യഹോവ മോശ​യോ​ടും അഹരോ​നോ​ടും പറഞ്ഞു: 2 “ഇസ്രാ​യേ​ല്യർ തങ്ങളുടെ മൂന്നു​ഗോ​ത്ര​വി​ഭാ​ഗ​ത്തി​നു നിയമി​ച്ചു​കി​ട്ടിയ സ്ഥലത്ത്‌,+ അവനവന്റെ പിതൃ​ഭ​വ​ന​ത്തി​ന്റെ കൊടി​ക്ക​രി​കെ,* പാളയ​മ​ടി​ക്കണം. അവർ സാന്നി​ധ്യ​കൂ​ടാ​ര​ത്തിന്‌ അഭിമു​ഖ​മാ​യി അതിനു ചുറ്റും പാളയ​മ​ടി​ക്കണം.

3 “യഹൂദ നയിക്കുന്ന മൂന്നു​ഗോ​ത്ര​വി​ഭാ​ഗ​മാ​ണു ഗണംഗണമായി* കിഴക്കു​ഭാ​ഗത്ത്‌ സൂര്യോ​ദ​യ​ത്തി​നു നേരെ പാളയ​മ​ടി​ക്കേ​ണ്ടത്‌. അമ്മീനാ​ദാ​ബി​ന്റെ മകൻ നഹശോനാണ്‌+ യഹൂദ​യു​ടെ വംശജ​രു​ടെ തലവൻ. 4 നഹശോന്റെ സൈന്യ​ത്തിൽ പേര്‌ ചേർത്തവർ 74,600.+ 5 യിസ്സാഖാർ ഗോ​ത്ര​മാ​ണു നഹശോ​ന്റെ അരികിൽ പാളയ​മ​ടി​ക്കേ​ണ്ടത്‌. സൂവാ​രി​ന്റെ മകൻ നെഥനയേലാണു+ യിസ്സാ​ഖാ​രി​ന്റെ വംശജ​രു​ടെ തലവൻ. 6 നെഥനയേലിന്റെ സൈന്യ​ത്തിൽ പേര്‌ ചേർത്തവർ 54,400.+ 7 അടുത്തായി സെബു​ലൂൻ ഗോത്രം. ഹേലോ​ന്റെ മകൻ എലിയാബാണു+ സെബു​ലൂ​ന്റെ വംശജ​രു​ടെ തലവൻ. 8 എലിയാബിന്റെ സൈന്യ​ത്തിൽ പേര്‌ ചേർത്തവർ 57,400.+

9 “യഹൂദ നയിക്കുന്ന പാളയ​ത്തി​ലെ സൈന്യ​ങ്ങ​ളിൽ പേര്‌ ചേർത്തവർ ആകെ 1,86,400. അവരാണ്‌ ആദ്യം കൂടാരം അഴിച്ച്‌ പുറ​പ്പെ​ടേ​ണ്ടത്‌.+

10 “രൂബേൻ+ നയിക്കുന്ന മൂന്നു​ഗോ​ത്ര​വി​ഭാ​ഗ​മാ​ണു ഗണംഗ​ണ​മാ​യി തെക്കു​ഭാ​ഗത്ത്‌ പാളയ​മ​ടി​ക്കേ​ണ്ടത്‌. ശെദേ​യൂ​രി​ന്റെ മകൻ എലീസൂരാണു+ രൂബേന്റെ വംശജ​രു​ടെ തലവൻ. 11 എലീസൂരിന്റെ സൈന്യ​ത്തിൽ പേര്‌ ചേർത്തവർ 46,500.+ 12 ശിമെയോൻ ഗോ​ത്ര​മാണ്‌ എലീസൂ​രി​ന്റെ അരികിൽ പാളയ​മ​ടി​ക്കേ​ണ്ടത്‌. സൂരി​ശ​ദ്ദാ​യി​യു​ടെ മകൻ ശെലൂമിയേലാണു+ ശിമെ​യോ​ന്റെ വംശജ​രു​ടെ തലവൻ. 13 ശെലൂമിയേലിന്റെ സൈന്യ​ത്തിൽ പേര്‌ ചേർത്തവർ 59,300.+ 14 അടുത്തായി ഗാദ്‌ ഗോത്രം. രയൂ​വേ​ലി​ന്റെ മകൻ എലിയാസാഫാണു+ ഗാദിന്റെ വംശജ​രു​ടെ തലവൻ. 15 എലിയാസാഫിന്റെ സൈന്യ​ത്തിൽ പേര്‌ ചേർത്തവർ 45,650.+

16 “രൂബേൻ നയിക്കുന്ന പാളയ​ത്തി​ലെ സൈന്യ​ങ്ങ​ളിൽ പേര്‌ ചേർത്തവർ ആകെ 1,51,450. അവരാണു രണ്ടാമതു കൂടാരം അഴിച്ച്‌ പുറ​പ്പെ​ടേ​ണ്ടത്‌.+

17 “സാന്നി​ധ്യ​കൂ​ടാ​ര​വു​മാ​യി പുറപ്പെടുമ്പോൾ+ ലേവ്യ​രു​ടെ പാളയം മറ്റു പാളയ​ങ്ങ​ളു​ടെ നടുവി​ലാ​യി​രി​ക്കണം.

“പാളയ​മ​ടി​ക്കുന്ന അതേ ക്രമത്തിൽ,+ തങ്ങളുടെ മൂന്നു​ഗോ​ത്ര​വി​ഭാ​ഗ​മ​നു​സ​രിച്ച്‌ അതാതി​ന്റെ സ്ഥാനത്തു​തന്നെ, അവർ സഞ്ചരി​ക്കണം.

18 “ഗണംഗ​ണ​മാ​യി പടിഞ്ഞാ​റു​ഭാ​ഗത്ത്‌ പാളയ​മ​ടി​ക്കേ​ണ്ടത്‌ എഫ്രയീം നയിക്കുന്ന മൂന്നു​ഗോ​ത്ര​വി​ഭാ​ഗ​മാണ്‌. അമ്മീഹൂ​ദി​ന്റെ മകൻ എലീശാമയാണ്‌+ എഫ്രയീ​മി​ന്റെ വംശജ​രു​ടെ തലവൻ. 19 എലീശാമയുടെ സൈന്യ​ത്തിൽ പേര്‌ ചേർത്തവർ 40,500.+ 20 എലീശാമയുടെ അടുത്താ​യി മനശ്ശെ ഗോത്രം.+ പെദാ​സൂ​രി​ന്റെ മകൻ ഗമാലിയേലാണു+ മനശ്ശെ​യു​ടെ വംശജ​രു​ടെ തലവൻ. 21 ഗമാലിയേലിന്റെ സൈന്യ​ത്തിൽ പേര്‌ ചേർത്തവർ 32,200.+ 22 അടുത്തായി ബന്യാ​മീൻ ഗോത്രം. ഗിദെ​യോ​നി​യു​ടെ മകൻ അബീദാനാണു+ ബന്യാ​മീ​ന്റെ വംശജ​രു​ടെ തലവൻ. 23 അബീദാന്റെ സൈന്യ​ത്തിൽ പേര്‌ ചേർത്തവർ 35,400.+

24 “എഫ്രയീം നയിക്കുന്ന പാളയ​ത്തി​ലെ സൈന്യ​ങ്ങ​ളിൽ പേര്‌ ചേർത്തവർ ആകെ 1,08,100. അവരാണു മൂന്നാ​മതു കൂടാരം അഴിച്ച്‌ പുറ​പ്പെ​ടേ​ണ്ടത്‌.+

25 “ദാൻ നയിക്കുന്ന മൂന്നു​ഗോ​ത്ര​വി​ഭാ​ഗ​മാ​ണു ഗണംഗ​ണ​മാ​യി വടക്കു​ഭാ​ഗത്ത്‌ പാളയ​മ​ടി​ക്കേ​ണ്ടത്‌. അമ്മീശ​ദ്ദാ​യി​യു​ടെ മകൻ അഹി​യേ​സെ​രാ​ണു ദാന്റെ വംശജ​രു​ടെ തലവൻ.+ 26 അഹിയേസെരിന്റെ സൈന്യ​ത്തിൽ പേര്‌ ചേർത്തവർ 62,700.+ 27 ആശേർ ഗോ​ത്ര​മാണ്‌ അഹി​യേ​സെ​രി​ന്റെ അരികിൽ പാളയ​മ​ടി​ക്കേ​ണ്ടത്‌. ഒക്രാന്റെ മകൻ പഗീ​യേ​ലാണ്‌ ആശേരി​ന്റെ വംശജ​രു​ടെ തലവൻ.+ 28 പഗീയേലിന്റെ സൈന്യ​ത്തിൽ പേര്‌ ചേർത്തവർ 41,500.+ 29 അടുത്തായി നഫ്‌താ​ലി ഗോത്രം. എനാന്റെ മകൻ അഹീര​യാ​ണു നഫ്‌താ​ലി​യു​ടെ വംശജ​രു​ടെ തലവൻ.+ 30 അഹീരയുടെ സൈന്യ​ത്തിൽ പേര്‌ ചേർത്തവർ 53,400.+

31 “ദാൻ നയിക്കുന്ന പാളയ​ത്തിൽ പേര്‌ ചേർത്തവർ ആകെ 1,57,600. അവരാണു മൂന്നു​ഗോ​ത്ര​വി​ഭാ​ഗ​മ​നു​സ​രിച്ച്‌ അവസാനം കൂടാരം അഴിച്ച്‌ പുറ​പ്പെ​ടേ​ണ്ടത്‌.”+

32 പിതൃഭവനമനുസരിച്ച്‌ പാളയ​ങ്ങ​ളിൽനിന്ന്‌ സൈന്യ​ത്തിൽ പേര്‌ ചേർത്ത ഇസ്രാ​യേ​ല്യർ ഇവരാ​യി​രു​ന്നു; ആകെ 6,03,550 പേർ.+ 33 എന്നാൽ യഹോവ മോശ​യോ​ടു കല്‌പി​ച്ചി​രു​ന്ന​തു​പോ​ലെ, മറ്റ്‌ ഇസ്രാ​യേ​ല്യ​രോ​ടൊ​പ്പം മോശ ലേവ്യ​രു​ടെ പേര്‌ ചേർത്തില്ല.+ 34 യഹോവ മോശ​യോ​ടു കല്‌പി​ച്ച​തെ​ല്ലാം ഇസ്രാ​യേ​ല്യർ അനുസ​രി​ച്ചു. കുടും​ബം, പിതൃ​ഭ​വനം എന്നിവ​യു​ടെ അടിസ്ഥാ​ന​ത്തിൽ അവർ ഓരോ​രു​ത്ത​രും തങ്ങളുടെ മൂന്നുഗോത്രവിഭാഗത്തിൽ+ പാളയ​മ​ടി​ച്ച​തും കൂടാരം അഴിച്ച്‌ പുറപ്പെട്ടതും+ ഇങ്ങനെ​യാ​യി​രു​ന്നു.

3 യഹോവ സീനായ്‌ പർവതത്തിൽവെച്ച്‌+ മോശ​യോ​ടു സംസാ​രിച്ച കാലത്ത്‌ മോശ​യു​ടെ​യും അഹരോ​ന്റെ​യും വംശപരമ്പര* ഇതായി​രു​ന്നു. 2 അഹരോന്റെ ആൺമക്ക​ളു​ടെ പേരുകൾ: മൂത്ത മകൻ നാദാബ്‌. കൂടാതെ അബീഹു,+ എലെയാ​സർ,+ ഈഥാ​മാർ.+ 3 അഹരോന്റെ ആൺമക്ക​ളു​ടെ, അതായത്‌ പുരോ​ഹി​ത​ശു​ശ്രൂ​ഷ​യ്‌ക്കു നിയമി​ത​രായ അഭിഷി​ക്ത​പു​രോ​ഹി​ത​ന്മാ​രു​ടെ, പേരുകൾ ഇവയാണ്‌.+ 4 എന്നാൽ സീനായ്‌ വിജന​ഭൂ​മി​യിൽവെച്ച്‌ യഹോ​വ​യു​ടെ മുമ്പാകെ അയോ​ഗ്യ​മായ അഗ്നി അർപ്പി​ച്ച​പ്പോൾ നാദാ​ബും അബീഹു​വും യഹോ​വ​യു​ടെ സന്നിധി​യിൽവെച്ച്‌ മരിച്ചു​പോ​യി.+ അവർക്ക്‌ ആൺമക്ക​ളു​ണ്ടാ​യി​രു​ന്നില്ല. എന്നാൽ എലെയാസരും+ ഈഥാമാരും+ അപ്പനായ അഹരോ​നോ​ടൊ​പ്പം പുരോ​ഹി​ത​ശു​ശ്രൂ​ഷ​യിൽ തുടർന്നു.

5 പിന്നെ യഹോവ മോശ​യോ​ടു പറഞ്ഞു: 6 “ലേവി ഗോ​ത്രത്തെ കൊണ്ടുവന്ന്‌+ പുരോ​ഹി​ത​നായ അഹരോ​ന്റെ മുമ്പാകെ നിറു​ത്തുക. അവർ അഹരോ​നു ശുശ്രൂഷ ചെയ്യും.+ 7 വിശുദ്ധകൂടാരത്തോടു ബന്ധപ്പെട്ട തങ്ങളുടെ ശുശ്രൂഷ നിർവ​ഹി​ച്ചു​കൊണ്ട്‌ അവർ അഹരോ​നോ​ടും മുഴുവൻ സമൂഹ​ത്തോ​ടും ഉള്ള തങ്ങളുടെ ഉത്തരവാ​ദി​ത്വ​ങ്ങൾ സാന്നി​ധ്യ​കൂ​ടാ​ര​ത്തി​നു മുമ്പാകെ നിറ​വേ​റ്റണം. 8 അവർക്കായിരിക്കും സാന്നി​ധ്യ​കൂ​ടാ​ര​ത്തി​ലെ എല്ലാ ഉപകര​ണ​ങ്ങ​ളു​ടെ​യും സംരക്ഷ​ണ​ച്ചു​മതല.+ വിശു​ദ്ധ​കൂ​ടാ​ര​ത്തോ​ടു ബന്ധപ്പെട്ട സേവനങ്ങൾ നിർവ​ഹി​ച്ചു​കൊണ്ട്‌ ഇസ്രാ​യേ​ല്യ​രോ​ടുള്ള തങ്ങളുടെ ഉത്തരവാ​ദി​ത്വ​ങ്ങൾ അവർ നിറ​വേ​റ്റണം.+ 9 ലേവ്യരെ നീ അഹരോ​നും ആൺമക്കൾക്കും കൊടു​ക്കണം. അവരെ വേർതി​രി​ച്ചി​രി​ക്കു​ന്നു, ഇസ്രാ​യേ​ല്യ​രിൽനിന്ന്‌ അഹരോ​നു​വേണ്ടി വേർതി​രി​ച്ചി​രി​ക്കു​ന്നു.+ 10 നീ അഹരോ​നെ​യും ആൺമക്ക​ളെ​യും പുരോ​ഹി​ത​കർമങ്ങൾ നിർവ​ഹി​ക്കാൻ നിയമി​ക്കണം.+ അർഹത​യി​ല്ലാത്ത ആരെങ്കിലും* അടുത്ത്‌ വന്നാൽ അയാളെ കൊന്നു​ക​ള​യണം.”+

11 പിന്നെ യഹോവ മോശ​യോ​ടു പറഞ്ഞു: 12 “ഞാൻ ഇതാ, ഇസ്രാ​യേ​ലി​ലെ മൂത്ത ആൺമക്കൾക്കെ​ല്ലാം പകരമാ​യി ലേവ്യരെ ഇസ്രാ​യേ​ല്യ​രിൽനിന്ന്‌ എടുക്കു​ന്നു!+ ലേവ്യർ എന്റേതാ​യി​രി​ക്കും. 13 കാരണം മൂത്ത ആൺമക്ക​ളെ​ല്ലാം എന്റേതാ​ണ്‌.+ ഈജി​പ്‌ത്‌ ദേശത്തെ മൂത്ത ആൺമക്ക​ളെ​യെ​ല്ലാം സംഹരിച്ച ദിവസം+ ഞാൻ ഇസ്രാ​യേ​ലി​ലെ മൂത്ത ആൺമക്കളെ, മനുഷ്യ​ന്റെ​മു​തൽ മൃഗങ്ങ​ളു​ടെ​വരെ എല്ലാത്തി​ന്റെ​യും കടിഞ്ഞൂ​ലു​കളെ, എനിക്കു​വേണ്ടി വിശു​ദ്ധീ​ക​രി​ച്ചു.+ അവർ എന്റേതാ​കും. ഞാൻ യഹോ​വ​യാണ്‌.”

14 സീനായ്‌ വിജനഭൂമിയിൽവെച്ച്‌+ യഹോവ പിന്നെ​യും മോശ​യോ​ടു സംസാ​രി​ച്ചു. ദൈവം പറഞ്ഞു: 15 “ലേവി​യു​ടെ വംശജ​രു​ടെ പേരുകൾ അവരുടെ പിതൃ​ഭ​വ​ന​ങ്ങ​ളും കുടും​ബ​ങ്ങ​ളും അനുസ​രിച്ച്‌ രേഖയിൽ ചേർക്കുക. ഒരു മാസവും അതിനു മേലോ​ട്ടും പ്രായ​മുള്ള എല്ലാ ആണുങ്ങ​ളു​ടെ​യും പേര്‌ ചേർക്കണം.”+ 16 അങ്ങനെ യഹോ​വ​യു​ടെ ആജ്ഞയനു​സ​രിച്ച്‌, ദൈവം കല്‌പി​ച്ച​തു​പോ​ലെ​തന്നെ, മോശ അവരുടെ പേര്‌ രേഖ​പ്പെ​ടു​ത്തി. 17 ലേവിയുടെ ആൺമക്ക​ളു​ടെ പേരുകൾ ഇതാണ്‌: ഗർശോൻ, കൊഹാ​ത്ത്‌, മെരാരി.+

18 കുടുംബമനുസരിച്ച്‌ ഗർശോ​ന്റെ ആൺമക്ക​ളു​ടെ പേരുകൾ: ലിബ്‌നി, ശിമെയി.+

19 കുടുംബമനുസരിച്ച്‌ കൊഹാ​ത്തി​ന്റെ ആൺമക്കൾ: അമ്രാം, യിസ്‌ഹാർ, ഹെ​ബ്രോൻ, ഉസ്സീയേൽ.+

20 കുടുംബമനുസരിച്ച്‌ മെരാ​രി​യു​ടെ ആൺമക്കൾ: മഹ്ലി,+ മൂശി.+

ഇവയാ​യി​രു​ന്നു പിതൃ​ഭ​വ​ന​മ​നു​സ​രിച്ച്‌ ലേവ്യ​രു​ടെ കുടും​ബങ്ങൾ.

21 ഗർശോനിൽനിന്നാണു ലിബ്‌നിയരുടെ+ കുടും​ബ​വും ശിമെ​യി​യ​രു​ടെ കുടും​ബ​വും ഉത്ഭവി​ച്ചത്‌. ഇവയാണു ഗർശോ​ന്യ​രു​ടെ കുടും​ബങ്ങൾ. 22 അവരുടെ ഇടയിൽനി​ന്ന്‌ പേര്‌ ചേർത്ത, ഒരു മാസവും അതിനു മേലോ​ട്ടും പ്രായ​മുള്ള, ആണുങ്ങ​ളു​ടെ ആകെ എണ്ണം 7,500.+ 23 ഗർശോന്യരുടെ കുടും​ബങ്ങൾ വിശു​ദ്ധ​കൂ​ടാ​ര​ത്തി​നു പുറകിൽ പടിഞ്ഞാ​റാ​ണു പാളയ​മ​ടി​ച്ചി​രു​ന്നത്‌.+ 24 ഗർശോന്യരുടെ പിതൃ​ഭ​വ​ന​ത്തി​ന്റെ തലവൻ ലായേ​ലി​ന്റെ മകൻ എലിയാ​സാ​ഫാ​യി​രു​ന്നു. 25 പിൻവരുന്നവയുടെ പരിര​ക്ഷ​യും അവയോ​ടു ബന്ധപ്പെട്ട സേവന​ങ്ങ​ളും ആയിരു​ന്നു വിശു​ദ്ധ​കൂ​ടാ​ര​ത്തിൽ ഗർശോ​ന്റെ വംശജ​രു​ടെ ഉത്തരവാ​ദി​ത്വം:+ വിശു​ദ്ധ​കൂ​ടാ​രം,+ അതിന്റെ ആവരണങ്ങൾ,+ സാന്നി​ധ്യ​കൂ​ടാ​ര​ത്തി​ന്റെ പ്രവേ​ശ​ന​ക​വാ​ട​ത്തി​ലുള്ള യവനിക,*+ 26 മുറ്റത്തിന്റെ മറശ്ശീ​ലകൾ,+ വിശു​ദ്ധ​കൂ​ടാ​ര​ത്തി​ന്റെ​യും യാഗപീ​ഠ​ത്തി​ന്റെ​യും ചുറ്റു​മുള്ള മുറ്റത്തെ പ്രവേ​ശ​ന​ക​വാ​ട​ത്തി​ലെ യവനിക,*+ അതിന്റെ കൂടാ​ര​ക്ക​യ​റു​കൾ.

27 കൊഹാത്തിൽനിന്നാണ്‌ അമ്രാ​മ്യ​രു​ടെ കുടും​ബ​വും യിസ്‌ഹാ​ര്യ​രു​ടെ കുടും​ബ​വും ഹെ​ബ്രോ​ന്യ​രു​ടെ കുടും​ബ​വും ഉസ്സീ​യേ​ല്യ​രു​ടെ കുടും​ബ​വും ഉത്ഭവി​ച്ചത്‌. ഇവയാണു കൊഹാ​ത്യ​രു​ടെ കുടും​ബങ്ങൾ.+ 28 അവരിൽ ഒരു മാസവും അതിനു മേലോ​ട്ടും പ്രായ​മുള്ള ആണുങ്ങ​ളു​ടെ ആകെ എണ്ണം 8,600. അവർക്കാ​യി​രു​ന്നു വിശു​ദ്ധ​സ്ഥലം പരിപാ​ലി​ക്കാ​നുള്ള ഉത്തരവാ​ദി​ത്വം.+ 29 കൊഹാത്തിന്റെ വംശജ​രു​ടെ കുടും​ബങ്ങൾ വിശു​ദ്ധ​കൂ​ടാ​ര​ത്തി​ന്റെ തെക്കു​ഭാ​ഗ​ത്താ​ണു പാളയ​മ​ടി​ച്ചി​രു​ന്നത്‌.+ 30 ഉസ്സീയേലിന്റെ മകനായ എലീസാ​ഫാ​നാ​യി​രു​ന്നു കൊഹാ​ത്യ​കു​ടും​ബ​ങ്ങ​ളു​ടെ പിതൃ​ഭ​വ​ന​ത്തി​ന്റെ തലവൻ.+ 31 പെട്ടകം,+ മേശ,+ തണ്ടുവി​ളക്ക്‌,+ യാഗപീ​ഠങ്ങൾ,+ വിശു​ദ്ധ​സ്ഥ​ലത്തെ ശുശ്രൂ​ഷ​യ്‌ക്ക്‌ ഉപയോ​ഗി​ച്ചി​രുന്ന ഉപകര​ണങ്ങൾ,+ യവനിക*+ എന്നിവ​യു​ടെ പരിര​ക്ഷ​യും ഇവയോ​ടു ബന്ധപ്പെട്ട സേവന​ങ്ങ​ളും ആയിരു​ന്നു അവരുടെ ഉത്തരവാ​ദി​ത്വം.+

32 ലേവ്യരുടെ മുഖ്യ​ത​ലവൻ പുരോ​ഹി​ത​നായ അഹരോ​ന്റെ മകൻ എലെയാ​സ​രാ​യി​രു​ന്നു.+ എലെയാ​സ​രാ​ണു വിശു​ദ്ധ​സ്ഥ​ലത്തെ ഉത്തരവാ​ദി​ത്വ​ങ്ങൾ നിറ​വേ​റ്റി​യി​രു​ന്ന​വർക്കു മേൽനോ​ട്ടം വഹിച്ചി​രു​ന്നത്‌.

33 മെരാരിയിൽനിന്നാണു മഹ്ലിയ​രു​ടെ കുടും​ബ​വും മൂശി​യ​രു​ടെ കുടും​ബ​വും ഉത്ഭവി​ച്ചത്‌. ഇവയാണു മെരാ​രി​യു​ടെ കുടും​ബങ്ങൾ.+ 34 അവരുടെ ഇടയിൽനി​ന്ന്‌ പേര്‌ ചേർത്ത, ഒരു മാസവും അതിനു മേലോ​ട്ടും പ്രായ​മുള്ള, ആണുങ്ങ​ളു​ടെ ആകെ എണ്ണം 6,200.+ 35 മെരാരിയുടെ കുടും​ബ​ങ്ങ​ളു​ടെ പിതൃ​ഭ​വ​ന​ത്തി​ന്റെ തലവൻ അബീഹ​യി​ലി​ന്റെ മകനായ സൂരി​യെ​ലാ​യി​രു​ന്നു. വിശു​ദ്ധ​കൂ​ടാ​ര​ത്തി​ന്റെ വടക്കു​ഭാ​ഗ​ത്താണ്‌ അവർ പാളയ​മ​ടി​ച്ചി​രു​ന്നത്‌.+ 36 വിശുദ്ധകൂടാരത്തിന്റെ ചട്ടങ്ങൾ,+ അതിന്റെ ഓടാ​മ്പ​ലു​കൾ,+ അതിന്റെ തൂണുകൾ,+ അതിന്റെ ചുവടു​കൾ, അതിന്റെ ഉപകരണങ്ങൾ+ എന്നിവ​യു​ടെ​യും അവയോ​ടു ബന്ധപ്പെട്ട സേവന​ങ്ങ​ളു​ടെ​യും മേൽനോ​ട്ടം മെരാ​രി​യു​ടെ വംശജർക്കാ​യി​രു​ന്നു.+ 37 മുറ്റത്തിനു ചുറ്റു​മു​ണ്ടാ​യി​രുന്ന തൂണുകൾ, അവയുടെ ചുവടു​കൾ,+ അവയുടെ കൂടാ​ര​ക്കു​റ്റി​കൾ, അവയുടെ കൂടാ​ര​ക്ക​യ​റു​കൾ എന്നിവ​യു​ടെ മേൽനോ​ട്ട​വും അവർക്കാ​യി​രു​ന്നു.

38 മോശയും അഹരോ​നും അഹരോ​ന്റെ ആൺമക്ക​ളും ആണ്‌ വിശു​ദ്ധ​കൂ​ടാ​ര​ത്തി​നു മുന്നിൽ കിഴക്കു​ഭാ​ഗത്ത്‌, സാന്നി​ധ്യ​കൂ​ടാ​ര​ത്തി​നു മുന്നിൽ സൂര്യോ​ദ​യ​ത്തി​നു നേരെ, പാളയ​മ​ടി​ച്ചി​രു​ന്നത്‌. ഇസ്രാ​യേ​ല്യ​രെ പ്രതി​നി​ധീ​ക​രിച്ച്‌ വിശു​ദ്ധ​മ​ന്ദി​രം പരിര​ക്ഷി​ക്കാ​നുള്ള ഉത്തരവാ​ദി​ത്വം അവർക്കാ​യി​രു​ന്നു. അർഹത​യി​ല്ലാത്ത ആരെങ്കിലും* അടു​ത്തേക്കു വന്നാൽ അയാളെ കൊന്നു​ക​ള​യ​ണ​മാ​യി​രു​ന്നു.+

39 യഹോവ കല്‌പി​ച്ച​തു​പോ​ലെ, മോശ​യും അഹരോ​നും ലേവ്യ​പു​രു​ഷ​ന്മാ​രു​ടെ​യെ​ല്ലാം പേരുകൾ അവരുടെ കുടും​ബ​മ​നു​സ​രിച്ച്‌ രേഖയിൽ ചേർത്തു. ഒരു മാസവും അതിനു മേലോ​ട്ടും പ്രായ​മുള്ള ആണുങ്ങൾ ആകെ 22,000 ആയിരു​ന്നു.

40 പിന്നെ യഹോവ മോശ​യോ​ടു പറഞ്ഞു: “ഇസ്രാ​യേ​ല്യ​രിൽ ഒരു മാസവും അതിനു മേലോ​ട്ടും പ്രായ​മുള്ള മൂത്ത ആൺമക്ക​ളു​ടെ​യെ​ല്ലാം പേര്‌ ചേർക്കുക.+ അവരെ എണ്ണി അവരുടെ പേരിന്റെ ഒരു പട്ടിക ഉണ്ടാക്കണം. 41 ഇസ്രായേല്യരിലെ മൂത്ത ആൺമക്കൾക്കെ​ല്ലാം പകരം ലേവ്യരെ നീ എനിക്കാ​യി എടുക്കണം.+ ഇസ്രാ​യേ​ല്യ​രു​ടെ വളർത്തു​മൃ​ഗ​ങ്ങ​ളു​ടെ കടിഞ്ഞൂ​ലു​കൾക്കു പകരം ലേവ്യ​രു​ടെ വളർത്തു​മൃ​ഗ​ങ്ങ​ളെ​യും നീ എടുക്കണം.+ ഞാൻ യഹോ​വ​യാണ്‌.” 42 അങ്ങനെ യഹോവ കല്‌പി​ച്ച​തു​പോ​ലെ​തന്നെ മോശ ഇസ്രാ​യേ​ലി​ലെ മൂത്ത ആൺമക്ക​ളു​ടെ​യെ​ല്ലാം പേര്‌ ചേർത്തു. 43 ഒരു മാസവും അതിനു മേലോ​ട്ടും പ്രായ​മുള്ള മൂത്ത ആൺമക്ക​ളു​ടെ​യെ​ല്ലാം പേര്‌ ചേർത്തു. അവരുടെ എണ്ണം ആകെ 22,273.

44 യഹോവ പിന്നെ​യും മോശ​യോ​ടു പറഞ്ഞു: 45 “ഇസ്രാ​യേ​ല്യ​രു​ടെ മൂത്ത ആൺമക്കൾക്കു പകരം ലേവ്യ​രെ​യും ഇസ്രാ​യേ​ല്യ​രു​ടെ വളർത്തു​മൃ​ഗ​ങ്ങൾക്കു പകരം ലേവ്യ​രു​ടെ വളർത്തു​മൃ​ഗ​ങ്ങ​ളെ​യും എടുക്കുക. അങ്ങനെ ലേവ്യർ എന്റേതാ​യി​ത്തീ​രും. ഞാൻ യഹോ​വ​യാണ്‌. 46 ഇസ്രായേല്യരിൽ ലേവ്യ​രെ​ക്കാൾ അധിക​മുള്ള 273 മൂത്ത ആൺമക്കളുടെ+ മോച​ന​വി​ല​യാ​യി,+ 47 വിശുദ്ധസ്ഥലത്തെ ശേക്കെലിന്റെ* തൂക്ക​പ്ര​കാ​രം ആളൊ​ന്നിന്‌ അഞ്ചു ശേക്കെൽ* വീതം+ നീ എടുക്കണം. ഒരു ശേക്കെൽ 20 ഗേരയാ​ണ്‌.*+ 48 അധികമുള്ളവരുടെ മോച​ന​വി​ല​യാ​യി നീ ആ പണം അഹരോ​നും ആൺമക്കൾക്കും കൊടു​ക്കണം.” 49 അങ്ങനെ ലേവ്യ​രു​ടെ എണ്ണത്തെ​ക്കാൾ അധിക​മു​ള്ള​വരെ വീണ്ടെ​ടു​ക്കാൻവേണ്ടി വീണ്ടെ​ടു​പ്പു​വി​ല​യാ​യി നൽകേണ്ട പണം മോശ ശേഖരി​ച്ചു. 50 മോശ ഇസ്രാ​യേ​ലി​ലെ മൂത്ത ആൺമക്ക​ളിൽനിന്ന്‌ ആ പണം—വിശു​ദ്ധ​സ്ഥ​ലത്തെ ശേക്കെ​ലി​ന്റെ തൂക്ക​പ്ര​കാ​രം 1,365 ശേക്കെൽ—ശേഖരി​ച്ചു. 51 യഹോവയുടെ വാക്കനു​സ​രിച്ച്‌ മോശ മോച​ന​വി​ല​യായ ആ പണം അഹരോ​നും ആൺമക്കൾക്കും കൊടു​ത്തു. യഹോവ കല്‌പി​ച്ച​തു​പോ​ലെ​തന്നെ മോശ ചെയ്‌തു.

4 പിന്നെ യഹോവ മോശ​യോ​ടും അഹരോ​നോ​ടും പറഞ്ഞു: 2 “ലേവി​യു​ടെ വംശജ​രു​ടെ ഇടയിൽനി​ന്ന്‌ കുടും​ബ​മ​നു​സ​രി​ച്ചും പിതൃ​ഭ​വ​ന​മ​നു​സ​രി​ച്ചും കൊഹാ​ത്തി​ന്റെ വംശജരുടെ+ കണക്കെ​ടു​ക്കണം. 3 സാന്നിധ്യകൂടാരത്തിൽ വേല ചെയ്യാൻ നിയമനം+ ലഭിച്ച കൂട്ടത്തി​ലുള്ള, 30-നും+ 50-നും+ ഇടയിൽ പ്രായ​മുള്ള, എല്ലാവ​രെ​യും എണ്ണണം.

4 “സാന്നി​ധ്യ​കൂ​ടാ​ര​ത്തിൽ കൊഹാ​ത്തി​ന്റെ വംശജർ അനുഷ്‌ഠി​ക്കേണ്ട സേവനം ഇതാണ്‌.+ അത്‌ അതിവി​ശു​ദ്ധ​മാണ്‌: 5 പാളയം പുറ​പ്പെ​ടു​മ്പോൾ അഹരോ​നും ആൺമക്ക​ളും അകത്ത്‌ വന്ന്‌ തിരശ്ശീല+ അഴി​ച്ചെ​ടുത്ത്‌ അതു​കൊണ്ട്‌ സാക്ഷ്യപെട്ടകം+ മൂടണം. 6 അവർ അതിനു മുകളിൽ കടൽനാ​യ്‌ത്തോൽകൊ​ണ്ടുള്ള ഒരു ആവരണം ഇട്ട്‌ അതിന്മേൽ നീലത്തു​ണി വിരി​ക്കണം. എന്നിട്ട്‌, അതു ചുമന്നു​കൊ​ണ്ടു​പോ​കാ​നുള്ള തണ്ടുകൾ+ അതിന്റെ സ്ഥാനത്ത്‌ ഇടണം.

7 “കാഴ്‌ച​യ​പ്പ​ത്തി​ന്റെ മേശയിലും+ അവർ ഒരു നീലത്തു​ണി വിരി​ക്കണം. തുടർന്ന്‌ അതിൽ തളിക​ക​ളും പാനപാ​ത്ര​ങ്ങ​ളും കുഴി​യൻപാ​ത്ര​ങ്ങ​ളും പാനീ​യ​യാ​ഗ​ത്തി​നുള്ള കുടങ്ങ​ളും വെക്കണം.+ പതിവാ​യി അർപ്പി​ക്കുന്ന അപ്പം+ അതി​ന്മേ​ലു​ണ്ടാ​യി​രി​ക്കണം. 8 അവയുടെ മേൽ കടുഞ്ചു​വ​പ്പു​തു​ണി വിരി​ച്ചിട്ട്‌ കടൽനാ​യ്‌ത്തോ​ലു​കൊ​ണ്ടുള്ള ആവരണം ഇട്ട്‌ മൂടണം. എന്നിട്ട്‌ അതു ചുമന്നു​കൊ​ണ്ടു​പോ​കാ​നുള്ള തണ്ടുകൾ+ അവർ അതിന്റെ സ്ഥാനത്ത്‌ ഇടണം. 9 അതിനു ശേഷം അവർ ഒരു നീലത്തു​ണി എടുത്ത്‌ തണ്ടുവി​ളക്ക്‌,+ അതിന്റെ ദീപങ്ങളും+ അതിന്റെ കൊടി​ലു​ക​ളും കത്തിയ തിരി ഇടാനുള്ള പാത്രങ്ങളും+ വിളക്കി​നുള്ള എണ്ണ സൂക്ഷി​ക്കുന്ന എല്ലാ പാത്ര​ങ്ങ​ളും സഹിതം മൂടണം. 10 അവർ അതും അതിന്റെ എല്ലാ ഉപകര​ണ​ങ്ങ​ളും കടൽനാ​യ്‌ത്തോൽകൊ​ണ്ടുള്ള ആവരണം​കൊണ്ട്‌ പൊതി​ഞ്ഞിട്ട്‌ അതു ചുമന്നു​കൊ​ണ്ടു​പോ​കാ​നുള്ള തണ്ടിൽ വെക്കണം. 11 കൂടാതെ സ്വർണയാഗപീഠത്തിന്മേൽ+ നീലത്തു​ണി വിരി​ച്ചിട്ട്‌ അതു കടൽനാ​യ്‌ത്തോൽകൊ​ണ്ടുള്ള ആവരണ​ത്താൽ മൂടണം. അതിനു ശേഷം, അതു ചുമന്നു​കൊ​ണ്ടു​പോ​കാ​നുള്ള തണ്ടുകൾ+ അവർ അതിന്റെ സ്ഥാനത്ത്‌ ഇടണം. 12 പിന്നെ അവർ വിശു​ദ്ധ​സ്ഥ​ലത്തെ അവരുടെ പതിവാ​യുള്ള ശുശ്രൂ​ഷ​യ്‌ക്ക്‌ ഉപയോ​ഗി​ക്കുന്ന ഉപകരണങ്ങളെല്ലാം+ എടുത്ത്‌ ഒരു നീലത്തു​ണി​യിൽ വെച്ച​ശേഷം കടൽനാ​യ്‌ത്തോൽകൊ​ണ്ടുള്ള ആവരണ​ത്താൽ മൂടണം. എന്നിട്ട്‌ അവ ചുമന്നു​കൊ​ണ്ടു​പോ​കാ​നുള്ള തണ്ടിൽ വെക്കണം.

13 “അവർ യാഗപീ​ഠ​ത്തിൽനിന്ന്‌ ചാരം* നീക്കി​ക്ക​ള​യണം.+ അതിനു ശേഷം അതിൽ പർപ്പിൾ നിറത്തി​ലുള്ള ഒരു കമ്പിളി​ത്തു​ണി വിരി​ക്കണം. 14 അവർ യാഗപീ​ഠ​ത്തിൽ ശുശ്രൂഷ ചെയ്യു​മ്പോൾ ഉപയോ​ഗി​ക്കാ​റുള്ള അതിന്റെ എല്ലാ ഉപകര​ണ​ങ്ങ​ളും, അതായത്‌ കനൽപ്പാ​ത്ര​ങ്ങ​ളും മുൾക്ക​ര​ണ്ടി​ക​ളും കോരി​ക​ക​ളും കുഴി​യൻപാ​ത്ര​ങ്ങ​ളും ഉൾപ്പെടെ യാഗപീ​ഠ​ത്തി​ലെ എല്ലാ ഉപകര​ണ​ങ്ങ​ളും,+ അവർ അതിന്മേൽ വെക്കണം. പിന്നെ അവർ അതിന്മേൽ കടൽനാ​യ്‌ത്തോൽകൊ​ണ്ടുള്ള ആവരണം ഇട്ട്‌ അതു ചുമന്നു​കൊ​ണ്ടു​പോ​കാ​നുള്ള തണ്ടുകൾ+ അതിന്റെ സ്ഥാനത്ത്‌ ഇടണം.

15 “പാളയം പുറ​പ്പെ​ടു​മ്പോ​ഴേ​ക്കും അഹരോ​നും ആൺമക്ക​ളും വന്ന്‌ വിശു​ദ്ധ​സ്ഥ​ല​വും വിശു​ദ്ധ​സ്ഥ​ലത്തെ എല്ലാ ഉപകര​ണ​ങ്ങ​ളും മൂടി​യി​ട്ടു​ണ്ടാ​കണം.+ അതിനു ശേഷം കൊഹാ​ത്തി​ന്റെ വംശജർ അകത്ത്‌ വന്ന്‌ അവയെ​ല്ലാം കൊണ്ടു​പോ​കണം.+ എന്നാൽ അവർ മരിക്കാ​തി​രി​ക്കേ​ണ്ട​തി​നു വിശു​ദ്ധ​സ്ഥ​ല​ത്തുള്ള യാതൊ​ന്നി​ലും തൊട​രുത്‌.+ ഇവയെ​ല്ലാ​മാ​ണു സാന്നി​ധ്യ​കൂ​ടാ​ര​വു​മാ​യി ബന്ധപ്പെട്ട്‌ കൊഹാ​ത്തി​ന്റെ വംശജ​രു​ടെ ഉത്തരവാ​ദി​ത്വ​ങ്ങൾ.*

16 “പുരോ​ഹി​ത​നായ അഹരോ​ന്റെ മകൻ എലെയാസരിനാണു+ വിളക്കി​നുള്ള എണ്ണയുടെയും+ സുഗന്ധദ്രവ്യത്തിന്റെയും+ പതിവാ​യുള്ള ധാന്യ​യാ​ഗ​ത്തി​ന്റെ​യും അഭിഷേകതൈലത്തിന്റെയും+ മേൽനോ​ട്ടം വഹിക്കാ​നുള്ള ഉത്തരവാ​ദി​ത്വം. മുഴു​വി​ശു​ദ്ധ​കൂ​ടാ​ര​ത്തി​ന്റെ​യും അതിലുള്ള എല്ലാത്തി​ന്റെ​യും, വിശു​ദ്ധ​സ്ഥ​ല​വും അതിന്റെ ഉപകര​ണ​ങ്ങ​ളും സഹിതം എല്ലാത്തി​ന്റെ​യും, മേൽനോ​ട്ടം വഹി​ക്കേ​ണ്ടത്‌ എലെയാ​സ​രാണ്‌.”

17 യഹോവ പിന്നെ മോശ​യോ​ടും അഹരോ​നോ​ടും പറഞ്ഞു: 18 “ലേവ്യ​രു​ടെ ഇടയിൽനി​ന്ന്‌ കൊഹാത്യകുടുംബങ്ങളുടെ+ ഗോത്രം ഒരിക്ക​ലും നശിപ്പി​ക്ക​പ്പെ​ട​രുത്‌. 19 അവർ അതിവി​ശു​ദ്ധ​വ​സ്‌തു​ക്ക​ളു​ടെ അടുത്ത്‌ ചെല്ലു​മ്പോൾ മരിക്കാ​തെ ജീവി​ച്ചി​രി​ക്കാ​നാ​യി അവർക്കു​വേണ്ടി ഇങ്ങനെ ചെയ്യുക:+ അഹരോ​നും ആൺമക്ക​ളും അകത്ത്‌ ചെന്ന്‌ അവർ ഓരോ​രു​ത്ത​രും എന്തു സേവനം ചെയ്യണ​മെ​ന്നും എന്തെല്ലാം ചുമക്ക​ണ​മെ​ന്നും നിയമി​ച്ചു​കൊ​ടു​ക്കണം. 20 അവർ അകത്ത്‌ കടന്ന്‌ വിശു​ദ്ധ​വ​സ്‌തു​ക്കൾ ഒരു നോക്കു​പോ​ലും കാണരു​ത്‌. അല്ലാത്ത​പക്ഷം അവർ മരിക്കും.”+

21 പിന്നെ യഹോവ മോശ​യോ​ടു പറഞ്ഞു: 22 “പിതൃ​ഭ​വ​ന​മ​നു​സ​രി​ച്ചും കുടും​ബ​മ​നു​സ​രി​ച്ചും ഗർശോ​ന്റെ വംശജരുടെ+ കണക്കെ​ടു​ക്കണം. 23 സാന്നിധ്യകൂടാരത്തിൽ വേല ചെയ്യാൻ നിയമനം ലഭിച്ച കൂട്ടത്തി​ലുള്ള, 30-നും 50-നും ഇടയിൽ പ്രായ​മുള്ള, എല്ലാവ​രെ​യും നീ എണ്ണണം. 24 ഗർശോന്യകുടുംബങ്ങൾക്കു പരിര​ക്ഷി​ക്കാ​നും ചുമക്കാ​നും നിയമി​ച്ചു​കൊ​ടു​ത്തത്‌ ഇവയാണ്‌:+ 25 വിശുദ്ധകൂടാരത്തിന്റെ കൂടാ​ര​ത്തു​ണി​കൾ,+ സാന്നി​ധ്യ​കൂ​ടാ​രം, അതിന്റെ ആവരണം, അതിനു മുകളി​ലുള്ള കടൽനാ​യ്‌ത്തോൽകൊ​ണ്ടുള്ള ആവരണം,+ സാന്നി​ധ്യ​കൂ​ടാ​ര​ത്തി​ന്റെ പ്രവേ​ശ​ന​ക​വാ​ട​ത്തി​ലുള്ള യവനിക,*+ 26 മുറ്റത്തിന്റെ മറശ്ശീ​ലകൾ,+ വിശു​ദ്ധ​കൂ​ടാ​ര​ത്തി​നും യാഗപീ​ഠ​ത്തി​നും ചുറ്റു​മുള്ള മുറ്റത്തി​ന്റെ പ്രവേ​ശ​ന​ക​വാ​ട​ത്തി​ലെ യവനിക,*+ അവയുടെ കൂടാ​ര​ക്ക​യ​റു​കൾ, അവയുടെ ഉപകര​ണങ്ങൾ എന്നിങ്ങനെ അതിന്റെ ശുശ്രൂ​ഷ​യ്‌ക്ക്‌ ഉപയോ​ഗി​ക്കു​ന്ന​തെ​ല്ലാം അവർ ചുമക്കണം. ഇതാണ്‌ അവരുടെ നിയമനം. 27 ഗർശോന്യരുടെ+ എല്ലാ സേവന​ങ്ങൾക്കും ചുമത​ല​കൾക്കും മേൽനോ​ട്ടം വഹി​ക്കേ​ണ്ടത്‌ അഹരോ​നും ആൺമക്ക​ളും ആണ്‌. ഈ ചുമത​ല​ക​ളെ​ല്ലാം അവരുടെ ഉത്തരവാ​ദി​ത്വ​മാ​യി നീ അവർക്കു നിയമി​ച്ചു​കൊ​ടു​ക്കണം. 28 ഇതാണു സാന്നി​ധ്യ​കൂ​ടാ​ര​ത്തിൽ ഗർശോ​ന്യ​കു​ടും​ബങ്ങൾ അനുഷ്‌ഠി​ക്കേണ്ട സേവനം.+ പുരോ​ഹി​ത​നായ അഹരോ​ന്റെ മകൻ ഈഥാമാരിന്റെ+ നിർദേ​ശ​മ​നു​സ​രി​ച്ചാണ്‌ അവർ അവരുടെ ഉത്തരവാ​ദി​ത്വം നിർവ​ഹി​ക്കേ​ണ്ടത്‌.

29 “കുടും​ബ​വും പിതൃ​ഭ​വ​ന​വും അനുസ​രിച്ച്‌ മെരാരിയുടെ+ വംശജ​രു​ടെ പേരു​ക​ളും രേഖ​പ്പെ​ടു​ത്തണം. 30 സാന്നിധ്യകൂടാരത്തിൽ വേല ചെയ്യാൻ നിയമനം ലഭിച്ച കൂട്ടത്തി​ലുള്ള, 30-നും 50-നും ഇടയിൽ പ്രായ​മുള്ള, എല്ലാവ​രെ​യും നീ എണ്ണണം. 31 സാന്നിധ്യകൂടാരത്തിലെ അവരുടെ സേവന​വു​മാ​യി ബന്ധപ്പെട്ട്‌ അവർ ചുമക്കേണ്ടതു+ വിശു​ദ്ധ​കൂ​ടാ​ര​ത്തി​ന്റെ ചട്ടങ്ങൾ,+ അതിന്റെ ഓടാ​മ്പ​ലു​കൾ,+ അതിന്റെ തൂണുകൾ,+ അതിന്റെ ചുവടു​കൾ,+ 32 മുറ്റത്തിനു ചുറ്റു​മുള്ള തൂണുകൾ,+ അവയുടെ ചുവടു​കൾ,+ അവയുടെ കൂടാ​ര​ക്കു​റ്റി​കൾ,+ അവയുടെ കൂടാ​ര​ക്ക​യ​റു​കൾ എന്നിവ സഹിതം അവയുടെ എല്ലാ സാമ​ഗ്രി​ക​ളു​മാണ്‌. അവയോ​ടു ബന്ധപ്പെട്ട എല്ലാ സേവന​ങ്ങ​ളും അവർ ചെയ്യണം. അവർ ചുമക്കേണ്ട സാമ​ഗ്രി​കൾ നീ അവർക്കു പേരനു​സ​രിച്ച്‌ നിയമി​ച്ചു​കൊ​ടു​ക്കണം. 33 പുരോഹിതനായ അഹരോ​ന്റെ മകൻ ഈഥാ​മാ​രി​ന്റെ നിർദേശമനുസരിച്ച്‌+ മെരാ​രി​യു​ടെ വംശജ​രു​ടെ കുടുംബങ്ങൾ+ സാന്നി​ധ്യ​കൂ​ടാ​ര​ത്തിൽ സേവി​ക്കേ​ണ്ടത്‌ ഇങ്ങനെ​യാണ്‌.”

34 മോശയും അഹരോ​നും സമൂഹ​ത്തി​ലെ തലവന്മാരും+ ചേർന്ന്‌ കുടും​ബ​മ​നു​സ​രി​ച്ചും പിതൃ​ഭ​വ​ന​മ​നു​സ​രി​ച്ചും കൊഹാ​ത്യ​രു​ടെ ആൺമക്കളുടെ+ പേരുകൾ രേഖ​പ്പെ​ടു​ത്തി. 35 സാന്നിധ്യകൂടാരത്തിൽ വേല ചെയ്യാൻ നിയമനം ലഭിച്ച കൂട്ടത്തി​ലുള്ള, 30-നും 50-നും ഇടയിൽ പ്രായ​മുള്ള, എല്ലാവ​രു​ടെ​യും പേര്‌ ചേർത്തു.+ 36 കുടുംബമനുസരിച്ച്‌ പേര്‌ രേഖ​പ്പെ​ടു​ത്തി​യവർ ആകെ 2,750.+ 37 സാന്നിധ്യകൂടാരത്തിൽ സേവി​ച്ചി​രുന്ന ഇത്രയും പേരാണു കൊഹാ​ത്യ​രു​ടെ കുടും​ബ​ങ്ങ​ളിൽനിന്ന്‌ പേര്‌ രേഖ​പ്പെ​ടു​ത്തി​യത്‌. യഹോവ മോശ​യി​ലൂ​ടെ നൽകിയ ആജ്ഞയനു​സ​രിച്ച്‌ മോശ​യും അഹരോ​നും അവരുടെ പേര്‌ ചേർത്തു.+

38 അവർ കുടും​ബ​മ​നു​സ​രി​ച്ചും പിതൃ​ഭ​വ​ന​മ​നു​സ​രി​ച്ചും ഗർശോ​ന്റെ വംശജരുടെ+ പേരുകൾ രേഖ​പ്പെ​ടു​ത്തി. 39 സാന്നിധ്യകൂടാരത്തിൽ വേല ചെയ്യാൻ നിയമനം ലഭിച്ച കൂട്ടത്തി​ലുള്ള, 30-നും 50-നും ഇടയിൽ പ്രായ​മുള്ള, എല്ലാവ​രു​ടെ​യും പേര്‌ ചേർത്തു. 40 കുടുംബമനുസരിച്ചും പിതൃ​ഭ​വ​ന​മ​നു​സ​രി​ച്ചും പേര്‌ രേഖ​പ്പെ​ടു​ത്തി​യവർ ആകെ 2,630.+ 41 സാന്നിധ്യകൂടാരത്തിൽ സേവി​ച്ചി​രുന്ന ഇവരെ​ല്ലാ​മാ​ണു രേഖയിൽ പേര്‌ ചേർത്ത ഗർശോ​ന്റെ വംശജ​രു​ടെ കുടും​ബങ്ങൾ. യഹോ​വ​യു​ടെ ആജ്ഞയനു​സ​രിച്ച്‌ മോശ​യും അഹരോ​നും അവരു​ടെ​യെ​ല്ലാം പേര്‌ രേഖ​പ്പെ​ടു​ത്തി.+

42 അവർ കുടും​ബ​മ​നു​സ​രി​ച്ചും പിതൃ​ഭ​വ​ന​മ​നു​സ​രി​ച്ചും മെരാ​രി​യു​ടെ വംശജ​രു​ടെ പേരുകൾ രേഖ​പ്പെ​ടു​ത്തി. 43 സാന്നിധ്യകൂടാരത്തിൽ വേല ചെയ്യാൻ നിയമനം ലഭിച്ച കൂട്ടത്തി​ലുള്ള, 30-നും 50-നും ഇടയിൽ പ്രായ​മുള്ള, എല്ലാവ​രു​ടെ​യും പേര്‌ ചേർത്തു.+ 44 കുടുംബമനുസരിച്ച്‌ പേര്‌ രേഖ​പ്പെ​ടു​ത്തി​യവർ ആകെ 3,200.+ 45 ഇവരെല്ലാമാണു രേഖയിൽ പേര്‌ ചേർത്ത മെരാ​രി​യു​ടെ വംശജ​രു​ടെ കുടും​ബങ്ങൾ. യഹോവ മോശ​യി​ലൂ​ടെ നൽകിയ ആജ്ഞയനു​സ​രിച്ച്‌ മോശ​യും അഹരോ​നും ഇവരു​ടെ​യെ​ല്ലാം പേര്‌ രേഖ​പ്പെ​ടു​ത്തി.+

46 മോശയും അഹരോ​നും ഇസ്രാ​യേ​ലി​ലെ തലവന്മാ​രും ചേർന്ന്‌, കുടും​ബ​മ​നു​സ​രി​ച്ചും പിതൃ​ഭ​വ​ന​മ​നു​സ​രി​ച്ചും ഈ ലേവ്യ​രു​ടെ​യെ​ല്ലാം പേരുകൾ രേഖ​പ്പെ​ടു​ത്തി. 47 അവർ 30-നും 50-നും ഇടയിൽ പ്രായ​മു​ള്ള​വ​രാ​യി​രു​ന്നു. സാന്നി​ധ്യ​കൂ​ടാ​ര​വു​മാ​യി ബന്ധപ്പെട്ട സേവന​ങ്ങ​ളും ചുമത​ല​ക​ളും നിർവ​ഹി​ക്കുക എന്നതാ​യി​രു​ന്നു അവരു​ടെ​യെ​ല്ലാം നിയമനം.+ 48 രേഖയിൽ പേര്‌ ചേർത്തവർ ആകെ 8,580.+ 49 യഹോവ മോശ​യി​ലൂ​ടെ നൽകിയ ആജ്ഞയനു​സ​രിച്ച്‌ ഓരോ​രു​ത്ത​രെ​യും അവരുടെ നിയമി​ത​സേ​വ​ന​വും ചുമത​ല​യും അനുസ​രിച്ച്‌ പേര്‌ ചേർത്തു. യഹോവ മോശ​യോ​ടു കല്‌പി​ച്ച​തു​പോ​ലെ​തന്നെ അവരുടെ പേര്‌ ചേർത്തു.

5 യഹോവ പിന്നെ മോശ​യോ​ടു പറഞ്ഞു: 2 “കുഷ്‌ഠ​രോ​ഗി​ക​ളായ എല്ലാവരെയും+ സ്രാവ​മുള്ള എല്ലാവരെയും+ ശവത്താൽ* അശുദ്ധ​രായ എല്ലാവരെയും+ പാളയ​ത്തി​നു പുറ​ത്തേക്ക്‌ അയയ്‌ക്കാൻ ഇസ്രാ​യേ​ല്യ​രോ​ടു കല്‌പി​ക്കുക. 3 സ്‌ത്രീപുരുഷവ്യത്യാസമില്ലാതെ നിങ്ങൾ അവരെ പുറ​ത്തേക്ക്‌ അയയ്‌ക്കണം. ഞാൻ പാളയ​ങ്ങ​ളിൽ താമസി​ക്കു​ന്ന​വർക്കി​ട​യിൽ വസിക്കു​ന്നു.+ ആ പാളയ​ങ്ങളെ അവർ അശുദ്ധമാക്കാതിരിക്കാനായി+ നീ അവരെ പാളയ​ത്തി​നു പുറ​ത്തേക്ക്‌ അയയ്‌ക്കണം.” 4 അങ്ങനെ ഇസ്രാ​യേ​ല്യർ അവരെ പാളയ​ത്തിൽനിന്ന്‌ പുറത്താ​ക്കി. യഹോവ മോശ​യോ​ടു പറഞ്ഞതു​പോ​ലെ​തന്നെ അവർ ചെയ്‌തു.

5 പിന്നെ യഹോവ മോശ​യോ​ടു പറഞ്ഞു: 6 “ഇസ്രാ​യേ​ല്യ​രോട്‌ ഇങ്ങനെ പറയുക: ‘ഒരു പുരു​ഷ​നോ സ്‌ത്രീ​യോ മനുഷ്യ​സ​ഹ​ജ​മായ ഒരു പാപം ചെയ്‌ത്‌ യഹോ​വ​യോട്‌ അവിശ്വ​സ്‌തത കാണി​ച്ചാൽ ആ വ്യക്തി കുറ്റക്കാ​ര​നാണ്‌.+ 7 ചെയ്‌ത പാപം ഏറ്റുപറഞ്ഞ്‌+ ആ വ്യക്തി തന്റെ* തെറ്റിനു നഷ്ടപരി​ഹാ​ര​മാ​യി മുഴുവൻ മുതലും തിരികെ ഏൽപ്പി​ക്കണം. അതോ​ടൊ​പ്പം അതിന്റെ മൂല്യ​ത്തി​ന്റെ അഞ്ചി​ലൊ​ന്നും കൊടു​ക്കണം.+ അനീതി​ക്കി​ര​യാ​യ​വന്‌ അതു കൊടു​ക്കണം. 8 നഷ്ടപരിഹാരം കൈപ്പ​റ്റാൻ അയാളോ അയാളു​ടെ അടുത്ത ബന്ധുക്ക​ളിൽ ആരെങ്കി​ലു​മോ ഇല്ലെങ്കിൽ അത്‌ യഹോ​വ​യ്‌ക്കു നൽകണം; അതു പുരോ​ഹി​ത​നു​ള്ള​താ​യി​രി​ക്കും. കുറ്റം ചെയ്‌ത​വന്റെ പാപപ​രി​ഹാ​ര​ത്തി​നു​വേണ്ടി പുരോ​ഹി​തൻ അർപ്പി​ക്കുന്ന പാപപ​രി​ഹാ​ര​ത്തി​ന്റെ ആൺചെ​മ്മ​രി​യാ​ടും പുരോ​ഹി​ത​നു​ള്ള​താ​യി​രി​ക്കും.+

9 “‘പുരോ​ഹി​തന്റെ അടുത്ത്‌ കൊണ്ടു​വ​രുന്ന, ഇസ്രാ​യേ​ല്യ​രു​ടെ വിശുദ്ധസംഭാവനകളെല്ലാം+ പുരോ​ഹി​ത​നു​ള്ള​താ​യി​രി​ക്കും.+ 10 ഓരോരുത്തരുടെയും വിശു​ദ്ധ​വ​സ്‌തു​ക്ക​ളും പുരോ​ഹി​ത​നു​ള്ള​താ​യി​രി​ക്കും. ഓരോ​രു​ത്ത​രും പുരോ​ഹി​തനു കൊടു​ക്കു​ന്ന​തെ​ല്ലാം പുരോ​ഹി​ത​ന്റേ​താ​യി​രി​ക്കും.’”

11 യഹോവ ഇങ്ങനെ​യും മോശ​യോ​ടു പറഞ്ഞു: 12 “ഇസ്രാ​യേ​ല്യ​രോ​ടു പറയുക: ‘ഒരു പുരു​ഷന്റെ ഭാര്യ വഴിപി​ഴച്ച്‌ അയാ​ളോട്‌ അവിശ്വ​സ്‌തത കാണി​ക്കു​ന്നെ​ന്നി​രി​ക്കട്ടെ. 13 അതായത്‌ മറ്റൊരു പുരുഷൻ ആ സ്‌ത്രീ​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെടുകയും+ അങ്ങനെ സ്‌ത്രീ തന്നെത്തന്നെ കളങ്ക​പ്പെ​ടു​ത്തു​ക​യും ചെയ്യുന്നു. എന്നാൽ അത്‌ ആ സ്‌ത്രീ​യു​ടെ ഭർത്താവ്‌ അറിയു​ക​യോ അക്കാര്യം വെളി​ച്ചത്ത്‌ വരുക​യോ ചെയ്യു​ന്നില്ല. സ്‌ത്രീ​ക്കെ​തി​രെ സാക്ഷി​ക​ളു​മില്ല, സ്‌ത്രീ പിടി​ക്ക​പ്പെ​ടു​ന്നു​മില്ല. അപ്പോൾ ചെയ്യേ​ണ്ടത്‌ ഇതാണ്‌: 14 സ്‌ത്രീ കളങ്കി​ത​യാ​യി​രി​ക്കെ സ്‌ത്രീ​യു​ടെ വിശ്വ​സ്‌ത​ത​യിൽ സംശയം ജനിച്ച്‌ ഭർത്താ​വി​നു ജാരശങ്ക തോന്നി​യാ​ലും, സ്‌ത്രീ കളങ്കി​ത​യ​ല്ലാ​തി​രി​ക്കെ സ്‌ത്രീ​യു​ടെ വിശ്വ​സ്‌ത​ത​യിൽ സംശയം ജനിച്ച്‌ ഭർത്താ​വി​നു ജാരശങ്ക തോന്നി​യാ​ലും 15 അയാൾ തന്റെ ഭാര്യയെ പുരോ​ഹി​തന്റെ അടുത്ത്‌ കൊണ്ടു​വ​രണം. ഭാര്യ​ക്കു​വേണ്ടി യാഗമാ​യി, ഒരു ഏഫായു​ടെ പത്തിലൊന്നു* ബാർളി​പ്പൊ​ടി​യും അയാൾ കൊണ്ടു​വ​രണം. അയാൾ അതിൽ എണ്ണ ഒഴിക്കു​ക​യോ കുന്തി​രി​ക്കം ഇടുക​യോ അരുത്‌. കാരണം അതു തെറ്റിനെ ഓർമി​പ്പി​ക്കുന്ന, സംശയ​ത്തി​ന്റെ ധാന്യ​യാ​ഗ​മാണ്‌.

16 “‘പുരോ​ഹി​തൻ ആ സ്‌ത്രീ​യെ കൊണ്ടു​വന്ന്‌ യഹോ​വ​യു​ടെ മുമ്പാകെ നിറു​ത്തണം.+ 17 പുരോഹിതൻ ഒരു മൺപാ​ത്ര​ത്തിൽ കുറച്ച്‌ വിശു​ദ്ധ​ജലം എടുത്ത്‌ വിശു​ദ്ധ​കൂ​ടാ​ര​ത്തി​ന്റെ തറയിൽനി​ന്ന്‌ കുറച്ച്‌ പൊടി വാരി അതിൽ ഇടണം. 18 തുടർന്ന്‌ പുരോ​ഹി​തൻ സ്‌ത്രീ​യെ യഹോ​വ​യു​ടെ സന്നിധി​യിൽ നിറുത്തി സ്‌ത്രീ​യു​ടെ മുടി അഴിച്ചി​ട്ടിട്ട്‌ ഓർമി​പ്പി​ക്ക​ലി​നു​വേ​ണ്ടി​യുള്ള ധാന്യ​യാ​ഗം, അതായത്‌ സംശയ​ത്തി​ന്റെ ധാന്യ​യാ​ഗം,+ സ്‌ത്രീ​യു​ടെ കൈയിൽ വെക്കണം. ശാപം വരുത്തുന്ന കയ്‌പു​വെള്ളം പുരോ​ഹി​തന്റെ കൈയി​ലു​ണ്ടാ​യി​രി​ക്കണം.+

19 “‘പിന്നെ പുരോ​ഹി​തൻ സ്‌ത്രീ​യെ​ക്കൊണ്ട്‌ സത്യം ചെയ്യിച്ച്‌ സ്‌ത്രീ​യോ​ടു പറയണം: “നീ നിന്റെ ഭർത്താ​വി​ന്റെ അധീനതയിലായിരിക്കെ+ മറ്റൊരു പുരുഷൻ നീയു​മാ​യി ശാരീ​രി​ക​ബ​ന്ധ​ത്തിൽ ഏർപ്പെ​ടു​ക​യോ നീ വഴിപി​ഴച്ച്‌ കളങ്കി​ത​യാ​കു​ക​യോ ചെയ്‌തി​ട്ടി​ല്ലെ​ങ്കിൽ ശാപക​ര​മായ ഈ കയ്‌പു​വെ​ള്ളം​മൂ​ലം നിനക്ക്‌ ഒരു കുഴപ്പ​വും വരാതി​രി​ക്കട്ടെ. 20 എന്നാൽ ഭർത്താ​വി​ന്റെ അധീന​ത​യി​ലാ​യി​രി​ക്കെ നീ നിന്നെ​ത്തന്നെ കളങ്ക​പ്പെ​ടു​ത്തി വഴിപി​ഴച്ച്‌ നിന്റെ ഭർത്താ​വ​ല്ലാത്ത ഒരു പുരു​ഷ​നു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട്ടി​ട്ടു​ണ്ടെ​ങ്കിൽ...”+ 21 പിന്നെ പുരോ​ഹി​തൻ സ്‌ത്രീ​യെ​ക്കൊണ്ട്‌, ശാപം ഉൾപ്പെ​ടുന്ന ഒരു ആണ ഇടുവി​ച്ച്‌ സത്യം ചെയ്യി​ക്കണം. പുരോ​ഹി​തൻ സ്‌ത്രീ​യോട്‌ ഇങ്ങനെ പറയണം: “യഹോവ നിന്റെ തുട* ക്ഷയിക്കാനും* വയറു വീർക്കാ​നും ഇടവരു​ത്തട്ടെ, അങ്ങനെ നിന്റെ ജനം നിന്റെ പേര്‌ പറഞ്ഞ്‌ ശപിക്കാ​നും ആണയി​ടാ​നും യഹോവ ഇടവരു​ത്തട്ടെ. 22 ശാപകരമായ ഈ വെള്ളം നിന്റെ കുടലിൽ ചെന്ന്‌ നിന്റെ വയറു വീർപ്പി​ക്കു​ക​യും തുട ക്ഷയിപ്പി​ക്കു​ക​യും ചെയ്യും.” അപ്പോൾ സ്‌ത്രീ, “ആമേൻ! ആമേൻ!”* എന്നു പറയണം.

23 “‘പിന്നെ പുരോ​ഹി​തൻ ഈ ശാപങ്ങൾ പുസ്‌ത​ക​ത്തിൽ എഴുതി അവ ആ കയ്‌പു​വെ​ള്ള​ത്തി​ലേക്കു കഴുകി​യൊ​ഴി​ക്കണം. 24 തുടർന്ന്‌ പുരോ​ഹി​തൻ ശാപക​ര​മായ ആ കയ്‌പു​വെള്ളം സ്‌ത്രീ​യെ​ക്കൊണ്ട്‌ കുടി​പ്പി​ക്കണം. ശാപക​ര​മായ വെള്ളം സ്‌ത്രീ​യു​ടെ ഉള്ളിൽ ചെന്ന്‌ കഷ്ടതയു​ടെ കയ്‌പു​നീ​രാ​യി​ത്തീ​രും. 25 പുരോഹിതൻ സംശയ​ത്തി​ന്റെ ധാന്യയാഗം+ സ്‌ത്രീ​യു​ടെ കൈയിൽനി​ന്ന്‌ എടുത്ത്‌ യഹോ​വ​യു​ടെ മുമ്പാകെ അങ്ങോ​ട്ടും ഇങ്ങോ​ട്ടും ആട്ടണം. പിന്നെ പുരോ​ഹി​തൻ അതു യാഗപീ​ഠ​ത്തിന്‌ അരികെ കൊണ്ടു​വ​രണം. 26 പുരോഹിതൻ ധാന്യ​യാ​ഗ​ത്തിൽനിന്ന്‌ ഒരു പിടി എടുത്ത്‌, മുഴുവൻ യാഗത്തി​ന്റെ​യും പ്രതീ​ക​മാ​യി അതു യാഗപീ​ഠ​ത്തിൽ വെച്ച്‌ ദഹിപ്പി​ക്കണം.*+ അതിനു ശേഷം പുരോ​ഹി​തൻ സ്‌ത്രീ​യെ​ക്കൊണ്ട്‌ കയ്‌പു​വെള്ളം കുടി​പ്പി​ക്കണം. 27 സ്‌ത്രീ തന്നെത്തന്നെ കളങ്ക​പ്പെ​ടു​ത്തി ഭർത്താ​വി​നോട്‌ അവിശ്വ​സ്‌തത കാണി​ച്ചി​ട്ടു​ണ്ടെ​ങ്കിൽ പുരോ​ഹി​തൻ സ്‌ത്രീ​യെ ആ വെള്ളം കുടി​പ്പി​ക്കു​മ്പോൾ ശാപക​ര​മായ ആ വെള്ളം സ്‌ത്രീ​യു​ടെ ഉള്ളിൽച്ചെന്ന്‌ കഷ്ടതയു​ടെ കയ്‌പു​നീ​രാ​യി​ത്തീ​രും. സ്‌ത്രീ​യു​ടെ വയറു വീർക്കു​ക​യും തുട ക്ഷയിക്കു​ക​യും ചെയ്യും. ജനത്തിന്‌ ഇടയിൽ ആ സ്‌ത്രീ​യു​ടെ പേര്‌ ഒരു ശാപവാ​ക്കാ​യി​ത്തീ​രും. 28 എന്നാൽ ആ സ്‌ത്രീ കളങ്ക​പ്പെ​ടാ​ത്ത​വ​ളാ​ണെ​ങ്കിൽ, നിർമ​ല​യാ​ണെ​ങ്കിൽ, അത്തരം ശിക്ഷക​ളിൽനിന്ന്‌ ഒഴിവു​ള്ള​വ​ളാ​യി​രി​ക്കും. ഗർഭി​ണി​യാ​കാ​നും കുഞ്ഞു​ങ്ങളെ പ്രസവി​ക്കാ​നും ആ സ്‌ത്രീ​ക്കു കഴിയും.

29 “‘ഇതാണു ജാരശങ്ക സംബന്ധിച്ച നിയമം.*+ ഒരു സ്‌ത്രീ ഭർത്താ​വി​ന്റെ അധീന​ത​യി​ലാ​യി​രി​ക്കെ വഴിപി​ഴച്ച്‌ തന്നെത്തന്നെ കളങ്ക​പ്പെ​ടു​ത്തു​ക​യോ 30 ഒരു പുരു​ഷനു തന്റെ ഭാര്യ​യു​ടെ വിശ്വ​സ്‌ത​ത​യിൽ സംശയം ജനിച്ച്‌ ജാരശങ്ക തോന്നു​ക​യോ ചെയ്‌താൽ അയാൾ തന്റെ ഭാര്യയെ യഹോ​വ​യു​ടെ മുമ്പാകെ നിറു​ത്തണം. അപ്പോൾ പുരോ​ഹി​തൻ ഈ നിയമ​ത്തിൽ പറഞ്ഞി​രി​ക്കു​ന്ന​തെ​ല്ലാം ആ സ്‌ത്രീ​യു​ടെ കാര്യ​ത്തിൽ നടപ്പാ​ക്കണം. 31 പുരുഷൻ കുറ്റവി​മു​ക്ത​നാ​യി​രി​ക്കും. എന്നാൽ അയാളു​ടെ ഭാര്യ തന്റെ കുറ്റത്തി​ന്‌ ഉത്തരം പറയണം.’”

6 യഹോവ പിന്നെ​യും മോശ​യോ​ടു പറഞ്ഞു: 2 “ഇസ്രാ​യേ​ല്യ​രോട്‌ ഇങ്ങനെ പറയുക: ‘ഒരു പുരു​ഷ​നോ സ്‌ത്രീ​യോ താൻ യഹോ​വ​യ്‌ക്കു നാസീരായി*+ ജീവി​ച്ചു​കൊ​ള്ളാം എന്ന സവി​ശേ​ഷ​നേർച്ച നേർന്നാൽ, 3 ആ വ്യക്തി വീഞ്ഞും മറ്റു ലഹരി​പാ​നീ​യ​ങ്ങ​ളും ഒഴിവാ​ക്കണം. വീഞ്ഞിൽനി​ന്നുള്ള വിനാ​ഗി​രി​യോ മറ്റ്‌ ഏതെങ്കി​ലും ലഹരി​പാ​നീ​യ​ത്തിൽനി​ന്നുള്ള വിനാ​ഗി​രി​യോ മുന്തി​രി​യിൽനിന്ന്‌ ഉണ്ടാക്കുന്ന ഏതെങ്കി​ലും പാനീ​യ​മോ അയാൾ കുടി​ക്ക​രുത്‌.+ മുന്തി​രിങ്ങ—പഴുത്ത​താ​യാ​ലും ഉണങ്ങി​യ​താ​യാ​ലും—തിന്നു​ക​യു​മ​രുത്‌. 4 പച്ചമുന്തിരിങ്ങയിൽനിന്നാകട്ടെ തൊലി​യിൽനി​ന്നാ​കട്ടെ മുന്തി​രി​ച്ചെ​ടി​യിൽനിന്ന്‌ ഉണ്ടാക്കു​ന്ന​തൊ​ന്നും അയാൾ തന്റെ നാസീർവ്ര​ത​കാ​ലത്ത്‌ ഒരിക്ക​ലും തിന്നരു​ത്‌.

5 “‘നാസീർവ്ര​ത​കാ​ലത്ത്‌ ഒരിക്ക​ലും അയാളു​ടെ തലയിൽ ക്ഷൗരക്കത്തി തൊട​രുത്‌.+ യഹോ​വ​യ്‌ക്കു വേർതി​രി​ച്ചി​രി​ക്കുന്ന കാലം പൂർത്തി​യാ​കു​ന്ന​തു​വരെ അയാൾ തലമുടി വളർത്തി വിശു​ദ്ധ​നാ​യി തുടരണം. 6 യഹോവയ്‌ക്കു തന്നെത്തന്നെ വേർതി​രി​ച്ചി​രി​ക്കുന്ന കാല​ത്തൊ​ന്നും അയാൾ ഒരു മൃതദേഹത്തിന്‌* അടുത്ത്‌* ചെല്ലരു​ത്‌. 7 ദൈവത്തോടുള്ള തന്റെ നാസീർവ്ര​ത​ത്തി​ന്റെ അടയാളം അയാളു​ടെ തലയിൽ ഇരിക്കു​ന്ന​തു​കൊണ്ട്‌, മരിക്കു​ന്നത്‌ അയാളു​ടെ അപ്പനോ അമ്മയോ സഹോ​ദ​ര​നോ സഹോ​ദ​രി​യോ ആണെങ്കിൽപ്പോ​ലും തന്നെത്തന്നെ അശുദ്ധ​നാ​ക്ക​രുത്‌.+

8 “‘നാസീർവ്ര​ത​കാ​ലത്ത്‌ ഉടനീളം അയാൾ യഹോ​വ​യ്‌ക്കു വിശു​ദ്ധ​നാണ്‌. 9 എന്നാൽ ആരെങ്കി​ലും അയാളു​ടെ അടുത്തു​വെച്ച്‌ പെട്ടെന്നു മരിച്ച​തു​കൊണ്ട്‌,+ ദൈവ​ത്തി​നു തന്നെത്തന്നെ വേർതി​രി​ച്ച​തി​ന്റെ പ്രതീ​ക​മായ തലമുടി അശുദ്ധ​മാ​യാൽ അയാൾ തന്റെ ശുദ്ധീ​ക​ര​ണ​ദി​വ​സ​ത്തിൽ തല വടിക്കണം.+ ഏഴാം ദിവസം അയാൾ അതു വടിക്കണം. 10 എട്ടാം ദിവസം അയാൾ രണ്ടു ചെങ്ങാ​ലി​പ്രാ​വി​നെ​യോ രണ്ടു പ്രാവിൻകു​ഞ്ഞി​നെ​യോ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ പുരോ​ഹി​തന്റെ അടുത്ത്‌ കൊണ്ടു​വ​രണം. 11 പുരോഹിതൻ ഒന്നിനെ പാപയാ​ഗ​മാ​യും മറ്റേതി​നെ ദഹനയാ​ഗ​മാ​യും ഒരുക്കണം.+ എന്നിട്ട്‌, മരിച്ച ആളോ​ടുള്ള ബന്ധത്തിൽ ചെയ്‌തു​പോയ പാപത്തി​ന്‌ അയാൾ പ്രായ​ശ്ചി​ത്തം ചെയ്യണം. തുടർന്ന്‌ അന്നേ ദിവസം അയാൾ തന്റെ തല വിശു​ദ്ധീ​ക​രി​ക്കണം. 12 തന്റെ നാസീർവ്ര​ത​കാ​ല​ത്തി​നു​വേണ്ടി അയാൾ വീണ്ടും തന്നെത്തന്നെ യഹോ​വ​യ്‌ക്കു വേർതി​രി​ക്കണം. ഒരു വയസ്സോ അതിൽ താഴെ​യോ പ്രായ​മുള്ള ഒരു ആൺചെ​മ്മ​രി​യാ​ടി​നെ അപരാ​ധ​യാ​ഗ​മാ​യി കൊണ്ടു​വ​രു​ക​യും വേണം. എന്നാൽ അയാൾ തന്റെ നാസീർവ്ര​തത്തെ അശുദ്ധ​മാ​ക്കി​യ​തു​കൊണ്ട്‌ അയാളു​ടെ മുമ്പി​ലത്തെ ദിവസങ്ങൾ എണ്ണത്തിൽപ്പെ​ടു​ത്തു​ക​യില്ല.

13 “‘നാസീർവ്ര​ത​സ്ഥനെ സംബന്ധിച്ച നിയമം ഇതാണ്‌: അയാളു​ടെ നാസീർവ്ര​ത​കാ​ലം പൂർത്തിയാകുമ്പോൾ+ അയാളെ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ കൊണ്ടു​വ​രണം. 14 അവിടെ അയാൾ യഹോ​വ​യ്‌ക്കു യാഗമാ​യി കൊണ്ടു​വ​രേ​ണ്ടത്‌ ഇവയാണ്‌: ദഹനയാ​ഗ​മാ​യി ഒരു വയസ്സോ അതിൽ താഴെ​യോ പ്രായ​മുള്ള ന്യൂന​ത​യി​ല്ലാത്ത ഒരു ആൺചെ​മ്മ​രി​യാട്‌,+ പാപയാ​ഗ​മാ​യി ഒരു വയസ്സോ അതിൽ താഴെ​യോ പ്രായ​മുള്ള ന്യൂന​ത​യി​ല്ലാത്ത ഒരു പെൺചെ​മ്മ​രി​യാട്‌,+ സഹഭോ​ജ​ന​ബ​ലി​യാ​യി ന്യൂന​ത​യി​ല്ലാത്ത ഒരു ആൺചെ​മ്മ​രി​യാട്‌,+ 15 നേർത്ത ധാന്യ​പ്പൊ​ടി​യിൽ എണ്ണ ചേർത്ത്‌ ഉണ്ടാക്കിയ പുളിപ്പില്ലാത്തതും* വളയാ​കൃ​തി​യി​ലു​ള്ള​തും ആയ ഒരു കൊട്ട അപ്പം, കനം കുറഞ്ഞ്‌ മൊരി​ഞ്ഞി​രി​ക്കു​ന്ന​തും എണ്ണ പുരട്ടി​യ​തും ആയ പുളി​പ്പി​ല്ലാത്ത അപ്പങ്ങൾ എന്നിവ​യും അവയുടെ ധാന്യയാഗവും+ പാനീ​യ​യാ​ഗ​ങ്ങ​ളും.+ 16 പുരോഹിതൻ ഇവ യഹോ​വ​യു​ടെ മുമ്പാകെ കൊണ്ടു​വന്ന്‌ അയാളു​ടെ പാപയാ​ഗ​വും ദഹനയാ​ഗ​വും അർപ്പി​ക്കണം. 17 പുരോഹിതൻ ആൺചെ​മ്മ​രി​യാ​ടി​നെ സഹഭോ​ജ​ന​ബ​ലി​യാ​യി കൊട്ട​യി​ലെ പുളി​പ്പി​ല്ലാത്ത അപ്പത്തോ​ടൊ​പ്പം യഹോ​വ​യ്‌ക്ക്‌ അർപ്പി​ക്കണം. അതിന്റെ ധാന്യയാഗവും+ പാനീ​യ​യാ​ഗ​വും പുരോ​ഹി​തൻ അർപ്പി​ക്കണം.

18 “‘പിന്നെ നാസീർവ്ര​തസ്ഥൻ തന്റെ മുറി​ക്കാത്ത മുടി+ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽവെച്ച്‌ വടിക്കണം. തുടർന്ന്‌ തന്റെ നാസീർവ്ര​ത​കാ​ലത്ത്‌ വളർന്ന ആ മുടി എടുത്ത്‌ അയാൾ സഹഭോ​ജ​ന​ബ​ലി​യു​ടെ അടിയി​ലുള്ള തീയി​ലി​ടണം. 19 അയാൾ തന്റെ നാസീർവ്ര​ത​ത്തി​ന്റെ അടയാളം വടിച്ച​ശേഷം പുരോ​ഹി​തൻ ആൺചെ​മ്മ​രി​യാ​ടി​ന്റെ വേവിച്ച+ ഒരു കൈക്കു​റക്‌, കൊട്ട​യി​ലെ പുളി​പ്പി​ല്ലാത്ത വളയാ​കൃ​തി​യി​ലുള്ള ഒരു അപ്പം, കനം കുറഞ്ഞ്‌ മൊരി​ഞ്ഞി​രി​ക്കുന്ന പുളി​പ്പി​ല്ലാത്ത ഒരു അപ്പം എന്നിവ എടുത്ത്‌ നാസീർവ്ര​ത​സ്ഥന്റെ കൈയിൽ വെക്കണം. 20 പുരോഹിതൻ അവ യഹോ​വ​യു​ടെ മുമ്പാകെ ദോളനയാഗമായി* അങ്ങോ​ട്ടും ഇങ്ങോ​ട്ടും ആട്ടണം.+ അതും ദോള​ന​യാ​ഗ​ത്തി​ന്റെ നെഞ്ചും സംഭാ​വ​ന​യാ​യി ലഭിച്ച​തി​ന്റെ കാലും പുരോ​ഹി​തനു വിശു​ദ്ധ​മാണ്‌.+ അതിനു ശേഷം നാസീർവ്ര​ത​സ്ഥനു വീഞ്ഞു കുടി​ക്കാം.

21 “‘നാസീർവ്ര​ത​സ്ഥർക്കുള്ള നിബന്ധ​ന​കൾക്കു പുറമേ തന്റെ പ്രാപ്‌തി​യ​നു​സ​രിച്ച്‌ മറ്റു ചിലതും​കൂ​ടി യഹോ​വ​യ്‌ക്ക്‌ അർപ്പി​ക്കാം എന്ന്‌ ഒരു നാസീർവ്ര​തസ്ഥൻ നേർന്നാൽ അയാൾ താൻ നേർന്നതു നിറ​വേ​റ്റണം. ഇതാണു നാസീർവ്ര​ത​സ്ഥനെ സംബന്ധിച്ച നിയമം.’”+

22 പിന്നെ യഹോവ മോശ​യോ​ടു പറഞ്ഞു: 23 “അഹരോ​നോ​ടും ആൺമക്ക​ളോ​ടും ഇങ്ങനെ പറയുക: ‘നിങ്ങൾ ഇസ്രാ​യേൽ ജനത്തെ ഇങ്ങനെ അനു​ഗ്ര​ഹി​ക്കണം.+ അവരോ​ട്‌ ഇങ്ങനെ പറയണം:

24 “യഹോവ നിങ്ങളെ അനുഗ്രഹിച്ച്‌+ കാത്തു​പ​രി​പാ​ലി​ക്കട്ടെ.

25 യഹോവ തന്റെ മുഖം നിങ്ങളു​ടെ മേൽ പ്രകാശിപ്പിച്ച്‌+ നിങ്ങ​ളോ​ടു പ്രീതി കാണി​ക്കട്ടെ.

26 യഹോവ തിരു​മു​ഖം ഉയർത്തി നിങ്ങളെ കടാക്ഷി​ച്ച്‌ നിങ്ങൾക്കു സമാധാ​നം നൽകട്ടെ.”’+

27 ഞാൻ ഇസ്രാ​യേൽ ജനത്തെ അനുഗ്രഹിക്കാനായി+ അവർ എന്റെ പേര്‌ അവരുടെ മേൽ വെക്കണം.”+

7 താൻ വിശു​ദ്ധ​കൂ​ടാ​രം സ്ഥാപി​ച്ചു​ക​ഴിഞ്ഞ ദിവസം,+ മോശ അതും അതിന്റെ എല്ലാ സാധന​സാ​മ​ഗ്രി​ക​ളും യാഗപീ​ഠ​വും അതിന്റെ എല്ലാ ഉപകരണങ്ങളും+ അഭി​ഷേകം ചെയ്‌ത്‌+ വിശു​ദ്ധീ​ക​രി​ച്ചു. മോശ അവയെ​ല്ലാം അഭി​ഷേകം ചെയ്‌ത്‌ വിശുദ്ധീകരിച്ചപ്പോൾ+ 2 ഇസ്രായേലിലെ പിതൃ​ഭ​വ​ന​ങ്ങൾക്കു തലവന്മാ​രായ പ്രമാണിമാർ+ ഒരു വഴിപാ​ടു കൊണ്ടു​വന്നു. ജനസം​ഖ്യാ​ക​ണ​ക്കെ​ടു​പ്പി​നു നേതൃ​ത്വം വഹിച്ച ഈ ഗോ​ത്ര​ത്ത​ല​വ​ന്മാർ 3 അവരുടെ വഴിപാ​ടാ​യി, രണ്ടു തലവന്മാർക്ക്‌ ഒന്ന്‌ എന്ന കണക്കിൽ അടച്ചു​കെ​ട്ടിയ ആറു വണ്ടിയും അതോ​ടൊ​പ്പം ഓരോ​രു​ത്തർക്കും ഓരോ​ന്ന്‌ എന്ന കണക്കിൽ 12 കാള​യെ​യും യഹോ​വ​യു​ടെ മുമ്പാകെ കൊണ്ടു​വന്നു. അവർ അതു വിശു​ദ്ധ​കൂ​ടാ​ര​ത്തി​നു മുമ്പാകെ സമർപ്പി​ച്ചു. 4 യഹോവ മോശ​യോ​ടു പറഞ്ഞു: 5 “സാന്നി​ധ്യ​കൂ​ടാ​ര​ത്തി​ലെ ശുശ്രൂ​ഷ​യ്‌ക്കാ​യി അവരിൽനി​ന്ന്‌ അവ സ്വീക​രി​ക്കുക. നീ അതു ലേവ്യർക്ക്‌ അവരുടെ ജോലി​യി​ലെ ആവശ്യ​മ​നു​സ​രിച്ച്‌ വീതിച്ച്‌ കൊടു​ക്കണം.”

6 അങ്ങനെ മോശ, അവർ കൊണ്ടു​വന്ന ആ വണ്ടിക​ളും കന്നുകാ​ലി​ക​ളും ലേവ്യർക്കു കൊടു​ത്തു. 7 മോശ ഗർശോ​ന്റെ വംശജർക്ക്‌ അവരുടെ ജോലിയിലെ+ ആവശ്യ​മ​നു​സ​രിച്ച്‌ രണ്ടു വണ്ടിയും നാലു കാളയും 8 മെരാരിയുടെ വംശജർക്ക്‌ അവരുടെ ജോലി​യി​ലെ ആവശ്യ​മ​നു​സ​രിച്ച്‌ നാലു വണ്ടിയും എട്ടു കാളയും കൊടു​ത്തു. ഇവയു​ടെ​യെ​ല്ലാം ചുമതല പുരോ​ഹി​ത​നായ അഹരോ​ന്റെ മകൻ ഈഥാ​മാ​രി​നാ​യി​രു​ന്നു.+ 9 എന്നാൽ, വിശു​ദ്ധ​സ്ഥ​ലത്ത്‌ സേവിച്ചിരുന്നതിനാലും+ വിശു​ദ്ധ​വ​സ്‌തു​ക്കൾ ചുമലിൽവെച്ച്‌+ കൊണ്ടു​പോ​യി​രു​ന്ന​തി​നാ​ലും കൊഹാ​ത്തി​ന്റെ വംശജർക്കു മോശ ഒന്നും കൊടു​ത്തില്ല.

10 യാഗപീഠത്തിന്റെ ഉദ്‌ഘാടനസമയത്ത്‌*+ അത്‌ അഭി​ഷേകം ചെയ്‌ത ദിവസം തലവന്മാർ അവരുടെ വഴിപാ​ടു കൊണ്ടു​വന്നു. അവർ തങ്ങളുടെ വഴിപാ​ടു യാഗപീ​ഠ​ത്തി​നു മുമ്പാകെ കൊണ്ടു​വ​ന്ന​പ്പോൾ 11 യഹോവ മോശ​യോ​ടു പറഞ്ഞു: “യാഗപീ​ഠ​ത്തി​ന്റെ ഉദ്‌ഘാ​ട​ന​ത്തി​നു​വേ​ണ്ടി​യുള്ള അവരുടെ വഴിപാ​ട്‌, ഒരു ദിവസം ഒരു തലവൻ എന്ന നിലയിൽ തുടർച്ച​യായ ദിവസ​ങ്ങ​ളിൽ അവർ കൊണ്ടു​വ​രണം.”

12 യഹൂദ ഗോ​ത്ര​ത്തി​ലുള്ള അമ്മീനാ​ദാ​ബി​ന്റെ മകൻ നഹശോനാണ്‌+ ആദ്യത്തെ ദിവസം വഴിപാ​ടു സമർപ്പി​ച്ചത്‌. 13 നഹശോന്റെ വഴിപാ​ട്‌ ഇതായി​രു​ന്നു: വിശു​ദ്ധ​സ്ഥ​ലത്തെ ശേക്കെലിന്റെ* തൂക്കപ്രകാരം+ 130 ശേക്കെൽ* തൂക്കമുള്ള ഒരു വെള്ളി​ത്ത​ളി​ക​യും 70 ശേക്കെൽ തൂക്കമുള്ള ഒരു വെള്ളി​പ്പാ​ത്ര​വും. അതിൽ രണ്ടിലും ധാന്യ​യാ​ഗ​ത്തി​നാ​യി എണ്ണ ചേർത്ത, നേർത്ത ധാന്യ​പ്പൊ​ടി നിറച്ചി​രു​ന്നു.+ 14 കൂടാതെ സുഗന്ധ​ക്കൂ​ട്ടു നിറച്ച, പത്തു ശേക്കെൽ തൂക്കമുള്ള ഒരു സ്വർണ​പാ​ന​പാ​ത്രം;* 15 ദഹനയാഗത്തിനായി+ ഒരു കാളക്കു​ട്ടി, ഒരു ആൺചെ​മ്മ​രി​യാട്‌, ഒരു വയസ്സു തികയാത്ത ഒരു ആൺചെ​മ്മ​രി​യാട്‌; 16 പാപയാഗത്തിനായി ഒരു കോലാ​ട്ടിൻകു​ട്ടി;+ 17 സഹഭോജനബലിക്കായി+ രണ്ടു കാള, അഞ്ച്‌ ആൺചെ​മ്മ​രി​യാട്‌, അഞ്ച്‌ ആൺകോ​ലാട്‌, ഒരു വയസ്സുള്ള അഞ്ച്‌ ആൺചെ​മ്മ​രി​യാട്‌. ഇതായി​രു​ന്നു അമ്മീനാ​ദാ​ബി​ന്റെ മകനായ നഹശോ​ന്റെ വഴിപാ​ട്‌.+

18 രണ്ടാം ദിവസം യിസ്സാ​ഖാർ ഗോ​ത്ര​ത്തി​ന്റെ തലവനായ, സൂവാ​രി​ന്റെ മകൻ നെഥനയേൽ+ ഒരു വഴിപാ​ടു സമർപ്പി​ച്ചു. 19 നെഥനയേലിന്റെ വഴിപാ​ട്‌ ഇതായി​രു​ന്നു: വിശു​ദ്ധ​സ്ഥ​ലത്തെ ശേക്കെ​ലി​ന്റെ തൂക്കപ്രകാരം+ 130 ശേക്കെൽ തൂക്കമുള്ള ഒരു വെള്ളി​ത്ത​ളി​ക​യും 70 ശേക്കെൽ തൂക്കമുള്ള ഒരു വെള്ളി​പ്പാ​ത്ര​വും. അതിൽ രണ്ടിലും ധാന്യ​യാ​ഗ​ത്തി​നാ​യി എണ്ണ ചേർത്ത, നേർത്ത ധാന്യ​പ്പൊ​ടി നിറച്ചി​രു​ന്നു.+ 20 കൂടാതെ സുഗന്ധ​ക്കൂ​ട്ടു നിറച്ച, പത്തു ശേക്കെൽ തൂക്കമുള്ള ഒരു സ്വർണ​പാ​ന​പാ​ത്രം; 21 ദഹനയാഗത്തിനായി ഒരു കാളക്കു​ട്ടി, ഒരു ആൺചെ​മ്മ​രി​യാട്‌, ഒരു വയസ്സു തികയാത്ത ഒരു ആൺചെ​മ്മ​രി​യാട്‌;+ 22 പാപയാഗത്തിനായി ഒരു കോലാ​ട്ടിൻകു​ട്ടി;+ 23 സഹഭോജനബലിക്കായി+ രണ്ടു കാള, അഞ്ച്‌ ആൺചെ​മ്മ​രി​യാട്‌, അഞ്ച്‌ ആൺകോ​ലാട്‌, ഒരു വയസ്സുള്ള അഞ്ച്‌ ആൺചെ​മ്മ​രി​യാട്‌. ഇതായി​രു​ന്നു സൂവാ​രി​ന്റെ മകനായ നെഥന​യേ​ലി​ന്റെ വഴിപാ​ട്‌.

24 മൂന്നാം ദിവസം സെബു​ലൂ​ന്റെ വംശജ​രു​ടെ തലവനായ, ഹേലോ​ന്റെ മകൻ എലിയാബ്‌+ 25 വഴിപാടായി സമർപ്പി​ച്ചത്‌: വിശു​ദ്ധ​സ്ഥ​ലത്തെ ശേക്കെ​ലി​ന്റെ തൂക്കപ്രകാരം+ 130 ശേക്കെൽ തൂക്കമുള്ള ഒരു വെള്ളി​ത്ത​ളി​ക​യും 70 ശേക്കെൽ തൂക്കമുള്ള ഒരു വെള്ളി​പ്പാ​ത്ര​വും. അതിൽ രണ്ടിലും ധാന്യ​യാ​ഗ​ത്തി​നാ​യി എണ്ണ ചേർത്ത, നേർത്ത ധാന്യ​പ്പൊ​ടി നിറച്ചി​രു​ന്നു.+ 26 കൂടാതെ സുഗന്ധ​ക്കൂ​ട്ടു നിറച്ച, പത്തു ശേക്കെൽ തൂക്കമുള്ള ഒരു സ്വർണ​പാ​ന​പാ​ത്രം; 27 ദഹനയാഗത്തിനായി ഒരു കാളക്കു​ട്ടി, ഒരു ആൺചെ​മ്മ​രി​യാട്‌, ഒരു വയസ്സു തികയാത്ത ഒരു ആൺചെ​മ്മ​രി​യാട്‌;+ 28 പാപയാഗത്തിനായി ഒരു കോലാ​ട്ടിൻകു​ട്ടി;+ 29 സഹഭോജനബലിക്കായി+ രണ്ടു കാള, അഞ്ച്‌ ആൺചെ​മ്മ​രി​യാട്‌, അഞ്ച്‌ ആൺകോ​ലാട്‌, ഒരു വയസ്സുള്ള അഞ്ച്‌ ആൺചെ​മ്മ​രി​യാട്‌. ഇതായി​രു​ന്നു ഹേലോ​ന്റെ മകനായ എലിയാബിന്റെ+ വഴിപാ​ട്‌.

30 നാലാം ദിവസം രൂബേന്റെ വംശജ​രു​ടെ തലവനായ, ശെദേ​യൂ​രി​ന്റെ മകൻ എലീസൂർ+ 31 വഴിപാടായി സമർപ്പി​ച്ചത്‌: വിശു​ദ്ധ​സ്ഥ​ലത്തെ ശേക്കെ​ലി​ന്റെ തൂക്കപ്രകാരം+ 130 ശേക്കെൽ തൂക്കമുള്ള ഒരു വെള്ളി​ത്ത​ളി​ക​യും 70 ശേക്കെൽ തൂക്കമുള്ള ഒരു വെള്ളി​പ്പാ​ത്ര​വും. അതിൽ രണ്ടിലും ധാന്യ​യാ​ഗ​ത്തി​നാ​യി എണ്ണ ചേർത്ത, നേർത്ത ധാന്യ​പ്പൊ​ടി നിറച്ചി​രു​ന്നു.+ 32 കൂടാതെ സുഗന്ധ​ക്കൂ​ട്ടു നിറച്ച, പത്തു ശേക്കെൽ തൂക്കമുള്ള ഒരു സ്വർണ​പാ​ന​പാ​ത്രം; 33 ദഹനയാഗത്തിനായി ഒരു കാളക്കു​ട്ടി, ഒരു ആൺചെ​മ്മ​രി​യാട്‌, ഒരു വയസ്സു തികയാത്ത ഒരു ആൺചെ​മ്മ​രി​യാട്‌;+ 34 പാപയാഗത്തിനായി ഒരു കോലാ​ട്ടിൻകു​ട്ടി;+ 35 സഹഭോജനബലിക്കായി+ രണ്ടു കാള, അഞ്ച്‌ ആൺചെ​മ്മ​രി​യാട്‌, അഞ്ച്‌ ആൺകോ​ലാട്‌, ഒരു വയസ്സുള്ള അഞ്ച്‌ ആൺചെ​മ്മ​രി​യാട്‌. ഇതായി​രു​ന്നു ശെദേ​യൂ​രി​ന്റെ മകനായ എലീസൂരിന്റെ+ വഴിപാ​ട്‌.

36 അഞ്ചാം ദിവസം ശിമെ​യോ​ന്റെ വംശജ​രു​ടെ തലവനായ, സൂരി​ശ​ദ്ദാ​യി​യു​ടെ മകൻ ശെലൂമിയേൽ+ 37 വഴിപാടായി സമർപ്പി​ച്ചത്‌: വിശു​ദ്ധ​സ്ഥ​ലത്തെ ശേക്കെ​ലി​ന്റെ തൂക്കപ്രകാരം+ 130 ശേക്കെൽ തൂക്കമുള്ള ഒരു വെള്ളി​ത്ത​ളി​ക​യും 70 ശേക്കെൽ തൂക്കമുള്ള ഒരു വെള്ളി​പ്പാ​ത്ര​വും. അതിൽ രണ്ടിലും ധാന്യ​യാ​ഗ​ത്തി​നാ​യി എണ്ണ ചേർത്ത, നേർത്ത ധാന്യ​പ്പൊ​ടി നിറച്ചി​രു​ന്നു.+ 38 കൂടാതെ സുഗന്ധ​ക്കൂ​ട്ടു നിറച്ച, പത്തു ശേക്കെൽ തൂക്കമുള്ള ഒരു സ്വർണ​പാ​ന​പാ​ത്രം; 39 ദഹനയാഗത്തിനായി ഒരു കാളക്കു​ട്ടി, ഒരു ആൺചെ​മ്മ​രി​യാട്‌, ഒരു വയസ്സു തികയാത്ത ഒരു ആൺചെ​മ്മ​രി​യാട്‌;+ 40 പാപയാഗത്തിനായി ഒരു കോലാ​ട്ടിൻകു​ട്ടി;+ 41 സഹഭോജനബലിക്കായി+ രണ്ടു കാള, അഞ്ച്‌ ആൺചെ​മ്മ​രി​യാട്‌, അഞ്ച്‌ ആൺകോ​ലാട്‌, ഒരു വയസ്സുള്ള അഞ്ച്‌ ആൺചെ​മ്മ​രി​യാട്‌. ഇതായി​രു​ന്നു സൂരി​ശ​ദ്ദാ​യി​യു​ടെ മകനായ ശെലൂമിയേലിന്റെ+ വഴിപാ​ട്‌.

42 ആറാം ദിവസം ഗാദിന്റെ വംശജ​രു​ടെ തലവനായ, ദയൂ​വേ​ലി​ന്റെ മകൻ എലിയാസാഫ്‌+ 43 വഴിപാടായി സമർപ്പി​ച്ചത്‌: വിശു​ദ്ധ​സ്ഥ​ലത്തെ ശേക്കെ​ലി​ന്റെ തൂക്കപ്രകാരം+ 130 ശേക്കെൽ തൂക്കമുള്ള ഒരു വെള്ളി​ത്ത​ളി​ക​യും 70 ശേക്കെൽ തൂക്കമുള്ള ഒരു വെള്ളി​പ്പാ​ത്ര​വും. അതിൽ രണ്ടിലും ധാന്യ​യാ​ഗ​ത്തി​നാ​യി എണ്ണ ചേർത്ത, നേർത്ത ധാന്യ​പ്പൊ​ടി നിറച്ചി​രു​ന്നു.+ 44 കൂടാതെ സുഗന്ധ​ക്കൂ​ട്ടു നിറച്ച, പത്തു ശേക്കെൽ തൂക്കമുള്ള ഒരു സ്വർണ​പാ​ന​പാ​ത്രം; 45 ദഹനയാഗത്തിനായി ഒരു കാളക്കു​ട്ടി, ഒരു ആൺചെ​മ്മ​രി​യാട്‌, ഒരു വയസ്സു തികയാത്ത ഒരു ആൺചെ​മ്മ​രി​യാട്‌;+ 46 പാപയാഗത്തിനായി ഒരു കോലാ​ട്ടിൻകു​ട്ടി;+ 47 സഹഭോജനബലിക്കായി+ രണ്ടു കാള, അഞ്ച്‌ ആൺചെ​മ്മ​രി​യാട്‌, അഞ്ച്‌ ആൺകോ​ലാട്‌, ഒരു വയസ്സുള്ള അഞ്ച്‌ ആൺചെ​മ്മ​രി​യാട്‌. ഇതായി​രു​ന്നു ദയൂ​വേ​ലി​ന്റെ മകനായ എലിയാസാഫിന്റെ+ വഴിപാ​ട്‌.

48 ഏഴാം ദിവസം എഫ്രയീ​മി​ന്റെ വംശജ​രു​ടെ തലവനായ, അമ്മീഹൂ​ദി​ന്റെ മകൻ എലീശാമ+ 49 വഴിപാടായി സമർപ്പി​ച്ചത്‌: വിശു​ദ്ധ​സ്ഥ​ലത്തെ ശേക്കെ​ലി​ന്റെ തൂക്കപ്രകാരം+ 130 ശേക്കെൽ തൂക്കമുള്ള ഒരു വെള്ളി​ത്ത​ളി​ക​യും 70 ശേക്കെൽ തൂക്കമുള്ള ഒരു വെള്ളി​പ്പാ​ത്ര​വും. അതിൽ രണ്ടിലും ധാന്യ​യാ​ഗ​ത്തി​നാ​യി എണ്ണ ചേർത്ത, നേർത്ത ധാന്യ​പ്പൊ​ടി നിറച്ചി​രു​ന്നു.+ 50 കൂടാതെ സുഗന്ധ​ക്കൂ​ട്ടു നിറച്ച, പത്തു ശേക്കെൽ തൂക്കമുള്ള ഒരു സ്വർണ​പാ​ന​പാ​ത്രം; 51 ദഹനയാഗത്തിനായി ഒരു കാളക്കു​ട്ടി, ഒരു ആൺചെ​മ്മ​രി​യാട്‌, ഒരു വയസ്സു തികയാത്ത ഒരു ആൺചെ​മ്മ​രി​യാട്‌;+ 52 പാപയാഗത്തിനായി ഒരു കോലാ​ട്ടിൻകു​ട്ടി;+ 53 സഹഭോജനബലിക്കായി+ രണ്ടു കാള, അഞ്ച്‌ ആൺചെ​മ്മ​രി​യാട്‌, അഞ്ച്‌ ആൺകോ​ലാട്‌, ഒരു വയസ്സുള്ള അഞ്ച്‌ ആൺചെ​മ്മ​രി​യാട്‌. ഇതായി​രു​ന്നു അമ്മീഹൂ​ദി​ന്റെ മകനായ എലീശാമയുടെ+ വഴിപാ​ട്‌.

54 എട്ടാം ദിവസം മനശ്ശെ​യു​ടെ വംശജ​രു​ടെ തലവനായ, പെദാ​സൂ​രി​ന്റെ മകൻ ഗമാലിയേൽ+ 55 വഴിപാടായി സമർപ്പി​ച്ചത്‌: വിശു​ദ്ധ​സ്ഥ​ലത്തെ ശേക്കെ​ലി​ന്റെ തൂക്കപ്രകാരം+ 130 ശേക്കെൽ തൂക്കമുള്ള ഒരു വെള്ളി​ത്ത​ളി​ക​യും 70 ശേക്കെൽ തൂക്കമുള്ള ഒരു വെള്ളി​പ്പാ​ത്ര​വും. അതിൽ രണ്ടിലും ധാന്യ​യാ​ഗ​ത്തി​നാ​യി എണ്ണ ചേർത്ത, നേർത്ത ധാന്യ​പ്പൊ​ടി നിറച്ചി​രു​ന്നു.+ 56 കൂടാതെ സുഗന്ധ​ക്കൂ​ട്ടു നിറച്ച, പത്തു ശേക്കെൽ തൂക്കമുള്ള ഒരു സ്വർണ​പാ​ന​പാ​ത്രം; 57 ദഹനയാഗത്തിനായി ഒരു കാളക്കു​ട്ടി, ഒരു ആൺചെ​മ്മ​രി​യാട്‌, ഒരു വയസ്സു തികയാത്ത ഒരു ആൺചെ​മ്മ​രി​യാട്‌;+ 58 പാപയാഗത്തിനായി ഒരു കോലാ​ട്ടിൻകു​ട്ടി;+ 59 സഹഭോജനബലിക്കായി+ രണ്ടു കാള, അഞ്ച്‌ ആൺചെ​മ്മ​രി​യാട്‌, അഞ്ച്‌ ആൺകോ​ലാട്‌, ഒരു വയസ്സുള്ള അഞ്ച്‌ ആൺചെ​മ്മ​രി​യാട്‌. ഇതായി​രു​ന്നു പെദാ​സൂ​രി​ന്റെ മകനായ ഗമാലിയേലിന്റെ+ വഴിപാ​ട്‌.

60 ഒൻപതാം ദിവസം ബന്യാ​മീ​ന്റെ വംശജ​രു​ടെ തലവനായ,+ ഗിദെ​യോ​നി​യു​ടെ മകൻ അബീദാൻ+ 61 വഴിപാടായി സമർപ്പി​ച്ചത്‌: വിശു​ദ്ധ​സ്ഥ​ലത്തെ ശേക്കെ​ലി​ന്റെ തൂക്കപ്രകാരം+ 130 ശേക്കെൽ തൂക്കമുള്ള ഒരു വെള്ളി​ത്ത​ളി​ക​യും 70 ശേക്കെൽ തൂക്കമുള്ള ഒരു വെള്ളി​പ്പാ​ത്ര​വും. അതിൽ രണ്ടിലും ധാന്യ​യാ​ഗ​ത്തി​നാ​യി എണ്ണ ചേർത്ത, നേർത്ത ധാന്യ​പ്പൊ​ടി നിറച്ചി​രു​ന്നു.+ 62 കൂടാതെ സുഗന്ധ​ക്കൂ​ട്ടു നിറച്ച, പത്തു ശേക്കെൽ തൂക്കമുള്ള ഒരു സ്വർണ​പാ​ന​പാ​ത്രം; 63 ദഹനയാഗത്തിനായി ഒരു കാളക്കു​ട്ടി, ഒരു ആൺചെ​മ്മ​രി​യാട്‌, ഒരു വയസ്സു തികയാത്ത ഒരു ആൺചെ​മ്മ​രി​യാട്‌;+ 64 പാപയാഗത്തിനായി ഒരു കോലാ​ട്ടിൻകു​ട്ടി;+ 65 സഹഭോജനബലിക്കായി+ രണ്ടു കാള, അഞ്ച്‌ ആൺചെ​മ്മ​രി​യാട്‌, അഞ്ച്‌ ആൺകോ​ലാട്‌, ഒരു വയസ്സുള്ള അഞ്ച്‌ ആൺചെ​മ്മ​രി​യാട്‌. ഇതായി​രു​ന്നു ഗിദെ​യോ​നി​യു​ടെ മകനായ അബീദാന്റെ+ വഴിപാ​ട്‌.

66 പത്താം ദിവസം ദാന്റെ വംശജ​രു​ടെ തലവനായ, അമ്മീശ​ദ്ദാ​യി​യു​ടെ മകൻ അഹിയേസെർ+ 67 വഴിപാടായി സമർപ്പി​ച്ചത്‌: വിശു​ദ്ധ​സ്ഥ​ലത്തെ ശേക്കെ​ലി​ന്റെ തൂക്കപ്രകാരം+ 130 ശേക്കെൽ തൂക്കമുള്ള ഒരു വെള്ളി​ത്ത​ളി​ക​യും 70 ശേക്കെൽ തൂക്കമുള്ള ഒരു വെള്ളി​പ്പാ​ത്ര​വും. അതിൽ രണ്ടിലും ധാന്യ​യാ​ഗ​ത്തി​നാ​യി എണ്ണ ചേർത്ത, നേർത്ത ധാന്യ​പ്പൊ​ടി നിറച്ചി​രു​ന്നു.+ 68 കൂടാതെ സുഗന്ധ​ക്കൂ​ട്ടു നിറച്ച, പത്തു ശേക്കെൽ തൂക്കമുള്ള ഒരു സ്വർണ​പാ​ന​പാ​ത്രം; 69 ദഹനയാഗത്തിനായി ഒരു കാളക്കു​ട്ടി, ഒരു ആൺചെ​മ്മ​രി​യാട്‌, ഒരു വയസ്സു തികയാത്ത ഒരു ആൺചെ​മ്മ​രി​യാട്‌;+ 70 പാപയാഗത്തിനായി ഒരു കോലാ​ട്ടിൻകു​ട്ടി;+ 71 സഹഭോജനബലിക്കായി+ രണ്ടു കാള, അഞ്ച്‌ ആൺചെ​മ്മ​രി​യാട്‌, അഞ്ച്‌ ആൺകോ​ലാട്‌, ഒരു വയസ്സുള്ള അഞ്ച്‌ ആൺചെ​മ്മ​രി​യാട്‌. ഇതായി​രു​ന്നു അമ്മീശ​ദ്ദാ​യി​യു​ടെ മകനായ അഹിയേസെരിന്റെ+ വഴിപാ​ട്‌.

72 11-ാം ദിവസം ആശേരി​ന്റെ വംശജ​രു​ടെ തലവനായ, ഒക്രാന്റെ മകൻ പഗീയേൽ+ 73 വഴിപാടായി സമർപ്പി​ച്ചത്‌: വിശു​ദ്ധ​സ്ഥ​ലത്തെ ശേക്കെ​ലി​ന്റെ തൂക്കപ്രകാരം+ 130 ശേക്കെൽ തൂക്കമുള്ള ഒരു വെള്ളി​ത്ത​ളി​ക​യും 70 ശേക്കെൽ തൂക്കമുള്ള ഒരു വെള്ളി​പ്പാ​ത്ര​വും. അതിൽ രണ്ടിലും ധാന്യ​യാ​ഗ​ത്തി​നാ​യി എണ്ണ ചേർത്ത, നേർത്ത ധാന്യ​പ്പൊ​ടി നിറച്ചി​രു​ന്നു.+ 74 കൂടാതെ സുഗന്ധ​ക്കൂ​ട്ടു നിറച്ച, പത്തു ശേക്കെൽ തൂക്കമുള്ള ഒരു സ്വർണ​പാ​ന​പാ​ത്രം; 75 ദഹനയാഗത്തിനായി ഒരു കാളക്കു​ട്ടി, ഒരു ആൺചെ​മ്മ​രി​യാട്‌, ഒരു വയസ്സു തികയാത്ത ഒരു ആൺചെ​മ്മ​രി​യാട്‌;+ 76 പാപയാഗത്തിനായി ഒരു കോലാ​ട്ടിൻകു​ട്ടി;+ 77 സഹഭോജനബലിക്കായി+ രണ്ടു കാള, അഞ്ച്‌ ആൺചെ​മ്മ​രി​യാട്‌, അഞ്ച്‌ ആൺകോ​ലാട്‌, ഒരു വയസ്സുള്ള അഞ്ച്‌ ആൺചെ​മ്മ​രി​യാട്‌. ഇതായി​രു​ന്നു ഒക്രാന്റെ മകനായ പഗീയേലിന്റെ+ വഴിപാ​ട്‌.

78 12-ാം ദിവസം നഫ്‌താ​ലി​യു​ടെ വംശജ​രു​ടെ തലവനായ, എനാന്റെ മകൻ അഹീര+ 79 വഴിപാടായി സമർപ്പി​ച്ചത്‌: വിശു​ദ്ധ​സ്ഥ​ലത്തെ ശേക്കെ​ലി​ന്റെ തൂക്കപ്രകാരം+ 130 ശേക്കെൽ തൂക്കമുള്ള ഒരു വെള്ളി​ത്ത​ളി​ക​യും 70 ശേക്കെൽ തൂക്കമുള്ള ഒരു വെള്ളി​പ്പാ​ത്ര​വും. അതിൽ രണ്ടിലും ധാന്യ​യാ​ഗ​ത്തി​നാ​യി എണ്ണ ചേർത്ത, നേർത്ത ധാന്യ​പ്പൊ​ടി നിറച്ചി​രു​ന്നു.+ 80 കൂടാതെ സുഗന്ധ​ക്കൂ​ട്ടു നിറച്ച, പത്തു ശേക്കെൽ തൂക്കമുള്ള ഒരു സ്വർണ​പാ​ന​പാ​ത്രം; 81 ദഹനയാഗത്തിനായി ഒരു കാളക്കു​ട്ടി, ഒരു ആൺചെ​മ്മ​രി​യാട്‌, ഒരു വയസ്സു തികയാത്ത ഒരു ആൺചെ​മ്മ​രി​യാട്‌;+ 82 പാപയാഗത്തിനായി ഒരു കോലാ​ട്ടിൻകു​ട്ടി;+ 83 സഹഭോജനബലിക്കായി+ രണ്ടു കാള, അഞ്ച്‌ ആൺചെ​മ്മ​രി​യാട്‌, അഞ്ച്‌ ആൺകോ​ലാട്‌, ഒരു വയസ്സുള്ള അഞ്ച്‌ ആൺചെ​മ്മ​രി​യാട്‌. ഇതായി​രു​ന്നു എനാന്റെ മകനായ അഹീരയുടെ+ വഴിപാ​ട്‌.

84 യാഗപീഠം അഭി​ഷേകം ചെയ്‌ത​പ്പോൾ, അതിന്റെ ഉദ്‌ഘാ​ട​ന​സ​മ​യത്ത്‌, ഇസ്രാ​യേ​ലി​ലെ തലവന്മാ​രിൽനിന്ന്‌ ലഭിച്ച വഴിപാട്‌+ ഇതാണ്‌: 12 വെള്ളി​ത്ത​ളിക, 12 വെള്ളി​ക്കി​ണ്ണം, 12 സ്വർണ​പാ​ന​പാ​ത്രം.+ 85 അതിൽ ഓരോ വെള്ളി​ത്ത​ളി​ക​യു​ടെ​യും തൂക്കം 130 ശേക്കെ​ലും ഓരോ വെള്ളി​പ്പാ​ത്ര​ത്തി​ന്റെ​യും തൂക്കം 70 ശേക്കെ​ലും ആയിരു​ന്നു. അങ്ങനെ, വെള്ളി​കൊ​ണ്ടുള്ള പാത്ര​ങ്ങ​ളു​ടെ ആകെ തൂക്കം വിശു​ദ്ധ​സ്ഥ​ലത്തെ ശേക്കെ​ലി​ന്റെ തൂക്കപ്രകാരം+ 2,400 ശേക്കെൽ. 86 സുഗന്ധക്കൂട്ടു നിറച്ച 12 സ്വർണ​പാ​ന​പാ​ത്ര​വും വിശു​ദ്ധ​സ്ഥ​ലത്തെ ശേക്കെ​ലി​ന്റെ തൂക്ക​പ്ര​കാ​രം പത്തു ശേക്കെൽ വീതം തൂക്കമു​ള്ള​താ​യി​രു​ന്നു. അങ്ങനെ സ്വർണ​പാ​ന​പാ​ത്ര​ങ്ങ​ളു​ടെ തൂക്കം ആകെ 120 ശേക്കെൽ. 87 ദഹനയാഗത്തിനായി ലഭിച്ച ആടുമാ​ടു​കൾ: 12 കാള, 12 ആൺചെ​മ്മ​രി​യാട്‌, ഒരു വയസ്സുള്ള 12 ആൺചെ​മ്മ​രി​യാ​ടു​ക​ളും അവയുടെ ധാന്യ​യാ​ഗ​ങ്ങ​ളും. പാപയാ​ഗ​ത്തി​നാ​യി ലഭിച്ചത്‌ 12 കോലാ​ട്ടിൻകു​ട്ടി​കൾ. 88 സഹഭോജനബലിയായി ലഭിച്ച ആടുമാ​ടു​കൾ: 24 കാള, 60 ആൺചെ​മ്മ​രി​യാട്‌, 60 ആൺകോ​ലാട്‌, ഒരു വയസ്സുള്ള 60 ആൺചെ​മ്മ​രി​യാട്‌. ഇതെല്ലാ​മാ​ണു യാഗപീ​ഠം അഭി​ഷേകം ചെയ്‌തശേഷം+ അതിന്റെ ഉദ്‌ഘാ​ട​ന​ത്തി​നാ​യി ലഭിച്ച വഴിപാ​ട്‌.+

89 ദൈവത്തോടു* സംസാ​രി​ക്കാൻ മോശ സാന്നി​ധ്യ​കൂ​ടാ​ര​ത്തിൽ ചെല്ലുമ്പോഴെല്ലാം+ തന്നോടു സംസാ​രി​ക്കുന്ന തിരു​ശബ്ദം സാക്ഷ്യ​പെ​ട്ട​ക​ത്തി​ന്റെ മൂടി​യു​ടെ മുകളിൽനി​ന്ന്‌,+ രണ്ടു കെരൂ​ബു​ക​ളു​ടെ നടുവിൽനി​ന്ന്‌,+ വരുന്ന​താ​യാ​ണു മോശ കേട്ടി​രു​ന്നത്‌. അവി​ടെ​നിന്ന്‌ ദൈവം മോശ​യോ​ടു സംസാ​രി​ക്കു​മാ​യി​രു​ന്നു.

8 യഹോവ മോശ​യോ​ടു പറഞ്ഞു: 2 “നീ അഹരോ​നോട്‌ ഇങ്ങനെ പറയണം: ‘നീ ദീപങ്ങൾ കത്തിക്കു​മ്പോൾ തണ്ടുവി​ള​ക്കി​ന്റെ മുൻവ​ശത്ത്‌ വെളിച്ചം കിട്ടുന്ന വിധത്തി​ലാ​യി​രി​ക്കണം അതിന്റെ ഏഴു ദീപങ്ങ​ളും.’”+ 3 അഹരോൻ അതു​പോ​ലെ​തന്നെ ചെയ്‌തു. യഹോവ മോശ​യോ​ടു കല്‌പി​ച്ച​തു​പോ​ലെ​തന്നെ, തണ്ടുവി​ള​ക്കി​ന്റെ മുൻവ​ശത്ത്‌ വെളിച്ചം കിട്ടുന്ന വിധത്തിൽ+ അഹരോൻ അതിന്റെ ദീപങ്ങൾ കത്തിച്ചു. 4 തണ്ടുവിളക്കു നിർമി​ച്ചത്‌ ഇങ്ങനെ​യാ​യി​രു​ന്നു: സ്വർണം അടിച്ചു​പ​ര​ത്തി​യാണ്‌ അത്‌ ഉണ്ടാക്കി​യത്‌. അതിന്റെ തണ്ടുമു​തൽ പൂക്കൾവരെ എല്ലാം ചുറ്റി​ക​കൊണ്ട്‌ അടിച്ചു​ണ്ടാ​ക്കി​യ​താ​യി​രു​ന്നു.+ യഹോവ മോശ​യ്‌ക്കു നൽകിയ ദർശന​മ​നു​സ​രി​ച്ചാ​ണു തണ്ടുവി​ളക്കു പണിതത്‌.+

5 യഹോവ വീണ്ടും മോശ​യോ​ടു പറഞ്ഞു: 6 “ഇസ്രാ​യേ​ല്യ​രു​ടെ ഇടയിൽനി​ന്ന്‌ ലേവ്യരെ വേർതി​രിച്ച്‌ അവരെ ശുദ്ധീ​ക​രി​ക്കുക.+ 7 അവരെ ശുദ്ധീ​ക​രി​ക്കേ​ണ്ടത്‌ ഇങ്ങനെ​യാണ്‌: പാപശു​ദ്ധി വരുത്തുന്ന വെള്ളം അവരുടെ മേൽ തളിക്കണം. അവർ തങ്ങളുടെ ശരീരം മുഴുവൻ ഒരു ക്ഷൗരക്ക​ത്തി​കൊണ്ട്‌ വടിക്കു​ക​യും വസ്‌ത്രം അലക്കു​ക​യും തങ്ങളെ​ത്തന്നെ ശുദ്ധീ​ക​രി​ക്കു​ക​യും വേണം.+ 8 പിന്നെ അവർ ഒരു കാളക്കുട്ടിയെയും+ അതി​നോ​ടൊ​പ്പം അതിന്റെ ധാന്യയാഗമായി+ എണ്ണ ചേർത്ത, നേർത്ത ധാന്യ​പ്പൊ​ടി​യും എടുക്കണം. പാപയാ​ഗ​ത്തി​നാ​യി നീ മറ്റൊരു കാളക്കു​ട്ടി​യെ എടുക്കണം.+ 9 നീ ലേവ്യരെ സാന്നി​ധ്യ​കൂ​ടാ​ര​ത്തി​നു മുമ്പാകെ നിറു​ത്തു​ക​യും ഇസ്രാ​യേൽസ​മൂ​ഹത്തെ മുഴുവൻ കൂട്ടി​വ​രു​ത്തു​ക​യും വേണം.+ 10 നീ ലേവ്യരെ യഹോ​വ​യു​ടെ മുമ്പാകെ നിറു​ത്തു​മ്പോൾ ഇസ്രാ​യേ​ല്യർ തങ്ങളുടെ കൈകൾ ലേവ്യ​രു​ടെ മേൽ വെക്കണം.+ 11 തുടർന്ന്‌ അഹരോൻ ലേവ്യരെ ഇസ്രാ​യേ​ല്യ​രിൽനിന്ന്‌ യഹോ​വ​യു​ടെ മുമ്പാകെ ഒരു ദോളനയാഗമായി*+ അർപ്പി​ക്കണം;* അവർ യഹോ​വ​യ്‌ക്കു ശുശ്രൂഷ ചെയ്യട്ടെ.+

12 “പിന്നെ ലേവ്യർ കാളക​ളു​ടെ തലയിൽ കൈകൾ വെച്ചിട്ട്‌+ ഒന്നിനെ പാപയാ​ഗ​മാ​യും മറ്റേതി​നെ ദഹനയാ​ഗ​മാ​യും യഹോ​വ​യ്‌ക്ക്‌ അർപ്പി​ച്ചു​കൊണ്ട്‌ തങ്ങൾക്കു പാപപ​രി​ഹാ​രം വരുത്തണം.+ 13 ലേവ്യരെ നീ അഹരോ​ന്റെ​യും ആൺമക്ക​ളു​ടെ​യും മുമ്പാകെ നിറു​ത്തി​യിട്ട്‌ അവരെ യഹോ​വ​യ്‌ക്ക്‌ ഒരു ദോള​ന​യാ​ഗ​മാ​യി അർപ്പി​ക്കണം. 14 ലേവ്യരെ നീ ഇസ്രാ​യേ​ല്യ​രു​ടെ ഇടയിൽനി​ന്ന്‌ വേർതി​രി​ക്കണം; ലേവ്യർ എന്റേതാ​കും.+ 15 അതിനു ശേഷം സാന്നി​ധ്യ​കൂ​ടാ​ര​ത്തിൽ ശുശ്രൂഷ ചെയ്യാ​നാ​യി ലേവ്യർ അകത്ത്‌ വരണം. ഇങ്ങനെ​യെ​ല്ലാ​മാ​ണു നീ അവരെ ശുദ്ധീ​ക​രി​ക്കേ​ണ്ട​തും ഒരു ദോള​ന​യാ​ഗ​മാ​യി അർപ്പി​ക്കേ​ണ്ട​തും. 16 കാരണം അവർ ഇസ്രാ​യേ​ല്യ​രിൽനിന്ന്‌ എനിക്കു സമ്മാന​മാ​യി ലഭിച്ച​വ​രാണ്‌. ഇസ്രാ​യേ​ല്യ​രു​ടെ മൂത്ത ആൺമക്കൾക്കെല്ലാം+ പകരം എനിക്കു​വേണ്ടി ഞാൻ അവരെ എടുക്കും. 17 ഇസ്രായേല്യരുടെ ഇടയിലെ കടിഞ്ഞൂ​ലു​ക​ളെ​ല്ലാം എന്റേതാ​ണ്‌, മനുഷ്യ​ന്റെ​യാ​യാ​ലും മൃഗത്തി​ന്റെ​യാ​യാ​ലും അവ എന്റേതാ​ണ്‌.+ ഈജി​പ്‌ത്‌ ദേശത്തെ കടിഞ്ഞൂ​ലു​കളെ മുഴുവൻ സംഹരിച്ച നാളിൽ+ ഞാൻ അവരെ എനിക്കാ​യി വിശു​ദ്ധീ​ക​രി​ച്ചു. 18 ഇസ്രായേല്യർക്കിടയിലെ മൂത്ത ആൺമക്കൾക്കെ​ല്ലാം പകരം ഞാൻ ലേവ്യരെ എടുക്കും. 19 ഇസ്രായേൽ ജനം വിശു​ദ്ധ​സ്ഥ​ല​ത്തിന്‌ അരികെ വന്നിട്ട്‌ അവരുടെ ഇടയിൽ ബാധയുണ്ടാകാതിരിക്കാൻ+ അവർക്കു പകരം സാന്നി​ധ്യ​കൂ​ടാ​ര​ത്തിൽ ശുശ്രൂഷ ചെയ്യാനും+ അവർക്കു പാപപ​രി​ഹാ​രം വരുത്താ​നും വേണ്ടി ഞാൻ ലേവ്യരെ ഇസ്രാ​യേ​ല്യ​രിൽനിന്ന്‌ അഹരോ​നും ആൺമക്കൾക്കും കൊടു​ക്കും. ഞാൻ ലേവ്യരെ അവർക്കു സമ്മാന​മാ​യി നൽകും.”

20 ലേവ്യരുടെ കാര്യ​ത്തിൽ കല്‌പി​ച്ച​തെ​ല്ലാം മോശ​യും അഹരോ​നും ഇസ്രാ​യേൽസ​മൂ​ഹം മുഴു​വ​നും ചെയ്‌തു. യഹോവ മോശ​യോ​ടു കല്‌പി​ച്ച​തു​പോ​ലെ​തന്നെ ഇസ്രാ​യേ​ല്യർ ചെയ്‌തു. 21 ലേവ്യർ തങ്ങളെ​ത്തന്നെ ശുദ്ധീ​ക​രിച്ച്‌ വസ്‌ത്രം അലക്കി.+ പിന്നെ അഹരോൻ അവരെ യഹോ​വ​യു​ടെ മുമ്പാകെ ഒരു ദോള​ന​യാ​ഗ​മാ​യി അർപ്പിച്ചു.+ അതിനു ശേഷം, അവർക്കു പാപപ​രി​ഹാ​രം വരുത്തി​ക്കൊണ്ട്‌ അഹരോൻ അവരെ ശുദ്ധീ​ക​രി​ച്ചു.+ 22 പിന്നെ അഹരോ​ന്റെ​യും ആൺമക്ക​ളു​ടെ​യും മുമ്പാകെ തങ്ങളുടെ ശുശ്രൂഷ ചെയ്യാൻ ലേവ്യർ സാന്നി​ധ്യ​കൂ​ടാ​ര​ത്തി​ലേക്കു ചെന്നു. ലേവ്യ​രെ​ക്കു​റിച്ച്‌ യഹോവ മോശ​യോ​ടു കല്‌പി​ച്ച​തു​പോ​ലെ​തന്നെ അവർ ലേവ്യ​രോ​ടു ചെയ്‌തു.

23 യഹോവ പിന്നെ മോശ​യോ​ടു പറഞ്ഞു: 24 “ലേവ്യർക്കുള്ള ചട്ടം ഇതാണ്‌: 25-ഉം അതിനു മുകളി​ലും പ്രായ​മുള്ള എല്ലാ ലേവ്യ​പു​രു​ഷ​ന്മാ​രും സാന്നി​ധ്യ​കൂ​ടാ​ര​ത്തിൽ ശുശ്രൂഷ ചെയ്യു​ന്ന​വ​രു​ടെ ഗണത്തിൽ ചേരണം. 25 എന്നാൽ 50 വയസ്സിനു ശേഷം അയാൾ സേവക​ഗ​ണ​ത്തിൽനിന്ന്‌ വിരമി​ക്കണം. പിന്നെ അയാൾ ശുശ്രൂഷ ചെയ്യരു​ത്‌. 26 സാന്നിധ്യകൂടാരത്തിൽ ഉത്തരവാ​ദി​ത്വ​ങ്ങൾ നിർവ​ഹി​ക്കുന്ന തന്റെ സഹോ​ദ​ര​ന്മാ​രെ അയാൾക്കു സേവി​ക്കാം. എന്നാൽ അയാൾ അവിടെ ശുശ്രൂഷ ചെയ്യരു​ത്‌. ഇതെല്ലാ​മാ​ണു ലേവ്യ​രോ​ടും അവരുടെ ഉത്തരവാ​ദി​ത്വ​ങ്ങ​ളോ​ടും ഉള്ള ബന്ധത്തിൽ നീ ചെയ്യേ​ണ്ടത്‌.”+

9 അവർ ഈജി​പ്‌ത്‌ ദേശത്തു​നിന്ന്‌ പുറ​പ്പെ​ട്ടു​പോ​ന്ന​തി​ന്റെ രണ്ടാം വർഷം ഒന്നാം മാസം+ സീനായ്‌ വിജന​ഭൂ​മി​യിൽവെച്ച്‌ യഹോവ മോശ​യോ​ടു സംസാ​രി​ച്ചു. ദൈവം പറഞ്ഞു: 2 “നിശ്ചയിച്ച സമയത്തുതന്നെ+ ഇസ്രാ​യേ​ല്യർ പെസഹാബലി+ ഒരുക്കണം. 3 ഈ മാസം 14-ാം ദിവസം സന്ധ്യാ​സ​മ​യത്ത്‌,* അതിനു നിശ്ചയിച്ച സമയത്ത്‌, നിങ്ങൾ അത്‌ ഒരുക്കണം. അതിന്റെ എല്ലാ നിയമ​ങ്ങ​ളും പതിവ്‌ നടപടി​ക്ര​മ​ങ്ങ​ളും അനുസ​രിച്ച്‌ വേണം നിങ്ങൾ അത്‌ ഒരുക്കാൻ.”+

4 പെസഹാബലി ഒരുക്കാൻ മോശ ഇസ്രാ​യേ​ല്യ​രോ​ടു പറഞ്ഞു. 5 അങ്ങനെ, സീനായ്‌ വിജന​ഭൂ​മി​യിൽവെച്ച്‌ ഒന്നാം മാസം 14-ാം ദിവസം സന്ധ്യാ​സ​മ​യത്ത്‌ അവർ പെസഹാ​ബലി ഒരുക്കി. യഹോവ മോശ​യോ​ടു കല്‌പി​ച്ച​തൊ​ക്കെ ഇസ്രാ​യേ​ല്യർ ചെയ്‌തു.

6 എന്നാൽ ഒരു ശവശരീ​ര​ത്തിൽ തൊട്ട്‌* അശുദ്ധരായതിനാൽ+ അവി​ടെ​യു​ണ്ടാ​യി​രുന്ന ചിലർക്ക്‌ അന്നേ ദിവസം പെസഹാ​ബലി ഒരുക്കാൻ സാധി​ച്ചില്ല. അതു​കൊണ്ട്‌ അവർ അന്നു മോശ​യു​ടെ​യും അഹരോ​ന്റെ​യും മുമ്പാകെ ചെന്ന്‌+ 7 അദ്ദേഹത്തോടു പറഞ്ഞു: “ഞങ്ങൾ ശവത്തിൽ തൊട്ട്‌ അശുദ്ധ​രാ​യി​രി​ക്കു​ന്നു. ഇസ്രാ​യേ​ല്യ​രെ​ല്ലാം യഹോ​വ​യ്‌ക്കു നിശ്ചി​ത​സ​മ​യത്ത്‌ യാഗം അർപ്പി​ക്കു​മ്പോൾ ഞങ്ങൾ മാറി നിൽക്ക​ണോ?”+ 8 മോശ അവരോ​ടു പറഞ്ഞു: “നിങ്ങൾ ഇവിടെ നിൽക്കൂ, യഹോവ നിങ്ങ​ളെ​ക്കു​റിച്ച്‌ കല്‌പി​ക്കു​ന്നത്‌ എന്താ​ണെന്നു ഞാൻ കേൾക്കട്ടെ.”+

9 അപ്പോൾ യഹോവ മോശ​യോട്‌: 10 “ഇസ്രാ​യേ​ല്യ​രോട്‌ ഇങ്ങനെ പറയുക: ‘നിങ്ങളു​ടെ ഇടയി​ലോ വരും​ത​ല​മു​റ​യി​ലോ ഉള്ള ആരെങ്കി​ലും ശവത്തിൽ തൊട്ട്‌ അശുദ്ധനായാലും+ ഒരു ദൂരയാ​ത്ര​യി​ലാ​യാ​ലും അയാൾ യഹോ​വ​യ്‌ക്കു പെസഹാ​ബലി ഒരു​ക്കേ​ണ്ട​താണ്‌. 11 രണ്ടാം മാസം+ 14-ാം ദിവസം സന്ധ്യാ​സ​മ​യത്ത്‌ അവർ അത്‌ ഒരുക്കണം. പുളി​പ്പി​ല്ലാത്ത അപ്പത്തോ​ടും കയ്‌പു​ചീ​ര​യോ​ടും കൂടെ അവർ അതു തിന്നണം.+ 12 അതൊന്നും അവർ രാവി​ലെ​വരെ ബാക്കി വെക്കരു​ത്‌.+ അതിന്റെ അസ്ഥിക​ളൊ​ന്നും ഒടിക്കു​ക​യു​മ​രുത്‌.+ പെസഹ​യു​ടെ എല്ലാ നിയമ​ങ്ങ​ളു​മ​നു​സ​രിച്ച്‌ അവർ അത്‌ ഒരുക്കണം. 13 എന്നാൽ ശുദ്ധി​യു​ള്ള​വ​നാ​യി​രി​ക്കു​ക​യോ ദൂരയാ​ത്ര​യി​ല​ല്ലാ​തി​രി​ക്കു​ക​യോ ചെയ്‌തി​ട്ടും ഒരാൾ പെസഹാ​ബലി ഒരുക്കാൻ തയ്യാറ​ല്ലെ​ങ്കിൽ അയാളെ അയാളു​ടെ ജനത്തിന്റെ ഇടയിൽനി​ന്ന്‌ ഛേദി​ച്ചു​ക​ള​യണം.*+ കാരണം നിശ്ചയിച്ച സമയത്ത്‌ അയാൾ യഹോ​വ​യ്‌ക്കു യാഗം അർപ്പി​ച്ചില്ല. അയാൾ തന്റെ പാപത്തി​നു കണക്കു ബോധി​പ്പി​ക്കേ​ണ്ടി​വ​രും.

14 “‘നിങ്ങൾക്കി​ട​യിൽ ഒരു വിദേശി താമസി​ക്കു​ന്നു​ണ്ടെ​ങ്കിൽ അയാളും യഹോ​വ​യ്‌ക്കു പെസഹാ​ബലി ഒരുക്കണം.+ പെസഹ​യു​ടെ എല്ലാ നിയമ​ങ്ങ​ളും പതിവ്‌ നടപടി​ക്ര​മ​ങ്ങ​ളും അനുസ​രിച്ച്‌ അയാൾ അതു ചെയ്യണം.+ സ്വദേ​ശി​യാ​യാ​ലും വിദേ​ശി​യാ​യാ​ലും നിങ്ങൾക്ക്‌ എല്ലാവർക്കും ഒരേ നിയമ​മാ​യി​രി​ക്കണം.’”+

15 വിശുദ്ധകൂടാരം സ്ഥാപിച്ച ദിവസം+ മേഘം വിശു​ദ്ധ​കൂ​ടാ​രത്തെ—സാക്ഷ്യ​കൂ​ടാ​രത്തെ—മൂടി. എന്നാൽ വൈകു​ന്നേ​രം​മു​തൽ രാവി​ലെ​വരെ അതു വിശു​ദ്ധ​കൂ​ടാ​ര​ത്തി​നു മുകളിൽ തീപോ​ലെ കാണ​പ്പെട്ടു.+ 16 അങ്ങനെതന്നെ തുടർന്നും സംഭവി​ച്ചു: പകൽ മേഘവും രാത്രി അഗ്നി​പ്ര​ഭ​യും അതിനെ മൂടും.+ 17 മേഘം കൂടാ​ര​ത്തിൽനിന്ന്‌ ഉയർന്നാൽ ഉടൻ ഇസ്രാ​യേ​ല്യർ പുറ​പ്പെ​ടും;+ മേഘം നിൽക്കു​ന്നി​ടത്ത്‌ ഇസ്രാ​യേ​ല്യർ പാളയ​മ​ടി​ക്കും.+ 18 യഹോവയുടെ ആജ്ഞ കിട്ടു​മ്പോൾ ഇസ്രാ​യേ​ല്യർ പുറ​പ്പെ​ടും, യഹോ​വ​യു​ടെ ആജ്ഞ കിട്ടു​മ്പോൾ ഇസ്രാ​യേ​ല്യർ പാളയ​മ​ടി​ക്കും.+ മേഘം വിശു​ദ്ധ​കൂ​ടാ​ര​ത്തി​നു മുകളിൽ നിൽക്കു​ന്നി​ട​ത്തോ​ളം അവർ പാളയ​ത്തിൽത്തന്നെ കഴിയും. 19 ചിലപ്പോൾ, മേഘം വിശു​ദ്ധ​കൂ​ടാ​ര​ത്തി​നു മുകളിൽ പല ദിവസ​ത്തേക്കു നിൽക്കും. ഇസ്രാ​യേ​ല്യർ യഹോ​വയെ അനുസ​രി​ക്കും, അവർ പുറ​പ്പെ​ടില്ല.+ 20 മറ്റു ചില​പ്പോൾ, കുറച്ച്‌ ദിവസമേ മേഘം വിശു​ദ്ധ​കൂ​ടാ​ര​ത്തി​നു മുകളിൽ നിൽക്കൂ. യഹോ​വ​യു​ടെ ആജ്ഞയനു​സ​രിച്ച്‌ അവർ പാളയ​ത്തിൽ താമസി​ക്കു​ക​യും യഹോ​വ​യു​ടെ ആജ്ഞയനു​സ​രിച്ച്‌ അവർ പുറ​പ്പെ​ടു​ക​യും ചെയ്യും. 21 ചിലപ്പോൾ, മേഘം വൈകു​ന്നേ​രം​മു​തൽ രാവി​ലെ​വരെ മാത്രം നിൽക്കും. രാവിലെ മേഘം ഉയരു​മ്പോൾ അവർ പുറ​പ്പെ​ടും. പകലാ​യാ​ലും രാത്രി​യാ​യാ​ലും, മേഘം ഉയർന്നാൽ അവർ പുറ​പ്പെ​ടും.+ 22 രണ്ടു ദിവസ​മോ ഒരു മാസമോ അതി​ലേറെ കാലമോ ആയാലും, മേഘം വിശു​ദ്ധ​കൂ​ടാ​ര​ത്തി​നു മുകളിൽ നിൽക്കു​ന്നി​ട​ത്തോ​ളം ഇസ്രാ​യേ​ല്യർ പാളയ​ത്തിൽത്തന്നെ താമസി​ക്കും; അവർ പുറ​പ്പെ​ടില്ല. എന്നാൽ അത്‌ ഉയരു​മ്പോൾ അവർ പുറ​പ്പെ​ടും. 23 യഹോവയുടെ ആജ്ഞ കിട്ടു​മ്പോൾ അവർ പാളയ​മ​ടി​ക്കും, യഹോ​വ​യു​ടെ ആജ്ഞ കിട്ടു​മ്പോൾ അവർ പുറ​പ്പെ​ടും. മോശ​യി​ലൂ​ടെ യഹോവ നൽകിയ ആജ്ഞപോ​ലെ അവർ യഹോ​വയെ അനുസ​രി​ച്ചു.

10 പിന്നെ യഹോവ മോശ​യോ​ടു പറഞ്ഞു: 2 “അടിച്ചു​പ​ര​ത്തിയ വെള്ളി​കൊണ്ട്‌ നിങ്ങൾക്കു​വേണ്ടി രണ്ടു കാഹളം+ ഉണ്ടാക്കുക. സമൂഹത്തെ വിളി​ച്ചു​കൂ​ട്ടാ​നും പാളയ​മ​ഴിച്ച്‌ പുറ​പ്പെ​ടാ​നുള്ള അറിയി​പ്പു നൽകാ​നും വേണ്ടി അവ ഉപയോ​ഗി​ക്കണം. 3 അവ രണ്ടും ഊതു​മ്പോൾ സമൂഹം മുഴുവൻ നിന്റെ മുന്നിൽ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ കൂടി​വ​രണം.+ 4 അവയിലൊരെണ്ണം മാത്ര​മാണ്‌ ഊതു​ന്ന​തെ​ങ്കിൽ ഇസ്രാ​യേ​ല്യ​രു​ടെ സഹസ്ര​ങ്ങൾക്ക്‌ അധിപ​ന്മാ​രായ തലവന്മാർ മാത്രം നിന്റെ അടുത്ത്‌ ഒന്നിച്ചു​കൂ​ടണം.+

5 “നിങ്ങൾ ശബ്ദവ്യ​തി​യാ​നം വരുത്തി കാഹളം മുഴക്കു​മ്പോൾ കിഴക്ക്‌ പാളയമടിച്ചിരിക്കുന്നവർ+ പുറ​പ്പെ​ടണം. 6 രണ്ടാം തവണ ശബ്ദവ്യ​തി​യാ​ന​ത്തോ​ടെ കാഹളം മുഴക്കു​മ്പോൾ തെക്ക്‌ പാളയമടിച്ചിരിക്കുന്നവർ+ പുറ​പ്പെ​ടണം. ഇങ്ങനെ, അവരിൽ ഓരോ​രു​ത്ത​രും പുറ​പ്പെ​ടേ​ണ്ട​തു​ള്ള​പ്പോൾ ഈ വിധത്തിൽ കാഹളം മുഴക്കണം.

7 “സഭയെ കൂട്ടി​വ​രു​ത്തേ​ണ്ട​തു​ള്ള​പ്പോ​ഴും നിങ്ങൾ കാഹളങ്ങൾ ഊതണം.+ എന്നാൽ അവ ശബ്ദവ്യ​തി​യാ​ന​ത്തോ​ടെ ഊതരു​ത്‌. 8 അഹരോന്റെ മക്കളായ പുരോ​ഹി​ത​ന്മാ​രാ​ണു കാഹളങ്ങൾ ഊതേ​ണ്ടത്‌.+ അവയുടെ ഉപയോ​ഗം നിങ്ങൾക്കു തലമു​റ​ക​ളി​ലെ​ല്ലാം നിലനിൽക്കുന്ന, ദീർഘ​കാ​ല​ത്തേ​ക്കുള്ള ഒരു നിയമ​മാ​യി​രി​ക്കും.

9 “നിങ്ങളെ കഷ്ടപ്പെ​ടു​ത്തുന്ന ശത്രു​വിന്‌ എതിരെ നിങ്ങളു​ടെ ദേശത്ത്‌ യുദ്ധത്തി​നു പോകു​മ്പോൾ നിങ്ങൾ കാഹള​ങ്ങൾകൊണ്ട്‌ യുദ്ധാ​ഹ്വാ​നം മുഴക്കണം.+ നിങ്ങളു​ടെ ദൈവ​മായ യഹോവ അപ്പോൾ നിങ്ങളെ ഓർക്കു​ക​യും ശത്രു​ക്ക​ളു​ടെ കൈയിൽനി​ന്ന്‌ നിങ്ങളെ രക്ഷിക്കു​ക​യും ചെയ്യും.

10 “കൂടാതെ നിങ്ങളു​ടെ ഉത്സവങ്ങൾ,+ മാസങ്ങ​ളു​ടെ ആരംഭം എന്നീ ആഹ്ലാദവേളകളിൽ+ ദഹനയാ​ഗങ്ങൾ,+ സഹഭോജനബലികൾ+ എന്നിവ അർപ്പി​ക്കു​മ്പോ​ഴും നിങ്ങൾ കാഹളങ്ങൾ ഊതണം. അപ്പോൾ നിങ്ങളു​ടെ ദൈവം നിങ്ങളെ ഓർക്കും. ഞാൻ നിങ്ങളു​ടെ ദൈവ​മായ യഹോ​വ​യാണ്‌.”+

11 രണ്ടാം വർഷം രണ്ടാം മാസം 20-ാം ദിവസം+ മേഘം സാക്ഷ്യ​ത്തി​ന്റെ വിശു​ദ്ധ​കൂ​ടാ​ര​ത്തി​നു മുകളിൽനി​ന്ന്‌ ഉയർന്നു.+ 12 അപ്പോൾ, പോകേണ്ട ക്രമമ​നു​സ​രിച്ച്‌ ഇസ്രാ​യേ​ല്യർ സീനായ്‌ വിജന​ഭൂ​മി​യിൽനിന്ന്‌ പുറ​പ്പെട്ടു.+ മേഘം പിന്നീട്‌, പാരാൻ വിജന​ഭൂ​മി​യിൽ നിന്നു.+ 13 അവർ മോശ​യി​ലൂ​ടെ യഹോവ നൽകിയ ആജ്ഞയനുസരിച്ച്‌+ പുറ​പ്പെ​ടു​ന്നത്‌ ഇത്‌ ആദ്യമാ​യി​ട്ടാ​യി​രു​ന്നു.

14 അങ്ങനെ, യഹൂദ​യു​ടെ വംശജ​രു​ടെ മൂന്നു​ഗോ​ത്ര​വി​ഭാ​ഗം അവരുടെ ഗണമനുസരിച്ച്‌* ആദ്യം പുറ​പ്പെട്ടു. അമ്മീനാ​ദാ​ബി​ന്റെ മകൻ നഹശോനാണ്‌+ ആ ഗണത്തിനു മേൽനോ​ട്ടം വഹിച്ചി​രു​ന്നത്‌. 15 യിസ്സാഖാർ ഗോ​ത്ര​ത്തി​ന്റെ ഗണത്തിനു മേൽനോ​ട്ടം വഹിച്ചി​രു​ന്നതു സൂവാ​രി​ന്റെ മകൻ നെഥന​യേ​ലാ​യി​രു​ന്നു.+ 16 ഹേലോന്റെ മകൻ എലിയാബാണു+ സെബു​ലൂൻ ഗോ​ത്ര​ത്തി​ന്റെ ഗണത്തിനു മേൽനോ​ട്ടം വഹിച്ചി​രു​ന്നത്‌.

17 വിശുദ്ധകൂടാരം അഴിച്ചെടുത്തശേഷം+ അതു ചുമന്നു​കൊണ്ട്‌ ഗർശോ​ന്റെ വംശജരും+ മെരാ​രി​യു​ടെ വംശജരും+ പുറ​പ്പെട്ടു.

18 അതിനു ശേഷം, രൂബേൻ നയിക്കുന്ന മൂന്നു​ഗോ​ത്ര​വി​ഭാ​ഗം അവരുടെ ഗണമനുസരിച്ച്‌* പുറ​പ്പെട്ടു. ശെദേ​യൂ​രി​ന്റെ മകൻ എലീസൂരാണ്‌+ ആ ഗണത്തിനു മേൽനോ​ട്ടം വഹിച്ചി​രു​ന്നത്‌. 19 ശിമെയോൻ ഗോ​ത്ര​ത്തി​ന്റെ ഗണത്തിനു മേൽനോ​ട്ടം വഹിച്ചി​രു​ന്നതു സൂരി​ശ​ദ്ദാ​യി​യു​ടെ മകൻ ശെലൂ​മി​യേ​ലാ​യി​രു​ന്നു.+ 20 ദയൂവേലിന്റെ മകൻ എലിയാസാഫാണു+ ഗാദ്‌ ഗോ​ത്ര​ത്തി​ന്റെ ഗണത്തിനു മേൽനോ​ട്ടം വഹിച്ചി​രു​ന്നത്‌.

21 അതിനു ശേഷമാ​ണു വിശു​ദ്ധ​മ​ന്ദി​ര​ത്തി​ലെ വസ്‌തു​ക്കൾ ചുമന്നു​കൊണ്ട്‌ കൊഹാ​ത്യർ പുറ​പ്പെ​ട്ടത്‌.+ അവർ എത്തു​മ്പോ​ഴേ​ക്കും വിശു​ദ്ധ​കൂ​ടാ​രം സ്ഥാപി​ക്ക​ണ​മാ​യി​രു​ന്നു.

22 തുടർന്ന്‌ എഫ്രയീ​മി​ന്റെ വംശജ​രു​ടെ മൂന്നു​ഗോ​ത്ര​വി​ഭാ​ഗം അവരുടെ ഗണമനുസരിച്ച്‌* പുറ​പ്പെട്ടു. അമ്മീഹൂ​ദി​ന്റെ മകൻ എലീശാമയാണ്‌+ ആ ഗണത്തിനു മേൽനോ​ട്ടം വഹിച്ചി​രു​ന്നത്‌. 23 മനശ്ശെ ഗോ​ത്ര​ത്തി​ന്റെ ഗണത്തിനു മേൽനോ​ട്ടം വഹിച്ചി​രു​ന്നതു പെദാ​സൂ​രി​ന്റെ മകൻ ഗമാലി​യേ​ലാ​യി​രു​ന്നു.+ 24 ഗിദെയോനിയുടെ മകൻ അബീദാനാണു+ ബന്യാ​മീൻ ഗോ​ത്ര​ത്തി​ന്റെ ഗണത്തിനു മേൽനോ​ട്ടം വഹിച്ചി​രു​ന്നത്‌.

25 അതിനു ശേഷം, എല്ലാ പാളയ​ങ്ങ​ളു​ടെ​യും പിൻപടയായി* ദാന്റെ വംശജ​രു​ടെ മൂന്നു​ഗോ​ത്ര​വി​ഭാ​ഗം അവരുടെ ഗണമനുസരിച്ച്‌* പുറ​പ്പെട്ടു. അമ്മീശ​ദ്ദാ​യി​യു​ടെ മകൻ അഹിയേസെരാണ്‌+ ആ ഗണത്തിനു മേൽനോ​ട്ടം വഹിച്ചി​രു​ന്നത്‌. 26 ആശേർ ഗോ​ത്ര​ത്തി​ന്റെ ഗണത്തിനു മേൽനോ​ട്ടം വഹിച്ചി​രു​ന്നത്‌ ഒക്രാന്റെ മകൻ പഗീ​യേ​ലാ​യി​രു​ന്നു.+ 27 എനാന്റെ മകൻ അഹീരയാണു+ നഫ്‌താ​ലി ഗോ​ത്ര​ത്തി​ന്റെ ഗണത്തിനു മേൽനോ​ട്ടം വഹിച്ചി​രു​ന്നത്‌. 28 യാത്ര പുറ​പ്പെ​ടു​മ്പോൾ ഈ ക്രമമാ​ണ്‌ ഇസ്രാ​യേ​ല്യ​രും അവരുടെ ഗണങ്ങളും* പിൻപ​റ്റി​യി​രു​ന്നത്‌.+

29 പിന്നീട്‌ മോശ തന്റെ മിദ്യാ​ന്യ​നായ അമ്മായി​യപ്പൻ രയൂവേലിന്റെ*+ മകനായ ഹോബാ​ബി​നോ​ടു പറഞ്ഞു: “യഹോവ ഞങ്ങളോ​ട്‌, ‘ഞാൻ അതു നിങ്ങൾക്കു തരും’+ എന്നു പറഞ്ഞ സ്ഥലത്തേക്കു ഞങ്ങൾ ഇതാ പുറ​പ്പെ​ടു​ന്നു. ഞങ്ങളോ​ടൊ​പ്പം വരുക,+ ഞങ്ങൾ നിനക്കു നന്മ ചെയ്യും. കാരണം ഇസ്രാ​യേ​ലി​നു നന്മ വരുത്തു​മെന്ന്‌ യഹോവ വാഗ്‌ദാ​നം ചെയ്‌തി​ട്ടുണ്ട്‌.”+ 30 പക്ഷേ ഹോബാ​ബ്‌ മോശ​യോ​ടു പറഞ്ഞു: “ഞാൻ വരില്ല, ഞാൻ എന്റെ ദേശ​ത്തേ​ക്കും എന്റെ ബന്ധുക്ക​ളു​ടെ അടു​ത്തേ​ക്കും തിരി​ച്ചു​പോ​കു​ക​യാണ്‌.” 31 അപ്പോൾ മോശ പറഞ്ഞു: “ദയവു​ചെ​യ്‌ത്‌ ഞങ്ങളെ വിട്ട്‌ പോക​രു​തേ! വിജന​ഭൂ​മി​യിൽ എവിടെ പാളയ​മ​ടി​ക്ക​ണ​മെന്ന്‌ അറിയാ​വു​ന്നതു നിനക്കാ​ണ്‌. നീ ഞങ്ങളുടെ വഴികാ​ട്ടി​യാ​യി​രി​ക്കും.* 32 നീ ഞങ്ങളോ​ടൊ​പ്പം വരുകയാണെങ്കിൽ+ യഹോവ ഞങ്ങൾക്കു തരുന്ന അനു​ഗ്ര​ഹ​ങ്ങ​ളി​ലെ​ല്ലാം ഞങ്ങൾ നിനക്കു പങ്കു തരും.”

33 അങ്ങനെ അവർ യഹോ​വ​യു​ടെ പർവത​ത്തിൽനിന്ന്‌ പുറപ്പെട്ട്‌+ മൂന്നു ദിവസത്തെ ഒരു യാത്ര ആരംഭി​ച്ചു. ആ യാത്ര​യിൽ യഹോ​വ​യു​ടെ ഉടമ്പടിപ്പെട്ടകം+ അവർക്ക്‌ ഒരു വിശ്ര​മ​സ്ഥലം അന്വേ​ഷിച്ച്‌ അവർക്കു മുന്നിൽ സഞ്ചരിച്ചു.+ 34 അവർ പാളയ​മ​ഴിച്ച്‌ പുറ​പ്പെ​ട്ട​തു​മു​തൽ പകൽസ​മ​യത്ത്‌ യഹോ​വ​യു​ടെ മേഘം+ അവർക്കു മുകളി​ലു​ണ്ടാ​യി​രു​ന്നു.

35 പെട്ടകം പുറ​പ്പെ​ടു​മ്പോ​ഴെ​ല്ലാം മോശ ഇങ്ങനെ പറയു​മാ​യി​രു​ന്നു: “യഹോവേ, എഴു​ന്നേൽക്കേ​ണമേ.+ അങ്ങയുടെ ശത്രുക്കൾ ചിതറി​പ്പോ​കട്ടെ. അങ്ങയെ വെറു​ക്കു​ന്നവർ തിരു​മു​മ്പിൽനിന്ന്‌ ഓടി​പ്പോ​കട്ടെ.” 36 അത്‌ എവി​ടെ​യെ​ങ്കി​ലും വെക്കു​മ്പോൾ മോശ പറയും: “യഹോവേ, എണ്ണിക്കൂ​ടാത്ത വിധം അനേകാ​യി​ര​മായ ഇസ്രായേല്യരുടെ+ ഇടയി​ലേക്കു മടങ്ങി​വ​രേ​ണമേ.”

11 പിന്നീട്‌ യഹോ​വ​യു​ടെ മുമ്പാകെ ജനം വല്ലാതെ പിറു​പി​റു​ക്കാൻതു​ടങ്ങി. അതു കേട്ട​പ്പോൾ യഹോ​വ​യു​ടെ കോപം ആളിക്കത്തി. അവർക്കു നേരെ യഹോ​വ​യിൽനിന്ന്‌ തീ പുറ​പ്പെട്ട്‌ പാളയ​ത്തി​ന്റെ അതിർത്തി​ക​ളി​ലുള്ള ചിലരെ ദഹിപ്പി​ച്ചു. 2 എന്നാൽ ജനം മോശ​യോ​ടു നിലവി​ളി​ച്ച​പ്പോൾ മോശ യഹോ​വ​യോട്‌ ഉള്ളുരു​കി പ്രാർഥി​ച്ചു;+ തീ കെട്ടടങ്ങി. 3 അവർക്കെതിരെ യഹോ​വ​യിൽനിന്ന്‌ തീ ജ്വലി​ച്ച​തു​കൊണ്ട്‌ ആ സ്ഥലത്തിനു തബേര* എന്നു പേര്‌ കിട്ടി.+

4 പിന്നീട്‌ അവർക്കി​ട​യി​ലു​ണ്ടാ​യി​രുന്ന സമ്മിശ്രപുരുഷാരം*+ അത്യാർത്തി കാണി​ക്കാൻതു​ടങ്ങി.+ ഇസ്രാ​യേ​ല്യ​രും അവരോ​ടൊ​പ്പം ചേർന്നു. അവർ പിന്നെ​യും കരഞ്ഞു​കൊണ്ട്‌ പറഞ്ഞു: “ഞങ്ങൾക്കു തിന്നാൻ ഇറച്ചി ആരു തരും?+ 5 ഈജിപ്‌തിൽവെച്ച്‌ ഞങ്ങൾ വില കൊടു​ക്കാ​തെ തിന്നു​കൊ​ണ്ടി​രുന്ന മീൻ, വെള്ളരിക്ക, തണ്ണിമത്തൻ, ഉള്ളി, ചുവന്നു​ള്ളി, വെളു​ത്തു​ള്ളി എന്നിവ​യെ​ക്കു​റി​ച്ചൊ​ക്കെ ഓർക്കു​മ്പോൾത്തന്നെ കൊതി​യാ​കു​ന്നു!+ 6 പക്ഷേ ഇപ്പോൾ ഇതാ, ഞങ്ങൾ ഇവിടെ കിടന്ന്‌ മുടി​യു​ന്നു. ഈ മന്നയല്ലാതെ+ വേറെ​യൊ​ന്നും ഇവിടെ കാണാ​നില്ല.”

7 എന്നാൽ മന്ന+ കാഴ്‌ച​യ്‌ക്കു കൊത്തമല്ലിപോലെയും+ സുഗന്ധപ്പശപോലെയും* ആയിരു​ന്നു. 8 ജനം നാലു​പാ​ടും നടന്ന്‌ അതു ശേഖരി​ച്ച്‌ തിരി​ക​ല്ലിൽ പൊടി​ച്ചെ​ടു​ക്കും, അല്ലെങ്കിൽ ഉരലി​ലിട്ട്‌ ഇടി​ച്ചെ​ടു​ക്കും. എന്നിട്ട്‌ അവർ അതു കലത്തി​ലിട്ട്‌ വേവി​ക്കു​ക​യോ അത്‌ ഉപയോ​ഗിച്ച്‌ വട്ടത്തി​ലുള്ള അപ്പം ഉണ്ടാക്കു​ക​യോ ചെയ്യും.+ എണ്ണ ചേർത്ത, മധുര​മുള്ള അടയുടെ രുചി​യാ​യി​രു​ന്നു അതിന്‌. 9 പാളയത്തിൽ രാത്രി മഞ്ഞു പെയ്യു​മ്പോൾ അതോ​ടൊ​പ്പം മന്നയും പൊഴി​യു​മാ​യി​രു​ന്നു.+

10 ഓരോരുത്തനും കുടും​ബ​ത്തോ​ടൊ​പ്പം കൂടാ​ര​ത്തി​ന്റെ വാതിൽക്കൽ ഇരുന്ന്‌ കരയു​ന്നതു മോശ കേട്ടു. അപ്പോൾ യഹോ​വ​യു​ടെ കോപം ആളിക്കത്തി,+ മോശ​യ്‌ക്കും അത്‌ ഇഷ്ടമാ​യില്ല. 11 മോശ യഹോ​വ​യോ​ടു പറഞ്ഞു: “അങ്ങ്‌ ഈ ദാസനെ ഇങ്ങനെ കഷ്ടപ്പെ​ടു​ത്തു​ന്നത്‌ എന്തിനാ​ണ്‌? ഈ ജനത്തിന്റെ മുഴുവൻ ഭാരം അടിയന്റെ മേൽ വെച്ചത്‌ എന്തിന്‌?+ അങ്ങയ്‌ക്ക്‌ എന്നോടു പ്രീതി തോന്നാ​ത്തത്‌ എന്താണ്‌? 12 ഞാനാണോ ഈ ജനത്തെ വയറ്റിൽ ചുമന്നത്‌? ‘മുല കുടി​ക്കുന്ന കുഞ്ഞിനെ ഒരാൾ പരിപാ​ലി​ക്കു​ന്ന​തു​പോ​ലെ നീ അവരെ എടുത്തു​കൊണ്ട്‌ നടക്ക്‌’ എന്നു പറയാ​നും അവരുടെ പൂർവി​കർക്കു കൊടു​ക്കു​മെന്ന്‌ അങ്ങ്‌ സത്യം ചെയ്‌ത ദേശത്തേക്ക്‌+ അവരെ ചുമന്നു​കൊ​ണ്ടു​പോ​ക​ണ​മെന്ന്‌ എന്നോട്‌ ആവശ്യ​പ്പെ​ടാ​നും ഞാനാ​ണോ അവരെ പ്രസവി​ച്ചത്‌? 13 ഇക്കാണുന്ന ജനത്തി​നെ​ല്ലാം ഞാൻ എവി​ടെ​നിന്ന്‌ ഇറച്ചി കൊടു​ക്കും? ‘ഞങ്ങൾക്കു തിന്നാൻ ഇറച്ചി തരൂ!’ എന്ന്‌ അവർ എന്നോടു കരഞ്ഞു​പ​റ​യു​ന്ന​ല്ലോ. 14 എനിക്ക്‌ ഒറ്റയ്‌ക്ക്‌ ഈ ജനത്തെ ചുമക്കാൻ കഴിയില്ല. ഇത്‌ എനിക്കു താങ്ങാ​വു​ന്ന​തി​ലും അധിക​മാണ്‌.+ 15 ഇനിയും എന്നോട്‌ ഇങ്ങനെ​തന്നെ ചെയ്യാ​നാണ്‌ അങ്ങ്‌ ഉദ്ദേശി​ക്കു​ന്ന​തെ​ങ്കിൽ എന്നെ ഇപ്പോൾത്തന്നെ കൊന്നു​ക​ള​ഞ്ഞേക്കൂ.+ അങ്ങയ്‌ക്ക്‌ എന്നോട്‌ ഇഷ്ടമു​ണ്ടെ​ങ്കിൽ മറ്റൊരു ദുരന്തം​കൂ​ടി കാണാൻ ഇടവരു​ത്ത​രു​തേ.”

16 യഹോവ മോശ​യോ​ടു പറഞ്ഞു: “ഇസ്രാ​യേ​ലി​ലെ മൂപ്പന്മാർക്കിടയിൽനിന്ന്‌* ജനത്തിന്റെ മൂപ്പന്മാ​രും അധികാരികളും+ ആയി നീ അംഗീകരിക്കുന്ന* 70 പേരെ എനിക്കു​വേണ്ടി കൂട്ടി​വ​രു​ത്തുക. അവരെ സാന്നി​ധ്യ​കൂ​ടാ​ര​ത്തിൽ കൊണ്ടു​വന്ന്‌ നിന്നോ​ടൊ​പ്പം നിറു​ത്തണം. 17 ഞാൻ അവി​ടേക്ക്‌ ഇറങ്ങിവന്ന്‌+ നിന്നോ​ടു സംസാ​രി​ക്കും.+ നിന്റെ മേലുള്ള എന്റെ ആത്മാവിൽ കുറച്ച്‌ എടുത്ത്‌+ ഞാൻ അവരുടെ മേൽ പകരും. ജനത്തിന്റെ ഭാരം ചുമക്കാൻ അവർ നിന്നെ സഹായി​ക്കും, നീ അത്‌ ഒറ്റയ്‌ക്കു ചുമ​ക്കേ​ണ്ടി​വ​രില്ല.+ 18 ജനത്തോടു നീ ഇങ്ങനെ പറയണം: ‘നാള​ത്തേ​ക്കാ​യി നിങ്ങ​ളെ​ത്തന്നെ വിശു​ദ്ധീ​ക​രി​ക്കുക.+ നാളെ നിങ്ങൾ ഉറപ്പാ​യും ഇറച്ചി തിന്നും. “ഞങ്ങൾക്കു തിന്നാൻ ഇറച്ചി ആരു തരും? ഈജി​പ്‌തി​ലാ​യി​രു​ന്ന​പ്പോൾ എത്ര നല്ലതാ​യി​രു​ന്നു!”+ എന്നു പറഞ്ഞ്‌ യഹോവ കേൾക്കെ+ നിങ്ങൾ കരഞ്ഞല്ലോ. യഹോവ നിങ്ങൾക്ക്‌ ഇറച്ചി തരും, നിങ്ങൾ തിന്നു​ക​യും ചെയ്യും.+ 19 ഒരു ദിവസമല്ല, 2 ദിവസമല്ല, 5 ദിവസമല്ല, 10 ദിവസമല്ല, 20 ദിവസ​വു​മല്ല, 20 ഒരു മാസം മുഴുവൻ നിങ്ങൾ തിന്നും. അതു നിങ്ങളു​ടെ മൂക്കി​ലൂ​ടെ പുറത്ത്‌ വന്ന്‌ നിങ്ങൾക്ക്‌ അറപ്പാ​യി​ത്തീ​രു​ന്ന​തു​വരെ നിങ്ങൾ തിന്നും.+ കാരണം നിങ്ങൾ നിങ്ങൾക്കി​ട​യി​ലുള്ള യഹോ​വയെ തള്ളിക്ക​ള​യു​ക​യും “ഞങ്ങൾ ഈജി​പ്‌തിൽനിന്ന്‌ പുറ​പ്പെ​ട്ടു​പോ​ന്നത്‌ എന്തിന്‌”+ എന്നു പറഞ്ഞ്‌ ദൈവ​ത്തി​ന്റെ മുമ്പാകെ കരയു​ക​യും ചെയ്‌ത​ല്ലോ.’”

21 അപ്പോൾ മോശ പറഞ്ഞു: “എന്നോ​ടൊ​പ്പ​മുള്ള ഈ ജനത്തിൽ യോദ്ധാ​ക്കൾതന്നെ 6,00,000 പേരുണ്ട്‌.+ എന്നിട്ടും, ‘ഞാൻ അവർക്ക്‌ ഇറച്ചി കൊടു​ക്കും, ഒരു മാസം മുഴുവൻ അവർ ഇഷ്ടം​പോ​ലെ തിന്നും’ എന്ന്‌ അങ്ങ്‌ പറയുന്നു! 22 ആട്ടിൻപറ്റങ്ങളെയും കന്നുകാ​ലി​ക്കൂ​ട്ട​ങ്ങ​ളെ​യും മുഴുവൻ അറുത്താ​ലും അവർക്കു മതിയാ​കു​മോ? അല്ല, സമു​ദ്ര​ത്തി​ലുള്ള മീനിനെ മുഴുവൻ പിടി​ച്ചാ​ലും അവർക്കു തികയു​മോ?”

23 അപ്പോൾ യഹോവ മോശ​യോ​ടു പറഞ്ഞു: “യഹോ​വ​യു​ടെ കൈ അത്ര ചെറു​താ​ണോ?+ ഞാൻ പറയു​ന്നതു സംഭവി​ക്കു​മോ ഇല്ലയോ എന്നു നീ ഇപ്പോൾ കാണും.”

24 മോശ പുറത്ത്‌ ചെന്ന്‌ യഹോ​വ​യു​ടെ വാക്കുകൾ ജനത്തെ അറിയി​ച്ചു. തുടർന്ന്‌ മോശ ജനത്തിലെ മൂപ്പന്മാ​രിൽനിന്ന്‌ 70 പേരെ കൂട്ടി​വ​രു​ത്തി കൂടാ​ര​ത്തി​നു ചുറ്റും നിറുത്തി.+ 25 യഹോവ ഒരു മേഘത്തിൽ ഇറങ്ങിവന്ന്‌+ മോശ​യോ​ടു സംസാ​രി​ച്ചു.+ ദൈവം മോശ​യു​ടെ മേലു​ണ്ടാ​യി​രുന്ന ദൈവാ​ത്മാ​വിൽ കുറച്ച്‌ എടുത്ത്‌+ 70 മൂപ്പന്മാ​രിൽ ഓരോ​രു​ത്ത​രു​ടെ​യും മേൽ പകർന്നു. ദൈവാ​ത്മാവ്‌ അവരുടെ മേൽ വന്ന ഉടനെ അവർ പ്രവാ​ച​ക​ന്മാ​രെ​പ്പോ​ലെ പെരു​മാ​റി.*+ പക്ഷേ പിന്നീട്‌ ഒരിക്ക​ലും അവർ അങ്ങനെ ചെയ്‌തില്ല.

26 എന്നാൽ ആ പുരു​ഷ​ന്മാ​രിൽ എൽദാദ്‌, മേദാദ്‌ എന്നീ രണ്ടു പേർ അപ്പോ​ഴും പാളയ​ത്തിൽത്ത​ന്നെ​യാ​യി​രു​ന്നു. അവർ മറ്റുള്ള​വ​രോ​ടൊ​പ്പം കൂടാ​ര​ത്തി​ന്റെ അടു​ത്തേക്കു പോയി​ല്ലാ​യി​രു​ന്നെ​ങ്കി​ലും പേര്‌ എഴുത​പ്പെ​ട്ട​വ​രു​ടെ കൂട്ടത്തിൽ അവരു​മു​ണ്ടാ​യി​രു​ന്നു. അതു​കൊണ്ട്‌ അവരുടെ മേലും ദൈവാ​ത്മാവ്‌ വന്നു. അവർ പാളയ​ത്തിൽവെച്ച്‌ പ്രവാ​ച​ക​ന്മാ​രെ​പ്പോ​ലെ പെരു​മാ​റി. 27 അപ്പോൾ ഒരു ചെറു​പ്പ​ക്കാ​രൻ ഓടി​വന്ന്‌, “എൽദാ​ദും മേദാ​ദും അതാ പാളയ​ത്തിൽ പ്രവാ​ച​ക​ന്മാ​രെ​പ്പോ​ലെ പെരു​മാ​റു​ന്നു!” എന്നു മോശയെ അറിയി​ച്ചു. 28 അപ്പോൾ നൂന്റെ മകനും ചെറു​പ്പം​മു​തൽ മോശ​യ്‌ക്കു ശുശ്രൂഷ ചെയ്യു​ന്ന​വ​നും ആയ യോശുവ+ ഇങ്ങനെ പറഞ്ഞു: “യജമാ​ന​നായ മോശേ, അവരെ തടയണേ!”+ 29 എന്നാൽ മോശ യോശു​വ​യോട്‌: “എന്നെ ഓർത്ത്‌ നീ അസൂയ​പ്പെ​ടു​ക​യാ​ണോ? അരുത്‌! യഹോ​വ​യു​ടെ ജനം മുഴുവൻ പ്രവാ​ച​ക​രാ​കു​ക​യും യഹോവ അവരുടെ മേൽ തന്റെ ആത്മാവി​നെ പകരു​ക​യും ചെയ്‌തി​രു​ന്നെ​ങ്കിൽ എന്നു ഞാൻ ആഗ്രഹി​ക്കു​ന്നു!” 30 പിന്നീട്‌ മോശ ആ ഇസ്രാ​യേൽമൂ​പ്പ​ന്മാ​രോ​ടൊ​പ്പം പാളയ​ത്തി​ലേക്കു തിരി​ച്ചു​പോ​യി.

31 പിന്നെ യഹോ​വ​യിൽനിന്ന്‌ ഒരു കാറ്റ്‌ പുറ​പ്പെട്ട്‌ കടലിൽനി​ന്ന്‌ കാടപ്പ​ക്ഷി​കളെ കൊണ്ടു​വന്ന്‌ പാളയ​ത്തി​ലി​റക്കി.+ പാളയ​ത്തി​ന്റെ രണ്ടു വശങ്ങളി​ലേ​ക്കും ഒരു ദിവസത്തെ വഴിദൂ​ര​ത്തോ​ളം അവയു​ണ്ടാ​യി​രു​ന്നു. പാളയ​ത്തി​നു ചുറ്റോ​ടു​ചു​റ്റും, നിലത്തു​നിന്ന്‌ രണ്ടു മുഴം* ഉയരത്തിൽ അവയു​ണ്ടാ​യി​രു​ന്നു. 32 അന്നു പകലും രാത്രി​യും പിറ്റേന്നു പകലും ജനം ഉറക്കം ഇളച്ചി​രുന്ന്‌ കാടപ്പ​ക്ഷി​കളെ പിടിച്ചു. ഏറ്റവും കുറച്ച്‌ പിടി​ച്ച​വൻപോ​ലും പത്തു ഹോമർ* പിടിച്ചു. അവർ അവയെ പാളയ​ത്തി​നു ചുറ്റും നിരത്തി​യി​ട്ടു. 33 എന്നാൽ ഇറച്ചി അവരുടെ പല്ലിന്‌ ഇടയി​ലി​രി​ക്കെ, അവർ അതു ചവയ്‌ക്കു​ന്ന​തി​നു മുമ്പു​തന്നെ, ജനത്തിനു നേരെ യഹോ​വ​യു​ടെ കോപം ആളിക്കത്തി. വലി​യൊ​രു സംഹാ​ര​ത്താൽ യഹോവ ജനത്തെ ശിക്ഷിച്ചു.+

34 അത്യാർത്തി കാണിച്ച ജനത്തെ+ അവർ അവിടെ അടക്കം ചെയ്‌ത​തു​കൊണ്ട്‌ ആ സ്ഥലത്തിന്‌ അവർ കി​ബ്രോത്ത്‌-ഹത്താവ*+ എന്നു പേരിട്ടു. 35 ജനം കി​ബ്രോത്ത്‌-ഹത്താവ​യിൽനിന്ന്‌ ഹസേ​രോ​ത്തി​ലേക്കു പുറ​പ്പെട്ടു. അവർ ഹസേരോത്തിൽ+ താമസി​ച്ചു.

12 മോശ ഒരു കൂശ്യസ്‌ത്രീയെയായിരുന്നു+ വിവാഹം കഴിച്ചത്‌. മോശ​യു​ടെ ഈ ഭാര്യ കാരണം മിര്യാ​മും അഹരോ​നും മോശ​യ്‌ക്കെ​തി​രെ സംസാ​രി​ച്ചു​തു​ടങ്ങി. 2 “മോശ​യി​ലൂ​ടെ മാത്ര​മാ​ണോ യഹോവ സംസാ​രി​ച്ചി​ട്ടു​ള്ളത്‌, ഞങ്ങളി​ലൂ​ടെ​യും സംസാ​രി​ച്ചി​ട്ടി​ല്ലേ”+ എന്ന്‌ അവർ പറഞ്ഞു. പക്ഷേ യഹോവ അതു കേൾക്കു​ന്നു​ണ്ടാ​യി​രു​ന്നു.+ 3 എന്നാൽ മോശ ഭൂമി​യി​ലുള്ള എല്ലാ മനുഷ്യ​രെ​ക്കാ​ളും സൗമ്യ​നാ​യി​രു​ന്നു.*+

4 യഹോവ ഉടനെ മോശ​യോ​ടും അഹരോ​നോ​ടും മിര്യാ​മി​നോ​ടും പറഞ്ഞു: “നിങ്ങൾ മൂന്നു പേരും സാന്നി​ധ്യ​കൂ​ടാ​ര​ത്തി​ലേക്കു ചെല്ലുക.” അങ്ങനെ അവർ മൂന്നും അവി​ടേക്കു ചെന്നു. 5 യഹോവ മേഘസ്‌തം​ഭ​ത്തിൽ ഇറങ്ങിവന്ന്‌+ കൂടാ​ര​വാ​തിൽക്കൽ നിന്നു. ദൈവം അഹരോ​നെ​യും മിര്യാ​മി​നെ​യും വിളിച്ചു, അവർ രണ്ടും മുന്നോ​ട്ടു ചെന്നു. 6 അപ്പോൾ ദൈവം പറഞ്ഞു: “ഞാൻ പറയു​ന്ന​തി​നെ​ക്കു​റിച്ച്‌ ചിന്തി​ച്ചു​നോ​ക്കൂ. നിങ്ങളു​ടെ ഇടയിൽ യഹോ​വ​യു​ടെ ഒരു പ്രവാ​ച​ക​നു​ണ്ടെ​ങ്കിൽ ഒരു ദിവ്യദർശനത്തിലൂടെ+ ഞാൻ എന്നെത്തന്നെ അവനു വെളി​പ്പെ​ടു​ത്തും, ഒരു സ്വപ്‌നത്തിലൂടെ+ ഞാൻ അവനോ​ടു സംസാ​രി​ക്കും. 7 എന്നാൽ എന്റെ ദാസനായ മോശ​യു​ടെ കാര്യ​ത്തിൽ അങ്ങനെയല്ല. എന്റെ ഭവനം മുഴു​വ​നും ഞാൻ അവനെ ഭരമേൽപ്പി​ച്ചി​രി​ക്കു​ന്നു.*+ 8 ഞാൻ അവനോ​ടു നിഗൂ​ഢ​മായ വാക്കു​ക​ളി​ലല്ല, വ്യക്തമാ​യി, മുഖാമുഖമാണു* സംസാ​രി​ക്കു​ന്നത്‌.+ യഹോ​വ​യു​ടെ രൂപം കാണു​ന്ന​വ​നാണ്‌ അവൻ. അങ്ങനെ​യുള്ള എന്റെ ദാസനായ ഈ മോശ​യ്‌ക്കെ​തി​രെ സംസാ​രി​ക്കാൻ നിങ്ങൾക്ക്‌ എങ്ങനെ ധൈര്യം വന്നു?”

9 യഹോവയുടെ കോപം അവർക്കെ​തി​രെ ജ്വലിച്ചു, ദൈവം അവരെ വിട്ട്‌ പോയി. 10 മേഘം കൂടാ​ര​ത്തി​നു മുകളിൽനി​ന്ന്‌ നീങ്ങി​യ​പ്പോൾ അതാ, മിര്യാം മഞ്ഞു​പോ​ലെ വെളുത്ത്‌ കുഷ്‌ഠ​രോ​ഗി​യാ​യി​രി​ക്കു​ന്നു!+ അഹരോൻ തിരി​ഞ്ഞു​നോ​ക്കി​യ​പ്പോൾ മിര്യാ​മി​നു കുഷ്‌ഠം ബാധി​ച്ചി​രി​ക്കു​ന്നതു കണ്ടു.+ 11 ഉടനെ അഹരോൻ മോശ​യോ​ടു പറഞ്ഞു: “യജമാ​നനേ, ഈ പാപ​ത്തെ​പ്രതി ഞങ്ങളെ ശിക്ഷി​ക്ക​രു​തേ. ഞാൻ അങ്ങയോ​ടു യാചി​ക്കു​ക​യാണ്‌. വിഡ്‌ഢി​ത്ത​മാ​ണു ഞങ്ങൾ കാണി​ച്ചത്‌. 12 മാംസം പകുതി അഴുകി പെറ്റു​വീണ ചാപി​ള്ള​യെ​പ്പോ​ലെ മിര്യാ​മി​നെ വിടരു​തേ!” 13 അപ്പോൾ മോശ യഹോ​വയെ വിളി​ച്ച​പേ​ക്ഷി​ച്ചു: “ദൈവമേ, ദയവായി, ദയവായി മിര്യാ​മി​നെ സുഖ​പ്പെ​ടു​ത്തേ​ണമേ!”+

14 യഹോവ മോശ​യോ​ടു പറഞ്ഞു: “അവളുടെ അപ്പൻ അവളുടെ മുഖത്ത്‌ തുപ്പി​യാൽ ഏഴു ദിവസം അവൾ അപമാനം സഹിച്ച്‌ കഴി​യേ​ണ്ടി​വ​രി​ല്ലേ? അതു​കൊണ്ട്‌ അവളെ ഏഴു ദിവസം മാറ്റി​പ്പാർപ്പി​ക്കുക, അവൾ പാളയ​ത്തി​നു പുറത്ത്‌ കഴിയട്ടെ.+ അതിനു ശേഷം അവളെ തിരികെ കൊണ്ടു​വ​രാം.” 15 അങ്ങനെ മിര്യാ​മി​നെ ഏഴു ദിവസം പാളയ​ത്തി​നു പുറ​ത്തേക്കു മാറ്റി​പ്പാർപ്പി​ച്ചു.+ മിര്യാ​മി​നെ തിരികെ കൊണ്ടു​വ​രു​ന്ന​തു​വരെ ജനം പാളയ​ത്തിൽത്തന്നെ കഴിഞ്ഞു. 16 അതിനു ശേഷം ജനം ഹസേരോത്തിൽനിന്ന്‌+ പുറ​പ്പെട്ട്‌ പാരാൻ വിജനഭൂമിയിൽ+ പാളയ​മ​ടി​ച്ചു.

13 പിന്നെ യഹോവ മോശ​യോ​ടു പറഞ്ഞു: 2 “ഞാൻ ഇസ്രാ​യേ​ല്യർക്കു കൊടു​ക്കാൻപോ​കുന്ന കനാൻ ദേശം ഒറ്റുനോക്കാനായി* ആളുകളെ അയയ്‌ക്കുക. ഓരോ പിതൃ​ഗോ​ത്ര​ത്തിൽനി​ന്നും അവർക്കിടയിലെ+ ഒരു തലവനെ+ വീതം നീ അയയ്‌ക്കണം.”

3 അങ്ങനെ യഹോ​വ​യു​ടെ ആജ്ഞയനു​സ​രിച്ച്‌ മോശ ഇസ്രാ​യേ​ല്യ​രു​ടെ തലവന്മാ​രായ ചിലരെ പാരാൻ വിജനഭൂമിയിൽനിന്ന്‌+ പറഞ്ഞയച്ചു. 4 അവരുടെ പേരുകൾ: രൂബേൻ ഗോ​ത്ര​ത്തിൽനിന്ന്‌ സക്കൂരി​ന്റെ മകൻ ശമ്മൂവ, 5 ശിമെയോൻ ഗോ​ത്ര​ത്തിൽനിന്ന്‌ ഹോരി​യു​ടെ മകൻ ശാഫാത്ത്‌, 6 യഹൂദ ഗോ​ത്ര​ത്തിൽനിന്ന്‌ യഫുന്ന​യു​ടെ മകൻ കാലേബ്‌,+ 7 യിസ്സാഖാർ ഗോ​ത്ര​ത്തിൽനിന്ന്‌ യോ​സേ​ഫി​ന്റെ മകൻ ഈഗാൽ, 8 എഫ്രയീം ഗോ​ത്ര​ത്തിൽനിന്ന്‌ നൂന്റെ മകൻ ഹോശയ,+ 9 ബന്യാമീൻ ഗോ​ത്ര​ത്തിൽനിന്ന്‌ രാഫൂ​വി​ന്റെ മകൻ പൽതി, 10 സെബുലൂൻ ഗോ​ത്ര​ത്തിൽനിന്ന്‌ സോദി​യു​ടെ മകൻ ഗദ്ദീയേൽ, 11 യോസേഫ്‌+ ഗോ​ത്ര​ത്തിൽ മനശ്ശെ​യു​ടെ ഗോത്രത്തിനുവേണ്ടി+ സൂസി​യു​ടെ മകൻ ഗദ്ദി, 12 ദാൻ ഗോ​ത്ര​ത്തിൽനിന്ന്‌ ഗമല്ലി​യു​ടെ മകൻ അമ്മീയേൽ, 13 ആശേർ ഗോ​ത്ര​ത്തിൽനിന്ന്‌ മീഖാ​യേ​ലി​ന്റെ മകൻ സെഥൂർ, 14 നഫ്‌താലി ഗോ​ത്ര​ത്തിൽനിന്ന്‌ വൊപ്‌സി​യു​ടെ മകൻ നഹ്‌ബി, 15 ഗാദ്‌ ഗോ​ത്ര​ത്തിൽനിന്ന്‌ മാഖി​യു​ടെ മകൻ ഗയൂവേൽ. 16 ഇവരായിരുന്നു ദേശം ഒറ്റു​നോ​ക്കാൻ മോശ അയച്ച പുരു​ഷ​ന്മാർ. നൂന്റെ മകനായ ഹോശ​യ​യ്‌ക്കു മോശ, യോശുവ*+ എന്നു പേര്‌ നൽകി.

17 കനാൻ ദേശം ഒറ്റു​നോ​ക്കാൻ അവരെ അയച്ച​പ്പോൾ മോശ അവരോ​ടു പറഞ്ഞു: “നെഗെ​ബി​ലേക്കു ചെന്നിട്ട്‌ അവി​ടെ​നിന്ന്‌ മലനാ​ട്ടി​ലേക്കു പോകുക.+ 18 ദേശം എങ്ങനെ​യു​ള്ള​താ​ണെന്നു നോക്കണം.+ അവിടെ താമസി​ക്കുന്ന ജനം ശക്തരാ​ണോ അതോ ദുർബ​ല​രാ​ണോ, അവർ എണ്ണത്തിൽ കുറവാ​ണോ കൂടു​ത​ലാ​ണോ, 19 ദേശം നല്ലതാ​ണോ മോശ​മാ​ണോ, അവർ താമസി​ക്കു​ന്നതു പാളയ​ങ്ങ​ളി​ലാ​ണോ കോട്ട​മ​തി​ലുള്ള നഗരങ്ങ​ളി​ലാ​ണോ എന്നെല്ലാം നിങ്ങൾ നോക്കണം. 20 ദേശം ഫലഭൂയിഷ്‌ഠമാണോ* അതോ തരിശ്ശാണോ*+ എന്നും അവിടെ മരങ്ങളു​ണ്ടോ ഇല്ലയോ എന്നും നോക്കി മനസ്സി​ലാ​ക്കണം. നിങ്ങൾ ധൈര്യത്തോടെ+ ആ ദേശത്തു​നിന്ന്‌ കുറച്ച്‌ പഴവർഗങ്ങൾ പറിച്ചു​കൊ​ണ്ടു​വ​രു​ക​യും വേണം.” മുന്തി​രി​യു​ടെ ആദ്യത്തെ വിള​വെ​ടു​പ്പു നടത്തുന്ന സമയമാ​യി​രു​ന്നു അത്‌.+

21 അങ്ങനെ അവർ പുറ​പ്പെട്ട്‌ സീൻ വിജനഭൂമി+ മുതൽ ലബോ-ഹമാത്തിന്‌*+ അടുത്ത്‌ സ്ഥിതി ചെയ്യുന്ന രഹോബ്‌+ വരെയുള്ള ദേശം ഒറ്റു​നോ​ക്കി. 22 അവർ നെഗെ​ബി​ലേക്കു ചെന്ന്‌ അനാക്യരായ+ അഹീമാൻ, ശേശായി, തൽമായി+ എന്നിവർ താമസി​ക്കുന്ന ഹെബ്രോനിൽ+ എത്തി. ഈജി​പ്‌തി​ലെ സോവാൻ പട്ടണം പണിയു​ന്ന​തിന്‌ ഏഴു വർഷം മുമ്പ്‌ പണിത​താ​യി​രു​ന്നു ഹെ​ബ്രോൻ. 23 എശ്‌ക്കോൽ താഴ്‌വരയിൽ*+ എത്തിയ അവർ അവി​ടെ​നിന്ന്‌ ഒരു മുന്തി​രി​ക്കുല അതിന്റെ ശാഖ​യോ​ടു​കൂ​ടെ മുറി​ച്ചെ​ടു​ത്തു. അതു രണ്ടു പേർ ചേർന്ന്‌ ഒരു തണ്ടിൽ ചുമ​ക്കേ​ണ്ടി​വന്നു! കുറച്ച്‌ മാതള​നാ​ര​ങ്ങ​യും അത്തിപ്പ​ഴ​വും അവർ കൊണ്ടു​പോ​ന്നു.+ 24 അവിടെനിന്ന്‌ ഇസ്രാ​യേ​ല്യർ മുന്തി​രി​ക്കുല മുറി​ച്ചെ​ടു​ത്ത​തു​കൊണ്ട്‌ അവർ ആ സ്ഥലത്തെ എശ്‌ക്കോൽ* താഴ്‌വര*+ എന്നു വിളിച്ചു.

25 ദേശം ഒറ്റു​നോ​ക്കി 40-ാം ദിവസം+ അവർ മടങ്ങി. 26 അവർ പാരാൻ വിജന​ഭൂ​മി​യി​ലെ കാദേശിൽ+ മോശ​യു​ടെ​യും അഹരോ​ന്റെ​യും ഇസ്രാ​യേൽസ​മൂ​ഹ​ത്തി​ന്റെ​യും അടുത്ത്‌ എത്തി. അവർ കാണു​ക​യും കേൾക്കു​ക​യും ചെയ്‌ത കാര്യ​ങ്ങ​ളെ​ല്ലാം സമൂഹത്തെ മുഴുവൻ അറിയി​ച്ചു; അവി​ടെ​നിന്ന്‌ കൊണ്ടു​വന്ന പഴവർഗങ്ങൾ അവരെ കാണി​ക്കു​ക​യും ചെയ്‌തു. 27 അവർ മോശ​യോ​ടു പറഞ്ഞു: “അങ്ങ്‌ ഞങ്ങളെ അയച്ച ദേശത്ത്‌ ഞങ്ങൾ ചെന്നു. പാലും തേനും ഒഴുകുന്ന ദേശം​ത​ന്നെ​യാണ്‌ അത്‌.+ ഇത്‌ അവിടത്തെ ചില പഴങ്ങളാ​ണ്‌.+ 28 പക്ഷേ ആ ദേശത്ത്‌ താമസി​ക്കു​ന്നവർ വളരെ ശക്തരാണ്‌. അവരുടെ നഗരങ്ങൾ വളരെ വലുതും കോട്ട​മ​തിൽ കെട്ടി സുരക്ഷി​ത​മാ​ക്കി​യ​വ​യും ആണ്‌. അവിടെ ഞങ്ങൾ അനാക്യ​രെ​യും കണ്ടു.+ 29 അമാലേക്യർ+ നെഗെബ്‌ ദേശത്തും,+ ഹിത്യ​രും യബൂസ്യരും+ അമോര്യരും+ മലനാ​ട്ടി​ലും, കനാന്യർ+ കടൽത്തീരത്തും+ യോർദാ​ന്റെ കരയി​ലും താമസി​ക്കു​ന്നു.”

30 അപ്പോൾ കാലേബ്‌ മോശ​യു​ടെ മുന്നിൽ നിന്നി​രുന്ന ജനത്തെ ശാന്തരാ​ക്കാൻ ശ്രമി​ച്ചു​കൊണ്ട്‌ ഇങ്ങനെ പറഞ്ഞു: “വേഗം വരൂ, നമുക്ക്‌ ഉടനെ പുറ​പ്പെ​ടാം. അതു കീഴട​ക്കാ​നും കൈവ​ശ​മാ​ക്കാ​നും നമുക്കു കഴിയും, ഉറപ്പ്‌.”+ 31 പക്ഷേ കാലേ​ബി​നോ​ടു​കൂ​ടെ പോയ പുരു​ഷ​ന്മാർ പറഞ്ഞു: “ആ ജനത്തിനു നേരെ ചെല്ലാൻ നമുക്കു കഴിയില്ല. അവർ നമ്മളെ​ക്കാൾ ശക്തരാണ്‌.”+ 32 തങ്ങൾ ഒറ്റു​നോ​ക്കിയ ദേശ​ത്തെ​ക്കു​റിച്ച്‌ അവർ ഇസ്രാ​യേ​ല്യ​രു​ടെ ഇടയിൽ മോശ​മായ വാർത്ത പ്രചരി​പ്പി​ച്ചു.+ അവർ പറഞ്ഞു: “ഞങ്ങൾ പോയി ഒറ്റു​നോ​ക്കിയ ദേശം നിവാ​സി​കളെ വിഴു​ങ്ങി​ക്ക​ള​യുന്ന ദേശമാ​ണ്‌. ഞങ്ങൾ അവിടെ കണ്ട ജനങ്ങ​ളെ​ല്ലാം അസാമാ​ന്യ​വ​ലു​പ്പ​മു​ള്ള​വ​രാണ്‌.+ 33 ഞങ്ങൾ അവിടെ നെഫി​ലി​മു​ക​ളെ​യും കണ്ടു. നെഫിലിമുകളിൽനിന്നുള്ള* ആ അനാക്യവംശജരുടെ+ മുമ്പിൽ ഞങ്ങൾ വെറും പുൽച്ചാ​ടി​ക​ളെ​പ്പോ​ലെ​യാ​യി​രു​ന്നു. അവർക്കും ഞങ്ങളെ കണ്ട്‌ അങ്ങനെ​തന്നെ തോന്നി.”

14 അപ്പോൾ സമൂഹം മുഴുവൻ പൊട്ടി​ക്ക​രഞ്ഞു; ജനം രാത്രി മുഴുവൻ കരയു​ക​യും വിലപി​ക്കു​ക​യും ചെയ്‌തു.+ 2 ഇസ്രായേല്യരെല്ലാം മോശ​യ്‌ക്കും അഹരോ​നും എതിരെ പിറു​പി​റു​ത്തു.+ സമൂഹം അവർക്കെ​തി​രെ തിരിഞ്ഞ്‌ ഇങ്ങനെ പറഞ്ഞു: “ഞങ്ങൾ ഈജി​പ്‌ത്‌ ദേശത്തു​വെച്ച്‌ മരിച്ചി​രു​ന്നെ​ങ്കിൽ, അല്ലെങ്കിൽ ഈ മരുഭൂമിയിൽ* മരിച്ചു​വീ​ണി​രു​ന്നെ​ങ്കിൽ എത്ര നന്നായി​രു​ന്നു! 3 യഹോവ എന്തിനാ​ണു ഞങ്ങളെ ഈ ദേശ​ത്തേക്കു കൊണ്ടു​വ​ന്നത്‌, വാളാൽ വീഴാ​നോ?+ ഞങ്ങളുടെ ഭാര്യ​മാ​രും കുഞ്ഞു​ങ്ങ​ളും കൊള്ള​യാ​യി​പ്പോ​കും.+ ഇതിലും ഭേദം ഈജി​പ്‌തി​ലേക്കു തിരി​ച്ചു​പോ​കു​ന്ന​തല്ലേ?”+ 4 അവർ തമ്മിൽത്ത​മ്മിൽ ഇങ്ങനെ​പോ​ലും പറഞ്ഞു: “വരൂ, നമുക്ക്‌ ഒരു നേതാ​വി​നെ നിയമി​ച്ച്‌ ഈജി​പ്‌തി​ലേക്കു മടങ്ങി​പ്പോ​കാം.”+

5 അപ്പോൾ, കൂടിവന്ന ഇസ്രാ​യേൽ സഭയുടെ മുമ്പാകെ മോശ​യും അഹരോ​നും കമിഴ്‌ന്നു​വീ​ണു. 6 ദേശം ഒറ്റു​നോ​ക്കി​യ​വ​രു​ടെ കൂട്ടത്തി​ലു​ണ്ടാ​യി​രുന്ന, നൂന്റെ മകനായ യോശുവയും+ യഫുന്ന​യു​ടെ മകനായ കാലേബും+ തങ്ങളുടെ വസ്‌ത്രം കീറി 7 ഇസ്രായേല്യരുടെ സമൂഹ​ത്തോ​ടു മുഴുവൻ ഇങ്ങനെ പറഞ്ഞു: “ഞങ്ങൾ പോയി ഒറ്റു​നോ​ക്കിയ ദേശം വളരെ​വ​ളരെ നല്ലതാണ്‌.+ 8 ദൈവമായ യഹോവ നമ്മളിൽ പ്രസാ​ദി​ക്കു​ന്നെ​ങ്കിൽ, പാലും തേനും ഒഴുകുന്ന ആ ദേശത്തേക്കു+ ദൈവം ഉറപ്പാ​യും നമ്മളെ കൊണ്ടു​പോ​കു​ക​യും അതു നമുക്കു തരുക​യും ചെയ്യും. 9 എന്നാൽ നിങ്ങൾ യഹോ​വയെ ധിക്കരി​ക്കുക മാത്രം ചെയ്യരു​ത്‌; ആ ദേശത്തെ ജനങ്ങളെ പേടി​ക്കു​ക​യു​മ​രുത്‌.+ അവർ നമുക്കി​ര​യാ​യി​ത്തീ​രും.* അവരുടെ സംരക്ഷണം പൊയ്‌പോ​യി. പക്ഷേ യഹോവ നമ്മു​ടെ​കൂ​ടെ​യുണ്ട്‌.+ അവരെ പേടി​ക്ക​രുത്‌.”

10 എന്നാൽ അവരെ കല്ലെറി​യ​ണ​മെന്നു സമൂഹം മുഴുവൻ പരസ്‌പരം പറഞ്ഞു.+ അപ്പോൾ യഹോ​വ​യു​ടെ തേജസ്സു സാന്നി​ധ്യ​കൂ​ടാ​ര​ത്തിൽ ഇസ്രാ​യേൽ ജനത്തിനു പ്രത്യ​ക്ഷ​മാ​യി.+

11 യഹോവ മോശ​യോ​ടു പറഞ്ഞു: “എത്ര കാലം ഈ ജനം എന്നോട്‌ അനാദ​രവ്‌ കാണി​ക്കും?+ ഞാൻ അവരുടെ ഇടയിൽ ഈ അടയാ​ള​ങ്ങ​ളെ​ല്ലാം ചെയ്‌തി​ട്ടും എത്ര നാൾ അവർ എന്നിൽ വിശ്വാ​സ​മർപ്പി​ക്കാ​തി​രി​ക്കും?+ 12 ഞാൻ അവരെ മാരക​മായ പകർച്ച​വ്യാ​ധി​കൾകൊണ്ട്‌ പ്രഹരി​ച്ച്‌ ഇല്ലാതാ​ക്കാൻപോ​കു​ക​യാണ്‌. എന്നാൽ നിന്നെ ഞാൻ അവരെ​ക്കാൾ വലുതും പ്രബല​വും ആയ ഒരു ജനതയാ​ക്കും.”+

13 പക്ഷേ മോശ യഹോ​വ​യോ​ടു പറഞ്ഞു: “അങ്ങനെ ചെയ്‌താൽ ഈജി​പ്‌തു​കാർ ഇതെക്കു​റിച്ച്‌ കേൾക്കും. അവരുടെ ഇടയിൽനി​ന്നാ​ണ​ല്ലോ അങ്ങ്‌ ഈ ജനത്തെ അങ്ങയുടെ ശക്തിയാൽ വിടു​വി​ച്ചു​കൊ​ണ്ടു​വ​ന്നത്‌.+ 14 അവർ ഇതെക്കു​റിച്ച്‌ ഈ ദേശവാ​സി​ക​ളോ​ടു പറയും. യഹോവ എന്ന അങ്ങ്‌ ഈ ജനത്തോടൊപ്പമുണ്ടെന്നും+ അവർക്കു മുഖാമുഖം+ പ്രത്യ​ക്ഷ​നാ​യെ​ന്നും ഈ ദേശവാ​സി​ക​ളും കേട്ടി​ട്ടുണ്ട്‌. അങ്ങ്‌ യഹോ​വ​യാ​ണ​ല്ലോ; അങ്ങയുടെ മേഘമാ​ണ്‌ ഈ ജനത്തിനു മീതെ​യു​ള്ളത്‌. പകൽ മേഘസ്‌തം​ഭ​ത്തി​ലും രാത്രി അഗ്നിസ്‌തം​ഭ​ത്തി​ലും അവരുടെ മുമ്പാകെ പോകു​ന്നത്‌ അങ്ങാണ്‌.+ 15 അങ്ങ്‌ ഈ ജനത്തെ ഒന്നടങ്കം ക്ഷണത്തിൽ* സംഹരി​ച്ചാൽ അങ്ങയുടെ കീർത്തി കേട്ടി​ട്ടുള്ള ജനതകൾ ഇങ്ങനെ പറയും: 16 ‘ഈ ജനത്തിനു കൊടു​ക്കു​മെന്നു സത്യം ചെയ്‌ത ദേശ​ത്തേക്ക്‌ അവരെ കൊണ്ടു​പോ​കാൻ യഹോ​വ​യ്‌ക്കു കഴിഞ്ഞില്ല. അതു​കൊണ്ട്‌ അവൻ അവരെ വിജന​ഭൂ​മി​യിൽവെച്ച്‌ കൊന്നു​മു​ടി​ച്ചു!’+ 17 അതുകൊണ്ട്‌ യഹോവേ, അങ്ങ്‌ പറഞ്ഞതു​പോ​ലെ അങ്ങയുടെ ശക്തി ശ്രേഷ്‌ഠ​മാ​യി​രി​ക്കട്ടെ. അങ്ങ്‌ ഇങ്ങനെ പറഞ്ഞി​ട്ടു​ണ്ട​ല്ലോ: 18 ‘യഹോവ കോപ​ത്തി​നു താമസ​മു​ള്ളവൻ; അചഞ്ചല​മായ സ്‌നേഹം+ നിറഞ്ഞവൻ; തെറ്റു​കു​റ്റ​ങ്ങ​ളും ലംഘന​വും പൊറു​ക്കു​ന്നവൻ. എന്നാൽ ഒരു പ്രകാ​ര​ത്തി​ലും കുറ്റക്കാ​രനെ ശിക്ഷി​ക്കാ​തെ വിടില്ല. അവിടു​ന്ന്‌ പിതാ​ക്ക​ന്മാ​രു​ടെ തെറ്റി​നുള്ള ശിക്ഷ മക്കളുടെ മേൽ, മൂന്നാ​മത്തെ തലമു​റ​യു​ടെ മേലും നാലാ​മത്തെ തലമു​റ​യു​ടെ മേലും, വരുത്തും.’+ 19 ഈജിപ്‌ത്‌ മുതൽ ഇവിടെ വരെ ഈ ജനത്തോ​ടു പൊറു​ത്ത​തു​പോ​ലെ അങ്ങയുടെ വലിയ അചഞ്ചല​സ്‌നേ​ഹ​ത്തി​നു ചേർച്ച​യിൽ ഈ ജനത്തിന്റെ തെറ്റു​കു​റ്റങ്ങൾ ക്ഷമി​ക്കേ​ണമേ.”+

20 അപ്പോൾ യഹോവ പറഞ്ഞു: “നീ പറഞ്ഞതു​പോ​ലെ​തന്നെ ഞാൻ അവരോ​ടു ക്ഷമിച്ചി​രി​ക്കു​ന്നു.+ 21 എങ്കിലും ഞാനാണെ സത്യം, ഭൂമി മുഴുവൻ യഹോ​വ​യു​ടെ മഹത്ത്വം​കൊണ്ട്‌ നിറയും.+ 22 പക്ഷേ എന്റെ മഹത്ത്വം കണ്ടിട്ടും ഈജി​പ്‌തി​ലും വിജന​ഭൂ​മി​യി​ലും വെച്ച്‌ ഞാൻ ചെയ്‌ത അടയാ​ളങ്ങൾ കണ്ടിട്ടും+ ഈ പത്തു തവണ എന്നെ പരീക്ഷിക്കുകയും+ എന്റെ വാക്കു കേൾക്കാതിരിക്കുകയും+ ചെയ്‌ത ഒരാൾപ്പോ​ലും 23 ഞാൻ അവരുടെ പിതാ​ക്ക​ന്മാ​രോ​ടു സത്യം ചെയ്‌ത ദേശം കാണില്ല. അതെ, എന്നോട്‌ അനാദ​രവ്‌ കാണി​ക്കുന്ന ഒരുത്ത​നും അതു കാണില്ല.+ 24 എന്നാൽ എന്റെ ദാസനായ കാലേബിനെ+ അവൻ പോയ ദേശ​ത്തേക്കു ഞാൻ കൊണ്ടു​പോ​കും; അവന്റെ സന്തതി അത്‌ അവകാ​ശ​മാ​ക്കും. കാരണം വ്യത്യ​സ്‌ത​മായ ഒരു ആത്മാവോടും* മുഴു​ഹൃ​ദ​യ​ത്തോ​ടും കൂടെ അവൻ എന്നെ അനുഗ​മി​ച്ചി​രി​ക്കു​ന്നു.+ 25 അമാലേക്യരും കനാന്യരും+ ഈ താഴ്‌വ​ര​യിൽ താമസി​ക്കു​ന്ന​തു​കൊണ്ട്‌ നാളെ നിങ്ങൾ തിരി​ച്ചു​പോ​കണം. നിങ്ങൾ ചെങ്കട​ലി​ന്റെ വഴിക്കു വിജന​ഭൂ​മി​യി​ലേക്കു പുറ​പ്പെ​ടുക.”+

26 പിന്നെ യഹോവ മോശ​യോ​ടും അഹരോ​നോ​ടും പറഞ്ഞു: 27 “ഈ ദുഷ്ടസ​മൂ​ഹം എത്ര കാലം എനിക്കു നേരെ പിറു​പി​റു​ക്കും?+ എനിക്കു നേരെ​യുള്ള ഇസ്രാ​യേ​ല്യ​രു​ടെ പിറു​പി​റുപ്പ്‌ ഞാൻ കേട്ടി​രി​ക്കു​ന്നു.+ 28 അവരോട്‌ ഇങ്ങനെ പറയുക: ‘യഹോവ പ്രഖ്യാ​പി​ക്കു​ന്നു: “ഞാനാണെ സത്യം, ഞാൻ കേൾക്കെ നിങ്ങൾ പറഞ്ഞ അതേ കാര്യ​ങ്ങൾതന്നെ ഞാൻ നിങ്ങ​ളോ​ടു ചെയ്യും!+ 29 രേഖയിൽ പേര്‌ ചേർത്ത, 20 വയസ്സും അതിനു മേലോ​ട്ടും പ്രായ​മുള്ള എല്ലാവരുടെയും+ ശവങ്ങൾ, അതെ, എനിക്കു നേരെ പിറു​പി​റുത്ത നിങ്ങൾ എല്ലാവ​രു​ടെ​യും ശവങ്ങൾ ഈ വിജന​ഭൂ​മി​യിൽ വീഴും.+ 30 ഞാൻ നിങ്ങളെ താമസി​പ്പി​ക്കു​മെന്നു സത്യം ചെയ്‌ത* ദേശത്ത്‌+ യഫുന്ന​യു​ടെ മകൻ കാലേ​ബും നൂന്റെ മകൻ യോശു​വ​യും അല്ലാതെ നിങ്ങൾ ആരും കടക്കില്ല.+

31 “‘“കൊള്ള​യാ​യി​പ്പോ​കു​മെന്നു നിങ്ങൾ പറഞ്ഞ നിങ്ങളു​ടെ മക്കളെ ഞാൻ അവി​ടേക്കു കൊണ്ടു​പോ​കും,+ നിങ്ങൾ തള്ളിക്കളഞ്ഞ ദേശം+ അവർ അനുഭ​വി​ക്കും. 32 എന്നാൽ നിങ്ങളു​ടെ ശവങ്ങൾ ഈ വിജന​ഭൂ​മി​യിൽ വീഴും. 33 നിങ്ങളുടെ മക്കൾ 40 വർഷം ഈ വിജന​ഭൂ​മി​യിൽ ഇടയന്മാ​രാ​യി​രി​ക്കും.+ നിങ്ങളു​ടെ ശവങ്ങളിൽ അവസാ​ന​ത്തേ​തും ഈ വിജന​ഭൂ​മി​യിൽ വീഴുന്നതുവരെ+ നിങ്ങളു​ടെ അവിശ്വസ്‌തതയ്‌ക്ക്‌* അവർ ഉത്തരം പറയേ​ണ്ടി​വ​രും. 34 നിങ്ങൾ ദേശം ഒറ്റു​നോ​ക്കാൻ എടുത്ത 40 ദിവസത്തിന്‌+ ആനുപാ​തി​ക​മാ​യി 40 വർഷം,+ ഒരു ദിവസ​ത്തിന്‌ ഒരു വർഷം എന്ന കണക്കിൽ, ഓരോ ദിവസ​ത്തി​നും ഓരോ വർഷം എന്ന കണക്കിൽത്തന്നെ, നിങ്ങൾ നിങ്ങളു​ടെ തെറ്റു​കൾക്ക്‌ ഉത്തരം പറയേ​ണ്ടി​വ​രും. എന്നെ എതിർത്താൽ* എന്തു സംഭവി​ക്കു​മെന്ന്‌ അങ്ങനെ നിങ്ങൾ അറിയും.

35 “‘“ഇതാ, യഹോവ എന്ന ഞാൻ ഇതു പറഞ്ഞി​രി​ക്കു​ന്നു. എനിക്ക്‌ എതിരെ സംഘടിച്ച ഈ ദുഷ്ടസ​മൂ​ഹ​ത്തോ​ടെ​ല്ലാം ഞാൻ ചെയ്യാൻപോ​കു​ന്നത്‌ ഇതാണ്‌: ഈ വിജന​ഭൂ​മി​യി​ലാ​യി​രി​ക്കും അവരുടെ അന്ത്യം; ഇവിടെ അവർ ചത്തൊ​ടു​ങ്ങും.+ 36 ദേശം ഒറ്റു​നോ​ക്കാൻ മോശ അയച്ച പുരു​ഷ​ന്മാർ, അതായത്‌ ദേശ​ത്തെ​ക്കു​റിച്ച്‌ മോശം വാർത്ത​യു​മാ​യി വന്ന്‌ സമൂഹം മുഴുവൻ അവന്‌ എതിരെ പിറു​പി​റു​ക്കാൻ ഇടയാ​ക്കിയ പുരു​ഷ​ന്മാർ,+ 37 അതെ, ദേശ​ത്തെ​ക്കു​റിച്ച്‌ തെറ്റായ വാർത്ത കൊണ്ടു​വന്ന എല്ലാവ​രും, കൊല്ല​പ്പെ​ടും; അവർ യഹോ​വ​യു​ടെ മുമ്പാകെ മരിച്ചു​വീ​ഴും.+ 38 എന്നാൽ ദേശം ഒറ്റു​നോ​ക്കാൻ പോയ​വ​രിൽ നൂന്റെ മകനായ യോശു​വ​യും യഫുന്ന​യു​ടെ മകനായ കാലേ​ബും ജീവി​ച്ചി​രി​ക്കും.”’”+

39 മോശ ഈ വാക്കുകൾ ഇസ്രാ​യേ​ല്യ​രെ​യെ​ല്ലാം അറിയി​ച്ച​പ്പോൾ ജനം അതിദുഃ​ഖ​ത്തോ​ടെ കരഞ്ഞു. 40 തന്നെയുമല്ല, അവർ അതിരാ​വി​ലെ എഴു​ന്നേറ്റ്‌ മലമു​ക​ളി​ലേക്കു പോകാൻ തുനിഞ്ഞു. അവർ പറഞ്ഞു: “ഞങ്ങൾ ഇതാ, യഹോവ പറഞ്ഞ സ്ഥലത്തേക്കു പോകാൻ തയ്യാറാ​ണ്‌; ഞങ്ങൾ പാപം ചെയ്‌തു​പോ​യി.”+ 41 എന്നാൽ മോശ അവരോ​ടു പറഞ്ഞത്‌: “നിങ്ങൾ യഹോ​വ​യു​ടെ ആജ്ഞ ധിക്കരി​ക്കു​ന്നത്‌ എന്തിനാ​ണ്‌? ഇതിൽ നിങ്ങൾ വിജയി​ക്കില്ല. 42 നിങ്ങൾ പോക​രുത്‌. യഹോവ നിങ്ങ​ളോ​ടു​കൂ​ടെ​യില്ല. നിങ്ങളു​ടെ ശത്രുക്കൾ നിങ്ങളെ തോൽപ്പി​ക്കും.+ 43 അമാലേക്യരും കനാന്യ​രും അവിടെ നിങ്ങ​ളോട്‌ ഏറ്റുമു​ട്ടും.+ നിങ്ങൾ അവരുടെ വാളിന്‌ ഇരയാ​യി​ത്തീ​രും. നിങ്ങൾ യഹോ​വയെ അനുഗ​മി​ക്കു​ന്ന​തിൽനിന്ന്‌ പിന്തി​രി​ഞ്ഞ​തി​നാൽ യഹോവ നിങ്ങ​ളോ​ടു​കൂ​ടെ​യു​ണ്ടാ​യി​രി​ക്കില്ല.”+

44 എന്നിട്ടും അവർ ധാർഷ്ട്യ​ത്തോ​ടെ മലമു​ക​ളി​ലേക്കു കയറി​പ്പോ​യി.+ എന്നാൽ യഹോ​വ​യു​ടെ ഉടമ്പടി​പ്പെ​ട്ട​ക​മോ മോശ​യോ പാളയ​ത്തി​ന്റെ നടുവിൽനി​ന്ന്‌ പുറ​പ്പെ​ട്ടില്ല.+ 45 ആ മലയിൽ താമസി​ച്ചി​രുന്ന അമാ​ലേ​ക്യ​രും കനാന്യ​രും ഇറങ്ങി​വന്ന്‌ അവരെ ആക്രമി​ച്ച്‌ ഹോർമ വരെ ചിതറി​ച്ചു​ക​ളഞ്ഞു.+

15 പിന്നെ യഹോവ മോശ​യോ​ടു പറഞ്ഞു: 2 “ഇസ്രാ​യേ​ല്യ​രോട്‌ ഇങ്ങനെ പറയുക: ‘നിങ്ങൾക്കു താമസി​ക്കാൻ ഞാൻ തരുന്ന ദേശത്ത്‌+ ചെന്ന​ശേഷം 3 ആടുമാടുകളിൽനിന്ന്‌ നിങ്ങൾ യഹോ​വ​യ്‌ക്ക്‌ അഗ്നിയിൽ യാഗം അർപ്പി​ക്കു​മ്പോൾ—ദഹനയാഗമോ+ സവി​ശേ​ഷ​നേർച്ച​യാ​യി കഴിക്കുന്ന ബലിയോ സ്വമന​സ്സാ​ലെ നൽകുന്ന കാഴ്‌ചയോ+ നിങ്ങളു​ടെ ഉത്സവകാ​ലത്തെ യാഗമോ+ യഹോ​വയെ പ്രസാദിപ്പിക്കുന്ന* സുഗന്ധ​മാ​യി അർപ്പിക്കുമ്പോൾ+— 4 യാഗം അർപ്പി​ക്കുന്ന വ്യക്തി ഒരു ഏഫായുടെ* പത്തി​ലൊന്ന്‌ അളവ്‌ നേർത്ത ധാന്യപ്പൊടിയിൽ+ ഒരു ഹീന്റെ* നാലി​ലൊന്ന്‌ എണ്ണ ചേർത്ത്‌ തയ്യാറാ​ക്കിയ ഒരു ധാന്യ​യാ​ഗ​വും​കൂ​ടെ യഹോ​വ​യ്‌ക്ക്‌ അർപ്പി​ക്കണം. 5 കൂടാതെ, ദഹനയാഗത്തിന്റെയും+ ഓരോ ആൺചെ​മ്മ​രി​യാ​ട്ടിൻകു​ട്ടി​യു​ടെ ബലിയു​ടെ​യും കൂടെ ഒരു ഹീന്റെ നാലി​ലൊ​ന്നു വീഞ്ഞ്‌ പാനീ​യ​യാ​ഗ​മാ​യും അർപ്പി​ക്കണം. 6 ആൺചെമ്മരിയാടാണെങ്കിൽ ഒരു ഏഫായു​ടെ പത്തിൽ രണ്ട്‌ അളവ്‌ നേർത്ത ധാന്യ​പ്പൊ​ടി​യിൽ ഒരു ഹീന്റെ മൂന്നി​ലൊന്ന്‌ എണ്ണ ചേർത്ത്‌ തയ്യാറാ​ക്കിയ ധാന്യ​യാ​ഗ​വും അർപ്പി​ക്കണം. 7 കൂടാതെ, പാനീ​യ​യാ​ഗ​മാ​യി ഒരു ഹീന്റെ മൂന്നി​ലൊ​ന്നു വീഞ്ഞും യഹോ​വയെ പ്രസാ​ദി​പ്പി​ക്കുന്ന സുഗന്ധ​മാ​യി നിങ്ങൾ അർപ്പി​ക്കണം.

8 “‘എന്നാൽ ആടുമാ​ടു​ക​ളിൽനിന്ന്‌ ഒരു ആണിനെ ദഹനയാഗമായോ+ സവി​ശേ​ഷ​നേർച്ച​യാ​യി കഴിക്കുന്ന ബലിയായോ+ സഹഭോ​ജ​ന​ബ​ലി​യാ​യോ യഹോ​വ​യ്‌ക്ക്‌ അർപ്പിക്കുമ്പോൾ+ 9 ആടുമാടുകളിലെ ഈ ആണി​നൊ​പ്പം നിങ്ങൾ ഒരു ഏഫായു​ടെ പത്തിൽ മൂന്ന്‌ അളവ്‌ നേർത്ത ധാന്യ​പ്പൊ​ടി​യിൽ അര ഹീൻ എണ്ണ ചേർത്ത്‌ തയ്യാറാ​ക്കിയ ധാന്യയാഗവുംകൂടെ+ അർപ്പി​ക്കണം. 10 കൂടാതെ, യഹോ​വയെ പ്രസാ​ദി​പ്പി​ക്കുന്ന സുഗന്ധ​മാ​യി അര ഹീൻ വീഞ്ഞ്‌ അഗ്നിയി​ലുള്ള യാഗമെന്ന നിലയിൽ പാനീയയാഗമായും+ അർപ്പി​ക്കണം. 11 കാള, ആൺചെ​മ്മ​രി​യാട്‌, ആൺചെ​മ്മ​രി​യാ​ട്ടിൻകു​ട്ടി, ആൺകോ​ലാട്‌ എന്നിങ്ങനെ ഓരോ മൃഗത്തെ അർപ്പി​ക്കു​മ്പോ​ഴും നിങ്ങൾ ഇങ്ങനെ ചെയ്യണം. 12 നിങ്ങൾ എത്ര മൃഗങ്ങളെ അർപ്പി​ച്ചാ​ലും, അവയുടെ എണ്ണമനു​സ​രിച്ച്‌, ഓരോ​ന്നി​ന്റെ​യും കാര്യ​ത്തിൽ ഇങ്ങനെ​തന്നെ ചെയ്യണം. 13 ഇങ്ങനെയാണ്‌ സ്വദേ​ശത്ത്‌ ജനിച്ച ഓരോ ഇസ്രാ​യേ​ല്യ​നും യഹോ​വയെ പ്രസാ​ദി​പ്പി​ക്കുന്ന സുഗന്ധ​മാ​യി അഗ്നിയി​ലുള്ള യാഗം അർപ്പി​ക്കേ​ണ്ടത്‌.

14 “‘നിങ്ങളു​ടെ​കൂ​ടെ താമസി​ക്കുന്ന ഒരു വിദേ​ശി​യോ അനേകം തലമു​റ​ക​ളാ​യി നിങ്ങളു​ടെ​കൂ​ടെ താമസി​ക്കുന്ന ഒരാളോ യഹോ​വയെ പ്രസാ​ദി​പ്പി​ക്കുന്ന സുഗന്ധ​മാ​യി അഗ്നിയി​ലുള്ള യാഗം അർപ്പി​ക്കു​ന്നെ​ങ്കിൽ നിങ്ങൾ ചെയ്യു​ന്ന​തു​പോ​ലെ​തന്നെ അയാളും ചെയ്യണം.+ 15 സഭയിലെ അംഗങ്ങ​ളായ നിങ്ങൾക്കും നിങ്ങളു​ടെ​കൂ​ടെ താമസ​മാ​ക്കിയ വിദേ​ശി​ക്കും ഒരേ നിയമ​മാ​യി​രി​ക്കും. ഇതു നിങ്ങളു​ടെ എല്ലാ തലമു​റ​ക​ളി​ലേ​ക്കു​മുള്ള ഒരു ദീർഘ​കാ​ല​നി​യ​മ​മാണ്‌. നിങ്ങളും വിദേ​ശി​യും യഹോ​വ​യു​ടെ മുമ്പാകെ ഒരു​പോ​ലെ​യാ​യി​രി​ക്കും.+ 16 നിങ്ങൾക്കും നിങ്ങളു​ടെ​കൂ​ടെ താമസി​ക്കുന്ന വിദേ​ശി​ക്കും ഒരേ നിയമ​വും ഒരേ ന്യായ​ത്തീർപ്പും ആയിരി​ക്കണം.’”

17 യഹോവ മോശ​യോ​ടു തുടർന്നു​പ​റഞ്ഞു: 18 “ഇസ്രാ​യേ​ല്യ​രോട്‌ ഇങ്ങനെ പറയുക: ‘ഞാൻ നിങ്ങളെ കൊണ്ടു​പോ​കുന്ന ദേശത്ത്‌ എത്തിയ​ശേഷം 19 ആ ദേശത്തെ ഏതു ഭക്ഷണം കഴിക്കുമ്പോഴും+ നിങ്ങൾ യഹോ​വ​യ്‌ക്ക്‌ ഒരു സംഭാവന കൊണ്ടു​വ​രണം. 20 ആദ്യം പൊടി​ച്ചെ​ടു​ക്കുന്ന തരിമാ​വിൽനി​ന്നുള്ള നിങ്ങളു​ടെ സംഭാവന+ വളയാ​കൃ​തി​യി​ലുള്ള അപ്പമായി കൊണ്ടു​വ​രണം. മെതി​ക്ക​ള​ത്തിൽനി​ന്നുള്ള സംഭാ​വ​ന​പോ​ലെ​യാ​ണു നിങ്ങൾ അതു സംഭാവന ചെയ്യേ​ണ്ടത്‌. 21 നിങ്ങൾ തലമു​റ​തോ​റും ആദ്യഫ​ല​മായ തരിമാ​വിൽനിന്ന്‌ കുറച്ച്‌ എടുത്ത്‌ ഒരു സംഭാ​വ​ന​യാ​യി യഹോ​വ​യ്‌ക്കു നൽകണം.

22 “‘നിങ്ങൾ ഒരു തെറ്റു ചെയ്യു​ക​യും യഹോവ മോശ​യോ​ടു പറഞ്ഞി​ട്ടുള്ള കല്‌പ​നകൾ, 23 അതായത്‌ മോശ​യി​ലൂ​ടെ യഹോവ നിങ്ങ​ളോ​ടു കല്‌പി​ച്ച​തും യഹോവ കല്‌പിച്ച അന്നുമു​തൽ തലമു​റ​ക​ളി​ലു​ട​നീ​ളം നിലവി​ലി​രി​ക്കു​ന്ന​തും ആയ കല്‌പ​നകൾ, പാലി​ക്കു​ന്ന​തിൽ വീഴ്‌ച വരുത്തു​ക​യും ചെയ്യു​ന്നെന്നു കരുതുക. 24 അത്‌ അറിയാ​തെ ചെയ്‌തു​പോ​യ​താ​ണെ​ങ്കിൽ, യഹോ​വയെ പ്രസാ​ദി​പ്പി​ക്കുന്ന സുഗന്ധ​മാ​യി സമൂഹം മുഴു​വ​നും ഒരു കാളക്കു​ട്ടി​യെ ദഹനയാ​ഗ​മാ​യി അർപ്പി​ക്കണം. കീഴ്‌വ​ഴ​ക്ക​മ​നു​സ​രിച്ച്‌ അതിന്റെ ധാന്യ​യാ​ഗ​ത്തോ​ടും പാനീ​യ​യാ​ഗ​ത്തോ​ടും കൂടെ അത്‌ അർപ്പി​ക്കണം.+ കൂടാതെ പാപയാ​ഗ​മാ​യി ഒരു കോലാ​ട്ടിൻകു​ട്ടി​യെ​യും അർപ്പി​ക്കണം.+ 25 പുരോഹിതൻ ഇസ്രാ​യേ​ല്യ​രു​ടെ സമൂഹ​ത്തി​നു മുഴുവൻ പാപപ​രി​ഹാ​രം വരുത്തണം. അപ്പോൾ ആ തെറ്റ്‌ അവരോ​ടു ക്ഷമിക്കും.+ കാരണം അവർ അത്‌ അറിയാ​തെ ചെയ്‌ത​താണ്‌. കൂടാതെ, തങ്ങളുടെ തെറ്റിനു പരിഹാ​ര​മാ​യി അവർ യഹോ​വ​യ്‌ക്ക്‌ അഗ്നിയി​ലുള്ള ഒരു യാഗവും യഹോ​വ​യു​ടെ മുമ്പാകെ അവരുടെ പാപയാ​ഗ​വും കൊണ്ടു​വ​രു​ക​യും ചെയ്‌തു. 26 അറിയാതെ ചെയ്‌ത​താ​യ​തു​കൊണ്ട്‌ ഇസ്രാ​യേ​ല്യ​രു​ടെ സമൂഹ​ത്തോ​ടും അവരുടെ ഇടയിൽ വന്നുതാ​മ​സി​ക്കുന്ന വിദേ​ശി​യോ​ടും ആ തെറ്റു ക്ഷമിക്കും.

27 “‘എന്നാൽ, ഒരു വ്യക്തി​യാണ്‌ അറിയാ​തെ ഒരു പാപം ചെയ്യു​ന്ന​തെ​ങ്കിൽ അയാൾ ഒരു വയസ്സോ അതിൽ താഴെ​യോ പ്രായ​മുള്ള ഒരു പെൺകോ​ലാ​ടി​നെ പാപയാ​ഗ​മാ​യി അർപ്പി​ക്കണം.+ 28 യഹോവയുടെ മുമ്പാകെ അയാൾ അറിയാ​തെ ചെയ്‌തു​പോയ പാപത്തി​നു പ്രായ​ശ്ചി​ത്ത​മാ​യി പുരോ​ഹി​തൻ അയാൾക്കു പാപപ​രി​ഹാ​രം വരുത്തണം. അപ്പോൾ അത്‌ അയാ​ളോ​ടു ക്ഷമിക്കും.+ 29 അറിയാതെ ചെയ്‌തു​പോയ തെറ്റിന്‌, സ്വദേ​ശത്ത്‌ ജനിച്ച ഇസ്രാ​യേ​ല്യർക്കും അവർക്കി​ട​യിൽ വന്നുതാ​മ​സി​ക്കുന്ന വിദേ​ശി​ക്കും ഒരേ നിയമ​മാ​യി​രി​ക്കണം.+

30 “‘എന്നാൽ മനഃപൂർവം എന്തെങ്കി​ലും ചെയ്യുന്ന ഒരു വ്യക്തി, + അയാൾ സ്വദേ​ശി​യോ വന്നുതാ​മ​സി​ക്കുന്ന വിദേ​ശി​യോ ആകട്ടെ, യഹോ​വയെ നിന്ദി​ക്കു​ക​യാണ്‌; അയാളെ അയാളു​ടെ ജനത്തിന്‌ ഇടയിൽനി​ന്ന്‌ കൊന്നു​ക​ള​യണം. 31 കാരണം അയാൾ യഹോ​വ​യു​ടെ വാക്കിനു വില കല്‌പി​ക്കാ​തെ ദൈവ​ക​ല്‌പന ലംഘി​ച്ചി​രി​ക്കു​ന്നു. അയാളെ കൊന്നു​ക​ള​യണം.+ അയാളു​ടെ തെറ്റ്‌ അയാളു​ടെ മേൽത്തന്നെ ഇരിക്കും.’”+

32 ഇസ്രായേല്യർ വിജന​ഭൂ​മി​യി​ലാ​യി​രി​ക്കെ, ശബത്തു​ദി​വസം ഒരാൾ വിറകു പെറു​ക്കു​ന്നതു കണ്ടു.+ 33 അയാൾ വിറകു പെറു​ക്കു​ന്നതു കണ്ടവർ അയാളെ മോശ​യു​ടെ​യും അഹരോ​ന്റെ​യും സമൂഹ​ത്തി​ന്റെ​യും മുമ്പാകെ കൊണ്ടു​വന്നു. 34 അയാളെ എന്തു ചെയ്യണ​മെന്നു പ്രത്യേ​കം നിർദേ​ശ​മൊ​ന്നു​മി​ല്ലാ​യി​രു​ന്ന​തു​കൊണ്ട്‌ അവർ അയാളെ തടവിൽ വെച്ചു.+

35 യഹോവ മോശ​യോ​ടു പറഞ്ഞു: “അയാളെ കൊന്നു​ക​ള​യണം;+ പാളയ​ത്തി​നു പുറത്ത്‌ കൊണ്ടു​പോ​യി സമൂഹം മുഴു​വ​നും അയാളെ കല്ലെറി​യണം.”+ 36 അങ്ങനെ യഹോവ മോശ​യോ​ടു കല്‌പി​ച്ച​തു​പോ​ലെ​തന്നെ സമൂഹം മുഴു​വ​നും അയാളെ പാളയ​ത്തി​നു പുറത്ത്‌ കൊണ്ടു​പോ​യി കല്ലെറി​ഞ്ഞ്‌ കൊന്നു.

37 പിന്നെ യഹോവ മോശ​യോ​ടു പറഞ്ഞു: 38 “നീ ഇസ്രാ​യേ​ല്യ​രോട്‌ അവരുടെ വസ്‌ത്ര​ത്തി​ന്റെ താഴത്തെ വിളു​മ്പിൽ തൊങ്ങ​ലു​കൾ പിടി​പ്പി​ക്കാൻ പറയണം. തലമു​റ​തോ​റും അവർ അതു ചെയ്യണം. താഴത്തെ വിളു​മ്പി​ലെ തൊങ്ങ​ലു​ക​ളു​ടെ മുകളി​ലാ​യി വസ്‌ത്ര​ത്തിൽ അവർ ഒരു നീലച്ച​ര​ടും പിടി​പ്പി​ക്കണം.+ 39 ‘തൊങ്ങ​ലു​കൾ കാണു​മ്പോൾ നിങ്ങൾ യഹോ​വ​യു​ടെ കല്‌പ​ന​ക​ളെ​ല്ലാം ഓർക്കു​ക​യും അനുസ​രി​ക്കു​ക​യും ചെയ്യാ​നാ​യി അവ പിടി​പ്പി​ക്കണം.+ നിങ്ങൾ നിങ്ങളു​ടെ ഹൃദയ​ങ്ങ​ളെ​യും കണ്ണുക​ളെ​യും അനുസ​രിച്ച്‌ നടക്കരു​ത്‌. അവ നിങ്ങളെ ആത്മീയ​വേ​ശ്യാ​വൃ​ത്തി​യി​ലേ​ക്കാ​ണു നയിക്കുക.+ 40 എന്റെ കല്‌പ​ന​ക​ളെ​ല്ലാം ഓർക്കാ​നും അവ അനുസ​രി​ക്കാ​നും അങ്ങനെ നിങ്ങൾ നിങ്ങളു​ടെ ദൈവ​ത്തി​നു വിശു​ദ്ധ​രാ​യി​രി​ക്കാ​നും ഇതു സഹായി​ക്കും.+ 41 ഞാൻ നിങ്ങളു​ടെ ദൈവ​മായ യഹോ​വ​യാണ്‌, നിങ്ങളു​ടെ ദൈവ​മാ​യി​രി​ക്കാ​നാ​യി നിങ്ങളെ ഈജി​പ്‌ത്‌ ദേശത്തു​നിന്ന്‌ കൊണ്ടു​വന്ന ദൈവം!+ ഞാൻ നിങ്ങളു​ടെ ദൈവ​മായ യഹോ​വ​യാണ്‌.’”+

16 പിന്നീട്‌ ലേവി​യു​ടെ മകനായ+ കൊഹാ​ത്തി​ന്റെ മകനായ+ യിസ്‌ഹാ​രി​ന്റെ മകൻ+ കോരഹ്‌,+ രൂബേന്റെ വംശത്തിൽപ്പെട്ട എലിയാ​ബി​ന്റെ മക്കളായ+ ദാഥാൻ, അബീരാം എന്നിവ​രോ​ടും രൂബേന്റെ+ വംശത്തിൽപ്പെട്ട പേലെ​ത്തി​ന്റെ മകൻ ഓനോ​ടും കൂടെ ചേർന്ന്‌, 2 സമൂഹത്തിലെ തലവന്മാ​രും സഭയിലെ തിര​ഞ്ഞെ​ടു​ക്ക​പ്പെ​ട്ട​വ​രും പ്രധാ​നി​ക​ളും ആയ 250 ഇസ്രാ​യേ​ല്യ​പു​രു​ഷ​ന്മാ​രോ​ടൊ​പ്പം മോശ​യ്‌ക്കെ​തി​രെ സംഘടി​ച്ചു. 3 അവർ മോശ​യ്‌ക്കും അഹരോ​നും എതിരെ ഒന്നിച്ചുകൂടി+ അവരോ​ടു പറഞ്ഞു: “ഞങ്ങൾക്കു നിങ്ങ​ളെ​ക്കൊണ്ട്‌ മതിയാ​യി. സമൂഹ​ത്തി​ലുള്ള എല്ലാവ​രും വിശു​ദ്ധ​രാണ്‌.+ യഹോവ അവരുടെ മധ്യേ​യുണ്ട്‌.+ പിന്നെ നിങ്ങൾ എന്തിനാ​ണ്‌ യഹോ​വ​യു​ടെ സഭയ്‌ക്കു മീതെ നിങ്ങ​ളെ​ത്തന്നെ ഉയർത്തു​ന്നത്‌?”

4 ഇതു കേട്ട ഉടനെ മോശ കമിഴ്‌ന്നു​വീ​ണു. 5 പിന്നെ മോശ കോര​ഹി​നോ​ടും അയാളു​ടെ എല്ലാ കൂട്ടാ​ളി​ക​ളോ​ടും പറഞ്ഞു: “തനിക്കു​ള്ളവൻ ആരെന്നും+ വിശുദ്ധൻ ആരെന്നും തന്നെ സമീപി​ക്കേ​ണ്ടത്‌ ആരെന്നും രാവിലെ യഹോവ വെളി​പ്പെ​ടു​ത്തും.+ ദൈവം തിരഞ്ഞെടുക്കുന്നയാൾ+ ദൈവത്തെ സമീപി​ക്കും. 6 കോരഹേ, താങ്കളും താങ്കളു​ടെ കൂട്ടാളികളും+ ഇങ്ങനെ ചെയ്യുക: നിങ്ങൾ കനൽപ്പാ​ത്രം എടുത്ത്‌+ 7 നാളെ യഹോ​വ​യു​ടെ മുന്നിൽവെച്ച്‌ അതിൽ തീ ഇട്ട്‌ അതിനു മേൽ സുഗന്ധ​ക്കൂട്ട്‌ ഇടുക. യഹോവ ആരെ തിരഞ്ഞെടുക്കുന്നോ+ അയാളാ​ണു വിശുദ്ധൻ. ലേവി​പു​ത്ര​ന്മാ​രേ,+ നിങ്ങൾ അതിരു​ക​ട​ന്നി​രി​ക്കു​ന്നു!”

8 പിന്നെ മോശ കോര​ഹി​നോ​ടു പറഞ്ഞു: “ലേവി​പു​ത്ര​ന്മാ​രേ, ഇതു കേൾക്കുക. 9 ഇസ്രായേലിന്റെ ദൈവം നിങ്ങളെ ഇസ്രാ​യേൽസ​മൂ​ഹ​ത്തിൽനിന്ന്‌ വേർതിരിച്ചിരിക്കുന്നതും+ യഹോ​വ​യു​ടെ വിശു​ദ്ധ​കൂ​ടാ​ര​ത്തിൽ സേവി​ക്കാ​നാ​യി ദൈവ​ത്തോട്‌ അടുത്ത്‌ ചെല്ലാൻ അനുവ​ദി​ച്ചി​രി​ക്കു​ന്ന​തും സമൂഹത്തെ ശുശ്രൂ​ഷി​ക്കാ​നാ​യി അവരുടെ മുമ്പാകെ നിൽക്കാൻ പദവി നൽകിയിരിക്കുന്നതും+ നിസ്സാ​ര​കാ​ര്യ​മാ​ണെ​ന്നാ​ണോ നിങ്ങൾ കരുതു​ന്നത്‌? 10 താങ്കളെ ലേവി​പു​ത്ര​ന്മാ​രായ താങ്കളു​ടെ സഹോ​ദ​ര​ന്മാ​രോ​ടൊ​പ്പം ദൈവം തന്റെ അടുത്ത്‌ കൊണ്ടു​വ​ന്നി​രി​ക്കു​ന്നതു ചെറിയ കാര്യ​മാ​ണോ? പക്ഷേ ഇപ്പോൾ നിങ്ങൾ പൗരോ​ഹി​ത്യ​വും​കൂ​ടെ സ്വന്തമാ​ക്കാൻ ശ്രമി​ക്കു​ന്നു!+ 11 അതുകൊണ്ട്‌ യഹോ​വ​യ്‌ക്കെ​തി​രെ​യാ​ണു താങ്കളും താങ്കളെ പിന്തു​ണ​യ്‌ക്കു​ന്ന​വ​രും സംഘടി​ച്ചി​രി​ക്കു​ന്നത്‌. നിങ്ങൾ അഹരോ​ന്‌ എതിരെ പിറു​പി​റു​ക്കാൻ അഹരോൻ ആരാണ്‌?”+

12 പിന്നീട്‌ എലിയാ​ബി​ന്റെ മക്കളായ ദാഥാ​നെ​യും അബീരാമിനെയും+ വിളി​ക്കാൻ മോശ ആളയച്ചു. എന്നാൽ അവർ പറഞ്ഞു: “ഞങ്ങൾ വരില്ല! 13 പാലും തേനും ഒഴുകുന്ന ഒരു ദേശത്തു​നിന്ന്‌ ഈ മരുഭൂമിയിൽ* ചത്തൊ​ടു​ങ്ങാ​നാ​യി ഞങ്ങളെ കൊണ്ടുവന്നതും+ പോരാ​ഞ്ഞിട്ട്‌, നിനക്കു ഞങ്ങളെ അടക്കി​ഭ​രി​ക്കു​ക​യും വേണോ? 14 ഇതുവരെ പാലും തേനും ഒഴുകുന്ന ഒരു ദേശ​ത്തേ​ക്കും നീ ഞങ്ങളെ കൊണ്ടു​വ​ന്നി​ട്ടില്ല;+ നിലങ്ങ​ളും മുന്തി​രി​ത്തോ​ട്ട​ങ്ങ​ളും അവകാ​ശ​മാ​യി തന്നിട്ടു​മില്ല. നീ ആ മനുഷ്യ​രു​ടെ കണ്ണുകൾ ചൂഴ്‌ന്നെ​ടു​ക്കു​മോ? ഇല്ല, ഞങ്ങൾ വരില്ല!”

15 അപ്പോൾ മോശ വല്ലാതെ കോപി​ച്ചു. മോശ യഹോ​വ​യോ​ടു പറഞ്ഞു: “അവരുടെ ധാന്യ​യാ​ഗ​ങ്ങ​ളെ കടാക്ഷി​ക്ക​രു​തേ. അവരുടെ ഒരു കഴുത​യെ​പ്പോ​ലും ഞാൻ എടുത്തി​ട്ടില്ല, അവരിൽ ആരെയും ദ്രോ​ഹി​ച്ചി​ട്ടു​മില്ല.”+

16 പിന്നെ മോശ കോര​ഹി​നോ​ടു പറഞ്ഞു: “താങ്കളും താങ്കളു​ടെ പക്ഷത്തുള്ള എല്ലാവ​രും നാളെ യഹോ​വ​യു​ടെ മുമ്പാകെ സന്നിഹി​ത​രാ​കണം. താങ്കളും അവരും അഹരോ​നും അവി​ടെ​യു​ണ്ടാ​യി​രി​ക്കണം. 17 ഓരോരുത്തരും അവരവ​രു​ടെ കനൽപ്പാ​ത്രം എടുത്ത്‌ അതിൽ സുഗന്ധ​ക്കൂട്ട്‌ ഇടുക. അവർ ഓരോ​രു​ത്ത​രും സ്വന്തം കനൽപ്പാ​ത്രം—ആകെ 250 കനൽപ്പാ​ത്രം—യഹോ​വ​യു​ടെ മുമ്പാകെ കൊണ്ടു​വ​രണം. കൂടാതെ താങ്കളും അഹരോ​നും കനൽപ്പാ​ത്ര​വു​മാ​യി വരണം.” 18 അങ്ങനെ അവർ ഓരോ​രു​ത്ത​രും അവരവ​രു​ടെ കനൽപ്പാ​ത്രം എടുത്ത്‌ അതിൽ തീയും സുഗന്ധ​ക്കൂ​ട്ടും ഇട്ട്‌ മോശ​യോ​ടും അഹരോ​നോ​ടും ഒപ്പം സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ നിന്നു. 19 കോരഹ്‌ തന്റെ പക്ഷത്തു​ള്ള​വരെ അവർക്കെ​തി​രെ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ കൂട്ടിവരുത്തിയപ്പോൾ+ യഹോ​വ​യു​ടെ തേജസ്സു സമൂഹ​ത്തി​നു മുഴുവൻ പ്രത്യ​ക്ഷ​മാ​യി.+

20 അപ്പോൾ യഹോവ മോശ​യോ​ടും അഹരോ​നോ​ടും പറഞ്ഞു: 21 “നിങ്ങൾ ഈ കൂട്ടത്തിൽനി​ന്ന്‌ മാറി നിൽക്കുക! ഞാൻ അവരെ മുഴുവൻ ഇപ്പോൾത്തന്നെ ഇല്ലാതാ​ക്കാൻപോ​കു​ക​യാണ്‌!”+ 22 അപ്പോൾ അവർ കമിഴ്‌ന്നു​വീണ്‌ ഇങ്ങനെ അപേക്ഷി​ച്ചു: “ദൈവമേ, എല്ലാവ​രു​ടെ​യും ജീവന്റെ+ ഉടയവ​നായ ദൈവമേ, ഒരു മനുഷ്യൻ പാപം ചെയ്‌ത​തിന്‌ അങ്ങ്‌ സമൂഹ​ത്തോ​ടു മുഴുവൻ കോപി​ക്കു​മോ?”+

23 അപ്പോൾ യഹോവ മോശ​യോ​ടു പറഞ്ഞു: 24 “‘കോരഹ്‌, ദാഥാൻ, അബീരാം+ എന്നിവ​രു​ടെ കൂടാ​ര​ത്തി​ന്റെ പരിസ​ര​ത്തു​നിന്ന്‌ മാറി​പ്പോ​കുക!’ എന്നു ജനത്തോ​ടു പറയുക.”

25 പിന്നെ മോശ എഴു​ന്നേറ്റ്‌ ദാഥാ​ന്റെ​യും അബീരാ​മി​ന്റെ​യും അടു​ത്തേക്കു ചെന്നു; ഇസ്രായേൽമൂപ്പന്മാരും+ മോശ​യോ​ടൊ​പ്പം പോയി. 26 മോശ ജനത്തോ​ടു പറഞ്ഞു: “ഇവരുടെ പാപങ്ങ​ളെ​ല്ലാം കാരണം നിങ്ങൾ നശിക്കാ​തി​രി​ക്കാൻ ഈ ദുഷ്ടമ​നു​ഷ്യ​രു​ടെ കൂടാ​ര​ങ്ങൾക്ക​ടു​ത്തു​നിന്ന്‌ മാറി​നിൽക്കുക, അവർക്കുള്ള യാതൊ​ന്നി​ലും തൊട​രുത്‌!” 27 ഉടനെ കോരഹ്‌, ദാഥാൻ, അബീരാം എന്നിവ​രു​ടെ കൂടാ​ര​ത്തിന്‌ അടുത്തു​നിന്ന്‌ അവർ മാറി​നി​ന്നു. ദാഥാ​നും അബീരാ​മും പുറത്ത്‌ വന്ന്‌ ഭാര്യ​മാ​രോ​ടും ആൺമക്ക​ളോ​ടും കുഞ്ഞു​ങ്ങ​ളോ​ടും ഒപ്പം തങ്ങളുടെ കൂടാ​ര​ത്തി​ന്റെ വാതിൽക്കൽ നിന്നു.

28 അപ്പോൾ മോശ പറഞ്ഞു: “ഇക്കാര്യ​ങ്ങ​ളെ​ല്ലാം ചെയ്യാൻ യഹോവ എന്നെ അയച്ചതാ​ണ്‌, ഞാൻ സ്വന്തഹൃ​ദ​യ​ത്തിൽ തോന്നിയതുപോലെ* ചെയ്‌തതല്ല എന്ന്‌ ഇങ്ങനെ നിങ്ങൾ അറിയും: 29 എല്ലാ മനുഷ്യ​രും മരിക്കു​ന്ന​തു​പോ​ലുള്ള ഒരു സാധാ​ര​ണ​മ​ര​ണ​മാണ്‌ ഇവരു​ടേ​തെ​ങ്കിൽ, എല്ലാ മനുഷ്യർക്കും ലഭിക്കുന്ന ശിക്ഷയാ​ണ്‌ ഇവർക്കു ലഭിക്കു​ന്ന​തെ​ങ്കിൽ, യഹോവ എന്നെ അയച്ചി​ട്ടില്ല.+ 30 എന്നാൽ യഹോവ അസാധാ​ര​ണ​മാ​യി എന്തെങ്കി​ലും അവരോ​ടു ചെയ്യു​ന്നെ​ങ്കിൽ, അതായത്‌ ഭൂമി വായ്‌ തുറന്ന്‌ അവരെ​യും അവർക്കുള്ള എല്ലാത്തി​നെ​യും വിഴു​ങ്ങു​ക​യും അങ്ങനെ അവർ ജീവ​നോ​ടെ ശവക്കുഴിയിലേക്ക്‌* ഇറങ്ങു​ക​യും ചെയ്യു​ന്നെ​ങ്കിൽ, ഈ പുരു​ഷ​ന്മാർ യഹോ​വ​യോ​ടാണ്‌ അനാദ​രവ്‌ കാണി​ച്ചി​രി​ക്കു​ന്ന​തെന്നു നിങ്ങൾ മനസ്സി​ലാ​ക്കും.”

31 മോശ ഈ വാക്കുകൾ പറഞ്ഞു​തീർന്ന​തും അവർ നിന്നി​രുന്ന നിലം രണ്ടായി പിളർന്നു.+ 32 ഭൂമി വായ്‌ തുറന്ന്‌ അവരെ​യും അവരുടെ വീട്ടി​ലു​ള്ള​വ​രെ​യും കോര​ഹി​നുള്ള എല്ലാവരെയും+ അവരുടെ വസ്‌തു​വ​ക​ക​ളോ​ടൊ​പ്പം വിഴു​ങ്ങി​ക്ക​ളഞ്ഞു. 33 അവരും അവർക്കുള്ള എല്ലാവ​രും ജീവ​നോ​ടെ ശവക്കു​ഴി​യി​ലേക്കു പോയി. ഭൂമി അവരെ മൂടി​ക്ക​ളഞ്ഞു. അങ്ങനെ അവർ സഭയുടെ മധ്യേ​നിന്ന്‌ നാമാ​വ​ശേ​ഷ​മാ​യി.+ 34 അവരുടെ നിലവി​ളി കേട്ട​പ്പോൾ അവർക്കു ചുറ്റു​മു​ണ്ടാ​യി​രുന്ന ഇസ്രാ​യേ​ല്യ​രെ​ല്ലാം, “അയ്യോ, ഭൂമി നമ്മളെ​യും വിഴു​ങ്ങി​ക്ക​ള​യും!” എന്നു പറഞ്ഞ്‌ ഓടി​മാ​റി. 35 തുടർന്ന്‌ യഹോ​വ​യിൽനിന്ന്‌ തീ പുറപ്പെട്ട്‌+ സുഗന്ധ​ക്കൂട്ട്‌ അർപ്പി​ച്ചു​കൊ​ണ്ടി​രുന്ന 250 പുരു​ഷ​ന്മാ​രെ​യും ദഹിപ്പി​ച്ചു​ക​ളഞ്ഞു.+

36 പിന്നെ യഹോവ മോശ​യോ​ടു പറഞ്ഞു: 37 “തീയിൽനി​ന്ന്‌ കനൽപ്പാ​ത്രങ്ങൾ എടുക്കാൻ പുരോ​ഹി​ത​നായ അഹരോ​ന്റെ മകൻ എലെയാ​സ​രി​നോ​ടു പറയുക.+ കാരണം അവ വിശു​ദ്ധ​മാണ്‌. കനലുകൾ ദൂരേക്ക്‌ എറിഞ്ഞു​ക​ള​യാ​നും പറയുക. 38 പാപം ചെയ്‌ത്‌ സ്വന്തം ജീവൻ നഷ്ടപ്പെ​ടു​ത്തിയ ആ പുരു​ഷ​ന്മാ​രു​ടെ കനൽപ്പാ​ത്രങ്ങൾ യാഗപീഠം+ പൊതി​യാൻവേണ്ടി നേർത്ത തകിടു​ക​ളാ​ക്കാ​നും പറയണം. യഹോ​വ​യു​ടെ മുമ്പാകെ അർപ്പി​ച്ച​തി​നാൽ അവ വിശു​ദ്ധ​മാണ്‌. അവ ഇസ്രാ​യേ​ല്യർക്ക്‌ ഒരു അടയാ​ള​മാ​യി​രി​ക്കണം.”+ 39 അങ്ങനെ പുരോ​ഹി​ത​നായ എലെയാ​സർ, തീയിൽ എരി​ഞ്ഞൊ​ടു​ങ്ങി​യവർ സുഗന്ധ​ക്കൂട്ട്‌ അർപ്പിച്ച ചെമ്പു​കൊ​ണ്ടുള്ള കനൽപ്പാ​ത്രങ്ങൾ എടുത്ത്‌ യാഗപീ​ഠം പൊതി​യാൻവേണ്ടി അടിച്ചു​പ​രത്തി. 40 യഹോവ മോശ​യി​ലൂ​ടെ എലെയാ​സ​രി​നോ​ടു പറഞ്ഞതു​പോ​ലെ എലെയാ​സർ ചെയ്‌തു. അഹരോ​ന്റെ സന്തതി​ക​ള​ല്ലാത്ത, അർഹത​യി​ല്ലാത്ത,* ആരും യഹോ​വ​യു​ടെ മുമ്പാകെ സുഗന്ധ​ക്കൂട്ട്‌ കത്തിക്കാൻ വരരുത്‌+ എന്നും ആരും കോര​ഹി​നെ​യും അയാളു​ടെ ആളുക​ളെ​യും പോ​ലെ​യാ​ക​രുത്‌ എന്നും ഇസ്രാ​യേ​ല്യ​രെ ഓർമി​പ്പി​ക്കാ​നാ​യി​രു​ന്നു അത്‌.+

41 എന്നാൽ പിറ്റേ​ന്നു​തന്നെ, ഇസ്രാ​യേ​ല്യ​രു​ടെ സമൂഹം മുഴുവൻ മോശ​യ്‌ക്കും അഹരോ​നും എതിരെ പിറു​പി​റു​ത്തു​തു​ടങ്ങി.+ അവർ പറഞ്ഞു: “നിങ്ങൾ രണ്ടും ചേർന്ന്‌ യഹോ​വ​യു​ടെ ജനത്തെ കൊന്നു.” 42 ജനം മോശ​യ്‌ക്കും അഹരോ​നും എതിരെ ഒന്നിച്ചു​കൂ​ടി. അവർ സാന്നി​ധ്യ​കൂ​ടാ​ര​ത്തി​നു നേരെ നോക്കി​യ​പ്പോൾ അതാ, മേഘം അതിനെ മൂടി​യി​രി​ക്കു​ന്നു! യഹോ​വ​യു​ടെ തേജസ്സ്‌ അവർക്കു പ്രത്യ​ക്ഷ​മാ​യി.+

43 മോശയും അഹരോ​നും സാന്നി​ധ്യ​കൂ​ടാ​ര​ത്തി​നു മുന്നി​ലേക്കു ചെന്നു.+ 44 അപ്പോൾ യഹോവ മോശ​യോ​ടു പറഞ്ഞു: 45 “പുരു​ഷ​ന്മാ​രേ, നിങ്ങൾ ഈ സമൂഹ​ത്തി​ന്റെ മധ്യേ​നിന്ന്‌ മാറുക, ഞാൻ അവരെ മുഴുവൻ ഇപ്പോൾത്തന്നെ നശിപ്പി​ക്കാൻപോ​കു​ക​യാണ്‌!”+ അപ്പോൾ അവർ കമിഴ്‌ന്നു​വീണ്‌ നമസ്‌ക​രി​ച്ചു.+ 46 മോശ അഹരോ​നോ​ടു പറഞ്ഞു: “കനൽപ്പാ​ത്രം എടുത്ത്‌ അതിൽ യാഗപീ​ഠ​ത്തിൽനിന്ന്‌ എടുത്ത തീ ഇടുക.+ അതിൽ സുഗന്ധ​ക്കൂട്ട്‌ ഇട്ട്‌ പെട്ടെ​ന്നു​തന്നെ സമൂഹ​ത്തി​ലേക്കു ചെന്ന്‌ അവർക്കു​വേണ്ടി പാപപ​രി​ഹാ​രം വരുത്തുക.+ യഹോ​വ​യു​ടെ സന്നിധി​യിൽനിന്ന്‌ ക്രോധം പുറ​പ്പെ​ട്ടി​രി​ക്കു​ന്നു. ബാധ തുടങ്ങി​ക്ക​ഴി​ഞ്ഞു!” 47 മോശ പറഞ്ഞതു​പോ​ലെ, ഉടനെ അഹരോൻ അത്‌ എടുത്ത്‌ സഭാമ​ധ്യ​ത്തി​ലേക്ക്‌ ഓടി​ച്ചെന്നു. അതാ, ജനത്തിന്‌ ഇടയിൽ ബാധ തുടങ്ങി​യി​രി​ക്കു​ന്നു! അതു​കൊണ്ട്‌ അഹരോൻ കനൽപ്പാ​ത്ര​ത്തിൽ സുഗന്ധ​ക്കൂട്ട്‌ ഇട്ട്‌ ജനത്തി​നു​വേണ്ടി പാപപ​രി​ഹാ​രം വരുത്താൻതു​ടങ്ങി. 48 മരിച്ചവർക്കും ജീവനു​ള്ള​വർക്കും മധ്യേ അഹരോൻ നിലയു​റ​പ്പി​ച്ചു. ക്രമേണ ബാധ നിലച്ചു. 49 കോരഹ്‌ കാരണം മരിച്ച​വ​രെ​ക്കൂ​ടാ​തെ, ബാധയാൽ മരിച്ച​വ​രു​ടെ എണ്ണം 14,700 ആയിരു​ന്നു. 50 ബാധ നിലച്ച​പ്പോൾ അഹരോൻ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽ മോശ​യു​ടെ അടു​ത്തേക്കു മടങ്ങി.

17 പിന്നെ യഹോവ മോശ​യോ​ടു പറഞ്ഞു: 2 “ഇസ്രാ​യേ​ല്യ​രോ​ടു സംസാ​രിച്ച്‌ അവരിൽനി​ന്ന്‌ ഓരോ പിതൃ​ഭ​വ​ന​ത്തി​നും​വേണ്ടി ഓരോ വടി എടുക്കുക. ഓരോ പിതൃ​ഭ​വ​ന​ത്തി​ന്റെ തലവനിൽനിന്നും+ ഒരു വടി വീതം ആകെ 12 വടി എടുക്കണം. എന്നിട്ട്‌ ഓരോ​രു​ത്ത​രു​ടെ​യും പേര്‌ അവരവ​രു​ടെ വടിയിൽ എഴുതണം. 3 നീ അഹരോ​ന്റെ പേര്‌ ലേവി​യു​ടെ വടിയിൽ എഴുതണം. കാരണം ഓരോ പിതൃ​ഭ​വ​ന​ത്തി​ന്റെ തലവനും ഒരു വടി വീതമാ​ണു​ള്ളത്‌. 4 ഞാൻ പതിവാ​യി നിങ്ങൾക്കു പ്രത്യക്ഷനാകുന്ന+ സാന്നി​ധ്യ​കൂ​ടാ​ര​ത്തി​ലെ സാക്ഷ്യ​പെ​ട്ട​ക​ത്തി​നു മുന്നിൽ+ അവ വെക്കണം. 5 ഞാൻ തിരഞ്ഞെടുക്കുന്നയാളിന്റെ+ വടി തളിർക്കും. അങ്ങനെ എനിക്ക്‌ എതി​രെ​യുള്ള ഇസ്രാ​യേ​ല്യ​രു​ടെ പിറു​പി​റുപ്പ്‌ ഞാൻ അവസാ​നി​പ്പി​ക്കും.+ അവരുടെ പിറു​പി​റുപ്പ്‌ നിങ്ങൾക്കെ​തി​രെ​യു​മാ​ണ​ല്ലോ.”+

6 അങ്ങനെ മോശ ഇസ്രാ​യേ​ല്യ​രോ​ടു സംസാ​രി​ച്ചു. അവരുടെ എല്ലാ തലവന്മാ​രും മോശ​യ്‌ക്കു വടികൾ—ഓരോ പിതൃ​ഭ​വ​ന​ത്തി​ലെ തലവനും​വേണ്ടി ഓരോ വടി വീതം ആകെ 12 വടികൾ—കൊടു​ത്തു. അവരുടെ വടിക​ളു​ടെ കൂട്ടത്തിൽ അഹരോ​ന്റെ വടിയു​മു​ണ്ടാ​യി​രു​ന്നു. 7 മോശ ആ വടികൾ സാക്ഷ്യ​കൂ​ടാ​ര​ത്തിൽ യഹോ​വ​യു​ടെ മുമ്പാകെ വെച്ചു.

8 പിറ്റേന്ന്‌ മോശ സാക്ഷ്യ​കൂ​ടാ​ര​ത്തിൽ ചെന്ന​പ്പോൾ അതാ, ലേവി​യു​ടെ ഭവനത്തി​നു​വേ​ണ്ടി​യുള്ള അഹരോ​ന്റെ വടി തളിർത്തി​രി​ക്കു​ന്നു! അതിൽ മുളകൾ പൊട്ടു​ക​യും പൂവുകൾ ഉണ്ടാകു​ക​യും ബദാം​കാ​യ്‌കൾ വിളയു​ക​യും ചെയ്‌തി​രു​ന്നു. 9 മോശ ആ വടിക​ളെ​ല്ലാം യഹോ​വ​യു​ടെ സന്നിധി​യിൽനിന്ന്‌ എടുത്ത്‌ ഇസ്രാ​യേൽ ജനത്തിന്റെ അടു​ത്തേക്കു കൊണ്ടു​വന്നു. അവർ ആ വടികൾ കണ്ടു. പിന്നെ ഓരോ​രു​ത്ത​രും അവരവ​രു​ടെ വടി തിരി​ച്ചെ​ടു​ത്തു.

10 യഹോവ മോശ​യോ​ടു പറഞ്ഞു: “ധിക്കാ​ര​ത്തി​ന്റെ പുത്രന്മാർക്ക്‌+ ഒരു അടയാളമായിരിക്കാനായി+ അഹരോ​ന്റെ വടി+ തിരികെ സാക്ഷ്യ​പെ​ട്ട​ക​ത്തി​നു മുന്നിൽ വെക്കുക. അങ്ങനെ എനിക്ക്‌ എതി​രെ​യുള്ള അവരുടെ പിറു​പി​റുപ്പ്‌ അവസാ​നി​ക്കും, അവർ മരിക്കാ​തി​രി​ക്കും.” 11 മോശ ഉടനെ യഹോവ തന്നോടു കല്‌പി​ച്ച​തു​പോ​ലെ ചെയ്‌തു. അങ്ങനെ​തന്നെ മോശ ചെയ്‌തു.

12 അപ്പോൾ ഇസ്രാ​യേ​ല്യർ മോശ​യോ​ടു പറഞ്ഞു: “ഞങ്ങളെ​ല്ലാം ഇതാ നശിക്കാൻപോ​കു​ന്നു! ഞങ്ങൾ ഇപ്പോൾ മരിക്കും, ഞങ്ങൾ ഉറപ്പാ​യും നശിച്ചു​പോ​കും! 13 യഹോവയുടെ വിശു​ദ്ധ​കൂ​ടാ​ര​ത്തിന്‌ അടു​ത്തേക്കു വന്നാൽപ്പോ​ലും ആളുകൾ മരിക്കും.+ ഞങ്ങൾ ഇങ്ങനെ ചത്തൊ​ടു​ങ്ങ​ണോ?”+

18 പിന്നെ യഹോവ അഹരോ​നോ​ടു പറഞ്ഞു: “വിശു​ദ്ധ​മ​ന്ദി​ര​ത്തിന്‌ എതി​രെ​യുള്ള തെറ്റു​കൾക്കെ​ല്ലാം നീയും നിന്റെ ആൺമക്ക​ളും നിന്നോ​ടൊ​പ്പ​മുള്ള നിന്റെ പിതൃ​ഭ​വ​ന​വും ആണ്‌ ഉത്തരം പറയേ​ണ്ടത്‌.+ അതു​പോ​ലെ നിങ്ങളു​ടെ പൗരോ​ഹി​ത്യ​ത്തിന്‌ എതി​രെ​യുള്ള തെറ്റു​കൾക്കെ​ല്ലാം നീയും നിന്റെ ആൺമക്ക​ളും ഉത്തരം പറയണം.+ 2 നിങ്ങളോടൊപ്പം ചേരാ​നും സാക്ഷ്യ​കൂ​ടാ​ര​ത്തി​നു മുമ്പാകെ+ നിനക്കും നിന്റെ ആൺമക്കൾക്കും ശുശ്രൂഷ ചെയ്യാ​നും വേണ്ടി ലേവി ഗോത്രത്തിലെ+ നിങ്ങളു​ടെ സഹോ​ദ​ര​ന്മാ​രെ, നിങ്ങളു​ടെ പിതൃ​ഗോ​ത്രത്തെ, കൂട്ടി​വ​രു​ത്തുക. 3 നിന്നോടും മുഴു​കൂ​ടാ​ര​ത്തോ​ടും ബന്ധപ്പെട്ട അവരുടെ ഉത്തരവാ​ദി​ത്വ​ങ്ങൾ അവർ നിർവ​ഹി​ക്കണം.+ എന്നാൽ അവരും നീയും മരിക്കാ​തി​രി​ക്കാൻ അവർ യാഗപീ​ഠ​ത്തി​ന്റെ​യോ വിശു​ദ്ധ​സ്ഥ​ലത്തെ ഉപകര​ണ​ങ്ങ​ളു​ടെ​യോ അടുത്ത്‌ വരരുത്‌.+ 4 അവർ നിന്നോ​ടൊ​പ്പം ചേർന്ന്‌ സാന്നി​ധ്യ​കൂ​ടാ​ര​ത്തി​ലെ തങ്ങളുടെ ഉത്തരവാ​ദി​ത്വ​ങ്ങ​ളും അതിലെ എല്ലാ സേവന​ങ്ങ​ളും നിർവ​ഹി​ക്കണം. എന്നാൽ അർഹതയില്ലാത്ത* ആരും നിങ്ങളു​ടെ അടുത്ത്‌ വരരുത്‌.+ 5 ഇസ്രായേൽ ജനത്തിനു നേരെ വീണ്ടും ദൈവ​കോ​പം ജ്വലിക്കാതിരിക്കാൻ+ വിശുദ്ധസ്ഥലത്തോടും+ യാഗപീഠത്തോടും+ ബന്ധപ്പെട്ട നിങ്ങളു​ടെ ഉത്തരവാ​ദി​ത്വം നിങ്ങൾ നിർവ​ഹി​ക്കണം. 6 നിങ്ങളുടെ സഹോ​ദ​ര​ന്മാ​രായ ലേവ്യരെ നിങ്ങൾക്ക്‌ ഒരു സമ്മാനമായി+ ഇസ്രാ​യേ​ല്യ​രിൽനിന്ന്‌ ഞാൻ എടുത്തി​രി​ക്കു​ക​യാണ്‌. സാന്നി​ധ്യ​കൂ​ടാ​ര​ത്തി​ലെ സേവനം നിർവ​ഹി​ക്കു​ന്ന​തിന്‌ അവരെ യഹോ​വ​യ്‌ക്കു നൽകി​യി​രി​ക്കു​ന്നു.+ 7 യാഗപീഠത്തിലെയും തിരശ്ശീ​ല​യ്‌ക്കു​ള്ളി​ലെ​യും പൗരോ​ഹി​ത്യ​കർമ​ങ്ങ​ളു​ടെ ഉത്തരവാ​ദി​ത്വം നിനക്കും നിന്റെ ആൺമക്കൾക്കും ആണ്‌.+ ഈ സേവനം നിങ്ങൾ ചെയ്യണം.+ പൗരോ​ഹി​ത്യ​സേ​വനം നിങ്ങൾക്ക്‌ ഒരു സമ്മാന​മാ​യി ഞാൻ നൽകി​യി​രി​ക്കു​ന്നു. അർഹത​യി​ല്ലാത്ത ആരെങ്കി​ലും അടുത്ത്‌ വന്നാൽ അവനെ കൊന്നു​ക​ള​യണം.”+

8 പിന്നെ യഹോവ അഹരോ​നോ​ടു പറഞ്ഞു: “എനിക്കു ലഭിക്കുന്ന സംഭാ​വ​ന​ക​ളു​ടെ ചുമതല ഞാൻ നിന്നെ ഏൽപ്പി​ക്കു​ന്നു.+ ഇസ്രാ​യേ​ല്യർ സംഭാവന ചെയ്യുന്ന എല്ലാ വിശു​ദ്ധ​വ​സ്‌തു​ക്ക​ളു​ടെ​യും ഒരു ഭാഗം ഞാൻ നിനക്കും നിന്റെ ആൺമക്കൾക്കും സ്ഥിരമായ ഓഹരി​യാ​യി തന്നിരി​ക്കു​ന്നു.+ 9 അഗ്നിയിൽ അർപ്പി​ക്കുന്ന അതിവി​ശു​ദ്ധ​യാ​ഗ​ങ്ങ​ളെ​ല്ലാം, അവരുടെ ധാന്യയാഗങ്ങളും+ പാപയാഗങ്ങളും+ അപരാധയാഗങ്ങളും+ ഉൾപ്പെടെ അവർ കൊണ്ടു​വ​രുന്ന ഓരോ യാഗവും, നിങ്ങൾക്കു​ള്ള​താ​യി​രി​ക്കും. അതു നിനക്കും നിന്റെ ആൺമക്കൾക്കും അതിവി​ശു​ദ്ധ​മാണ്‌. 10 നീ അത്‌ അതിവി​ശു​ദ്ധ​മായ ഒരു സ്ഥലത്തു​വെച്ച്‌ തിന്നണം.+ നിങ്ങൾക്കി​ട​യി​ലെ ആണുങ്ങൾക്കെ​ല്ലാം അതു തിന്നാം. അതു നിങ്ങൾക്കു വിശു​ദ്ധ​മാ​യി​രി​ക്കും.+ 11 ഇസ്രായേല്യർ ദോളനയാഗങ്ങളോടൊപ്പം*+ സംഭാവന ചെയ്യുന്ന സമ്മാനങ്ങളും+ നിനക്കു​ള്ള​താ​യി​രി​ക്കും. ഞാൻ അവ നിനക്കും നിന്റെ ആൺമക്കൾക്കും പെൺമ​ക്കൾക്കും സ്ഥിരമായ ഓഹരി​യാ​യി തന്നിരി​ക്കു​ന്നു.+ നിന്റെ ഭവനത്തിൽ ശുദ്ധി​യുള്ള എല്ലാവർക്കും അതു തിന്നാം.+

12 “അവർ യഹോ​വ​യ്‌ക്കു കൊടു​ക്കുന്ന ആദ്യഫ​ലങ്ങൾ, അവരുടെ ഏറ്റവും നല്ല എണ്ണയും ഏറ്റവും നല്ല പുതു​വീ​ഞ്ഞും ധാന്യ​വും,+ ഞാൻ നിനക്കു തരുന്നു.+ 13 അവരുടെ ദേശത്ത്‌ വിളയുന്ന എല്ലാത്തി​ന്റെ​യും ആദ്യഫ​ലങ്ങൾ, യഹോ​വ​യു​ടെ മുന്നിൽ അവർ കൊണ്ടു​വ​രുന്ന ആദ്യഫ​ല​ങ്ങ​ളെ​ല്ലാം, നിങ്ങളു​ടേ​താ​യി​രി​ക്കും.+ നിന്റെ ഭവനത്തിൽ ശുദ്ധി​യുള്ള എല്ലാവർക്കും അതു തിന്നാം.

14 “ഇസ്രാ​യേ​ലി​ലെ എല്ലാ സമർപ്പിതവസ്‌തുക്കളും* നിന്റേ​താ​യി​രി​ക്കും.+

15 “അവർ യഹോ​വ​യു​ടെ സന്നിധി​യിൽ കൊണ്ടു​വ​രുന്ന, ജീവനുള്ള എല്ലാത്തി​ന്റെ​യും കടിഞ്ഞൂ​ലു​കൾ,+ അതു മനുഷ്യ​നാ​യാ​ലും മൃഗമാ​യാ​ലും, നിനക്കു​ള്ള​താ​യി​രി​ക്കും. എന്നാൽ മനുഷ്യ​രു​ടെ കടിഞ്ഞൂ​ലു​കളെ നീ വീണ്ടെ​ടു​ക്കണം,+ അതിൽ വീഴ്‌ച വരുത്ത​രുത്‌. ശുദ്ധി​യി​ല്ലാത്ത മൃഗങ്ങ​ളു​ടെ കടിഞ്ഞൂ​ലു​ക​ളെ​യും നീ വീണ്ടെ​ടു​ക്കണം.+ 16 കടിഞ്ഞൂലിന്‌ ഒരു മാസം തികഞ്ഞ​ശേഷം നീ അതിനെ വീണ്ടെ​ടു​പ്പു​വില വാങ്ങി വീണ്ടെ​ടു​ക്കണം. അതായത്‌ വിശു​ദ്ധ​സ്ഥ​ലത്തെ ശേക്കെലിന്റെ* തൂക്ക​പ്ര​കാ​രം, മതിപ്പു​വി​ല​യായ അഞ്ചു ശേക്കെൽ* വെള്ളി+ വാങ്ങി നീ അതിനെ വീണ്ടെ​ടു​ക്കണം. ഒരു ശേക്കെൽ 20 ഗേരയാ​ണ്‌.* 17 പക്ഷേ കാള, ആൺചെ​മ്മ​രി​യാട്‌, കോലാ​ട്‌ എന്നിവ​യു​ടെ കടിഞ്ഞൂ​ലു​കൾക്കു മാത്രം നീ മോച​ന​വില വാങ്ങരു​ത്‌;+ അവ വിശു​ദ്ധ​മാണ്‌. അവയുടെ രക്തം നീ യാഗപീ​ഠ​ത്തിൽ തളിക്കണം.+ അവയുടെ കൊഴു​പ്പ്‌ യഹോ​വയെ പ്രസാദിപ്പിക്കുന്ന* സുഗന്ധ​മാ​യി അഗ്നിയി​ലുള്ള യാഗമെന്ന നിലയിൽ ദഹിപ്പി​ക്കണം.*+ 18 എന്നാൽ അവയുടെ മാംസം നിനക്കു​ള്ള​താ​യി​രി​ക്കും. ദോള​ന​യാ​ഗ​ത്തി​ന്റെ നെഞ്ചും വലതു​കാ​ലും പോലെ അതു നിന്റേ​താ​യി​രി​ക്കും.+ 19 ഇസ്രായേല്യർ യഹോ​വ​യ്‌ക്കു നൽകുന്ന എല്ലാ വിശുദ്ധസംഭാവനകളും+ ഞാൻ നിനക്കും നിന്നോ​ടൊ​പ്പ​മുള്ള നിന്റെ ആൺമക്കൾക്കും പെൺമ​ക്കൾക്കും സ്ഥിരമായ ഒരു ഓഹരി​യാ​യി തന്നിരി​ക്കു​ന്നു.+ അത്‌ യഹോ​വ​യു​ടെ മുമ്പാകെ നിനക്കും നിന്റെ സന്തതി​കൾക്കും വേണ്ടി​യുള്ള, ദീർഘ​കാ​ല​ത്തേക്കു നിലനിൽക്കുന്ന ഒരു ഉപ്പുട​മ്പ​ടി​യാ​യി​രി​ക്കും.”*

20 യഹോവ അഹരോ​നോ​ടു തുടർന്നു​പ​റഞ്ഞു: “അവരുടെ ദേശത്ത്‌ നിനക്ക്‌ അവകാശം ലഭിക്കില്ല. ദേശത്തി​ന്റെ ഒരു ഓഹരി​യും അവർക്കി​ട​യിൽ നിനക്കു ലഭിക്കില്ല.+ ഞാനാണ്‌ ഇസ്രാ​യേ​ല്യർക്കി​ട​യിൽ നിന്റെ ഓഹരി​യും അവകാ​ശ​വും.+

21 “ഇതാ, ഞാൻ ലേവി​യു​ടെ വംശജർക്ക്‌ ഇസ്രാ​യേ​ലി​ലെ എല്ലാത്തി​ന്റെ​യും പത്തിലൊന്ന്‌+ ഒരു അവകാ​ശ​മാ​യി കൊടു​ത്തി​രി​ക്കു​ന്നു. സാന്നി​ധ്യ​കൂ​ടാ​ര​ത്തിൽ അവർ ചെയ്യുന്ന സേവന​ത്തി​നു പകരമാ​യി​രി​ക്കും അത്‌. 22 ഇനി ഒരിക്ക​ലും ഇസ്രാ​യേൽ ജനം സാന്നി​ധ്യ​കൂ​ടാ​ര​ത്തി​ന്റെ അടുത്ത്‌ വരരുത്‌. വന്നാൽ, അവർ പാപം നിമിത്തം മരി​ക്കേ​ണ്ടി​വ​രും. 23 സാന്നിധ്യകൂടാരത്തിലെ സേവനം നിർവ​ഹി​ക്കേ​ണ്ടതു ലേവ്യ​രാണ്‌. അവരുടെ തെറ്റിന്‌ ഉത്തരം പറയേ​ണ്ട​തും അവരാണ്‌.+ ഇസ്രാ​യേ​ല്യർക്കി​ട​യിൽ ലേവ്യർക്കു ഭൂസ്വ​ത്തിൽ അവകാ​ശ​മു​ണ്ടാ​ക​രുത്‌.+ ഇതു തലമു​റ​ക​ളോ​ളം നിലനിൽക്കുന്ന ഒരു ദീർഘ​കാ​ല​നി​യ​മ​മാ​യി​രി​ക്കും. 24 ഇസ്രായേൽ ജനം യഹോ​വ​യ്‌ക്കു നൽകു​ന്ന​തി​ന്റെ പത്തി​ലൊന്ന്‌, ഞാൻ ലേവ്യർക്ക്‌ ഒരു അവകാ​ശ​മാ​യി കൊടു​ത്തി​രി​ക്കു​ന്നു. അതു​കൊ​ണ്ടാണ്‌ ഞാൻ അവരോ​ട്‌, ‘ഇസ്രാ​യേ​ല്യർക്കി​ട​യിൽ നിങ്ങൾക്ക്‌ അവകാ​ശ​മു​ണ്ടാ​ക​രുത്‌’ എന്നു പറഞ്ഞത്‌.”+

25 പിന്നെ യഹോവ മോശ​യോ​ടു പറഞ്ഞു: 26 “നീ ലേവ്യ​രോട്‌ ഇങ്ങനെ പറയണം: ‘ഇസ്രാ​യേ​ല്യ​രിൽനി​ന്നുള്ള ഒരു അവകാ​ശ​മാ​യി ഞാൻ നിങ്ങൾക്കു തന്നിരി​ക്കുന്ന ദശാംശം+ നിങ്ങൾ അവരിൽനി​ന്ന്‌ സ്വീക​രി​ക്കു​മ്പോൾ നിങ്ങൾക്കു ലഭിക്കു​ന്ന​തി​ന്റെ, അതായത്‌ പത്തി​ലൊ​ന്നി​ന്റെ, പത്തി​ലൊ​ന്നു നിങ്ങൾ യഹോ​വ​യ്‌ക്കു സംഭാ​വ​ന​യാ​യി കൊടു​ക്കണം.+ 27 അതു നിങ്ങളു​ടെ സംഭാ​വ​ന​യാ​യി, മെതി​ക്ക​ള​ത്തിൽനി​ന്നുള്ള ധാന്യംപോലെയും+ മുന്തി​രി​യു​ടെ​യോ എണ്ണയു​ടെ​യോ ചക്കിലെ സമൃദ്ധി​പോ​ലെ​യും, കണക്കാ​ക്കും. 28 ഇങ്ങനെ നിങ്ങൾക്കും, ഇസ്രാ​യേ​ല്യ​രിൽനിന്ന്‌ നിങ്ങൾക്കു ലഭിക്കുന്ന ദശാം​ശ​ത്തിൽനി​ന്നെ​ല്ലാം യഹോ​വ​യ്‌ക്കു സംഭാവന കൊടു​ക്കാ​നാ​കും. യഹോ​വ​യ്‌ക്കുള്ള ആ സംഭാവന പുരോ​ഹി​ത​നായ അഹരോ​നു കൊടു​ക്കണം. 29 നിങ്ങൾ വിശു​ദ്ധ​മാ​യി കണക്കാക്കി യഹോ​വ​യ്‌ക്കു നൽകുന്ന എല്ലാ തരം സംഭാ​വ​ന​ക​ളും നിങ്ങൾക്കു ലഭിക്കുന്ന സമ്മാന​ങ്ങ​ളിൽവെച്ച്‌ ഏറ്റവും നല്ലതാ​യി​രി​ക്കണം.’+

30 “നീ ലേവ്യ​രോട്‌ ഇങ്ങനെ പറയണം: ‘നിങ്ങൾ അവയിലെ ഏറ്റവും നല്ലതു സംഭാ​വ​ന​യാ​യി കൊടു​ത്ത​ശേഷം, ബാക്കി​യു​ള്ളതു നിങ്ങൾക്കു സ്വന്തം മെതി​ക്ക​ള​ത്തിൽനി​ന്നുള്ള ധാന്യം​പോ​ലെ​യും മുന്തി​രി​യു​ടെ​യോ എണ്ണയു​ടെ​യോ ചക്കിലെ സമൃദ്ധി​പോ​ലെ​യും ആയിരി​ക്കും. 31 നിങ്ങൾക്കും നിങ്ങളു​ടെ വീട്ടി​ലു​ള്ള​വർക്കും അത്‌ എവി​ടെ​വെച്ച്‌ വേണ​മെ​ങ്കി​ലും തിന്നാം. കാരണം സാന്നി​ധ്യ​കൂ​ടാ​ര​ത്തി​ലെ നിങ്ങളു​ടെ സേവന​ത്തി​നുള്ള വേതന​മാണ്‌ അത്‌.+ 32 അവയിൽനിന്ന്‌ ഏറ്റവും നല്ലതു സംഭാവന ചെയ്യു​ന്നി​ട​ത്തോ​ളം ഇക്കാര്യ​ത്തിൽ നിങ്ങൾ പാപം വഹി​ക്കേ​ണ്ടി​വ​രില്ല. ഇസ്രാ​യേ​ല്യ​രു​ടെ വിശു​ദ്ധ​വ​സ്‌തു​ക്കൾ നിങ്ങൾ അശുദ്ധ​മാ​ക്ക​രുത്‌. അങ്ങനെ ചെയ്‌താൽ നിങ്ങൾ മരിച്ചു​പോ​കും.’”+

19 യഹോവ പിന്നെ മോശ​യോ​ടും അഹരോ​നോ​ടും പറഞ്ഞു: 2 “യഹോവ കല്‌പിച്ച നിയമ​ത്തി​ലെ ഒരു ചട്ടം ഇതാണ്‌: ‘ന്യൂന​ത​യും വൈക​ല്യ​വും ഇല്ലാത്ത​തും ഇതുവരെ നുകം വെച്ചി​ട്ടി​ല്ലാ​ത്ത​തും ആയ ഒരു ചുവന്ന പശുവിനെ+ നിങ്ങൾക്കു​വേണ്ടി കൊണ്ടു​വ​രാൻ ഇസ്രാ​യേ​ല്യ​രോ​ടു പറയുക. 3 നിങ്ങൾ അതിനെ പുരോ​ഹി​ത​നായ എലെയാ​സ​രി​ന്റെ പക്കൽ ഏൽപ്പി​ക്കണം. അവൻ അതിനെ പാളയ​ത്തി​നു പുറ​ത്തേക്കു കൊണ്ടു​പോ​കും. തുടർന്ന്‌ അതിനെ എലെയാ​സ​രി​ന്റെ മുന്നിൽവെച്ച്‌ അറുക്കണം. 4 പിന്നെ പുരോ​ഹി​ത​നായ എലെയാ​സർ വിരൽകൊ​ണ്ട്‌ അതിന്റെ രക്തത്തിൽ കുറച്ച്‌ എടുത്ത്‌ സാന്നി​ധ്യ​കൂ​ടാ​ര​ത്തി​ന്റെ മുൻവ​ശ​ത്തി​നു നേരെ ഏഴു പ്രാവ​ശ്യം തളിക്കണം.+ 5 അതിനു ശേഷം എലെയാ​സ​രി​ന്റെ കൺമു​ന്നിൽവെച്ച്‌ പശുവി​നെ തീയി​ലിട്ട്‌ ചുട്ടു​ക​ള​യണം. അതിന്റെ തോലും മാംസ​വും രക്തവും ചാണക​വും ചുട്ടു​ക​ള​യണം.+ 6 തുടർന്ന്‌ പുരോ​ഹി​തൻ ദേവദാ​രു​വി​ന്റെ ഒരു കഷണം, ഈസോ​പ്പു​ചെടി,+ കടുഞ്ചു​വ​പ്പു​തു​ണി എന്നിവ എടുത്ത്‌ പശുവി​നെ കത്തിക്കുന്ന തീയി​ലി​ടണം. 7 പിന്നെ പുരോ​ഹി​തൻ വസ്‌ത്രം അലക്കി വെള്ളത്തിൽ കുളി​ക്കണം. അതിനു ശേഷം പുരോ​ഹി​തനു പാളയ​ത്തി​ലേക്കു വരാം. എന്നാൽ വൈകു​ന്നേ​രം​വരെ പുരോ​ഹി​തൻ അശുദ്ധ​നാ​യി​രി​ക്കും.

8 “‘പശുവി​നെ ദഹിപ്പി​ച്ചവൻ വസ്‌ത്രം അലക്കി വെള്ളത്തിൽ കുളി​ക്കണം. വൈകു​ന്നേ​രം​വരെ അവൻ അശുദ്ധ​നാ​യി​രി​ക്കും.

9 “‘ശുദ്ധി​യുള്ള ഒരാൾ പശുവി​ന്റെ ഭസ്‌മം+ വാരി​യെ​ടുത്ത്‌ പാളയ​ത്തി​ന്റെ പുറത്ത്‌ വൃത്തി​യുള്ള ഒരു സ്ഥലത്ത്‌ വെക്കണം. ശുദ്ധീ​ക​ര​ണ​ത്തി​നുള്ള ജലം+ തയ്യാറാ​ക്കു​മ്പോൾ ഉപയോ​ഗി​ക്കാ​നാ​യി ഇസ്രാ​യേൽസ​മൂ​ഹം അതു സൂക്ഷി​ച്ചു​വെ​ക്കണം. അത്‌ ഒരു പാപയാ​ഗ​മാണ്‌. 10 പശുവിന്റെ ഭസ്‌മം വാരി​യെ​ടു​ത്തവൻ വസ്‌ത്രം അലക്കണം. അവൻ വൈകു​ന്നേ​രം​വരെ അശുദ്ധ​നാ​യി​രി​ക്കും.

“‘ഇത്‌ ഇസ്രാ​യേ​ല്യർക്കും അവരുടെ ഇടയിൽ താമസി​ക്കുന്ന വിദേ​ശി​ക്കും ദീർഘ​കാ​ല​ത്തേ​ക്കുള്ള ഒരു നിയമ​മാ​യി​രി​ക്കും.+ 11 മരിച്ച ഒരു വ്യക്തിയെ തൊടുന്ന ഏതൊ​രാ​ളും ഏഴു ദിവസം അശുദ്ധ​നാ​യി​രി​ക്കും.+ 12 മൂന്നാം ദിവസം അയാൾ ആ ജലംകൊണ്ട്‌* തന്നെത്തന്നെ ശുദ്ധീ​ക​രി​ക്കണം. ഏഴാം ദിവസം അയാൾ ശുദ്ധനാ​കും. എന്നാൽ മൂന്നാം ദിവസം അയാൾ തന്നെത്തന്നെ ശുദ്ധീ​ക​രി​ക്കു​ന്നി​ല്ലെ​ങ്കിൽ ഏഴാം ദിവസം അയാൾ ശുദ്ധനാ​കില്ല. 13 ഒരാളുടെ ശവശരീ​രത്തെ തൊട്ടി​ട്ട്‌ തന്നെത്തന്നെ ശുദ്ധീ​ക​രി​ക്കാത്ത ഏവനും യഹോ​വ​യു​ടെ വിശു​ദ്ധ​കൂ​ടാ​രത്തെ അശുദ്ധ​മാ​ക്കി​യി​രി​ക്കു​ന്നു.+ അയാളെ ഇസ്രാ​യേ​ലിൽനിന്ന്‌ ഛേദി​ച്ചു​ക​ള​യണം.*+ കാരണം ശുദ്ധീ​ക​ര​ണ​ത്തി​നുള്ള ജലം+ അയാളു​ടെ മേൽ തളിച്ചി​ട്ടില്ല. അയാൾ അശുദ്ധ​നാണ്‌. അയാളു​ടെ അശുദ്ധി അയാളു​ടെ മേൽത്തന്നെ ഇരിക്കു​ന്നു.

14 “‘ഒരുവൻ കൂടാ​ര​ത്തിൽവെച്ച്‌ മരിച്ചാ​ലുള്ള നിയമം ഇതാണ്‌: ആ കൂടാ​ര​ത്തിൽ കയറു​ന്ന​വ​രും ആ സമയത്ത്‌ കൂടാ​ര​ത്തി​ലു​ണ്ടാ​യി​രു​ന്ന​വ​രും എല്ലാം ഏഴു ദിവസം അശുദ്ധ​രാ​യി​രി​ക്കും. 15 അടപ്പു കെട്ടി​മു​റു​ക്കാ​തെ തുറന്നു​വെ​ച്ചി​രുന്ന എല്ലാ പാത്ര​ങ്ങ​ളും അശുദ്ധ​മാ​കും.+ 16 കൂടാരത്തിനു വെളി​യിൽവെച്ച്‌ ആരെങ്കി​ലും ഒരാൾ, വാളു​കൊണ്ട്‌ കൊല്ല​പ്പെ​ട്ട​വ​നെ​യോ ശവശരീ​ര​ത്തെ​യോ മനുഷ്യ​ന്റെ അസ്ഥി​യെ​യോ കല്ലറ​യെ​യോ തൊട്ടാൽ ഏഴു ദിവസ​ത്തേക്ക്‌ അയാൾ അശുദ്ധ​നാ​യി​രി​ക്കും.+ 17 ദഹിപ്പിച്ച പാപയാ​ഗ​ത്തിൽനിന്ന്‌, അശുദ്ധ​നാ​യ​വ​നു​വേണ്ടി കുറച്ച്‌ ഭസ്‌മം ഒരു പാത്ര​ത്തിൽ എടുത്ത്‌ അതിൽ ശുദ്ധമായ ഒഴുക്കു​വെള്ളം ഒഴിക്കണം. 18 പിന്നെ ശുദ്ധി​യുള്ള ഒരാൾ+ ഒരു ഈസോപ്പുചെടി+ എടുത്ത്‌ ആ വെള്ളത്തിൽ മുക്കി, കൂടാ​ര​ത്തി​ലും അവി​ടെ​യുള്ള പാത്ര​ങ്ങ​ളി​ലും അവി​ടെ​യു​ണ്ടാ​യി​രുന്ന ആളുക​ളു​ടെ ദേഹത്തും തളിക്കണം. അതു​പോ​ലെ മനുഷ്യ​ന്റെ അസ്ഥി​യെ​യോ ശവശരീ​ര​ത്തെ​യോ കല്ലറ​യെ​യോ കൊല്ല​പ്പെട്ട ഒരാ​ളെ​യോ തൊട്ട​വന്റെ മേലും അതു തളിക്കണം. 19 ശുദ്ധിയുള്ളവൻ മൂന്നാം ദിവസ​വും ഏഴാം ദിവസ​വും അത്‌ അശുദ്ധന്റെ മേൽ തളിക്കണം. ഏഴാം ദിവസം അയാൾ അയാളു​ടെ പാപം നീക്കി അയാളെ ശുദ്ധീ​ക​രി​ക്കും.+ പിന്നെ, അയാൾ വസ്‌ത്രം അലക്കി വെള്ളത്തിൽ കുളി​ക്കണം. വൈകു​ന്നേരം അയാൾ ശുദ്ധനാ​കും.

20 “‘അശുദ്ധ​നായ ഒരാൾ തന്നെത്തന്നെ ശുദ്ധീ​ക​രി​ക്കു​ന്നി​ല്ലെ​ങ്കിൽ അയാളെ സഭയിൽനി​ന്ന്‌ ഛേദി​ച്ചു​ക​ള​യണം.+ കാരണം, അയാൾ യഹോ​വ​യു​ടെ വിശു​ദ്ധ​മ​ന്ദി​രത്തെ അശുദ്ധ​മാ​ക്കി​യി​രി​ക്കു​ന്നു. ശുദ്ധീ​ക​ര​ണ​ത്തി​നുള്ള ജലം അയാളു​ടെ മേൽ തളിക്കാ​ത്ത​തു​കൊണ്ട്‌ അയാൾ അശുദ്ധ​നാണ്‌.

21 “‘ഇത്‌ അവർക്കു ദീർഘ​കാ​ല​ത്തേ​ക്കുള്ള ഒരു നിയമ​മാ​യി​രി​ക്കും: ശുദ്ധീ​ക​ര​ണ​ത്തി​നുള്ള ജലം തളിക്കുന്നവൻ+ തന്റെ വസ്‌ത്രം അലക്കണം. ശുദ്ധീ​ക​ര​ണ​ത്തി​നുള്ള ജലത്തിൽ തൊടു​ന്നവൻ വൈകു​ന്നേ​രം​വരെ അശുദ്ധ​നാ​യി​രി​ക്കും. 22 അശുദ്ധനായവൻ തൊടു​ന്ന​തെ​ല്ലാം അശുദ്ധ​മാ​കും. അവയെ തൊടു​ന്ന​വ​നും വൈകു​ന്നേ​രം​വരെ അശുദ്ധ​നാ​യി​രി​ക്കും.’”+

20 ഒന്നാം മാസം ഇസ്രാ​യേ​ല്യ​രു​ടെ സമൂഹം മുഴുവൻ സീൻ വിജന​ഭൂ​മി​യിൽ എത്തി; ജനം കാദേശിൽ+ താമസം​തു​ടങ്ങി. അവി​ടെ​വെ​ച്ചാ​ണു മിര്യാം+ മരിച്ചത്‌. മിര്യാ​മി​നെ അവിടെ അടക്കം ചെയ്‌തു.

2 അവിടെ വെള്ളമി​ല്ലാ​യി​രു​ന്ന​തു​കൊണ്ട്‌ സമൂഹം മുഴുവൻ+ മോശ​യ്‌ക്കും അഹരോ​നും എതിരെ സംഘടി​ച്ചു. 3 ഇങ്ങനെ പറഞ്ഞു​കൊണ്ട്‌ ജനം മോശ​യോ​ടു കലഹിച്ചു:+ “ഞങ്ങളുടെ സഹോ​ദ​ര​ന്മാർ യഹോ​വ​യു​ടെ മുമ്പാകെ മരിച്ചു​വീ​ണ​പ്പോൾ ഞങ്ങളും മരിച്ചി​രു​ന്നെ​ങ്കിൽ! 4 ഞങ്ങളും ഞങ്ങളുടെ മൃഗങ്ങ​ളും ഈ മരുഭൂമിയിൽക്കിടന്ന്‌* ചാകാൻവേണ്ടി നിങ്ങൾ എന്തിനാ​ണ്‌ യഹോ​വ​യു​ടെ സഭയെ ഇവി​ടേക്കു കൊണ്ടു​വ​ന്നത്‌?+ 5 ഈ നശിച്ച സ്ഥലത്ത്‌ കൊണ്ടു​വ​രാൻവേ​ണ്ടി​യാ​ണോ നിങ്ങൾ ഞങ്ങളെ ഈജി​പ്‌തിൽനിന്ന്‌ വിടു​വി​ച്ചത്‌?+ ഇവിടെ വിത്തു വിതയ്‌ക്കാ​നാ​വില്ല. അത്തിയോ മുന്തി​രി​യോ മാതള​നാ​ര​ക​മോ ഇവിടെ മുളയ്‌ക്കില്ല. എന്തിന്‌, കുടി​ക്കാൻ വെള്ളം​പോ​ലു​മില്ല.”+ 6 അപ്പോൾ മോശ​യും അഹരോ​നും സഭയുടെ മുന്നിൽനി​ന്ന്‌ സാന്നി​ധ്യ​കൂ​ടാ​ര​ത്തി​ന്റെ വാതിൽക്ക​ലേക്കു വന്ന്‌ കമിഴ്‌ന്നു​വീ​ണു. യഹോ​വ​യു​ടെ തേജസ്സ്‌ അവർക്കു പ്രത്യ​ക്ഷ​മാ​യി.+

7 യഹോവ മോശ​യോ​ടു പറഞ്ഞു: 8 “നിന്റെ വടി എടുക്കുക. നീയും നിന്റെ ചേട്ടനായ അഹരോ​നും സമൂഹത്തെ വിളി​ച്ചു​കൂ​ട്ടി​യിട്ട്‌ അവർ കാൺകെ പാറ​യോ​ടു സംസാ​രി​ക്കുക; അത്‌ അതിൽനി​ന്ന്‌ വെള്ളം തരും. അവർക്കു​വേണ്ടി പാറയിൽനി​ന്ന്‌ വെള്ളം പുറ​പ്പെ​ടു​വിച്ച്‌ നീ ജനത്തി​നും അവരുടെ മൃഗങ്ങൾക്കും കുടി​ക്കാൻ കൊടു​ക്കണം.”+

9 അങ്ങനെ യഹോ​വ​യു​ടെ കല്‌പ​ന​പ്ര​കാ​രം മോശ ദൈവ​ത്തി​ന്റെ സന്നിധി​യിൽനിന്ന്‌ വടി എടുത്തു.+ 10 തുടർന്ന്‌ മോശ​യും അഹരോ​നും സഭയെ പാറയു​ടെ മുന്നിൽ വിളി​ച്ചു​കൂ​ട്ടി. മോശ അവരോ​ടു പറഞ്ഞു: “ധിക്കാ​രി​കളേ, കേൾക്കൂ! ഈ പാറയിൽനി​ന്ന്‌ ഞങ്ങൾ നിങ്ങൾക്കു വെള്ളം തരുന്നതു കാണണോ?”+ 11 പിന്നെ മോശ കൈ ഉയർത്തി തന്റെ വടി​കൊണ്ട്‌ പാറയിൽ രണ്ടു തവണ അടിച്ചു, പാറയിൽനി​ന്ന്‌ ധാരാളം വെള്ളം ഒഴുകാൻതു​ടങ്ങി. ജനവും അവരുടെ മൃഗങ്ങ​ളും അതിൽനി​ന്ന്‌ കുടിച്ചു.+

12 പിന്നീട്‌ യഹോവ മോശ​യോ​ടും അഹരോ​നോ​ടും പറഞ്ഞു: “നിങ്ങൾ എന്നിൽ വിശ്വാ​സം പ്രകട​മാ​ക്കു​ക​യോ ഇസ്രാ​യേൽ ജനത്തിനു മുമ്പാകെ എന്നെ വിശു​ദ്ധീ​ക​രി​ക്കു​ക​യോ ചെയ്‌തില്ല. അതു​കൊണ്ട്‌ ഞാൻ അവർക്കു കൊടു​ക്കുന്ന ദേശ​ത്തേക്കു നിങ്ങൾ ഈ സഭയെ കൊണ്ടു​പോ​കില്ല.”+ 13 ഇതാണു മെരീബയിലെ*+ നീരു​റവ്‌. ഇവി​ടെ​വെ​ച്ചാണ്‌ ഇസ്രാ​യേ​ല്യർ യഹോ​വ​യോ​ടു കലഹി​ച്ച​തും ദൈവം അവരുടെ മുമ്പാകെ തന്റെ പേര്‌ വിശു​ദ്ധീ​ക​രി​ച്ച​തും.

14 അതിനു ശേഷം മോശ കാദേ​ശിൽനിന്ന്‌ ഏദോ​മി​ലെ രാജാ​വി​ന്റെ അടുത്ത്‌ ദൂതന്മാ​രെ അയച്ച്‌ ഇങ്ങനെ പറഞ്ഞു:+ “അങ്ങയുടെ സഹോ​ദ​ര​നായ ഇസ്രായേൽ+ പറയുന്നു: ‘ഞങ്ങൾ അനുഭ​വിച്ച എല്ലാ ക്ലേശങ്ങ​ളെ​ക്കു​റി​ച്ചും അങ്ങയ്‌ക്കു നന്നായി അറിയാ​മ​ല്ലോ. 15 ഞങ്ങളുടെ പിതാ​ക്ക​ന്മാർ ഈജി​പ്‌തി​ലേക്കു പോയി,+ ഞങ്ങൾ ഒരുപാ​ടു വർഷം* അവിടെ താമസി​ച്ചു.+ എന്നാൽ ഈജി​പ്‌തു​കാർ ഞങ്ങളെ​യും ഞങ്ങളുടെ പിതാ​ക്ക​ന്മാ​രെ​യും ദ്രോ​ഹി​ച്ചു.+ 16 ഒടുവിൽ ഞങ്ങൾ യഹോ​വ​യോ​ടു നിലവിളിച്ചപ്പോൾ+ ദൈവം അതു കേൾക്കു​ക​യും ഒരു ദൈവ​ദൂ​തനെ അയച്ച്‌+ ഞങ്ങളെ ഈജി​പ്‌തിൽനിന്ന്‌ മോചി​പ്പി​ക്കു​ക​യും ചെയ്‌തു. ഇപ്പോൾ ഞങ്ങൾ ഇവിടെ അങ്ങയുടെ അതിർത്തി​യി​ലുള്ള കാദേശ്‌ നഗരത്തിൽ എത്തിയി​ട്ടുണ്ട്‌. 17 അങ്ങയുടെ ദേശത്തു​കൂ​ടെ കടന്നു​പോ​കാൻ ദയവായി ഞങ്ങളെ അനുവ​ദി​ച്ചാ​ലും. ഏതെങ്കി​ലും വയലി​ലേ​ക്കോ മുന്തി​രി​ത്തോ​ട്ട​ത്തി​ലേ​ക്കോ ഞങ്ങൾ കടക്കില്ല; ഒരു കിണറ്റിൽനി​ന്നും കുടി​ക്കു​ക​യു​മില്ല. അങ്ങയുടെ ദേശത്തി​ന്റെ അതിർത്തി കടക്കു​ന്ന​തു​വരെ ഇടത്തോ​ട്ടോ വലത്തോ​ട്ടോ തിരി​യാ​തെ രാജപാ​ത​യി​ലൂ​ടെ​ത്തന്നെ ഞങ്ങൾ പൊയ്‌ക്കൊ​ള്ളാം.’”+

18 എന്നാൽ ഏദോം മോശ​യോ​ടു പറഞ്ഞു: “നീ ഞങ്ങളുടെ ദേശത്ത്‌ കടക്കരു​ത്‌. കടന്നാൽ ഞാൻ വാളു​മാ​യി നിന്റെ നേരെ വരും.” 19 അപ്പോൾ ഇസ്രാ​യേ​ല്യർ ഏദോ​മി​നോട്‌: “ഞങ്ങൾ പ്രധാ​ന​വീ​ഥി​യി​ലൂ​ടെ പൊയ്‌ക്കൊ​ള്ളാം. ഞങ്ങളോ ഞങ്ങളുടെ മൃഗങ്ങ​ളോ അങ്ങയുടെ വെള്ളം കുടി​ക്കു​ക​യാ​ണെ​ങ്കിൽ അതിന്റെ വിലയും ഞങ്ങൾ തന്നു​കൊ​ള്ളാം.+ നടന്നു​പോ​കാ​നുള്ള അനുവാ​ദം മാത്രം തന്നാൽ മതി.”+ 20 പക്ഷേ ഏദോം പിന്നെ​യും പറഞ്ഞു: “നീ ഈ ദേശത്തു​കൂ​ടെ പോക​രുത്‌.”+ തുടർന്ന്‌ ഏദോം ഇസ്രാ​യേ​ലി​നെ നേരി​ടാൻ അനേകം ആളുക​ളോ​ടും ശക്തമായ ഒരു സൈന്യത്തോടും* കൂടെ വന്നു. 21 തന്റെ ദേശത്തു​കൂ​ടെ പോകാൻ ഏദോം ഇസ്രാ​യേ​ലി​നെ അനുവ​ദി​ച്ചില്ല. അതു​കൊണ്ട്‌ ഇസ്രാ​യേൽ ഏദോ​മി​ന്റെ അടുത്തു​നിന്ന്‌ മാറി മറ്റൊരു വഴിക്കു പോയി.+

22 ഇസ്രായേൽ ജനം, അതായത്‌ സമൂഹം മുഴു​വ​നും, കാദേ​ശിൽനിന്ന്‌ പുറ​പ്പെട്ട്‌ ഹോർ പർവത​ത്തിന്‌ അടുത്ത്‌ എത്തി.+ 23 ഏദോം ദേശത്തി​ന്റെ അതിർത്തി​യി​ലുള്ള ഹോർ പർവത​ത്തിൽവെച്ച്‌ യഹോവ മോശ​യോ​ടും അഹരോ​നോ​ടും ഇങ്ങനെ പറഞ്ഞു: 24 “അഹരോൻ അവന്റെ ജനത്തോ​ടു ചേരും.*+ നിങ്ങൾ രണ്ടു പേരും മെരീ​ബ​യി​ലെ നീരു​റ​വി​ന്റെ കാര്യ​ത്തിൽ എന്റെ ആജ്ഞ ധിക്കരി​ച്ച​തു​കൊണ്ട്‌ ഞാൻ ഇസ്രാ​യേ​ല്യർക്കു കൊടു​ക്കുന്ന ദേശത്ത്‌ അവൻ കടക്കില്ല.+ 25 അഹരോനെയും അവന്റെ മകനായ എലെയാ​സ​രി​നെ​യും ഹോർ പർവത​ത്തി​ലേക്കു കൂട്ടി​ക്കൊ​ണ്ടു​വ​രുക. 26 അഹരോന്റെ വസ്‌ത്രം+ ഊരി മകനായ എലെയാസരിനെ+ ധരിപ്പി​ക്കണം. അഹരോൻ അവി​ടെ​വെച്ച്‌ മരിക്കും.”

27 യഹോവ കല്‌പി​ച്ച​തു​പോ​ലെ​തന്നെ മോശ ചെയ്‌തു. സമൂഹം മുഴുവൻ നോക്കി​നിൽക്കെ അവർ ഹോർ പർവത​ത്തി​ലേക്കു കയറി. 28 പിന്നെ മോശ അഹരോ​ന്റെ വസ്‌ത്രം ഊരി അഹരോ​ന്റെ മകൻ എലെയാ​സ​രി​നെ ധരിപ്പി​ച്ചു. അതിനു ശേഷം അഹരോൻ ആ പർവത​ത്തി​ന്റെ മുകളിൽവെച്ച്‌ മരിച്ചു.+ മോശ​യും എലെയാ​സ​രും പർവത​ത്തിൽനിന്ന്‌ തിരി​ച്ചു​പോ​ന്നു. 29 അഹരോൻ മരി​ച്ചെന്നു സമൂഹം അറിഞ്ഞ​പ്പോൾ ഇസ്രാ​യേൽഗൃ​ഹം മുഴുവൻ അഹരോ​നു​വേണ്ടി 30 ദിവസം വിലപി​ച്ചു.+

21 അഥാരീം വഴി ഇസ്രാ​യേൽ വന്നിരി​ക്കു​ന്നെന്നു നെഗെ​ബിൽ താമസി​ച്ചി​രുന്ന, അരാദി​ലെ കനാന്യരാജാവ്‌+ കേട്ട​പ്പോൾ അയാൾ ഇസ്രാ​യേ​ലി​നെ ആക്രമി​ച്ച്‌ അവരിൽ ചിലരെ ബന്ദിക​ളാ​യി പിടി​ച്ചു​കൊ​ണ്ടു​പോ​യി. 2 അപ്പോൾ ഇസ്രാ​യേൽ യഹോ​വ​യ്‌ക്ക്‌ ഒരു നേർച്ച നേർന്നു: “അങ്ങ്‌ ഈ ജനത്തെ എന്റെ കൈയിൽ ഏൽപ്പി​ക്കു​മെ​ങ്കിൽ ഞാൻ ഉറപ്പാ​യും അവരുടെ നഗരങ്ങളെ നശിപ്പി​ക്കും.” 3 ഇസ്രായേലിന്റെ അപേക്ഷ കേട്ട്‌ യഹോവ കനാന്യ​രെ അവരുടെ കൈയിൽ ഏൽപ്പിച്ചു. അവർ അവരെ​യും അവരുടെ നഗരങ്ങ​ളെ​യും പൂർണ​മാ​യി നശിപ്പി​ച്ചു. അതു​കൊണ്ട്‌ ആ സ്ഥലത്തിന്‌ അവർ ഹോർമ*+ എന്നു പേരിട്ടു.

4 ഏദോമിന്റെ ദേശത്ത്‌ കടക്കാതെ+ അതിനെ ചുറ്റി​പ്പോ​കാ​നാ​യി ഹോർ പർവതത്തിൽനിന്ന്‌+ ചെങ്കട​ലി​ന്റെ വഴിക്കു യാത്ര തുടർന്ന​തു​കൊണ്ട്‌ ജനം ക്ഷീണിച്ച്‌ അവശരാ​യി. 5 അവർ ദൈവ​ത്തി​നും മോശ​യ്‌ക്കും എതിരെ സംസാ​രി​ച്ചു.+ അവർ ഇങ്ങനെ പറഞ്ഞു​കൊ​ണ്ടി​രു​ന്നു: “നിങ്ങൾ എന്തിനാ​ണു ഞങ്ങളെ ഈജി​പ്‌തിൽനിന്ന്‌ കൊണ്ടു​വ​ന്നത്‌, ഈ മരുഭൂമിയിൽക്കിടന്ന്‌* ചാകാ​നോ? ഇവിടെ ആഹാര​വു​മില്ല, വെള്ളവു​മില്ല.+ അറപ്പ്‌ ഉളവാ​ക്കുന്ന ഈ ഭക്ഷണം ഞങ്ങൾക്കു വെറു​പ്പാണ്‌.”+ 6 അതുകൊണ്ട്‌ യഹോവ ജനത്തിന്‌ ഇടയി​ലേക്കു വിഷസർപ്പങ്ങളെ* അയച്ചു. ഇസ്രാ​യേ​ല്യ​രിൽ പലരും അവയുടെ കടി​യേറ്റ്‌ മരിച്ചു.+

7 ജനം മോശ​യു​ടെ അടുത്ത്‌ വന്ന്‌ ഇങ്ങനെ പറഞ്ഞു: “ഞങ്ങൾ യഹോ​വ​യ്‌ക്കും അങ്ങയ്‌ക്കും എതിരെ സംസാ​രിച്ച്‌ പാപം ചെയ്‌തി​രി​ക്കു​ന്നു.+ ഈ സർപ്പങ്ങളെ ഞങ്ങൾക്കി​ട​യിൽനിന്ന്‌ നീക്കാൻ യഹോ​വ​യോട്‌ അപേക്ഷി​ക്കേ​ണമേ.” മോശ ജനത്തി​നു​വേണ്ടി അപേക്ഷി​ച്ചു.+ 8 അപ്പോൾ യഹോവ മോശ​യോ​ടു പറഞ്ഞു: “ഒരു വിഷസർപ്പത്തിന്റെ* രൂപം ഉണ്ടാക്കി അത്‌ ഒരു സ്‌തം​ഭ​ത്തിൽ തൂക്കുക. പാമ്പു​ക​ടി​യേൽക്കു​ന്നവൻ ജീവ​നോ​ടി​രി​ക്കാ​നാ​യി അതിൽ നോക്കണം.” 9 മോശ ഉടനെ ചെമ്പു​കൊണ്ട്‌ ഒരു സർപ്പത്തെ ഉണ്ടാക്കി+ സ്‌തം​ഭ​ത്തിൽ തൂക്കി.+ പാമ്പു​ക​ടി​യേ​റ്റ​യവർ ആ താമ്ര​സർപ്പത്തെ നോക്കി​യ​പ്പോൾ രക്ഷപ്പെട്ടു.+

10 അതിനു ശേഷം ഇസ്രാ​യേ​ല്യർ പുറ​പ്പെട്ട്‌ ഓബോ​ത്തിൽ പാളയ​മ​ടി​ച്ചു.+ 11 പിന്നെ അവർ ഓബോ​ത്തിൽനിന്ന്‌ പുറ​പ്പെട്ട്‌ മോവാ​ബി​നു മുമ്പിൽ, കിഴക്കുള്ള വിജന​ഭൂ​മി​യി​ലെ ഈയേ-അബാരീ​മിൽ പാളയ​മ​ടി​ച്ചു.+ 12 അവർ അവി​ടെ​നിന്ന്‌ പുറ​പ്പെട്ട്‌ സേരെദ്‌ താഴ്‌വരയിൽ*+ പാളയ​മ​ടി​ച്ചു. 13 പിന്നെ അവി​ടെ​നിന്ന്‌ പുറ​പ്പെട്ട്‌ അമോ​ര്യ​രു​ടെ അതിർത്തി​വരെ വ്യാപി​ച്ചു​കി​ട​ക്കുന്ന വിജന​ഭൂ​മി​യി​ലുള്ള അർന്നോൻ+ പ്രദേ​ശത്ത്‌ പാളയ​മ​ടി​ച്ചു. മോവാ​ബി​ന്റെ അതിർത്തി​യാ​യി​രു​ന്നു അർന്നോൻ; അതായത്‌ മോവാ​ബി​നും അമോ​ര്യർക്കും ഇടയി​ലുള്ള അതിർ. 14 അതുകൊണ്ടാണ്‌ യഹോ​വ​യു​ടെ യുദ്ധപു​സ്‌ത​ക​ത്തിൽ ഇങ്ങനെ പറയു​ന്നത്‌: “സൂഫയി​ലെ വാഹേ​ബും അർന്നോൻ താഴ്‌വരകളും* 15 മോവാബിന്റെ അതിർത്തി​യി​ലൂ​ടെ ഒഴുകി അരിന്റെ പ്രദേ​ശം​വരെ നീണ്ടു​കി​ട​ക്കുന്ന അർന്നോ​നും അതിന്റെ പോഷ​ക​ന​ദി​ക​ളും.”

16 പിന്നെ അവർ ബേരി​ലേക്കു പോയി. “ജനത്തെ വിളി​ച്ചു​കൂ​ട്ടുക, ഞാൻ അവർക്കു വെള്ളം കൊടു​ക്കട്ടെ” എന്ന്‌ യഹോവ മോശ​യോ​ടു പറഞ്ഞ കിണർ ഇതാണ്‌.

17 അപ്പോൾ ഇസ്രാ​യേൽ ഈ പാട്ടു പാടി:

അധികാ​ര​ദ​ണ്ഡി​നാ​ലും സ്വന്തം ദണ്ഡിനാ​ലും അവർ അതു കുഴി​ച്ച​ല്ലോ.”

പിന്നെ അവർ വിജന​ഭൂ​മി​യിൽനിന്ന്‌ നേരെ മത്ഥാന​യി​ലേക്കു പോയി. 19 മത്ഥാനയിൽനിന്ന്‌ നേരെ നഹലീ​യേ​ലി​ലേ​ക്കും നഹലീ​യേ​ലിൽനിന്ന്‌ ബാമോത്തിലേക്കും+ പോയി. 20 ബാമോത്തിൽനിന്ന്‌ അവർ മോവാ​ബ്‌ ദേശത്ത്‌+ യശീമോന്‌*+ അഭിമു​ഖ​മാ​യി നിൽക്കുന്ന പിസ്‌ഗയിലൂടെ+ അതിന്റെ താഴ്‌വ​ര​യി​ലേക്കു പോയി.

21 പിന്നെ ഇസ്രാ​യേൽ അമോ​ര്യ​രു​ടെ രാജാ​വായ സീഹോ​ന്റെ അടുത്ത്‌ ദൂതന്മാ​രെ അയച്ച്‌ ഇങ്ങനെ പറഞ്ഞു:+ 22 “അങ്ങയുടെ ദേശത്തു​കൂ​ടെ കടന്നു​പോ​കാൻ ഞങ്ങളെ അനുവ​ദി​ച്ചാ​ലും. ഏതെങ്കി​ലും വയലി​ലേ​ക്കോ മുന്തി​രി​ത്തോ​ട്ട​ത്തി​ലേ​ക്കോ ഞങ്ങൾ കടക്കില്ല; ഒരു കിണറ്റിൽനി​ന്നും കുടി​ക്കു​ക​യു​മില്ല. അങ്ങയുടെ ദേശത്തി​ന്റെ അതിർത്തി കടക്കു​ന്ന​തു​വരെ രാജപാ​ത​യി​ലൂ​ടെ​ത്തന്നെ ഞങ്ങൾ പൊയ്‌ക്കൊ​ള്ളാം.”+ 23 എന്നാൽ തന്റെ ദേശത്തു​കൂ​ടെ പോകാൻ സീഹോൻ ഇസ്രാ​യേ​ലി​നെ അനുവ​ദി​ച്ചില്ല. തന്റെ ജനത്തെ മുഴുവൻ കൂട്ടി വിജന​ഭൂ​മി​യിൽ ഇസ്രാ​യേ​ലിന്‌ എതിരെ ചെല്ലു​ക​യും ചെയ്‌തു. സീഹോൻ യാഹാ​സിൽവെച്ച്‌ ഇസ്രാ​യേ​ലി​നോ​ടു പോരാ​ടി.+ 24 എന്നാൽ ഇസ്രാ​യേൽ സീഹോ​നെ വാളു​കൊണ്ട്‌ തോൽപ്പിച്ച്‌+ അമ്മോ​ന്യ​രു​ടെ അടുത്തുള്ള, അർന്നോൻ+ മുതൽ യബ്ബോക്ക്‌+ വരെയുള്ള അയാളു​ടെ ദേശം കൈവ​ശ​മാ​ക്കി.+ കാരണം യസേർ+ അമ്മോ​ന്യ​രു​ടെ ദേശത്തി​ന്റെ അതിർത്തി​യാ​യി​രു​ന്നു.+

25 അങ്ങനെ ആ നഗരങ്ങ​ളെ​ല്ലാം ഇസ്രാ​യേൽ കൈവ​ശ​മാ​ക്കി. അവർ അമോര്യരുടെ+ നഗരങ്ങ​ളിൽ, അതായത്‌ ഹെശ്‌ബോ​നി​ലും അതിന്റെ എല്ലാ ആശ്രി​ത​പ​ട്ട​ണ​ങ്ങ​ളി​ലും,* താമസം​തു​ടങ്ങി. 26 അമോര്യരുടെ രാജാ​വായ സീഹോ​ന്റെ നഗരമാ​യി​രു​ന്നു ഹെശ്‌ബോൻ. മോവാ​ബു​രാ​ജാ​വി​നോ​ടു യുദ്ധം ചെയ്‌ത്‌ അർന്നോൻ വരെയുള്ള അയാളു​ടെ ദേശം മുഴുവൻ സീഹോൻ സ്വന്തമാ​ക്കി​യി​രു​ന്നു. 27 അങ്ങനെയാണ്‌ ഈ പരിഹാ​സ​ച്ചൊല്ല്‌ ഉണ്ടായത്‌:

“ഹെശ്‌ബോ​നി​ലേക്കു വരൂ.

സീഹോ​ന്റെ നഗരം പണിത്‌ സുസ്ഥി​ര​മാ​യി സ്ഥാപി​ക്കട്ടെ.

28 ഹെശ്‌ബോനിൽനിന്ന്‌ ഒരു തീ പുറ​പ്പെട്ടു, സീഹോ​ന്റെ പട്ടണത്തിൽനി​ന്ന്‌ ഒരു തീജ്വാ​ല​തന്നെ.

അതു മോവാ​ബി​ലെ അരി​നെ​യും അർന്നോൻകു​ന്നു​ക​ളു​ടെ നാഥന്മാ​രെ​യും ദഹിപ്പി​ച്ചു​ക​ള​ഞ്ഞി​രി​ക്കു​ന്നു.

29 മോവാബേ, നിനക്കു ഹാ കഷ്ടം! കെമോശിന്റെ+ ജനങ്ങളായ നിങ്ങൾ നശിച്ചു​പോ​കും!

അവൻ തന്റെ ആൺമക്കളെ അഭയാർഥി​ക​ളും തന്റെ പെൺമ​ക്കളെ അമോ​ര്യ​രാ​ജാ​വായ സീഹോ​ന്റെ ബന്ദിക​ളും ആക്കുന്നു.

31 അങ്ങനെ ഇസ്രാ​യേൽ അമോ​ര്യ​രു​ടെ ദേശത്ത്‌ താമസം​തു​ടങ്ങി. 32 പിന്നീട്‌ യസേർ+ ഒറ്റു​നോ​ക്കാൻ മോശ ചിലരെ അയച്ചു. ഇസ്രാ​യേ​ല്യർ അതിന്റെ ആശ്രിതപട്ടണങ്ങൾ* പിടി​ച്ച​ട​ക്കു​ക​യും അവി​ടെ​യു​ണ്ടാ​യി​രുന്ന അമോ​ര്യ​രെ ഓടി​ച്ചു​ക​ള​യു​ക​യും ചെയ്‌തു. 33 അതിനു ശേഷം അവർ തിരിഞ്ഞ്‌ ബാശാൻ വഴിയി​ലൂ​ടെ പോയി. അപ്പോൾ ബാശാ​നി​ലെ രാജാ​വായ ഓഗ്‌+ അവരോ​ടു യുദ്ധം ചെയ്യാൻ തന്റെ സകല ജനത്തോ​ടും ഒപ്പം എദ്രെ​യിൽ വന്നു.+ 34 എന്നാൽ യഹോവ മോശ​യോ​ടു പറഞ്ഞു: “ഓഗിനെ പേടി​ക്കേണ്ടാ.+ അവനെ​യും അവന്റെ ജനത്തെ​യും അവന്റെ ദേശ​ത്തെ​യും ഞാൻ നിന്റെ കൈയിൽ തരും.+ ഹെശ്‌ബോ​നിൽ താമസി​ച്ചി​രുന്ന അമോ​ര്യ​രാ​ജാ​വായ സീഹോ​നോ​ടു ചെയ്‌ത​തു​പോ​ലെ​തന്നെ നീ അവനോ​ടും ചെയ്യും.”+ 35 അങ്ങനെ അവർ ഓഗി​നെ​യും അയാ​ളോ​ടൊ​പ്പം അയാളു​ടെ മക്കളെ​യും അയാളു​ടെ മുഴുവൻ ജനത്തെ​യും സംഹരി​ച്ചു. ഓഗിന്റെ ജനത്തിൽ ആരും ശേഷി​ച്ചില്ല.+ അവർ അങ്ങനെ ആ ദേശം കൈവ​ശ​മാ​ക്കി.+

22 പിന്നെ ഇസ്രാ​യേ​ല്യർ പുറ​പ്പെട്ട്‌ യരീ​ഹൊ​യ്‌ക്ക്‌ അഭിമു​ഖ​മാ​യി യോർദാ​ന്റെ മറുക​ര​യിൽ മോവാ​ബ്‌ മരു​പ്ര​ദേ​ശത്ത്‌ പാളയ​മ​ടി​ച്ചു.+ 2 ഇസ്രായേൽ അമോ​ര്യ​രോ​ടു ചെയ്‌ത​തൊ​ക്കെ​യും സിപ്പോ​രി​ന്റെ മകൻ ബാലാക്ക്‌+ അറിഞ്ഞു. 3 ജനത്തിന്റെ വലുപ്പം കണ്ട്‌ മോവാ​ബി​നു വല്ലാത്ത ഭയം തോന്നി. ഇസ്രാ​യേ​ല്യർ കാരണം മോവാ​ബ്‌ ഭയപര​വ​ശ​നാ​യി.+ 4 അതുകൊണ്ട്‌ മോവാ​ബ്‌ മിദ്യാനിലെ+ മൂപ്പന്മാ​രോ​ടു പറഞ്ഞു: “കാള നിലത്തെ പുല്ല്‌ തിന്നു​തീർക്കും​പോ​ലെ നമ്മുടെ ചുറ്റു​മു​ള്ള​തെ​ല്ലാം ഈ ജനം തിന്നു​തീർക്കും.”

സിപ്പോ​രി​ന്റെ മകനായ ബാലാ​ക്കാ​യി​രു​ന്നു ആ സമയത്ത്‌ മോവാ​ബി​ലെ രാജാവ്‌. 5 പെഥോരിലുള്ള, ബയോ​രി​ന്റെ മകനായ ബിലെയാമിന്റെ+ അടു​ത്തേക്കു ബാലാക്ക്‌ ദൂതന്മാ​രെ അയച്ചു. ബിലെ​യാം തന്റെ ജന്മദേ​ശത്തെ നദിയുടെ* തീരത്താ​ണു താമസി​ച്ചി​രു​ന്നത്‌. അയാളെ ക്ഷണിച്ചു​കൊണ്ട്‌ ബാലാക്ക്‌ പറഞ്ഞു: “ഇതാ, ഈജി​പ്‌തിൽനിന്ന്‌ ഒരു ജനം വന്നിരി​ക്കു​ന്നു! അവർ ഭൂമുഖത്തെ* മുഴുവൻ മൂടി​യി​രി​ക്കു​ന്നു!+ എന്റെ തൊട്ടു​മു​ന്നി​ലാണ്‌ അവർ ഇപ്പോൾ താമസി​ക്കു​ന്നത്‌. 6 അവർ എന്നെക്കാൾ ശക്തരാ​യ​തു​കൊണ്ട്‌ താങ്കൾ വന്ന്‌ എനിക്കു​വേണ്ടി ഈ ജനത്തെ ശപിക്കണം.+ അങ്ങനെ എനിക്കു ചില​പ്പോൾ അവരെ തോൽപ്പി​ച്ച്‌ ദേശത്തു​നിന്ന്‌ തുരത്തി​യോ​ടി​ക്കാൻ കഴി​ഞ്ഞേ​ക്കും. താങ്കൾ അനു​ഗ്ര​ഹി​ക്കു​ന്നവൻ അനുഗൃ​ഹീ​ത​നും ശപിക്കു​ന്നവൻ ശപിക്ക​പ്പെ​ട്ട​വ​നും ആയിരി​ക്കു​മെന്ന്‌ എനിക്കു നന്നായി അറിയാം.”

7 അങ്ങനെ മോവാ​ബി​ലെ​യും മിദ്യാ​നി​ലെ​യും മൂപ്പന്മാർ ഭാവി​ഫലം പറയു​ന്ന​തി​നുള്ള പ്രതി​ഫ​ല​വു​മാ​യി ബിലെ​യാ​മി​ന്റെ അടു​ത്തേക്കു യാത്ര തിരിച്ചു.+ ബാലാക്ക്‌ പറഞ്ഞ​തെ​ല്ലാം അവർ ബിലെ​യാ​മി​നെ അറിയി​ച്ചു. 8 അപ്പോൾ ബിലെ​യാം അവരോ​ടു പറഞ്ഞു: “ഈ രാത്രി ഇവിടെ താമസി​ക്കുക. യഹോവ എന്താണോ എന്നോടു പറയു​ന്നത്‌ അതു ഞാൻ നിങ്ങളെ അറിയി​ക്കാം.” അങ്ങനെ മോവാ​ബി​ലെ പ്രഭു​ക്ക​ന്മാർ ബിലെ​യാ​മി​ന്റെ​കൂ​ടെ താമസി​ച്ചു.

9 അപ്പോൾ ദൈവം ബിലെ​യാ​മി​നോട്‌,+ “നിന്റെ​കൂ​ടെ​യുള്ള ഈ പുരു​ഷ​ന്മാർ ആരാണ്‌” എന്നു ചോദി​ച്ചു. 10 ബിലെയാം സത്യ​ദൈ​വ​ത്തോ​ടു പറഞ്ഞു: “സിപ്പോ​രി​ന്റെ മകനും മോവാ​ബി​ലെ രാജാ​വും ആയ ബാലാക്ക്‌ ഇങ്ങനെ​യൊ​രു സന്ദേശം അയച്ചി​ട്ടുണ്ട്‌: 11 ‘ഇതാ, ഈജി​പ്‌തിൽനിന്ന്‌ പുറ​പ്പെ​ട്ടു​വന്ന ജനം ഭൂമു​ഖത്തെ മുഴുവൻ മൂടി​യി​രി​ക്കു​ന്നു. താങ്കൾ വന്ന്‌ എനിക്കു​വേണ്ടി അവരെ ശപിക്കണം.+ ഒരുപക്ഷേ അവരോ​ടു പോരാ​ടി അവരെ തുരത്തി​യോ​ടി​ക്കാൻ എനിക്കു കഴി​ഞ്ഞേ​ക്കും.’” 12 എന്നാൽ ദൈവം ബിലെ​യാ​മി​നോട്‌: “നീ അവരോ​ടൊ​പ്പം പോക​രുത്‌; ആ ജനത്തെ ശപിക്കു​ക​യു​മ​രുത്‌. കാരണം അവർ അനുഗൃ​ഹീ​ത​രായ ഒരു ജനമാണ്‌.”+

13 ബിലെയാം രാവിലെ എഴു​ന്നേറ്റ്‌ ബാലാ​ക്കി​ന്റെ പ്രഭു​ക്ക​ന്മാ​രോ​ടു പറഞ്ഞു: “നിങ്ങളു​ടെ ദേശ​ത്തേക്കു തിരികെ പൊയ്‌ക്കൊ​ള്ളുക. നിങ്ങ​ളോ​ടൊ​പ്പം വരുന്ന​തിൽനിന്ന്‌ യഹോവ എന്നെ വിലക്കി​യി​രി​ക്കു​ന്നു.” 14 അങ്ങനെ മോവാ​ബി​ലെ പ്രഭു​ക്ക​ന്മാർ ബാലാ​ക്കി​ന്റെ അടുത്ത്‌ മടങ്ങി​ച്ചെന്ന്‌, “ഞങ്ങളോ​ടു​കൂ​ടെ വരാൻ ബിലെ​യാം തയ്യാറാ​യില്ല” എന്നു പറഞ്ഞു.

15 എന്നാൽ ബാലാക്ക്‌ വീണ്ടും അവരെ​ക്കാൾ ആദരണീ​യ​രായ കൂടുതൽ പ്രഭു​ക്ക​ന്മാ​രെ അയച്ചു. 16 അവർ ബിലെ​യാ​മി​ന്റെ അടുത്ത്‌ വന്ന്‌ അയാ​ളോ​ടു പറഞ്ഞു: “സിപ്പോ​രി​ന്റെ മകനായ ബാലാക്ക്‌ ഇങ്ങനെ പറയുന്നു: ‘ഒരു കാരണ​വ​ശാ​ലും എന്റെ അടുത്ത്‌ വരാതി​രി​ക്ക​രു​തേ. 17 ഞാൻ താങ്കളെ അതിയാ​യി ആദരി​ക്കും. താങ്കൾ പറയു​ന്ന​തെ​ന്തും ഞാൻ ചെയ്യാം. അതു​കൊണ്ട്‌ ദയവായി താങ്കൾ വന്ന്‌ എനിക്കു​വേണ്ടി ഈ ജനത്തെ ശപിക്കണം.’” 18 എന്നാൽ ബിലെ​യാം ബാലാ​ക്കി​ന്റെ ദാസന്മാ​രോ​ടു പറഞ്ഞു: “ബാലാക്ക്‌ സ്വന്തം വീടു നിറയെ സ്വർണ​വും വെള്ളി​യും തന്നാലും എന്റെ ദൈവ​മായ യഹോ​വ​യു​ടെ ആജ്ഞ ധിക്കരി​ച്ചു​കൊണ്ട്‌ ചെറി​യ​താ​കട്ടെ വലിയ​താ​കട്ടെ ഒരു കാര്യ​വും ചെയ്യാൻ എനിക്കു കഴിയില്ല.+ 19 എന്നാലും ഈ രാത്രി​കൂ​ടി ഇവിടെ താമസി​ക്കുക. യഹോ​വ​യ്‌ക്കു മറ്റ്‌ എന്താണു പറയാ​നു​ള്ള​തെന്നു ഞാൻ നോക്കട്ടെ.”+

20 രാത്രിയിൽ ദൈവം ബിലെ​യാ​മി​ന്റെ അടുത്ത്‌ വന്ന്‌ പറഞ്ഞു: “നിന്നെ വിളി​ക്കാ​നാണ്‌ ഈ പുരു​ഷ​ന്മാർ വന്നിരി​ക്കു​ന്ന​തെ​ങ്കിൽ അവരോ​ടൊ​പ്പം പൊയ്‌ക്കൊ​ള്ളുക. പക്ഷേ ഞാൻ പറഞ്ഞു​ത​രു​ന്നതു മാത്രമേ നീ പറയാവൂ.”+ 21 അങ്ങനെ ബിലെ​യാം രാവിലെ എഴു​ന്നേറ്റ്‌ കഴുതയ്‌ക്കു* കോപ്പി​ട്ട്‌ മോവാ​ബി​ലെ പ്രഭു​ക്ക​ന്മാ​രോ​ടൊ​പ്പം പുറ​പ്പെട്ടു.+

22 എന്നാൽ ബിലെ​യാം പോകു​ന്ന​തു​കൊണ്ട്‌ ദൈവം കോപി​ച്ചു. ബിലെ​യാ​മി​നെ തടയാൻ യഹോ​വ​യു​ടെ ദൂതൻ വഴിയിൽ നിലയു​റ​പ്പി​ച്ചു. ബിലെ​യാം തന്റെ കഴുത​പ്പു​റത്ത്‌ വരുക​യാ​യി​രു​ന്നു; അയാളു​ടെ പരിചാ​ര​ക​രിൽ രണ്ടു പേരും അയാ​ളോ​ടു​കൂ​ടെ​യു​ണ്ടാ​യി​രു​ന്നു. 23 വാൾ ഊരി​പ്പി​ടിച്ച്‌ യഹോ​വ​യു​ടെ ദൂതൻ വഴിയിൽ നിൽക്കു​ന്നതു കണ്ടപ്പോൾ ബിലെ​യാ​മി​ന്റെ കഴുത വഴിയിൽനി​ന്ന്‌ വയലി​ലേക്കു തിരിഞ്ഞു. എന്നാൽ കഴുതയെ വഴിയി​ലേക്കു തിരി​ച്ചു​കൊ​ണ്ടു​വ​രാ​നാ​യി ബിലെ​യാം അതിനെ അടിക്കാൻതു​ടങ്ങി. 24 പിന്നീട്‌ യഹോ​വ​യു​ടെ ദൂതൻ രണ്ടു മുന്തി​രി​ത്തോ​ട്ട​ങ്ങൾക്കു നടുവി​ലൂ​ടെ പോകുന്ന, ഇരുവ​ശ​വും കല്ലുമ​തി​ലുള്ള, ഒരു ഇടുങ്ങിയ വഴിയിൽ നിന്നു. 25 യഹോവയുടെ ദൂതനെ കണ്ടപ്പോൾ കഴുത മതിലി​നോ​ടു ചേർന്നു​ന​ട​ക്കാൻ ശ്രമിച്ചു. അപ്പോൾ ബിലെ​യാ​മി​ന്റെ കാൽ മതിലിൽ ഉരഞ്ഞ്‌ ഞെരി​ഞ്ഞ​മർന്ന​തു​കൊണ്ട്‌ അയാൾ വീണ്ടും അതിനെ അടിച്ചു.

26 യഹോവയുടെ ദൂതൻ പിന്നെ​യും മുന്നിൽക്ക​ടന്ന്‌ ഇടത്തോ​ട്ടോ വലത്തോ​ട്ടോ തിരി​യാൻ കഴിയാത്ത ഒരു ഇടുങ്ങിയ സ്ഥലത്ത്‌ നിന്നു. 27 യഹോവയുടെ ദൂതനെ കണ്ട കഴുത നിലത്ത്‌ കിടന്നു​ക​ളഞ്ഞു. അതിന്റെ പുറത്ത്‌ ഇരിക്കു​ക​യാ​യി​രുന്ന ബിലെ​യാം വല്ലാതെ കോപി​ച്ച്‌ തന്റെ വടി​കൊണ്ട്‌ അതിനെ പൊതി​രെ തല്ലി. 28 ഒടുവിൽ യഹോവ കഴുത​യ്‌ക്കു സംസാ​രി​ക്കാൻ പ്രാപ്‌തി കൊടു​ത്തു.*+ അതു ബിലെ​യാ​മി​നോ​ടു ചോദി​ച്ചു: “ഈ മൂന്നു പ്രാവ​ശ്യ​വും എന്നെ അടിക്കാൻ ഞാൻ അങ്ങയോ​ട്‌ എന്തു തെറ്റാണു ചെയ്‌തത്‌?”+ 29 അപ്പോൾ ബിലെ​യാം കഴുത​യോ​ടു പറഞ്ഞു: “നീ എന്നെ അപമാ​നി​ച്ച​തു​കൊ​ണ്ടാണ്‌ ഞാൻ നിന്നെ അടിക്കു​ന്നത്‌. എന്റെ കൈയിൽ ഒരു വാളു​ണ്ടാ​യി​രു​ന്നെ​ങ്കിൽ ഞാൻ ഇപ്പോൾ നിന്നെ കൊ​ന്നേനേ!” 30 അപ്പോൾ കഴുത ബിലെ​യാ​മി​നോ​ടു പറഞ്ഞു: “അങ്ങ്‌ ജീവി​ത​കാ​ലം മുഴുവൻ യാത്ര ചെയ്‌ത അങ്ങയുടെ കഴുത​യല്ലേ ഞാൻ? ഇതിനു മുമ്പ്‌ എപ്പോ​ഴെ​ങ്കി​ലും ഞാൻ അങ്ങയോ​ട്‌ ഇങ്ങനെ ചെയ്‌തി​ട്ടു​ണ്ടോ?” അപ്പോൾ ബിലെ​യാം, “ഇല്ല” എന്നു പറഞ്ഞു. 31 യഹോവ ബിലെ​യാ​മി​ന്റെ കണ്ണു തുറന്നു.+ യഹോ​വ​യു​ടെ ദൂതൻ വാൾ ഊരി​പ്പി​ടിച്ച്‌ വഴിയിൽ നിൽക്കു​ന്നതു ബിലെ​യാം കണ്ടു. ഉടനെ ബിലെ​യാം കുമ്പിട്ട്‌ സാഷ്ടാം​ഗം വീണ്‌ നമസ്‌ക​രി​ച്ചു.

32 അപ്പോൾ യഹോ​വ​യു​ടെ ദൂതൻ ബിലെ​യാ​മി​നോ​ടു പറഞ്ഞു: “നീ ഈ മൂന്നു പ്രാവ​ശ്യം നിന്റെ കഴുതയെ തല്ലിയത്‌ എന്തിനാ​ണ്‌? നിന്റെ ഈ പോക്ക്‌ എന്റെ ഇഷ്ടത്തിനു വിരു​ദ്ധ​മാ​യ​തു​കൊണ്ട്‌ ഞാനാണു നിന്നെ തടഞ്ഞത്‌.+ 33 കഴുത എന്നെ കണ്ട്‌ ഈ മൂന്നു തവണയും എന്റെ അടുത്തു​നിന്ന്‌ മാറി​പ്പോ​യി.+ അതു വഴിമാ​റി​യി​ല്ലാ​യി​രു​ന്നെ​ങ്കിൽ ഇതി​നോ​ടകം ഞാൻ നിന്നെ കൊ​ന്നേനേ, അതിനെ വെറുതേ വിടു​ക​യും ചെയ്‌തേനേ!” 34 ബിലെയാം യഹോ​വ​യു​ടെ ദൂത​നോ​ടു പറഞ്ഞു: “ഞാൻ പാപം ചെയ്‌തി​രി​ക്കു​ന്നു; എന്നെ തടയാൻ അങ്ങ്‌ വഴിയിൽ നിൽക്കുന്ന കാര്യം എനിക്ക്‌ അറിയി​ല്ലാ​യി​രു​ന്നു. അങ്ങയ്‌ക്ക്‌ ഇഷ്ടമ​ല്ലെ​ങ്കിൽ ഞാൻ തിരി​ച്ചു​പൊ​യ്‌ക്കൊ​ള്ളാം.” 35 എന്നാൽ യഹോ​വ​യു​ടെ ദൂതൻ ബിലെ​യാ​മി​നോ​ടു പറഞ്ഞു: “അവരോ​ടൊ​പ്പം പൊയ്‌ക്കൊ​ള്ളൂ. പക്ഷേ ഞാൻ പറഞ്ഞു​ത​രു​ന്നതു മാത്രമേ നീ പറയാവൂ.” അങ്ങനെ ബിലെ​യാം ബാലാ​ക്കി​ന്റെ പ്രഭു​ക്ക​ന്മാ​രോ​ടൊ​പ്പം യാത്ര തുടർന്നു.

36 ബിലെയാം വന്നെന്നു കേട്ട ഉടനെ ബാലാക്ക്‌ ബിലെ​യാ​മി​നെ കാണാൻ ദേശത്തി​ന്റെ അതിർത്തി​യിൽ അർന്നോ​ന്റെ തീരത്ത്‌ സ്ഥിതി ചെയ്യുന്ന മോവാ​ബ്‌ നഗരത്തി​ലേക്കു ചെന്നു. 37 ബാലാക്ക്‌ ബിലെ​യാ​മി​നോ​ടു ചോദി​ച്ചു: “താങ്കളെ വിളി​ക്കാൻ ഞാൻ ആളയച്ച​തല്ലേ? താങ്കൾ എന്താണ്‌ എന്റെ അടുത്ത്‌ വരാതി​രു​ന്നത്‌? താങ്കളെ വേണ്ട​പോ​ലെ ആദരി​ക്കാൻ എനിക്കു കഴിയി​ല്ലെന്നു കരുതി​യോ?”+ 38 അതിനു ബിലെ​യാം ബാലാ​ക്കി​നോട്‌: “ഇതാ, ഇപ്പോൾ ഞാൻ വന്നല്ലോ. പക്ഷേ എനിക്ക്‌ എന്തെങ്കി​ലും പറയാൻ അനുവാ​ദ​മു​ണ്ടോ? ദൈവം എന്റെ നാവിൽ തരുന്നതു മാത്രമേ എനിക്കു പറയാ​നാ​കൂ.”+

39 അങ്ങനെ ബിലെ​യാം ബാലാ​ക്കി​ന്റെ​കൂ​ടെ പോയി; അവർ കിര്യത്ത്‌-ഹൂസോ​ത്തിൽ എത്തി. 40 ബാലാക്ക്‌ ആടുക​ളെ​യും കന്നുകാ​ലി​ക​ളെ​യും ബലി അർപ്പി​ച്ചിട്ട്‌ അതിൽ കുറച്ച്‌ ബിലെ​യാ​മി​നും അയാ​ളോ​ടൊ​പ്പ​മു​ണ്ടാ​യി​രുന്ന പ്രഭു​ക്ക​ന്മാർക്കും കൊടു​ത്ത​യച്ചു. 41 രാവിലെ ബാലാക്ക്‌ ബിലെ​യാ​മി​നെ​യും കൂട്ടി ബാമോ​ത്ത്‌-ബാലി​ലേക്കു പോയി. അവിടെ നിന്നാൽ അയാൾക്കു ജനത്തെ മുഴുവൻ കാണാ​നാ​കു​മാ​യി​രു​ന്നു.+

23 അപ്പോൾ ബിലെ​യാം ബാലാ​ക്കി​നോ​ടു പറഞ്ഞു: “ഇവിടെ ഏഴു യാഗപീ​ഠം പണിയുക;+ ഏഴു കാള​യെ​യും ഏഴ്‌ ആൺചെ​മ്മ​രി​യാ​ടി​നെ​യും എനിക്കു​വേണ്ടി ഒരുക്കുക.” 2 ബാലാക്ക്‌ ഉടനെ ബിലെ​യാം പറഞ്ഞതു​പോ​ലെ​യെ​ല്ലാം ചെയ്‌തു. ബാലാ​ക്കും ബിലെ​യാ​മും ഓരോ യാഗപീ​ഠ​ത്തി​ലും ഒരു കാള​യെ​യും ഒരു ആൺചെ​മ്മ​രി​യാ​ടി​നെ​യും അർപ്പിച്ചു.+ 3 പിന്നെ ബിലെ​യാം ബാലാ​ക്കി​നോട്‌: “ഞാൻ പോകട്ടെ, താങ്കൾ ഇവിടെ താങ്കളു​ടെ ദഹനയാ​ഗ​ത്തി​ന്റെ അടുത്ത്‌ നിൽക്കുക. ഒരുപക്ഷേ യഹോവ എനിക്കു പ്രത്യ​ക്ഷ​നാ​യേ​ക്കും. ദൈവം എന്നോടു വെളി​പ്പെ​ടു​ത്തു​ന്ന​തെ​ല്ലാം ഞാൻ താങ്കളെ അറിയി​ക്കാം.” അങ്ങനെ ബിലെ​യാം ഒരു മൊട്ട​ക്കു​ന്നി​ലേക്കു പോയി.

4 ദൈവം ബിലെ​യാ​മി​നു പ്രത്യ​ക്ഷ​നാ​യി.+ അപ്പോൾ ബിലെ​യാം ദൈവ​ത്തോ​ടു പറഞ്ഞു: “ഞാൻ ഇതാ, വരിവ​രി​യാ​യി ഏഴു യാഗപീ​ഠം പണിത്‌ അതിൽ ഓരോ​ന്നി​ലും ഒരു കാള​യെ​യും ഒരു ആൺചെ​മ്മ​രി​യാ​ടി​നെ​യും അർപ്പി​ച്ചി​രി​ക്കു​ന്നു.” 5 അപ്പോൾ യഹോവ തന്റെ വാക്കുകൾ ബിലെ​യാ​മി​ന്റെ നാവിൽ നൽകി​യിട്ട്‌ പറഞ്ഞു:+ “നീ മടങ്ങി​ച്ചെന്ന്‌ ഈ വാക്കുകൾ ബാലാ​ക്കി​നോ​ടു പറയണം.” 6 ബിലെയാം മടങ്ങി​ച്ചെ​ന്ന​പ്പോൾ ബാലാ​ക്കും എല്ലാ മോവാ​ബ്യ​പ്ര​ഭു​ക്ക​ന്മാ​രും ദഹനയാ​ഗ​ത്തി​ന്റെ അടുത്ത്‌ നിൽക്കു​ന്നതു കണ്ടു. 7 അപ്പോൾ ബിലെ​യാം ഈ സന്ദേശം അറിയി​ച്ചു:+

‘വന്ന്‌ എനിക്കാ​യി യാക്കോ​ബി​നെ ശപിക്കുക,

വരുക, ഇസ്രാ​യേ​ലി​നെ കുറ്റം വിധി​ക്കുക.’+

 8 ദൈവം ശപിക്കാ​ത്ത​വരെ ഞാൻ എങ്ങനെ ശപിക്കും?

യഹോവ കുറ്റം വിധി​ക്കാ​ത്ത​വരെ ഞാൻ എങ്ങനെ കുറ്റം വിധി​ക്കും?+

11 അപ്പോൾ ബാലാക്ക്‌ ബിലെ​യാ​മി​നോ​ടു പറഞ്ഞു: “താങ്കൾ എന്താണ്‌ ഈ ചെയ്‌തത്‌? എന്റെ ശത്രു​ക്കളെ ശപിക്കാ​നാ​ണു ഞാൻ താങ്കളെ കൊണ്ടു​വ​ന്നത്‌. പക്ഷേ താങ്കൾ അവരെ അനു​ഗ്ര​ഹം​കൊണ്ട്‌ മൂടി​യി​രി​ക്കു​ന്നു.”+ 12 ബിലെയാം പറഞ്ഞു: “യഹോവ എന്റെ നാവിൽ തരുന്ന​തല്ലേ ഞാൻ പറയേ​ണ്ടത്‌?”+

13 ബാലാക്ക്‌ ബിലെ​യാ​മി​നോ​ടു പറഞ്ഞു: “എന്റെകൂ​ടെ വരൂ, അവരെ കാണാ​നാ​കുന്ന മറ്റൊരു സ്ഥലത്തേക്കു നമുക്കു പോകാം. എന്നാൽ അവരുടെ ഒരു ഭാഗം മാത്രമേ താങ്കൾ കാണൂ; അവരെ എല്ലാവ​രെ​യും കാണില്ല. അവിടെ നിന്ന്‌ എനിക്കു​വേണ്ടി താങ്കൾ അവരെ ശപിക്കണം.”+ 14 അങ്ങനെ ബാലാക്ക്‌ ബിലെ​യാ​മി​നെ സോഫീം പ്രദേ​ശ​ത്തേക്ക്‌, പിസ്‌ഗയുടെ+ മുകളി​ലേക്ക്‌, കൊണ്ടു​പോ​യി. അവിടെ ബിലെ​യാം ഏഴു യാഗപീ​ഠം പണിത്‌ ഓരോ​ന്നി​ലും ഒരു കാള​യെ​യും ഒരു ആൺചെ​മ്മ​രി​യാ​ടി​നെ​യും അർപ്പിച്ചു.+ 15 ബിലെയാം ബാലാ​ക്കി​നോ​ടു പറഞ്ഞു: “ഞാൻ പോയി ദൈവ​ത്തോ​ടു സംസാ​രി​ക്കട്ടെ. അതുവരെ താങ്കൾ ഇവിടെ താങ്കളു​ടെ ദഹനയാ​ഗ​ത്തി​ന്റെ അടുത്ത്‌ നിൽക്കുക.” 16 യഹോവ ബിലെ​യാ​മി​നു പ്രത്യ​ക്ഷ​നാ​യി തന്റെ വാക്കുകൾ ബിലെ​യാ​മി​ന്റെ നാവിൽ നൽകി​യിട്ട്‌ പറഞ്ഞു:+ “നീ തിരി​ച്ചു​ചെന്ന്‌ ഈ വാക്കുകൾ ബാലാ​ക്കി​നോ​ടു പറയണം.” 17 ബിലെയാം മടങ്ങി​ച്ചെ​ന്ന​പ്പോൾ ബാലാക്ക്‌ തന്റെ ദഹനയാ​ഗ​ത്തി​ന്റെ അടുത്ത്‌ കാത്തു​നിൽക്കു​ന്നതു കണ്ടു. മോവാ​ബ്യ​പ്ര​ഭു​ക്ക​ന്മാ​രും ബാലാ​ക്കി​ന്റെ​കൂ​ടെ​യു​ണ്ടാ​യി​രു​ന്നു. ബാലാക്ക്‌ ബിലെ​യാ​മി​നോ​ടു ചോദി​ച്ചു: “യഹോവ എന്തു പറഞ്ഞു?” 18 അപ്പോൾ ബിലെ​യാം ഈ സന്ദേശം അറിയി​ച്ചു:+

“ബാലാക്കേ, എഴു​ന്നേറ്റ്‌ ശ്രദ്ധി​ക്കുക,

സിപ്പോ​രി​ന്റെ മകനേ, എനിക്കു ചെവി തരുക.

താൻ പറയു​ന്നതു ദൈവം നിവർത്തി​ക്കാ​തി​രി​ക്കു​മോ?

താൻ പറയു​ന്നതു ദൈവം ചെയ്യാ​തി​രി​ക്കു​മോ?+

22 ദൈവം അവരെ ഈജി​പ്‌തിൽനിന്ന്‌ കൊണ്ടു​വ​രു​ന്നു.+

ദൈവം അവർക്കു കാട്ടു​പോ​ത്തി​ന്റെ കൊമ്പു​കൾപോ​ലെ​യാണ്‌.+

‘ദൈവം അവനു​വേണ്ടി ചെയ്‌തതു കണ്ടാലും!’ എന്ന്‌

ഇപ്പോൾ യാക്കോ​ബി​നെ​യും ഇസ്രാ​യേ​ലി​നെ​യും കുറിച്ച്‌ പറയും.

25 അപ്പോൾ ബാലാക്ക്‌ ബിലെ​യാ​മി​നോ​ടു പറഞ്ഞു: “താങ്കൾക്ക്‌ ഇസ്രാ​യേ​ലി​നെ ശപിക്കാൻ കഴിയി​ല്ലെ​ങ്കിൽ അനു​ഗ്ര​ഹി​ക്കാ​നും പാടില്ല.” 26 ബിലെയാം ബാലാ​ക്കി​നോ​ടു പറഞ്ഞു: “‘യഹോവ പറയു​ന്ന​തെ​ല്ലാം ഞാൻ ചെയ്യും’ എന്നു ഞാൻ താങ്ക​ളോ​ടു പറഞ്ഞതല്ലേ?”+

27 ബാലാക്ക്‌ ബിലെ​യാ​മി​നോ​ടു പറഞ്ഞു: “വരൂ, ഞാൻ താങ്കളെ മറ്റൊരു സ്ഥലത്തേക്കു കൊണ്ടു​പോ​കാം. അവി​ടെ​വെച്ച്‌ താങ്കൾ ഇസ്രാ​യേ​ലി​നെ എനിക്കു​വേണ്ടി ശപിക്കു​ന്നതു ചില​പ്പോൾ സത്യ​ദൈ​വ​ത്തിന്‌ ഇഷ്ടമാ​യി​രി​ക്കും.”+ 28 അങ്ങനെ ബാലാക്ക്‌ ബിലെ​യാ​മി​നെ യശീമോന്‌*+ അഭിമു​ഖ​മാ​യുള്ള പെയോ​രി​ന്റെ മുകളി​ലേക്കു കൂട്ടി​ക്കൊ​ണ്ടു​പോ​യി. 29 ബിലെയാം ബാലാ​ക്കി​നോ​ടു പറഞ്ഞു: “ഈ സ്ഥലത്ത്‌ ഏഴു യാഗപീ​ഠം പണിത്‌ ഏഴു കാള​യെ​യും ഏഴ്‌ ആൺചെ​മ്മ​രി​യാ​ടി​നെ​യും എനിക്കാ​യി ഒരുക്കുക.”+ 30 ബിലെയാം പറഞ്ഞതു​പോ​ലെ​തന്നെ ബാലാക്ക്‌ ചെയ്‌തു. ബിലെ​യാം ഓരോ യാഗപീ​ഠ​ത്തി​ലും ഒരു കാള​യെ​യും ഒരു ആൺചെ​മ്മ​രി​യാ​ടി​നെ​യും വീതം അർപ്പിച്ചു.

24 ഇസ്രാ​യേ​ലി​നെ അനു​ഗ്ര​ഹി​ക്കു​ന്നത്‌ യഹോ​വ​യ്‌ക്ക്‌ ഇഷ്ടമെന്നു കണ്ടപ്പോൾ ബിലെ​യാം പിന്നെ ദുശ്ശകുനം+ നോക്കി പോയില്ല. പകരം വിജന​ഭൂ​മി​ക്കു നേരെ മുഖം തിരിച്ചു. 2 ബിലെയാം നോക്കി​യ​പ്പോൾ ഇസ്രാ​യേൽ ഗോ​ത്രം​ഗോ​ത്ര​മാ​യി പാളയ​മ​ടി​ച്ചി​രി​ക്കു​ന്നതു കണ്ടു.+ അപ്പോൾ ദൈവ​ത്തി​ന്റെ ആത്മാവ്‌ ബിലെ​യാ​മി​ന്റെ മേൽ വന്നു.+ 3 അയാൾ ഈ പ്രാവ​ച​നി​ക​സ​ന്ദേശം അറിയി​ച്ചു:+

10 അപ്പോൾ ബാലാ​ക്കി​നു ബിലെ​യാ​മി​നോ​ടു കടുത്ത കോപം തോന്നി. ബാലാക്ക്‌ പുച്ഛ​ത്തോ​ടെ തന്റെ കൈ കൂട്ടി​യ​ടി​ച്ചു​കൊണ്ട്‌ ബിലെ​യാ​മി​നോ​ടു പറഞ്ഞു: “എന്റെ ശത്രു​ക്കളെ ശപിക്കാ​നാ​ണു ഞാൻ നിന്നെ വിളി​ച്ചു​വ​രു​ത്തി​യത്‌.+ പക്ഷേ നീ ഈ മൂന്നു തവണയും അവരെ അനു​ഗ്ര​ഹി​ച്ചു! 11 മതി, വേഗം നിന്റെ വീട്ടി​ലേക്കു പൊയ്‌ക്കൊ​ള്ളുക. നിന്നെ അതിയാ​യി ആദരി​ക്കാൻ ഞാൻ നിശ്ചയി​ച്ചി​രു​ന്നു.+ പക്ഷേ നിന്നെ ആദരി​ക്കു​ന്നത്‌ ഇതാ, യഹോവ തടഞ്ഞി​രി​ക്കു​ന്നു.”

12 ബിലെയാം ബാലാ​ക്കി​നോ​ടു പറഞ്ഞു: “താങ്കൾ അയച്ച ദൂതന്മാ​രോട്‌, 13 ‘ബാലാക്ക്‌ സ്വന്തം വീടു നിറയെ സ്വർണ​വും വെള്ളി​യും തന്നാലും യഹോ​വ​യു​ടെ ആജ്ഞ ധിക്കരി​ച്ചു​കൊണ്ട്‌ സ്വന്തം ഇഷ്ടപ്രകാരം* നല്ലതാ​കട്ടെ ചീത്തയാ​കട്ടെ ഒന്നും ചെയ്യാൻ എനിക്കു കഴിയില്ല; യഹോവ പറയു​ന്നതു മാത്രമേ ഞാൻ സംസാ​രി​ക്കൂ’ എന്നു ഞാൻ പറഞ്ഞതല്ലേ?+ 14 ഞാൻ ഇതാ, എന്റെ ജനത്തിന്റെ അടു​ത്തേക്കു പോകു​ക​യാണ്‌. വരൂ, ഭാവിയിൽ* ഈ ജനം താങ്കളു​ടെ ജനത്തെ എന്തു ചെയ്യു​മെന്നു ഞാൻ താങ്കൾക്കു പറഞ്ഞു​ത​രാം.” 15 അങ്ങനെ ബിലെ​യാം ഈ പ്രാവ​ച​നി​ക​സ​ന്ദേശം അറിയി​ച്ചു:+

20 അമാലേക്കിനെ കണ്ടപ്പോൾ ബിലെ​യാം പ്രാവ​ച​നി​ക​സ​ന്ദേശം തുടർന്നു:

21 കേന്യരെ+ കണ്ടപ്പോൾ പ്രാവ​ച​നി​ക​സ​ന്ദേശം തുടർന്നു​കൊണ്ട്‌ ബിലെ​യാം പറഞ്ഞു:

“നിന്റെ വാസസ്ഥലം സുരക്ഷി​തം, ശൈല​ത്തിൽ നീ നിന്റെ പാർപ്പി​ടം സ്ഥാപി​ച്ചി​രി​ക്കു​ന്നു.

22 എന്നാൽ കെയീനെ ഒരാൾ കത്തിച്ച്‌ ചാമ്പലാ​ക്കും.

അസീറിയ നിന്നെ ബന്ദിയാ​ക്കി​ക്കൊ​ണ്ടു​പോ​കാൻ ഇനി എത്ര നാൾ?”

23 പ്രാവചനികസന്ദേശം തുടർന്നു​കൊണ്ട്‌ ബിലെ​യാം പറഞ്ഞു:

“കഷ്ടം! ദൈവം ഇതു ചെയ്യു​മ്പോൾ ആരു ശേഷി​ക്കും?

എന്നാൽ അവനും പൂർണ​മാ​യി നശിച്ചു​പോ​കും.”

25 പിന്നെ ബിലെയാം+ എഴു​ന്നേറ്റ്‌ തന്റെ സ്ഥലത്തേക്കു മടങ്ങി. ബാലാ​ക്കും തന്റെ വഴിക്കു പോയി.

25 ഇസ്രാ​യേൽ ശിത്തീമിൽ+ താമസി​ക്കു​മ്പോൾ ജനം മോവാ​ബി​ലെ സ്‌ത്രീ​ക​ളു​മാ​യി അധാർമികപ്രവൃത്തികൾ* ചെയ്യാൻതു​ടങ്ങി.+ 2 ആ സ്‌ത്രീ​കൾ തങ്ങളുടെ ദൈവ​ങ്ങൾക്കു ബലി അർപ്പിച്ചപ്പോൾ+ ഇസ്രാ​യേ​ല്യ​രെ​യും ക്ഷണിച്ചു. അങ്ങനെ ജനം ബലിവ​സ്‌തു​ക്കൾ തിന്നു​ക​യും അവരുടെ ദൈവ​ങ്ങ​ളു​ടെ മുന്നിൽ കുമ്പി​ടു​ക​യും ചെയ്‌തു.+ 3 ഇസ്രായേൽ അവരോ​ടു​കൂ​ടെ പെയോ​രി​ലെ ബാലിനെ ആരാധിച്ചതുകൊണ്ട്‌*+ യഹോ​വ​യു​ടെ കോപം അവരുടെ നേരെ ആളിക്കത്തി. 4 യഹോവ മോശ​യോ​ടു പറഞ്ഞു: “യഹോ​വ​യു​ടെ ഉഗ്ര​കോ​പം ഇസ്രാ​യേ​ലിൽനിന്ന്‌ നീങ്ങി​പ്പോ​ക​ണ​മെ​ങ്കിൽ ഈ ജനത്തിന്റെ നേതാ​ക്ക​ന്മാ​രെ​യെ​ല്ലാം പിടിച്ച്‌ ജനം മുഴുവൻ കാൺകെ* യഹോ​വ​യു​ടെ സന്നിധി​യിൽ തൂക്കുക.” 5 അപ്പോൾ മോശ ഇസ്രാ​യേ​ലി​ലെ ന്യായാ​ധി​പ​ന്മാ​രോട്‌,+ “നിങ്ങൾ ഓരോ​രു​ത്ത​രും നിങ്ങളു​ടെ ഇടയിൽ പെയോ​രി​ലെ ബാലിനെ ആരാധിച്ച* ഈ പുരു​ഷ​ന്മാ​രെ കൊന്നു​ക​ള​യണം” എന്നു കല്‌പി​ച്ചു.+

6 ആ സമയത്ത്‌ ഒരു ഇസ്രാ​യേ​ല്യൻ, സാന്നി​ധ്യ​കൂ​ടാ​ര​ത്തി​ന്റെ മുന്നിൽ വിലപി​ച്ചു​കൊ​ണ്ടി​രുന്ന ഇസ്രാ​യേൽസ​മൂ​ഹ​ത്തി​ന്റെ​യും മോശ​യു​ടെ​യും മുന്നി​ലൂ​ടെ ഒരു മിദ്യാന്യസ്‌ത്രീയെയും+ കൂട്ടി തന്റെ സഹോ​ദ​ര​ന്മാ​രു​ടെ അടു​ത്തേക്കു വന്നു. 7 അതു കണ്ട ഉടനെ പുരോ​ഹി​ത​നായ, അഹരോ​ന്റെ മകനായ എലെയാ​സ​രി​ന്റെ മകൻ ഫിനെഹാസ്‌+ ജനത്തിന്‌ ഇടയിൽനി​ന്ന്‌ എഴു​ന്നേറ്റ്‌ കൈയിൽ ഒരു കുന്തവും എടുത്ത്‌ 8 ആ ഇസ്രാ​യേ​ല്യ​ന്റെ പിന്നാലെ കൂടാ​ര​ത്തി​ലേക്കു പാഞ്ഞു​ചെന്നു. ആ സ്‌ത്രീ​യു​ടെ ജനനേ​ന്ദ്രി​യം തുളയും​വി​ധം ഫിനെ​ഹാസ്‌ ആ പുരു​ഷ​നെ​യും സ്‌ത്രീ​യെ​യും കുന്തം​കൊണ്ട്‌ കുത്തി. അതോടെ ഇസ്രാ​യേ​ല്യ​രു​ടെ മേലുള്ള ബാധ നിലച്ചു.+ 9 ബാധ കാരണം മരിച്ചവർ ആകെ 24,000 പേരാ​യി​രു​ന്നു.+

10 പിന്നീട്‌ യഹോവ മോശ​യോ​ടു പറഞ്ഞു: 11 “പുരോ​ഹി​ത​നായ അഹരോ​ന്റെ മകനായ എലെയാ​സ​രി​ന്റെ മകൻ ഫിനെഹാസ്‌+ ഇസ്രാ​യേൽ ജനത്തിനു നേരെ​യുള്ള എന്റെ ക്രോധം ശമിപ്പി​ച്ചി​രി​ക്കു​ന്നു. അവർ എന്നോടു കാണിച്ച അവിശ്വ​സ്‌തത അവൻ ഒട്ടും വെച്ചു​പൊ​റു​പ്പി​ച്ചില്ല.+ അതു​കൊ​ണ്ടു​തന്നെ സമ്പൂർണ​ഭക്തി ആഗ്രഹി​ക്കുന്ന ദൈവ​മാ​ണെ​ങ്കി​ലും ഞാൻ ഇസ്രാ​യേ​ല്യ​രെ തുടച്ചു​നീ​ക്കി​യില്ല.+ 12 അതുകൊണ്ട്‌ അവനോ​ട്‌ ഇങ്ങനെ പറയുക. ഞാൻ അവനു​മാ​യി സമാധാ​ന​ത്തി​ലാ​യി​രി​ക്കു​മെന്ന്‌ ഉടമ്പടി ചെയ്യുന്നു. 13 അത്‌ അവനോ​ടും അവന്റെ സന്തതി​ക​ളോ​ടും ഉള്ള ദീർഘ​കാ​ലം നിലനിൽക്കുന്ന പൗരോ​ഹി​ത്യ​ത്തി​ന്റെ ഒരു ഉടമ്പടി​യാ​യി​രി​ക്കും.+ കാരണം തന്റെ ദൈവ​ത്തോ​ടുള്ള അവരുടെ അവിശ്വ​സ്‌തത അവൻ വെച്ചു​പൊ​റു​പ്പി​ച്ചില്ല;+ ഇസ്രാ​യേൽ ജനത്തി​നു​വേണ്ടി അവൻ പാപപ​രി​ഹാ​രം വരുത്തു​ക​യും ചെയ്‌തു.”

14 മിദ്യാന്യസ്‌ത്രീയോടൊപ്പം കൊല്ല​പ്പെട്ട ഇസ്രാ​യേ​ല്യ​പു​രു​ഷന്റെ പേര്‌ സിമ്രി എന്നായി​രു​ന്നു. സാലു​വി​ന്റെ മകനും ശിമെ​യോ​ന്യ​രു​ടെ പിതൃ​ഭ​വ​ന​ത്തി​ന്റെ തലവനും ആയിരു​ന്നു സിമ്രി. 15 കൊല്ലപ്പെട്ട മിദ്യാ​ന്യ​സ്‌ത്രീ​യു​ടെ പേര്‌ കൊസ്‌ബി. ആ സ്‌ത്രീ മിദ്യാ​നി​ലെ ഒരു പിതൃ​ഭ​വ​ന​ത്തി​ലെ കുടും​ബ​ങ്ങ​ളു​ടെ തലവനായ+ സൂരിന്റെ മകളാ​യി​രു​ന്നു.+

16 പിന്നീട്‌ യഹോവ മോശ​യോ​ടു പറഞ്ഞു: 17 “നിങ്ങൾ മിദ്യാ​ന്യ​രെ ദ്രോ​ഹിച്ച്‌ അവരെ സംഹരി​ക്കുക.+ 18 കാരണം പെയോ​രി​ന്റെ കാര്യത്തിലും+ മിദ്യാ​ന്യ​ത​ല​വന്റെ മകളായ കൊസ്‌ബി​യു​ടെ—പെയോർ കാരണം ഉണ്ടായ ബാധയു​ടെ സമയത്ത്‌+ കൊല്ല​പ്പെട്ട തങ്ങളുടെ സഹോദരിയുടെ+—കാര്യ​ത്തി​ലും അവർ തന്ത്രം പ്രയോ​ഗിച്ച്‌ നിങ്ങളെ ദ്രോ​ഹി​ച്ച​ല്ലോ.”

26 ബാധയ്‌ക്കു ശേഷം+ യഹോവ മോശ​യോ​ടും പുരോ​ഹി​ത​നായ അഹരോ​ന്റെ മകൻ എലെയാ​സ​രി​നോ​ടും പറഞ്ഞു: 2 “പിതൃ​ഭ​വ​ന​മ​നു​സ​രിച്ച്‌, ഇസ്രാ​യേൽസ​മൂ​ഹ​ത്തിൽ 20 വയസ്സും അതിനു മേലോ​ട്ടും പ്രായ​മുള്ള എല്ലാവ​രു​ടെ​യും ഒരു കണക്കെ​ടു​പ്പു നടത്തുക. ഇസ്രാ​യേ​ലിൽ സൈന്യ​ത്തിൽ സേവി​ക്കാൻ കഴിയുന്ന എല്ലാവ​രെ​യും എണ്ണണം.”+ 3 അങ്ങനെ മോശ​യും പുരോ​ഹി​ത​നായ എലെയാസരും+ യരീഹൊയ്‌ക്കു+ സമീപം യോർദാ​ന്‌ അരി​കെ​യുള്ള മോവാ​ബ്‌ മരുപ്രദേശത്തുവെച്ച്‌+ അവരോ​ടു സംസാ​രി​ച്ചു. അവർ പറഞ്ഞു: 4 “യഹോവ മോശ​യോ​ടു കല്‌പി​ച്ച​തു​പോ​ലെ, 20 വയസ്സും അതിനു മേലോ​ട്ടും പ്രായ​മു​ള്ള​വ​രു​ടെ കണക്കെ​ടു​പ്പു നടത്തുക.”+

ഇവരാ​യി​രു​ന്നു ഈജി​പ്‌ത്‌ ദേശത്തു​നിന്ന്‌ പുറ​പ്പെ​ട്ടു​പോന്ന ഇസ്രാ​യേൽമക്കൾ: 5 ഇസ്രായേലിന്റെ മൂത്ത മകൻ രൂബേൻ.+ രൂബേന്റെ വംശജർ:+ ഹാനോ​ക്കിൽനിന്ന്‌ ഹാനോ​ക്യ​രു​ടെ കുടും​ബം; പല്ലുവിൽനി​ന്ന്‌ പല്ലുവ്യ​രു​ടെ കുടും​ബം; 6 ഹെസ്രോനിൽനിന്ന്‌ ഹെ​സ്രോ​ന്യ​രു​ടെ കുടും​ബം; കർമ്മി​യിൽനിന്ന്‌ കർമ്മ്യ​രു​ടെ കുടും​ബം. 7 ഇവയായിരുന്നു രൂബേ​ന്യ​രു​ടെ കുടും​ബങ്ങൾ. അവരിൽനി​ന്ന്‌ പേര്‌ രേഖ​പ്പെ​ടു​ത്തി​യവർ 43,730.+

8 പല്ലുവിന്റെ മകനാ​യി​രു​ന്നു എലിയാ​ബ്‌. 9 എലിയാബിന്റെ ആൺമക്കൾ: നെമൂ​വേൽ, ദാഥാൻ, അബീരാം. യഹോ​വ​യോ​ടു ധിക്കാരം കാണിച്ചപ്പോൾ+ കോര​ഹി​ന്റെ സംഘ​ത്തോ​ടു ചേർന്ന്‌+ മോശ​യെ​യും അഹരോ​നെ​യും എതിർത്തതു സമൂഹ​ത്തി​ലെ നിയമി​ത​പു​രു​ഷ​ന്മാ​രായ ഈ ദാഥാ​നും അബീരാ​മും ആണ്‌.+

10 അപ്പോൾ ഭൂമി വായ്‌ പിളർന്ന്‌ അവരെ വിഴു​ങ്ങി​ക്ക​ളഞ്ഞു. എന്നാൽ തീ പുറ​പ്പെട്ട്‌ 250 പുരു​ഷ​ന്മാ​രെ ദഹിപ്പി​ച്ച​പ്പോൾ കോരഹ്‌ തന്റെ ആളുക​ളോ​ടൊ​പ്പം മരണമ​ടഞ്ഞു.+ അങ്ങനെ അവർ ഒരു മുന്നറി​യി​പ്പാ​യി​ത്തീർന്നു.+ 11 എന്നാൽ കോര​ഹി​ന്റെ ആൺമക്കൾ മരിച്ചില്ല.+

12 കുടുംബമനുസരിച്ച്‌ ശിമെ​യോ​ന്റെ വംശജർ:+ നെമൂ​വേ​ലിൽനിന്ന്‌ നെമൂ​വേ​ല്യ​രു​ടെ കുടും​ബം; യാമീ​നിൽനിന്ന്‌ യാമീ​ന്യ​രു​ടെ കുടും​ബം; യാഖീ​നിൽനിന്ന്‌ യാഖീ​ന്യ​രു​ടെ കുടും​ബം; 13 സേരഹിൽനിന്ന്‌ സേരഹ്യ​രു​ടെ കുടും​ബം; ശാവൂ​ലിൽനിന്ന്‌ ശാവൂ​ല്യ​രു​ടെ കുടും​ബം. 14 ഇവയായിരുന്നു ശിമെ​യോ​ന്യ​രു​ടെ കുടും​ബങ്ങൾ. പേര്‌ രേഖ​പ്പെ​ടു​ത്തി​യവർ 22,200.+

15 കുടുംബമനുസരിച്ച്‌ ഗാദിന്റെ വംശജർ:+ സെഫോ​നിൽനിന്ന്‌ സെഫോ​ന്യ​രു​ടെ കുടും​ബം; ഹഗ്ഗിയിൽനി​ന്ന്‌ ഹഗ്ഗിയ​രു​ടെ കുടും​ബം; ശൂനി​യിൽനിന്ന്‌ ശൂന്യ​രു​ടെ കുടും​ബം; 16 ഒസ്‌നിയിൽനിന്ന്‌ ഒസ്‌ന്യ​രു​ടെ കുടും​ബം; ഏരിയിൽനി​ന്ന്‌ ഏര്യരു​ടെ കുടും​ബം; 17 അരോദിൽനിന്ന്‌ അരോ​ദ്യ​രു​ടെ കുടും​ബം; അരേലി​യിൽനിന്ന്‌ അരേല്യ​രു​ടെ കുടും​ബം. 18 ഇവയായിരുന്നു ഗാദിന്റെ ആൺമക്ക​ളു​ടെ കുടും​ബങ്ങൾ. അവരിൽനി​ന്ന്‌ പേര്‌ രേഖ​പ്പെ​ടു​ത്തി​യവർ 40,500.+

19 യഹൂദയുടെ ആൺമക്കളായിരുന്നു+ ഏരും ഓനാ​നും.+ എന്നാൽ ഏരും ഓനാ​നും കനാൻ ദേശത്തു​വെച്ച്‌ മരിച്ചു.+ 20 കുടുംബമനുസരിച്ച്‌ യഹൂദ​യു​ടെ വംശജർ: ശേലയിൽനിന്ന്‌+ ശേലാ​ന്യ​രു​ടെ കുടും​ബം; പേരെസിൽനിന്ന്‌+ പേരെ​സ്യ​രു​ടെ കുടും​ബം; സേരഹിൽനിന്ന്‌+ സേരഹ്യ​രു​ടെ കുടും​ബം. 21 പേരെസിന്റെ വംശജർ: ഹെസ്രോനിൽനിന്ന്‌+ ഹെ​സ്രോ​ന്യ​രു​ടെ കുടും​ബം; ഹമൂലിൽനിന്ന്‌+ ഹമൂല്യ​രു​ടെ കുടും​ബം. 22 ഇവയായിരുന്നു യഹൂദ​യു​ടെ കുടും​ബങ്ങൾ. അവരിൽനി​ന്ന്‌ പേര്‌ രേഖ​പ്പെ​ടു​ത്തി​യവർ 76,500.+

23 കുടുംബമനുസരിച്ച്‌ യിസ്സാ​ഖാ​രി​ന്റെ വംശജർ:+ തോലയിൽനിന്ന്‌+ തോല്യ​രു​ടെ കുടും​ബം; പുവ്വയിൽനി​ന്ന്‌ പുന്യ​രു​ടെ കുടും​ബം; 24 യാശൂബിൽനിന്ന്‌ യാശൂ​ബ്യ​രു​ടെ കുടും​ബം; ശി​മ്രോ​നിൽനിന്ന്‌ ശി​മ്രോ​ന്യ​രു​ടെ കുടും​ബം. 25 ഇവയായിരുന്നു യിസ്സാ​ഖാ​രി​ന്റെ കുടും​ബങ്ങൾ. അവരിൽനി​ന്ന്‌ പേര്‌ രേഖ​പ്പെ​ടു​ത്തി​യവർ 64,300.+

26 കുടുംബമനുസരിച്ച്‌ സെബു​ലൂ​ന്റെ വംശജർ:+ സേരെ​ദിൽനിന്ന്‌ സേരെ​ദ്യ​രു​ടെ കുടും​ബം; ഏലോ​നിൽനിന്ന്‌ ഏലോ​ന്യ​രു​ടെ കുടും​ബം; യഹ്‌ലെ​യേ​ലിൽനിന്ന്‌ യഹ്‌ലെ​യേ​ല്യ​രു​ടെ കുടും​ബം. 27 ഇവയായിരുന്നു സെബു​ലൂ​ന്യ​രു​ടെ കുടും​ബങ്ങൾ. അവരിൽനി​ന്ന്‌ പേര്‌ രേഖ​പ്പെ​ടു​ത്തി​യവർ 60,500.+

28 കുടുംബമനുസരിച്ച്‌ യോ​സേ​ഫി​ന്റെ ആൺമക്കൾ:+ മനശ്ശെ, എഫ്രയീം.+ 29 മനശ്ശെയുടെ വംശജർ:+ മാഖീരിൽനിന്ന്‌+ മാഖീ​ര്യ​രു​ടെ കുടും​ബം. മാഖീ​രി​നു ഗിലെയാദ്‌+ ജനിച്ചു. ഗിലെ​യാ​ദിൽനിന്ന്‌ ഗിലെ​യാ​ദ്യ​രു​ടെ കുടും​ബം. 30 ഗിലെയാദിന്റെ വംശജർ: ഈയേ​സെ​രിൽനിന്ന്‌ ഈയേ​സെ​ര്യ​രു​ടെ കുടും​ബം; ഹേലെ​ക്കിൽനിന്ന്‌ ഹേലെ​ക്യ​രു​ടെ കുടും​ബം; 31 അസ്രിയേലിൽനിന്ന്‌ അസ്രി​യേ​ല്യ​രു​ടെ കുടും​ബം; ശെഖേ​മിൽനിന്ന്‌ ശെഖേ​മ്യ​രു​ടെ കുടും​ബം; 32 ശെമീദയിൽനിന്ന്‌ ശെമീ​ദ്യ​രു​ടെ കുടും​ബം; ഹേഫെ​രിൽനിന്ന്‌ ഹേഫെ​ര്യ​രു​ടെ കുടും​ബം. 33 ഹേഫെരിന്റെ മകനായ സെലോ​ഫ​ഹാ​ദിന്‌ ആൺമക്ക​ളു​ണ്ടാ​യി​രു​ന്നില്ല, പെൺമ​ക്കളേ ഉണ്ടായി​രു​ന്നു​ള്ളൂ.+ മഹ്ല, നോഹ, ഹൊഗ്ല, മിൽക്ക, തിർസ എന്നിവ​രാ​യി​രു​ന്നു സെലോ​ഫ​ഹാ​ദി​ന്റെ പെൺമക്കൾ.+ 34 ഇവയായിരുന്നു മനശ്ശെ​യു​ടെ കുടും​ബങ്ങൾ. അവരിൽനി​ന്ന്‌ പേര്‌ രേഖ​പ്പെ​ടു​ത്തി​യവർ 52,700.+

35 കുടുംബമനുസരിച്ച്‌ എഫ്രയീ​മി​ന്റെ വംശജർ:+ ശൂഥേലഹിൽനിന്ന്‌+ ശൂഥേ​ല​ഹ്യ​രു​ടെ കുടും​ബം; ബേഖെ​രിൽനിന്ന്‌ ബേഖെ​ര്യ​രു​ടെ കുടും​ബം; തഹനിൽനി​ന്ന്‌ തഹന്യ​രു​ടെ കുടും​ബം. 36 ശൂഥേലഹിന്റെ വംശജർ: ഏരാനിൽനി​ന്ന്‌ ഏരാന്യ​രു​ടെ കുടും​ബം. 37 ഇവയായിരുന്നു എഫ്രയീ​മി​ന്റെ വംശജ​രു​ടെ കുടും​ബങ്ങൾ. അവരിൽനി​ന്ന്‌ പേര്‌ രേഖ​പ്പെ​ടു​ത്തി​യവർ 32,500.+ ഇവരാണു കുടും​ബ​മ​നു​സ​രിച്ച്‌ യോ​സേ​ഫി​ന്റെ വംശജർ.

38 കുടുംബമനുസരിച്ച്‌ ബന്യാ​മീ​ന്റെ വംശജർ:+ ബേലയിൽനിന്ന്‌+ ബേല്യ​രു​ടെ കുടും​ബം; അസ്‌ബേ​ലിൽനിന്ന്‌ അസ്‌ബേ​ല്യ​രു​ടെ കുടും​ബം; അഹീരാ​മിൽനിന്ന്‌ അഹീരാ​മ്യ​രു​ടെ കുടും​ബം; 39 ശെഫൂഫാമിൽനിന്ന്‌ ശൂഫാ​മ്യ​രു​ടെ കുടും​ബം; ഹൂഫാ​മിൽനിന്ന്‌ ഹൂഫാ​മ്യ​രു​ടെ കുടും​ബം. 40 ബേലയുടെ ആൺമക്കൾ:+ അർദ്‌, നയമാൻ. അർദിൽനി​ന്ന്‌ അർദ്യ​രു​ടെ കുടും​ബം; നയമാ​നിൽനിന്ന്‌ നയമാ​ന്യ​രു​ടെ കുടും​ബം. 41 ഇവരാണു കുടും​ബ​മ​നു​സ​രിച്ച്‌ ബന്യാ​മീ​ന്റെ വംശജർ. അവരിൽനി​ന്ന്‌ പേര്‌ രേഖ​പ്പെ​ടു​ത്തി​യവർ 45,600.+

42 കുടുംബമനുസരിച്ച്‌ ദാന്റെ വംശജർ:+ ശൂഹാ​മിൽനിന്ന്‌ ശൂഹാ​മ്യ​രു​ടെ കുടും​ബം. ഇവരാണു കുടും​ബ​മ​നു​സ​രിച്ച്‌ ദാന്റെ വംശജർ. 43 ശൂഹാമ്യരുടെ കുടും​ബ​ത്തിൽനിന്ന്‌ പേര്‌ രേഖ​പ്പെ​ടു​ത്തി​യവർ ആകെ 64,400.+

44 കുടുംബമനുസരിച്ച്‌ ആശേരി​ന്റെ വംശജർ:+ ഇമ്‌ന​യിൽനിന്ന്‌ ഇമ്‌ന്യ​രു​ടെ കുടും​ബം; യിശ്വി​യിൽനിന്ന്‌ യിശ്വി​യ​രു​ടെ കുടും​ബം; ബരീയ​യിൽനിന്ന്‌ ബരീയ​രു​ടെ കുടും​ബം; 45 ബരീയയുടെ ആൺമക്ക​ളിൽനി​ന്നു​ള്ളവർ: ഹേബെ​രിൽനിന്ന്‌ ഹേബെ​ര്യ​രു​ടെ കുടും​ബം; മൽക്കി​യേ​ലിൽനിന്ന്‌ മൽക്കി​യേ​ല്യ​രു​ടെ കുടും​ബം. 46 ആശേരിന്റെ മകളുടെ പേര്‌ സേര എന്നായി​രു​ന്നു. 47 ഇവയായിരുന്നു ആശേരി​ന്റെ വംശജ​രു​ടെ കുടും​ബങ്ങൾ. അവരിൽനി​ന്ന്‌ പേര്‌ രേഖ​പ്പെ​ടു​ത്തി​യവർ 53,400.+

48 കുടുംബമനുസരിച്ച്‌ നഫ്‌താ​ലി​യു​ടെ വംശജർ:+ യഹ്‌സേ​ലിൽനിന്ന്‌ യഹ്‌സേ​ല്യ​രു​ടെ കുടും​ബം; ഗൂനി​യിൽനിന്ന്‌ ഗൂന്യ​രു​ടെ കുടും​ബം; 49 യേസെരിൽനിന്ന്‌ യേസെ​ര്യ​രു​ടെ കുടും​ബം; ശില്ലേ​മിൽനിന്ന്‌ ശില്ലേ​മ്യ​രു​ടെ കുടും​ബം. 50 ഇവരായിരുന്നു കുടും​ബ​മ​നു​സ​രിച്ച്‌ നഫ്‌താ​ലി​യു​ടെ വംശജർ. അവരിൽനി​ന്ന്‌ പേര്‌ രേഖ​പ്പെ​ടു​ത്തി​യവർ 45,400.+

51 അങ്ങനെ ഇസ്രാ​യേ​ല്യ​രിൽനിന്ന്‌ പേര്‌ രേഖ​പ്പെ​ടു​ത്തി​യവർ ആകെ 6,01,730.+

52 അതിനു ശേഷം യഹോവ മോശ​യോ​ടു പറഞ്ഞു: 53 “പട്ടിക​യി​ലെ പേരുകളനുസരിച്ച്‌* ഇവർക്കു ദേശം അവകാ​ശ​മാ​യി വിഭാ​ഗി​ച്ചു​കൊ​ടു​ക്കണം.+ 54 വലിയ കൂട്ടങ്ങൾക്കു നീ കൂടുതൽ അവകാ​ശ​വും ചെറിയ കൂട്ടങ്ങൾക്കു കുറച്ച്‌ അവകാ​ശ​വും കൊടു​ക്കണം.+ പേര്‌ രേഖ​പ്പെ​ടു​ത്തി​യ​വ​രു​ടെ എണ്ണത്തിന്‌ ആനുപാ​തി​ക​മാ​യാണ്‌ ഓരോ കൂട്ടത്തി​നും അവകാശം കൊടു​ക്കേ​ണ്ടത്‌. 55 എന്നാൽ ദേശം വിഭാ​ഗി​ക്കു​ന്നതു നറുക്കി​ട്ടാ​യി​രി​ക്കണം.+ പിതൃ​ഗോ​ത്ര​ത്തി​ന്റെ പേരി​ന​നു​സ​രിച്ച്‌ അവർക്ക്‌ അവരുടെ അവകാശം ലഭിക്കണം. 56 നറുക്കിട്ട്‌ ഓരോ അവകാ​ശ​വും തീരു​മാ​നി​ക്കണം. എന്നിട്ട്‌ വലുതും ചെറു​തും ആയ കൂട്ടങ്ങൾക്ക്‌ അവ വിഭാ​ഗി​ച്ചു​കൊ​ടു​ക്കണം.”

57 കുടുംബമനുസരിച്ച്‌ ലേവ്യ​രിൽനിന്ന്‌ പേര്‌ രേഖ​പ്പെ​ടു​ത്തി​യവർ:+ ഗർശോ​നിൽനിന്ന്‌ ഗർശോ​ന്യ​രു​ടെ കുടും​ബം; കൊഹാ​ത്തിൽനിന്ന്‌ കൊഹാ​ത്യ​രു​ടെ കുടും​ബം;+ മെരാ​രി​യിൽനിന്ന്‌ മെരാ​ര്യ​രു​ടെ കുടും​ബം. 58 ലേവ്യരുടെ കുടും​ബങ്ങൾ ഇവയാ​യി​രു​ന്നു: ലിബ്‌നി​യ​രു​ടെ കുടും​ബം;+ ഹെ​ബ്രോ​ന്യ​രു​ടെ കുടും​ബം;+ മഹ്ലിയ​രു​ടെ കുടും​ബം;+ മൂശി​യ​രു​ടെ കുടും​ബം;+ കോര​ഹ്യ​രു​ടെ കുടും​ബം.+

കൊഹാ​ത്തിന്‌ അമ്രാം+ ജനിച്ചു. 59 അമ്രാമിന്റെ ഭാര്യ​യു​ടെ പേര്‌ യോഖേബെദ്‌+ എന്നായി​രു​ന്നു. യോ​ഖേ​ബെദ്‌ ലേവി​യു​ടെ മകളാ​യി​രു​ന്നു. ലേവി​യു​ടെ ഭാര്യ ഈജി​പ്‌തിൽവെ​ച്ചാ​ണു യോ​ഖേ​ബെ​ദി​നെ പ്രസവി​ച്ചത്‌. യോ​ഖേ​ബെദ്‌ അമ്രാ​മിന്‌ അഹരോ​നെ​യും മോശ​യെ​യും അവരുടെ പെങ്ങളായ മിര്യാമിനെയും+ പ്രസവി​ച്ചു. 60 അഹരോനു നാദാബ്‌, അബീഹു, എലെയാ​സർ, ഈഥാ​മാർ എന്നീ ആൺമക്കൾ ജനിച്ചു.+ 61 എന്നാൽ നാദാ​ബും അബീഹു​വും യഹോ​വ​യു​ടെ മുമ്പാകെ അയോ​ഗ്യ​മായ അഗ്നി അർപ്പി​ച്ച​പ്പോൾ മരിച്ചു​പോ​യി.+

62 രേഖയിൽ പേര്‌ ചേർത്ത, ഒരു മാസവും അതിൽ കൂടു​ത​ലും പ്രായ​മുള്ള, ആണുങ്ങ​ളു​ടെ ആകെ എണ്ണം 23,000.+ ഇസ്രാ​യേ​ല്യർക്കി​ട​യിൽ അവർക്ക്‌ അവകാശമൊന്നുമില്ലായിരുന്നതുകൊണ്ട്‌+ മറ്റ്‌ ഇസ്രാ​യേ​ല്യ​രോ​ടൊ​പ്പം അവരുടെ പേര്‌ രേഖ​പ്പെ​ടു​ത്തി​യില്ല.+

63 യരീഹൊയ്‌ക്കു സമീപം യോർദാ​ന്‌ അരി​കെ​യുള്ള മോവാ​ബ്‌ മരു​പ്ര​ദേ​ശ​ത്തു​വെച്ച്‌ മോശ​യും പുരോ​ഹി​ത​നായ എലെയാ​സ​രും ചേർന്ന്‌ പേര്‌ രേഖ​പ്പെ​ടു​ത്തിയ ഇസ്രാ​യേ​ല്യർ ഇവരാ​യി​രു​ന്നു. 64 എന്നാൽ സീനായ്‌ വിജനഭൂമിയിൽവെച്ച്‌+ മോശ​യും പുരോ​ഹി​ത​നായ അഹരോ​നും ഇസ്രാ​യേ​ല്യ​രു​ടെ കണക്കെ​ടു​ത്ത​പ്പോൾ അതിലു​ണ്ടാ​യി​രുന്ന ആരും ഈ കൂട്ടത്തി​ലു​ണ്ടാ​യി​രു​ന്നില്ല. 65 “വിജന​ഭൂ​മി​യിൽ അവരെ​ല്ലാം ചത്തൊ​ടു​ങ്ങും” എന്ന്‌ അവരെ​ക്കു​റിച്ച്‌ യഹോവ തീർത്തു​പ​റ​ഞ്ഞി​രു​ന്നു.+ അതു​കൊണ്ട്‌ യഫുന്ന​യു​ടെ മകൻ കാലേ​ബും നൂന്റെ മകൻ യോശു​വ​യും അല്ലാതെ വേറെ ആരും ശേഷി​ച്ചില്ല.+

27 പിന്നീട്‌ യോ​സേ​ഫി​ന്റെ മകനായ മനശ്ശെ​യു​ടെ കുടും​ബ​ത്തിൽപ്പെട്ട, മനശ്ശെ​യു​ടെ മകനായ മാഖീ​രി​ന്റെ മകനായ ഗിലെ​യാ​ദി​ന്റെ മകനായ ഹേഫെ​രി​ന്റെ മകനായ സെലോ​ഫ​ഹാ​ദി​ന്റെ പെൺമക്കൾ+ വന്നു. മഹ്ല, നോഹ, ഹൊഗ്ല, മിൽക്ക, തിർസ എന്നിങ്ങ​നെ​യാ​യി​രു​ന്നു അവരുടെ പേരുകൾ. 2 അവർ സാന്നി​ധ്യ​കൂ​ടാ​ര​ത്തി​ന്റെ വാതിൽക്കൽവെച്ച്‌ മോശ​യു​ടെ​യും പുരോ​ഹി​ത​നായ എലെയാ​സ​രി​ന്റെ​യും തലവന്മാരുടെയും+ മുഴുവൻ സമൂഹ​ത്തി​ന്റെ​യും മുമ്പാകെ നിന്ന്‌ ഇങ്ങനെ പറഞ്ഞു: 3 “ഞങ്ങളുടെ അപ്പൻ വിജന​ഭൂ​മി​യിൽവെച്ച്‌ മരിച്ചു​പോ​യി. എന്നാൽ അദ്ദേഹം കോരഹിനോടൊപ്പം+ യഹോ​വ​യ്‌ക്കെ​തി​രെ സംഘം ചേർന്ന​വ​രു​ടെ കൂട്ടത്തിൽപ്പെ​ട്ട​യാ​ളാ​യി​രു​ന്നില്ല, സ്വന്തം പാപം കാരണ​മാ​ണു ഞങ്ങളുടെ അപ്പൻ മരിച്ചത്‌. അപ്പന്‌ ആൺമക്കൾ ആരുമില്ല. 4 ആൺമക്കളില്ലാത്തതുകൊണ്ട്‌ ഞങ്ങളുടെ അപ്പന്റെ പേര്‌ അദ്ദേഹ​ത്തി​ന്റെ കുടും​ബ​ത്തിൽനിന്ന്‌ മാഞ്ഞു​പോ​കു​ന്നത്‌ എന്തിനാ​ണ്‌? ഞങ്ങളുടെ അപ്പന്റെ സഹോ​ദ​ര​ന്മാർക്കി​ട​യിൽ ഞങ്ങൾക്ക്‌ ഒരു അവകാശം തന്നാലും.” 5 മോശ അവരുടെ കാര്യം യഹോ​വ​യു​ടെ മുമ്പാകെ ഉണർത്തി​ച്ചു.+

6 അപ്പോൾ യഹോവ മോശ​യോ​ടു പറഞ്ഞു: 7 “സെലോ​ഫ​ഹാ​ദി​ന്റെ പെൺമക്കൾ പറഞ്ഞതു ശരിയാ​ണ്‌. അവർക്ക്‌ അവരുടെ അപ്പന്റെ സ്വത്ത്‌ അവന്റെ സഹോ​ദ​ര​ന്മാർക്കി​ട​യിൽ അവകാ​ശ​മാ​യി നൽകു​ക​തന്നെ വേണം, അവരുടെ അപ്പന്റെ അവകാശം നീ അവർക്കു കൈമാ​റണം.+ 8 മാത്രമല്ല, ഇസ്രാ​യേ​ല്യ​രോ​ടു നീ ഇങ്ങനെ പറയു​ക​യും വേണം: ‘ഒരാൾ ആൺമക്ക​ളി​ല്ലാ​തെ മരിച്ചാൽ നിങ്ങൾ അയാളു​ടെ അവകാശം അയാളു​ടെ മകൾക്കു കൊടു​ക്കണം. 9 അയാൾക്കു പെൺമ​ക്ക​ളി​ല്ലെ​ങ്കിൽ അയാളു​ടെ അവകാശം അയാളു​ടെ സഹോ​ദ​ര​ന്മാർക്കു നൽകണം. 10 അയാൾക്കു സഹോ​ദ​ര​ന്മാ​രു​മി​ല്ലെ​ങ്കിൽ അയാളു​ടെ അവകാശം അയാളു​ടെ അപ്പന്റെ സഹോ​ദ​ര​ന്മാർക്കു കൈമാ​റണം. 11 അയാളുടെ അപ്പനു സഹോ​ദ​ര​ന്മാ​രി​ല്ലെ​ങ്കിൽ അവകാശം അയാളു​ടെ കുടും​ബ​ത്തിൽ ഏറ്റവും അടുത്ത രക്തബന്ധ​ത്തി​ലു​ള്ള​വനു കൊടു​ക്കണം, അയാൾ ആ സ്വത്ത്‌ ഏറ്റെടു​ക്കും. യഹോവ മോശ​യോ​ടു കല്‌പി​ച്ച​തു​പോ​ലെ, ഈ ന്യായ​ത്തീർപ്പ്‌ ഇസ്രാ​യേ​ല്യർക്ക്‌ ഒരു നിയമ​മാ​യി​രി​ക്കും.’”

12 പിന്നെ യഹോവ മോശ​യോ​ടു പറഞ്ഞു: “അബാരീം പ്രദേ​ശത്തെ ഈ മലയിലേക്കു+ കയറി​ച്ചെന്ന്‌ ഞാൻ ഇസ്രാ​യേ​ല്യർക്കു കൊടു​ക്കാൻപോ​കുന്ന ദേശം കണ്ടു​കൊ​ള്ളുക.+ 13 അതു കണ്ടശേഷം, നിന്റെ സഹോ​ദ​ര​നായ അഹരോനെപ്പോലെ+ നീയും നിന്റെ ജനത്തോ​ടു ചേരും.*+ 14 കാരണം സീൻ വിജന​ഭൂ​മി​യിൽ ഇസ്രാ​യേൽസ​മൂ​ഹം എന്നോടു കലഹി​ച്ച​പ്പോൾ വെള്ളത്തി​ന്‌ അരി​കെ​വെച്ച്‌ അവർക്കു മുമ്പാകെ എന്നെ വിശു​ദ്ധീ​ക​രി​ക്കാ​നുള്ള എന്റെ ആജ്ഞ നിങ്ങൾ ധിക്കരി​ച്ചു, നിങ്ങൾ മത്സരിച്ചു.+ (ഇതാണു സീൻ+ വിജന​ഭൂ​മി​യി​ലെ കാദേശിലുള്ള+ മെരീ​ബ​നീ​രു​റവ്‌.)”+

15 അപ്പോൾ മോശ യഹോ​വ​യോ​ടു പറഞ്ഞു: 16 “എല്ലാവ​രു​ടെ​യും ജീവന്റെ* ദൈവ​മായ യഹോവേ, ഈ സമൂഹ​ത്തി​നു മേൽ ഒരു പുരു​ഷനെ നിയമി​ക്കേ​ണമേ. 17 യഹോവയുടെ സമൂഹം ഇടയനി​ല്ലാത്ത ആടുക​ളെ​പ്പോ​ലെ​യാ​കാ​തി​രി​ക്കാൻ അയാൾ അവരെ നയിച്ചു​കൊണ്ട്‌ അവർക്കു മുമ്പേ പോകു​ക​യും അവർക്കു മുമ്പേ വരുക​യും അവരെ കൊണ്ടു​പോ​കു​ക​യും കൊണ്ടു​വ​രു​ക​യും ചെയ്യട്ടെ.” 18 യഹോവ മോശ​യോ​ടു പറഞ്ഞു: “നൂന്റെ മകനായ യോശുവ ആത്മവീ​ര്യ​മു​ള്ള​വ​നാണ്‌. അവനെ വിളിച്ച്‌ അവന്റെ മേൽ നിന്റെ കൈ വെക്കുക.+ 19 അവനെ പുരോ​ഹി​ത​നായ എലെയാ​സ​രി​ന്റെ​യും മുഴുവൻ സമൂഹ​ത്തി​ന്റെ​യും മുന്നിൽ നിറുത്തി അവർ കാൺകെ+ അവനെ നിയോ​ഗി​ക്കുക. 20 ഇസ്രായേൽസമൂഹം മുഴുവൻ അവൻ പറയു​ന്നത്‌ അനുസരിക്കാനായി+ നീ നിന്റെ അധികാരത്തിൽ* കുറച്ച്‌ അവനു കൊടു​ക്കണം.+ 21 അവൻ പുരോ​ഹി​ത​നായ എലെയാ​സ​രി​ന്റെ മുന്നിൽ ചെല്ലു​ക​യും എലെയാ​സർ അവനു​വേണ്ടി ഊറീം+ ഉപയോ​ഗിച്ച്‌ യഹോ​വ​യു​ടെ തീരു​മാ​നം ചോദി​ക്കു​ക​യും വേണം. അവന്റെ ആജ്ഞപ്ര​കാ​രം അവനും അവനോ​ടൊ​പ്പ​മുള്ള എല്ലാ ഇസ്രാ​യേ​ല്യ​രും സമൂഹം മുഴു​വ​നും പുറ​പ്പെ​ടും; അവന്റെ ആജ്ഞപ്ര​കാ​രം അവരെ​ല്ലാം മടങ്ങി​വ​രും.”

22 യഹോവ തന്നോടു കല്‌പി​ച്ച​തു​പോ​ലെ​തന്നെ മോശ ചെയ്‌തു. മോശ യോശു​വയെ വിളിച്ച്‌ പുരോ​ഹി​ത​നായ എലെയാ​സ​രി​ന്റെ​യും സമൂഹ​ത്തി​ന്റെ​യും മുന്നിൽ നിറുത്തി; 23 യോശുവയുടെ മേൽ കൈകൾ വെച്ച്‌ യോശു​വയെ നിയമി​ച്ചു.+ മോശ​യി​ലൂ​ടെ യഹോവ പറഞ്ഞതു​പോ​ലെ​തന്നെ മോശ ചെയ്‌തു.+

28 പിന്നെ യഹോവ മോശ​യോ​ടു പറഞ്ഞു: 2 “ഇസ്രാ​യേ​ല്യ​രോട്‌ ഇങ്ങനെ കല്‌പി​ക്കുക: ‘എന്റെ യാഗം, അതായത്‌ എന്റെ അപ്പം, അർപ്പി​ക്കു​ന്ന​തിൽ നിങ്ങൾ വീഴ്‌ച വരുത്ത​രുത്‌. എന്നെ പ്രസാദിപ്പിക്കുന്ന* സുഗന്ധ​മാ​യി അഗ്നിയി​ലുള്ള എന്റെ യാഗങ്ങൾ നിശ്ചി​ത​സ​മ​യ​ത്തു​തന്നെ നിങ്ങൾ അർപ്പി​ക്കണം.’+

3 “അവരോ​ട്‌ ഇങ്ങനെ പറയുക: ‘നിങ്ങൾ യഹോ​വ​യ്‌ക്ക്‌ അർപ്പി​ക്കേണ്ട അഗ്നിയി​ലുള്ള യാഗം ഇതാണ്‌: ദിവസ​വും പതിവു​ദ​ഹ​ന​യാ​ഗ​മാ​യി ഒരു വയസ്സുള്ള, ന്യൂന​ത​യി​ല്ലാത്ത രണ്ട്‌ ആൺചെ​മ്മ​രി​യാ​ടു​കൾ.+ 4 ഒരു ചെമ്മരി​യാ​ടി​നെ രാവി​ലെ​യും മറ്റേതി​നെ സന്ധ്യാസമയത്തും* അർപ്പി​ക്കണം.+ 5 ഓരോന്നിനോടുമൊപ്പം ധാന്യ​യാ​ഗ​മാ​യി ഒരു ഏഫായുടെ* പത്തി​ലൊ​ന്നു നേർത്ത ധാന്യ​പ്പൊ​ടി, ഒരു ഹീന്റെ* നാലി​ലൊന്ന്‌ ഇടി​ച്ചെ​ടുത്ത എണ്ണ ചേർത്ത്‌ അർപ്പി​ക്കണം.+ 6 ഇതാണു സീനായ്‌ പർവത​ത്തിൽവെച്ച്‌ ഏർപ്പെ​ടു​ത്തിയ, യഹോ​വയെ പ്രസാ​ദി​പ്പി​ക്കുന്ന സുഗന്ധ​മാ​യി അഗ്നിയിൽ അർപ്പി​ക്കുന്ന പതിവു​ദ​ഹ​ന​യാ​ഗം.+ 7 അതോടൊപ്പം ഓരോ ചെമ്മരി​യാ​ട്ടിൻകു​ട്ടി​യു​ടെ​യും​കൂ​ടെ ഒരു ഹീന്റെ നാലി​ലൊന്ന്‌ അളവിൽ അതിന്റെ പാനീ​യ​യാ​ഗ​വും അർപ്പി​ക്കണം.+ ആ ലഹരി​പാ​നീ​യം യഹോ​വ​യ്‌ക്കുള്ള പാനീ​യ​യാ​ഗ​മാ​യി വിശു​ദ്ധ​സ്ഥ​ലത്ത്‌ ഒഴിക്കണം. 8 മറ്റേ ചെമ്മരി​യാ​ട്ടിൻകു​ട്ടി​യെ നിങ്ങൾ സന്ധ്യാസമയത്ത്‌* അർപ്പി​ക്കണം. രാവിലെ അർപ്പി​ച്ച​തു​പോ​ലുള്ള ധാന്യ​യാ​ഗ​ത്തോ​ടും അതേ പാനീ​യ​യാ​ഗ​ത്തോ​ടും ഒപ്പം യഹോ​വയെ പ്രസാ​ദി​പ്പി​ക്കുന്ന സുഗന്ധ​മാ​യി അഗ്നിയി​ലുള്ള യാഗം എന്ന നിലയിൽ അതിനെ അർപ്പി​ക്കണം.+

9 “‘ശബത്തുദിവസം+ ഒരു വയസ്സുള്ള, ന്യൂന​ത​യി​ല്ലാത്ത രണ്ട്‌ ആൺചെ​മ്മ​രി​യാ​ടു​കളെ അർപ്പി​ക്കുക. എന്നാൽ അതോ​ടൊ​പ്പം ധാന്യ​യാ​ഗ​മാ​യി ഒരു ഏഫായു​ടെ പത്തിൽ രണ്ട്‌ അളവ്‌ നേർത്ത ധാന്യ​പ്പൊ​ടി എണ്ണ ചേർത്ത്‌ അർപ്പി​ക്കണം. അതിന്റെ പാനീ​യ​യാ​ഗ​വും അർപ്പി​ക്കണം. 10 ഇതാണു ശബത്തു​ദി​വ​സത്തെ ദഹനയാ​ഗം. പതിവു​ദ​ഹ​ന​യാ​ഗ​ത്തോ​ടും അതിന്റെ പാനീ​യ​യാ​ഗ​ത്തോ​ടും കൂടെ ഇത്‌ അർപ്പി​ക്കണം.+

11 “‘ഓരോ മാസത്തിന്റെയും* ആരംഭ​ത്തിൽ നിങ്ങൾ യഹോ​വ​യ്‌ക്കു ദഹനയാ​ഗ​മാ​യി അർപ്പി​ക്കേ​ണ്ടത്‌: രണ്ടു കാളക്കു​ട്ടി, ഒരു ആൺചെ​മ്മ​രി​യാട്‌, ഒരു വയസ്സുള്ള ന്യൂന​ത​യി​ല്ലാത്ത ഏഴ്‌ ആൺചെ​മ്മ​രി​യാട്‌.+ 12 ഓരോ കാളക്കു​ട്ടി​യോ​ടും​കൂ​ടെ ഒരു ഏഫായു​ടെ പത്തിൽ മൂന്ന്‌ അളവ്‌ നേർത്ത ധാന്യ​പ്പൊ​ടി​യിൽ എണ്ണ ചേർത്ത്‌ തയ്യാറാ​ക്കിയ ധാന്യയാഗവും+ ആൺചെമ്മരിയാടിനോടുകൂടെ+ ഒരു ഏഫായു​ടെ പത്തിൽ രണ്ട്‌ അളവ്‌ നേർത്ത ധാന്യ​പ്പൊ​ടി​യിൽ എണ്ണ ചേർത്ത്‌ തയ്യാറാ​ക്കിയ ധാന്യ​യാ​ഗ​വും 13 ഓരോ ആൺചെ​മ്മ​രി​യാ​ട്ടിൻകു​ട്ടി​യോ​ടും​കൂ​ടെ ഒരു ഏഫായു​ടെ പത്തി​ലൊന്ന്‌ നേർത്ത ധാന്യ​പ്പൊ​ടി​യിൽ എണ്ണ ചേർത്ത്‌ തയ്യാറാ​ക്കിയ ധാന്യ​യാ​ഗ​വും ദഹനയാ​ഗ​മാ​യി, പ്രസാ​ദ​ക​ര​മായ ഒരു സുഗന്ധ​മാ​യി,+ യഹോ​വ​യ്‌ക്ക്‌ അഗ്നിയി​ലുള്ള ഒരു യാഗമാ​യി, അർപ്പി​ക്കണം. 14 അവയുടെ പാനീ​യ​യാ​ഗം ഒരു കാളയ്‌ക്ക്‌ അര ഹീൻ വീഞ്ഞും+ ആൺചെ​മ്മ​രി​യാ​ടിന്‌ ഒരു ഹീന്റെ മൂന്നി​ലൊ​ന്നു വീഞ്ഞും+ ഒരു ആൺചെ​മ്മ​രി​യാ​ട്ടിൻകു​ട്ടി​ക്കു കാൽ ഹീൻ വീഞ്ഞും ആയിരി​ക്കണം.+ ഇതാണു വർഷത്തി​ലു​ട​നീ​ളം മാസം​തോ​റും അർപ്പി​ക്കേണ്ട ദഹനയാ​ഗം. 15 പതിവുദഹനയാഗത്തിനും അതിന്റെ പാനീ​യ​യാ​ഗ​ത്തി​നും പുറമേ ഒരു കോലാ​ട്ടിൻകു​ട്ടി​യെ യഹോ​വ​യ്‌ക്കു പാപയാ​ഗ​മാ​യും അർപ്പി​ക്കണം.

16 “‘ഒന്നാം മാസം 14-ാം ദിവസം യഹോ​വ​യു​ടെ പെസഹ​യാ​യി​രി​ക്കും.+ 17 ആ മാസം 15-ാം ദിവസം ഒരു ഉത്സവം ആചരി​ക്കണം. നിങ്ങൾ ഏഴു ദിവസം പുളി​പ്പി​ല്ലാത്ത അപ്പം തിന്നണം.+ 18 ഒന്നാം ദിവസം ഒരു വിശു​ദ്ധ​സ​മ്മേ​ള​ന​മു​ണ്ടാ​യി​രി​ക്കും; നിങ്ങൾ കഠിനാ​ധ്വാ​ന​മൊ​ന്നും ചെയ്യരു​ത്‌. 19 നിങ്ങൾ യഹോ​വ​യ്‌ക്ക്‌ അഗ്നിയി​ലുള്ള ഒരു ദഹനയാ​ഗ​മാ​യി രണ്ടു കാളക്കു​ട്ടി​യെ​യും ഒരു ആൺചെ​മ്മ​രി​യാ​ടി​നെ​യും ഒരു വയസ്സുള്ള ഏഴ്‌ ആൺചെ​മ്മ​രി​യാ​ടി​നെ​യും അർപ്പി​ക്കണം. മൃഗങ്ങ​ളെ​ല്ലാം ന്യൂന​ത​യി​ല്ലാ​ത്ത​താ​യി​രി​ക്കണം.+ 20 അവയെ നേർത്ത ധാന്യ​പ്പൊ​ടി​കൊ​ണ്ടുള്ള അവയുടെ ധാന്യ​യാ​ഗ​ങ്ങ​ളോ​ടൊ​പ്പം എണ്ണ ചേർത്ത്‌ അർപ്പി​ക്കണം.+ ഒരു കാളയ്‌ക്ക്‌ ഒരു ഏഫായു​ടെ പത്തിൽ മൂന്ന്‌ അളവ്‌ ധാന്യ​പ്പൊ​ടി​യും ആൺചെ​മ്മ​രി​യാ​ടി​നു പത്തിൽ രണ്ട്‌ അളവ്‌ ധാന്യ​പ്പൊ​ടി​യും ആണ്‌ കൊണ്ടു​വ​രേ​ണ്ടത്‌. 21 ഏഴ്‌ ആൺചെ​മ്മ​രി​യാ​ട്ടിൻകു​ട്ടി​ക​ളിൽ ഓരോ​ന്നി​നോ​ടും​കൂ​ടെ ഒരു ഏഫായു​ടെ പത്തി​ലൊന്ന്‌ അളവ്‌ ധാന്യ​പ്പൊ​ടി​യും അർപ്പി​ക്കണം. 22 മാത്രമല്ല നിങ്ങൾക്കു പാപപ​രി​ഹാ​രം വരുത്താ​നാ​യി ഒരു കോലാ​ടി​നെ പാപയാ​ഗ​മാ​യും അർപ്പി​ക്കണം. 23 പതിവുദഹനയാഗമായി രാവിലെ അർപ്പി​ക്കുന്ന ദഹനയാ​ഗ​ത്തി​നു പുറമേ ഇവയും നിങ്ങൾ അർപ്പി​ക്കണം. 24 ഇതേ വിധത്തിൽ ഏഴു ദിവസ​വും നിങ്ങൾ ഇവ ആഹാര​മാ​യി അർപ്പി​ക്കണം. അഗ്നിയി​ലുള്ള യാഗമാ​യി, യഹോ​വയെ പ്രസാ​ദി​പ്പി​ക്കുന്ന സുഗന്ധ​മാ​യി, നിങ്ങൾ ഇവ അർപ്പി​ക്കണം. പതിവു​ദ​ഹ​ന​യാ​ഗ​ത്തോ​ടും അതിന്റെ പാനീ​യ​യാ​ഗ​ത്തോ​ടും കൂടെ ഇത്‌ അർപ്പി​ക്കണം. 25 ഏഴാം ദിവസം നിങ്ങൾ ഒരു വിശു​ദ്ധ​സ​മ്മേ​ളനം നടത്തണം;+ ഒരുത​ര​ത്തി​ലുള്ള കഠിനാ​ധ്വാ​ന​വും നിങ്ങൾ ചെയ്യരു​ത്‌.+

26 “‘ആദ്യവി​ള​ക​ളു​ടെ ദിവസം+ നിങ്ങൾ യഹോ​വ​യ്‌ക്കു പുതു​ധാ​ന്യം യാഗമാ​യി അർപ്പി​ക്കു​മ്പോൾ,+ അതായത്‌ നിങ്ങളു​ടെ വാരോ​ത്സ​വ​ത്തിൽ, നിങ്ങൾ ഒരു വിശു​ദ്ധ​സ​മ്മേ​ളനം നടത്തണം;+ ഒരുത​ര​ത്തി​ലുള്ള കഠിനാ​ധ്വാ​ന​വും നിങ്ങൾ ചെയ്യരു​ത്‌.+ 27 യഹോവയെ പ്രസാ​ദി​പ്പി​ക്കുന്ന സുഗന്ധ​മാ​കുന്ന ദഹനയാ​ഗം എന്ന നിലയിൽ രണ്ടു കാളക്കു​ട്ടി​യെ​യും ഒരു ആൺചെ​മ്മ​രി​യാ​ടി​നെ​യും ഒരു വയസ്സുള്ള ഏഴ്‌ ആൺചെ​മ്മ​രി​യാ​ടി​നെ​യും നിങ്ങൾ അർപ്പി​ക്കണം.+ 28 അവയുടെ ധാന്യ​യാ​ഗ​മാ​യി, ഓരോ കാളക്കു​ട്ടി​യോ​ടും​കൂ​ടെ ഒരു ഏഫായു​ടെ പത്തിൽ മൂന്നും ആൺചെ​മ്മ​രി​യാ​ടി​നോ​ടു​കൂ​ടെ ഒരു ഏഫായു​ടെ പത്തിൽ രണ്ടും 29 ഏഴ്‌ ആൺചെ​മ്മ​രി​യാ​ട്ടിൻകു​ട്ടി​ക​ളിൽ ഓരോ​ന്നി​നോ​ടും​കൂ​ടെ ഒരു ഏഫായു​ടെ പത്തി​ലൊ​ന്നും, നേർത്ത ധാന്യ​പ്പൊ​ടി എണ്ണ ചേർത്ത്‌ അർപ്പി​ക്കണം. 30 കൂടാതെ, നിങ്ങൾക്കു പാപപ​രി​ഹാ​രം വരുത്താ​നാ​യി ഒരു കോലാ​ട്ടിൻകു​ട്ടി​യെ​യും അർപ്പി​ക്കണം.+ 31 പതിവുദഹനയാഗത്തിനും അതിന്റെ ധാന്യ​യാ​ഗ​ത്തി​നും പുറമേ നിങ്ങൾ ഇവയും അർപ്പി​ക്കണം. മൃഗങ്ങൾ ന്യൂന​ത​യി​ല്ലാ​ത്ത​താ​യി​രി​ക്കണം.+ നിങ്ങൾ അവയുടെ പാനീ​യ​യാ​ഗ​ങ്ങ​ളും അർപ്പി​ക്കണം.

29 “‘ഏഴാം മാസം ഒന്നാം ദിവസം നിങ്ങൾ ഒരു വിശു​ദ്ധ​സ​മ്മേ​ളനം നടത്തണം; ഒരുത​ര​ത്തി​ലുള്ള കഠിനാ​ധ്വാ​ന​വും നിങ്ങൾ ചെയ്യരു​ത്‌.+ നിങ്ങൾ കാഹളം മുഴക്കി വിളം​ബരം ചെയ്യേണ്ട+ ഒരു ദിവസ​മാണ്‌ അത്‌. 2 അന്ന്‌ യഹോ​വയെ പ്രസാദിപ്പിക്കുന്ന* സുഗന്ധ​മായ ദഹനയാ​ഗ​മാ​യി ഒരു കാളക്കു​ട്ടി, ഒരു ആൺചെ​മ്മ​രി​യാട്‌, ഒരു വയസ്സുള്ള ഏഴ്‌ ആൺചെ​മ്മ​രി​യാട്‌ എന്നിവയെ അർപ്പി​ക്കണം. അവയെ​ല്ലാം ന്യൂന​ത​യി​ല്ലാ​ത്ത​താ​യി​രി​ക്കണം. 3 അവയുടെ ധാന്യ​യാ​ഗ​മാ​യി നേർത്ത ധാന്യ​പ്പൊ​ടി എണ്ണ ചേർത്ത്‌ അർപ്പി​ക്കണം. കാളയ്‌ക്ക്‌ ഒരു ഏഫായു​ടെ പത്തിൽ മൂന്നും ആൺചെ​മ്മ​രി​യാ​ടിന്‌ ഒരു ഏഫായു​ടെ പത്തിൽ രണ്ടും 4 ഏഴ്‌ ആൺചെ​മ്മ​രി​യാ​ട്ടിൻകു​ട്ടി​ക​ളിൽ ഓരോ​ന്നി​നും ഒരു ഏഫായു​ടെ പത്തി​ലൊ​ന്നും വീതമാ​യി​രി​ക്കണം ധാന്യ​പ്പൊ​ടി. 5 കൂടാതെ നിങ്ങൾക്കു പാപപ​രി​ഹാ​രം വരുത്താൻ ഒരു കോലാ​ട്ടിൻകു​ട്ടി​യെ പാപയാ​ഗ​മാ​യും അർപ്പി​ക്കണം. 6 പതിവുദഹനയാഗത്തിനും അതിന്റെ ധാന്യയാഗത്തിനും+ മാസം​തോ​റും അർപ്പി​ക്കുന്ന ദഹനയാ​ഗ​ത്തി​നും അതിന്റെ ധാന്യയാഗത്തിനും+ അവയുടെ പാനീയയാഗങ്ങൾക്കും+ പുറമേ ഇവയും അർപ്പി​ക്കണം. അവയ്‌ക്കുള്ള പതിവു​ന​ട​പ​ടി​ക്ര​മ​മ​നു​സ​രിച്ച്‌ യഹോ​വ​യ്‌ക്ക്‌ അഗ്നിയി​ലുള്ള ഒരു യാഗമാ​യി, പ്രസാ​ദ​ക​ര​മായ സുഗന്ധ​മാ​യി, അത്‌ അർപ്പി​ക്കണം.

7 “‘ഏഴാം മാസം പത്താം ദിവസം നിങ്ങൾ ഒരു വിശു​ദ്ധ​സ​മ്മേ​ളനം നടത്തണം.+ അന്നു നിങ്ങൾ സ്വയം ക്ലേശി​പ്പി​ക്കണം,* ഒരു ജോലി​യും ചെയ്യരു​ത്‌.+ 8 യഹോവയെ പ്രസാ​ദി​പ്പി​ക്കുന്ന സുഗന്ധ​മായ ദഹനയാ​ഗ​മാ​യി ഒരു കാളക്കു​ട്ടി, ഒരു ആൺചെ​മ്മ​രി​യാട്‌, ഒരു വയസ്സുള്ള ഏഴ്‌ ആൺചെ​മ്മ​രി​യാട്‌ എന്നിവയെ അർപ്പി​ക്കണം. അവയെ​ല്ലാം ന്യൂന​ത​യി​ല്ലാ​ത്ത​താ​യി​രി​ക്കണം.+ 9 അവയുടെ ധാന്യ​യാ​ഗ​മാ​യി നേർത്ത ധാന്യ​പ്പൊ​ടി എണ്ണ ചേർത്ത്‌, കാളയ്‌ക്ക്‌ ഒരു ഏഫായു​ടെ പത്തിൽ മൂന്നും ആൺചെ​മ്മ​രി​യാ​ടിന്‌ ഒരു ഏഫായു​ടെ പത്തിൽ രണ്ടും 10 ഏഴ്‌ ആൺചെ​മ്മ​രി​യാ​ട്ടിൻകു​ട്ടി​ക​ളിൽ ഓരോ​ന്നി​നും ഒരു ഏഫായു​ടെ പത്തി​ലൊ​ന്നും വീതം അർപ്പി​ക്കണം. 11 പാപയാഗമായി ഒരു കോലാ​ട്ടിൻകു​ട്ടി​യെ​യും അർപ്പി​ക്കണം. പാപപ​രി​ഹാ​രം വരുത്താ​നുള്ള പാപയാഗത്തിനും+ പതിവു​ദ​ഹ​ന​യാ​ഗ​ത്തി​നും അതിന്റെ ധാന്യ​യാ​ഗ​ത്തി​നും അവയുടെ പാനീ​യ​യാ​ഗ​ങ്ങൾക്കും പുറ​മേ​യാണ്‌ ഇവ.

12 “‘ഏഴാം മാസം 15-ാം ദിവസം നിങ്ങൾ ഒരു വിശു​ദ്ധ​സ​മ്മേ​ളനം നടത്തണം; ഒരുത​ര​ത്തി​ലുള്ള കഠിനാ​ധ്വാ​ന​വും നിങ്ങൾ ചെയ്യരു​ത്‌. ഏഴു ദിവസം നിങ്ങൾ യഹോ​വ​യ്‌ക്ക്‌ ഒരു ഉത്സവം കൊണ്ടാ​ടണം.+ 13 നിങ്ങൾ യഹോ​വയെ പ്രസാ​ദി​പ്പി​ക്കുന്ന സുഗന്ധ​മായ ദഹനയാ​ഗ​മാ​യി,+ അഗ്നിയി​ലുള്ള യാഗമാ​യി, 13 കാളക്കു​ട്ടി, 2 ആൺചെ​മ്മ​രി​യാട്‌, ഒരു വയസ്സുള്ള 14 ആൺചെ​മ്മ​രി​യാട്‌ എന്നിവയെ അർപ്പി​ക്കണം. അവയെ​ല്ലാം ന്യൂന​ത​യി​ല്ലാ​ത്ത​താ​യി​രി​ക്കണം.+ 14 അവയുടെ ധാന്യ​യാ​ഗ​മാ​യി നേർത്ത ധാന്യ​പ്പൊ​ടി എണ്ണ ചേർത്ത്‌, 13 കാളക​ളിൽ ഓരോ​ന്നി​നും ഒരു ഏഫായു​ടെ പത്തിൽ മൂന്നും 2 ആൺചെ​മ്മ​രി​യാ​ടു​ക​ളിൽ ഓരോ​ന്നി​നും ഒരു ഏഫായു​ടെ പത്തിൽ രണ്ടും 15 14 ആൺചെ​മ്മ​രി​യാ​ട്ടിൻകു​ട്ടി​ക​ളിൽ ഓരോ​ന്നി​നും പത്തി​ലൊ​ന്നും വീതം അർപ്പി​ക്കണം. 16 പാപയാഗമായി ഒരു കോലാ​ട്ടിൻകു​ട്ടി​യെ​യും അർപ്പി​ക്കണം. പതിവു​ദ​ഹ​ന​യാ​ഗ​ത്തി​നും അതിന്റെ ധാന്യ​യാ​ഗ​ത്തി​നും പാനീ​യ​യാ​ഗ​ത്തി​നും പുറ​മേ​യാണ്‌ ഇവ.+

17 “‘രണ്ടാം ദിവസം 12 കാളക്കു​ട്ടി, 2 ആൺചെ​മ്മ​രി​യാട്‌, ഒരു വയസ്സുള്ള 14 ആൺചെ​മ്മ​രി​യാട്‌ എന്നിവയെ അർപ്പി​ക്കണം; അവയെ​ല്ലാം ന്യൂന​ത​യി​ല്ലാ​ത്ത​താ​യി​രി​ക്കണം.+ 18 കൂടാതെ കാള, ആൺചെ​മ്മ​രി​യാട്‌, ആൺചെ​മ്മ​രി​യാ​ട്ടിൻകു​ട്ടി എന്നിവ​യു​ടെ എണ്ണമനു​സ​രിച്ച്‌ പതിവു​ന​ട​പ​ടി​ക്ര​മം​പോ​ലെ അവയുടെ ധാന്യ​യാ​ഗ​വും അവയുടെ പാനീ​യ​യാ​ഗ​ങ്ങ​ളും അർപ്പി​ക്കണം. 19 പാപയാഗമായി ഒരു കോലാ​ട്ടിൻകു​ട്ടി​യെ​യും അർപ്പി​ക്കുക. പതിവു​ദ​ഹ​ന​യാ​ഗ​ത്തി​നും അതിന്റെ ധാന്യ​യാ​ഗ​ത്തി​നും അവയുടെ പാനീ​യ​യാ​ഗ​ങ്ങൾക്കും പുറ​മേ​യാണ്‌ ഇവ.+

20 “‘മൂന്നാം ദിവസം 11 കാള, 2 ആൺചെ​മ്മ​രി​യാട്‌, ഒരു വയസ്സുള്ള 14 ആൺചെ​മ്മ​രി​യാട്‌ എന്നിവയെ അർപ്പി​ക്കണം; അവയെ​ല്ലാം ന്യൂന​ത​യി​ല്ലാ​ത്ത​താ​യി​രി​ക്കണം.+ 21 കൂടാതെ കാള, ആൺചെ​മ്മ​രി​യാട്‌, ആൺചെ​മ്മ​രി​യാ​ട്ടിൻകു​ട്ടി എന്നിവ​യു​ടെ എണ്ണമനു​സ​രിച്ച്‌ പതിവു​ന​ട​പ​ടി​ക്ര​മം​പോ​ലെ അവയുടെ ധാന്യ​യാ​ഗ​വും അവയുടെ പാനീ​യ​യാ​ഗ​ങ്ങ​ളും അർപ്പി​ക്കണം. 22 പാപയാഗമായി ഒരു കോലാ​ട്ടിൻകു​ട്ടി​യെ​യും അർപ്പി​ക്കുക. പതിവു​ദ​ഹ​ന​യാ​ഗ​ത്തി​നും അതിന്റെ ധാന്യ​യാ​ഗ​ത്തി​നും പാനീയയാഗത്തിനും+ പുറ​മേ​യാണ്‌ ഇവ.

23 “‘നാലാം ദിവസം 10 കാള, 2 ആൺചെ​മ്മ​രി​യാട്‌, ഒരു വയസ്സുള്ള 14 ആൺചെ​മ്മ​രി​യാട്‌ എന്നിവയെ അർപ്പി​ക്കണം; അവയെ​ല്ലാം ന്യൂന​ത​യി​ല്ലാ​ത്ത​താ​യി​രി​ക്കണം.+ 24 കൂടാതെ കാള, ആൺചെ​മ്മ​രി​യാട്‌, ആൺചെ​മ്മ​രി​യാ​ട്ടിൻകു​ട്ടി എന്നിവ​യു​ടെ എണ്ണമനു​സ​രിച്ച്‌ പതിവു​ന​ട​പ​ടി​ക്ര​മം​പോ​ലെ അവയുടെ ധാന്യ​യാ​ഗ​വും അവയുടെ പാനീ​യ​യാ​ഗ​ങ്ങ​ളും അർപ്പി​ക്കണം. 25 പാപയാഗമായി ഒരു കോലാ​ട്ടിൻകു​ട്ടി​യെ​യും അർപ്പി​ക്കുക. പതിവു​ദ​ഹ​ന​യാ​ഗ​ത്തി​നും അതിന്റെ ധാന്യ​യാ​ഗ​ത്തി​നും പാനീയയാഗത്തിനും+ പുറ​മേ​യാണ്‌ ഇവ.

26 “‘അഞ്ചാം ദിവസം 9 കാള, 2 ആൺചെ​മ്മ​രി​യാട്‌, ഒരു വയസ്സുള്ള 14 ആൺചെ​മ്മ​രി​യാട്‌ എന്നിവയെ അർപ്പി​ക്കണം; അവയെ​ല്ലാം ന്യൂന​ത​യി​ല്ലാ​ത്ത​താ​യി​രി​ക്കണം.+ 27 കൂടാതെ കാള, ആൺചെ​മ്മ​രി​യാട്‌, ആൺചെ​മ്മ​രി​യാ​ട്ടിൻകു​ട്ടി എന്നിവ​യു​ടെ എണ്ണമനു​സ​രിച്ച്‌ പതിവു​ന​ട​പ​ടി​ക്ര​മം​പോ​ലെ അവയുടെ ധാന്യ​യാ​ഗ​വും അവയുടെ പാനീ​യ​യാ​ഗ​ങ്ങ​ളും അർപ്പി​ക്കണം. 28 പാപയാഗമായി ഒരു കോലാ​ടി​നെ​യും അർപ്പി​ക്കുക. പതിവു​ദ​ഹ​ന​യാ​ഗ​ത്തി​നും അതിന്റെ ധാന്യ​യാ​ഗ​ത്തി​നും പാനീയയാഗത്തിനും+ പുറ​മേ​യാണ്‌ ഇവ.

29 “‘ആറാം ദിവസം 8 കാള, 2 ആൺചെ​മ്മ​രി​യാട്‌, ഒരു വയസ്സുള്ള 14 ആൺചെ​മ്മ​രി​യാട്‌ എന്നിവയെ അർപ്പി​ക്കണം; അവയെ​ല്ലാം ന്യൂന​ത​യി​ല്ലാ​ത്ത​താ​യി​രി​ക്കണം.+ 30 കൂടാതെ കാള, ആൺചെ​മ്മ​രി​യാട്‌, ആൺചെ​മ്മ​രി​യാ​ട്ടിൻകു​ട്ടി എന്നിവ​യു​ടെ എണ്ണമനു​സ​രിച്ച്‌ പതിവു​ന​ട​പ​ടി​ക്ര​മം​പോ​ലെ അവയുടെ ധാന്യ​യാ​ഗ​വും അവയുടെ പാനീ​യ​യാ​ഗ​ങ്ങ​ളും അർപ്പി​ക്കണം. 31 പാപയാഗമായി ഒരു കോലാ​ടി​നെ​യും അർപ്പി​ക്കുക. പതിവു​ദ​ഹ​ന​യാ​ഗ​ത്തി​നും അതിന്റെ ധാന്യ​യാ​ഗ​ത്തി​നും പാനീയയാഗങ്ങൾക്കും+ പുറ​മേ​യാണ്‌ ഇവ.

32 “‘ഏഴാം ദിവസം 7 കാള, 2 ആൺചെ​മ്മ​രി​യാട്‌, ഒരു വയസ്സുള്ള 14 ആൺചെ​മ്മ​രി​യാട്‌ എന്നിവയെ അർപ്പി​ക്കണം; അവയെ​ല്ലാം ന്യൂന​ത​യി​ല്ലാ​ത്ത​താ​യി​രി​ക്കണം.+ 33 കൂടാതെ കാള, ആൺചെ​മ്മ​രി​യാട്‌, ആൺചെ​മ്മ​രി​യാ​ട്ടിൻകു​ട്ടി എന്നിവ​യു​ടെ എണ്ണമനു​സ​രിച്ച്‌ അവയ്‌ക്കുള്ള പതിവു​ന​ട​പ​ടി​ക്ര​മം​പോ​ലെ അവയുടെ ധാന്യ​യാ​ഗ​വും അവയുടെ പാനീ​യ​യാ​ഗ​ങ്ങ​ളും അർപ്പി​ക്കണം. 34 പാപയാഗമായി ഒരു കോലാ​ടി​നെ​യും അർപ്പി​ക്കുക. പതിവു​ദ​ഹ​ന​യാ​ഗ​ത്തി​നും അതിന്റെ ധാന്യ​യാ​ഗ​ത്തി​നും പാനീയയാഗത്തിനും+ പുറ​മേ​യാണ്‌ ഇവ.

35 “‘എട്ടാം ദിവസം നിങ്ങൾ പവി​ത്ര​മായ ഒരു സമ്മേളനം നടത്തണം; ഒരുത​ര​ത്തി​ലുള്ള കഠിനാ​ധ്വാ​ന​വും ചെയ്യരു​ത്‌.+ 36 അന്നു നിങ്ങൾ യഹോ​വയെ പ്രസാ​ദി​പ്പി​ക്കുന്ന സുഗന്ധ​മായ ദഹനയാ​ഗ​മാ​യി, അഗ്നിയി​ലുള്ള യാഗമാ​യി, ഒരു കാള, ഒരു ആൺചെ​മ്മ​രി​യാട്‌, ഒരു വയസ്സുള്ള ഏഴ്‌ ആൺചെ​മ്മ​രി​യാട്‌ എന്നിവയെ അർപ്പി​ക്കണം. അവയെ​ല്ലാം ന്യൂന​ത​യി​ല്ലാ​ത്ത​താ​യി​രി​ക്കണം.+ 37 കൂടാതെ കാള, ആൺചെ​മ്മ​രി​യാട്‌, ആൺചെ​മ്മ​രി​യാ​ട്ടിൻകു​ട്ടി എന്നിവ​യു​ടെ എണ്ണമനു​സ​രിച്ച്‌ പതിവു​ന​ട​പ​ടി​ക്ര​മം​പോ​ലെ അവയുടെ ധാന്യ​യാ​ഗ​വും അവയുടെ പാനീ​യ​യാ​ഗ​ങ്ങ​ളും അർപ്പി​ക്കണം. 38 പാപയാഗമായി ഒരു കോലാ​ടി​നെ​യും അർപ്പി​ക്കുക. പതിവു​ദ​ഹ​ന​യാ​ഗ​ത്തി​നും അതിന്റെ ധാന്യ​യാ​ഗ​ത്തി​നും പാനീയയാഗത്തിനും+ പുറ​മേ​യാണ്‌ ഇവ.

39 “‘ഇവയെ​ല്ലാം നിങ്ങളു​ടെ ഉത്സവങ്ങ​ളിൽ നിങ്ങൾ യഹോ​വ​യ്‌ക്ക്‌ അർപ്പി​ക്കണം.+ നിങ്ങൾ നിങ്ങളു​ടെ ദഹനയാഗങ്ങളായും+ ധാന്യയാഗങ്ങളായും+ പാനീയയാഗങ്ങളായും+ സഹഭോജനബലികളായും+ അർപ്പി​ക്കുന്ന നിങ്ങളു​ടെ നേർച്ചയാഗങ്ങൾക്കും+ നിങ്ങൾ സ്വമന​സ്സാ​ലെ നൽകുന്ന കാഴ്‌ചകൾക്കും+ പുറ​മേ​യാണ്‌ ഇത്‌.’” 40 യഹോവ തന്നോടു കല്‌പി​ച്ച​തെ​ല്ലാം മോശ ഇസ്രാ​യേ​ല്യ​രെ അറിയി​ച്ചു.

30 അപ്പോൾ മോശ ഇസ്രാ​യേൽഗോ​ത്ര​ങ്ങ​ളു​ടെ തലവന്മാ​രോ​ടു പറഞ്ഞു:+ “യഹോ​വ​യു​ടെ കല്‌പന ഇതാണ്‌: 2 ഒരാൾ യഹോ​വ​യ്‌ക്ക്‌ ഒരു നേർച്ച നേരുകയോ+ വർജന​വ്രതം എടുക്കാ​മെന്ന്‌ ആണയിട്ട്‌ സത്യം ചെയ്യുകയോ+ ചെയ്‌താൽ അയാൾ തന്റെ വാക്കു ലംഘി​ക്ക​രുത്‌.+ താൻ ചെയ്‌തു​കൊ​ള്ളാ​മെന്നു നേർന്ന​തെ​ല്ലാം അയാൾ ചെയ്യണം.+

3 “ഒരു സ്‌ത്രീ ചെറു​പ്പ​ത്തിൽ അപ്പന്റെ വീട്ടി​ലാ​യി​രി​ക്കു​മ്പോൾ യഹോ​വ​യ്‌ക്ക്‌ ഒരു നേർച്ച നേരു​ക​യോ വർജന​വ്രതം എടുക്കു​ക​യോ ചെയ്യു​ന്നെ​ന്നി​രി​ക്കട്ടെ. 4 അവളുടെ നേർച്ച​യെ​യോ അവൾ എടുത്ത വർജന​വ്ര​ത​ത്തെ​യോ കുറിച്ച്‌ കേട്ടിട്ട്‌ അവളുടെ അപ്പൻ എതിർക്കു​ന്നി​ല്ലെ​ങ്കിൽ അവളുടെ എല്ലാ നേർച്ച​ക​ളും അവൾ എടുത്ത എല്ലാ വർജന​വ്ര​ത​ങ്ങ​ളും നിലനിൽക്കും. 5 എന്നാൽ അവൾ ഒരു നേർച്ച​യോ വർജന​വ്ര​ത​മോ എടുത്തി​ട്ടു​ണ്ടെന്നു കേൾക്കു​മ്പോൾ അപ്പൻ അവളെ വിലക്കു​ന്നെ​ങ്കിൽ അതു നിലനിൽക്കില്ല. അപ്പൻ അവളെ വിലക്കി​യ​തു​കൊണ്ട്‌ യഹോവ അവളോ​ടു ക്ഷമിക്കും.+

6 “ഇനി, ഒരു നേർച്ച​യോ ചിന്തി​ക്കാ​തെ ചെയ്‌തു​പോയ ഒരു വാഗ്‌ദാ​ന​മോ നിവർത്തി​ക്കേ​ണ്ട​തു​ള്ള​പ്പോൾ അവൾ വിവാഹം കഴിക്കു​ന്നെ​ന്നി​രി​ക്കട്ടെ. 7 അവളുടെ ഭർത്താവ്‌ അതെക്കു​റിച്ച്‌ കേൾക്കു​മ്പോൾ എതിർപ്പൊ​ന്നും പ്രകടി​പ്പി​ക്കു​ന്നി​ല്ലെ​ങ്കിൽ അവളുടെ നേർച്ച​ക​ളും അവൾ എടുത്ത വർജന​വ്ര​ത​ങ്ങ​ളും നിലനിൽക്കും. 8 എന്നാൽ അതെക്കു​റിച്ച്‌ കേൾക്കുന്ന ദിവസം അവളുടെ ഭർത്താവ്‌ അവളെ വിലക്കു​ന്നെ​ങ്കിൽ അവൾ ചിന്തി​ക്കാ​തെ ചെയ്‌തു​പോയ വാഗ്‌ദാ​ന​വും അവളുടെ നേർച്ച​യും അവന്‌ അസാധു​വാ​ക്കാം;+ യഹോവ അവളോ​ടു ക്ഷമിക്കും.

9 “എന്നാൽ ഒരു വിധവ​യോ വിവാ​ഹ​മോ​ചി​ത​യായ ഒരു സ്‌ത്രീ​യോ ഒരു നേർച്ച നേർന്നാൽ താൻ ചെയ്യാ​മെന്ന്‌ ഏറ്റതെ​ല്ലാം നിവർത്തി​ക്കാൻ അവൾ ബാധ്യ​സ്ഥ​യാണ്‌.

10 “ഒരു സ്‌ത്രീ ഭർത്താ​വി​ന്റെ വീട്ടി​ലാ​യി​രി​ക്കു​മ്പോൾ ഒരു നേർച്ച നേരു​ക​യോ വർജന​വ്രതം എടുക്കു​ക​യോ ചെയ്യു​ന്നെ​ന്നി​രി​ക്കട്ടെ. 11 അതെക്കുറിച്ച്‌ കേട്ട അവളുടെ ഭർത്താവ്‌ എതിർക്കു​ക​യോ വിസമ്മ​തി​ക്കു​ക​യോ ചെയ്യു​ന്നി​ല്ലെ​ങ്കിൽ അവളുടെ നേർച്ച​ക​ളും അവൾ എടുത്ത വർജന​വ്ര​ത​ങ്ങ​ളും നിലനിൽക്കും. 12 പക്ഷേ അതെക്കു​റിച്ച്‌ കേൾക്കുന്ന ദിവസം അവളുടെ ഭർത്താവ്‌ അവളുടെ നേർച്ച​ക​ളും വർജന​വ്ര​ത​ങ്ങ​ളും അസാധു​വാ​ക്കു​ന്നെ​ങ്കിൽ അവ നിലനിൽക്കില്ല.+ അവളുടെ ഭർത്താവ്‌ അവ അസാധു​വാ​ക്കി​യി​രി​ക്കു​ന്നു; യഹോവ അവളോ​ടു ക്ഷമിക്കും. 13 അവളുടെ ഏതൊരു നേർച്ച​യും അതു​പോ​ലെ, എന്തെങ്കി​ലും ത്യജി​ക്കാ​നുള്ള വർജനവ്രതം* ഉൾപ്പെട്ട ഏതൊരു ആണയും അംഗീ​ക​രി​ക്ക​ണോ അതോ അസാധു​വാ​ക്ക​ണോ എന്ന്‌ അവളുടെ ഭർത്താ​വി​നു തീരു​മാ​നി​ക്കാം. 14 എന്നാൽ ദിവസങ്ങൾ കഴിഞ്ഞി​ട്ടും ഭർത്താവ്‌ എതിർപ്പൊ​ന്നും പ്രകടി​പ്പി​ക്കു​ന്നി​ല്ലെ​ങ്കിൽ അയാൾ അവളുടെ എല്ലാ നേർച്ച​ക​ളും വർജന​വ്ര​ത​ങ്ങ​ളും അംഗീ​ക​രി​ച്ചി​രി​ക്കു​ന്നു. അതു കേട്ട ദിവസം അയാൾ എതിർക്കാ​തി​രു​ന്ന​തു​കൊണ്ട്‌ അവയെ​ല്ലാം അംഗീ​ക​രി​ച്ച​താ​യി കണക്കാ​ക്കും. 15 എന്നാൽ അതു കേട്ട ദിവസമല്ല, പിന്നീ​ടൊ​രു സമയത്താ​ണ്‌ അയാൾ അത്‌ അസാധു​വാ​ക്കു​ന്ന​തെ​ങ്കിൽ അവളുടെ കുറ്റത്തി​ന്റെ അനന്തര​ഫലം അയാൾ അനുഭ​വി​ക്കേ​ണ്ടി​വ​രും.+

16 “ഇവയാണ്‌ ഒരു ഭർത്താ​വി​നെ​യും അയാളു​ടെ ഭാര്യ​യെ​യും സംബന്ധി​ച്ചും ഒരു അപ്പനെ​യും അപ്പന്റെ വീട്ടിൽ താമസി​ക്കുന്ന മകളെ​യും സംബന്ധി​ച്ചും മോശ​യോട്‌ യഹോവ കല്‌പിച്ച ചട്ടങ്ങൾ.”

31 പിന്നെ യഹോവ മോശ​യോ​ടു പറഞ്ഞു: 2 “ഇസ്രാ​യേ​ല്യർക്കു​വേണ്ടി മിദ്യാന്യരോടു+ പ്രതി​കാ​രം ചെയ്യുക.+ അതിനു ശേഷം നീ നിന്റെ ജനത്തോ​ടു ചേരും.”*+

3 അപ്പോൾ മോശ ജനത്തോ​ട്‌ ഇങ്ങനെ പറഞ്ഞു: “മിദ്യാ​നോ​ടു യുദ്ധം ചെയ്യാ​നും അവരുടെ മേൽ യഹോ​വ​യു​ടെ പ്രതി​കാ​രം നടത്താ​നും നിങ്ങൾക്കി​ട​യിൽനിന്ന്‌ പുരു​ഷ​ന്മാ​രെ സജ്ജരാ​ക്കുക. 4 ഇസ്രായേലിലെ എല്ലാ ഗോ​ത്ര​ത്തിൽനി​ന്നും 1,000 പേരെ വീതം യുദ്ധത്തി​ന്‌ അയയ്‌ക്കണം.” 5 അങ്ങനെ ഇസ്രായേൽസഹസ്രങ്ങളിലെ+ ഓരോ ഗോ​ത്ര​ത്തിൽനി​ന്നും 1,000 പേരെ വീതം നിയമി​ച്ചു. ആകെ 12,000 പേർ യുദ്ധത്തി​നു സജ്ജരായി.

6 പിന്നെ ഓരോ ഗോ​ത്ര​ത്തിൽനി​ന്നും 1,000 പേർ വീതമുള്ള ആ സൈന്യ​ത്തെ മോശ എലെയാ​സ​രി​ന്റെ മകനും സൈന്യ​ത്തി​ന്റെ പുരോ​ഹി​ത​നും ആയ ഫിനെഹാസിനോടൊപ്പം+ യുദ്ധത്തി​ന്‌ അയച്ചു. ഫിനെ​ഹാ​സി​ന്റെ കൈയിൽ വിശു​ദ്ധ​മായ ഉപകര​ണ​ങ്ങ​ളും യുദ്ധകാഹളങ്ങളും+ ഉണ്ടായി​രു​ന്നു. 7 യഹോവ മോശ​യോ​ടു കല്‌പി​ച്ച​തു​പോ​ലെ അവർ മിദ്യാ​നോ​ടു യുദ്ധം ചെയ്‌ത്‌ പുരു​ഷ​ന്മാ​രെ​യെ​ല്ലാം കൊന്നു​ക​ളഞ്ഞു. 8 കൊല്ലപ്പെട്ടവരുടെ കൂട്ടത്തിൽ ഏവി, രേക്കെം, സൂർ, ഹൂർ, രേബ എന്നീ അഞ്ചു മിദ്യാ​ന്യ​രാ​ജാ​ക്ക​ന്മാ​രു​മു​ണ്ടാ​യി​രു​ന്നു. ബയോ​രി​ന്റെ മകനായ ബിലെയാമിനെയും+ അവർ വാളു​കൊണ്ട്‌ കൊന്നു. 9 എന്നാൽ മിദ്യാ​നി​ലെ സ്‌ത്രീ​ക​ളെ​യും കുട്ടി​ക​ളെ​യും ഇസ്രാ​യേ​ല്യർ ബന്ദിക​ളാ​യി പിടിച്ചു. അവി​ടെ​യുള്ള വളർത്തു​മൃ​ഗങ്ങൾ ഉൾപ്പെടെ മൃഗസ​മ്പത്ത്‌ മുഴു​വ​നും, അവരുടെ എല്ലാ വസ്‌തു​വ​ക​ക​ളും, അവർ കൊള്ള​യ​ടി​ച്ചു. 10 അവർ താമസി​ച്ചി​രുന്ന എല്ലാ നഗരങ്ങ​ളും അവരുടെ എല്ലാ പാളയങ്ങളും* അവർ ചുട്ടെ​രി​ച്ചു. 11 കൊള്ളമുതലും തങ്ങൾ പിടി​ച്ചെ​ടുത്ത എല്ലാ വസ്‌തു​വ​ക​ക​ളും അതു​പോ​ലെ, മനുഷ്യ​രെ​യും മൃഗങ്ങ​ളെ​യും അവർ കൊണ്ടു​പോ​ന്നു. 12 അവർ ബന്ദികളെ കൊള്ള​മു​ത​ലി​നോ​ടും തങ്ങൾ പിടി​ച്ചെ​ടുത്ത എല്ലാ വസ്‌തു​വ​ക​ക​ളോ​ടും ഒപ്പം മോശ​യു​ടെ​യും പുരോ​ഹി​ത​നായ എലെയാ​സ​രി​ന്റെ​യും ഇസ്രാ​യേൽസ​മൂ​ഹ​ത്തി​ന്റെ​യും അടുത്ത്‌, യരീ​ഹൊ​യ്‌ക്കു സമീപം യോർദാ​ന്‌ അരി​കെ​യുള്ള മോവാ​ബ്‌ മരുപ്രദേശത്തിലെ+ പാളയ​ത്തി​ലേക്ക്‌, കൊണ്ടു​വന്നു.

13 അപ്പോൾ മോശ​യും പുരോ​ഹി​ത​നായ എലെയാ​സ​രും സമൂഹ​ത്തി​ലെ എല്ലാ തലവന്മാ​രും അവരെ എതി​രേൽക്കാൻ പാളയ​ത്തി​നു പുറ​ത്തേക്കു വന്നു. 14 പക്ഷേ സൈന്യ​ത്തി​ലെ നിയമി​ത​പു​രു​ഷ​ന്മാ​രോട്‌, അതായത്‌ യുദ്ധത്തി​നു പോയ സഹസ്രാധിപന്മാരോടും* ശതാധി​പ​ന്മാ​രോ​ടും,* മോശ കോപി​ച്ചു. 15 മോശ അവരോ​ടു പറഞ്ഞു: “നിങ്ങൾ സ്‌ത്രീ​കളെ മുഴുവൻ ജീവ​നോ​ടെ വെച്ചി​രി​ക്കു​ന്നോ? 16 നോക്കൂ, ഇവരാണു ബിലെ​യാ​മി​ന്റെ വാക്കു കേട്ട്‌ പെയോ​രി​ന്റെ കാര്യത്തിൽ+ യഹോ​വ​യോട്‌ അവിശ്വസ്‌തത+ കാണി​ക്കാൻ ഇസ്രാ​യേ​ല്യ​രെ പ്രേരി​പ്പി​ച്ചത്‌. അങ്ങനെ ഇവർ കാരണ​മാണ്‌ യഹോ​വ​യു​ടെ സമൂഹ​ത്തി​ന്റെ മേൽ ബാധ വന്നത്‌.+ 17 അതുകൊണ്ട്‌ നിങ്ങൾ ഇപ്പോൾ എല്ലാ ആൺകു​ട്ടി​ക​ളെ​യും പുരു​ഷ​നു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട്ടി​ട്ടുള്ള എല്ലാ സ്‌ത്രീ​ക​ളെ​യും കൊന്നു​ക​ള​യണം. 18 എന്നാൽ പുരു​ഷ​നു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട്ടി​ട്ടി​ല്ലാത്ത പെൺകു​ട്ടി​ക​ളെ​യെ​ല്ലാം ജീവ​നോ​ടെ വെക്കാം.+ 19 നിങ്ങൾ ഏഴു ദിവസം പാളയ​ത്തി​നു പുറത്ത്‌ കഴിയണം. നിങ്ങളാ​കട്ടെ നിങ്ങളു​ടെ ബന്ദിക​ളാ​കട്ടെ, ആരെ​യെ​ങ്കി​ലും കൊന്ന​വ​നും കൊല്ല​പ്പെട്ട ഒരാളെ തൊട്ടവനും+ മൂന്നാം ദിവസ​വും ഏഴാം ദിവസ​വും തന്നെത്തന്നെ ശുദ്ധീ​ക​രി​ക്കണം.+ 20 നിങ്ങളുടെ എല്ലാ വസ്‌ത്ര​ങ്ങ​ളും കോലാ​ട്ടു​രോ​മം​കൊ​ണ്ടുള്ള എല്ലാ വസ്‌തു​ക്ക​ളും മരം​കൊ​ണ്ടും തോലു​കൊ​ണ്ടും ഉള്ള എല്ലാ സാധന​ങ്ങ​ളും പാപം നീക്കി ശുദ്ധീ​ക​രി​ക്കണം.”

21 പിന്നെ പുരോ​ഹി​ത​നായ എലെയാ​സർ യുദ്ധത്തി​നു പോയ സൈനി​ക​രോ​ടു പറഞ്ഞു: “യഹോവ മോശ​യോ​ടു കല്‌പിച്ച നിയമ​ത്തി​ലെ ചട്ടം ഇതാണ്‌: 22 ‘സ്വർണം, വെള്ളി, ചെമ്പ്‌, ഇരുമ്പ്‌, തകരം, ഈയം 23 എന്നിങ്ങനെ തീയി​ലി​ട്ടാൽ നശിക്കാ​ത്ത​തൊ​ക്കെ​യും നിങ്ങൾ തീയി​ലിട്ട്‌ എടുക്കണം; അപ്പോൾ അവ ശുദ്ധമാ​കും. എന്നാൽ, ശുദ്ധീ​ക​ര​ണ​ത്തി​നുള്ള ജലം​കൊ​ണ്ടും അവ ശുദ്ധീ​ക​രി​ക്കണം.+ പക്ഷേ തീയിൽ നശിക്കു​ന്ന​തെ​ല്ലാം നിങ്ങൾ വെള്ളത്താൽ ശുദ്ധീ​ക​രി​ക്കണം. 24 ഏഴാം ദിവസം നിങ്ങൾ വസ്‌ത്രം അലക്കി ശുദ്ധരാ​കണം. അതിനു ശേഷം നിങ്ങൾക്കു പാളയ​ത്തി​ലേക്കു വരാം.’”+

25 പിന്നീട്‌ യഹോവ മോശ​യോ​ടു പറഞ്ഞു: 26 “പിടി​ച്ചു​കൊ​ണ്ടു​വന്ന മനുഷ്യ​രെ​യും മൃഗങ്ങ​ളെ​യും എണ്ണി, കൊള്ള​മു​ത​ലി​ന്റെ ഒരു പട്ടിക ഉണ്ടാക്കുക. പുരോ​ഹി​ത​നായ എലെയാ​സ​രി​നെ​യും സമൂഹ​ത്തി​ലെ പിതൃ​ഭ​വ​ന​ത്ത​ല​വ​ന്മാ​രെ​യും നിന്നോ​ടൊ​പ്പം കൂട്ടണം. 27 ഇസ്രായേൽസമൂഹത്തിനും യുദ്ധത്തിൽ പങ്കെടുത്ത സൈനി​കർക്കും വേണ്ടി കൊള്ള​മു​തൽ രണ്ടായി ഭാഗി​ക്കുക.+ 28 യുദ്ധത്തിനു പോയ സൈനി​കർക്കു ലഭിച്ച മനുഷ്യർ, കന്നുകാ​ലി​കൾ, കഴുതകൾ, ആടുകൾ എന്നിവ​യിൽനിന്ന്‌ 500-ൽ ഒരു ദേഹിയെ* വീതം യഹോ​വ​യ്‌ക്ക്‌ ഒരു നികു​തി​യാ​യി എടുക്കണം. 29 അവർക്കു ഭാഗി​ച്ചു​കി​ട്ടിയ പകുതി​യിൽനിന്ന്‌ നിങ്ങൾ അത്‌ എടുത്ത്‌ യഹോ​വ​യ്‌ക്കുള്ള സംഭാ​വ​ന​യാ​യി പുരോ​ഹി​ത​നായ എലെയാ​സ​രി​നു കൊടു​ക്കണം.+ 30 കൂടാതെ, ഇസ്രാ​യേ​ല്യർക്കു ഭാഗി​ച്ചു​കി​ട്ടിയ പകുതി​യി​ലെ മനുഷ്യ​രിൽനി​ന്നും കന്നുകാ​ലി​ക​ളിൽനി​ന്നും കഴുത​ക​ളിൽനി​ന്നും ആടുക​ളിൽനി​ന്നും എല്ലാ തരം വളർത്തു​മൃ​ഗ​ങ്ങ​ളിൽനി​ന്നും 50-ലൊന്നു വീതം എടുത്ത്‌ യഹോ​വ​യു​ടെ വിശു​ദ്ധ​കൂ​ടാ​ര​ത്തോ​ടു ബന്ധപ്പെട്ട ഉത്തരവാ​ദി​ത്വ​ങ്ങൾ നിർവഹിക്കുന്ന+ ലേവ്യർക്കു കൊടു​ക്കണം.”+

31 മോശയും പുരോ​ഹി​ത​നായ എലെയാ​സ​രും യഹോവ മോശ​യോ​ടു കല്‌പി​ച്ച​തു​പോ​ലെ​തന്നെ ചെയ്‌തു. 32 യുദ്ധത്തിനു പോയവർ എടുത്ത​ശേഷം കൊള്ള​മു​ത​ലിൽ ബാക്കി​യു​ണ്ടാ​യി​രു​ന്നത്‌ ആകെ 6,75,000 ആടുക​ളും 33 72,000 കന്നുകാ​ലി​ക​ളും 34 61,000 കഴുത​ക​ളും ആയിരു​ന്നു. 35 പുരുഷന്മാരോടുകൂടെ ലൈം​ഗി​ക​ബ​ന്ധ​ത്തിൽ ഏർപ്പെ​ടാത്ത സ്‌ത്രീ​കൾ ആകെ 32,000 പേർ.+ 36 യുദ്ധത്തിനു പോയ​വർക്കു പകുതി ഓഹരി​യാ​യി ഭാഗി​ച്ചു​കി​ട്ടിയ ആടുകൾ ആകെ 3,37,500. 37 ആടുകളിൽനിന്ന്‌ യഹോ​വ​യ്‌ക്കുള്ള നികുതി 675. 38 കന്നുകാലികൾ ആകെ 36,000. അതിൽനി​ന്ന്‌ യഹോ​വ​യ്‌ക്കുള്ള നികുതി 72. 39 കഴുതകൾ ആകെ 30,500. അതിൽനി​ന്ന്‌ യഹോ​വ​യ്‌ക്കുള്ള നികുതി 61. 40 കൂടാതെ മനുഷ്യർ ആകെ 16,000. അവരിൽനി​ന്ന്‌ യഹോ​വ​യ്‌ക്കു നികു​തി​യാ​യി ലഭിച്ചത്‌ 32 പേർ. 41 യഹോവ മോശ​യോ​ടു കല്‌പി​ച്ച​തു​പോ​ലെ മോശ ആ നികുതി യഹോ​വ​യു​ടെ സംഭാ​വ​ന​യാ​യി പുരോ​ഹി​ത​നായ എലെയാ​സ​രി​നു കൊടു​ത്തു.+

42 യുദ്ധത്തിനു പോയ പുരു​ഷ​ന്മാർ കൊണ്ടു​വ​ന്ന​തിൽനിന്ന്‌ മോശ ഇസ്രാ​യേ​ല്യർക്കു ഭാഗി​ച്ചു​കൊ​ടുത്ത പകുതി​യിൽ 43 3,37,500 ആടുക​ളും 44 36,000 കന്നുകാ​ലി​ക​ളും 45 30,500 കഴുത​ക​ളും 46 16,000 മനുഷ്യ​രും ഉണ്ടായി​രു​ന്നു. 47 യഹോവ മോശ​യോ​ടു കല്‌പി​ച്ച​തു​പോ​ലെ, ഇസ്രാ​യേ​ല്യർക്കുള്ള പകുതി​യിൽനിന്ന്‌ 50-ലൊന്ന്‌ എന്ന കണക്കിൽ മനുഷ്യ​രെ​യും മൃഗങ്ങ​ളെ​യും വേർതി​രിച്ച്‌ മോശ യഹോ​വ​യു​ടെ വിശു​ദ്ധ​കൂ​ടാ​ര​ത്തിൽ ഉത്തരവാ​ദി​ത്വ​ങ്ങൾ നിർവഹിക്കുന്ന+ ലേവ്യർക്കു കൊടു​ത്തു.+

48 പിന്നീട്‌, സൈന്യ​ത്തി​ലെ സഹസ്ര​ങ്ങ​ളു​ടെ മേൽ+ നിയമി​ത​രായ സഹസ്രാ​ധി​പ​ന്മാ​രും ശതാധി​പ​ന്മാ​രും മോശയെ സമീപി​ച്ചു. 49 അവർ മോശ​യോ​ടു പറഞ്ഞു: “അടിയങ്ങൾ യുദ്ധത്തി​നു പോയ​വ​രു​ടെ കണക്ക്‌ എടുത്തു. ഞങ്ങളുടെ കീഴി​ലുള്ള ഒരാൾപ്പോ​ലും നഷ്ടപ്പെ​ട്ടി​ട്ടില്ല.+ 50 അതുകൊണ്ട്‌ യഹോ​വ​യു​ടെ മുമ്പാകെ ഞങ്ങൾക്കു പാപപ​രി​ഹാ​രം വരുത്താ​നാ​യി, ഞങ്ങൾക്ക്‌ ഓരോ​രു​ത്തർക്കും കിട്ടിയ സ്വർണം​കൊ​ണ്ടുള്ള വസ്‌തു​ക്ക​ളും പാദസ​ര​ങ്ങ​ളും വളകളും മുദ്ര​മോ​തി​ര​ങ്ങ​ളും കമ്മലു​ക​ളും മറ്റ്‌ ആഭരണ​ങ്ങ​ളും യഹോ​വ​യ്‌ക്കു യാഗമാ​യി കൊണ്ടു​വ​രാൻ ഞങ്ങളെ അനുവ​ദി​ച്ചാ​ലും.”

51 അങ്ങനെ മോശ​യും പുരോ​ഹി​ത​നായ എലെയാ​സ​രും അവരിൽനി​ന്ന്‌ ആ സ്വർണാ​ഭ​ര​ണ​ങ്ങ​ളെ​ല്ലാം സ്വീക​രി​ച്ചു. 52 സഹസ്രാധിപന്മാരും ശതാധി​പ​ന്മാ​രും യഹോ​വ​യ്‌ക്കു സംഭാ​വ​ന​യാ​യി കൊടുത്ത സ്വർണ​ത്തി​ന്റെ ആകെ തൂക്കം 16,750 ശേക്കെൽ.* 53 ഓരോ സൈനി​ക​നും തനിക്കു​വേണ്ടി കൊള്ള​യ​ടി​ച്ചി​രു​ന്നു. 54 അങ്ങനെ മോശ​യും പുരോ​ഹി​ത​നായ എലെയാ​സ​രും സഹസ്രാ​ധി​പ​ന്മാ​രിൽനി​ന്നും ശതാധി​പ​ന്മാ​രിൽനി​ന്നും സ്വർണം സ്വീക​രി​ച്ചു. അവർ അത്‌ യഹോ​വ​യു​ടെ സന്നിധി​യിൽ ഇസ്രാ​യേൽ ജനത്തി​നു​വേ​ണ്ടി​യുള്ള ഒരു ഓർമിപ്പിക്കലായി* സാന്നി​ധ്യ​കൂ​ടാ​ര​ത്തി​ലേക്കു കൊണ്ടു​വന്നു.

32 രൂബേന്റെയും+ ഗാദി​ന്റെ​യും വംശജർക്കു+ വളരെ​യ​ധി​കം ആടുമാ​ടു​ക​ളു​ണ്ടാ​യി​രു​ന്നു. യസേർ ദേശവും+ ഗിലെ​യാദ്‌ ദേശവും മൃഗങ്ങളെ വളർത്താൻ പറ്റിയ സ്ഥലങ്ങളാ​ണെന്നു കണ്ടപ്പോൾ 2 അവർ മോശ​യു​ടെ​യും പുരോ​ഹി​ത​നായ എലെയാ​സ​രി​ന്റെ​യും സമൂഹ​ത്തി​ലെ തലവന്മാ​രു​ടെ​യും അടുത്ത്‌ ചെന്ന്‌ അവരോ​ടു പറഞ്ഞു: 3 “അതാ​രോത്ത്‌, ദീബോൻ, യസേർ, നിമ്ര, ഹെശ്‌ബോൻ,+ എലെയാ​ലെ, സെബാം, നെബോ,+ ബയോൻ+ 4 എന്നിങ്ങനെ ഇസ്രായേൽസമൂഹത്തിന്‌+ യഹോവ കീഴട​ക്കി​ക്കൊ​ടുത്ത പ്രദേ​ശങ്ങൾ വളർത്തു​മൃ​ഗ​ങ്ങൾക്കു പറ്റിയ​താണ്‌. അടിയ​ങ്ങൾക്കു ധാരാളം മൃഗങ്ങ​ളു​ണ്ടു​താ​നും.”+ 5 അവർ തുടർന്നു: “നിങ്ങൾക്കു സമ്മതമാ​ണെ​ങ്കിൽ ഞങ്ങളുടെ അവകാ​ശ​മാ​യി ഈ ദേശം തന്നാലും. ഞങ്ങൾ യോർദാൻ കടക്കാൻ ഇടവരു​ത്ത​രു​തേ.”

6 അപ്പോൾ മോശ ഗാദി​ന്റെ​യും രൂബേ​ന്റെ​യും വംശജ​രോ​ടു പറഞ്ഞു: “നിങ്ങളു​ടെ സഹോ​ദ​ര​ന്മാർ യുദ്ധത്തി​നു പോകു​മ്പോൾ നിങ്ങൾക്ക്‌ ഇവിടെ താമസി​ക്ക​ണ​മെ​ന്നോ? 7 യഹോവ ഇസ്രാ​യേൽ ജനത്തിനു കൊടു​ക്കു​മെന്ന്‌ ഉറപ്പായ ദേശ​ത്തേക്കു കടക്കു​ന്ന​തിൽനിന്ന്‌ നിങ്ങൾ അവരെ പിന്തി​രി​പ്പി​ക്കു​ന്നത്‌ എന്തിനാ​ണ്‌? 8 ദേശം നോക്കി​ക്കാ​ണാൻ കാദേശ്‌-ബർന്നേ​യ​യിൽനിന്ന്‌ ഞാൻ നിങ്ങളു​ടെ പിതാ​ക്ക​ന്മാ​രെ അയച്ചപ്പോൾ+ അവരും ചെയ്‌തത്‌ ഇതുത​ന്നെ​യാണ്‌. 9 എശ്‌ക്കോൽ താഴ്‌വരയോളം*+ ചെന്ന്‌ ദേശം കണ്ടശേഷം, യഹോവ കൊടു​ക്കാ​നി​രുന്ന ദേശ​ത്തേക്കു പോകു​ന്ന​തിൽനിന്ന്‌ അവർ ഇസ്രാ​യേൽ ജനത്തെ പിന്തി​രി​പ്പി​ച്ചു.+ 10 അന്ന്‌ യഹോ​വ​യു​ടെ കോപം ആളിക്കത്തി; ദൈവം ഇങ്ങനെ സത്യം ചെയ്‌തു:+ 11 ‘ഈജി​പ്‌തിൽനിന്ന്‌ പുറ​പ്പെ​ട്ടു​പോന്ന, 20 വയസ്സും അതിനു മേലോ​ട്ടും പ്രായ​മുള്ള ഒരുത്ത​നും ഞാൻ അബ്രാ​ഹാ​മി​നോ​ടും യിസ്‌ഹാ​ക്കി​നോ​ടും യാക്കോ​ബി​നോ​ടും സത്യം ചെയ്‌ത+ ദേശം കാണില്ല.+ കാരണം അവർ എന്നെ മുഴു​ഹൃ​ദ​യ​ത്തോ​ടെ അനുഗ​മി​ച്ചില്ല. 12 യഹോവയെ മുഴു​ഹൃ​ദ​യ​ത്തോ​ടെ അനുഗ​മിച്ച,+ കെനി​സ്യ​നായ യഫുന്ന​യു​ടെ മകൻ കാലേബും+ നൂന്റെ മകൻ യോശുവയും+ മാത്രമേ അവിടെ പ്രവേ​ശി​ക്കൂ.’ 13 അങ്ങനെ ഇസ്രാ​യേ​ലി​നു നേരെ യഹോ​വ​യു​ടെ കോപം ആളിക്കത്തി; യഹോ​വ​യു​ടെ മുന്നിൽ തിന്മ ചെയ്‌ത ആ തലമുറ ഒന്നടങ്കം മരിച്ചൊടുങ്ങുന്നതുവരെ+ 40 വർഷം+ അവർ വിജന​ഭൂ​മി​യിൽ അലഞ്ഞു​തി​രി​യാൻ ദൈവം ഇടയാക്കി. 14 ഇപ്പോൾ ഇതാ, നിങ്ങളു​ടെ പിതാ​ക്ക​ന്മാ​രെ​പ്പോ​ലെ, പാപി​ക​ളായ നിങ്ങളും ഇസ്രാ​യേ​ലി​നു നേരെ​യുള്ള യഹോ​വ​യു​ടെ കോപം ആളിക്ക​ത്താൻ ഇടയാ​ക്കു​ന്നു. 15 നിങ്ങൾ ദൈവത്തെ അനുഗ​മി​ക്കു​ന്നതു നിറു​ത്തി​യാൽ ദൈവം അവരെ വീണ്ടും വിജന​ഭൂ​മി​യിൽ ഉപേക്ഷി​ക്കു​മെന്ന്‌ ഉറപ്പാണ്‌. അങ്ങനെ നിങ്ങൾ കാരണം ഈ ജനം നശി​ച്ചൊ​ടു​ങ്ങും.”

16 പിന്നീട്‌ അവർ മോശയെ സമീപി​ച്ച്‌ ഇങ്ങനെ പറഞ്ഞു: “ഇവിടെ ഞങ്ങളുടെ മൃഗങ്ങൾക്കു കൽത്തൊ​ഴു​ത്തു​ക​ളും ഞങ്ങളുടെ കുട്ടി​കൾക്കു നഗരങ്ങ​ളും പണിയാൻ അനുവ​ദി​ച്ചാ​ലും. 17 ഞങ്ങളുടെ കുട്ടികൾ ദേശത്തെ മറ്റു നിവാ​സി​ക​ളിൽനിന്ന്‌ സുരക്ഷി​ത​രാ​യി കോട്ട​മ​തി​ലുള്ള നഗരങ്ങ​ളിൽ താമസി​ക്കട്ടെ. എന്നാൽ ഞങ്ങൾ യുദ്ധസ​ജ്ജ​രാ​യി,+ ഇസ്രാ​യേ​ല്യ​രെ അവരുടെ സ്ഥലത്ത്‌ എത്തിക്കും​വരെ അവർക്കു മുമ്പേ പൊയ്‌ക്കൊ​ള്ളാം. 18 ദേശത്ത്‌ ഓരോ ഇസ്രാ​യേ​ല്യ​നും അവകാശം കിട്ടു​ന്ന​തു​വരെ ഞങ്ങൾ ഞങ്ങളുടെ വീടു​ക​ളി​ലേക്കു മടങ്ങി​വ​രില്ല.+ 19 ഞങ്ങൾക്കു യോർദാ​ന്റെ കിഴക്കു​വ​ശത്ത്‌ ഞങ്ങളുടെ അവകാശം ലഭിച്ച​തു​കൊണ്ട്‌ യോർദാ​ന്റെ മറുക​ര​യി​ലും അതിന്‌ അപ്പുറ​ത്തേ​ക്കും ഉള്ള ദേശത്ത്‌ ഞങ്ങൾക്ക്‌ അവരോ​ടൊ​പ്പം അവകാശം വേണ്ടാ.”+

20 അപ്പോൾ മോശ അവരോ​ടു പറഞ്ഞു: “നിങ്ങൾ യഹോ​വ​യു​ടെ മുമ്പാകെ യുദ്ധസജ്ജരായി+ ആയുധം എടുക്കു​ക​യും 21 ദൈവം തന്റെ ശത്രു​ക്കളെ തന്റെ മുന്നിൽനി​ന്ന്‌ ഓടിച്ചുകളയുമ്പോൾ+ നിങ്ങൾ ഓരോ​രു​ത്ത​രും ആയുധം ഏന്തി യഹോ​വ​യു​ടെ മുമ്പാകെ യോർദാൻ കടക്കു​ക​യും ചെയ്‌താൽ 22 ദേശം യഹോ​വ​യു​ടെ മുമ്പാകെ അധീനമായിക്കഴിയുമ്പോൾ+ ഈ ദേശം യഹോ​വ​യു​ടെ വീക്ഷണ​ത്തിൽ നിങ്ങളു​ടെ അവകാ​ശ​മാ​യി​രി​ക്കും.+ അപ്പോൾ നിങ്ങൾക്കു ദേശ​ത്തേക്കു മടങ്ങി​വ​രാം.+ യഹോ​വ​യു​ടെ​യും ഇസ്രാ​യേ​ലി​ന്റെ​യും മുന്നിൽ നിങ്ങൾ കുറ്റമി​ല്ലാ​ത്ത​വ​രാ​യി​രി​ക്കും. 23 പക്ഷേ നിങ്ങൾ ഇപ്പറഞ്ഞ​തു​പോ​ലെ ചെയ്യു​ന്നി​ല്ലെ​ങ്കിൽ നിങ്ങൾ യഹോ​വ​യ്‌ക്കെ​തി​രെ പാപം ചെയ്യു​ക​യാ​യി​രി​ക്കും. നിങ്ങളു​ടെ പാപത്തി​നു നിങ്ങൾ കണക്കു പറയേ​ണ്ടി​വ​രു​മെന്ന്‌ ഓർക്കുക. 24 നിങ്ങളുടെ കുട്ടി​കൾക്കു നഗരങ്ങ​ളും ആട്ടിൻപ​റ്റ​ങ്ങൾക്കു തൊഴു​ത്തു​ക​ളും പണിതു​കൊ​ള്ളൂ;+ പക്ഷേ വാക്കു പറഞ്ഞതു​പോ​ലെ​തന്നെ നിങ്ങൾ ചെയ്യണം.”

25 ഗാദിന്റെ വംശജ​രും രൂബേന്റെ വംശജ​രും മോശ​യോ​ടു പറഞ്ഞു: “യജമാനൻ കല്‌പി​ക്കു​ന്ന​തു​പോ​ലെ​തന്നെ അടിയങ്ങൾ ചെയ്‌തു​കൊ​ള്ളാം. 26 ഞങ്ങളുടെ കുട്ടി​ക​ളും ഭാര്യ​മാ​രും കന്നുകാ​ലി​ക​ളും എല്ലാ വളർത്തു​മൃ​ഗ​ങ്ങ​ളും ഗിലെ​യാ​ദി​ലെ നഗരങ്ങ​ളിൽ കഴിയട്ടെ.+ 27 എന്നാൽ അടിയങ്ങൾ എല്ലാവ​രും ആയുധം ഏന്തി യുദ്ധസജ്ജരായി+ യജമാനൻ കല്‌പി​ച്ച​തു​പോ​ലെ യഹോ​വ​യു​ടെ മുമ്പാകെ അവി​ടേക്കു പൊയ്‌ക്കൊ​ള്ളാം.”

28 അങ്ങനെ മോശ അവരുടെ കാര്യ​ത്തിൽ പുരോ​ഹി​ത​നായ എലെയാ​സ​രി​നും നൂന്റെ മകനായ യോശു​വ​യ്‌ക്കും ഇസ്രാ​യേൽഗോ​ത്ര​ങ്ങ​ളി​ലെ പിതൃ​ഭ​വ​ന​ത്ത​ല​വ​ന്മാർക്കും ഒരു കല്‌പന കൊടു​ത്തു. 29 മോശ അവരോ​ടു പറഞ്ഞു: “ഗാദി​ന്റെ​യും രൂബേ​ന്റെ​യും വംശജ​രിൽ യഹോ​വ​യു​ടെ മുമ്പാകെ ആയുധം ഏന്തി യുദ്ധസ​ജ്ജ​രായ എല്ലാ പുരു​ഷ​ന്മാ​രും നിങ്ങ​ളോ​ടൊ​പ്പം യോർദാൻ കടന്ന്‌ വരും. ദേശം നിങ്ങളു​ടെ മുന്നിൽ കീഴട​ങ്ങി​ക്ക​ഴി​യു​മ്പോൾ നിങ്ങൾ ഗിലെ​യാദ്‌ ദേശം അവർക്ക്‌ അവകാ​ശ​മാ​യി കൊടു​ക്കണം.+ 30 എന്നാൽ അവർ ആയുധം ഏന്തി നിങ്ങ​ളോ​ടൊ​പ്പം അവി​ടേക്കു വരുന്നി​ല്ലെ​ങ്കിൽ അവർ നിങ്ങൾക്കി​ട​യിൽ കനാൻ ദേശത്ത്‌ താമസി​ക്കണം.”

31 അപ്പോൾ ഗാദിന്റെ വംശജ​രും രൂബേന്റെ വംശജ​രും പറഞ്ഞു: “യഹോവ പറഞ്ഞതു​പോ​ലെ​തന്നെ അടിയങ്ങൾ ചെയ്‌തു​കൊ​ള്ളാം. 32 ഞങ്ങൾ ആയുധം ഏന്തി യഹോ​വ​യു​ടെ മുമ്പാകെ കനാൻ ദേശ​ത്തേക്കു വരാം.+ പക്ഷേ ഞങ്ങൾക്ക്‌ അവകാശം കിട്ടു​ന്നതു യോർദാ​ന്റെ ഇങ്ങേ കരയി​ലാ​യി​രി​ക്കും.” 33 അങ്ങനെ മോശ അവർക്ക്‌—ഗാദിന്റെ വംശജർക്കും രൂബേന്റെ വംശജർക്കും+ യോ​സേ​ഫി​ന്റെ മകനായ മനശ്ശെ​യു​ടെ പാതി ഗോത്രത്തിനും+—അമോ​ര്യ​രാ​ജാ​വായ സീഹോ​ന്റെ രാജ്യവും+ ബാശാൻരാ​ജാ​വായ ഓഗിന്റെ രാജ്യവും+ ആ ദേശങ്ങ​ളി​ലെ നഗരങ്ങ​ളും ചുറ്റു​മുള്ള പ്രദേ​ശ​ങ്ങ​ളും കൊടു​ത്തു.

34 അങ്ങനെ ഗാദിന്റെ വംശജർ ദീബോൻ,+ അതാ​രോത്ത്‌,+ അരോ​വേർ,+ 35 അത്രോത്ത്‌-ശോഫാൻ, യസേർ,+ യൊഗ്‌ബെഹ,+ 36 ബേത്ത്‌-നിമ്ര,+ ബേത്ത്‌-ഹാരാൻ+ എന്നീ നഗരങ്ങൾ കോട്ട​കെട്ടി പണിതു.* അവർ ആട്ടിൻപ​റ്റ​ങ്ങൾക്കു കൽത്തൊ​ഴു​ത്തു​ക​ളും ഉണ്ടാക്കി. 37 രൂബേന്റെ വംശജർ ഹെശ്‌ബോൻ,+ എലെയാ​ലെ,+ കിര്യ​ത്ത​യീം,+ 38 നെബോ,+ ബാൽ-മേയോൻ+ എന്നിവ​യും (അവയുടെ പേരു​കൾക്ക്‌ മാറ്റം വരുത്തി.) സിബ്‌മ​യും പണിതു. പുതു​ക്കി​പ്പ​ണിത നഗരങ്ങൾക്ക്‌ അവർ പുതിയ പേരുകൾ നൽകി.

39 മനശ്ശെയുടെ മകനായ മാഖീ​രി​ന്റെ വംശജർ+ ഗിലെ​യാ​ദിന്‌ എതിരെ ചെന്ന്‌ അതു പിടി​ച്ച​ടക്കി, അവി​ടെ​യു​ണ്ടാ​യി​രുന്ന അമോ​ര്യ​രെ തുരത്തി​യോ​ടി​ച്ചു. 40 അതുകൊണ്ട്‌ മോശ മനശ്ശെ​യു​ടെ മകനായ മാഖീ​രി​നു ഗിലെ​യാദ്‌ കൊടു​ത്തു, മാഖീർ അവിടെ താമസം​തു​ടങ്ങി.+ 41 മനശ്ശെയുടെ മകനായ യായീർ അവി​ടേക്കു ചെന്ന്‌ ആ പ്രദേ​ശ​ങ്ങ​ളി​ലെ ഗ്രാമങ്ങൾ പിടി​ച്ച​ടക്കി, അവയെ ഹവ്വോത്ത്‌-യായീർ*+ എന്നു വിളിച്ചു. 42 നോബഹ്‌ കെനാ​ത്തിന്‌ എതിരെ ചെന്ന്‌ അതും അതിന്റെ ആശ്രിതപട്ടണങ്ങളും* പിടി​ച്ച​ടക്കി. എന്നിട്ട്‌ അതിനു തന്റെ പേരിട്ട്‌ നോബഹ്‌ എന്നു വിളിച്ചു.

33 മോശ​യു​ടെ​യും അഹരോ​ന്റെ​യും നേതൃത്വത്തിൽ+ ഗണമനുസരിച്ച്‌*+ ഈജി​പ്‌ത്‌ ദേശത്തു​നിന്ന്‌ പുറ​പ്പെ​ട്ടു​പോന്ന ഇസ്രാ​യേൽ ജനം+ പിന്നിട്ട സ്ഥലങ്ങൾ ഇവയാ​യി​രു​ന്നു. 2 യഹോവയുടെ ആജ്ഞപ്ര​കാ​രം അവരുടെ യാത്ര​യിൽ അവർ പിന്നിട്ട സ്ഥലങ്ങൾ ഓരോ​ന്നാ​യി മോശ രേഖ​പ്പെ​ടു​ത്തി​ക്കൊ​ണ്ടി​രു​ന്നു. ഒരു സ്ഥലത്തു​നിന്ന്‌ മറ്റൊരു സ്ഥലത്തേ​ക്കുള്ള അവരുടെ യാത്ര ഇങ്ങനെ​യാ​യി​രു​ന്നു:+ 3 ഒന്നാം മാസം 15-ാം ദിവസം+ അവർ രമെസേസിൽനിന്ന്‌+ യാത്ര തിരിച്ചു. അന്നേ ദിവസം പെസഹ​യ്‌ക്കു ശേഷം+ ഈജി​പ്‌തു​കാ​രെ​ല്ലാം കാൺകെ ഇസ്രാ​യേ​ല്യർ ധൈര്യപൂർവം* പുറ​പ്പെ​ട്ടു​പോ​ന്നു. 4 യഹോവ ഈജി​പ്‌തു​കാ​രു​ടെ ദൈവ​ങ്ങ​ളു​ടെ മേൽ ന്യായ​വി​ധി നടത്തി​യ​തി​നാൽ,+ ആ സമയത്ത്‌ ഈജി​പ്‌തു​കാർ യഹോവ സംഹരിച്ച കടിഞ്ഞൂ​ലു​കളെ മറവ്‌ ചെയ്യു​ക​യാ​യി​രു​ന്നു.+

5 അങ്ങനെ ഇസ്രാ​യേ​ല്യർ രമെ​സേ​സിൽനിന്ന്‌ പുറ​പ്പെട്ട്‌ സുക്കോ​ത്തിൽ പാളയ​മ​ടി​ച്ചു.+ 6 പിന്നെ അവർ സുക്കോ​ത്തിൽനിന്ന്‌ പുറ​പ്പെട്ട്‌ വിജന​ഭൂ​മി​യു​ടെ അറ്റത്തുള്ള ഏഥാമിൽ പാളയ​മ​ടി​ച്ചു.+ 7 തുടർന്ന്‌ അവർ ഏഥാമിൽനി​ന്ന്‌ പുറ​പ്പെട്ട്‌ ബാൽ-സെഫോനു+ മുമ്പി​ലുള്ള പീഹഹി​രോ​ത്തി​ലേക്കു പിൻവാ​ങ്ങി; അവർ മിഗ്‌ദോ​ലി​നു മുന്നിൽ പാളയ​മ​ടി​ച്ചു.+ 8 അതിനു ശേഷം അവർ പീഹഹി​രോ​ത്തിൽനിന്ന്‌ പുറ​പ്പെട്ട്‌ കടലിനു നടുവി​ലൂ​ടെ സഞ്ചരിച്ച്‌+ വിജന​ഭൂ​മി​യിൽ എത്തി.+ ഏഥാം വിജനഭൂമിയിലൂടെ+ മൂന്നു ദിവസത്തെ വഴിദൂ​രം പിന്നിട്ട്‌ അവർ മാറയിൽ പാളയ​മ​ടി​ച്ചു.+

9 പിന്നെ അവർ മാറയിൽനി​ന്ന്‌ പുറ​പ്പെട്ട്‌ ഏലീമിൽ എത്തി. ഏലീമിൽ 12 നീരു​റ​വ​ക​ളും 70 ഈന്തപ്പ​ന​ക​ളും ഉണ്ടായി​രു​ന്നു. അതു​കൊണ്ട്‌ അവർ അവിടെ പാളയ​മ​ടി​ച്ചു.+ 10 തുടർന്ന്‌ അവർ ഏലീമിൽനി​ന്ന്‌ പുറ​പ്പെട്ട്‌ ചെങ്കട​ലിന്‌ അരികെ പാളയ​മ​ടി​ച്ചു. 11 അതിനു ശേഷം അവർ ചെങ്കട​ലിൽനിന്ന്‌ പുറ​പ്പെട്ട്‌ സിൻ വിജന​ഭൂ​മി​യിൽ പാളയ​മ​ടി​ച്ചു.+ 12 പിന്നെ അവർ സിൻ വിജന​ഭൂ​മി​യിൽനിന്ന്‌ പുറ​പ്പെട്ട്‌ ദൊഫ്‌ക്ക​യിൽ പാളയ​മ​ടി​ച്ചു. 13 തുടർന്ന്‌ അവർ ദൊഫ്‌ക്ക​യിൽനിന്ന്‌ പുറ​പ്പെട്ട്‌ ആലൂശിൽ പാളയ​മ​ടി​ച്ചു. 14 പിന്നെ അവർ ആലൂശിൽനി​ന്ന്‌ പുറ​പ്പെട്ട്‌ രഫീദീ​മിൽ പാളയ​മ​ടി​ച്ചു.+ അവിടെ ജനത്തിനു കുടി​ക്കാൻ വെള്ളമി​ല്ലാ​യി​രു​ന്നു. 15 അതിനു ശേഷം അവർ രഫീദീ​മിൽനിന്ന്‌ പുറ​പ്പെട്ട്‌ സീനായ്‌ വിജന​ഭൂ​മി​യിൽ പാളയ​മ​ടി​ച്ചു.+

16 പിന്നെ അവർ സീനായ്‌ വിജന​ഭൂ​മി​യിൽനിന്ന്‌ പുറ​പ്പെട്ട്‌ കി​ബ്രോത്ത്‌-ഹത്താവ​യിൽ പാളയ​മ​ടി​ച്ചു.+ 17 തുടർന്ന്‌ അവർ കി​ബ്രോത്ത്‌-ഹത്താവ​യിൽനിന്ന്‌ പുറ​പ്പെട്ട്‌ ഹസേ​രോ​ത്തിൽ പാളയ​മ​ടി​ച്ചു.+ 18 പിന്നീട്‌ അവർ ഹസേ​രോ​ത്തിൽനിന്ന്‌ പുറ​പ്പെട്ട്‌ രിത്ത്‌മ​യിൽ പാളയ​മ​ടി​ച്ചു. 19 അതിനു ശേഷം അവർ രിത്ത്‌മ​യിൽനിന്ന്‌ പുറ​പ്പെട്ട്‌ രിമ്മോൻ-പേരെ​സിൽ പാളയ​മ​ടി​ച്ചു. 20 പിന്നീട്‌ അവർ രിമ്മോൻ-പേരെ​സിൽനിന്ന്‌ പുറ​പ്പെട്ട്‌ ലിബ്‌ന​യിൽ പാളയ​മ​ടി​ച്ചു. 21 അതിനു ശേഷം അവർ ലിബ്‌ന​യിൽനിന്ന്‌ പുറ​പ്പെട്ട്‌ രിസ്സയിൽ പാളയ​മ​ടി​ച്ചു. 22 പിന്നെ അവർ രിസ്സയിൽനി​ന്ന്‌ പുറ​പ്പെട്ട്‌ കെഹേ​ലാ​ഥ​യിൽ പാളയ​മ​ടി​ച്ചു. 23 അതിനു ശേഷം അവർ കെഹേ​ലാ​ഥ​യിൽനിന്ന്‌ പുറ​പ്പെട്ട്‌ ശാഫേർ പർവത​ത്തിന്‌ അരികെ പാളയ​മ​ടി​ച്ചു.

24 പിന്നെ അവർ ശാഫേർ പർവത​ത്തിന്‌ അരികിൽനി​ന്ന്‌ പുറ​പ്പെട്ട്‌ ഹരാദ​യിൽ പാളയ​മ​ടി​ച്ചു. 25 തുടർന്ന്‌ അവർ ഹരാദ​യിൽനിന്ന്‌ പുറ​പ്പെട്ട്‌ മക്‌ഹേ​ലോ​ത്തിൽ പാളയ​മ​ടി​ച്ചു. 26 പിന്നെ അവർ മക്‌ഹേ​ലോ​ത്തിൽനിന്ന്‌ പുറപ്പെട്ട്‌+ തഹത്തിൽ പാളയ​മ​ടി​ച്ചു. 27 അതിനു ശേഷം അവർ തഹത്തിൽനി​ന്ന്‌ പുറ​പ്പെട്ട്‌ തേരഹിൽ പാളയ​മ​ടി​ച്ചു. 28 പിന്നെ അവർ തേരഹിൽനി​ന്ന്‌ പുറ​പ്പെട്ട്‌ മിത്‌ക​യിൽ പാളയ​മ​ടി​ച്ചു. 29 അതിനു ശേഷം അവർ മിത്‌ക​യിൽനിന്ന്‌ പുറ​പ്പെട്ട്‌ ഹശ്‌മോ​ന​യിൽ പാളയ​മ​ടി​ച്ചു. 30 പിന്നീട്‌ അവർ ഹശ്‌മോ​ന​യിൽനിന്ന്‌ പുറ​പ്പെട്ട്‌ മോ​സേ​രോ​ത്തിൽ പാളയ​മ​ടി​ച്ചു. 31 അതിനു ശേഷം അവർ മോ​സേ​രോ​ത്തിൽനിന്ന്‌ പുറ​പ്പെട്ട്‌ ബനേ-ആക്കാനിൽ പാളയ​മ​ടി​ച്ചു.+ 32 പിന്നെ അവർ ബനേ-ആക്കാനിൽനി​ന്ന്‌ പുറ​പ്പെട്ട്‌ ഹോർ-ഹഗ്ഗിദ്‌ഗാ​ദിൽ പാളയ​മ​ടി​ച്ചു. 33 തുടർന്ന്‌ അവർ ഹോർ-ഹഗ്ഗിദ്‌ഗാ​ദിൽനിന്ന്‌ പുറ​പ്പെട്ട്‌ യൊത്‌ബാ​ഥ​യിൽ പാളയ​മ​ടി​ച്ചു.+ 34 പിന്നീട്‌ അവർ യൊത്‌ബാ​ഥ​യിൽനിന്ന്‌ പുറ​പ്പെട്ട്‌ അബ്രോ​ന​യിൽ പാളയ​മ​ടി​ച്ചു. 35 അതിനു ശേഷം അവർ അബ്രോ​ന​യിൽനിന്ന്‌ പുറ​പ്പെട്ട്‌ എസ്യോൻ-ഗേബരിൽ+ പാളയ​മ​ടി​ച്ചു. 36 പിന്നെ അവർ എസ്യോൻ-ഗേബരിൽനി​ന്ന്‌ പുറ​പ്പെട്ട്‌ സീൻ വിജന​ഭൂ​മി​യിൽ,+ അതായത്‌ കാദേ​ശിൽ, പാളയ​മ​ടി​ച്ചു.

37 തുടർന്ന്‌ അവർ കാദേ​ശിൽനിന്ന്‌ പുറ​പ്പെട്ട്‌ ഏദോം ദേശത്തി​ന്റെ അതിർത്തി​യി​ലുള്ള ഹോർ പർവതത്തിന്‌+ അരികെ പാളയ​മ​ടി​ച്ചു. 38 യഹോവയുടെ ആജ്ഞപ്ര​കാ​രം പുരോ​ഹി​ത​നായ അഹരോൻ ഹോർ പർവത​ത്തി​ലേക്കു കയറി​പ്പോ​യി. ഇസ്രാ​യേ​ല്യർ ഈജി​പ്‌ത്‌ ദേശത്തു​നിന്ന്‌ പുറ​പ്പെ​ട്ടു​പോ​ന്ന​തി​ന്റെ 40-ാം വർഷം അഞ്ചാം മാസം ഒന്നാം ദിവസം അവി​ടെ​വെച്ച്‌ അഹരോൻ മരിച്ചു.+ 39 ഹോർ പർവത​ത്തിൽവെച്ച്‌ മരിക്കു​മ്പോൾ അഹരോ​ന്‌ 123 വയസ്സാ​യി​രു​ന്നു.

40 പിന്നീട്‌, ഇസ്രാ​യേൽ വരു​ന്നെന്നു കനാൻ ദേശത്തെ നെഗെ​ബിൽ താമസി​ച്ചി​രുന്ന, അരാദി​ലെ കനാന്യ​നായ രാജാവ്‌ കേട്ടു.+

41 കുറച്ച്‌ നാളു​കൾക്കു ശേഷം അവർ ഹോർ പർവതത്തിൽനിന്ന്‌+ പുറ​പ്പെട്ട്‌ സൽമോ​ന​യിൽ പാളയ​മ​ടി​ച്ചു. 42 പിന്നെ അവർ സൽമോ​ന​യിൽനിന്ന്‌ പുറ​പ്പെട്ട്‌ പൂനോ​നിൽ പാളയ​മ​ടി​ച്ചു. 43 തുടർന്ന്‌ അവർ പൂനോ​നിൽനിന്ന്‌ പുറ​പ്പെട്ട്‌ ഓബോ​ത്തിൽ പാളയ​മ​ടി​ച്ചു.+ 44 പിന്നീട്‌ അവർ ഓബോ​ത്തിൽനിന്ന്‌ പുറ​പ്പെട്ട്‌ മോവാ​ബി​ന്റെ അതിർത്തി​യി​ലുള്ള ഈയേ-അബാരീ​മിൽ പാളയ​മ​ടി​ച്ചു.+ 45 അതിനു ശേഷം അവർ ഈയീ​മിൽനിന്ന്‌ പുറ​പ്പെട്ട്‌ ദീബോൻ-ഗാദിൽ+ പാളയ​മ​ടി​ച്ചു. 46 പിന്നെ അവർ ദീബോൻ-ഗാദിൽനി​ന്ന്‌ പുറ​പ്പെട്ട്‌ അൽമോൻ-ദിബ്ലാ​ഥ​യീ​മിൽ പാളയ​മ​ടി​ച്ചു. 47 തുടർന്ന്‌ അവർ അൽമോൻ-ദിബ്ലാ​ഥ​യീ​മിൽനിന്ന്‌ പുറ​പ്പെട്ട്‌ നെബോയ്‌ക്കു+ മുമ്പി​ലുള്ള അബാരീം മലനിരകളിൽ+ പാളയ​മ​ടി​ച്ചു. 48 ഒടുവിൽ അവർ അബാരീം മലനി​ര​ക​ളിൽനിന്ന്‌ പുറ​പ്പെട്ട്‌ യരീ​ഹൊ​യ്‌ക്കു സമീപം യോർദാ​ന്‌ അരി​കെ​യുള്ള മോവാ​ബ്‌ മരു​പ്ര​ദേ​ശത്ത്‌ പാളയ​മ​ടി​ച്ചു.+ 49 അവർ യോർദാ​ന്‌ അരികെ മോവാ​ബ്‌ മരു​പ്ര​ദേ​ശത്ത്‌ ബേത്ത്‌-യശീ​മോത്ത്‌ മുതൽ ആബേൽ-ശിത്തീം+ വരെയുള്ള സ്ഥലത്ത്‌ പാളയ​മ​ടിച്ച്‌ താമസി​ച്ചു.

50 യരീഹൊയ്‌ക്കു സമീപം യോർദാ​ന്‌ അരി​കെ​യുള്ള മോവാ​ബ്‌ മരു​പ്ര​ദേ​ശ​ത്തു​വെച്ച്‌ യഹോവ മോശ​യോ​ടു സംസാ​രി​ച്ചു. ദൈവം പറഞ്ഞു: 51 “ഇസ്രാ​യേ​ല്യ​രോട്‌ ഇങ്ങനെ പറയുക: ‘നിങ്ങൾ ഇതാ, യോർദാൻ കടന്ന്‌ കനാൻ ദേശ​ത്തേക്കു പോകു​ന്നു.+ 52 ആ ദേശത്തു​ള്ള​വ​രെ​യെ​ല്ലാം നിങ്ങൾ നിങ്ങളു​ടെ മുന്നിൽനി​ന്ന്‌ ഓടി​ച്ചു​ക​ള​യണം. അവർ കല്ലിൽ കൊത്തി​യെ​ടുത്ത എല്ലാ രൂപങ്ങളും+ എല്ലാ ലോഹവിഗ്രഹങ്ങളും*+ നിങ്ങൾ നശിപ്പി​ച്ചു​ക​ള​യണം. അവരുടെ ആരാധനാസ്ഥലങ്ങളും* നിങ്ങൾ തകർത്ത്‌ തരിപ്പ​ണ​മാ​ക്കണം.+ 53 ഞാൻ ഉറപ്പാ​യും ആ ദേശം നിങ്ങൾക്കൊ​രു അവകാ​ശ​മാ​യി തരും; നിങ്ങൾ അതു കൈവ​ശ​മാ​ക്കി അവിടെ താമസി​ക്കും.+ 54 നിങ്ങൾ ദേശം നറുക്കിട്ട്‌+ വിഭാ​ഗിച്ച്‌ നിങ്ങൾക്കി​ട​യി​ലുള്ള കുടും​ബ​ങ്ങൾക്ക്‌ അവകാ​ശ​മാ​യി കൊടു​ക്കണം. വലിയ കൂട്ടത്തി​നു കൂടുതൽ അവകാ​ശ​വും ചെറിയ കൂട്ടത്തി​നു കുറച്ച്‌ അവകാ​ശ​വും കൊടു​ക്കണം.+ നറുക്കു വീഴു​ന്നി​ട​ത്താ​യി​രി​ക്കും ഓരോ​രു​ത്ത​രു​ടെ​യും അവകാശം. പിതൃ​ഗോ​ത്ര​മ​നു​സ​രിച്ച്‌ നിങ്ങൾക്കു നിങ്ങളു​ടെ ഓഹരി അവകാ​ശ​മാ​യി ലഭിക്കും.+

55 “‘എന്നാൽ ആ ദേശത്തു​ള്ള​വരെ നിങ്ങൾ നിങ്ങളു​ടെ മുന്നിൽനി​ന്ന്‌ ഓടി​ച്ചു​ക​ള​യു​ന്നി​ല്ലെ​ങ്കിൽ,+ നിങ്ങൾ ദേശത്ത്‌ അവശേ​ഷി​പ്പി​ച്ചവർ നിങ്ങളു​ടെ കണ്ണിൽ കരടും നിങ്ങളു​ടെ വശങ്ങളിൽ മുള്ളു​ക​ളും ആയിത്തീ​രും. നിങ്ങൾ താമസി​ക്കുന്ന ദേശത്ത്‌ അവർ നിങ്ങളെ ദ്രോ​ഹി​ക്കും.+ 56 ഞാൻ അവരോ​ടു ചെയ്യണ​മെന്നു വിചാ​രി​ച്ചതു നിങ്ങ​ളോ​ടു ചെയ്യും.’”+

34 പിന്നെ യഹോവ മോശ​യോ​ടു പറഞ്ഞു: 2 “ഇസ്രാ​യേ​ല്യർക്ക്‌ ഈ നിർദേശം നൽകുക: ‘നിങ്ങൾ കനാൻ ദേശത്ത്‌+ പ്രവേ​ശി​ക്കു​മ്പോൾ നിങ്ങൾക്ക്‌ അവകാ​ശ​മാ​യി ലഭിക്കുന്ന ദേശത്തി​ന്റെ അതിരു​കൾ ഇതായി​രി​ക്കും.+

3 “‘നിങ്ങളു​ടെ തെക്കേ അതിർ ഏദോ​മിന്‌ അടുത്തുള്ള സീൻ വിജന​ഭൂ​മി​യാ​യി​രി​ക്കും. ഈ തെക്കേ അതിരി​ന്റെ കിഴക്കു​ഭാ​ഗം ഉപ്പുകടലിന്റെ*+ അറ്റത്തു​നിന്ന്‌ തുടങ്ങി, 4 ദിശ മാറി അക്രബ്ബീംകയറ്റത്തിന്റെ+ തെക്കു​ഭാ​ഗ​ത്തു​കൂ​ടി സീനി​ലേക്കു ചെന്ന്‌ കാദേശ്‌-ബർന്നേയയുടെ+ തെക്കു​ഭാ​ഗത്ത്‌ അവസാ​നി​ക്കും. പിന്നെ അതു ഹസർ-അദ്ദാർ+ വരെ ചെന്ന്‌ അസ്‌മോൻ വരെ എത്തും. 5 അസ്‌മോനിൽനിന്ന്‌ തിരിഞ്ഞ്‌ അത്‌ ഈജി​പ്‌ത്‌ നീർച്ചാലിലൂടെ* പോയി കടലിൽ* ചെന്ന്‌ അവസാ​നി​ക്കും.+

6 “‘നിങ്ങളു​ടെ പടിഞ്ഞാ​റേ അതിർ മഹാസമുദ്രവും* അതിന്റെ തീര​ദേ​ശ​വും ആയിരി​ക്കും. അതായി​രി​ക്കും നിങ്ങളു​ടെ പടിഞ്ഞാ​റേ അതിർ.+

7 “‘നിങ്ങളു​ടെ വടക്കേ അതിർ ഇതായി​രി​ക്കും: മഹാസ​മു​ദ്രം മുതൽ ഹോർ പർവതം വരെ നിങ്ങൾ അത്‌ അടയാ​ള​പ്പെ​ടു​ത്തണം. 8 പിന്നെ ഹോർ പർവത​ത്തിൽനിന്ന്‌ ലബോ-ഹമാത്ത്‌*+ വരെ നിങ്ങൾ അതിർ അടയാ​ള​പ്പെ​ടു​ത്തണം. അതിരി​ന്റെ അങ്ങേയറ്റം സെദാ​ദാ​യി​രി​ക്കും.+ 9 അവിടെനിന്ന്‌ അത്‌ സി​ഫ്രോ​നോ​ളം ചെല്ലും. അതു ഹസർ-ഏനാനിൽ+ ചെന്ന്‌ അവസാ​നി​ക്കും. ഇതായി​രി​ക്കും നിങ്ങളു​ടെ വടക്കേ അതിർ.

10 “‘നിങ്ങളു​ടെ കിഴക്കേ അതിർ ഹസർ-ഏനാൻ മുതൽ ശെഫാം വരെ അടയാ​ള​പ്പെ​ടു​ത്തണം. 11 പിന്നെ അതു ശെഫാ​മിൽനിന്ന്‌ നീണ്ട്‌ അയീന്റെ കിഴക്കുള്ള രിബ്ലയിൽ എത്തും. തുടർന്ന്‌ അതു താഴേക്കു ചെന്ന്‌ കിന്നേ​രെത്ത്‌ കടലിന്റെ*+ കിഴക്കേ ചെരി​വി​ലൂ​ടെ കടന്നു​പോ​കും. 12 പിന്നെ അതു യോർദാ​നി​ലൂ​ടെ പോയി ഉപ്പുകടലിൽ+ ചെന്ന്‌ അവസാ​നി​ക്കും. ഇതായി​രി​ക്കും നിങ്ങളു​ടെ ദേശവും+ അതിന്റെ അതിർത്തി​ക​ളും.’”

13 അങ്ങനെ മോശ ഇസ്രാ​യേ​ല്യർക്ക്‌ ഈ നിർദേശം നൽകി: “യഹോവ കല്‌പി​ച്ച​തു​പോ​ലെ നിങ്ങൾ ഈ ദേശം ഒൻപതര ഗോ​ത്ര​ങ്ങൾക്കു നറുക്കി​ട്ട്‌ അവകാ​ശ​മാ​യി വിഭാ​ഗി​ക്കണം.+ 14 കാരണം, പിതൃ​ഭ​വ​ന​മ​നു​സ​രിച്ച്‌ രൂബേ​ന്യ​രു​ടെ​യും ഗാദ്യ​രു​ടെ​യും ഗോ​ത്ര​ങ്ങ​ളും മനശ്ശെ​യു​ടെ പാതി ഗോ​ത്ര​വും അവകാശം കൈപ്പ​റ്റി​യി​രി​ക്കു​ന്നു.+ 15 ആ രണ്ടര ഗോ​ത്ര​ങ്ങൾക്കു തങ്ങളുടെ അവകാശം യരീ​ഹൊ​യ്‌ക്ക​ടു​ത്തുള്ള യോർദാൻ പ്രദേ​ശ​ത്തി​ന്റെ കിഴക്ക്‌ സൂര്യോ​ദ​യ​ത്തി​നു നേരെ ലഭിച്ച​ല്ലോ.”+

16 യഹോവ പിന്നെ മോശ​യോ​ടു പറഞ്ഞു: 17 “നിങ്ങൾ ദേശം കൈവ​ശ​മാ​ക്കാ​നാ​യി അവ നിങ്ങൾക്കു ഭാഗി​ച്ചു​ത​രേണ്ട പുരു​ഷ​ന്മാ​രു​ടെ പേരുകൾ ഇതാണ്‌: പുരോ​ഹി​ത​നായ എലെയാ​സർ,+ നൂന്റെ മകനായ യോശുവ.+ 18 കൂടാതെ, ദേശം നിങ്ങളു​ടെ അവകാ​ശ​മാ​യി വിഭാ​ഗി​ക്കാൻ ഓരോ ഗോ​ത്ര​ത്തിൽനി​ന്നും നിങ്ങൾ ഒരു തലവനെ തിര​ഞ്ഞെ​ടു​ക്കണം.+ 19 അവരുടെ പേരുകൾ ഇതാണ്‌: യഹൂദ ഗോത്രത്തിൽനിന്ന്‌+ യഫുന്ന​യു​ടെ മകൻ കാലേബ്‌;+ 20 ശിമെയോന്റെ വംശജ​രു​ടെ ഗോത്രത്തിൽനിന്ന്‌+ അമ്മീഹൂ​ദി​ന്റെ മകൻ ശെമൂ​വേൽ; 21 ബന്യാമീൻ ഗോത്രത്തിൽനിന്ന്‌+ കിസ്ലോ​ന്റെ മകൻ എലീദാ​ദ്‌; 22 ദാന്റെ വംശജ​രു​ടെ ഗോത്രത്തിൽനിന്ന്‌+ തലവനാ​യി യൊഗ്ലി​യു​ടെ മകൻ ബുക്കി; 23 യോസേഫിന്റെ ആൺമക്കളിൽ+ മനശ്ശെ​യു​ടെ വംശജ​രു​ടെ ഗോത്രത്തിൽനിന്നുള്ള+ തലവൻ എഫോ​ദി​ന്റെ മകൻ ഹന്നീയേൽ; 24 എഫ്രയീമിന്റെ വംശജ​രു​ടെ ഗോത്രത്തിൽനിന്നുള്ള+ തലവൻ ശിഫ്‌താ​ന്റെ മകൻ കെമൂ​വേൽ; 25 സെബുലൂന്റെ വംശജ​രു​ടെ ഗോത്രത്തിൽനിന്നുള്ള+ തലവൻ പർനാ​ക്കി​ന്റെ മകൻ എലീസാ​ഫാൻ; 26 യിസ്സാഖാരിന്റെ വംശജ​രു​ടെ ഗോത്രത്തിൽനിന്നുള്ള+ തലവൻ അസ്സാന്റെ മകൻ പൽത്തി​യേൽ; 27 ആശേരിന്റെ വംശജ​രു​ടെ ഗോത്രത്തിൽനിന്നുള്ള+ തലവൻ ശെലോ​മി​യു​ടെ മകൻ അഹിഹൂ​ദ്‌; 28 നഫ്‌താലിയുടെ വംശജ​രു​ടെ ഗോത്രത്തിൽനിന്നുള്ള+ തലവൻ അമ്മീഹൂ​ദി​ന്റെ മകൻ പെദഹേൽ.” 29 ഇവരോടാണ്‌ ഇസ്രാ​യേ​ല്യർക്കു കനാൻ ദേശം വിഭാ​ഗി​ച്ചു​കൊ​ടു​ക്കാൻ യഹോവ കല്‌പി​ച്ചത്‌.+

35 യരീ​ഹൊ​യ്‌ക്കു സമീപം യോർദാ​ന്‌ അരി​കെ​യുള്ള മോവാ​ബ്‌ മരുപ്രദേശത്തുവെച്ച്‌+ യഹോവ മോശ​യോട്‌ ഇങ്ങനെ പറഞ്ഞു: 2 “ഇസ്രാ​യേ​ല്യ​രോ​ടു തങ്ങൾക്കു കിട്ടുന്ന അവകാ​ശ​ത്തിൽനിന്ന്‌ ലേവ്യർക്കു താമസി​ക്കാൻ നഗരങ്ങളും+ ആ നഗരങ്ങൾക്കു ചുറ്റു​മുള്ള മേച്ചിൽപ്പു​റ​ങ്ങ​ളും കൊടു​ക്കാൻ കല്‌പി​ക്കുക.+ 3 ലേവ്യർ ആ നഗരങ്ങ​ളിൽ താമസി​ക്കും. മേച്ചിൽപ്പു​റങ്ങൾ അവരുടെ കന്നുകാ​ലി​കൾക്കും അവരുടെ സാധന​സാ​മ​ഗ്രി​കൾക്കും അവരുടെ മറ്റെല്ലാ മൃഗങ്ങൾക്കും വേണ്ടി​യാ​യി​രി​ക്കും. 4 നിങ്ങൾ ലേവ്യർക്കു കൊടു​ക്കുന്ന ഓരോ നഗരത്തി​ന്റെ​യും മേച്ചിൽപ്പു​റങ്ങൾ അതതു നഗരത്തി​ന്റെ ചുറ്റു​മ​തി​ലിൽനിന്ന്‌ പുറ​ത്തേക്ക്‌ 1,000 മുഴമാ​യി​രി​ക്കണം.* 5 നഗരം നടുവിൽ വരുന്ന വിധത്തിൽ നിങ്ങൾ നഗരത്തി​നു വെളി​യിൽ കിഴക്കു​ഭാ​ഗത്ത്‌ 2,000 മുഴവും തെക്കു​ഭാ​ഗത്ത്‌ 2,000 മുഴവും പടിഞ്ഞാ​റു​ഭാ​ഗത്ത്‌ 2,000 മുഴവും വടക്കു​ഭാ​ഗത്ത്‌ 2,000 മുഴവും അളന്ന്‌ വേർതി​രി​ക്കണം. ഇവയാ​യി​രി​ക്കും അവരുടെ നഗരങ്ങ​ളു​ടെ മേച്ചിൽപ്പു​റങ്ങൾ.

6 “നിങ്ങൾ ലേവ്യർക്കു കൊടു​ക്കുന്ന നഗരങ്ങ​ളിൽ ആറെണ്ണം കൊല​യാ​ളി​കൾക്ക്‌ ഓടിരക്ഷപ്പെടാനുള്ള+ അഭയന​ഗ​ര​ങ്ങ​ളാ​യി​രി​ക്കും.+ ഇവയ്‌ക്കു പുറമേ 42 നഗരങ്ങൾകൂ​ടി ലേവ്യർക്കു കൊടു​ക്കണം. 7 അങ്ങനെ ആകെ 48 നഗരങ്ങ​ളും അവയുടെ മേച്ചിൽപ്പു​റ​ങ്ങ​ളും നിങ്ങൾ അവർക്കു നൽകണം.+ 8 ഇസ്രായേല്യരുടെ ഓഹരി​യിൽനി​ന്നാ​ണു നിങ്ങൾ അവർക്കു നഗരങ്ങൾ കൊടു​ക്കേ​ണ്ടത്‌.+ വലിയ കൂട്ടങ്ങ​ളിൽനിന്ന്‌ അധിക​വും ചെറിയ കൂട്ടങ്ങ​ളിൽനിന്ന്‌ കുറച്ചും എടുക്കണം.+ എല്ലാ കൂട്ടങ്ങ​ളും തങ്ങൾക്കു കിട്ടുന്ന അവകാ​ശ​ത്തിന്‌ ആനുപാ​തി​ക​മാ​യി തങ്ങളുടെ നഗരങ്ങ​ളിൽ ചിലതു ലേവ്യർക്കു കൊടു​ക്കണം.”

9 യഹോവ മോശ​യോ​ടു തുടർന്നു​പ​റഞ്ഞു: 10 “ഇസ്രാ​യേ​ല്യ​രോട്‌ ഇങ്ങനെ പറയുക: ‘നിങ്ങൾ ഇതാ, യോർദാൻ കടന്ന്‌ കനാൻ ദേശ​ത്തേക്കു പോകു​ന്നു.+ 11 നിങ്ങൾക്ക്‌ എളുപ്പം ചെന്നെ​ത്താൻ കഴിയുന്ന നഗരങ്ങ​ളാണ്‌ അഭയന​ഗ​ര​ങ്ങ​ളാ​യി തിര​ഞ്ഞെ​ടു​ക്കേ​ണ്ടത്‌. ഒരാൾ അബദ്ധത്തിൽ ആരെ​യെ​ങ്കി​ലും കൊന്നാൽ അവി​ടേക്ക്‌ ഓടി​പ്പോ​കണം.+ 12 സമൂഹത്തിനു മുമ്പാകെ വിചാരണ ചെയ്യ​പ്പെ​ടു​ന്ന​തി​നു മുമ്പ്‌ കൊല​യാ​ളി​കൾ മരിക്കാതിരിക്കാൻ+ ആ നഗരങ്ങൾ രക്തത്തിനു പകരം ചോദി​ക്കു​ന്ന​വ​നിൽനിന്ന്‌ അവർക്ക്‌ അഭയം നൽകും.+ 13 നിങ്ങൾ നൽകുന്ന ആറ്‌ അഭയന​ഗ​രങ്ങൾ ഈ ലക്ഷ്യം സാധി​ക്കും. 14 യോർദാന്റെ ഈ വശത്ത്‌ മൂന്നു നഗരങ്ങളും+ കനാൻ ദേശത്ത്‌ മൂന്നു നഗരങ്ങളും+ നിങ്ങൾ അഭയന​ഗ​ര​ങ്ങ​ളാ​യി കൊടു​ക്കണം. 15 ഇസ്രായേല്യരോ അവർക്കി​ട​യി​ലെ കുടി​യേ​റ്റ​ക്കാ​രോ ദേശത്ത്‌ വന്നുതാ​മ​സി​ക്കുന്ന വിദേശികളോ+ അബദ്ധത്തിൽ ആരെ​യെ​ങ്കി​ലും കൊന്നാൽ, ഓടി​ര​ക്ഷ​പ്പെ​ടാ​നുള്ള അഭയസ്ഥാ​ന​മാ​യി​രി​ക്കും ഈ ആറു നഗരങ്ങൾ.+

16 “‘എന്നാൽ ഒരാൾ മറ്റൊ​രാ​ളെ ഒരു ഇരുമ്പു​പ​ക​ര​ണം​കൊണ്ട്‌ അടിച്ചി​ട്ട്‌ അയാൾ മരിച്ചാൽ അയാളെ അടിച്ചവൻ ഒരു കൊല​പാ​ത​കി​യാണ്‌; ആ കൊല​പാ​ത​കി​യെ കൊന്നു​ക​ള​യണം.+ 17 ഒരാൾ മറ്റൊ​രാ​ളെ ഒരു കല്ലു​കൊണ്ട്‌ ഇടിച്ചി​ട്ട്‌ അയാൾ മരിച്ചാൽ അതു ചെയ്‌തവൻ ഒരു കൊല​പാ​ത​കി​യാണ്‌; ആ കൊല​പാ​ത​കി​യെ കൊന്നു​ക​ള​യണം. 18 ഇനി, ഒരാൾ മറ്റൊ​രാ​ളെ തടി​കൊ​ണ്ടുള്ള ഒരു ഉപകരണം ഉപയോ​ഗിച്ച്‌ അടിച്ചി​ട്ട്‌ അയാൾ മരിച്ചാ​ലും അതു ചെയ്‌തവൻ ഒരു കൊല​പാ​ത​കി​യാണ്‌; ആ കൊല​പാ​ത​കി​യെ കൊന്നു​ക​ള​യണം.

19 “‘രക്തത്തിനു പകരം ചോദി​ക്കാൻ ബാധ്യ​സ്ഥ​നാ​യ​വ​നാ​ണു കൊല​പാ​ത​കി​യെ കൊ​ല്ലേ​ണ്ടത്‌. കൊല​പാ​ത​കി​യെ കാണു​മ്പോൾ അയാൾത്തന്നെ അവനെ കൊല്ലണം. 20 വിദ്വേഷംമൂലം ഒരാൾ മറ്റൊ​രാ​ളെ തള്ളുക​യോ ദ്രോഹചിന്തയോടെ* അവനു നേരെ എന്തെങ്കി​ലും എടു​ത്തെ​റി​യു​ക​യോ ചെയ്‌തി​ട്ട്‌ അവൻ മരിച്ചു​പോ​യാൽ,+ 21 അല്ലെങ്കിൽ വിദ്വേ​ഷം​മൂ​ലം അയാൾ മറ്റൊ​രാ​ളെ കൈ​കൊണ്ട്‌ അടിച്ചി​ട്ട്‌ അവൻ മരിച്ചു​പോ​യാൽ, അയാളെ ഉറപ്പാ​യും കൊന്നു​ക​ള​യണം; അയാൾ ഒരു കൊല​പാ​ത​കി​യാണ്‌. അയാളെ കാണു​മ്പോൾ, രക്തത്തിനു പകരം ചോദി​ക്കു​ന്നവൻ അയാളെ കൊന്നു​ക​ള​യണം.

22 “‘എന്നാൽ വിദ്വേ​ഷ​മൊ​ന്നും കൂടാതെ അവിചാ​രി​ത​മാ​യി ഒരാൾ മറ്റൊ​രാ​ളെ തള്ളുക​യോ ദ്രോ​ഹ​ചി​ന്ത​യൊ​ന്നും കൂടാതെ* അവനു നേരെ എന്തെങ്കി​ലും എറിയു​ക​യോ ചെയ്‌തി​ട്ട്‌ അവൻ മരിച്ചു​പോ​യാൽ,+ 23 അല്ലെങ്കിൽ അയാൾ എറിഞ്ഞ കല്ല്‌ അബദ്ധത്തിൽ അവന്റെ ദേഹത്ത്‌ കൊണ്ടി​ട്ട്‌ അവൻ മരിച്ചു​പോ​യാൽ, അയാൾ അവന്റെ ശത്രു​വോ അവനെ ദ്രോ​ഹി​ക്കാൻ അവസരം നോക്കി നടക്കു​ന്ന​വ​നോ അല്ലെങ്കിൽ, 24 സമൂഹം ഈ ന്യായ​ത്തീർപ്പു​കൾക്കു ചേർച്ച​യിൽ കൊല​യാ​ളി​യു​ടെ​യും രക്തത്തിനു പകരം ചോദി​ക്കു​ന്ന​വ​ന്റെ​യും മധ്യേ ന്യായം വിധി​ക്കണം.+ 25 പകരം ചോദി​ക്കു​ന്ന​വന്റെ കൈയിൽനി​ന്ന്‌ സമൂഹം അയാളെ മോചി​പ്പിച്ച്‌ അയാൾ ഓടി​ച്ചെന്ന ആ അഭയന​ഗ​ര​ത്തി​ലേക്കു തിരി​ച്ച​യ​യ്‌ക്കണം. വിശു​ദ്ധ​തൈ​ല​ത്താൽ അഭിഷി​ക്ത​നായ മഹാപു​രോ​ഹി​തന്റെ മരണം​വരെ അയാൾ അവിടെ താമസി​ക്കണം.+

26 “‘എന്നാൽ കൊല​യാ​ളി താൻ ഓടി​പ്പോയ അഭയന​ഗ​ര​ത്തി​ന്റെ അതിർത്തി​ക്കു പുറത്ത്‌ പോകു​ക​യും 27 രക്തത്തിനു പകരം ചോദി​ക്കു​ന്നവൻ അയാളെ അയാളു​ടെ അഭയന​ഗ​ര​ത്തി​ന്റെ അതിർത്തി​ക്കു വെളി​യിൽവെച്ച്‌ കണ്ടിട്ട്‌ കൊന്നു​ക​ള​യു​ക​യും ചെയ്‌താൽ അവന്റെ മേൽ രക്തം ചൊരി​ഞ്ഞ​തി​ന്റെ കുറ്റമില്ല. 28 കാരണം മഹാപു​രോ​ഹി​തന്റെ മരണം​വരെ കൊല​യാ​ളി അഭയന​ഗ​ര​ത്തിൽ പാർക്കേ​ണ്ട​താ​യി​രു​ന്നു. എന്നാൽ മഹാപു​രോ​ഹി​തന്റെ മരണ​ശേഷം അയാൾക്കു സ്വന്തം സ്ഥലത്തേക്കു മടങ്ങി​പ്പോ​കാ​വു​ന്ന​താണ്‌.+ 29 ന്യായവിധി നടത്തു​മ്പോൾ തലമു​റ​ക​ളോ​ളം നിങ്ങളു​ടെ എല്ലാ താമസ​സ്ഥ​ല​ങ്ങ​ളി​ലും നിങ്ങൾ പിൻപ​റ്റേണ്ട നിയമ​ങ്ങ​ളാണ്‌ ഇവ.

30 “‘ആരെങ്കി​ലും ഒരാളെ കൊന്നാൽ സാക്ഷി​ക​ളു​ടെ മൊഴിയുടെ* അടിസ്ഥാനത്തിൽ+ ആ കൊല​പാ​ത​കി​യെ കൊന്നു​ക​ള​യണം.+ എന്നാൽ ഒരേ ഒരു സാക്ഷി​യു​ടെ മൊഴി​യു​ടെ അടിസ്ഥാ​ന​ത്തിൽ ആരെയും കൊല്ല​രുത്‌. 31 മരണയോഗ്യനായ ഒരു കൊല​പാ​ത​കി​യു​ടെ ജീവനു​വേണ്ടി നിങ്ങൾ മോച​ന​വില വാങ്ങരു​ത്‌. അയാളെ കൊന്നു​ക​ള​യണം.+ 32 അതുപോലെ, അഭയന​ഗ​ര​ത്തി​ലേക്ക്‌ ഓടി​പ്പോ​യ​വ​നു​വേ​ണ്ടി​യും നിങ്ങൾ മോച​ന​വില വാങ്ങരു​ത്‌, മഹാപു​രോ​ഹി​തന്റെ മരണത്തി​നു മുമ്പ്‌ തിരികെ വന്ന്‌ സ്വന്തം സ്ഥലത്ത്‌ താമസി​ക്കാൻ അയാളെ അനുവ​ദി​ക്ക​രുത്‌.

33 “‘നിങ്ങൾ താമസി​ക്കുന്ന ദേശം നിങ്ങൾ മലിന​മാ​ക്ക​രുത്‌. രക്തം ദേശത്തെ മലിന​മാ​ക്കു​ന്ന​തി​നാൽ,+ രക്തം ചൊരി​ഞ്ഞ​വന്റെ രക്തത്താ​ല​ല്ലാ​തെ ദേശത്ത്‌ ചൊരിഞ്ഞ രക്തത്തിനു പാപപ​രി​ഹാ​ര​മില്ല.+ 34 ഞാൻ വസിക്കു​ന്ന​തും നിങ്ങൾ താമസി​ക്കു​ന്ന​തും ആയ ദേശം നിങ്ങൾ അശുദ്ധ​മാ​ക്ക​രുത്‌. യഹോവ എന്ന ഞാൻ ഇസ്രാ​യേൽ ജനത്തിന്റെ ഇടയിൽ താമസി​ക്കു​ന്ന​ല്ലോ.’”+

36 യോ​സേ​ഫി​ന്റെ വംശജ​രു​ടെ കുടും​ബ​ങ്ങ​ളിൽപ്പെട്ട, മനശ്ശെ​യു​ടെ മകനായ മാഖീ​രി​ന്റെ മകനായ ഗിലെയാദിന്റെ+ വംശജ​രു​ടെ കുടും​ബ​ത്ത​ല​വ​ന്മാർ മോശ​യു​ടെ​യും ഇസ്രാ​യേ​ല്യ​രു​ടെ കുടും​ബ​ത്ത​ല​വ​ന്മാ​രായ പ്രമാ​ണി​മാ​രു​ടെ​യും അടുത്ത്‌ വന്ന്‌ അവരോ​ടു സംസാ​രി​ച്ചു. 2 അവർ പറഞ്ഞു: “ദേശം നറുക്കി​ട്ട്‌ വിഭാഗിച്ച്‌+ ഇസ്രാ​യേ​ല്യർക്ക്‌ ഒരു അവകാ​ശ​മാ​യി കൊടു​ക്കാൻ യഹോവ ഞങ്ങളുടെ യജമാ​ന​നായ അങ്ങയോ​ടു കല്‌പി​ച്ചി​രു​ന്ന​ല്ലോ. ഞങ്ങളുടെ സഹോ​ദ​ര​നായ സെലോ​ഫ​ഹാ​ദി​ന്റെ അവകാശം അദ്ദേഹ​ത്തി​ന്റെ പെൺമ​ക്കൾക്കു നൽകാ​നും യഹോ​വ​യിൽനിന്ന്‌ യജമാ​നനു കല്‌പന ലഭിച്ചു.+ 3 എന്നാൽ ആ പെൺകു​ട്ടി​കൾ ഇസ്രാ​യേ​ലി​ലെ മറ്റു ഗോ​ത്ര​ങ്ങ​ളി​ലു​ള്ള​വരെ വിവാഹം കഴിച്ചാൽ അവരുടെ അവകാശം ഞങ്ങളുടെ പിതാ​ക്ക​ന്മാ​രു​ടെ അവകാ​ശ​ത്തിൽനിന്ന്‌ നീങ്ങി, അവർ വിവാഹം കഴിച്ച്‌ ചെല്ലുന്ന ഗോ​ത്ര​ത്തി​ന്റെ അവകാ​ശ​ത്തോ​ടു ചേരും. അങ്ങനെ, ഞങ്ങൾക്കു നറുക്കി​ട്ട്‌ കിട്ടിയ അവകാ​ശ​ത്തിൽനിന്ന്‌ അവരുടെ അവകാശം നീങ്ങി​പ്പോ​കും. 4 മാത്രമല്ല, ഇസ്രാ​യേൽ ജനത്തിന്റെ ജൂബിലിവർഷത്തിൽ+ ഈ പെൺകു​ട്ടി​ക​ളു​ടെ അവകാശം, അവർ വിവാഹം കഴിച്ച്‌ ചെല്ലുന്ന ഗോ​ത്ര​ത്തി​ന്റെ അവകാ​ശ​ത്തോ​ടു ചേരും. അങ്ങനെ അവരുടെ അവകാശം ഞങ്ങളുടെ പിതാ​ക്ക​ന്മാ​രു​ടെ ഗോ​ത്ര​ത്തി​ന്റെ അവകാ​ശ​ത്തിൽനിന്ന്‌ നീങ്ങി​പ്പോ​കും.”

5 അപ്പോൾ യഹോ​വ​യു​ടെ ആജ്ഞപ്ര​കാ​രം മോശ ഇസ്രാ​യേ​ല്യ​രോട്‌ ഇങ്ങനെ കല്‌പി​ച്ചു: “യോ​സേ​ഫി​ന്റെ ഗോത്രം പറഞ്ഞതു ശരിയാ​ണ്‌. 6 സെലോഫഹാദിന്റെ പെൺമ​ക്ക​ളെ​ക്കു​റിച്ച്‌ യഹോവ കല്‌പി​ച്ചത്‌ ഇതാണ്‌: ‘ഇഷ്ടമുള്ള ആരെയും അവർക്കു വിവാഹം കഴിക്കാം. പക്ഷേ അത്‌ അവരുടെ അപ്പന്റെ ഗോ​ത്ര​ത്തി​ലെ ഒരു കുടും​ബ​ത്തിൽനി​ന്നാ​യി​രി​ക്ക​ണ​മെന്നു മാത്രം. 7 ഇസ്രായേല്യരുടെ അവകാശം ഒരു ഗോ​ത്ര​ത്തിൽനിന്ന്‌ മറ്റൊ​ന്നി​ലേക്കു കൈമാ​റ​രുത്‌. കാരണം ഇസ്രാ​യേ​ല്യർ തങ്ങളുടെ പൂർവി​ക​രു​ടെ ഗോ​ത്ര​ത്തി​ന്റെ അവകാശം കാത്തു​സൂ​ക്ഷി​ക്കേ​ണ്ട​താണ്‌. 8 ഇസ്രായേൽഗോത്രങ്ങൾക്കിടയിൽ അവകാശം ലഭിക്കുന്ന പെൺമ​ക്ക​ളെ​ല്ലാം അവരുടെ അപ്പന്റെ ഗോ​ത്ര​ത്തി​ലു​ള്ള​വർക്കു ഭാര്യ​മാ​രാ​കണം.+ അങ്ങനെ പൂർവി​ക​രു​ടെ അവകാശം കാത്തു​സൂ​ക്ഷി​ക്കാൻ ഇസ്രാ​യേ​ല്യർക്കു സാധി​ക്കും. 9 അവകാശങ്ങൾ ഒന്നും ഒരു ഗോ​ത്ര​ത്തിൽനിന്ന്‌ മറ്റൊ​ന്നി​ലേക്കു കൈമാ​റ​രുത്‌. കാരണം ഇസ്രാ​യേൽഗോ​ത്രങ്ങൾ തങ്ങളുടെ അവകാശം കാത്തു​സൂ​ക്ഷി​ക്കേ​ണ്ട​താണ്‌.’”

10 യഹോവ മോശ​യോ​ടു കല്‌പി​ച്ച​തു​പോ​ലെ​തന്നെ സെലോ​ഫ​ഹാ​ദി​ന്റെ പെൺമക്കൾ ചെയ്‌തു.+ 11 സെലോഫഹാദിന്റെ പെൺമ​ക്ക​ളായ മഹ്ല, തിർസ, ഹൊഗ്ല, മിൽക്ക, നോഹ+ എന്നിവർ അപ്പന്റെ സഹോ​ദ​ര​ന്മാ​രു​ടെ ആൺമക്കളെ വിവാഹം കഴിച്ചു. 12 തങ്ങളുടെ അവകാശം അപ്പന്റെ കുടും​ബ​ത്തി​ന്റെ ഗോ​ത്ര​ത്തിൽ നിലനിൽക്കാൻവേണ്ടി അവർ യോ​സേ​ഫി​ന്റെ മകനായ മനശ്ശെ​യു​ടെ കുടും​ബ​ങ്ങ​ളിൽനി​ന്നുള്ള പുരു​ഷ​ന്മാർക്കു ഭാര്യ​മാ​രാ​യി.

13 ഇതെല്ലാമാണ്‌ യരീ​ഹൊ​യ്‌ക്കു സമീപം യോർദാ​ന്‌ അരി​കെ​യുള്ള മോവാ​ബ്‌ മരു​പ്ര​ദേ​ശ​ത്തു​വെച്ച്‌ യഹോവ മോശ​യി​ലൂ​ടെ ഇസ്രാ​യേ​ല്യർക്കു കൊടുത്ത കല്‌പ​ന​ക​ളും ന്യായ​ത്തീർപ്പു​ക​ളും.+