ಕೀರ್ತನೆ

1 ಕೆಟ್ಟವನ ಮಾತು ಕೇಳದೆ,

ಪಾಪಿಗಳ ದಾರಿಯಲ್ಲಿ ಹೋಗದೆ,+

ಗೇಲಿ ಮಾಡೋರ ಜೊತೆ ಕೂತುಕೊಳ್ಳದೆ+ ಇರೋನು ಸಂತೋಷವಾಗಿ ಇರ್ತಾನೆ.

 2 ಅವನು ಯೆಹೋವನ ನಿಯಮಗಳನ್ನ ಪಾಲಿಸೋದ್ರಲ್ಲಿ ಖುಷಿಪಡ್ತಾನೆ,+

ಆತನ ನಿಯಮ ಪುಸ್ತಕವನ್ನ ಹಗಲೂರಾತ್ರಿ ಓದಿ ಧ್ಯಾನಿಸ್ತಾನೆ.*+

 3 ಅವನು ನೀರಿನ ಕಾಲುವೆಗಳ ಹತ್ರ ಇರೋ ಮರದ ತರ ಇದ್ದಾನೆ,

ಅಂಥ ಮರ ಸರಿಯಾದ ಸಮಯಕ್ಕೆ ಹಣ್ಣು ಕೊಡುತ್ತೆ,

ಅದರ ಎಲೆ ಯಾವತ್ತೂ ಒಣಗಿ ಹೋಗಲ್ಲ.

 4 ಆದ್ರೆ ದುಷ್ಟರು ಹಾಗಿರಲ್ಲ,

ಅವರು ಗಾಳಿಗೆ ಹಾರಿ ಹೋಗೋ ಹೊಟ್ಟಿನ ತರ ಇದ್ದಾರೆ.

 5 ಹಾಗಾಗಿ ತೀರ್ಪಿನ ದಿನ ಬಂದಾಗ ದುಷ್ಟರಿಗೆ ನಿಲ್ಲಕ್ಕಾಗಲ್ಲ,+

ಪಾಪಿಗಳು ನೀತಿವಂತರ ಗುಂಪಲ್ಲಿ ಇರಕ್ಕಾಗಲ್ಲ.+

 2 ರಾಜರು ಯೆಹೋವನ ಮತ್ತು ಆತನ ಅಭಿಷಿಕ್ತನ* ವಿರುದ್ಧ ನಿಂತಿದ್ದಾರೆ,+

ದೊಡ್ಡ ಅಧಿಕಾರಿಗಳು ಅವರ ವಿರುದ್ಧ ಒಟ್ಟುಸೇರಿದ್ದಾರೆ.*+

 3 “ಹಾಕಿರೋ ಬೇಡಿಗಳನ್ನ ಮುರಿದು ಹಾಕೋಣ,

ಕಟ್ಟಿರೋ ಹಗ್ಗಗಳನ್ನ ಕಿತ್ತು ಬಿಸಾಡೋಣ” ಅಂತ ಹೇಳ್ತಿದ್ದಾರೆ.

 4 ಸ್ವರ್ಗದಲ್ಲಿರೋ ದೇವರು ಅವರನ್ನ ನೋಡಿ ನಗ್ತಾನೆ,

ಯೆಹೋವ ಅವರನ್ನ ಅಣಕಿಸ್ತಾನೆ.

 5 ಆಗ ಆತನು ಅವರ ಜೊತೆ ಕೋಪದಿಂದ ಮಾತಾಡ್ತಾನೆ,

ಅವರನ್ನ ತನ್ನ ರೋಷಾಗ್ನಿಯಿಂದ ಹೆದರಿಸ್ತಾನೆ.

 6 ಆತನು ಅವರಿಗೆ, “ನಾನು ಮಾಡಿರೋ ರಾಜನನ್ನ,+

ನನ್ನ ಪವಿತ್ರ ಬೆಟ್ಟವಾದ ಚೀಯೋನಿನ+ ಮೇಲೆ ಕೂರಿಸಿದ್ದೀನಿ” ಅಂತ ಹೇಳ್ತಾನೆ.

ಆತನು ನನಗೆ ಹೀಗೆ ಹೇಳಿದ್ದಾನೆ: “ನೀನು ನನ್ನ ಮಗ,+

ಇವತ್ತಿಂದ ನಾನು ನಿನ್ನ ಅಪ್ಪ.+

 8 ನನ್ನ ಕೇಳು, ದೇಶಗಳನ್ನ ಆಸ್ತಿಯಾಗಿ ಕೊಡ್ತೀನಿ,

ಇಡೀ ಭೂಮಿಯನ್ನ ನಿನ್ನ ಸೊತ್ತಾಗಿ ಮಾಡ್ತೀನಿ.+

 9 ನೀನು ಅವರನ್ನ ಕಬ್ಬಿಣದ ರಾಜದಂಡದಿಂದ ಚೂರುಚೂರು ಮಾಡ್ತೀಯ,+

ಮಣ್ಣಿನ ಮಡಿಕೆ ಒಡೆಯೋ ತರ ಅವರನ್ನ ಒಡೆದು ಹಾಕ್ತೀಯ.”+

10 ಹಾಗಾಗಿ ರಾಜರೇ, ಚೆನ್ನಾಗಿ ಯೋಚಿಸಿ ನಡ್ಕೊಳ್ಳಿ,

ಭೂಮಿಯ ನ್ಯಾಯಾಧೀಶರೇ, ಎಚ್ಚರಿಕೆನ ಕೇಳಿಸ್ಕೊಳ್ಳಿ.*

11 ಭಯಭಕ್ತಿಯಿಂದ ಯೆಹೋವನ ಸೇವೆಮಾಡಿ,

ಆತನಿಗೆ ತುಂಬ ಗೌರವ ಕೊಡ್ತಾ ಖುಷಿಪಡಿ.

12 ದೇವರ ಮಗನಿಗೆ ಗೌರವಕೊಡಿ,*+ ಇಲ್ಲದಿದ್ರೆ ದೇವರಿಗೆ ಕೋಪ ಬಂದು,

ನೀವು ನಿಮ್ಮ ಪ್ರಾಣ ಕಳ್ಕೊಳ್ತೀರ.+

 3 ಆದ್ರೆ ಯೆಹೋವನೇ ನೀನು ನನ್ನ ಸುತ್ತ ಇರೋ ಗುರಾಣಿ,+

ನಿನ್ನಿಂದಾನೇ ನನಗೆ ಗೌರವ,+ ನಾನು ತಲೆ ಎತ್ತಿ ನಡಿಯೋಕೆ ಕಾರಣ ನೀನೇ.+

ಯೆಹೋವ ನನಗೆ ಯಾವಾಗ್ಲೂ ಸಹಾಯ ಮಾಡೋದ್ರಿಂದ,

ಸುರಕ್ಷಿತವಾಗಿ ಎದ್ದೇಳ್ತೀನಿ.+

 6 ಲಕ್ಷಾಂತರ ಶತ್ರುಗಳು ನನ್ನ ಸುತ್ತ ನಿಂತ್ರೂ,

ನಾನು ಹೆದರಲ್ಲ.+

ನೀನು ನನ್ನ ಶತ್ರುಗಳ ದವಡೆಗೆ ಹೊಡಿತೀಯ,

ಆ ದುಷ್ಟರ ಹಲ್ಲು ಉದುರಿಸ್ತೀಯ.+

 7 ಒಳ್ಳೇ ಬೆಳೆ ಮತ್ತು ದ್ರಾಕ್ಷಾಮದ್ಯ ಸಿಕ್ಕಾಗ ಸಿಗೋ ಖುಷಿಗಿಂತ,

ಎಷ್ಟೋ ಜಾಸ್ತಿ ಖುಷಿನ ನೀನು ನನ್ನ ಮನಸ್ಸಲ್ಲಿ ತುಂಬಿಸಿದ್ದೀಯ.

 8 ನಾನು ನೆಮ್ಮದಿಯಾಗಿ ನಿದ್ದೆ ಮಾಡ್ತೀನಿ,+

ಯಾಕಂದ್ರೆ ಯೆಹೋವನೇ, ನನ್ನನ್ನ ಕಾಪಾಡೋನು ನೀನೊಬ್ಬನೇ.+

 2 ಸಹಾಯ ಕೇಳ್ತಾ ಗೋಳಾಡುವಾಗ ನನಗೆ ಗಮನಕೊಡು,

ಯಾಕಂದ್ರೆ ನನ್ನ ರಾಜನೇ, ನನ್ನ ದೇವರೇ ನಾನು ನಿನಗೇ ಪ್ರಾರ್ಥಿಸ್ತೀನಿ.

 3 ಯೆಹೋವನೇ, ನೀನು ಮುಂಜಾನೆನೇ ನನ್ನ ಧ್ವನಿ ಕೇಳಿಸ್ಕೊಳ್ತೀಯ,+

ನಾನು ಬೆಳಿಗ್ಗೆನೇ ನನ್ನ ಚಿಂತೆನ ನಿನ್ನ ಹತ್ರ ತೋಡ್ಕೊಂಡು+ ನಿನ್ನ ಉತ್ರಕ್ಕಾಗಿ ಕಾಯ್ತೀನಿ.

 5 ಅಹಂಕಾರಿಗಳು ನಿನ್ನ ಮುಂದೆ ನಿಲ್ಲಕ್ಕಾಗಲ್ಲ,

ದುಷ್ಟರನ್ನ ನೀನು ದ್ವೇಷಿಸ್ತೀಯ.+

ಅವರ ನಾಲಿಗೆ ಸವಿಯಾದ ಮಾತನ್ನ ಆಡಿದ್ರೂ,

ಅವರ ಮನಸ್ಸಿನ ತುಂಬ ಹೊಟ್ಟೆಕಿಚ್ಚೇ ಇದೆ.

11 ಆದ್ರೆ ನಿನ್ನಲ್ಲಿ ಆಶ್ರಯ ಪಡಿಯೋರೆಲ್ಲ ಖುಷಿಪಡ್ತಾರೆ,+

ಅವರು ಯಾವಾಗ್ಲೂ ಆನಂದದಿಂದ ಜೈಕಾರ ಹಾಕ್ತಾರೆ.

6 ಯೆಹೋವನೇ, ಕೋಪದಿಂದ ನನ್ನ ಬೈಬೇಡ,

ಸಿಟ್ಟಿಂದ ನನ್ನನ್ನ ತಿದ್ದಬೇಡ.+

 4 ಯೆಹೋವನೇ, ಬಂದು ನನ್ನ ಕಾಪಾಡು,+

ಶಾಶ್ವತ ಪ್ರೀತಿ ತೋರಿಸಿ ನನ್ನನ್ನ ರಕ್ಷಿಸು.+

 6 ಗೋಳಾಡಿ ಗೋಳಾಡಿ ಸುಸ್ತಾಗಿ ಹೋಗಿದ್ದೀನಿ,+

ರಾತ್ರಿಯಿಡೀ ಅತ್ತುಅತ್ತು ಕಣ್ಣೀರಿಂದ ನನ್ನ ಹಾಸಿಗೆ ಒದ್ದೆ ಆಗಿದೆ,*

ಕಣ್ಣೀರಲ್ಲೇ ನನ್ನ ಮಂಚ ಮುಳುಗಿ ಹೋಗಿದೆ.+

 7 ದುಃಖದಿಂದ ನನಗೆ ಕಣ್ಣೇ ಬಿಡಕ್ಕಾಗ್ತಿಲ್ಲ,+

ಕಿರುಕುಳ ಕೊಡೋರಿಂದ ನನ್ನ ದೃಷ್ಟಿ ಮಂಜಾಗಿದೆ.

 3 ಯೆಹೋವನೇ, ನನ್ನ ದೇವರೇ, ಒಂದುವೇಳೆ ತಪ್ಪು ನಂದಾಗಿದ್ರೆ,

ನಾನು ಅನ್ಯಾಯವಾಗಿ ನಡ್ಕೊಂಡಿದ್ರೆ,

 4 ನನಗೆ ಒಳ್ಳೇದನ್ನ ಮಾಡಿದವರಿಗೆ ನಾನು ಕೆಟ್ಟದ್ದನ್ನ ಮಾಡಿದ್ರೆ,+

ಯಾವ ಕಾರಣನೂ ಇಲ್ಲದೆ ನಾನು ನನ್ನ ಶತ್ರುನ ಕೊಳ್ಳೆ ಹೊಡೆದಿದ್ರೆ,*

 5 ನನ್ನ ಶತ್ರುವನ್ನ ತಡಿಬೇಡ,

ಅವನು ನನ್ನನ್ನ ಅಟ್ಟಿಸ್ಕೊಂಡು ಬಂದು ಹಿಡೀಲಿ,

ನನ್ನನ್ನ ನೆಲಕ್ಕೆ ಹಾಕಿ ತುಳೀಲಿ,

ನನ್ನ ಹೆಸ್ರನ್ನ ಮಣ್ಣುಪಾಲು ಮಾಡಲಿ. (ಸೆಲಾ)

 6 ಯೆಹೋವನೇ, ನಿನ್ನ ಕೋಪ ತೋರಿಸು,

ನನ್ನ ಶತ್ರುಗಳ ಉಗ್ರಕೋಪದ ವಿರುದ್ಧ ನಿಂತ್ಕೋ,+

ನ್ಯಾಯ ಸಿಗೋ ತರ ನನಗೆ ಸಹಾಯ ಮಾಡು.+

 7 ದೇಶಗಳೇ ನಿನ್ನನ್ನ ಸುತ್ತುವರಿದ್ರೂ,

ನೀನು ಅವುಗಳಿಗೆ ಸ್ವರ್ಗದಿಂದ ತಕ್ಕ ಶಿಕ್ಷೆ ಕೊಡು.

ಯೆಹೋವನೇ, ನನ್ನ ನೀತಿಗೆ ತಕ್ಕ ಹಾಗೆ,

ನನ್ನ ನಿಯತ್ತಿಗೆ ತಕ್ಕ ಹಾಗೆ ನನಗೆ ನ್ಯಾಯ ತೀರಿಸು.+

ಆದ್ರೆ ನೀತಿವಂತರು ಕದಲದೆ ನಿಲ್ಲೋ ಹಾಗೆ ಮಾಡು,+

ಯಾಕಂದ್ರೆ ನೀನು ಹೃದಯಗಳನ್ನ ಮತ್ತು ಮನಸ್ಸಿನ ಭಾವನೆಗಳನ್ನ* ಪರೀಕ್ಷಿಸೋ+ ನೀತಿವಂತ ದೇವರು.+

11 ದೇವರು ನೀತಿಯಿಂದ ತೀರ್ಪು ಮಾಡ್ತಾನೆ,+

ಪ್ರತಿದಿನ ತನ್ನ ತೀರ್ಪನ್ನ ಹೇಳ್ತಾನೆ.*

12 ಯಾರಾದ್ರೂ ಪಶ್ಚಾತ್ತಾಪ ಪಡದಿದ್ರೆ+ ಆತನು ತನ್ನ ಕತ್ತಿನ ಚೂಪಾಗಿಸ್ತಾನೆ,+

ತನ್ನ ಬಿಲ್ಲನ್ನ ಬಾಗಿಸಿ ಗುರಿಯಿಟ್ಟು ಹೊಡೆಯೋಕೆ ತಯಾರಾಗ್ತಾನೆ.+

13 ಪ್ರಾಣ ತೆಗಿಯೋ ಆಯುಧಗಳನ್ನ ತಯಾರು ಮಾಡ್ತಾನೆ,

ಉರಿತಾ ಇರೋ ಬಾಣಗಳನ್ನ ಸಿದ್ಧ ಮಾಡ್ತಾನೆ.+

14 ಕೆಟ್ಟತನವನ್ನ ತನ್ನ ಹೊಟ್ಟೆಯಲ್ಲೇ ಇಟ್ಟು ಬೆಳೆಸೋನನ್ನ ನೋಡು,

ಅವನು ಸಮಸ್ಯೆಗಳನ್ನ ಹೊರ್ತಾನೆ, ಸುಳ್ಳುಗಳನ್ನ ಹೆರ್ತಾನೆ.+

15 ತಾನು ತೋಡಿದ ಗುಂಡಿಯನ್ನ ಇನ್ನೂ ಆಳ ಮಾಡ್ತಾನೆ,

ಆದ್ರೆ ಆ ಗುಂಡಿಯಲ್ಲಿ ಅವನೇ ಬೀಳ್ತಾನೆ.+

16 ಅವನು ತಂದ ಸಮಸ್ಯೆ ಅವನ ತಲೆ ಮೇಲೆನೇ ಬೀಳುತ್ತೆ,+

ಅವನು ಕೊಟ್ಟ ಹಿಂಸೆ ಅವನನ್ನೇ ಬಲಿ ತಗೊಳ್ಳುತ್ತೆ.

17 ಯೆಹೋವ ನ್ಯಾಯದಿಂದ ತೀರ್ಪು ಮಾಡಿದ್ದಕ್ಕೆ ನಾನು ಆತನನ್ನ ಹೊಗಳ್ತೀನಿ,+

ಸರ್ವೋನ್ನತ+ ಯೆಹೋವನ ಹೆಸ್ರನ್ನ ಹೊಗಳೋಕೆ ನಾನು ಹಾಡ್ತೀನಿ.*+

 2 ಶತ್ರುಗಳ ಮತ್ತು ಸೇಡು ತೀರಿಸುವವರ ಬಾಯಿಗೆ ಬೀಗ ಹಾಕೋಕೆ,

ನೀನು ಚಿಕ್ಕಮಕ್ಕಳ ಮತ್ತು ಕೂಸುಗಳ ಬಾಯಿಂದ+ ನಿನ್ನ ಶಕ್ತಿಯನ್ನ ತೋರಿಸಿದ್ದೀಯ.

 3 ನೀನು ಸೃಷ್ಟಿಸಿರೋ* ಆಕಾಶವನ್ನ,

ನೀನು ರಚಿಸಿರೋ ಚಂದ್ರ ಮತ್ತು ನಕ್ಷತ್ರಗಳನ್ನ ನೋಡಿ,+

 4 ನಾನು ಹೀಗೆ ಯೋಚಿಸಿದೆ,

‘ಇವತ್ತು ಇದ್ದು ನಾಳೆ ಸಾಯೋ ಮನುಷ್ಯನನ್ನ ನೀನು ಯಾಕೆ ನೆನಪಿಸ್ಕೊಳ್ತೀಯ?

 5 ನೀನು ಅವನನ್ನ ದೇವದೂತರಿಗಿಂತ* ಒಂಚೂರು ಕಮ್ಮಿಯಾಗಿ ಮಾಡಿದ್ದೀಯ ಅಷ್ಟೇ,

ನೀನು ಅವನಿಗೆ ಗೌರವ ಮತ್ತು ವೈಭವವನ್ನ ಕಿರೀಟವಾಗಿ ಇಟ್ಟಿದ್ದೀಯ.

 6 ನಿನ್ನ ಸೃಷ್ಟಿಯ ಮೇಲೆ ಅವನಿಗೆ ಅಧಿಕಾರ ಕೊಟ್ಟೆ,+

ಎಲ್ಲವನ್ನ ಅವನ ಕಾಲಡಿಯಲ್ಲಿ ಇಟ್ಟೆ.

 7 ಎಲ್ಲ ಆಡುಕುರಿಗಳ ಮೇಲೆ, ದನಎತ್ತುಗಳ ಮೇಲೆ

ಕಾಡುಪ್ರಾಣಿಗಳ*+ ಮೇಲೆ,

 8 ಆಕಾಶದ ಪಕ್ಷಿಗಳ ಮೇಲೆ ಮತ್ತು ಸಮುದ್ರದ ಮೀನುಗಳ ಮೇಲೆ

ಅದರಲ್ಲಿ ಈಜುವ ಎಲ್ಲದರ ಮೇಲೆ ಅವನಿಗೆ ಅಧಿಕಾರ ಕೊಟ್ಟೆ.

9 ಯೆಹೋವನೇ, ನಾನು ಪೂರ್ಣಹೃದಯದಿಂದ ನಿನ್ನನ್ನ ಹೊಗಳ್ತೀನಿ,

ನಿನ್ನ ಎಲ್ಲ ಅದ್ಭುತ ಕೆಲಸಗಳನ್ನ ವರ್ಣಿಸ್ತೀನಿ.+

 3 ನನ್ನ ಶತ್ರುಗಳು ವಾಪಸ್‌ ಹೋಗುವಾಗ,+

ನಿನ್ನ ಮುಂದೆ ಎಡವಿಬಿದ್ದು ನಾಶವಾಗಿ ಹೋಗ್ತಾರೆ.

 6 ಶತ್ರುಗಳು ಶಾಶ್ವತವಾಗಿ ನಿರ್ನಾಮ ಆದ್ರು,

ನೀನು ಅವ್ರ ಪಟ್ಟಣಗಳನ್ನ ಬೇರುಸಹಿತ ಕಿತ್ತುಹಾಕಿದೆ,

ಅವ್ರ ನೆನಪುಗಳೂ ಇಲ್ಲದ ಹಾಗೆ ಮಾಡಿದೆ.+

 7 ಆದ್ರೆ ಯೆಹೋವ ಯಾವಾಗಲೂ ರಾಜನಾಗಿ ಇರ್ತಾನೆ,+

ನ್ಯಾಯ ತೀರಿಸೋಕೆ ಆತನು ತನ್ನ ಸಿಂಹಾಸನವನ್ನ ದೃಢವಾಗಿ ಸ್ಥಾಪಿಸಿದ್ದಾನೆ.+

 8 ಆತನು ಇಡೀ ಭೂಮಿಗೆ* ನ್ಯಾಯವಾಗಿ ತೀರ್ಪು ಕೊಡ್ತಾನೆ,+

ಜನ್ರಿಗೆ ನೀತಿಯಿಂದ ತೀರ್ಪನ್ನ ಹೇಳ್ತಾನೆ.+

 9 ಯೆಹೋವ ದಬ್ಬಾಳಿಕೆಯಿಂದ ಕುಗ್ಗಿದವರಿಗೆ ಸುರಕ್ಷಿತವಾದ ಆಶ್ರಯ ಆಗ್ತಾನೆ,+

ಕಷ್ಟದ ಸಮಯದಲ್ಲಿ ಭದ್ರಕೋಟೆಯಾಗಿ ಇರ್ತಾನೆ.+

13 ಯೆಹೋವನೇ, ನನಗೆ ದಯೆ ತೋರಿಸು. ಸಾವಿನ ದವಡೆಯಿಂದ ನನ್ನನ್ನ ಎತ್ತುವವನೇ,+

ಶತ್ರುಗಳಿಂದ ನಾನು ಅನುಭವಿಸ್ತಿರೋ ಯಾತನೆಯನ್ನ ನೋಡು.

17 ದುಷ್ಟರು ಸಮಾಧಿಗೆ* ಹೋಗ್ತಾರೆ,

ದೇವರನ್ನ ಮರೆತು ಹೋಗೋ ದೇಶಗಳೆಲ್ಲ ಅಲ್ಲಿಗೇ ಹೋಗುತ್ತೆ.

18 ಆದ್ರೆ ಬಡವರನ್ನ ದೇವರು ಯಾವತ್ತೂ ಮರಿಯಲ್ಲ,+

ದೀನರ ನಿರೀಕ್ಷೆ ನೀರುಪಾಲು ಆಗಲ್ಲ.+

 2 ದುಷ್ಟ ಅಹಂಕಾರದಿಂದ ನಿಸ್ಸಹಾಯಕನನ್ನ ಅಟ್ಟಿಸ್ಕೊಂಡು ಹೋಗ್ತಾನೆ,+

ಆದ್ರೆ ಅವನ ಸಂಚಿಗೆ ಅವನೇ ಸಿಕ್ಕಿಹಾಕೊಳ್ತಾನೆ.+

 3 ದುಷ್ಟನು ಅವನ ಕೆಟ್ಟ ಆಸೆಗಳ ಬಗ್ಗೆ ಕೊಚ್ಚಿಕೊಳ್ತಾನೆ,+

ದುರಾಸೆಪಡೋ ಜನರಿಗೆ ಆಶೀರ್ವಾದ ಮಾಡ್ತಾನೆ.*

 4 ದುಷ್ಟನು ಗರ್ವದಿಂದಾಗಿ ದೇವರನ್ನ ಹುಡುಕಲ್ಲ,

ಅವನ ಮನಸ್ಸಲ್ಲಿ ಯಾವಾಗ್ಲೂ “ದೇವರಿಲ್ಲ” ಅನ್ನೋ ಯೋಚನೆನೇ ಓಡ್ತಿರುತ್ತೆ.+

 5 ಅವನು ಮಾಡೋ ಕೆಲಸ ಎಲ್ಲ ಚೆನ್ನಾಗಿ ಆಗುತ್ತೆ,+

ಆದ್ರೆ ನಿನ್ನ ತೀರ್ಪುಗಳು ಅವನ ಯೋಚನೆಗಿಂತ ದೊಡ್ಡದು.+

 6 ಅವನು ಮನಸ್ಸಲ್ಲಿ, “ನನ್ನನ್ನ ಯಾರೂ ಅಲ್ಲಾಡಿಸಕ್ಕಾಗಲ್ಲ,

ತೊಂದರೆ ನನ್ನ ಹತ್ರ ಯಾವತ್ತೂ ಸುಳಿಯಲ್ಲ” ಅಂದುಕೊಳ್ತಾನೆ.+

 8 ಅವನು ಹಳ್ಳಿಗಳ ಹತ್ರ ಹೊಂಚುಹಾಕಿ ಕೂತಿರ್ತಾನೆ,

ಅಮಾಯಕನನ್ನ ಕೊಲ್ಲೋಕೆ ಅಲ್ಲಿಂದ ಎದ್ದುಬರ್ತಾನೆ.+

10 ಆ ಅಮಾಯಕನನ್ನ ಜಜ್ಜಿ ಕೆಳಗೆ ಬೀಳಿಸ್ತಾನೆ,

ನಿಸ್ಸಹಾಯಕರು ಅವನ ಬಿಗಿ ಮುಷ್ಟಿಯಲ್ಲಿ* ಸಿಕ್ಕಿಹಾಕೊಳ್ತಾರೆ.

ನಿಸ್ಸಹಾಯಕ ನಿನ್ನ ಕಡೆ ನೋಡ್ತಾನೆ,+

ಅನಾಥನಿಗೆ* ನೀನೇ ಸಹಾಯಕ.+

15 ದುಷ್ಟನ ಮತ್ತು ಕೆಡುಕನ ಕೈಯನ್ನ ಮುರಿ,+

ಅವನ ದುಷ್ಟತನವನ್ನ ಬೇರುಸಮೇತ ಕಿತ್ತುಹಾಕು.

 2 ಕತ್ತಲೆಯಲ್ಲಿ ಬಚ್ಚಿಟ್ಕೊಂಡು ಪ್ರಾಮಾಣಿಕ ಹೃದಯದ ಜನ್ರ ಮೇಲೆ ಬಾಣ ಬಿಡೋಕೆ,

ಕೆಟ್ಟವರು ಹೇಗೆ ಬಿಲ್ಲನ್ನ ಬಗ್ಗಿಸಿದ್ದಾರೆ ನೋಡು,

ಹೇಗೆ ತಮ್ಮ ಬಾಣಗಳನ್ನ ಗುರಿಯಿಟ್ಟಿದ್ದಾರೆ ನೋಡು.

 3 ಅಸ್ತಿವಾರನೇ* ಅಲ್ಲಾಡಿದಾಗ,

ನೀತಿವಂತನಿಗೆ ಏನು ಮಾಡೋಕೆ ಆಗುತ್ತೆ?”

 5 ಯೆಹೋವ ಒಳ್ಳೆಯವನನ್ನೂ ಕೆಟ್ಟವನನ್ನೂ ಪರೀಕ್ಷಿಸ್ತಾನೆ,+

ಹಿಂಸೆಯನ್ನ ಪ್ರೀತಿಸೋ ಜನ್ರನ್ನ ದ್ವೇಷಿಸ್ತಾನೆ.+

 6 ಕೆಟ್ಟವನ ಮೇಲೆ ಪಾಶಗಳ* ಮಳೆಯನ್ನೇ ಸುರಿಸ್ತಾನೆ,

ಅವ್ರಿಗೆ ಬೆಂಕಿ, ಗಂಧಕ+ ಮತ್ತು ಬಿಸಿಗಾಳಿಯಿಂದ ಶಿಕ್ಷೆ ಕೊಡ್ತಾನೆ.

 2 ಅವರು ಒಬ್ಬರಿಗೊಬ್ರು ಸುಳ್ಳು ಹೇಳ್ತಾರೆ,

ಬೆಣ್ಣೆ ಹಚ್ಚಿ ಮಾತಾಡ್ತಾ* ಬೇರೆಯವರಿಗೆ ಮೋಸ ಮಾಡ್ತಾರೆ.+

 3 ಒಳಗೊಂದು ಹೊರಗೊಂದು ಮಾತಾಡೋ ತುಟಿಗಳನ್ನ,

ದೊಡ್ಡದಾಗಿ ಕೊಚ್ಚಿಕೊಳ್ಳೋ ನಾಲಿಗೆನ ಯೆಹೋವ ಕತ್ತರಿಸಿ ಹಾಕ್ತಾನೆ.+

ನಮಗೆ ಇಷ್ಟಬಂದಂಗೆ ಮಾತಾಡ್ತೀವಿ,

ನಮ್ಮ ಮೇಲೆ ಯಾರಿಗೂ ಅಧಿಕಾರ ಚಲಾಯಿಸೋಕೆ ಆಗಲ್ಲ.”+

 5 ಯೆಹೋವ ಹೀಗಂತಾನೆ: “ಜನರ ಮೇಲೆ ದಬ್ಬಾಳಿಕೆ ಆಗ್ತಿದೆ,

ಬಡವರು ನರಳ್ತಿದ್ದಾರೆ,+

ನಾನು ಈಗ ಎದ್ದೇಳ್ತೀನಿ, ಅವರನ್ನ ಕೀಳಾಗಿ ನೋಡೋರ ಕೈಯಿಂದ ಅವರನ್ನ ಕಾಪಾಡ್ತೀನಿ.”

14 ಮೂರ್ಖ ತನ್ನ ಹೃದಯದಲ್ಲಿ,

“ಯೆಹೋವ ಇಲ್ಲವೇ ಇಲ್ಲ” ಅಂದ್ಕೊಳ್ತಾನೆ.+

 2 ಆದ್ರೆ ಯಾರಿಗೆ ತಿಳುವಳಿಕೆ ಇದೆ,

ಯಾರು ಯೆಹೋವನನ್ನ ಹುಡುಕ್ತಿದ್ದಾರೆ,

ಅಂತ ತಿಳ್ಕೊಳ್ಳೋಕೆ ಯೆಹೋವ ಸ್ವರ್ಗದಿಂದ ನೋಡ್ತಾನೆ.+

 3 ಅವ್ರೆಲ್ಲ ದಾರಿತಪ್ಪಿದ್ದಾರೆ,+

ಭ್ರಷ್ಟಾಚಾರ ಮಾಡದಿರೋರು ಒಬ್ರೂ ಇಲ್ಲ.

ಯಾರೂ ಒಳ್ಳೇದನ್ನ ಮಾಡ್ತಿಲ್ಲ,

ಒಬ್ಬನೂ ಮಾಡ್ತಿಲ್ಲ.

ಜೈಲಲ್ಲಿರೋ ಜನ್ರನ್ನ ಯೆಹೋವ ಒಟ್ಟುಸೇರಿಸುವಾಗ,

ಯಾಕೋಬ ಖುಷಿಪಡಲಿ, ಇಸ್ರಾಯೇಲ್‌ ಉಲ್ಲಾಸಪಡಲಿ.

 2 ಅವರು ಯಾರಂದ್ರೆ, ಯಾವ ಆರೋಪನೂ ಇಲ್ಲದೆ ಜೀವನ ಮಾಡ್ತಿರೋರು,+

ಸರಿಯಾಗಿ ಇರೋದನ್ನೇ ಮಾಡ್ತಿರೋರು,+

ಹೃದಯದಲ್ಲೂ ಸತ್ಯವನ್ನೇ ಹೇಳೋರು.+

 3 ಅಂಥವರು ಯಾರ ಮೇಲೂ ಸುಳ್ಳು ಅಪವಾದ ಹಾಕಲ್ಲ,+

ಬೇರೆಯವರಿಗೆ ಯಾವ ತೊಂದ್ರೆನೂ ಕೊಡಲ್ಲ,+

ಸ್ನೇಹಿತರ ಹೆಸ್ರನ್ನ ಹಾಳುಮಾಡಲ್ಲ.*+

 4 ನೀಚರ ಜೊತೆ ಸೇರಲ್ಲ,+

ಆದ್ರೆ ಯೆಹೋವನ ಭಯಭಕ್ತಿ ಇರೋರಿಗೆ ಗೌರವ ಕೊಡೋದನ್ನ ತಪ್ಸಲ್ಲ.

 5 ಸಾಲ ಕೊಟ್ಟು ಬಡ್ಡಿಗಾಗಿ ಆಸೆಪಡಲ್ಲ,+

ನಿರಪರಾಧಿನ ಅಪರಾಧಿ ಮಾಡೋಕೆ ಲಂಚ ತಗೊಳಲ್ಲ.+

 3 ಭೂಮಿಯಲ್ಲಿರೋ ಪವಿತ್ರರು, ಪ್ರಮುಖರು,

ನನಗೆ ತುಂಬ ಖುಷಿ ತಂದಿದ್ದಾರೆ.”+

ನಾನು ಯಾವತ್ತೂ ಆ ದೇವರುಗಳಿಗೆ ರಕ್ತವನ್ನ ಪಾನ ಅರ್ಪಣೆಯಾಗಿ ಸಲ್ಲಿಸಲ್ಲ,

ನನ್ನ ಬಾಯಲ್ಲಿ ಅವುಗಳ ಹೆಸ್ರೂ ಬರಲ್ಲ.+

 5 ಯೆಹೋವನೇ ನನ್ನ ಪಾಲು, ನನಗೆ ಸೇರಿದ ಆಸ್ತಿ,+

ಆತನೇ ನನ್ನ ಪಾನಪಾತ್ರೆಯನ್ನ ತುಂಬಿಸ್ತಾನೆ.+

17 ಯೆಹೋವನೇ ನ್ಯಾಯಕ್ಕಾಗಿ ನಾನು ಮಾಡೋ ಪ್ರಾರ್ಥನೆ ಕೇಳು,

ಸಹಾಯಕ್ಕಾಗಿ ನಾನು ಕೂಗುವಾಗ ಗಮನಿಸು,

ಕಪಟ ಇಲ್ಲದ ನನ್ನ ಪ್ರಾರ್ಥನೆನ ಕೇಳು.+

 2 ನೀನು ಸರಿಯಾದ ತೀರ್ಪನ್ನ ಕೊಟ್ಟು ನನಗೆ ನ್ಯಾಯ ಸಿಗೋ ತರ ಮಾಡು,+

ನಾನು ಸರಿಯಾಗಿ ಇರೋದನ್ನ ಮಾಡ್ತಿದ್ದೀನಾ ಅಂತ ನಿನ್ನ ಕಣ್ಣು ನೋಡಿ ಹೇಳಲಿ.

 3 ನೀನು ನನ್ನ ಹೃದಯನ ಪರೀಕ್ಷಿಸಿದೆ, ರಾತ್ರಿ ಸಮಯದಲ್ಲೂ ನನ್ನನ್ನ ಪರಿಶೀಲಿಸಿದೆ,+

ನೀನು ನನ್ನನ್ನ ಪರಿಷ್ಕರಿಸಿದೆ,+

ನಾನು ಯಾವ ಕೆಟ್ಟ ಸಂಚನ್ನೂ ಮಾಡಿಲ್ಲ ಅಂತ,

ನನ್ನ ಬಾಯಿ ಯಾವ ಪಾಪವನ್ನೂ ಮಾಡಿಲ್ಲ ಅಂತ ನಿನಗೆ ಗೊತ್ತಾಗುತ್ತೆ.

 4 ಮನುಷ್ಯರು ಏನೇ ಮಾಡ್ಲಿ,

ನಾನು ಮಾತ್ರ ನೀನು ಹೇಳಿದ ಹಾಗೆ ಕಳ್ಳರ ದಾರಿಯಿಂದ ದೂರ ಇರ್ತಿನಿ.+

 5 ನನ್ನ ಕಾಲು ಎಡವಿ ಬೀಳದ ಹಾಗೆ,

ನನ್ನ ಹೆಜ್ಜೆಗಳು ನಿನ್ನ ದಾರಿಯಲ್ಲೇ ಇರಲಿ.+

 7 ದೇವರೇ, ನಿನ್ನ ವಿರುದ್ಧ ದಂಗೆ ಏಳೋರ ಕೈಯಿಂದ ತಪ್ಪಿಸ್ಕೊಂಡು

ನಿನ್ನ ಬಲಗೈಯಲ್ಲಿ ಆಶ್ರಯ ಪಡ್ಕೊಳ್ಳೋಕೆ ಬರೋರನ್ನ ರಕ್ಷಿಸು,

ಅದ್ಭುತವಾಗಿ ನಿನ್ನ ಶಾಶ್ವತ ಪ್ರೀತಿಯನ್ನ ತೋರಿಸು.+

 8 ನಿನ್ನ ಕಣ್ಣಗುಡ್ಡೆ ಹಾಗೆ ನನ್ನನ್ನ ಕಾಪಾಡು,+

ನಿನ್ನ ರೆಕ್ಕೆಗಳ ನೆರಳಲ್ಲಿ ನನ್ನನ್ನ ಬಚ್ಚಿಡು.+

 9 ನನ್ನ ಮೇಲೆ ದಾಳಿ ಮಾಡೋ ಕೆಟ್ಟವರಿಂದ,

ನನ್ನ ಹಿಂದೆ ಬಿದ್ದು ನನ್ನ ಪ್ರಾಣ ಕೇಳೋರಿಂದ ನನ್ನನ್ನ ರಕ್ಷಿಸು.+

10 ಅವರು ತಮ್ಮ ಹೃದಯಗಳನ್ನ ಕಲ್ಲಿನ ತರ ಮಾಡ್ಕೊಂಡಿದ್ದಾರೆ,*

ಅವರು ಅಹಂಕಾರದಿಂದ ಮಾತಾಡ್ತಾರೆ.

11 ಈಗ ಅವರು ನಮ್ಮ ಸುತ್ತ ಸುತ್ಕೊಂಡಿದ್ದಾರೆ,+

ನಮ್ಮನ್ನ ಕೆಳಗೆ ಬೀಳಿಸೋಕೆ* ಕಾಯ್ತಿದ್ದಾರೆ.

12 ನನ್ನ ಶತ್ರು, ಬೇಟೆನ ಸೀಳಿ ತುಂಡುತುಂಡು ಮಾಡೋಕೆ ಹಾತೊರೆಯೋ ಸಿಂಹದ ತರ ಇದ್ದಾನೆ,

ಹೊಂಚುಹಾಕ್ತಾ ಮುದುರಿಕೊಂಡು ಕೂತಿರೋ ಎಳೇ ಸಿಂಹದ ತರ ಇದ್ದಾನೆ.

14 ಯೆಹೋವನೇ, ಕೈ ಚಾಚಿ ನನ್ನನ್ನ ರಕ್ಷಿಸು,

ಈ ಲೋಕದ ಜನ್ರಿಂದ ನನ್ನನ್ನ ಕಾಪಾಡು, ಅವರು ಬರೀ ಇವತ್ತಿಗಾಗಿ ಬದುಕ್ತಾರೆ.+

ನಿನ್ನ ಖಜಾನೆಯಿಂದ ಅವರು ಹೊಟ್ಟೆ ತುಂಬಿಸ್ಕೊಳ್ತಿದ್ದಾರೆ,+

ತಮ್ಮ ಮಕ್ಕಳಿಗೆ ಆಸ್ತಿನ ಬಿಟ್ಟುಹೋಗ್ತಾರೆ, ಅವ್ರಿಂದ ನನ್ನನ್ನ ಕಾಪಾಡು.

ನನ್ನ ದೇವರೇ ನನ್ನ ಬಂಡೆ,+ ಆತನಲ್ಲೇ ನಾನು ಆಶ್ರಯಿಸ್ತೀನಿ,

ನನ್ನ ಗುರಾಣಿ, ನನ್ನ ರಕ್ಷಣೆಯ ಕೊಂಬು,* ನನ್ನ ಸುರಕ್ಷಿತ ಆಶ್ರಯ ಆತನೇ.+

 3 ಹೊಗಳಿಕೆಗೆ ಯೋಗ್ಯನಾಗಿರೋ ಯೆಹೋವನನ್ನ ನಾನು ಕೂಗಿ ಕರಿತೀನಿ,

ಆತನು ಶತ್ರುಗಳಿಂದ ನನ್ನನ್ನ ಬಿಡಿಸ್ತಾನೆ.+

 4 ಸಾವಿನ ಹಗ್ಗಗಳು ನನ್ನನ್ನ ಸುತ್ಕೊಂಡಿವೆ,+

ಅಯೋಗ್ಯ ಜನ್ರು ತಟ್ಟಂತ ಪ್ರವಾಹದ ತರ ಬಂದು ನನ್ನನ್ನ ಹೆದರಿಸಿದ್ರು.+

 5 ಸಮಾಧಿಯ ಹಗ್ಗಗಳು ನನ್ನನ್ನ ಸುತ್ಕೊಂಡಿವೆ,

ಸಾವಿನ ಉರುಲು ನನ್ನ ಮುಂದಿದೆ.+

 6 ನಾನು ಸಂಕಟದಲ್ಲಿ ಇರುವಾಗ ಯೆಹೋವನನ್ನ ಕರೆದೆ,

ಸಹಾಯಕ್ಕಾಗಿ ನಾನು ನನ್ನ ದೇವರಿಗೆ ಮೊರೆಯಿಡ್ತಾನೇ ಇದ್ದೆ.

ಆತನು ನನ್ನ ಕೂಗನ್ನ ತನ್ನ ಆಲಯದಿಂದಾನೇ ಕೇಳಿಸ್ಕೊಂಡ,+

ಸಹಾಯಕ್ಕಾಗಿ ನಾನಿಟ್ಟ ಮೊರೆ ಆತನ ಕಿವಿ ಮುಟ್ತು.+

 7 ಆಗ ಭೂಮಿ ಕಂಪಿಸ್ತು, ಗಡಗಡ ಅಂತ ನಡುಗ್ತು,+

ಬೆಟ್ಟಗಳ ತಳಪಾಯ ಅಲುಗಾಡ್ತು,

ಆತನಿಗೆ ಕೋಪ ಬಂದಿದ್ರಿಂದ ಅವು ಹಿಂದೆಮುಂದೆ ಅಲುಗಾಡಿದ್ವು.+

 8 ಆತನ ಮೂಗಿನಿಂದ ಹೊಗೆ ಬಂತು,

ಆತನ ಬಾಯಿಂದ ಜ್ವಲಿಸೋ ಬೆಂಕಿ ಬಂತು,+

ಆತನಿಂದ ಉರಿಯೋ ಕೆಂಡ ಬಂತು.

 9 ಆತನು ಇಳಿದು ಬರೋವಾಗ ಆಕಾಶನ ಬಗ್ಗಿಸಿದ,+

ಆತನ ಪಾದಗಳ ಕೆಳಗೆ ಕಪ್ಪು ಮೋಡ ಇತ್ತು.+

11 ಆಮೇಲೆ ಆತನು ದಟ್ಟ ಕಪ್ಪು ಮೋಡಗಳಲ್ಲಿ,+

ಕತ್ತಲನ್ನ ಡೇರೆ ತರ ತನ್ನ ಸುತ್ತ ಸುತ್ಕೊಂಡ.+

12 ಆತನ ಮುಂದೆ ಇದ್ದ ಉಜ್ವಲ ಬೆಳಕಿನಿಂದ ಮೋಡಗಳು ಸೀಳಿ,

ಉರಿಯೋ ಕೆಂಡಗಳು ಮತ್ತು ಆಲಿಕಲ್ಲುಗಳು ಹೊರಗೆ ಬಂದ್ವು.

13 ಆಮೇಲೆ ಯೆಹೋವ ಆಕಾಶದಲ್ಲಿ ಗುಡುಗಿದ,+

ಆಲಿಕಲ್ಲುಗಳಿಂದ ಮತ್ತು ಉರಿಯೋ ಕೆಂಡಗಳಿಂದ,

ಸರ್ವೋನ್ನತ ತನ್ನ ಧ್ವನಿ ಕೇಳೋ ಹಾಗೆ ಮಾಡಿದ.+

14 ಆತನು ತನ್ನ ಬಾಣಗಳನ್ನ ಬಿಟ್ಟು ಶತ್ರುಗಳು ದಿಕ್ಕಾಪಾಲಾಗೋ ಹಾಗೆ ಮಾಡಿದ,+

ತನ್ನ ಸಿಡಿಲನ್ನ ಹೊಡೆದು ಅವರು ಗಲಿಬಿಲಿ ಆಗೋ ತರ ಮಾಡಿದ.+

15 ಯೆಹೋವನೇ, ನಿನ್ನ ಗದರಿಕೆ ಮತ್ತು ನಿನ್ನ ಮೂಗಿಂದ ಬಂದ ರಭಸವಾದ ಉಸಿರಿಂದ+

ಸಮುದ್ರ ಮತ್ತು ಭೂಮಿಯ ತಳ ಕಾಣಿಸ್ತು.+

16 ಆತನು ಸ್ವರ್ಗದಿಂದ ಕೈಚಾಚಿ,

ನನ್ನನ್ನ ಹಿಡಿದು ಆಳವಾದ ನೀರಿಂದ ಮೇಲಕ್ಕೆ ಎತ್ತಿದ.+

17 ನನ್ನ ಬಲಿಷ್ಠ ಶತ್ರುವಿನಿಂದ ನನ್ನನ್ನ ಕಾಪಾಡಿದ+

ನನ್ನನ್ನ ದ್ವೇಷಿಸೋರ ಕೈಯಿಂದ, ನನಗಿಂತ ಶಕ್ತಿಶಾಲಿಗಳಾಗಿ ಇರೋರ ಕೈಯಿಂದ ನನ್ನನ್ನ ರಕ್ಷಿಸಿದ.+

18 ನನ್ನ ಕಷ್ಟದ ದಿನಗಳಲ್ಲಿ ಅವರು ನನ್ನ ವಿರುದ್ಧ ನಿಂತ್ಕೊಂಡ್ರು,+

ಆದ್ರೆ ಯೆಹೋವ ನನಗೆ ಬೆಂಬಲವಾಗಿ ನಿಂತ.

19 ಆತನು ನನ್ನನ್ನ ಸುರಕ್ಷಿತ ಜಾಗಕ್ಕೆ* ಕರ್ಕೊಂಡು ಹೋದ,

ಆತನಿಗೆ ನಾನಂದ್ರೆ ಇಷ್ಟ, ಅದಕ್ಕೇ ನನ್ನನ್ನ ಕಾಪಾಡಿದ.+

20 ಯೆಹೋವ ನನ್ನ ನೀತಿಗೆ ತಕ್ಕ ಪ್ರತಿಫಲ ಕೊಡ್ತಾನೆ,+

ನನ್ನ ಮುಗ್ಧತೆಗೆ* ತಕ್ಕ ಬಹುಮಾನ ಕೊಡ್ತಾನೆ.+

21 ಯಾಕಂದ್ರೆ ನಾನು ಯೆಹೋವನ ದಾರಿಯಲ್ಲೇ ನಡೆದಿದ್ದೀನಿ,

ನಾನು ಕೆಟ್ಟದ್ದನ್ನ ಮಾಡಿ ನನ್ನ ದೇವರನ್ನ ಬಿಟ್ಟುಬಿಡಲಿಲ್ಲ.

22 ಆತನ ಎಲ್ಲ ತೀರ್ಪುಗಳು ನನ್ನ ಮುಂದಿವೆ,

ಆತನ ನಿಯಮಗಳನ್ನ ನಾನು ಗಾಳಿಗೆ ತೂರಲ್ಲ.

23 ನಾನು ಅವನ ಮುಂದೆ ಯಾವ ತಪ್ಪೂ ಇಲ್ಲದವನಾಗಿ ಇರ್ತಿನಿ,+

ಕೆಟ್ಟದ್ದರಿಂದ ದೂರ ಇರ್ತಿನಿ.+

24 ಯೆಹೋವ ನನ್ನ ನೀತಿಗೆ ತಕ್ಕ ಪ್ರತಿಫಲ ಕೊಡ್ಲಿ,+

ಆತನೇ ನನ್ನ ಮುಗ್ಧತೆಯನ್ನ ಕಣ್ಣಾರೆ ನೋಡಿ ತಕ್ಕ ಬಹುಮಾನ ಕೊಡ್ಲಿ.+

25 ನಿಷ್ಠಾವಂತನಿಗೆ ನೀನು ನಿಷ್ಠಾವಂತನಾಗಿ,+

ನಿಷ್ಕಳಂಕನಿಗೆ ನೀನು ನಿಷ್ಕಳಂಕನಾಗಿ ಇರ್ತಿಯ.+

26 ಶುದ್ಧನಿಗೆ ನೀನು ಪರಿಶುದ್ಧನಾಗಿ,+

ವಕ್ರನಿಗೆ ನೀನು ಜಾಣನಾಗಿ ಇರ್ತಿಯ.+

27 ದೀನರನ್ನ ನೀನು ರಕ್ಷಿಸ್ತೀಯ,+

ಆದ್ರೆ ದುರಹಂಕಾರಿಗಳ ಕೈ ಬಿಟ್ಟುಬಿಡ್ತೀಯ.+

29 ನಿನ್ನ ಸಹಾಯದಿಂದ ನಾನು ಲೂಟಿಗಾರರ ಗುಂಪಿನ ಮೇಲೆ ದಾಳಿಮಾಡ್ತೀನಿ,+

ದೇವರ ಬಲದಿಂದ ನಾನು ಗೋಡೆಯನ್ನೂ ಜಿಗಿತೀನಿ.+

30 ಸತ್ಯ ದೇವರ ದಾರಿ ಪರಿಪೂರ್ಣವಾಗಿದೆ,+

ಯೆಹೋವನ ಮಾತುಗಳು ಶುದ್ಧವಾಗಿವೆ.+

32 ನನಗೆ ಸತ್ಯ ದೇವರೇ ಬಲವನ್ನ ಬಟ್ಟೆ ತರ ತೊಡಿಸ್ತಾನೆ,+

ಆತನೇ ನನ್ನ ದಾರಿನ ಸುಗಮ ಮಾಡ್ತಾನೆ.+

33 ಆತನು ನನ್ನ ಕಾಲುಗಳನ್ನ ಜಿಂಕೆ ಕಾಲಿನ ತರ ಮಾಡ್ತಾನೆ,

ಆತನು ನನ್ನನ್ನ ಎತ್ತರವಾದ ಜಾಗದಲ್ಲಿ ನಿಲ್ಲಿಸ್ತಾನೆ.+

34 ಯುದ್ಧ ಮಾಡೋಕೆ ಆತನು ನನ್ನ ಕೈಗಳಿಗೆ ತರಬೇತಿ ಕೊಡ್ತಾನೆ,

ಹಾಗಾಗಿ ನನ್ನ ತೋಳು ತಾಮ್ರದ ಬಿಲ್ಲನ್ನೂ ಬಗ್ಗಿಸುತ್ತೆ.

35 ನೀನು ನಿನ್ನ ರಕ್ಷಣೆಯ ಗುರಾಣಿಯನ್ನ ನನಗೆ ಕೊಡ್ತೀಯ,+

ನಿನ್ನ ಬಲಗೈ ನನಗೆ ಆಸರೆಯಾಗಿದೆ.*

36 ನನ್ನ ಪಾದಗಳು* ಜಾರದ ಹಾಗೆ,

ನೀನು ದಾರಿಯನ್ನ ನನಗಾಗಿ ಅಗಲ ಮಾಡ್ತೀಯ.+

37 ನಾನು ನನ್ನ ಶತ್ರುಗಳನ್ನ ಅಟ್ಟಿಸ್ಕೊಂಡು ಅವ್ರನ್ನ ನಾಶ ಮಾಡ್ತೀನಿ,

ಅವರು ನಿರ್ನಾಮ ಆಗೋ ತನಕ ನಾನು ವಾಪಸ್‌ ಬರಲ್ಲ.

39 ಯುದ್ಧಕ್ಕೆ ಬೇಕಾಗಿರೋ ಬಲನ ಕೊಟ್ಟು ನೀನು ನನ್ನನ್ನ ಸಿದ್ಧಮಾಡ್ತೀಯ,

ಶತ್ರುಗಳು ಕುಸಿದು ನನ್ನ ಕೆಳಗೆ ಬೀಳೋ ತರ ಮಾಡ್ತೀಯ.+

40 ನನ್ನ ಶತ್ರುಗಳು ನನ್ನನ್ನ ಬಿಟ್ಟು ಓಡಿ ಹೋಗೋ ಹಾಗೆ ಮಾಡ್ತೀಯ,

ನನ್ನನ್ನ ದ್ವೇಷಿಸೋರನ್ನ ನಾನು ಕೊನೆಗಾಣಿಸ್ತೀನಿ.*+

41 ಅವರು ಸಹಾಯಕ್ಕಾಗಿ ಕೂಗ್ತಾರೆ ಆದ್ರೆ ಯಾರೂ ಬರಲ್ಲ,

ಅವರು ಯೆಹೋವನನ್ನ ಕೂಗಿದ್ರೂ ಆತನು ಅವ್ರಿಗೆ ಉತ್ತರ ಕೊಡಲ್ಲ.

42 ನಾನು ಅವ್ರನ್ನ ಕುಟ್ಟಿ, ಗಾಳಿಯಲ್ಲಿ ಹಾರಿಹೋಗೋ ಧೂಳಿನ ತರ ಮಾಡ್ತೀನಿ,

ನಾನು ಅವ್ರನ್ನ ಬೀದಿಯ ಮಣ್ಣಿನ ತರ ಎಸೆದುಬಿಡ್ತಿನಿ.

43 ತಪ್ಪು ಹುಡುಕೋ ಜನ್ರಿಂದ ನೀನು ನನ್ನನ್ನ ಕಾಪಾಡ್ತೀಯ,+

ನೀನು ನನ್ನನ್ನ ದೇಶದ ಅಧಿಪತಿಯಾಗಿ ನೇಮಿಸ್ತೀಯ,+

ನನಗೆ ಪರಿಚಯನೇ ಇಲ್ಲದ ಜನ್ರು ನನ್ನ ಸೇವೆ ಮಾಡ್ತಾರೆ.+

45 ವಿದೇಶಿಯರು ತಮ್ಮ ಧೈರ್ಯ ಕಳ್ಕೊಳ್ತಾರೆ,

ಅವರು ತಮ್ಮ ಕೋಟೆಯಿಂದ ನಡುಗ್ತಾ ಹೊರಗೆ ಬರ್ತಾರೆ.

47 ಸತ್ಯ ದೇವರು ನನ್ನ ಪರವಾಗಿ ಸೇಡು ತೀರಿಸ್ತಾನೆ,+

ಜನಾಂಗಗಳ ಜನರನ್ನ ನನ್ನ ಕೈಕೆಳಗೆ ಹಾಕ್ತಾನೆ.

ನನ್ನ ಮೇಲೆ ದಾಳಿ ಮಾಡೋರಿಂದ ನೀನು ನನ್ನನ್ನ ಮೇಲೆಕ್ಕೆ ಎತ್ತುತ್ತೀಯ,+

ಹಿಂಸೆ ಕೊಡೋರಿಂದ ನೀನು ನನ್ನನ್ನ ರಕ್ಷಿಸ್ತೀಯ.

49 ಹಾಗಾಗಿ ಯೆಹೋವನೇ, ನಾನು ಎಲ್ಲ ಜನ್ರ ಮುಂದೆ ಗೌರವ ಕೊಡ್ತೀನಿ,+

ನಿನ್ನ ಹೆಸ್ರಿಗೆ ಘನತೆ ಬರೋ ತರ ಹಾಡು ಹಾಡ್ತೀನಿ.*+

50 ಆತನು ತನ್ನ ರಾಜನಿಗಾಗಿ ಭಾರೀ ಜಯ ಕೊಡ್ತಾನೆ,+

ಆತನು ತನ್ನ ಅಭಿಷಿಕ್ತ ದಾವೀದನ ಕಡೆ,+

ಅವನ ಸಂತತಿಯ ಕಡೆ ಶಾಶ್ವತ ಪ್ರೀತಿ ತೋರಿಸ್ತಾನೆ.+

19 ಆಕಾಶ ದೇವರ ಮಹಿಮೆಯನ್ನ ಸಾರಿ ಹೇಳುತ್ತೆ,+

ಗಗನ ಆತನ ಸೃಷ್ಟಿಯನ್ನ ವಿವರಿಸುತ್ತೆ.+

 2 ಪ್ರತಿದಿನ ಅವುಗಳ ಬಾಯಿಂದ ಆತನನ್ನ ಹೊಗಳೋ ಮಾತುಗಳು ಉಕ್ಕಿಹರಿಯುತ್ತೆ,

ಪ್ರತಿರಾತ್ರಿ ಅವು ಜ್ಞಾನವನ್ನ ತೋರಿಸುತ್ತೆ.

 3 ಮಾತಿಲ್ಲ, ಪದಗಳಿಲ್ಲ,

ಅವುಗಳ ಧ್ವನಿನೂ ಕೇಳಿಸಲ್ಲ.

 4 ಆದ್ರೂ ಇಡೀ ಭೂಮಿಯಲ್ಲಿ ಅವುಗಳ ಶಬ್ದ ಪ್ರತಿಧ್ವನಿಸುತ್ತೆ,

ಭೂಮಿಯ* ಮೂಲೆಮೂಲೆಗೂ ಅವುಗಳ ಸಂದೇಶ ತಲುಪುತ್ತೆ.+

ಆತನು ಆಕಾಶದಲ್ಲಿ ಸೂರ್ಯನಿಗಾಗಿ ಡೇರೆ ಹಾಕಿದ್ದಾನೆ,

 5 ಸೂರ್ಯ ತನ್ನ ಕೋಣೆಯಿಂದ ಹೊರಗೆ ಬರೋ ಮದುಮಗನ ತರ ಇದ್ದಾನೆ.

 6 ಸೂರ್ಯ ಆಕಾಶದ ಒಂದು ತುದಿಯಿಂದ,

ಇನ್ನೊಂದು ತುದಿಗೆ ಸುತ್ತುತ್ತಾನೆ.+

10 ಅವುಗಳ ಮುಂದೆ ಚಿನ್ನ ಏನೇನೂ ಅಲ್ಲ,

ಅಪ್ಪಟ* ಚಿನ್ನಕ್ಕಿಂತ ಅವು ಮಿಗಿಲು,+

ಅವು ಜೇನುಗೂಡಿನಿಂದ ತೊಟ್ಟಿಕ್ಕೋ ಜೇನಿಗಿಂತ ಸಿಹಿ.+

11 ನಿನ್ನ ಸೇವಕನಿಗೆ ಅದ್ರಿಂದ ಎಚ್ಚರಿಕೆ ಸಿಗುತ್ತೆ,+

ಅವನ್ನ ಪಾಲಿಸಿದ್ರೆ ದೊಡ್ಡ ಬಹುಮಾನ ಸಿಗುತ್ತೆ.+

13 ಅಹಂಕಾರದ ಕೆಲಸಗಳನ್ನ ಮಾಡದ ಹಾಗೆ ನಿನ್ನ ಸೇವಕನನ್ನ ತಡಿ,+

ಅವು ನನ್ನ ಮೇಲೆ ದಬ್ಬಾಳಿಕೆ ಮಾಡೋಕೆ ಬಿಡಬೇಡ.+

ಆಗ ದೊಡ್ಡ ಪಾಪಗಳನ್ನ* ಮಾಡಲ್ಲ,+

ನನ್ನ ಮೇಲೆ ಯಾವ ಆರೋಪನೂ ಇರಲ್ಲ.

14 ಯೆಹೋವನೇ, ನನ್ನ ಬಂಡೆಯೇ,+ ನನ್ನನ್ನ ಬಿಡಿಸುವವನೇ,+

ನನ್ನ ಮಾತು ಮತ್ತು ನನ್ನ ಹೃದಯದ ಧ್ಯಾನ ನಿನ್ನನ್ನ ಮೆಚ್ಚಿಸಲಿ.+

 2 ಸ್ವರ್ಗದಿಂದ ಆತನು ನಿನಗೆ ಸಹಾಯಮಾಡಲಿ,+

ಚೀಯೋನಿಂದ ಆತನು ನಿನಗೆ ಆಸರೆ ನೀಡಲಿ.+

 3 ನೀನು ಕೊಟ್ಟ ಎಲ್ಲ ಉಡುಗೊರೆ ಅರ್ಪಣೆಗಳನ್ನ ಆತನು ನೆನಪಲ್ಲಿ ಇಟ್ಕೊಳ್ಳಲಿ,

ಆತನು ನಿನ್ನ ಸರ್ವಾಂಗಹೋಮ ಬಲಿನ ಸಂತೋಷದಿಂದ ಸ್ವೀಕರಿಸಲಿ. (ಸೆಲಾ)

 5 ನೀನು ನಮ್ಮನ್ನ ಬಿಡಿಸೋದನ್ನ ನೋಡಿ ನಾವು ಸಂತೋಷದಿಂದ ಜೈಕಾರ ಹಾಕ್ತೀವಿ,+

ನಾವು ನಮ್ಮ ದೇವರ ಹೆಸ್ರಲ್ಲಿ ಧ್ವಜಗಳನ್ನ ಎತ್ತಿ ಹಿಡಿತೀವಿ.+

21 ಯೆಹೋವನೇ! ನಿನ್ನ ಶಕ್ತಿಯಿಂದ ರಾಜ ಖುಷಿಪಡ್ತಾನೆ,+

ನಿನ್ನ ರಕ್ಷಣೆಯಿಂದ ತುಂಬ ಸಂತೋಷಪಡ್ತಾನೆ!+

 2 ನೀನು ಅವನ ಮನಸ್ಸಲ್ಲಿರೋ ಬಯಕೆಯನ್ನ ನಿಜ ಮಾಡ್ತೀಯ,+

ಅವನ ತುಟಿಗಳ ಕೋರಿಕೆಯನ್ನ ನೆರವೇರಿಸ್ತೀಯ. (ಸೆಲಾ)

 3 ತುಂಬ ಆಶೀರ್ವಾದಗಳ ಜೊತೆ ನೀನು ಅವನನ್ನ ಭೇಟಿಮಾಡ್ತೀಯ,

ಅವನ ತಲೆ ಮೇಲೆ ಅಪ್ಪಟ* ಚಿನ್ನದ ಕಿರೀಟ ಇಡ್ತೀಯ.+

 4 ಅವನು ನಿನ್ನ ಹತ್ರ ಜೀವ ಕೇಳಿಕೊಂಡ, ನೀನು ಅದನ್ನ ಅವನಿಗೆ ಕೊಟ್ಟೆ,+

ಅವನಿಗೆ ದೀರ್ಘ ಆಯುಷ್ಯವನ್ನ, ಶಾಶ್ವತ ಜೀವವನ್ನ ಕೊಟ್ಟೆ.

 5 ಅವನನ್ನ ಬಿಡಿಸೋಕೆ ನೀನು ಮಾಡೋ ಕೆಲಸಗಳು ಅವನಿಗೆ ಗೌರವ ತರುತ್ತೆ,+

ಘನತೆ, ವೈಭವವನ್ನ ನೀನು ಅವನಿಗೆ ಕೊಡ್ತೀಯ.

 6 ಯಾವಾಗ್ಲೂ ಅವನಿಗೆ ಆಶೀರ್ವಾದ ಸಿಗೋ ತರ ಮಾಡ್ತೀಯ,+

ನೀನು ಅವನ ಜೊತೆ ಇದ್ದು ಅವನಿಗೆ ಖುಷಿ ಕೊಡ್ತೀಯ.+

 8 ನಿನ್ನ ಶತ್ರುಗಳನ್ನೆಲ್ಲ ನಿನ್ನ ಕೈ ಹುಡುಕುತ್ತೆ,

ನಿನ್ನನ್ನ ದ್ವೇಷಿಸೋರನ್ನ ನಿನ್ನ ಬಲಗೈ ಶೋಧಿಸುತ್ತೆ.

11 ಯಾಕಂದ್ರೆ ಅವರು ನಿನಗೆ ಕೆಟ್ಟದ್ದನ್ನ ಮಾಡೋಕೆ ಬಯಸಿದ್ರು,+

ನಿನ್ನ ವಿರುದ್ಧ ಸಂಚು ಮಾಡಿದ್ರು. ಆದ್ರೆ ಅವು ನಡೀಲಿಲ್ಲ.+

12 ನೀನು ಅವರ ಕಡೆ* ಬಾಣವನ್ನ* ಗುರಿಯಿಟ್ಟು,

ಅವರು ವಾಪಸ್‌ ಹೋಗೋ ತರ ಮಾಡ್ತೀಯ.+

 3 ಆದ್ರೆ ನೀನು ಪವಿತ್ರನು,+

ಇಸ್ರಾಯೇಲ್ಯರ ಹೊಗಳಿಕೆಗಳ ಮಧ್ಯೆ ಕೂತಿರೋನು.

 4 ನಮ್ಮ ಪೂರ್ವಜರು ನಿನ್ನ ಮೇಲೆ ಭರವಸೆ ಇಟ್ರು,+

ಹೌದು, ಅವರು ಭರವಸೆ ಇಟ್ರು, ನೀನು ಅವ್ರನ್ನ ಕಾಪಾಡ್ತಾ ಬಂದೆ.+

 7 ನನ್ನನ್ನ ನೋಡೋರೆಲ್ಲ ನನ್ನನ್ನ ಗೇಲಿ ಮಾಡ್ತಾರೆ,+

ನನ್ನ ಬಗ್ಗೆ ವ್ಯಂಗ್ಯವಾಗಿ ಮಾತಾಡ್ತಾರೆ. ತಲೆ ಅಲ್ಲಾಡಿಸಿ ಅಣಕಿಸ್ತಾ,+

 8 “ಇವನು ತನ್ನನ್ನ ಯೆಹೋವನಿಗೆ ಒಪ್ಪಿಸ್ಕೊಂಡಿದ್ದ. ಆತನೇ ಇವನನ್ನ ಕಾಪಾಡಲಿ!

 9 ನನ್ನನ್ನ ಅಮ್ಮನ ಹೊಟ್ಟೆಯಿಂದ ಹೊರಗೆ ತಂದವನು ನೀನೇ,+

ಅಮ್ಮನ ಎದೆಯಲ್ಲಿ ನಿಶ್ಚಿಂತೆಯಿಂದ ಇರೋ ತರ ಮಾಡಿದವನೂ ನೀನೇ.

10 ನಾನು ಹುಟ್ಟಿದ ತಕ್ಷಣ ನನ್ನ ಆರೈಕೆಯನ್ನ ನಿನಗೆ ಒಪ್ಪಿಸಿದ್ರು,

ನಾನು ನನ್ನ ಅಮ್ಮನ ಹೊಟ್ಟೆಯಲ್ಲಿ ಇದ್ದಾಗಿಂದ ನೀನೇ ನನ್ನ ದೇವರು.

12 ತುಂಬ ಎಳೇ ಹೋರಿಗಳು ನನ್ನನ್ನ ಸುತ್ಕೊಂಡಿವೆ,+

ಬಾಷಾನಿನ ಬಲಿಷ್ಠ ಹೋರಿಗಳು ನನ್ನನ್ನ ಮುತ್ಕೊಂಡಿವೆ.+

13 ಗರ್ಜಿಸ್ತಾ ತನ್ನ ಬೇಟೆನ ತುಂಡುತುಂಡು ಮಾಡೋ ಸಿಂಹದ ತರ,+

ಶತ್ರುಗಳು ತಮ್ಮ ಬಾಯನ್ನ ಅಗಲವಾಗಿ ತಕ್ಕೊಂಡು ನನ್ನ ವಿರುದ್ಧ ಬಂದಿದ್ದಾರೆ.+

14 ನನ್ನನ್ನ ನೀರಿನ ತರ ಸುರೀತಿದ್ದಾರೆ,

ನನ್ನ ಎಲುಬು ಕಳಚ್ಕೊಂಡು ಬರ್ತಿದೆ.

ನನ್ನ ಹೃದಯ ಮೇಣದ ತರ,+

ನನ್ನೊಳಗೇ ಕರಗಿ ಹೋಗಿದೆ.+

15 ಮಡಿಕೆ ತುಂಡಿನ ತರ ನನ್ನ ಶಕ್ತಿ ಒಣಗಿ ಹೋಗಿದೆ,+

ನನ್ನ ನಾಲಿಗೆ ನನ್ನ ವಸಡಿಗೆ ಅಂಟ್ಕೊಂಡಿದೆ,+

ನೀನು ನನ್ನನ್ನ ಸಾವಿನ ಧೂಳಲ್ಲಿ ಬೀಳಿಸ್ತಿದ್ದೀಯ.+

16 ಅವರು ನಾಯಿಗಳ ತರ ನನ್ನನ್ನ ಸುತ್ಕೊಂಡಿದ್ದಾರೆ,+

ಎಲ್ಲ ಕಡೆಯಿಂದ ದುಷ್ಟರು ನನ್ನನ್ನ ಮುತ್ಕೊಂಡಿದ್ದಾರೆ,+

ಅವರು ಸಿಂಹದ ತರ ನನ್ನ ಕೈಕಾಲನ್ನ ಕಚ್ತಿದ್ದಾರೆ.+

18 ಅವರು ತಮ್ಮತಮ್ಮಲ್ಲೇ ನನ್ನ ಬಟ್ಟೆಗಳನ್ನ ಹಂಚ್ಕೊಳ್ತಾರೆ,

ನನ್ನ ಬಟ್ಟೆಗಾಗಿ ಚೀಟಿ ಹಾಕ್ತಾರೆ.+

20 ಕತ್ತಿಯಿಂದ ನನ್ನನ್ನ ಕಾಪಾಡು,

ನನ್ನ ಅಮೂಲ್ಯ ಪ್ರಾಣವನ್ನ ನಾಯಿಗಳ ಕೈಯಿಂದ ರಕ್ಷಿಸು.+

22 ನಾನು ನನ್ನ ಅಣ್ಣತಮ್ಮಂದಿರ ಮಧ್ಯ ನಿನ್ನ ಹೆಸ್ರನ್ನ ಹೇಳ್ತೀನಿ,+

ಸಭೆಯ ಮಧ್ಯ ನಾನು ನಿನ್ನನ್ನ ಹೊಗಳ್ತೀನಿ.+

24 ಯಾಕಂದ್ರೆ ದೌರ್ಜನ್ಯ ಆದವನ ಕಷ್ಟವನ್ನ ಆತನು ತಳ್ಳಿಬಿಡಲಿಲ್ಲ, ಅಸಹ್ಯ ಪಟ್ಕೊಳ್ಳಲಿಲ್ಲ,+

ದೇವರು ತನ್ನ ಮುಖವನ್ನ ತಿರುಗಿಸ್ಕೊಳ್ಳಲಿಲ್ಲ.+

25 ಮಹಾಸಭೆಯಲ್ಲಿ ನಾನು ನಿನ್ನನ್ನ ಹೊಗಳ್ತೀನಿ,+

ನಿನಗೆ ಭಯಪಡೋರ ಮುಂದೆ ನಾನು ನನ್ನ ಹರಕೆಗಳನ್ನ ತೀರಿಸ್ತೀನಿ.

26 ದೀನರು ತಿಂದು ತೃಪ್ತರಾಗ್ತಾರೆ,+

ಯೆಹೋವನಿಗಾಗಿ ಹುಡುಕುವವರು ಆತನನ್ನ ಹೊಗಳ್ತಾರೆ.+

28 ಯಾಕಂದ್ರೆ ಆಳೋ ಅಧಿಕಾರ ಯೆಹೋವನಿಗೆ ಮಾತ್ರ ಇದೆ,+

ಆತನು ಎಲ್ಲ ದೇಶಗಳನ್ನ ಆಳ್ತಾನೆ.

29 ಭೂಮಿ ಮೇಲಿರೋ ಎಲ್ಲ ಶ್ರೀಮಂತರು* ಊಟಮಾಡಿ ಆತನಿಗೆ ಬಗ್ಗಿ ನಮಸ್ಕರಿಸ್ತಾರೆ,

ಮಣ್ಣಿಗೆ ಸೇರೋರೆಲ್ಲ ಆತನ ಮುಂದೆ ಮೊಣಕಾಲೂರಿ ಕೂತ್ಕೊತಾರೆ,

ಅವರು ಯಾರೂ ತಮ್ಮ ಜೀವನ ಕಾಪಾಡ್ಕೊಳ್ಳೋಕೆ ಆಗಲ್ಲ.

30 ಅವ್ರ ವಂಶದವರು ಆತನನ್ನ ಆರಾಧಿಸ್ತಾರೆ,

ಮುಂದೆ ಬರೋ ಪೀಳಿಗೆ ಯೆಹೋವನ ಬಗ್ಗೆ ಕಲಿಯುತ್ತೆ.

 2 ಹಚ್ಚಹಸುರಾಗಿ ಬೆಳೆದಿರೋ ಹುಲ್ಲುಗಾವಲಲ್ಲಿ ಆತನು ನನ್ನನ್ನ ಮಲಗಿಸ್ತಾನೆ,

ವಿಶ್ರಾಂತಿ ಪಡೆಯೋಕೆ ಚೆನ್ನಾಗಿ ನೀರು ಹರಿಯೋ ಪ್ರದೇಶಗಳಿಗೆ* ಆತನು ನನ್ನನ್ನ ನಡಿಸ್ತಾನೆ.+

 4 ಕತ್ತಲ ಕಣಿವೆಯಲ್ಲಿ ನಾನು ನಡೆದ್ರೂ,+

ಹಾನಿ ಆಗುತ್ತೆ ಅನ್ನೋ ಭಯ ನನಗಿಲ್ಲ,+

ಯಾಕಂದ್ರೆ ನೀನೇ ನನ್ನ ಜೊತೆ ಇದ್ದೀಯ,+

ನಿನ್ನ ಕೋಲು, ನಿನ್ನ ಬೆತ್ತ ನನಗೆ ಧೈರ್ಯ* ಕೊಡುತ್ತೆ.

 5 ನನ್ನ ಶತ್ರುಗಳ ಮುಂದೆ ನೀನು ನನಗೆ ಹಬ್ಬದ ಊಟ ಹಾಕ್ತೀಯ,+

ನನ್ನ ತಲೆಗೆ ತೈಲ ಹಚ್ಚಿ ಚೈತನ್ಯ ಕೊಡ್ತೀಯ,+

ನನ್ನ ಪಾನಪಾತ್ರೆಯನ್ನ ತುಂಬಿತುಳುಕೋ ಹಾಗೆ ಮಾಡ್ತೀಯ.+

 6 ನಾನು ಸಾಯೋ ತನಕ ನಿನ್ನ ಒಳ್ಳೇತನ, ನಿನ್ನ ಶಾಶ್ವತ ಪ್ರೀತಿ ನನ್ನ ಹಿಂದೆನೇ ಬರುತ್ತೆ,+

ನಾನು ನನ್ನ ಜೀವನ ಪೂರ್ತಿ ಯೆಹೋವನ ಆಲಯದಲ್ಲೇ ಇರ್ತಿನಿ.+

24 ಭೂಮಿ ಮತ್ತು ಅದ್ರಲ್ಲಿ ಇರೋದೆಲ್ಲ ಯೆಹೋವನ ಆಸ್ತಿ,+

ಲೋಕ ಮತ್ತು ಅದ್ರಲ್ಲಿ ಇರೋರೆಲ್ಲ ಆತನ ಸೊತ್ತು.

 2 ಯಾಕಂದ್ರೆ, ಆತನೇ ಭೂಮಿನ ಸಮುದ್ರಗಳ ಮೇಲೆ,+

ನದಿಗಳ ಮೇಲೆ ದೃಢವಾಗಿ ಭದ್ರವಾಗಿ ಇಟ್ಟಿದ್ದಾನೆ.

 4 ಯಾವ ತಪ್ಪೂ ಮಾಡದವನು, ಶುದ್ಧ ಮನಸ್ಸು ಇರೋನು,+

ನನ್ನ ಜೀವದ* ಮೇಲೆ ಸುಳ್ಳಾಣೆ ಇಡದವನು,

ಆಣೆಯಿಟ್ಟು ಮೋಸ ಮಾಡದವನೇ ಅಲ್ವಾ?+

 5 ಅಂಥವನು ಯೆಹೋವನಿಂದ ಆಶೀರ್ವಾದಗಳನ್ನ,+

ತನ್ನನ್ನ ಕಾಪಾಡೋ ದೇವರಿಂದ ನ್ಯಾಯವನ್ನ ಪಡೀತಾನೆ.*+

 6 ದೇವರನ್ನ ಹುಡುಕೋ ಪೀಳಿಗೆ ಇದೇ,

ಯಾಕೋಬನ ದೇವರೇ, ನಿನ್ನ ಅನುಗ್ರಹ ಪಡೆಯೋಕೆ ಬಯಸ್ತಿರೋರು ಇವರೇ. (ಸೆಲಾ)

ಬಲಿಷ್ಠನೂ ಶಕ್ತಿಶಾಲಿಯೂ ಆಗಿರೋ ಯೆಹೋವನೇ,+

ಯಾರಿಗೂ ಸೋಲದ ವೀರ ಸೈನಿಕನಾಗಿರೋ ಯೆಹೋವನೇ.+

 9 ಮಹಿಮೆ ಇರೋ ರಾಜ ಬರೋಕೆ ಆಗೋ ತರ

ಬಾಗಿಲುಗಳೇ, ನಿಮ್ಮ ತಲೆಗಳನ್ನ ಎತ್ತಿ!+

 2 ನನ್ನ ದೇವರೇ, ನಾನು ನಿನ್ನಲ್ಲಿ ಭರವಸೆ ಇಟ್ಟಿದ್ದೀನಿ,+

ನಾನು ಅವಮಾನ ಪಡೋ ಹಾಗೆ ಮಾಡಬೇಡ.+

 3 ನಿನ್ನಲ್ಲಿ ನಿರೀಕ್ಷೆ ಇಡೋರಿಗೆ ಯಾವತ್ತೂ ಅವಮಾನ ಆಗಲ್ಲ,+

ಆದ್ರೆ ಕಾರಣ ಇಲ್ಲದೆ ನಿನಗೆ ಮೋಸ ಮಾಡೋರಿಗೆ ಅವಮಾನ ಕಟ್ಟಿಟ್ಟ ಬುತ್ತಿ.*+

 4 ಯೆಹೋವನೇ, ನಿನ್ನ ದಾರಿಗಳನ್ನ ನನಗೆ ಹೇಳಿಕೊಡು,+

ನಿನ್ನ ದಾರಿಗಳನ್ನ ನನಗೆ ಕಲಿಸು.+

 7 ಯೆಹೋವನೇ, ನೀನು ಒಳ್ಳೆಯವನಾಗಿರೋದ್ರಿಂದ,+

ಶಾಶ್ವತ ಪ್ರೀತಿ ತೋರಿಸೋದ್ರಿಂದ ನನ್ನನ್ನ ನೆನಪಿಸ್ಕೊ,+

ನಾನು ಮಾಡಿದ ಪಾಪಗಳನ್ನ, ನನ್ನ ಅಪರಾಧಗಳನ್ನ ನೆನಪಿಸ್ಕೊಬೇಡ.

 9 ಯಾವುದು ಸರಿ* ಅಂತ ಆತನು ದೀನರಿಗೆ ತೋರಿಸಿಕೊಡ್ತಾನೆ,+

ಆತನು ಅವರಿಗೆ ತನ್ನ ದಾರಿಯನ್ನ ಬೋಧಿಸ್ತಾನೆ.+

10 ದೇವರು ಹೇಳಿದ್ದನ್ನ+ ಜನರು ಮಾಡೋವಾಗ, ಆತನ ಒಪ್ಪಂದವನ್ನ+ ಪಾಲಿಸೋವಾಗ,

ಯೆಹೋವ ತನ್ನ ಶಾಶ್ವತ ಪ್ರೀತಿಯನ್ನ ಅವರಿಗೆ ತೋರಿಸ್ತಾನೆ ಮತ್ತು ನಂಬಿಗಸ್ತನಾಗಿ ಇರ್ತಾನೆ.

11 ಯೆಹೋವನೇ, ನನ್ನ ತಪ್ಪು ಎಷ್ಟೇ ದೊಡ್ಡದಾಗಿದ್ರೂ,

ನಿನ್ನ ಹೆಸರಿಗೋಸ್ಕರ ಅದನ್ನ ಕ್ಷಮಿಸಿಬಿಡು.+

12 ಯಾವ ಮನುಷ್ಯ ಯೆಹೋವನಿಗೆ ಭಯಪಡ್ತಾನೋ,+

ಅಂಥವನಿಗೆ ದೇವರು ಯಾವ ದಾರಿಯನ್ನ ಆರಿಸಿಕೊಳ್ಳಬೇಕು ಅಂತ ಕಲಿಸ್ತಾನೆ.+

13 ಆ ಮನುಷ್ಯ ಒಳ್ಳೇತನವನ್ನ ಅನುಭವಿಸಿ ನೋಡ್ತಾನೆ,+

ಅವನ ವಂಶಸ್ಥರು ಭೂಮಿಯನ್ನ ಆಸ್ತಿಯಾಗಿ ಪಡಕೊಳ್ತಾರೆ.+

14 ಯೆಹೋವನಲ್ಲಿ ಭಯಭಕ್ತಿ ಇರೋರಿಗೆ ಮಾತ್ರ ಆತನ ಆಪ್ತ ಸ್ನೇಹ ಸಿಗುತ್ತೆ,+

ಅಂಥವರಿಗೆ ಆತನು ತನ್ನ ಒಪ್ಪಂದದ ಬಗ್ಗೆ ಕಲಿಸ್ತಾನೆ.+

15 ನನ್ನ ಕಣ್ಣು ಯಾವಾಗಲೂ ಯೆಹೋವನ ಕಡೆಗಿರುತ್ತೆ,+

ಯಾಕಂದ್ರೆ ಆತನು ನನ್ನ ಕಾಲನ್ನ ಬಲೆಯಿಂದ ಬಿಡಿಸ್ತಾನೆ.+

16 ನಿನ್ನ ಮುಖವನ್ನ ನನ್ನ ಕಡೆಗೆ ತಿರುಗಿಸಿ ಸ್ವಲ್ಪ ಕೃಪೆ ತೋರಿಸು,

ಯಾಕಂದ್ರೆ ನಾನು ಏಕಾಂಗಿ ಆಗಿದ್ದೀನಿ, ಯಾವ ಸಹಾಯನೂ ನನಗಿಲ್ಲ.

17 ನನ್ನ ಮನಸ್ಸಲ್ಲಿ ಚಿಂತೆ ಜಾಸ್ತಿ ಆಗ್ತಾನೇ ಇದೆ,+

ನನ್ನ ಸಂಕಟಗಳಿಂದ ನನ್ನನ್ನ ಬಿಡಿಸು.

18 ನನ್ನ ಕಷ್ಟ, ನನಗಿರೋ ತೊಂದರೆನ ನೋಡು,+

ನನ್ನ ಪಾಪಗಳನ್ನೆಲ್ಲ ಕ್ಷಮಿಸು.+

19 ನನಗೆ ಎಷ್ಟೊಂದು ಶತ್ರುಗಳಿದ್ದಾರೆ ಅಂತ ನೋಡು,

ಅವರು ನನ್ನನ್ನ ಎಷ್ಟು ಕ್ರೂರವಾಗಿ ದ್ವೇಷಿಸ್ತಾರೆ ಅಂತ ನೋಡು.

 3 ಯಾಕಂದ್ರೆ ನಿನ್ನ ಶಾಶ್ವತ ಪ್ರೀತಿ ಯಾವಾಗ್ಲೂ ನನ್ನ ಮುಂದಿದೆ,

ನಾನು ನಿನ್ನ ಸತ್ಯದಲ್ಲೇ ನಡಿತಿದ್ದೀನಿ.+

 4 ಮೋಸಗಾರರ ಸಹವಾಸ ಮಾಡಲ್ಲ,*+

ತಮ್ಮ ನಿಜ ಸ್ವರೂಪವನ್ನ ಮುಚ್ಚಿಡೋರಿಂದ ನಾನು ದೂರ ಇರ್ತಿನಿ.*

 5 ಕೆಟ್ಟವರ ಸಂಘ ನನಗೆ ಅಸಹ್ಯ,+

ಕೆಡುಕರ ಸಹವಾಸ ನನಗೆ ಬೇಕಾಗಿಲ್ಲ.+

 7 ನಿನಗೆ ಗಟ್ಟಿಯಾಗಿ ಧನ್ಯವಾದ ಹೇಳೋಕೆ,+

ನಿನ್ನ ಎಲ್ಲ ಅದ್ಭುತಗಳ ಬಗ್ಗೆ ಪ್ರಕಟಿಸೋಕೆ ನಾನು ಹಾಗೆ ಮಾಡ್ತೀನಿ.

 8 ಯೆಹೋವನೇ ನೀನು ವಾಸಿಸೋ ಆಲಯ ನನಗಿಷ್ಟ,+

ಆ ಜಾಗದಲ್ಲಿ ನಿನ್ನ ಮಹಿಮೆ ಇರುತ್ತೆ.+

 9 ಪಾಪಿಗಳ ಜೊತೆ ನನ್ನನ್ನೂ ಗುಡಿಸಿ ಬಿಡಬೇಡ,+

ದೌರ್ಜನ್ಯ ಮಾಡೋರ* ಪ್ರಾಣಗಳ ಜೊತೆ ನನ್ನ ಪ್ರಾಣವನ್ನೂ ತೆಗಿಬೇಡ.

10 ಅವ್ರ ಕೈಗಳು ನಾಚಿಕೆಗೆಟ್ಟ ಕೆಲಸಗಳನ್ನ ಮಾಡುತ್ತೆ,

ಅವ್ರ ಬಲಗೈ ಲಂಚದಿಂದ ತುಂಬಿತುಳುಕ್ತಿದೆ.

11 ಆದ್ರೆ ನಾನು ನಿಯತ್ತನ್ನ ಕಾಪಾಡ್ಕೊಂಡಿದ್ದೀನಿ,

ನನ್ನನ್ನ ರಕ್ಷಿಸು,* ನನಗೆ ಕೃಪೆ ತೋರಿಸು.

12 ನಾನು ಸುರಕ್ಷಿತವಾಗಿರೋ ಜಾಗದಲ್ಲಿ ನಿಂತಿದ್ದೀನಿ,+

ಮಹಾ ಸಭೆಯಲ್ಲಿ* ನಾನು ಯೆಹೋವನನ್ನ ಹೊಗಳ್ತೀನಿ.+

 2 ನನ್ನನ್ನ ನಾಶಮಾಡೋಕೆ ಕೆಟ್ಟವರು ನನ್ನ ಮೇಲೆ ದಾಳಿಮಾಡಿದಾಗ,+

ನನ್ನ ವಿರೋಧಿಗಳೇ ಮುಗ್ಗರಿಸಿ ಬಿದ್ರು.

 3 ಸೈನ್ಯ ಪಾಳೆಯ ಹೂಡಿ ನನ್ನನ್ನ ಮುತ್ಕೊಂಡಾಗ,

ನನ್ನ ಹೃದಯ ಭಯಪಡಲ್ಲ.+

ನನ್ನ ವಿರುದ್ಧ ಯುದ್ಧಕ್ಕೆ ಬಂದ್ರೂ,

ನಾನು ಧೈರ್ಯವಾಗೇ ಇರ್ತಿನಿ.

 4 ನಾನು ಯೆಹೋವನ ಹತ್ರ ಒಂದು ವಿಷ್ಯ ಕೇಳಿದ್ದೀನಿ,

ಅದಕ್ಕಾಗಿ ನಾನು ಕಾಯ್ತಾ ಕೂತಿದ್ದೀನಿ, ಅದೇನಂದ್ರೆ

ಯಾವಾಗ್ಲೂ ಯೆಹೋವನ ಒಳ್ಳೇತನವನ್ನ ನೋಡೋಕೆ ಆಗೋ ಹಾಗೆ,

ಆತನ ಆಲಯವನ್ನ ಗಣ್ಯತೆಯಿಂದ ಕಾಣೋ ಹಾಗೆ,+

ನಾನು ಸಾಯೋ ತನಕ ಯೆಹೋವನ ಆಲಯದಲ್ಲೇ* ಇರೋಕೆ ಆಗಲಿ ಅಂತ.+

 5 ಯಾಕಂದ್ರೆ ವಿಪತ್ತಿನ ದಿನ ಆತನು ನನ್ನನ್ನ ತನ್ನ ಆಶ್ರಯದಲ್ಲಿ ಬಚ್ಚಿಡ್ತಾನೆ,+

ನನ್ನನ್ನ ತನ್ನ ಡೇರೆಯ ರಹಸ್ಯ ಜಾಗದಲ್ಲಿ ಅಡಗಿಸಿ ಇಡ್ತಾನೆ,+

ನನ್ನನ್ನ ಎತ್ತರವಾದ ಬಂಡೆ ಮೇಲೆ ನಿಲ್ಲಿಸ್ತಾನೆ.+

 6 ಈಗ ನನ್ನ ತಲೆ ನನ್ನನ್ನ ಮುತ್ಕೊಂಡಿರೋ ಶತ್ರುಗಳಿಗಿಂತ ಎತ್ತರದಲ್ಲಿದೆ,

ಖುಷಿಯಿಂದ ಜೈಕಾರ ಹಾಕ್ತಾ ನಾನು ಆತನ ಡೇರೆಯಲ್ಲಿ ಬಲಿಗಳನ್ನ ಕೊಡ್ತೀನಿ,

ನಾನು ಯೆಹೋವನಿಗೆ ಹಾಡಿ ಹೊಗಳ್ತೀನಿ.

 7 ಯೆಹೋವನೇ, ನಾನು ಕೂಗಿದಾಗ ದಯವಿಟ್ಟು ಕೇಳು,+

ನನಗೆ ಕೃಪೆ ತೋರಿಸಿ ಉತ್ತರ ಕೊಡು.+

 8 “ನನ್ನನ್ನ ಹುಡುಕಿ” ಅನ್ನೋ ಆಜ್ಞೆ ಕೊಟ್ಟೆ ಅಂತ,

ನನ್ನ ಹೃದಯ ಹೇಳ್ತು.

ನೀನೇ ನನ್ನ ಸಹಾಯಕ,+

ನನ್ನ ರಕ್ಷಣೆಯ ದೇವರೇ, ತೊರೆದು ಹೋಗಬೇಡ, ನನ್ನನ್ನ ಬಿಡಬೇಡ.

10 ಹೆತ್ತ ಅಪ್ಪಅಮ್ಮ ನನ್ನ ಕೈಬಿಟ್ರೂ,+

ಯೆಹೋವ ನನ್ನನ್ನ ಸೇರಿಸಿಕೊಳ್ತಾನೆ.+

12 ನನ್ನನ್ನ ಶತ್ರುಗಳ ಕೈಗೆ ಒಪ್ಪಿಸಬೇಡ,+

ಯಾಕಂದ್ರೆ ಸುಳ್ಳು ಸಾಕ್ಷಿ ಹೇಳೋರು ನನ್ನ ವಿರುದ್ಧ ಎದ್ದಿದ್ದಾರೆ,+

ಅವರು ನನಗೆ ಪ್ರಾಣ ಬೆದರಿಕೆ ಹಾಕ್ತಿದ್ದಾರೆ.

13 ನಾನು ಬದುಕಿದ್ದಾಗಲೇ ಯೆಹೋವನ ಒಳ್ಳೇತನ ನೋಡ್ತೀನಿ ಅಂತ

ನನಗೆ ನಂಬಿಕೆ ಇಲ್ಲದಿದ್ರೆ ನಾನು ಈಗ ಎಲ್ಲಿ ಇರ್ತಿದ್ದೆ?*+

28 ಯೆಹೋವನೇ, ನನ್ನ ಬಂಡೆಯೇ,+ ನಾನು ನಿನಗೆ ಪ್ರಾರ್ಥಿಸ್ತಾ ಇರ್ತಿನಿ,

ನನ್ನನ್ನ ಅಲಕ್ಷಿಸಬೇಡ.

ನೀನು ಮೌನವಾಗಿದ್ರೆ,

ನನ್ನ ಪರಿಸ್ಥಿತಿ ಸತ್ತವರಿಗಿಂತ ಕಡೆ.*+

 2 ನಾನು ನಿನ್ನ ಆಲಯದ ಅತೀ ಪವಿತ್ರ ಸ್ಥಳದ ಕಡೆಗೆ ಕೈ ಎತ್ತಿ,+

ಸಹಾಯಕ್ಕಾಗಿ ಅಂಗಲಾಚುವಾಗ ನನ್ನ ಬಿನ್ನಹವನ್ನ ಕೇಳಿಸ್ಕೋ.

 3 ಕೆಟ್ಟವರ ಜೊತೆ ನನ್ನನ್ನೂ ಎಳ್ಕೊಂಡು ಹೋಗಬೇಡ,+

ಅವರು ಬೇರೆಯವರ ಜೊತೆ ಸಮಾಧಾನವಾಗಿ ಮಾತಾಡಿದ್ರೂ,

ಅವ್ರ ಹೃದಯದಲ್ಲಿ ಕೆಟ್ಟದೇ ತುಂಬಿರುತ್ತೆ.+

 4 ಅವ್ರ ಕೆಲಸಗಳಿಗೆ ತಕ್ಕ ಹಾಗೆ,

ಅವ್ರ ಕೆಟ್ಟ ಕೆಲಸಗಳಿಗೆ ತಕ್ಕ ಹಾಗೆ ಪ್ರತಿಫಲ ಕೊಡು,+

ಅವ್ರ ಕಾರ್ಯಗಳಿಗೆ ತಕ್ಕ ಹಾಗೆ,

ಅವರು ಮಾಡಿದಕ್ಕೆ ತಕ್ಕ ಹಾಗೆ ಪ್ರತಿಕಾರ ತೀರಿಸ್ಕೊ.+

 5 ಯಾಕಂದ್ರೆ ಅವರು ಯೆಹೋವನ ಕೆಲಸಗಳನ್ನಾಗಲಿ,+

ಆತನು ಮಾಡಿದ್ದನ್ನಾಗಲಿ ಗಮನಿಸಲ್ಲ.+

 6 ಯೆಹೋವನಿಗೆ ಹೊಗಳಿಕೆ ಸಿಗಲಿ,

ಯಾಕಂದ್ರೆ ಸಹಾಯಕ್ಕಾಗಿ ನಾನಿಟ್ಟ ಮೊರೆನ ಆತನು ಕೇಳಿಸ್ಕೊಂಡ.

 7 ಯೆಹೋವನೇ ನನ್ನ ಬಲ,+ ನನ್ನ ಗುರಾಣಿ,+

ನನ್ನ ಹೃದಯ ಆತನಲ್ಲೇ ಭರವಸೆ ಇಡುತ್ತೆ.+

ನನಗೆ ಆತನ ಸಹಾಯ ಸಿಕ್ಕಿದೆ, ನನ್ನ ಹೃದಯ ಖುಷಿಪಡುತ್ತೆ,

ಹಾಗಾಗಿ ನಾನು ನನ್ನ ಹಾಡಿಂದ ಆತನನ್ನ ಹೊಗಳ್ತೀನಿ.

 8 ಯೆಹೋವ ತನ್ನ ಜನ್ರಿಗೆ ಬಲ,

ತನ್ನ ಅಭಿಷಿಕ್ತನಿಗೆ ಮಹಾ ರಕ್ಷಣೆಯನ್ನ ನೀಡೋ ಭದ್ರಕೋಟೆ.+

29 ಶೂರವೀರರ ಮಕ್ಕಳೇ, ಯೆಹೋವನನ್ನ ಹೊಗಳಿ,

ಯೆಹೋವನ ಮಹಿಮೆಗಾಗಿ, ಬಲಕ್ಕಾಗಿ ಆತನಿಗೆ ಸಲ್ಲಿಸಬೇಕಾಗಿ ಇರೋದನ್ನ ಸಲ್ಲಿಸಿ.+

 3 ಮೋಡಗಳ ಮೇಲಿಂದ ಯೆಹೋವನ ಧ್ವನಿ ಕೇಳಿಸ್ತಿದೆ,

ಮಹಿಮಾಭರಿತ ದೇವರು ಗುಡುಗ್ತಿದ್ದಾನೆ.+

 4 ಯೆಹೋವನ ಧ್ವನಿಯಲ್ಲಿ ಗತ್ತಿದೆ,+

ಯೆಹೋವನ ಸ್ವರ ಅದ್ಭುತವಾಗಿದೆ.

 5 ಯೆಹೋವನ ಧ್ವನಿ ದೇವದಾರು ಮರಗಳನ್ನ ಸೀಳಿಹಾಕುತ್ತೆ,

ಯೆಹೋವ ಲೆಬನೋನಿನ ದೇವದಾರುಗಳನ್ನ ತುಂಡುತುಂಡು ಮಾಡ್ತಾನೆ.+

 6 ಆತನು ಲೆಬನೋನನ್ನ* ಜಿಗಿಯೋ ಕರುವಿನ ತರ

ಸಿರ್ಯೋನನ್ನ+ ಜಿಗಿಯೋ ಎಳೇ ಕಾಡುಹೋರಿ ತರ ಮಾಡ್ತಾನೆ.

 8 ಯೆಹೋವನ ಧ್ವನಿ ಕಾಡನ್ನ ಕಂಪಿಸುತ್ತೆ,+

ಯೆಹೋವ ಕಾದೇಶ್‌+ ಕಾಡನ್ನ ನಡುಗಿಸ್ತಾನೆ.

 9 ಯೆಹೋವನ ಧ್ವನಿಗೆ ಜಿಂಕೆ ನಡುಗಿ ಮರಿ ಹಾಕುತ್ತೆ,

ಕಾಡಿಗೆ ಕಾಡೇ ಬರಿದಾಗಿ ಹೋಗುತ್ತೆ.+

10 ಯೆಹೋವ ನೀರಿನ ಪ್ರವಾಹದ* ಮೇಲೆ ಕೂತಿದ್ದಾನೆ,+

ಯೆಹೋವ ಶಾಶ್ವತಕ್ಕೂ ರಾಜನಾಗಿ ಸಿಂಹಾಸನದಲ್ಲಿ ಕೂತಿದ್ದಾನೆ.+

30 ಯೆಹೋವನೇ, ನೀನು ನನ್ನನ್ನ ಮೇಲೆಕ್ಕೆ ಎತ್ತಿದ್ರಿಂದ* ನಾನು ನಿನ್ನನ್ನ ಹೊಗಳ್ತೀನಿ,

ನನ್ನ ಶತ್ರುಗಳು ನನ್ನ ನೋಡಿ ನಗೋಕೆ ನೀನು ಬಿಡಲಿಲ್ಲ.+

 5 ಯಾಕಂದ್ರೆ ಆತನ ಕೋಪ ಕ್ಷಣಮಾತ್ರ,+

ಆದ್ರೆ ಆತನ ಕೃಪೆ ಜೀವನಪರ್ಯಂತ.+

 8 ಯೆಹೋವನೇ, ನಾನು ನಿನಗೆ ಪ್ರಾರ್ಥಿಸ್ತಾನೇ ಇದ್ದೆ,+

ನಾನು ಯೆಹೋವನಿಗೆ ಕೇಳ್ಕೊಳ್ತಾನೇ ಇದ್ದೆ.

11 ನೀನು ನನ್ನ ಗೋಳಾಟವನ್ನ ಸಂತೋಷವಾಗಿ* ಬದಲಾಯಿಸಿದೆ,

ನೀನು ನನ್ನ ಗೋಣಿ ಬಟ್ಟೆಯನ್ನ ತೆಗೆದು ನನಗೆ ಹಬ್ಬದ ಬಟ್ಟೆಯನ್ನ ಹಾಕಿದೆ,

12 ಹಾಗಾಗಿ ನನ್ನ ಬಾಯಿ* ಸುಮ್ಮನಿರದೆ ನಿನ್ನನ್ನೇ ಹಾಡಿ ಹೊಗಳ್ತಾನೇ ಇದೆ.

 4 ಶತ್ರುಗಳು ನನ್ನನ್ನ ಬೀಳಿಸೋಕೆ ಬಚ್ಚಿಟ್ಟಿರೋ ಬಲೆಯಿಂದ ನೀನು ನನ್ನನ್ನ ಬಿಡಿಸ್ತೀಯ,+

ಯಾಕಂದ್ರೆ ನೀನೇ ನನ್ನ ಕೋಟೆ.+

 7 ನಿನ್ನ ಶಾಶ್ವತ ಪ್ರೀತಿಯಿಂದ ನನಗೆ ತುಂಬ ಖುಷಿಯಾಗುತ್ತೆ,

ಯಾಕಂದ್ರೆ ನನ್ನ ಸಂಕಟವನ್ನ ನೀನು ನೋಡಿದ್ದೀಯ,+

ನನ್ನ ಮನದಾಳದ ಯಾತನೆಯನ್ನ ನೀನು ತಿಳ್ಕೊಂಡಿದ್ದೀಯ.

 8 ನೀನು ನನ್ನನ್ನ ಶತ್ರುವಿನ ಕೈಗೆ ಒಪ್ಪಿಸದೆ,

ಸುರಕ್ಷಿತ ಜಾಗದಲ್ಲಿ* ನಿಲ್ಲಿಸಿದ್ದೀಯ.

10 ದುಃಖದಿಂದ ನನ್ನ ಜೀವ ಇಂಗಿಹೋಗಿದೆ,+

ಕೊರಗ್ತಾ ಕೊರಗ್ತಾ ನನ್ನ ಆಯಸ್ಸು ಆವಿಯಾಗ್ತಿದೆ.+

ನನ್ನ ತಪ್ಪಿಂದಾಗಿ ನನ್ನ ಬಲ ಕುಗ್ಗಿಹೋಗ್ತಿದೆ,

ನನ್ನ ಎಲುಬು ಸವೆದುಹೋಗ್ತಿದೆ.+

11 ನನ್ನ ಎಲ್ಲ ಶತ್ರುಗಳು,

ವಿಶೇಷವಾಗಿ ನನ್ನ ಪರಿಚಿತರೇ ನನ್ನನ್ನ ಕೀಳಾಗಿ ನೋಡ್ತಿದ್ದಾರೆ.+

ನನ್ನ ಆಪ್ತರೇ ನನ್ನನ್ನ ನೋಡಿ ಭಯಪಡ್ತಾರೆ,

ನನ್ನನ್ನ ದಾರಿಯಲ್ಲಿ ನೋಡಿದ್ರೆ ಸಾಕು ಅವರು ನನ್ನಿಂದ ದೂರ ಓಡಿಹೋಗ್ತಾರೆ.+

13 ನಾನು ನನ್ನ ಬಗ್ಗೆ ಸಿಕ್ಕಾಪಟ್ಟೆ ಕೆಟ್ಟ ಗಾಳಿಸುದ್ದಿಗಳನ್ನ ಕೇಳಿಸ್ಕೊಂಡಿದ್ದೀನಿ,

ಆತಂಕ ನನ್ನನ್ನ ಸುತ್ಕೊಂಡಿದೆ.+

ಅವ್ರೆಲ್ಲ ನನ್ನ ವಿರುದ್ಧ ಸೇರಿದಾಗ,

ನನ್ನ ಪ್ರಾಣ ತೆಗೀಬೇಕು ಅಂತ ಹೊಂಚುಹಾಕ್ತಾರೆ.+

18 ಸುಳ್ಳು ಹೇಳೋ ಬಾಯಿ* ಮೂಕ ಆಗಲಿ,+

ಅದು ಜಂಬದಿಂದ, ದ್ವೇಷಿಸ್ತಾ ನೀತಿವಂತನ ವಿರುದ್ಧ ಸೊಕ್ಕಿಂದ ಮಾತಾಡುತ್ತೆ.

ನಿನ್ನ ಮೇಲೆ ಭಯಭಕ್ತಿ ಇರೋರಿಗೆ ನೀನು ಅದನ್ನ ಕೂಡಿಸಿಟ್ಟಿದ್ದೀಯ,+

ನೀನು ಎಲ್ಲ ಜನ್ರ ಮುಂದೆ, ನಿನ್ನನ್ನ ಆಶ್ರಯ ಮಾಡ್ಕೊಂಡವ್ರಿಗೆ ಅದನ್ನ ತೋರಿಸಿದ್ದೀಯ.+

20 ಜನ್ರ ಸಂಚಿನಿಂದ ಕಾಪಾಡೋಕೆ,

ನೀನು ಅವ್ರನ್ನ ನಿನ್ನ ಸನ್ನಿಧಿಯಲ್ಲಿ ಬಚ್ಚಿಡ್ತೀಯ,+

ಪ್ರಾಣ ತೆಗಿಯೋ ದಾಳಿಯಿಂದ* ರಕ್ಷಿಸೋಕೆ,

ಅವ್ರನ್ನ ನಿನ್ನ ಆಸರೆಯಲ್ಲಿ ಮರೆಮಾಡ್ತೀಯ.+

21 ಯೆಹೋವನಿಗೆ ಹೊಗಳಿಕೆ ಸಿಗಲಿ,

ಯಾಕಂದ್ರೆ ಮುತ್ತಿಗೆ ಹಾಕಿದ್ದ ಪಟ್ಟಣದಲ್ಲಿ+ ನಾನಿದ್ದಾಗ, ಆತನು ತನ್ನ ಶಾಶ್ವತ ಪ್ರೀತಿಯನ್ನ ನನಗೆ ಅದ್ಭುತವಾಗಿ ತೋರಿಸಿದ್ದಾನೆ.+

22 ನಾನು ತುಂಬ ಹೆದರಿಹೋದೆ,

“ಅವರು ನನ್ನನ್ನ ಸಾಯಿಸಿಬಿಡ್ತಾರೆ” ಅಂದ್ಕೊಂಡೆ.+

ಯೆಹೋವ ನಂಬಿಗಸ್ತರನ್ನ ಕಾಪಾಡ್ತಾನೆ,+

ಆದ್ರೆ ಜಂಬದಿಂದ ಮೆರೆಯೋರನ್ನ ಕಠಿಣವಾಗಿ ಶಿಕ್ಷಿಸ್ತಾನೆ.+

32 ಯಾರ ತಪ್ಪುಗಳಿಗೆ,

ಯಾರ ಪಾಪಗಳಿಗೆ ಕ್ಷಮೆ ಸಿಕ್ಕಿದೆಯೋ* ಅಂಥವನು ಖುಷಿಯಾಗಿ ಇರ್ತಾನೆ.+

 2 ಯೆಹೋವ ಯಾರನ್ನ ಅಪರಾಧಿ ಅಂತ ಹೇಳಲ್ವೋ,+

ಯಾರ ಹೃದಯದಲ್ಲಿ ಕಪಟ ಇರಲ್ವೋ ಅಂಥವನು ಸಂತೋಷವಾಗಿ ಇರ್ತಾನೆ.

 5 ಕೊನೆಗೆ ನಾನು ನನ್ನ ಪಾಪವನ್ನ ನಿನ್ನ ಹತ್ರ ಒಪ್ಕೊಂಡೆ,

ನಾನು ನನ್ನ ತಪ್ಪನ್ನ ಮುಚ್ಚಿಡಲಿಲ್ಲ.+

 6 ಅದಕ್ಕೇ ನಿನ್ನ ಹತ್ರ ಬರೋ ಅವಕಾಶ ಎಲ್ಲಿ ತನಕ ಇರುತ್ತೋ,

ಅಲ್ಲಿ ತನಕ ನಿಷ್ಠಾವಂತರು ನಿನಗೆ ಪ್ರಾರ್ಥಿಸ್ತಾರೆ.+

 7 ನಾನು ಬಚ್ಚಿಟ್ಟುಕೊಳ್ಳೋ ಜಾಗ ನೀನು,

ಕಷ್ಟಗಳಿಂದ ನೀನು ನನ್ನನ್ನ ಕಾಪಾಡ್ತೀಯ.+

 9 ನೀನು ಬುದ್ಧಿ ಇಲ್ಲದ ಕುದುರೆ ತರ, ಹೇಸರಗತ್ತೆ ತರ ಆಗಬೇಡ,+

ಅದು ನಿನ್ನ ಹತ್ರ ಬರಬೇಕಂದ್ರೆ ನೀನು ಮೊದಲು ಅದಕ್ಕೆ ಕಡಿವಾಣ ಹಾಕಬೇಕು.”

10 ಕೆಟ್ಟವನಿಗೆ ನೂರಾರು ನೋವಿರುತ್ತೆ,

ಆದ್ರೆ ಯೆಹೋವನಲ್ಲಿ ಭರವಸೆ ಇಡೋರಿಗೆ ಆತನ ಶಾಶ್ವತ ಪ್ರೀತಿ ಜೊತೆಗಿರುತ್ತೆ.+

11 ನೀತಿವಂತರೇ, ಯೆಹೋವನಲ್ಲಿ ಖುಷಿಪಡಿ, ಉಲ್ಲಾಸಪಡಿ,

ಪ್ರಾಮಾಣಿಕ ಹೃದಯದವ್ರೇ, ಸಂತೋಷದಿಂದ ಜೈಕಾರ ಹಾಕಿ.

 2 ತಂತಿವಾದ್ಯಗಳನ್ನ ನುಡಿಸಿ ಯೆಹೋವನಿಗೆ ಧನ್ಯವಾದ ಹೇಳಿ,

ಹತ್ತು ತಂತಿಗಳ ವಾದ್ಯ ನುಡಿಸ್ತಾ ಆತನನ್ನ ಹಾಡಿ ಹೊಗಳಿ.*

 3 ಆತನಿಗಾಗಿ ಹೊಸ ಹಾಡನ್ನ ಹಾಡಿ,+

ಸಂತೋಷದಿಂದ ಜೈಕಾರ ಹಾಕ್ತಾ ತಂತಿವಾದ್ಯಗಳನ್ನ ಚೆನ್ನಾಗಿ ನುಡಿಸಿ.

 4 ಯಾಕಂದ್ರೆ ಯೆಹೋವನ ಮಾತು ಸತ್ಯ,+

ಆತನು ಮಾಡೋದೆಲ್ಲ ನಂಬೋಕೆ ಯೋಗ್ಯ.

 6 ಯೆಹೋವನ ಮಾತಿಂದ ಆಕಾಶ ಸೃಷ್ಟಿ ಆಯ್ತು,+

ಅದ್ರಲ್ಲಿರೋ ಎಲ್ಲ* ಆತನ ಬಾಯಿಯ ಉಸಿರಿಂದ ಬಂತು.

 7 ಅಣೆಕಟ್ಟಿನ ನೀರಿನ ಹಾಗೆ ಆತನು ಸಮುದ್ರದ ನೀರನ್ನ ಕೂಡಿಸ್ತಾನೆ,+

ಉಕ್ಕೇರೋ ಜಲರಾಶಿನ ಆತನು ಕಣಜದಲ್ಲಿ ಸಂಗ್ರಹಿಸ್ತಾನೆ.

 9 ಯಾಕಂದ್ರೆ ಆತನು ಹೇಳಿದ ಹಾಗೇ ಭೂಮಿ ಅಸ್ತಿತ್ವಕ್ಕೆ ಬಂತು,+

ಆತನು ಆಜ್ಞೆ ಕೊಟ್ಟ ಹಾಗೇ ಅದು ನಿಂತುಕೊಳ್ತು.+

10 ಯೆಹೋವ ಜನ್ರ ಯೋಜನೆಗಳನ್ನ ಮಣ್ಣುಪಾಲು ಮಾಡಿದ,+

ಆತನು ಅವ್ರ ಉಪಾಯಗಳನ್ನ* ಕೆಡಿಸಿದ.+

11 ಆದ್ರೆ ಯೆಹೋವನ ನಿರ್ಣಯಗಳು* ಯಾವಾಗ್ಲೂ ಇರುತ್ತೆ,+

ಆತನ ಹೃದಯದ ಆಲೋಚನೆಗಳು ಶಾಶ್ವತವಾಗಿ ಇರುತ್ತೆ.

12 ಯಾವ ಜನಾಂಗದ ಜನ್ರಿಗೆ ಯೆಹೋವ ದೇವರಾಗಿ ಇರ್ತಾನೋ,+

ಯಾವ ಜನ್ರನ್ನ ಆತನು ತನ್ನ ಆಸ್ತಿಯಾಗಿ ಆರಿಸ್ಕೊಂಡಿದ್ದಾನೋ ಅವರು ಭಾಗ್ಯವಂತರು.+

13 ಯೆಹೋವ ಸ್ವರ್ಗದಿಂದ ಕೆಳಗೆ ನೋಡ್ತಾನೆ,

ಆತನ ಕಣ್ಣು ಎಲ್ಲ ಜನ್ರ ಮೇಲಿರುತ್ತೆ.+

14 ಆತನು ತನ್ನ ಸ್ವರ್ಗದಿಂದ,

ಜನ್ರನ್ನ ದಿಟ್ಟಿಸಿ ನೋಡ್ತಾನೆ.

15 ಎಲ್ರ ಹೃದಯಗಳನ್ನ ರೂಪಿಸಿದವನು ಆತನೇ,

ಅವ್ರ ಕೆಲಸಗಳನ್ನೆಲ್ಲ ಪರೀಕ್ಷಿಸುವವನೂ ಆತನೇ.+

18 ನೋಡಿ! ಯೆಹೋವನ ಕಣ್ಣು ಆತನಿಗೆ ಭಯಪಡೋರ ಮೇಲಿದೆ,+

ಆತನ ಶಾಶ್ವತ ಪ್ರೀತಿ ಮೇಲೆ ನಿರೀಕ್ಷೆ ಇಡೋರ ಮೇಲಿದೆ.

19 ಅವ್ರನ್ನ ಸಾವಿಂದ ಕಾಪಾಡೋಕೆ,

ಬರಗಾಲದ ಸಮಯದಲ್ಲಿ ಅವರು ಜೀವಂತವಾಗಿ ಇರೋಕೆ,

ಆತನು ಹೀಗೆ ಮಾಡ್ತಾನೆ.+

21 ನಮ್ಮ ಹೃದಯಗಳು ಆತನಲ್ಲಿ ಖುಷಿಪಡುತ್ತೆ,

ಯಾಕಂದ್ರೆ ಆತನ ಪವಿತ್ರ ಹೆಸ್ರಿನ ಮೇಲೆ ನಮಗೆ ಭರವಸೆ ಇದೆ.+

22 ಯೆಹೋವನೇ, ನಾವು ನಿನಗಾಗಿ ಕಾಯ್ತಾ ಇರುವಾಗ್ಲೇ,+

ನಿನ್ನ ಶಾಶ್ವತ ಪ್ರೀತಿ ನಮ್ಮ ಮೇಲಿರಲಿ.+

34 ನಾನು ಯಾವಾಗ್ಲೂ ಯೆಹೋವನನ್ನ ಹೊಗಳ್ತೀನಿ,

ಆತನ ಸ್ತುತಿ ನನ್ನ ತುಟಿ ಮೇಲೆನೇ ಇರುತ್ತೆ.

 2 ನಾನು ಯೆಹೋವನ ಬಗ್ಗೆ ಕೊಚ್ಚಿಕೊಳ್ತೀನಿ,*+

ದೀನರು ಅದನ್ನ ಕೇಳಿಸ್ಕೊಂಡು ಖುಷಿಪಡ್ತಾರೆ.

 3 ನನ್ನ ಜೊತೆ ಸೇರಿ ಯೆಹೋವನನ್ನ ಹೊಗಳಿ,+

ನಾವೆಲ್ಲ ಸೇರಿ ಆತನ ಹೆಸ್ರಿಗೆ ಕೀರ್ತಿ ತರೋಣ.

 7 ದೇವ್ರಿಗೆ ಭಯಪಡೋರ ಸುತ್ತ ಯೆಹೋವನ ದೂತ ಪಾಳೆಯ ಹಾಕ್ತಾನೆ,+

ಅವನು ಅವ್ರನ್ನ ಕಾದು ಕಾಪಾಡ್ತಾನೆ.+

 8 ಯೆಹೋವ ಒಳ್ಳೆಯವನು ಅಂತ ಸವಿದು ನೋಡಿ,+

ಆತನನ್ನ ಆಶ್ರಯಿಸುವವನು ಭಾಗ್ಯವಂತ.

10 ಎಳೇ ಸಿಂಹಗಳು* ಹಸಿವಿಂದ ಸೊರಗಿ ಹೋಗಬಹುದು,

ಆದ್ರೆ ಯೆಹೋವನನ್ನ ಹುಡುಕೋರಿಗೆ ಒಳ್ಳೇ ವಿಷ್ಯಗಳ ಕೊರತೆನೇ ಇರಲ್ಲ.+

11 ನನ್ನ ಮಕ್ಕಳೇ ಬನ್ನಿ, ನಾನು ಹೇಳೋದನ್ನ ಕೇಳಿಸ್ಕೊಳ್ಳಿ,

ಯೆಹೋವನಿಗೆ ಭಯಪಡೋದು ಅಂದ್ರೆ ಏನಂತ ನಾನು ನಿಮಗೆ ಕಲಿಸ್ತೀನಿ.+

13 ಹಾಗಾದ್ರೆ ನಿಮ್ಮ ನಾಲಿಗೆಯಿಂದ ಕೆಟ್ಟ ಮಾತುಗಳು ಬರದ ಹಾಗೆ,+

ನಿಮ್ಮ ತುಟಿಯಿಂದ ಕಪಟ ಮಾತುಗಳು ಬರದ ಹಾಗೆ ನೋಡ್ಕೊಳ್ಳಿ.+

14 ಕೆಟ್ಟದ್ರಿಂದ ದೂರ ಇದ್ದು, ಒಳ್ಳೇದನ್ನ ಮಾಡಿ,+

ಶಾಂತಿಯನ್ನ ಹುಡುಕಿ, ಪ್ರಯತ್ನ ಬಿಡಬೇಡಿ.+

15 ಯೆಹೋವನ ಕಣ್ಣು ನೀತಿವಂತರ ಮೇಲಿದೆ,+

ಸಹಾಯಕ್ಕಾಗಿ ಅವರು ಕೇಳಿದಾಗ ಆತನ ಕಿವಿ ಅದನ್ನ ಕೇಳಿಸ್ಕೊಳ್ಳುತ್ತೆ.+

16 ಆದ್ರೆ ಕೆಟ್ಟ ಕೆಲಸ ಮಾಡೋರು ಯೆಹೋವನಿಗೆ ಬೇಡ,

ಅವ್ರ ನೆನಪುಗಳನ್ನೂ ಭೂಮಿಯಿಂದ ಅಳಿಸಿಹಾಕ್ತಾನೆ.+

17 ನೀತಿವಂತರು ಮೊರೆಯಿಟ್ಟಾಗ ಯೆಹೋವ ಅದನ್ನ ಕೇಳಿಸ್ಕೊಂಡ,+

ಅವ್ರ ಎಲ್ಲ ಕಷ್ಟಗಳಿಂದ ಆತನು ಅವ್ರನ್ನ ಬಿಡಿಸಿದ.+

18 ಹೃದಯ ಒಡೆದು ಹೋಗಿರೋರಿಗೆ ಯೆಹೋವ ಹತ್ರಾನೇ ಇರ್ತಾನೆ,+

ಮನಸ್ಸು ಚೂರುಚೂರಾಗಿ ಹೋಗಿರೋರನ್ನ* ಆತನು ಕಾದು ಕಾಪಾಡ್ತಾನೆ.+

19 ನೀತಿವಂತನಿಗೆ ಒಂದಲ್ಲ ಎರಡಲ್ಲ ನೂರಾರು ಕಷ್ಟಸಂಕಟಗಳು,*+

ಆದ್ರೆ ಯೆಹೋವ ಅವುಗಳಿಂದ ಅವನನ್ನ ಬಿಡಿಸ್ತಾನೆ.+

20 ಅವನ ಎಲ್ಲ ಮೂಳೆಗಳನ್ನ ಆತನು ಕಾಪಾಡ್ತಿದ್ದಾನೆ,

ಅದ್ರಲ್ಲಿ ಒಂದೂ ಮುರಿದು ಹೋಗಲಿಲ್ಲ.+

21 ಕಷ್ಟ ಕೆಟ್ಟವನಿಗೆ ಸಾವು ತರುತ್ತೆ,

ನೀತಿವಂತನನ್ನ ದ್ವೇಷಿಸೋ ವ್ಯಕ್ತಿ ಅಪರಾಧಿ ಆಗ್ತಾನೆ.

22 ಯೆಹೋವ ತನ್ನ ಸೇವಕರ ಜೀವ ಕಾಪಾಡ್ತಾನೆ,

ಆತನಲ್ಲಿ ಆಶ್ರಯ ಪಡ್ಕೊಳ್ಳೋ ಒಬ್ಬನೂ ಅಪರಾಧಿ ಆಗಿರಲ್ಲ.+

 2 ನಿನ್ನ ಚಿಕ್ಕ ಗುರಾಣಿ,* ನಿನ್ನ ದೊಡ್ಡ ಗುರಾಣಿ ತಗೊಂಡು,+

ನನ್ನನ್ನ ಕಾಪಾಡೋಕೆ ಬಾ.+

 5 ಅವರು ಗಾಳಿಗೆ ಹಾರಿಹೋಗೋ ಹೊಟ್ಟಿನ ತರ ಆಗಲಿ,

ಯೆಹೋವನ ದೂತ ಅವ್ರನ್ನ ಓಡಿಸಿಬಿಡ್ಲಿ.+

 6 ಯೆಹೋವನ ದೂತ ಅವ್ರನ್ನ ಅಟ್ಟಿಸ್ಕೊಂಡು ಹೋಗೋವಾಗ,

ಅವ್ರ ದಾರಿ ಕತ್ತಲಿಂದ ತುಂಬಲಿ, ಜಾರಿ ಬೀಳೋ ತರ ಇರಲಿ.

 8 ಆದ್ರೆ ಅವ್ರಿಗೇ ಗೊತ್ತಾಗದ ಹಾಗೆ ಅವ್ರ ಮೇಲೆ ವಿಪತ್ತು ಬರಲಿ,

ಅವರು ಬೀಸಿದ ಬಲೆಯಲ್ಲಿ ಅವ್ರೇ ಸಿಕ್ಕಿಹಾಕೊಳ್ಳಲಿ,

ಅವರು ತೋಡಿದ ಗುಂಡಿಗೆ ಅವ್ರೇ ಬಿದ್ದು ನಾಶವಾಗಲಿ.+

 9 ಆದ್ರೆ ನಾನು ಯೆಹೋವನಲ್ಲಿ ಖುಷಿಪಡ್ತೀನಿ,

ಆತನು ರಕ್ಷಿಸೋದನ್ನ ನೋಡಿ ಸಂತೋಷಪಡ್ತೀನಿ.

10 ನನ್ನ ಎಲುಬುಗಳೆಲ್ಲ ಹೀಗೆ ಹೇಳುತ್ತೆ

“ಯೆಹೋವನೇ, ನಿನ್ನ ಹಾಗೆ ಯಾರಿದ್ದಾರೆ?

ನೀನು ಬಲಿಷ್ಠರ ಕೈಯಿಂದ ನಿಸ್ಸಹಾಯಕರನ್ನ ಕಾಪಾಡ್ತೀಯ,+

ದೋಚುವವರ ಕೈಯಿಂದ ಮುಗ್ಧರನ್ನ ಮತ್ತು ಬಡವರನ್ನ ಬಿಡಿಸ್ತೀಯ.”+

11 ಕೆಟ್ಟವರು ಮುಂದೆ ಬಂದು ನನ್ನ ವಿರುದ್ಧ ಸಾಕ್ಷಿ ಹೇಳ್ತಾರೆ,+

ನನಗೆ ಗೊತ್ತೇ ಇಲ್ಲದಿರೋ ವಿಷ್ಯಗಳ ಬಗ್ಗೆ ನನ್ನನ್ನ ಕೇಳ್ತಾರೆ.

12 ಉಪಕಾರಕ್ಕೆ ಅಪಕಾರ ಮಾಡ್ತಾರೆ,+

ತಬ್ಬಲಿತರ ಮಾಡಿಬಿಟ್ಟಿದ್ದಾರೆ.

13 ಆದ್ರೆ ಅವ್ರಿಗೆ ಹುಷಾರಿಲ್ಲದಿದ್ದಾಗ ನಾನು ಗೋಣಿಬಟ್ಟೆ ಹಾಕೊಂಡೆ,

ಉಪವಾಸ ಮಾಡಿ ಕಷ್ಟಪಟ್ಟೆ,

ಯಾವಾಗ ನನ್ನ ಪ್ರಾರ್ಥನೆಗೆ ಉತ್ತರ ಸಿಗಲಿಲ್ವೋ,

14 ಆಗ ನನ್ನ ಒಬ್ಬ ಸ್ನೇಹಿತನಿಗಾಗಿ, ನನ್ನ ತಮ್ಮನಿಗಾಗಿ ದುಃಖಪಡೋ ಹಾಗೆ ದುಃಖಪಡ್ತಾ ಆಕಡೆ ಈಕಡೆ ತಿರುಗಾಡಿದೆ,

ಅಮ್ಮ ಸತ್ತಾಗ ಗೋಳಾಡಿದ ಹಾಗೆ ಗೋಳಾಡಿ ತಲೆತಗ್ಗಿಸಿದೆ.

15 ಆದ್ರೆ ನಾನು ಎಡವಿಬಿದ್ದಾಗ ಅವರು ಖುಷಿಪಟ್ರು,

ಒಟ್ಟಾಗಿ ಬಂದು ನನ್ನನ್ನ ಸಾಯಿಸೋಕೆ ಹೊಂಚುಹಾಕಿದ್ರು,

ಅವರು ಸುಮ್ಮನಿರಲಿಲ್ಲ, ನನ್ನನ್ನ ತುಂಡುತುಂಡಾಗಿ ಸೀಳಿಬಿಟ್ರು.

16 ದೇವ್ರ ಮೇಲೆ ಭಕ್ತಿ ಇಲ್ಲದ ಅವರು ನನ್ನನ್ನ ಕೀಳಾಗಿ ನೋಡ್ತಾ ಅಣಕಿಸಿದ್ರು,*

ಅವರು ನನ್ನ ವಿರುದ್ಧ ಹಲ್ಲು ಕಡಿದ್ರು.+

ಅವ್ರ ಆಕ್ರಮಣಗಳಿಂದ ನನ್ನನ್ನ ಕಾಪಾಡು,+

ಎಳೇ* ಸಿಂಹಗಳಿಂದ ನನ್ನ ಅಮೂಲ್ಯ ಜೀವವನ್ನ ಕಾಪಾಡು.+

18 ಆಗ ನಾನು ತುಂಬಿದ ಸಭೆಯಲ್ಲಿ ನಿನಗೆ ಧನ್ಯವಾದ ಹೇಳ್ತೀನಿ,+

ಜನ್ರ ಗುಂಪಲ್ಲಿ ನಿನ್ನನ್ನ ಹೊಗಳ್ತೀನಿ.

19 ಸುಮ್ಮಸುಮ್ಮನೆ ನನ್ನ ಶತ್ರುಗಳು ನನ್ನನ್ನ ನೋಡಿ ಹಿಗ್ಗೋಕೆ ಬಿಡಬೇಡ,

ವಿನಾಕಾರಣ ನನ್ನನ್ನ ದ್ವೇಷಿಸೋರು+ ನನ್ನನ್ನ ನೋಡಿ ದುರುದ್ದೇಶದಿಂದ ಕಣ್ಣು ಮಿಟುಕಿಸೋಕೆ+ ಬಿಡಬೇಡ.

20 ಯಾಕಂದ್ರೆ ಅವ್ರ ಮಾತಲ್ಲಿ ಶಾಂತಿ ಇಲ್ಲ,

ದೇಶದಲ್ಲಿರೋ ಶಾಂತಿಪ್ರಿಯರ ಮೇಲೆ ಮೋಸದಿಂದ ಸಂಚು ಮಾಡ್ತಾರೆ.+

21 ಅವರು ನನ್ನನ್ನ ಬೈಯೋಕೆ ತಮ್ಮ ಬಾಯಿಯನ್ನ ಊರಗಲ ತೆಗಿದು,

“ಆಹಾ! ಆಹಾ! ನಾವು ಏನು ಅಂದ್ಕೊಂಡಿದ್ವೋ ಹಾಗೇ ಆಯ್ತು” ಅಂತಾರೆ.

23 ದಯವಿಟ್ಟು ಬಂದು ನನ್ನನ್ನ ರಕ್ಷಿಸು,

ನನ್ನ ದೇವರಾದ ಯೆಹೋವನೇ, ನನ್ನ ಪಕ್ಷದಲ್ಲಿ ನಿಂತು ನನ್ನ ಪರವಾಗಿ ವಾದಿಸು.

24 ನನ್ನ ದೇವರಾದ ಯೆಹೋವನೇ, ನಿನ್ನ ನೀತಿಗೆ ತಕ್ಕ ಹಾಗೆ ನನಗೆ ತೀರ್ಪು ಕೊಡು,+

ಅವರು ನನ್ನನ್ನ ನೋಡಿ ಹಿಗ್ಗೋಕೆ ಬಿಡಬೇಡ.

26 ನನ್ನ ಕಷ್ಟ ನೋಡಿ ಖುಷಿಪಡೋರಿಗೆ,

ನಾಚಿಕೆ, ಅವಮಾನ ಆಗಲಿ.

27 ಆದ್ರೆ ನಾನು ನೀತಿಯಿಂದ ನಡ್ಕೊಳ್ಳೋದನ್ನ ನೋಡಿ ಖುಷಿಪಡೋರು ಆನಂದದಿಂದ ಜೈಕಾರ ಹಾಕಲಿ,

“ತನ್ನ ಸೇವಕನ ಶಾಂತಿನ ನೋಡಿ ಸಂತೋಷಪಡೋ ಯೆಹೋವನಿಗೆ ಮಹಿಮೆ ಆಗಲಿ” ಅಂತ ಅವರು ಯಾವಾಗ್ಲೂ ಹೇಳಲಿ.+

28 ಆಗ ನಾನು ನಿನ್ನ ನೀತಿಯ ಬಗ್ಗೆ ವಿವರಿಸ್ತೀನಿ,*+

ಇಡೀ ದಿನ ನಿನ್ನನ್ನ ಹಾಡಿ ಹೊಗಳ್ತೀನಿ.+

36 ಕೆಟ್ಟವನ ಹೃದಯದಲ್ಲಿ ಅಪರಾಧ ಅವನ ಜೊತೆ ಮಾತಾಡುತ್ತೆ,

ಅವನ ಕಣ್ಣಲ್ಲಿ ದೇವರ ಭಯ ಸ್ವಲ್ಪನೂ ಇಲ್ಲ.+

 2 ಅವನು ತನ್ನ ಬಗ್ಗೆನೇ ಕೊಚ್ಕೊಳ್ತಾನೆ ಅಂದ್ರೆ,

ಅವನಿಗೆ ಅವನ ತಪ್ಪು ಕಾಣೋದೇ ಇಲ್ಲ, ಅದನ್ನ ಅವನು ದ್ವೇಷಿಸೋದೇ ಇಲ್ಲ.+

 3 ಅವನ ಬಾಯಲ್ಲಿ ಬರೋ ಮಾತು ಹಾನಿಕರ, ಮೋಸಕರ,

ಒಳ್ಳೇದನ್ನ ಮಾಡೋಕೆ ಅವನಲ್ಲಿ ಸ್ವಲ್ಪನೂ ಬುದ್ಧಿ ಇಲ್ಲ.

ಅವನು ಹೋಗ್ತಿರೋ ದಾರಿ ಒಳ್ಳೇದಲ್ಲ,

ಅವನು ಕೆಟ್ಟದ್ದನ್ನ ಬಿಡೋದೇ ಇಲ್ಲ.

 5 ಯೆಹೋವನೇ, ನಿನ್ನ ಶಾಶ್ವತ ಪ್ರೀತಿ ಆಕಾಶವನ್ನ,+

ನಿನ್ನ ನಂಬಿಗಸ್ತಿಕೆ ಮೋಡಗಳನ್ನ ಮುಟ್ಟುತ್ತೆ.

 6 ನಿನ್ನ ನೀತಿ ವೈಭವದಿಂದ ತುಂಬಿರೋ ಬೆಟ್ಟದ ತರ ಇದೆ,*+

ನಿನ್ನ ತೀರ್ಪುಗಳು ವಿಶಾಲವಾದ ಆಳ ಸಾಗರದ ತರ ಇದೆ.+

 9 ಜೀವದ ಮೂಲ* ನೀನೇ,+

ನಿನ್ನ ಬೆಳಕಿಂದಾನೇ ನಾವು ಬೆಳಕನ್ನ ನೋಡ್ತೀವಿ.+

10 ನಿನ್ನ ಬಗ್ಗೆ ತಿಳ್ಕೊಂಡಿರೋರಿಗೆ ನಿನ್ನ ಶಾಶ್ವತ ಪ್ರೀತಿಯನ್ನ,+

ಪ್ರಾಮಾಣಿಕ ಹೃದಯದವರಿಗೆ ನಿನ್ನ ನೀತಿಯನ್ನ ತೋರಿಸ್ತಾ ಇರು.+

11 ದುರಹಂಕಾರಿಯ ಕಾಲು ನನ್ನನ್ನ ತುಳಿಯೋಕೆ ಬಿಡಬೇಡ,

ಕೆಟ್ಟವನ ಕೈ ನನ್ನನ್ನ ಓಡಿಸದ ಹಾಗೆ ನೋಡ್ಕೊ.

12 ನೋಡು! ಅಪರಾಧಿಗಳು ಬಿದ್ದುಹೋಗಿದ್ದಾರೆ,

ಅವರಿಗೆ ಮೇಲೆ ಎದ್ದೇಳೋಕೆ ಆಗಲ್ಲ.+

37 ಕೆಟ್ಟವರನ್ನ ನೋಡಿ ನೆಮ್ಮದಿ ಕಳ್ಕೊಬೇಡ,*

ಕೆಟ್ಟವರನ್ನ ನೋಡಿ ಹೊಟ್ಟೆಕಿಚ್ಚುಪಡಬೇಡ.+

 2 ಅವರು ಹುಲ್ಲಿನ ತರ ಬೇಗ ಒಣಗಿಹೋಗ್ತಾರೆ+

ಸೊಪ್ಪಿನ ತರ ಬಾಡಿಹೋಗ್ತಾರೆ.

 3 ಯೆಹೋವನ ಮೇಲೆ ಭರವಸೆ ಇಟ್ಟು ಒಳ್ಳೇದನ್ನ ಮಾಡು,+

ಭೂಮಿಯಲ್ಲಿದ್ದು* ನಂಬಿಗಸ್ತನಾಗಿ ನಡ್ಕೊ.+

 4 ಯೆಹೋವನಲ್ಲಿ ತುಂಬ ಆನಂದ ಕಂಡ್ಕೊ,

ಆತನು ನಿನ್ನ ಹೃದಯದ ಆಸೆಗಳನ್ನ ನೆರವೇರಿಸ್ತಾನೆ.

 5 ನಿನ್ನ ಜೀವನದ ಚಿಂತೆಗಳನ್ನೆಲ್ಲ ಯೆಹೋವನಿಗೆ ಒಪ್ಪಿಸು,*+

ಆತನ ಮೇಲೆ ಭರವಸೆ ಇಡು, ಆತನೇ ನಿನ್ನ ಪರವಾಗಿ ಹೆಜ್ಜೆ ತಗೊತಾನೆ.+

 6 ಆತನು ನಿನ್ನ ನೀತಿಯನ್ನ ಬೆಳಕಿನ ಹಾಗೆ,

ನಿನ್ನ ನ್ಯಾಯವನ್ನ ಮಧ್ಯಾಹ್ನದ ಸೂರ್ಯನ ಹಾಗೆ ಹೊಳಿಯೋ ತರ ಮಾಡ್ತಾನೆ.

 7 ಯೆಹೋವನ ಮುಂದೆ ಮೌನವಾಗಿದ್ದು+

ಆತನಿಗಾಗಿ ತಾಳ್ಮೆಯಿಂದ* ಕಾದಿರು.

ಕುತಂತ್ರದಿಂದ ಗೆಲ್ಲುವವನನ್ನ ನೋಡಿ

ನಿನ್ನ ನೆಮ್ಮದಿ ಕಳ್ಕೊಬೇಡ.+

 9 ಯಾಕಂದ್ರೆ ಕೆಟ್ಟವರು ನಾಶವಾಗಿ ಹೋಗ್ತಾರೆ,+

ಆದ್ರೆ ಯೆಹೋವನ ಮೇಲೆ ಭರವಸೆ ಇಡೋರು ಭೂಮಿನ ಆಸ್ತಿಯಾಗಿ ಪಡ್ಕೊತಾರೆ.+

ಅವರಿದ್ದ ಜಾಗದಲ್ಲಿ ಅವ್ರನ್ನ ಹುಡುಕಿದ್ರೂ,

ಅವರು ನಿನಗೆ ಸಿಗೋದೇ ಇಲ್ಲ.+

11 ಆದ್ರೆ ದೀನ ಜನ್ರು ಭೂಮಿಯನ್ನ ಆಸ್ತಿಯಾಗಿ ಪಡ್ಕೊತಾರೆ,+

ನೆಮ್ಮದಿಯಾಗಿ ಖುಷಿಖುಷಿಯಾಗಿ ಅದನ್ನ ಅನುಭವಿಸ್ತಾರೆ.+

12 ಕೆಟ್ಟವನು ನೀತಿವಂತನ ವಿರುದ್ಧ ಕುತಂತ್ರ ಹೆಣೆಯುತ್ತಾನೆ,+

ಅವನನ್ನ ನೋಡಿ ಹಲ್ಲು ಕಡಿತಾನೆ.

13 ಆದ್ರೆ ಕೆಟ್ಟವನನ್ನ ನೋಡಿ ಯೆಹೋವ ನಗ್ತಾನೆ,

ಯಾಕಂದ್ರೆ ದುಷ್ಟ ನಾಶವಾಗಿ ಹೋಗ್ತಾನೆ ಅಂತ ಆತನಿಗೆ ಗೊತ್ತು.+

14 ಕುಗ್ಗಿಹೋದವರನ್ನ ಕೆಡವೋಕೆ, ಬಡವರನ್ನ ಬೀಳಿಸೋಕೆ,

ಸರಿಯಾದ ದಾರಿಯಲ್ಲಿ ನಡೆಯೋರನ್ನ ನಾಶಮಾಡೋಕೆ,

ಕೆಟ್ಟವರು ತಮ್ಮ ಕತ್ತಿಗಳನ್ನ ಹಿಡ್ಕೊಂಡಿದ್ದಾರೆ, ಬಿಲ್ಲುಗಳನ್ನ ಬಾಗಿಸಿದ್ದಾರೆ.

15 ಆದ್ರೆ ಅವ್ರ ಕತ್ತಿ ಅವ್ರ ಹೃದಯವನ್ನೇ ಸೀಳಿಬಿಡುತ್ತೆ,+

ಅವ್ರ ಬಿಲ್ಲುಗಳು ಮುರಿದು ಹೋಗುತ್ತೆ.

16 ಕೆಟ್ಟವರಿಗಿರೋ ಸಮೃದ್ಧಿಗಿಂತ,

ನೀತಿವಂತರಿಗಿರೋ ಬಡತನವೇ ಮೇಲು.+

17 ಯಾಕಂದ್ರೆ ಕೆಟ್ಟವರ ತೋಳು ಮುರಿದು ಹೋಗುತ್ತೆ,

ಆದ್ರೆ ನೀತಿವಂತರಿಗೆ ಯೆಹೋವ ಸಹಾಯಮಾಡ್ತಾನೆ.

18 ಯಾವ ತಪ್ಪೂ ಮಾಡದವ್ರಿಗೆ ಬರೋ ಕಷ್ಟಗಳು* ಯೆಹೋವನಿಗೆ ಗೊತ್ತು,

ಅವ್ರ ಆಸ್ತಿ ಶಾಶ್ವತವಾಗಿ ಉಳಿಯುತ್ತೆ.+

19 ವಿಪತ್ತು ಬಂದಾಗ ಅವ್ರಿಗೆ ಅವಮಾನ ಆಗಲ್ಲ,

ಬರಗಾಲ ಬಂದಾಗ ಅವ್ರ ಹತ್ರ ಸಾಕಷ್ಟು ಊಟ ಇರುತ್ತೆ.

20 ಆದ್ರೆ ಕೆಟ್ಟವರು ಅಳಿದುಹೋಗ್ತಾರೆ,+

ಚೆನ್ನಾಗಿ ಬೆಳಿದಿರೋ ಹುಲ್ಲುಗಾವಲು ನಾಶ ಆಗೋ ತರ ಯೆಹೋವನ ಶತ್ರುಗಳು ನಾಶವಾಗ್ತಾರೆ,

ಅವರು ಹೊಗೆ ತರ ಕಾಣಿಸದ ಹಾಗೆ ಹೋಗ್ತಾರೆ.

21 ದುಷ್ಟ ಸಾಲ ತಗೊಂಡು ಅದನ್ನ ವಾಪಸ್‌ ಕೊಡಲ್ಲ,

ಆದ್ರೆ ನೀತಿವಂತನ ಮನಸ್ಸು ದೊಡ್ಡದು,* ಅವನು ಧಾರಾಳವಾಗಿ ಕೊಡ್ತಾನೆ.+

22 ದೇವರಿಂದ ಆಶೀರ್ವಾದ ಪಡಿಯೋರಿಗೆ ಭೂಮಿ ಆಸ್ತಿಯಾಗಿ ಸಿಗುತ್ತೆ,

ಆತನು ಯಾರಿಗೆ ಶಾಪ ಕೊಡ್ತಾನೋ ಅವರು ನಾಶವಾಗಿ ಹೋಗ್ತಾರೆ.+

23 ಯೆಹೋವ ಒಬ್ಬ ವ್ಯಕ್ತಿಯ ನಡತೆ ನೋಡಿ ಸಂತೋಷಪಟ್ಟಾಗ,+

ಆತನು ಆ ವ್ಯಕ್ತಿಯ ಹೆಜ್ಜೆಗಳನ್ನ ಮಾರ್ಗದರ್ಶಿಸ್ತಾನೆ.*+

24 ಅವನು ಎಡವಿದ್ರೂ ಬಿದ್ದು ಹೋಗಲ್ಲ,+

ಯಾಕಂದ್ರೆ ಅವನ ಕೈಯನ್ನ ಯೆಹೋವ ಹಿಡಿತಾನೆ.+

ಆದ್ರೂ ಇಲ್ಲಿ ತನಕ ದೇವರು ನೀತಿವಂತನ ಕೈಬಿಟ್ಟಿರೋದನ್ನಾಗಲಿ,+

ನೀತಿವಂತನ ಮಕ್ಕಳು ಊಟಕ್ಕಾಗಿ ಭಿಕ್ಷೆ ಬೇಡೋದನ್ನಾಗಲಿ ನಾನು ನೋಡಿಲ್ಲ.+

26 ನೀತಿವಂತ ಉದಾರವಾಗಿ ಕೊಡ್ತಾನೆ,+

ಅವನ ಮಕ್ಕಳು ದೇವರ ಆಶೀರ್ವಾದ ಪಡೀತಾರೆ.

27 ಕೆಟ್ಟದ್ದನ್ನ ಬಿಟ್ಟು ಒಳ್ಳೇದನ್ನೇ ಮಾಡು,+

ಆಗ ನೀನು ಸದಾಕಾಲ ಇರ್ತಿಯ.

28 ಯಾಕಂದ್ರೆ ಯೆಹೋವ ನ್ಯಾಯವನ್ನ ಪ್ರೀತಿಸ್ತಾನೆ,

ಆತನು ತನ್ನ ನಿಷ್ಠಾವಂತರ ಕೈಬಿಡಲ್ಲ.+

ಆತನು ಅವ್ರನ್ನ ಯಾವಾಗ್ಲೂ ಕಾದು ಕಾಪಾಡ್ತಾನೆ,+

ಆದ್ರೆ ಕೆಟ್ವವರ ಸಂತತಿ ಸರ್ವನಾಶ ಆಗುತ್ತೆ.+

29 ನೀತಿವಂತರು ಭೂಮಿಯನ್ನ ಆಸ್ತಿಯಾಗಿ ಪಡ್ಕೊತಾರೆ,+

ಅವರು ಅದ್ರಲ್ಲಿ ಶಾಶ್ವತವಾಗಿ ವಾಸಿಸ್ತಾರೆ.+

31 ದೇವರ ನಿಯಮ ಪುಸ್ತಕ ಅವನ ಹೃದಯದಲ್ಲಿದೆ,+

ಅವನ ಹೆಜ್ಜೆಗಳು ಯಾವತ್ತೂ ತಡವರಿಸಲ್ಲ.+

32 ನೀತಿವಂತನನ್ನ ಕೊಲ್ಲೋಕೆ,

ಕೆಟ್ಟವನು ಗಮನಿಸ್ತಾ ಇರ್ತಾನೆ.

34 ಯೆಹೋವನಲ್ಲಿ ನಿರೀಕ್ಷೆ ಇಡು, ಆತನ ದಾರಿಯಲ್ಲಿ ನಡಿ,

ನೀನು ಭೂಮಿಯನ್ನ ಆಸ್ತಿಯಾಗಿ ಪಡ್ಕೊಳ್ಳೋ ತರ ಆತನು ನಿನ್ನನ್ನ ಮೇಲೆ ಎತ್ತುತ್ತಾನೆ.

35 ಕ್ರೂರಿಯನ್ನ, ಕೆಟ್ಟವನನ್ನ ನಾನು ನೋಡಿದ್ದೀನಿ,

ಅವನು ಸ್ವಂತ ನೆಲದಲ್ಲೇ ಬೇರುಬಿಟ್ಟು ಚೆನ್ನಾಗಿ ಬೆಳೆದಿರೋ ಮರದ ತರ ಇದ್ದಾನೆ.+

37 ನಿರ್ದೋಷಿಯನ್ನ* ಗಮನಿಸು,

ನೀತಿವಂತನನ್ನ+ ನೋಡ್ತಾ ಇರು,

ಯಾಕಂದ್ರೆ ಅವನ ಭವಿಷ್ಯ ಶಾಂತಿಯಿಂದ ತುಂಬಿರುತ್ತೆ.+

38 ಆದ್ರೆ ಅಪರಾಧಿಗಳೆಲ್ಲ ನಾಶ ಆಗ್ತಾರೆ,

ಕೆಟ್ಟವ್ರಿಗೆ ಭವಿಷ್ಯನೇ ಇಲ್ಲ.+

39 ನೀತಿವಂತರ ರಕ್ಷಣೆ ಯೆಹೋವನಿಂದಾನೇ,+

ಕಷ್ಟಕಾಲದಲ್ಲಿ ಆತನೇ ಅವ್ರ ಭದ್ರಕೋಟೆ.+

ಅವರು ಆತನನ್ನ ಆಶ್ರಯಿಸಿರೋದ್ರಿಂದ,

ಆತನು ಅವ್ರನ್ನ ಕೆಟ್ಟವರ ಕೈಯಿಂದ ಬಿಡಿಸಿ ಕಾಪಾಡ್ತಾನೆ.+

38 ಯೆಹೋವನೇ ಕೋಪದಿಂದ ನನ್ನನ್ನ ತಿದ್ದಬೇಡ,

ಸಿಟ್ಟಿಂದ ನನ್ನನ್ನ ಸರಿಪಡಿಸಬೇಡ.+

 2 ಯಾಕಂದ್ರೆ ನಿನ್ನ ಬಾಣ ನನ್ನೊಳಗೆ ಆಳವಾಗಿ ಹೋಗಿದೆ,

ನಿನ್ನ ಶಿಕ್ಷೆ ನನ್ನ ಮೇಲೆ ಭಾರವಾಗಿದೆ.+

 3 ನಿನ್ನ ಕೋಪದಿಂದ ನನ್ನ ಇಡೀ ಶರೀರಕ್ಕೆ ಹುಷಾರಿಲ್ಲ,*

ನನ್ನ ಪಾಪದಿಂದಾಗಿ ನನ್ನ ಎಲುಬಲ್ಲಿ ಶಾಂತಿನೇ ಇಲ್ಲ.+

 4 ಯಾಕಂದ್ರೆ ನನ್ನ ತಪ್ಪುಗಳು ನನ್ನನ್ನ ಮುಳುಗಿಸಿಬಿಟ್ಟಿದೆ,+

ಅದು ಭಾರವಾದ ಹೊರೆ ತರ ಇದೆ, ನನ್ನಿಂದ ಹೊರಕ್ಕಾಗ್ತಿಲ್ಲ.

 5 ನನ್ನ ದಡ್ಡತನದಿಂದ,

ನನ್ನ ಹುಣ್ಣುಗಳು ಕೀವುಗಟ್ಟಿ ಕೆಟ್ಟ ವಾಸನೆ ಬರ್ತಿದೆ.

 6 ನಾನು ತುಂಬ ಸಂಕಟದಲ್ಲಿದ್ದೀನಿ, ತುಂಬ ಕುಗ್ಗಿಹೋಗಿದ್ದೀನಿ,

ಇಡೀ ದಿನ ದುಃಖದಲ್ಲಿ ಮುಳುಗಿ ಹೋಗಿರ್ತಿನಿ.

 7 ನನ್ನೊಳಗೆ ಬೆಂಕಿ ಉರೀತಾ ಇದೆ,*

ನನ್ನ ಇಡೀ ದೇಹಕ್ಕೆ ರೋಗ ಬಂದಿದೆ.+

 8 ನಾನು ಮರಗಟ್ಟಿ ಹೋಗಿದ್ದೀನಿ, ಸಂಪೂರ್ಣವಾಗಿ ನಲುಗಿಹೋಗಿದ್ದೀನಿ,

ನನ್ನ ಹೃದಯದ ಯಾತನೆ ಕಿರಿಚಾಡಿ ನರಳೋ ತರ ಮಾಡ್ತಿದೆ.

 9 ಯೆಹೋವನೇ, ನನ್ನ ಬಯಕೆಗಳೆಲ್ಲ ನಿನ್ನ ಮುಂದಿದೆ,

ನನ್ನ ದುಃಖದ ನಿಟ್ಟುಸಿರು ನಿನಗೆ ಕಾಣ್ತಿದೆ.

10 ನನ್ನ ಹೃದಯ ಜೋರಾಗಿ ಬಡ್ಕೊಳ್ತಿದೆ, ನನಗೆ ಶಕ್ತಿನೇ ಇಲ್ಲದಾಗಿದೆ,

ನನ್ನ ಕಣ್ಣಿನ ದೃಷ್ಟಿ ಮೊಬ್ಬಾಗಿದೆ.+

11 ನನ್ನ ರೋಗದಿಂದಾಗಿ ನನ್ನ ಸ್ನೇಹಿತರು ನನ್ನ ದೂರ ಮಾಡಿ ಓಡಾಡ್ತಿದ್ದಾರೆ,

ನನ್ನ ಆಪ್ತಮಿತ್ರರು ನನ್ನಿಂದ ದೂರವಾಗಿದ್ದಾರೆ.

12 ನನ್ನ ಪ್ರಾಣ ತೆಗೀಬೇಕು ಅಂತಿರೋರು ಬಲೆ ಬೀಸಿದ್ದಾರೆ,

ನನಗೆ ಕೆಟ್ಟದ್ದನ್ನ ಮಾಡಬೇಕು ಅಂತಿರೋರು ನನ್ನ ವಿರುದ್ಧ ಮಾತಾಡಿದ್ದಾರೆ,+

ಅವರು ನನಗೆ ಮೋಸ ಮಾಡೋಕೆ ಇಡೀ ದಿನ ಕುತಂತ್ರ ಮಾಡ್ತಾರೆ.

13 ಆದ್ರೆ ನಾನು ಅವ್ರ ಮಾತಿಗೆ ಗಮನಕೊಡದೆ ಕಿವುಡನ ತರ ಇದ್ದುಬಿಡ್ತೀನಿ,+

ಏನೂ ಮಾತಾಡದೆ ಮೂಕನ ಹಾಗೆ ಇದ್ದುಬಿಡ್ತೀನಿ.+

14 ಏನೂ ಕೇಳದ ಕಿವುಡನ ತರ ಆಗಿದ್ದೀನಿ,

ನನ್ನ ಪರವಾಗಿ ಮಾತಾಡೋಕೆ ಆಗದ ಮೂಕನ ತರ ಆಗಿದ್ದೀನಿ.

15 ಯಾಕಂದ್ರೆ ಯೆಹೋವನೇ, ನಾನು ನಿನಗಾಗಿ ಕಾದೆ,+

ನನ್ನ ದೇವರಾದ ಯೆಹೋವನೇ, ನೀನು ನನಗೆ ಉತ್ರ ಕೊಟ್ಟೆ.+

16 ನಾನು ಹೀಗೆ ಹೇಳಿದ್ದೆ “ನನ್ನ ಕಾಲು ಜಾರಿದ್ರೆ,

ಅವರು ನನ್ನನ್ನ ನೋಡಿ ಖುಷಿಪಡಬಾರದು ಅಥವಾ ಕೊಚ್ಕೊಬಾರದು.”

17 ಯಾಕಂದ್ರೆ ನಾನು ಇನ್ನೇನು ಕುಸಿದು ಬೀಳ್ತಿದ್ದೆ,

ಯಾವಾಗ್ಲೂ ನೋವಿಂದ ನರಳ್ತಿದ್ದೆ.+

18 ನಾನು ನನ್ನ ತಪ್ಪನ್ನ ಒಪ್ಕೊಂಡೆ,+

ನನ್ನ ಪಾಪಗಳಿಂದಾಗಿ ಕಷ್ಟದಲ್ಲಿ ಬಿದ್ದೆ.+

19 ಆದ್ರೆ ನನ್ನ ಶತ್ರುಗಳು ಚುರುಕಾಗಿದ್ದಾರೆ,* ಬಲಿಷ್ಠರಾಗಿದ್ದಾರೆ,

ಯಾವ ಕಾರಣನೂ ಇಲ್ಲದೆ ನನ್ನನ್ನ ದ್ವೇಷಿಸೋ ಜನ ಜಾಸ್ತಿ ಆಗಿದ್ದಾರೆ.

20 ಅವರು ಉಪಕಾರಕ್ಕೆ ಅಪಕಾರ ಮಾಡಿದ್ದಾರೆ,

ಒಳ್ಳೇದನ್ನ ಮಾಡದ ಹಾಗೆ ನನ್ನನ್ನ ತಡೆದಿದ್ದಾರೆ.

22 ಯೆಹೋವನೇ, ನನ್ನ ರಕ್ಷಕನೇ,+

ಬೇಗ ಬಂದು ನನಗೆ ಸಹಾಯಮಾಡು.

39 ನಾನು ಹೀಗೆ ಹೇಳಿದೆ: “ನನ್ನ ನಾಲಿಗೆ ಪಾಪ ಮಾಡದ ಹಾಗೆ,+

ತುಂಬ ಹುಷಾರಾಗಿ ಇರ್ತಿನಿ.

ನನ್ನ ಹತ್ರ ಕೆಟ್ಟವನು ಇರೋ ತನಕ,

ನಾನು ಬಾಯಿಗೆ ಕಡಿವಾಣ* ಹಾಕ್ತೀನಿ.”+

 2 ನಾನು ಮೂಕನಾಗಿದ್ದೆ, ಏನೂ ಮಾತಾಡಲಿಲ್ಲ,+

ಒಳ್ಳೇದನ್ನ ಮಾತಾಡಕ್ಕೂ ನಾನು ಬಾಯನ್ನ ತೆಗೀಲಿಲ್ಲ,

ಆದ್ರೆ ನನ್ನ ನೋವು ನನ್ನ ಹೃದಯನ ಛಿದ್ರಛಿದ್ರಮಾಡ್ತು.*

ಕೊನೆಗೆ ನಾನು ಹೀಗೆ ಹೇಳಿದೆ

 4 “ಯೆಹೋವನೇ ನನಗೆ ಹೇಳು, ನನ್ನ ಕೊನೆ ಯಾವಾಗ ಅಂತ,

ನನಗೆ ಇನ್ನೆಷ್ಟು ದಿನ ಉಳಿದಿದೆ ಅಂತ ತಿಳ್ಕೊಳ್ಳೋಕೆ ಸಹಾಯಮಾಡು,+

ಆಗ ನನ್ನ ಜೀವನ ಎಷ್ಟು ಚಿಕ್ಕದು ಅಂತ* ನನಗೆ ಗೊತ್ತಾಗುತ್ತೆ.

 5 ನಿಜವಾಗ್ಲೂ ನೀನು ನನಗೆ ತುಂಬ ಕಮ್ಮಿ* ಆಯಸ್ಸು ಕೊಟ್ಟೆ,+

ನನ್ನ ಆಯಸ್ಸು ನಿನ್ನ ಮುಂದೆ ಏನೇನೂ ಅಲ್ಲ.+

 9 ಇನ್ನೂ ನಾನು ಮೂಕನಾಗೇ ಇದ್ದೆ,

ನನಗೆ ನನ್ನ ಬಾಯನ್ನ ತೆರೆಯೋಕೆ ಆಗಲೇ ಇಲ್ಲ,+

ಯಾಕಂದ್ರೆ ಇದನ್ನ ಮಾಡಿದವನು ನೀನೇ.+

11 ತಪ್ಪು ಮಾಡಿದವನಿಗೆ ಶಿಕ್ಷೆ ಕೊಟ್ಟು ನೀನು ತಿದ್ದುತ್ತೀಯ,+

ಹುಳ ಬಟ್ಟೆನ ತಿಂದುಹಾಕೋ ತರ ಅವನು ಇಷ್ಟಪಟ್ಟು ಕೂಡಿಸಿಟ್ಟಿರೋದನ್ನೆಲ್ಲ ನೀನು ನಾಶಮಾಡ್ತೀಯ.

12 ಯೆಹೋವನೇ, ನನ್ನ ಪ್ರಾರ್ಥನೆಯನ್ನ ಕೇಳು,

ಸಹಾಯಕ್ಕಾಗಿ ನಾನಿಡೋ ಮೊರೆನ ಆಲಿಸು.+

ಯಾಕಂದ್ರೆ ನಾನು ನಿನಗೆ ಬರೀ ಒಬ್ಬ ಅತಿಥಿ ಆಗಿದ್ದೀನಿ,+

ನನ್ನ ಪೂರ್ವಜರ ತರ ಒಬ್ಬ ತಾತ್ಕಾಲಿಕ ನಿವಾಸಿ ಆಗಿದ್ದೀನಿ.*+

13 ನಾನು ಸಾಯೋ ಮುಂಚೆ, ನಾನು ಇಲ್ಲದೇ ಹೋಗೋ ಮುಂಚೆ,

ನಿನ್ನ ಕೋಪದ ಕಣ್ಣನ್ನ ನನ್ನಿಂದ ತಿರುಗಿಸು.

40 ನಾನು ಯೆಹೋವನಿಗಾಗಿ ತಾಳ್ಮೆಯಿಂದ ಕಾದೆ,*

ನಾನು ಹೇಳೋದನ್ನ ಕೇಳಿಸ್ಕೊಳ್ಳೋಕೆ ಆತನು ಬಾಗಿದ,* ಸಹಾಯಕ್ಕಾಗಿ ನಾನಿಟ್ಟ ಮೊರೆಯನ್ನ ಕೇಳಿಸ್ಕೊಂಡ.+

 2 ಹರಿಯೋ ಪ್ರವಾಹದ ನೀರಿಂದ ಆತನು ನನ್ನನ್ನ ಮೇಲಕ್ಕೆತ್ತಿದ,

ಕೆಸರಿನ ಗುಂಡಿಯಿಂದ ಎಬ್ಬಿಸಿದ.

ಕಡಿದಾದ ಬಂಡೆಗಳ ಮೇಲೆ ನನ್ನನ್ನ ನಿಲ್ಲಿಸಿ,

ನನ್ನ ಪಾದಗಳನ್ನ ಸ್ಥಿರಮಾಡಿದ.

 3 ಆಮೇಲೆ ಆತನು ನನ್ನ ಬಾಯಿಗೆ ಒಂದು ಹೊಸ ಹಾಡನ್ನ,+

ನಮ್ಮ ದೇವರನ್ನ ಹೊಗಳೋ ಹಾಡನ್ನ ಹಾಕಿದ.

ಇದನ್ನ ನೋಡಿ ಎಲ್ರೂ ಆಶ್ಚರ್ಯಪಡ್ತಾರೆ,

ಯೆಹೋವನಲ್ಲಿ ಭರವಸೆ ಇಡ್ತಾರೆ.

 4 ಯೆಹೋವನ ಮೇಲೆ ಭರವಸೆ ಇಡೋ ವ್ಯಕ್ತಿ ಖುಷಿಯಾಗಿ ಇರ್ತಾನೆ,

ಪ್ರತಿಭಟಿಸೋ ಜನ್ರ ಹಿಂದೆ, ತಪ್ಪು ದಾರಿಯಲ್ಲಿ ನಡೆಯೋರ* ಹಿಂದೆ ಅವನು ಹೋಗಲ್ಲ.

 5 ಯೆಹೋವನೇ, ನನ್ನ ದೇವರೇ ನೀನು ನಮಗಾಗಿ,

ಎಷ್ಟೋ ಅದ್ಭುತಗಳನ್ನ ಮಾಡಿದ್ದೀಯ,

ನಮ್ಮ ಬಗ್ಗೆ ತುಂಬ ಯೋಚಿಸ್ತೀಯ.+

ನಿನಗೆ ಸರಿಸಾಟಿ ಯಾರೂ ಇಲ್ಲ,+

ನಾನು ಅದ್ರ ಬಗ್ಗೆ ಹೇಳೋಣ ಅಂದ್ರೆ, ಮಾತಾಡೋಣ ಅಂದ್ರೆ,

ಅವಕ್ಕೆ ಲೆಕ್ಕಾನೇ ಇಲ್ಲ!+

 6 ನೀನು ಬಲಿಯನ್ನಾಗಲಿ, ಅರ್ಪಣೆಯನ್ನಾಗಲಿ ಇಷ್ಟಪಡಲಿಲ್ಲ,+

ನಾನು ಕೇಳಿಸ್ಕೊಳ್ಳೋ ತರ ನೀನು ನನ್ನ ಕಿವಿಗಳನ್ನ ತೆರೆದೆ.+

 8 ನನ್ನ ದೇವರೇ, ನಿನ್ನ ಇಷ್ಟವನ್ನ ಮಾಡೋದೇ ನನ್ನ ಆಸೆ,*+

ನಿನ್ನ ನಿಯಮ ಪುಸ್ತಕ ನನ್ನ ಅಂತರಾಳದಲ್ಲಿದೆ.+

ನೋಡು! ಇದ್ರ ಬಗ್ಗೆ ಹೇಳದ ಹಾಗೆ ನಾನು ನನ್ನ ತುಟಿಗಳನ್ನ ಕಚ್ಚಿಕೊಂಡಿರಲ್ಲ,+

ಯೆಹೋವನೇ, ಇದ್ರ ಬಗ್ಗೆ ನಿನಗೆ ಚೆನ್ನಾಗಿ ಗೊತ್ತು.

ಎಷ್ಟು ತಪ್ಪುಗಳನ್ನ ಮಾಡಿದ್ದೀನಿ ಅಂದ್ರೆ ನಾನು ಎಲ್ಲಿ ಹೋಗಬೇಕು ಅಂತಾನೇ ಗೊತ್ತಾಗ್ತಿಲ್ಲ,+

ಅವು ನನ್ನ ಕೂದಲಿಗಿಂತ ಜಾಸ್ತಿ ಇವೆ,

ನಾನು ಧೈರ್ಯ ಕಳ್ಕೊಂಡಿದ್ದೀನಿ.

14 ನನ್ನ ಪ್ರಾಣ ತೆಗೀಬೇಕು ಅಂತ ಇರೋ ಎಲ್ರಿಗೂ

ನಾಚಿಕೆ, ಅವಮಾನ ಆಗಲಿ.

ನನಗೆ ಕಷ್ಟ ಬಂದಾಗ ಖುಷಿಪಡೋರು

ಅವಮಾನದಿಂದ ವಾಪಸ್‌ ಹೋಗ್ಲಿ.

15 ಯಾರು ನನ್ನನ್ನ ನೋಡಿ “ನಿಂಗೆ ಹಂಗೆ ಆಗಬೇಕು!” ಅಂತಾರೋ,

ಅವರಿಗಾಗೋ ಅವಮಾನದಿಂದ ಅವ್ರೇ ಭಯಪಡಲಿ.

16 ಆದ್ರೆ ಯಾರು ನಿನ್ನನ್ನ ಹುಡುಕ್ತಾರೋ,+

ಅವರು ನಿನ್ನಲ್ಲಿ ಖುಷಿಪಡಲಿ, ನಿನ್ನಲ್ಲಿ ಉಲ್ಲಾಸಿಸಲಿ.+

ನಿನ್ನ ರಕ್ಷಣೆಯ ಕಾರ್ಯಗಳನ್ನ ಪ್ರೀತಿಸೋರು,

“ಯೆಹೋವನಿಗೆ ಗೌರವ ಸಿಗಲಿ”+ ಅಂತ ಯಾವಾಗ್ಲೂ ಹೇಳಲಿ.

17 ಯೆಹೋವ ನನ್ನ ಕಡೆ ಗಮನ ಕೊಡಲಿ,

ಯಾಕಂದ್ರೆ ನಾನು ನಿಸ್ಸಹಾಯಕ, ಬಡವ.

ನನ್ನ ದೇವರೇ ತಡಮಾಡಬೇಡ,+

ನೀನೇ ನನ್ನ ಸಹಾಯಕ, ನನ್ನ ರಕ್ಷಕ.+

41 ಬಡವನಿಗೆ ಕಾಳಜಿ ತೋರಿಸೋನು ಭಾಗ್ಯವಂತ,+

ಕಷ್ಟ ಬಂದಾಗ ಯೆಹೋವ ಅವನನ್ನ ರಕ್ಷಿಸ್ತಾನೆ.

ಅವನು ಭೂಮಿ ಮೇಲೆ ಭಾಗ್ಯವಂತ ಅಂತ ಕರೆಸ್ಕೊಳ್ತಾನೆ,+

ದೇವರು ಅವನನ್ನ ಯಾವತ್ತೂ ಅವನ ಶತ್ರುಗಳ ಕೈಗೆ ಒಪ್ಪಿಸಲ್ಲ.+

 3 ಅವನಿಗೆ ಹುಷಾರಿಲ್ಲದೆ ಹಾಸಿಗೆ ಹಿಡಿದಾಗ ಯೆಹೋವ ಅವನಿಗೆ ಆಸರೆಯಾಗಿ ಇರ್ತಾನೆ,+

ಅನಾರೋಗ್ಯದ ಸಮಯದಲ್ಲಿ ದೇವರು ಅವನಿಗೆ ಕಾಳಜಿ ತೋರಿಸ್ತಾನೆ.*

ಅವನು ನನ್ನನ್ನ ಬೈಯೋಕೆ ಒಂದಲ್ಲ ಒಂದು ವಿಷ್ಯ ಹುಡುಕ್ತಾನೆ,

ಆಮೇಲೆ ಹೊರಗೆ ಹೋಗಿ ಅದನ್ನ ಎಲ್ಲ ಕಡೆ ಹಬ್ಬಿಸ್ತಾನೆ.

 7 ನನ್ನನ್ನ ದ್ವೇಷಿಸೋರೆಲ್ಲ ಗುಸುಗುಸು ಅಂತ ಮಾತಾಡ್ಕೊತಾರೆ,

ನನ್ನ ವಿರುದ್ಧ ಏನೋ ಕುತಂತ್ರ ಮಾಡ್ತಿದ್ದಾರೆ.

 8 “ಅವನಿಗೆ ಯಾವುದೋ ದೊಡ್ಡ ರೋಗ ಬಂದಿದೆ,

ಅವನು ಬಿದ್ದು ಹೋಗಿದ್ದಾನೆ, ಇನ್ಯಾವತ್ತೂ ಮೇಲೆ ಏಳಲ್ಲ” ಅಂತ ಮಾತಾಡ್ಕೊತಾರೆ.+

 9 ನಾನು ಯಾರ ಜೊತೆ ಶಾಂತಿಯಿಂದ ಇದ್ದೀನೋ, ಯಾರನ್ನ ನಂಬಿದ್ದೀನೋ,+

ಯಾರು ನನ್ನ ಜೊತೆ ಊಟ ಮಾಡ್ತಿದ್ನೋ ಅವನೇ ನನ್ನ ವಿರುದ್ಧ ತಿರುಗಿಬಿದ್ದಿದ್ದಾನೆ.*+

10 ಆದ್ರೆ ಯೆಹೋವನೇ, ನನಗೆ ದಯೆ ತೋರಿಸು, ನನ್ನನ್ನ ಮೇಲಕ್ಕೆತ್ತು,

ಆಗ ನಾನು, ಅವರು ಮಾಡಿದ್ದಕ್ಕೆ ಅವ್ರಿಂದ ಲೆಕ್ಕ ಕೇಳ್ತೀನಿ.

11 ಯಾವಾಗ ನನ್ನ ಶತ್ರುಗಳು ನನ್ನ ಮೇಲೆ ಜಯ ಸಾಧಿಸಲ್ವೋ,

ಆಗ ನೀನು ನನ್ನಿಂದ ಖುಷಿಯಾಗಿದ್ದೀಯ ಅಂತ ನಾನು ತಿಳ್ಕೊಳ್ತೀನಿ.+

12 ನನ್ನ ನಿಯತ್ತಿಗಾಗಿ ನೀನು ನನ್ನನ್ನ ಎತ್ತಿ ಹಿಡಿತೀಯ,+

ನಿನ್ನ ಸನ್ನಿಧಿಯಲ್ಲಿ ನನ್ನನ್ನ ಯಾವಾಗ್ಲೂ ಇಟ್ಕೊಳ್ತೀಯ.+

13 ಇಸ್ರಾಯೇಲ್‌ ದೇವರಾದ ಯೆಹೋವನಿಗೆ

ಯುಗಯುಗಾಂತರಕ್ಕೂ ಸ್ತುತಿ ಸಲ್ಲಲಿ.+

42 ದೇವರೇ, ನೀರಿಗಾಗಿ ಹಾತೊರೆಯೋ ಜಿಂಕೆ ತರ,

ನಾನು ನಿನಗಾಗಿ ಹಾತೊರೆಯುತ್ತೀನಿ.

 3 ಹಗಲೂರಾತ್ರಿ ನನ್ನ ಕಣ್ಣೀರೇ ನನ್ನ ಆಹಾರ,

“ನಿನ್ನ ದೇವರು ಎಲ್ಲಿದ್ದಾನೆ?” ಅಂತ ಹೇಳಿ ಜನ್ರು ಇಡೀ ದಿನ ನನ್ನನ್ನ ಕೆಣಕ್ತಾರೆ.+

 4 ನಾನು ಇದನ್ನೆಲ್ಲ ನೆನಪಿಸ್ಕೊತೀನಿ, ನಾನು ನನ್ನ ಹೃದಯದ ಭಾವನೆಗಳನ್ನ ನಿನ್ನ ಹತ್ರ ತೋಡ್ಕೊತೀನಿ,

ಒಂದು ಕಾಲದಲ್ಲಿ ನಾನು ಜನ್ರ ಗುಂಪಲ್ಲಿ ನಡೀತಿದ್ದೆ,

ಭಕ್ತಿಪೂರ್ವಕವಾಗಿ ಅವ್ರ ಮಧ್ಯ ನಡೀತಾ ದೇವರ ಆಲಯದ ಕಡೆ ಹೋಗ್ತಿದ್ದೆ.

ಆ ಜನ್ರ ಗುಂಪು ದೇವ್ರಿಗೆ ಧನ್ಯವಾದ ಹೇಳ್ತಾ,

ಜೈಕಾರ ಹಾಕ್ತಾ ಹಬ್ಬ ಆಚರಿಸ್ತಿತ್ತು.+

ದೇವರಿಗಾಗಿ ಕಾದಿರು,+

ಆತನು ನನ್ನ ಮಹಾ ಸಂರಕ್ಷಕನಾಗಿ ಇರೋದ್ರಿಂದ

ನಾನು ಆತನನ್ನ ಹೊಗಳ್ತಾನೇ ಇರ್ತಿನಿ.+

ಹಾಗಾಗಿ ಯೋರ್ದನ್‌ ಪ್ರದೇಶದಿಂದ, ಹೆರ್ಮೋನಿನ ತುದಿಯಿಂದ,

ಮಿಸಾರ್‌ ಬೆಟ್ಟದಿಂದ ನಾನು ನಿನ್ನನ್ನ ನೆನಪಿಸ್ಕೊತೀನಿ.+

 7 ನಿನ್ನ ಜಲಪಾತಗಳ ಶಬ್ದ ಕೇಳಿ,

ಆಳವಾದ ಸಮುದ್ರ ಇನ್ನೊಂದು ಆಳವಾದ ಸಮುದ್ರವನ್ನ ಕರೀತು.

 8 ಹಗಲಲ್ಲಿ ಯೆಹೋವ ತನ್ನ ಶಾಶ್ವತ ಪ್ರೀತಿಯನ್ನ ನನ್ನ ಹತ್ರ ಕಳಿಸ್ತಾನೆ,

ರಾತ್ರಿಯಲ್ಲಿ ಆತನ ಹಾಡು ನನ್ನ ತುಟಿ ಮೇಲಿರುತ್ತೆ,

ನಾನು ನನಗೆ ಜೀವ ಕೊಟ್ಟ ದೇವರಿಗೆ ಪ್ರಾರ್ಥಿಸ್ತೀನಿ.+

 9 ನಾನು ನನ್ನ ದೇವರಿಗೆ, ನನ್ನ ಕಡಿದಾದ ಬಂಡೆಗೆ,

“ಯಾಕೆ ನೀನು ನನ್ನನ್ನ ಮರೆತುಬಿಟ್ಟಿದ್ದೀಯಾ?+

10 ಹಗೆತನದಿಂದ* ನನ್ನ ಪ್ರಾಣದ ಹಿಂದೆ ಬಿದ್ದಿರೋ ನನ್ನ ಶತ್ರುಗಳು,

“ನಿನ್ನ ದೇವರು ಎಲ್ಲಿದ್ದಾನೆ?” ಅಂತ ಕೇಳ್ತಾ ಇಡೀ ದಿನ ಚುಚ್ಚಿಚುಚ್ಚಿ ಮಾತಾಡ್ತಾರೆ.+

ದೇವರಿಗಾಗಿ ಕಾದಿರು,+

ಆತನು ನನ್ನ ಮಹಾ ಸಂರಕ್ಷಕನಾಗಿ ಇರೋದ್ರಿಂದ

ನಾನು ಆತನನ್ನ ಹೊಗಳ್ತಾನೇ ಇರ್ತಿನಿ.+

43 ದೇವರೇ, ನನಗೆ ನ್ಯಾಯತೀರಿಸು,+

ನನ್ನ ಪರವಾಗಿ ನಿಂತು ನಿಷ್ಠೆ ಇಲ್ಲದಿರೋ ಜನ್ರ ವಿರುದ್ಧ ನ್ಯಾಯವಿಚಾರಣೆ ಮಾಡು.+

 4 ಆಗ ನಾನು ದೇವರ ಯಜ್ಞವೇದಿ ಹತ್ರ ಬರ್ತಿನಿ,+

ನನಗೆ ತುಂಬ ಖುಷಿ ಕೊಡೋ ದೇವರ ಹತ್ರ ಬರ್ತಿನಿ.

ದೇವರಿಗಾಗಿ ಕಾಯ್ತಾ ಇರು,+

ಆತನು ನನ್ನ ಮಹಾ ಸಂರಕ್ಷಕನಾಗಿ, ನನ್ನ ದೇವರಾಗಿ ಇರೋದ್ರಿಂದ

ಆತನನ್ನ ಹೊಗಳ್ತಾನೇ ಇರ್ತಿನಿ.+

44 ದೇವರೇ, ನಮ್ಮ ಕಿವಿಯಾರೆ ನಾವು ನಿನ್ನ ಬಗ್ಗೆ ಕೇಳಿಸ್ಕೊಂಡಿದ್ದೀವಿ,

ನೀನು ಮಾಡಿದ ಕೆಲಸಗಳ ಬಗ್ಗೆ ನಮ್ಮ ಪೂರ್ವಜರಿಂದ ಕೇಳಿಸ್ಕೊಂಡಿದ್ದೀವಿ,+

ಆ ಕೆಲಸಗಳನ್ನ ನೀನು ಅವರ ಕಾಲದಲ್ಲೇ ಮಾಡಿದ್ದೆ,

ಹೌದು ತುಂಬ ಹಿಂದೆನೇ ಮಾಡಿದ್ದೆ.

 2 ನಿನ್ನ ಕೈಯಾರೆ ನೀನು ಜನಾಂಗಗಳನ್ನ ಓಡಿಸಿಬಿಟ್ಟೆ,+

ಅವರ ದೇಶದಲ್ಲಿ ನಮ್ಮ ಪೂರ್ವಜರನ್ನ ಇರೋ ಹಾಗೆ ಮಾಡಿದೆ.+

 3 ನಮ್ಮ ಪೂರ್ವಜರು ಆ ದೇಶದ ಸೊತ್ತನ್ನ ವಶಮಾಡ್ಕೊಂಡಿದ್ದು ಅವ್ರ ಕತ್ತಿಯಿಂದಲ್ಲ,+

ಅವರು ಗೆದ್ದಿದ್ದು ಅವ್ರ ತೋಳಿನ ಬಲದಿಂದಲ್ಲ.+

ಅವರು ಗೆದ್ದಿದ್ದು ನಿನ್ನ ಬಲಗೈಯಿಂದ, ನಿನ್ನ ಶಕ್ತಿಯಿಂದ,+

ನಿನ್ನ ಮುಖದ ಕಾಂತಿಯಿಂದ.

 4 ದೇವರೇ ನೀನೇ ನನ್ನ ರಾಜ,+

ಯಾಕೋಬನಿಗೆ ಮಹಾ ಜಯ ಸಿಗಲಿ ಅಂತ ಆಜ್ಞೆ ಕೊಡು.

 5 ನಾವು ನಮ್ಮ ಶತ್ರುಗಳನ್ನ ನಿನ್ನ ಶಕ್ತಿಯಿಂದ ಓಡಿಸಿಬಿಡ್ತೀವಿ,+

ನಮ್ಮ ವಿರುದ್ಧ ಏಳೋರನ್ನ ನಿನ್ನ ಹೆಸ್ರಿಂದ ತುಳಿದುಹಾಕ್ತೀವಿ.+

 6 ಯಾಕಂದ್ರೆ ನಾನು ನನ್ನ ಬಿಲ್ಲಿನ ಮೇಲೆ ಭರವಸೆ ಇಡಲ್ಲ,

ನನ್ನ ಕತ್ತಿಗೆ ನನ್ನನ್ನ ಕಾಪಾಡೋಕೆ ಆಗಲ್ಲ.+

 7 ನಮ್ಮನ್ನ ನಮ್ಮ ಶತ್ರುಗಳಿಂದ ರಕ್ಷಿಸಿದವನು ನೀನೇ,+

ನಮ್ಮನ್ನ ದ್ವೇಷಿಸೋರ ಸೊಕ್ಕು ಮುರಿದವನು ನೀನೇ.

 8 ಇಡೀ ದಿನ ನಾವು ದೇವರನ್ನ ಹಾಡಿ ಹೊಗಳ್ತೀವಿ,

ಸದಾಕಾಲಕ್ಕೂ ನಿನ್ನ ಹೆಸ್ರನ್ನ ಸ್ತುತಿಸ್ತೀವಿ. (ಸೆಲಾ)

 9 ಆದ್ರೆ ಈಗ ನೀನು ನಮ್ಮನ್ನ ಬಿಟ್ಟುಬಿಟ್ಟಿದ್ದೀಯ, ನಮಗೆ ಅವಮಾನ ಆಗೋ ತರ ಮಾಡಿದ್ದೀಯ,

ನಮ್ಮ ಸೈನ್ಯದ ಜೊತೆ ನೀನು ಬರ್ತಾ ಇಲ್ಲ.

10 ಶತ್ರುಗೆ ಹೆದರಿ ನಾವು ಓಡಿಹೋಗೋ ತರ ಆಗಿದೆ,+

ನಮ್ಮನ್ನ ದ್ವೇಷಿಸೋರು ಅವ್ರಿಗೆ ಏನು ಬೇಕೋ ಅದೆಲ್ಲ ನಮ್ಮಿಂದ ತಗೊಂಡು ಹೋಗ್ತಿದ್ದಾರೆ.

11 ನೀನು ನಮ್ಮನ್ನ ಶತ್ರುಗಳ ಕೈಗೆ ಒಪ್ಪಿಸಿದ್ದೀಯ,

ಕುರಿಗಳನ್ನ ನುಂಗೋ ತರ ಅವರು ನಮ್ಮನ್ನ ನುಂಗಿಬಿಡ್ತಾರೆ,

ನೀನು ನಮ್ಮನ್ನ ಜನ್ರ ಮಧ್ಯ ಚದುರಿಸಿದ್ದೀಯ.+

12 ನೀನು ನಿನ್ನ ಜನ್ರನ್ನ ಕಮ್ಮಿ ಬೆಲೆಗೆ ಮಾರಿಬಿಡ್ತೀಯ,+

ಅವ್ರನ್ನ ಮಾರಿ* ನೀನು ಯಾವ ಲಾಭನೂ ಮಾಡ್ಕೊಳ್ಳಲ್ಲ.

13 ನಮ್ಮ ನೆರೆಯವರ ಮಧ್ಯೆ ನೀನು ನಮ್ಮ ಹೆಸ್ರು ಹಾಳು ಮಾಡಿದ್ದೀಯ,

ನಮ್ಮ ಸುತ್ತ ಇರೋರು ನಮ್ಮನ್ನ ಅಣಕಿಸಿ ಗೇಲಿಮಾಡೋಕೆ ಬಿಟ್ಟಿದ್ದೀಯ.

14 ಜನ್ರು ನಮ್ಮ ಬಗ್ಗೆ ವ್ಯಂಗ್ಯವಾಗಿ ಗಾದೆ ಬರಿಯೋ ತರ ಮಾಡಿದ್ದೀಯ,+

ಅವರು ನಮ್ಮನ್ನ ನೋಡಿ ತಲೆ ಆಡಿಸ್ತಾರೆ.

15 ಇಡೀ ದಿನ ನನಗೆ ಅವಮಾನ ಅನ್ಸುತ್ತೆ,

ಇದ್ರಿಂದ ನನ್ನ ಮುಖನ ಯಾರಿಗೂ ತೋರಿಸಕ್ಕಾಗ್ತಿಲ್ಲ.

16 ಯಾಕಂದ್ರೆ ಶತ್ರುಗಳು ನನಗೆ ಸೇಡು ತೀರಿಸ್ತಿದ್ದಾರೆ,

ನನ್ನನ್ನ ಕೆಣಕಿ, ನನಗೆ ಮುಖಭಂಗ ಮಾಡ್ತಿದ್ದಾರೆ.

17 ಇಷ್ಟೆಲ್ಲ ಆದ್ರೂ ನಾವು ನಿನ್ನನ್ನ ಮರೀಲಿಲ್ಲ,

ನಿನ್ನ ಒಪ್ಪಂದವನ್ನ ಮುರೀಲಿಲ್ಲ.+

19 ಆದ್ರೆ ನೀನು ನಮ್ಮನ್ನ ಗುಳ್ಳೆನರಿ ವಾಸಿಸೋ ಜಾಗದಲ್ಲಿ ಜಜ್ಜಿಬಿಟ್ಟೆ,

ಕತ್ತಲಲ್ಲಿ ನಮ್ಮನ್ನ ಮುಚ್ಚಿಬಿಟ್ಟೆ.

20 ನಾವು ನಮ್ಮ ದೇವರ ಹೆಸ್ರನ್ನ ಮರೆತ್ರೆ,

ನಾವು ಬೇರೆ ದೇವರಿಗೆ ಪ್ರಾರ್ಥಿಸೋಕೆ ನಮ್ಮ ಕೈ ಚಾಚಿದ್ರೆ,

21 ಅದನ್ನ ದೇವರು ಕಂಡುಹಿಡಿಯಲ್ವಾ?

22 ನಾವು ನಿನ್ನವರಾಗಿ ಇರೋದ್ರಿಂದ ಜನ ನಮ್ಮನ್ನ ಇಡೀ ದಿನ ಸಾವಿಗೆ ನೂಕ್ತಿದ್ದಾರೆ,

ಬಲಿ ಕೊಡೋ ಕುರಿಗಳ ತರ ನಮ್ಮನ್ನ ನೋಡ್ತಾರೆ.+

25 ನಮ್ಮನ್ನ ನೆಲಕ್ಕೆ ಹಾಕಿ ತುಳಿದಿದ್ದಾರೆ,

ಹೌದು, ನಾವು ಪೂರ್ತಿ ನೆಲದ ಮೇಲೆ ಬಿದ್ದುಹೋಗಿದ್ದೀವಿ.+

 3 ವೀರ ಸೈನಿಕನೇ,+ ನಿನ್ನ ಸೊಂಟಕ್ಕೆ ಕತ್ತಿಯನ್ನ ಕಟ್ಕೊ,+

ಗೌರವದಿಂದ, ವೈಭವದಿಂದ ಅದನ್ನ ಹಾಕಿಕೊ.+

 4 ವೈಭವದಿಂದ ಜಯವನ್ನ* ಸಾಧಿಸ್ತಾ ಹೋಗು,+

ಕುದುರೆ ಸವಾರಿ ಮಾಡ್ತಾ ದೀನರಿಗಾಗಿ, ಸತ್ಯಕ್ಕಾಗಿ ಮತ್ತು ನೀತಿಗಾಗಿ ಯುದ್ಧಮಾಡು,+

ನಿನ್ನ ಬಲಗೈ ಭಯವಿಸ್ಮಯ ಹುಟ್ಟಿಸೋ ವಿಷ್ಯಗಳನ್ನ ಮಾಡುತ್ತೆ.*

 5 ನಿನ್ನ ಬಾಣಗಳು ಚೂಪಾಗಿವೆ. ಅವು ರಾಜನ ಶತ್ರುಗಳ ಹೃದಯಗಳನ್ನ ಛಿದ್ರಮಾಡುತ್ತೆ,+

ಜನಾಂಗಗಳ ಜನ್ರನ್ನ ನಿನ್ನ ಮುಂದೆ ಬೀಳಿಸುತ್ತೆ.+

 6 ದೇವರು ಯಾವಾಗ್ಲೂ ನಿನ್ನ ಸಿಂಹಾಸನ ಆಗಿರ್ತಾನೆ,+

ನಿನ್ನ ರಾಜದಂಡ ನ್ಯಾಯವಾದ* ರಾಜದಂಡ ಆಗಿರುತ್ತೆ.+

 8 ನಿನ್ನ ಇಡೀ ಬಟ್ಟೆ ಗಂಧರಸ,* ಅಗರುಮರ* ಮತ್ತು ದಾಲ್ಚಿನ್ನಿ ಚಕ್ಕೆಯ* ಸುವಾಸನೆ ಬರುತ್ತೆ,

ಅರಮನೆಯಲ್ಲಿರೋ ಆನೆ ದಂತದಿಂದ ಮಾಡಿರೋ ತಂತಿವಾದ್ಯ ನಿನಗೆ ಖುಷಿಕೊಡುತ್ತೆ.

10 ನನ್ನ ಮಗಳೇ, ನಾನು ಹೇಳೋದನ್ನ ಕೇಳಿಸ್ಕೊಂಡು ಗಮನಕೊಡು,

ನಿನ್ನ ಜನ್ರನ್ನ, ನಿನ್ನ ಅಪ್ಪನ ಮನೆಯನ್ನ ಮರೆತುಬಿಡು.

11 ರಾಜ ನಿನ್ನ ರೂಪಲಾವಣ್ಯವನ್ನ ನೋಡೋಕೆ ಹಾತೊರಿತಾನೆ,

ಯಾಕಂದ್ರೆ ಆತನು ನಿನ್ನ ಒಡೆಯ,

ಹಾಗಾಗಿ ತಲೆಬಾಗಿ ಅವನಿಗೆ ನಮಸ್ಕಾರ ಮಾಡು.

12 ತೂರಿನ ಮಗಳು ಉಡುಗೊರೆ ತಗೊಂಡು ಬರ್ತಾಳೆ,

ದೊಡ್ಡ ದೊಡ್ಡ ಶ್ರೀಮಂತರು ನಿನ್ನ ಮೆಚ್ಚಿಗೆಯನ್ನ ಇಷ್ಟಪಡ್ತಾರೆ.

13 ಅರಮನೆಯಲ್ಲಿ* ರಾಜನ ಮಗಳು ಅಂದವಾಗಿ ಕಾಣ್ತಾಳೆ,

ಅವಳ ಬಟ್ಟೆಗಳನ್ನ ಚಿನ್ನದಿಂದ ಅಲಂಕಾರ ಮಾಡಿದ್ದಾರೆ.

15 ಅವ್ರನ್ನ ಸಂತೋಷ, ಸಂಭ್ರಮದಿಂದ ಕರ್ಕೊಂಡು ಬರ್ತಾರೆ,

ಅವರು ರಾಜನ ಅರಮನೆಯನ್ನ ಪ್ರವೇಶಿಸ್ತಾರೆ.

46 ದೇವರು ನಮ್ಮ ಆಶ್ರಯ, ನಮ್ಮ ಬಲ,+

ಕಷ್ಟ ಬಂದಾಗ ಸುಲಭವಾಗಿ ಸಿಗೋ ಸಹಾಯ.+

ಬೆಟ್ಟಗಳು ಉರುಳಿ ಸಮುದ್ರದ ಆಳಕ್ಕೆ ಬಿದ್ರೂ ನಾವು ಹೆದ್ರಲ್ಲ,+

 3 ಸಮುದ್ರದ ನೀರು ಪ್ರವಾಹದ ತರ ನೊರೆ ಕಾರಿದ್ರೂ+

ಸಮುದ್ರ ಅಲ್ಲೋಲಕಲ್ಲೋಲವಾಗಿ ಬೆಟ್ಟಗಳು ಅಲ್ಲಾಡಿದ್ರೂ ನಾವು ಭಯಪಡಲ್ಲ. (ಸೆಲಾ)

 4 ಒಂದು ನದಿ ಇದೆ. ಅದ್ರ ತೊರೆಗಳು ದೇವರ ಪಟ್ಟಣವನ್ನ,

ಸರ್ವೋನ್ನತನ ಮಹಾ ಪವಿತ್ರ ಡೇರೆಯನ್ನ ಖುಷಿಪಡಿಸುತ್ತೆ.+

 6 ದೇಶಗಳು ತತ್ತರಿಸಿದ್ವು, ರಾಜ್ಯಗಳು ಉರುಳಿಹೋದ್ವು,

ದೇವರು ತನ್ನ ಸ್ವರ ಎತ್ತಿದಾಗ ಭೂಮಿ ಕರಗಿಹೋಯ್ತು.+

 7 ಸೈನ್ಯಗಳ ದೇವರಾದ ಯೆಹೋವ ನಮ್ಮ ಜೊತೆ ಇದ್ದಾನೆ,+

ಯಾಕೋಬನ ದೇವರು ನಮ್ಮ ಸುರಕ್ಷಿತ ಆಶ್ರಯ.* (ಸೆಲಾ)

 8 ಬಂದು ಯೆಹೋವನ ಕೆಲಸಗಳನ್ನ ನೋಡಿ,

ಆತನು ಭೂಮಿಯಲ್ಲಿರೋ ವಿಸ್ಮಯಕರ ವಿಷ್ಯಗಳನ್ನ ಹೇಗೆ ಮಾಡಿದ್ದಾನೆ ಅಂತ ನೋಡಿ.

ಬಾಣಗಳನ್ನ ಮುರಿದು, ಈಟಿಗಳನ್ನ ನುಚ್ಚುನೂರು ಮಾಡ್ತಾನೆ,

ಯುದ್ಧ ರಥಗಳನ್ನ* ಬೆಂಕಿಯಲ್ಲಿ ಸುಟ್ಟುಹಾಕ್ತಾನೆ.

ದೇಶಗಳಲ್ಲಿ ನನ್ನನ್ನ ಘನತೆಗೆ ಏರಿಸಲಾಗುತ್ತೆ,+

ಇಡೀ ಭೂಮಿ ನನ್ನನ್ನ ಮೇಲಕ್ಕೆ ಏರಿಸುತ್ತೆ.”+

11 ಸೈನ್ಯಗಳ ದೇವರಾದ ಯೆಹೋವ ನಮ್ಮ ಜೊತೆ ಇದ್ದಾನೆ,+

ಯಾಕೋಬನ ದೇವರು ನಮ್ಮ ಸುರಕ್ಷಿತ ಆಶ್ರಯ.+ (ಸೆಲಾ)

 2 ಸರ್ವೋನ್ನತ ಯೆಹೋವ ವಿಸ್ಮಯಕಾರಿ ದೇವರು,+

ಇಡೀ ಭೂಮಿಗೆ ಆತನು ಮಹಾ ರಾಜ.+

 3 ಆತನು ದೇಶದ ಜನ್ರನ್ನ ನಮ್ಮ ಅಧೀನಕ್ಕೆ ಕೊಡ್ತಾನೆ,

ಅವ್ರನ್ನ ನಮ್ಮ ಕಾಲಕೆಳಗೆ ಹಾಕ್ತಾನೆ.+

 4 ಆತನು ಪ್ರೀತಿಸ್ತಿದ್ದ ಯಾಕೋಬನಿಗೆ ಯಾವ ದೇಶದ ಮೇಲೆ ಅಭಿಮಾನ ಇತ್ತೋ,+

ಅದನ್ನ ನಮ್ಮ ಆಸ್ತಿಯಾಗಿ ಆರಿಸ್ಕೊಂಡಿದ್ದಾನೆ.+ (ಸೆಲಾ)

 5 ಖುಷಿಯಿಂದ ದೇವರಿಗೆ ಜೈಕಾರ ಹಾಕ್ತಿದ್ದಾಗ ಆತನು ತನ್ನ ಸಿಂಹಾಸನ ಏರಿದ,

ಕೊಂಬಿನ* ಶಬ್ದ ಕೇಳಿಸ್ತಿದ್ದಾಗ ಯೆಹೋವ ತನ್ನ ಸಿಂಹಾಸನ ಏರಿದ.

 7 ಯಾಕಂದ್ರೆ ದೇವರು ಇಡೀ ಭೂಮಿಯ ರಾಜ ಆಗಿದ್ದಾನೆ,+

ಹಾಗಾಗಿ ಹಾಡಿ ಹೊಗಳಿ, ವಿವೇಚನೆಯಿಂದ ನಡ್ಕೊಳ್ಳಿ.

48 ನಮ್ಮ ದೇವರ ಪಟ್ಟಣದಲ್ಲಿ, ಆತನ ಪವಿತ್ರ ಬೆಟ್ಟದಲ್ಲಿ,

ಯೆಹೋವ ಅತಿ ಶ್ರೇಷ್ಠ, ತುಂಬ ಹೊಗಳಿಕೆಗೆ ಅರ್ಹ.

 2 ಉತ್ತರ ದಿಕ್ಕಿಗೆ ದೂರದಲ್ಲಿ ಹೆಮ್ಮೆಯಿಂದ ಚೀಯೋನ್‌ ಬೆಟ್ಟ ನಿಂತಿದೆ,

ಅದು ಮಹಾರಾಜನ ಪಟ್ಟಣವಾಗಿದೆ,+

ಆಕಾಶವನ್ನ ಮುಟ್ಟೋ ಆ ಪಟ್ಟಣ ತುಂಬ ಸುಂದರವಾಗಿದೆ.

 3 ನಾನು ಸುರಕ್ಷಿತ ಆಶ್ರಯವಾಗಿದ್ದೀನಿ* ಅಂತ

ದೇವರು ಅದ್ರ ಭದ್ರ ಕೋಟೆಗಳಲ್ಲಿ ಹೇಳಿದ್ದಾನೆ.+

 4 ಯಾಕಂದ್ರೆ ನೋಡು! ರಾಜರು ಒಟ್ಟುಸೇರಿದ್ರು,*

ಒಟ್ಟಾಗಿ ಮುಂದೆ ಸಾಗಿದ್ರು.

 5 ಅವರು ಆ ಪಟ್ಟಣವನ್ನ ನೋಡಿ ಆಶ್ಚರ್ಯಪಟ್ರು,

ಕಂಗಾಲಾದ್ರು, ಭಯದಿಂದ ಓಡಿಹೋದ್ರು.

 6 ಅಲ್ಲಿ ಅವರು ಗಡಗಡ ನಡುಗಿದ್ರು,

ಮಗುವನ್ನ ಹೆರೋ ಸ್ತ್ರೀ ತರ ಯಾತನೆಪಟ್ರು.

 8 ನಾವು ಯಾವುದನ್ನ ಕೇಳಿಸ್ಕೊಂಡ್ವೋ, ಈಗ ಅದನ್ನ ನಮ್ಮ ಕಣ್ಣಾರೆ ನೋಡಿದ್ದೀವಿ,

ಸೈನ್ಯಗಳ ದೇವರಾದ ಯೆಹೋವನ ಪಟ್ಟಣದಲ್ಲಿ, ನಮ್ಮ ದೇವರ ಪಟ್ಟಣದಲ್ಲಿ ಅದನ್ನ ಕಣ್ಣಾರೆ ನೋಡಿದ್ದೀವಿ.

 9 ದೇವರೇ, ನಿನ್ನ ಆಲಯದಲ್ಲಿ,

ನಾವು ನಿನ್ನ ಶಾಶ್ವತ ಪ್ರೀತಿಯನ್ನ ನೆನಪಿಸಿಕೊಳ್ತೀವಿ.+

10 ದೇವರೇ, ನಿನ್ನ ಹೆಸ್ರಿನ ಹಾಗೆ

ನಿನಗೆ ಸಿಗೋ ಹೊಗಳಿಕೆನೂ ಭೂಮಿಯ ಕಟ್ಟಕಡೆ ತನಕ ಮುಟ್ಟುತ್ತೆ.+

11 ನಿನ್ನ ತೀರ್ಪುಗಳಿಂದ ಚೀಯೋನ್‌ ಬೆಟ್ಟ+ ಖುಷಿಪಡಲಿ,

ಯೆಹೂದದ ಪಟ್ಟಣಗಳು* ಸಂತೋಷಪಡಲಿ.+

12 ಚೀಯೋನಿನ ಸುತ್ತ ನಡೆದು, ಅದ್ರ ಸುತ್ತ ತಿರುಗಿ,

ಅದ್ರ ಗೋಪುರಗಳನ್ನ ಲೆಕ್ಕಹಾಕಿ.+

ಅದ್ರ ಭದ್ರ ಕೋಟೆಗಳನ್ನ ಪರೀಕ್ಷಿಸಿ ನೋಡಿ,

ಆಗ ನೀವು ಅದ್ರ ಬಗ್ಗೆ ಮುಂದಿನ ಪೀಳಿಗೆಗೆ ಹೇಳೋಕೆ ಆಗುತ್ತೆ.

 2 ಚಿಕ್ಕವರಾಗಿರಲಿ, ದೊಡ್ಡವರಾಗಿರಲಿ

ಶ್ರೀಮಂತರಾಗಿರಲಿ, ಬಡವರಾಗಿರಲಿ ಎಲ್ರೂ ಗಮನಕೊಟ್ಟು ಕೇಳಿ.

 3 ನನ್ನ ಬಾಯಿ ವಿವೇಕದ ಮಾತುಗಳನ್ನಾಡುತ್ತೆ,

ನನ್ನ ಹೃದಯ ಆಳವಾದ ವಿಚಾರಗಳ* ಬಗ್ಗೆ ಧ್ಯಾನಿಸುತ್ತೆ.+

 4 ನಾನು ನಾಣ್ಣುಡಿಗೆ ಗಮನಕೊಡ್ತೀನಿ,

ತಂತಿವಾದ್ಯವನ್ನ ನುಡಿಸುವಾಗ ನನ್ನ ಒಗಟನ್ನ ವಿವರಿಸ್ತೀನಿ.

 6 ಯಾರು ತಮ್ಮ ಆಸ್ತಿಪಾಸ್ತಿಯಲ್ಲಿ ಭರವಸೆಯಿಡ್ತಾರೋ,+

ಯಾರು ತಮ್ಮ ಶ್ರೀಮಂತಿಕೆ ಬಗ್ಗೆ ಕೊಚ್ಚಿಕೊಳ್ತಾರೋ,+

 7 ಅವ್ರಲ್ಲಿ ಯಾರಿಗೂ ತಮ್ಮ ಸಹೋದರನನ್ನ ಬಿಡಿಸೋಕೆ ಆಗೋದೇ ಇಲ್ಲ ಅಥವಾ

ದೇವ್ರಿಗೆ ಬಿಡುಗಡೆ ಬೆಲೆ ಕೊಟ್ಟು ಅವನನ್ನ ಬಿಡಿಸೋಕೆ ಆಗಲ್ಲ,+

 8 (ತಮ್ಮ ಜೀವಕ್ಕಾಗಿ ಅವರು ಕೊಡಬೇಕಾಗಿರೋ ಬಿಡುಗಡೆ ಬೆಲೆ ತುಂಬ ಅಮೂಲ್ಯ. ಹಾಗಾಗಿ ಅವರು ಅದನ್ನ ಯಾವತ್ತೂ ಕೊಡಕ್ಕಾಗಲ್ಲ)

 9 ಅವ್ರ ಸಹೋದರ ಸಮಾಧಿಯನ್ನ* ಸೇರದೆ ಇರೋ ಹಾಗೆ ನೋಡ್ಕೊಳ್ಳೋಕೆ, ಅವನು ಶಾಶ್ವತವಾಗಿ ಜೀವಿಸೋ ಹಾಗೆ ಮಾಡೋಕೆ ಅವ್ರ ಕೈಯಲ್ಲಿ ಆಗಲ್ಲ.+

10 ಮೂರ್ಖರು ಮತ್ತು ಬುದ್ಧಿ ಇಲ್ಲದವರು ನಾಶ ಆಗೋ ತರ,

ಬುದ್ಧಿ ಇರೋ ಜನ್ರೂ ನಾಶ ಆಗೋದನ್ನ ಅವರು ನೋಡ್ತಾರೆ.+

11 ಅವ್ರ ಮನೆಗಳು ಶಾಶ್ವತವಾಗಿ ಉಳಿಬೇಕು ಅನ್ನೋದು ಅವ್ರ ಮನದಾಳದ ಆಸೆ,

ಅವ್ರ ಡೇರೆಗಳು ತಲತಲಾಂತರಕ್ಕೂ ಇರಬೇಕು ಅನ್ನೋದು ಅವ್ರ ಹೃದಯದಾಳದ ಬಯಕೆ.

13 ಮೂರ್ಖರಿಗೂ ಅವ್ರ ಹಿಂದೆ ಹೋಗೋರಿಗೂ

ಅವ್ರ ಪೊಳ್ಳು ಮಾತುಗಳಲ್ಲಿ ಖುಷಿಪಡೋರಿಗೂ ಇದೇ ಗತಿ ಆಗುತ್ತೆ.+ (ಸೆಲಾ)

14 ಕುರಿಗಳನ್ನ ಕಡಿಯೋಕೆ ತಗೊಂಡು ಹೋಗೋ ತರ,

ಅವ್ರನ್ನ ಸಮಾಧಿಗೆ* ಒಪ್ಪಿಸಲಾಗುತ್ತೆ.

ಅವರು ಒಂದು ಸುಳಿವೂ ಇಲ್ಲದ ಹಾಗೇ ಹೋಗ್ತಾರೆ,+

ಅರಮನೆಯ ಬದಲು ಸಮಾಧಿನೇ*+ ಅವ್ರ ಮನೆ ಆಗಿರುತ್ತೆ.+

15 ಆದ್ರೆ ದೇವರು ನನ್ನನ್ನ ಸಮಾಧಿಯ* ಕೈಯಿಂದ* ಬಿಡಿಸ್ತಾನೆ,+

ಯಾಕಂದ್ರೆ ಆತನು ಅಲ್ಲಿಂದ ನನ್ನನ್ನ ಮೇಲಕ್ಕೆ ಎಳ್ಕೊಳ್ತಾನೆ. (ಸೆಲಾ)

16 ಒಬ್ಬ ಮನುಷ್ಯ ಶ್ರೀಮಂತನಾದ್ರೆ ಹೆದರಬೇಡ,

ಅವನ ಮನೆಯ ವೈಭವ ಹೆಚ್ಚಾದ್ರೆ ಭಯಪಡಬೇಡ,

17 ಯಾಕಂದ್ರೆ ಅವನು ಸತ್ತಾಗ ಅವನ ಜೊತೆ ಏನೂ ತಗೊಂಡು ಹೋಗಕ್ಕಾಗಲ್ಲ,+

ಅವನ ವೈಭವ ಅವನ ಜೊತೆ ಹೋಗಲ್ಲ.+

20 ಆದ್ರೆ ಈ ವಿಷ್ಯವನ್ನ ಅರ್ಥಮಾಡ್ಕೊಳ್ಳದ ವ್ಯಕ್ತಿ ಎಷ್ಟೇ ಗೌರವ ಗಳಿಸಿದ್ರೂ,+

ನಾಶವಾಗಿ ಹೋಗೋ ಪ್ರಾಣಿಗಿಂತ ಅವನೇನೂ ದೊಡ್ಡವನಲ್ಲ.

50 ಎಲ್ಲ ದೇವರುಗಳಿಗಿಂತ ಮಹಾ ದೇವರಾದ* ಯೆಹೋವ*+ ಹೇಳಿದ್ದಾನೆ,

ಆತನು ಪೂರ್ವದಿಂದ ಪಶ್ಚಿಮದ ತನಕ ಇರೋ

ಜನ್ರನ್ನೆಲ್ಲ ಒಟ್ಟುಸೇರಿಸ್ತಾನೆ.

ಆತನ ಮುಂದೆ ಸುಡೋ ಬೆಂಕಿಯಿದೆ,+

ಆತನ ಸುತ್ತ ಭಯಂಕರ ಬಿರುಗಾಳಿ ಬೀಸ್ತಿದೆ.+

 4 ತನ್ನ ಜನ್ರನ್ನ ತೀರ್ಪು ಮಾಡೋವಾಗ+

ಅದಕ್ಕೆ ಸಾಕ್ಷಿಯಾಗಿ ಆಕಾಶ ಮತ್ತು ಭೂಮಿಯನ್ನ ಬರೋಕೆ ಹೇಳ್ತಾನೆ.+

 5 “ನಿಷ್ಠಾವಂತರನ್ನ ಅಂದ್ರೆ ಬಲಿ ಕೊಟ್ಟು ನನ್ನ ಜೊತೆ ಒಪ್ಪಂದ

ಮಾಡ್ಕೊಳ್ಳೋ+ ಜನ್ರನ್ನ ನನ್ನ ಹತ್ರ ಕರ್ಕೊಂಡು ಬನ್ನಿ.”

 6 ಆಕಾಶ ದೇವರ ನೀತಿಯನ್ನ ಜೋರಾಗಿ ಹೇಳುತ್ತೆ,

ಯಾಕಂದ್ರೆ ದೇವರೇ ನ್ಯಾಯಾಧೀಶ ಆಗಿದ್ದಾನೆ.+ (ಸೆಲಾ)

 7 “ನನ್ನ ಜನ್ರೇ, ನಾನು ಹೇಳ್ತೀನಿ ಕೇಳಿ,

ಇಸ್ರಾಯೇಲೇ, ನಾನು ನಿನ್ನ ವಿರುದ್ಧ ಸಾಕ್ಷಿ ಹೇಳ್ತೀನಿ.+

 8 ನೀನು ಕೊಟ್ಟ ಬಲಿಯಿಂದಾಗಲಿ

ನೀನು ನನ್ನ ಮುಂದೆ ತಪ್ಪದೇ ಅರ್ಪಿಸೋ ಸರ್ವಾಂಗಹೋಮ ಬಲಿಗಳಿಂದಾಗಲಿ ನಾನು ನಿನ್ನನ್ನ ಖಂಡಿಸಲ್ಲ.+

 9 ನನಗೆ ನಿನ್ನ ಮನೆಯಿಂದ ಹೋರಿಯಾಗಲಿ,

ನಿನ್ನ ದೊಡ್ಡಿಗಳಿಂದ ಆಡುಗಳಾಗಲಿ* ಬೇಕಾಗಿಲ್ಲ.+

10 ಯಾಕಂದ್ರೆ ಕಾಡಲ್ಲಿರೋ ಎಲ್ಲ ಪ್ರಾಣಿಗಳು ನಂದೇ,+

ಸಾವಿರಾರು ಬೆಟ್ಟಗಳ ಮೇಲಿರೋ ಮೃಗಗಳೂ ನಂದೇ.

11 ಬೆಟ್ಟದಲ್ಲಿರೋ ಎಲ್ಲ ಪಕ್ಷಿಗಳ ಬಗ್ಗೆ ನಂಗೊತ್ತು,+

ಬೈಲಲ್ಲಿರೋ ಅಷ್ಟೂ ಪ್ರಾಣಿಗಳೂ ನಂದೇ.

12 ನನಗೆ ಹಸಿವಾದ್ರೆ, ನಾನು ನಿನಗೆ ಹೇಳಲ್ಲ,

ಯಾಕಂದ್ರೆ ಭೂಮಿ* ಮತ್ತು ಅದ್ರಲ್ಲಿರೋ ಎಲ್ಲ ನಂದೇ.+

14 ದೇವರಿಗೆ ಧನ್ಯವಾದ ಹೊಗಳಿಕೆಯನ್ನ ನಿನ್ನ ಬಲಿಯಾಗಿ ಕೊಡು,+

ಸರ್ವೋನ್ನತನಿಗೆ ನಿನ್ನ ಹರಕೆಯನ್ನ ತೀರಿಸು.+

16 ಆದ್ರೆ ದೇವರು ಕೆಟ್ಟವನಿಗೆ ಹೀಗೆ ಹೇಳ್ತಾನೆ

“ನನ್ನ ನಿಯಮಗಳ ಬಗ್ಗೆ ಹೇಳೋಕೆ

ಅಥವಾ ನನ್ನ ಒಪ್ಪಂದದ+ ಬಗ್ಗೆ ಮಾತಾಡೋಕೆ ನಿನಗೇನು ಹಕ್ಕಿದೆ?+

17 ಯಾಕಂದ್ರೆ ನೀನು ಶಿಸ್ತನ್ನ* ದ್ವೇಷಿಸ್ತೀಯ,

ನನ್ನ ಮಾತುಗಳನ್ನ ಗಾಳಿಗೆ ತೂರುತ್ತಾನೇ ಇದ್ದೀಯ.+

18 ಒಬ್ಬ ಕಳ್ಳನನ್ನ ನೋಡಿದ್ರೆ ಅವನನ್ನ ಮೆಚ್ಚುತ್ತೀಯ,*+

ವ್ಯಭಿಚಾರಿಗಳ ಜೊತೆ ಸ್ನೇಹ ಬೆಳೆಸ್ತೀಯ.

19 ಕೆಟ್ಟದ್ದನ್ನ ಹಬ್ಬಿಸೋಕೆ ನಿನ್ನ ಬಾಯನ್ನ ಬಳಸ್ತೀಯ,

ವಂಚನೆ ನಿನ್ನ ನಾಲಿಗೆಗೆ ಅಂಟ್ಕೊಂಡಿದೆ.+

20 ನೀನು ಕೂತು ನಿನ್ನ ಸ್ವಂತ ಸಹೋದರನ ವಿರುದ್ಧ ಮಾತಾಡ್ತೀಯ,+

ನಿನ್ನ ಒಡಹುಟ್ಟಿದವನ ತಪ್ಪುಗಳನ್ನ ಬಯಲು ಮಾಡ್ತೀಯ.*

21 ನೀನು ಇದನ್ನೆಲ್ಲಾ ಮಾಡ್ತಿದ್ದಾಗ ನಾನು ಸುಮ್ನೆ ಇದ್ದೆ,

ಹಾಗಾಗಿ ನಾನೂ ನಿನ್ನ ತರಾನೇ ಅಂತ ನೀನು ಅಂದ್ಕೊಂಡೆ.

ಆದ್ರೆ ಈಗ ನಾನು ನಿನ್ನನ್ನ ಖಂಡಿಸ್ತೀನಿ,

ನಿನ್ನ ವಿರುದ್ಧ ಮೊಕದ್ದಮೆ ಹಾಕ್ತೀನಿ.+

22 ದೇವರನ್ನ ಮರೆತಿರೋರೇ, ದಯವಿಟ್ಟು ಈ ವಿಷ್ಯವನ್ನ ಗಮನದಲ್ಲಿ ಇಟ್ಕೊಳ್ಳಿ,+

ಇಲ್ಲ ಅಂದ್ರೆ ನಾನು ನಿಮ್ಮನ್ನ ತುಂಡುತುಂಡು ಮಾಡಿಬಿಡ್ತೀನಿ, ಆಗ ನಿಮ್ಮನ್ನ ಕಾಪಾಡೋಕೆ ಯಾರೂ ಇರಲ್ಲ.

23 ಧನ್ಯವಾದ ಹೊಗಳಿಕೆಯನ್ನ ತನ್ನ ಬಲಿಯಾಗಿ ಕೊಡೋನು ನನ್ನನ್ನ ಗೌರವಿಸ್ತಾನೆ,+

ದೃಢ ತೀರ್ಮಾನದಿಂದ ಸರಿಯಾದ ದಾರಿಯಲ್ಲಿ ನಡಿಯೋನು,

ದೇವರಿಂದ ಬರೋ ರಕ್ಷಣೆಯನ್ನ ನೋಡೋ ತರ ನಾನು ಮಾಡ್ತೀನಿ.+

 2 ನನ್ನ ತಪ್ಪುಗಳನ್ನ ಸಂಪೂರ್ಣವಾಗಿ ತೊಳೆದುಬಿಡು,+

ನನ್ನ ಪಾಪಗಳನ್ನ ತೊಳೆದು ನನ್ನನ್ನ ಶುದ್ಧಮಾಡು.+

 3 ಯಾಕಂದ್ರೆ ನನ್ನ ಅಪರಾಧಗಳ ಬಗ್ಗೆ ನನಗೆ ಚೆನ್ನಾಗಿ ಗೊತ್ತಾಗಿದೆ,

ನನ್ನ ಪಾಪ ಯಾವಾಗ್ಲೂ ನನ್ನ ಮುಂದೆನೇ ಇದೆ.*+

 4 ನಿನ್ನ ವಿರುದ್ಧ, ಹೌದು, ಮುಖ್ಯವಾಗಿ* ನಿನ್ನ ವಿರುದ್ಧ ಪಾಪ ಮಾಡಿದ್ದೀನಿ,+

ನಿನಗೆ ಇಷ್ಟ ಆಗದೇ ಇರೋದನ್ನೇ ಮಾಡಿದ್ದೀನಿ.+

 5 ನೋಡು! ಹುಟ್ಟಿದಾಗಿಂದಾನೇ ನಾನು ಪಾಪಿ,

ಅಮ್ಮನ ಹೊಟ್ಟೆಯಲ್ಲಿ ಇದ್ದಾಗಿಂದಾನೇ ನನ್ನಲ್ಲಿ ಪಾಪ ಇದೆ.*+

 6 ಮನಸ್ಸಲ್ಲಿರೋ ಸತ್ಯನ ನೋಡಿ ನೀನು ಖುಷಿಪಡ್ತೀಯ,+

ಹಾಗಾಗಿ ನನ್ನ ಹೃದಯಕ್ಕೆ ನಿಜವಾದ ವಿವೇಕವನ್ನ ಕಲಿಸು.

 7 ನಾನು ಶುದ್ಧನಾಗೋ ಹಾಗೆ ಹಿಸ್ಸೋಪ್‌* ಗಿಡದಿಂದ ನನ್ನ ಪಾಪವನ್ನ ತೊಳೆದು ನನ್ನನ್ನ ಶುದ್ಧಮಾಡು,+

ನನ್ನನ್ನ ತೊಳಿ, ಆಗ ನಾನು ಹಿಮಕ್ಕಿಂತ ಬೆಳ್ಳಗಾಗ್ತೀನಿ.+

 8 ಸಂತೋಷ, ಸಂಭ್ರಮದ ಶಬ್ದವನ್ನ ನಾನು ಕೇಳಿಸ್ಕೊಳ್ಳೋ ತರ ಮಾಡು,

ಆಗ ನೀನು ಜಜ್ಜಿದ ಎಲುಬುಗಳು ಖುಷಿಪಡುತ್ತೆ.+

 9 ನನ್ನ ಪಾಪಗಳ ಕಡೆಯಿಂದ ನಿನ್ನ ಮುಖವನ್ನ ತಿರುಗಿಸ್ಕೊ,+

ನನ್ನ ಎಲ್ಲ ತಪ್ಪುಗಳನ್ನ ಅಳಿಸಿಬಿಡು.+

10 ದೇವರೇ, ನನ್ನೊಳಗೆ ಶುದ್ಧ ಹೃದಯವನ್ನ ಹುಟ್ಟಿಸು,+

ಸ್ಥಿರವಾಗಿರೋ ಒಂದು ಹೊಸ ಮನಸ್ಸನ್ನ+ ನನ್ನೊಳಗೆ ಇಡು.

11 ನಿನ್ನ ಸನ್ನಿಧಿಯಿಂದ ನನ್ನನ್ನ ತಳ್ಳಿಬಿಡಬೇಡ,

ನನ್ನಿಂದ ನಿನ್ನ ಪವಿತ್ರಶಕ್ತಿಯನ್ನ ತೆಗೀಬೇಡ.

12 ನನ್ನನ್ನ ರಕ್ಷಿಸಿ ಕೊಟ್ಟ ಸಂತೋಷವನ್ನ ಮತ್ತೆ ಕೊಡು,+

ನಿನ್ನ ಮಾತನ್ನ ಪಾಲಿಸಬೇಕು ಅನ್ನೋ ಆಸೆಯನ್ನ ನನ್ನಲ್ಲಿ ಎಬ್ಬಿಸು.

13 ಅಪರಾಧಿಗಳಿಗೆ ನಾನು ನಿನ್ನ ದಾರಿಯನ್ನ ಕಲಿಸ್ತೀನಿ,+

ಆಗ ಆ ಪಾಪಿಗಳು ನಿನ್ನ ಹತ್ರ ವಾಪಸ್‌ ಬರ್ತಾರೆ.

14 ದೇವರೇ, ನನ್ನ ರಕ್ಷಣೆಯ ದೇವರೇ,+ ರಕ್ತಾಪರಾಧದಿಂದ ನನ್ನನ್ನ ಕಾಪಾಡು,+

ಆಗ ನನ್ನ ನಾಲಿಗೆ ಸಂತೋಷದಿಂದ ನಿನ್ನ ನೀತಿಯನ್ನ ಜೋರಾಗಿ ಹೇಳುತ್ತೆ.+

15 ಯೆಹೋವನೇ, ನನ್ನ ಬಾಯಿ ನಿನ್ನನ್ನ ಹೊಗಳೋಕೆ ಆಗೋ ತರ,

ನನ್ನ ತುಟಿಗಳನ್ನ ಬಿಚ್ಚು.+

16 ಯಾಕಂದ್ರೆ ನಿನಗೆ ಬಲಿ ಬೇಕಾಗಿಲ್ಲ. ಬೇಕಾಗಿದ್ರೆ ನಾನು ಅದನ್ನ ನಿನಗೆ ಕೊಡ್ತಿದ್ದೆ,+

ನಿನಗೆ ಸರ್ವಾಂಗಹೋಮ ಬಲಿಯಲ್ಲಿ ಸಂತೋಷ ಸಿಗಲ್ಲ.+

17 ಮುರಿದ ಮನಸ್ಸೇ ದೇವರು ಮೆಚ್ಚೋ ಬಲಿಯಾಗಿದೆ,

ದೇವರೇ, ಜಜ್ಜಿ ಹೋಗಿರೋ, ಮುರಿದು ಹೋಗಿರೋ ಹೃದಯನ ನೀನು ತಳ್ಳಿಹಾಕಲ್ಲ.+

18 ದಯೆ ತೋರಿಸಿ* ಚೀಯೋನಿಗೆ ಒಳ್ಳೇದನ್ನ ಮಾಡು,

ಯೆರೂಸಲೇಮಿನ ಗೋಡೆಗಳನ್ನ ಕಟ್ಟು.

19 ಆಗ ನೀನು ನೀತಿಯ ಬಲಿಗಳಲ್ಲಿ,

ಸರ್ವಾಂಗಹೋಮ ಬಲಿಗಳಲ್ಲಿ, ಸಂಪೂರ್ಣವಾಗಿ ಕೊಡೋ ಹೋಮಗಳಲ್ಲಿ ಖುಷಿಪಡ್ತೀಯ,

ಆಗ ನಿನ್ನ ಯಜ್ಞವೇದಿ ಮೇಲೆ ಹೋರಿಗಳನ್ನ ಕೊಡೋಕೆ ಆಗುತ್ತೆ.+

 2 ನಿನ್ನ ನಾಲಿಗೆ ಕ್ಷೌರ ಕತ್ತಿ ತರ ಚೂಪಾಗಿ ಇದೆ,+

ಅದು ಕೇಡು ಮಾಡೋಕೆ ಸಂಚು ಮಾಡುತ್ತೆ, ಮೋಸದ ಮಾತುಗಳನ್ನ ಆಡುತ್ತೆ.+

 3 ನೀನು ಒಳ್ಳೇದಕ್ಕಿಂತ ಕೆಟ್ಟದ್ದನ್ನೇ ಜಾಸ್ತಿ ಪ್ರೀತಿಸ್ತೀಯ,

ಸತ್ಯಕ್ಕಿಂತ ಸುಳ್ಳನ್ನೇ ಜಾಸ್ತಿ ಹೇಳ್ತೀಯ. (ಸೆಲಾ)

 5 ಹಾಗಾಗಿ ದೇವರು ನಿನ್ನನ್ನ ಯಾವತ್ತೂ ಮೇಲೆ ಏಳದ ಹಾಗೆ ಕೆಳಗೆ ಬೀಳಿಸ್ತಾನೆ,+

ಆತನು ನಿನ್ನನ್ನ ಸರಕ್ಕಂತ ಎಳೆದು ನಿನ್ನ ಡೇರೆಯಿಂದ ನಿನ್ನನ್ನ ಕಿತ್ತು ಎಸೀತಾನೆ,+

ಈ ಲೋಕದಿಂದ* ಆತನು ನಿನ್ನನ್ನ ಬೇರು ಸಮೇತ ಕಿತ್ತುಹಾಕ್ತಾನೆ.+ (ಸೆಲಾ)

 6 ನೀತಿವಂತರು ಇದನ್ನ ನೋಡಿ ಆಶ್ಚರ್ಯಪಡ್ತಾರೆ,+

ಅವರು ಅವನನ್ನ ನೋಡಿ ನಗ್ತಾರೆ.+

 7 “ಈ ಮನುಷ್ಯನನ್ನ ನೋಡಿ, ಇವನು ದೇವ್ರನ್ನ ತನ್ನ ಆಶ್ರಯವಾಗಿ* ಮಾಡ್ಕೊಳ್ಳಿಲ್ಲ,+

ತನ್ನ ಸಿರಿಸಂಪತ್ತನ್ನೇ ನಂಬ್ಕೊಂಡಿದ್ದ,+

ಕೆಟ್ಟ ಯೋಜನೆಗಳನ್ನೇ* ಆಸರೆಯಾಗಿ ಮಾಡ್ಕೊಂಡಿದ್ದ.”

 8 ಆದ್ರೆ ನಾನು ದೇವರ ಆಲಯದಲ್ಲಿ ಚೆನ್ನಾಗಿ ಬೆಳೆದಿರೋ ಆಲಿವ್‌ ಮರದ ತರ ಇರ್ತಿನಿ,

ನಾನು ದೇವರ ಶಾಶ್ವತ ಪ್ರೀತಿಯಲ್ಲಿ ಭರವಸೆ ಇಟ್ಟಿದ್ದೀನಿ,+ ಯಾವಾಗ್ಲೂ ಹಾಗೇ ಇಟ್ಟಿರ್ತಿನಿ.

 9 ನೀನು ಹೆಜ್ಜೆ ತಗೊಂಡಿದ್ರಿಂದ ನಾನು ನಿನ್ನನ್ನ ಶಾಶ್ವತವಾಗಿ ಹೊಗಳ್ತೀನಿ,+

ನಿನ್ನ ನಿಷ್ಠಾವಂತ ಜನ್ರ ಮುಂದೆ,

ನಿನ್ನ ಹೆಸ್ರಲ್ಲಿ ನಾನು ನಿರೀಕ್ಷೆ ಇಡ್ತೀನಿ.+ ಯಾಕಂದ್ರೆ ಅದೇ ಒಳ್ಳೇದು.

 2 ಆದ್ರೆ ಯಾರಿಗೆ ತಿಳುವಳಿಕೆ* ಇದೆ,

ಯಾರು ಯೆಹೋವನನ್ನ ಹುಡುಕ್ತಿದ್ದಾರೆ,+

ಅಂತ ತಿಳ್ಕೊಳ್ಳೋಕೆ ದೇವರು ಸ್ವರ್ಗದಿಂದ ನೋಡ್ತಾನೆ.+

 3 ಅವ್ರೆಲ್ಲ ದಾರಿತಪ್ಪಿದ್ದಾರೆ,

ಭ್ರಷ್ಟಾಚಾರ ಮಾಡದಿರೋರು ಒಬ್ರೂ ಇಲ್ಲ.

ಯಾರೂ ಒಳ್ಳೇದನ್ನ ಮಾಡ್ತಿಲ್ಲ,

ಒಬ್ಬನೂ ಮಾಡ್ತಿಲ್ಲ.+

ಈ ಮುಂಚೆ ಆಗದಷ್ಟು ಭಯ ಈಗ ಅವರಿಗಾಗುತ್ತೆ,*

ಯಾಕಂದ್ರೆ ನಿನ್ನ ಮೇಲೆ ಆಕ್ರಮಣ ಮಾಡೋರ* ಎಲುಬುಗಳನ್ನ ದೇವರು ಚೆಲ್ಲಾಪಿಲ್ಲಿ ಮಾಡ್ತಾನೆ.

ಜೈಲಲ್ಲಿರೋ ಜನ್ರನ್ನ ಯೆಹೋವ ಒಟ್ಟುಸೇರಿಸುವಾಗ,

ಯಾಕೋಬ ಖುಷಿಪಡಲಿ, ಇಸ್ರಾಯೇಲ್‌ ಉಲ್ಲಾಸಪಡಲಿ.

54 ದೇವರೇ, ನಿನ್ನ ಹೆಸ್ರಿಂದ ನನ್ನನ್ನ ಕಾಪಾಡು,+

ನಿನ್ನ ಶಕ್ತಿಯಿಂದ ನನ್ನನ್ನ ಸಂರಕ್ಷಿಸು.+

 2 ದೇವರೇ, ನನ್ನ ಪ್ರಾರ್ಥನೆಯನ್ನ ಕೇಳು,+

ನನ್ನ ಬಿನ್ನಹಗಳಿಗೆ ಗಮನಕೊಡು.

 3 ಯಾಕಂದ್ರೆ ಅಪರಿಚಿತರು ನನ್ನ ವಿರುದ್ಧ ಬಂದಿದ್ದಾರೆ,

ಕ್ರೂರಿಗಳು ನನ್ನ ಜೀವ ತೆಗೀಬೇಕು ಅಂತಿದ್ದಾರೆ.+

 4 ನೋಡು! ದೇವರು ನನ್ನ ಸಹಾಯಕ,+

ನನಗೆ ಸಹಕಾರ ಕೊಡೋರ ಜೊತೆ ಯೆಹೋವ ಇದ್ದಾನೆ.

 5 ನನ್ನ ಎದುರಾಳಿಗಳು ಕೊಡೋ ಕಷ್ಟಗಳನ್ನ ಆತನು ಅವ್ರಿಗೇ ವಾಪಸ್‌ ಕೊಡ್ತಾನೆ,+

ನನ್ನ ದೇವರೇ, ನೀನು ನಂಬಿಗಸ್ತನಾಗಿ ಇರೋದ್ರಿಂದ ಅವ್ರನ್ನ ನಾಶಮಾಡು.+

 7 ಆತನು ನನ್ನನ್ನ ಎಲ್ಲ ಸಂಕಷ್ಟಗಳಿಂದ ಕಾಪಾಡ್ತಾನೆ,+

ನಾನು ಶತ್ರುಗಳು ಸೋಲೋದನ್ನ ನೋಡ್ತೀನಿ.+

55 ದೇವರೇ, ನನ್ನ ಪ್ರಾರ್ಥನೆ ಕೇಳು,+

ಕರುಣೆಗಾಗಿ ನಾನು ಮಾಡೋ ಬಿನ್ನಹವನ್ನ ಪಕ್ಕಕ್ಕೆ ಇಡಬೇಡ.*+

ನನ್ನ ಚಿಂತೆಗಳು ನಾನು ಚಡಪಡಿಸೋ ತರ ಮಾಡಿವೆ,+

ನನಗೆ ತಳಮಳ ಆಗ್ತಿದೆ.

 3 ಯಾಕಂದ್ರೆ ವೈರಿ ಜೋರು ಮಾಡ್ತಿದ್ದಾನೆ,

ಕೆಟ್ಟವನು ಒತ್ತಡ ಹಾಕ್ತಿದ್ದಾನೆ.

ಅವರು ನನ್ನ ಮೇಲೆ ಒಂದರ ಮೇಲೆ ಒಂದು ತೊಂದರೆನ ಗುಡ್ಡೆ ಹಾಕ್ತಿದ್ದಾರೆ,

ಕೋಪದಿಂದ ಅವರು ನನ್ನ ವಿರುದ್ಧ ಹಗೆತನ ಬೆಳೆಸ್ಕೊಂಡಿದ್ದಾರೆ.+

 4 ನನ್ನ ಹೃದಯ ನೋವಿಂದ ನಲುಗಿ ಹೋಗಿದೆ,+

ಸಾವಿನ ಭಯ ನನ್ನನ್ನ ಮುಳುಗಿಸಿಬಿಟ್ಟಿದೆ.+

 5 ನಾನು ಭಯದಿಂದ ನಡುಗ್ತಾ ಇದ್ದೀನಿ,

ತತ್ತರಿಸಿ ಹೋಗಿದ್ದೀನಿ.

 6 ನಾನು ಹೀಗೆ ಹೇಳ್ತಾ ಇದ್ದೆ “ನನಗೆ ಪಾರಿವಾಳದ ತರ ರೆಕ್ಕೆ ಇದ್ದಿದ್ರೆ,

ಸುರಕ್ಷಿತವಾದ ಜಾಗಕ್ಕೆ ಹಾರಿಹೋಗಿ ಅಲ್ಲೇ ಇರ್ತಿದ್ದೆ.

 8 ಜೋರಾಗಿ ಬೀಸೋ ಗಾಳಿಯಿಂದ, ಭಯಂಕರ ಬಿರುಗಾಳಿಯಿಂದ ತಪ್ಪಿಸ್ಕೊಂಡು,

ನಾನು ಒಂದು ಸುರಕ್ಷಿತ ತಾಣಕ್ಕೆ ಓಡಿಹೋಗ್ತಿದ್ದೆ.”

 9 ಯೆಹೋವನೇ, ಅವ್ರಿಗೆ ಗಲಿಬಿಲಿ ಮಾಡು, ಅವ್ರ ಯೋಜನೆಗಳನ್ನ ಹಾಳುಮಾಡು,*+

ಯಾಕಂದ್ರೆ ಪಟ್ಟಣದಲ್ಲಿ ನಾನು ಹಿಂಸೆ, ಹೊಡೆದಾಟ ನೋಡಿದ್ದೀನಿ.

10 ಹಗಲೂರಾತ್ರಿ ಅವರು ಪಟ್ಟಣದ ಗೋಡೆಗಳ ಮೇಲೆ ನಡೆದಾಡ್ತಾರೆ,

ಪಟ್ಟಣದಲ್ಲಿ ದ್ವೇಷ, ತೊಂದ್ರೆ ತುಂಬಿಕೊಂಡಿದೆ.+

11 ದೊಡ್ಡ ವಿಪತ್ತು ಪಟ್ಟಣದ ಮಧ್ಯದಲ್ಲಿದೆ,

ದಬ್ಬಾಳಿಕೆ ಮತ್ತು ವಂಚನೆ ಪಟ್ಟಣದ ಮುಖ್ಯಸ್ಥಳವನ್ನ* ಬಿಟ್ಟು ಹೋಗಿಲ್ಲ.+

12 ನನ್ನನ್ನ ಕೆಣಕುತ್ತಿದ್ದವನು ಶತ್ರುವಲ್ಲ,+

ಶತ್ರುವಾಗಿದ್ರೆ ನಾನು ಸಹಿಸಿಕೊಳ್ತಿದ್ದೆ.

ನನ್ನ ವಿರುದ್ಧ ಎದ್ದಿರೋನು ವೈರಿಯಲ್ಲ,

ವೈರಿಯಾಗಿದ್ರೆ ನಾನು ಅವನಿಗೆ ಸಿಗದೆ ಇರೋ ಹಾಗೆ ಬಚ್ಚಿಟ್ಕೊಳ್ತಿದ್ದೆ.

13 ಆದ್ರೆ ಇದನ್ನ ಮಾಡಿದ್ದು ನನ್ನಂಥ ಮನುಷ್ಯ,*+

ನನಗೆ ಚೆನ್ನಾಗಿ ಗೊತ್ತಿರೋ ನನ್ನ ಸ್ನೇಹಿತ.+

14 ಒಂದು ಕಾಲದಲ್ಲಿ ನಾವು ಆಪ್ತ ಸ್ನೇಹದ ಸಿಹಿ ಕ್ಷಣಗಳನ್ನ ಅನುಭವಿಸಿದ್ವಿ,

ಜನ್ರ ಜೊತೆ ದೇವರ ಆಲಯಕ್ಕೆ ಹೋಗ್ತಾ ಇದ್ವಿ.

ಜೀವಂತವಾಗೇ ಅವ್ರು ಸಮಾಧಿ* ಸೇರಲಿ,

ಯಾಕಂದ್ರೆ ಕೆಟ್ಟತನ ಅವ್ರ ಮಧ್ಯ, ಅವರೊಳಗೆ ಮನೆ ಮಾಡ್ಕೊಂಡಿದೆ.

16 ಆದ್ರೆ ನಾನು ಯೆಹೋವನನ್ನ ಕರೀತೀನಿ,

ಆತನು ನನ್ನನ್ನ ಕಾಪಾಡ್ತಾನೆ.+

17 ಬೆಳಿಗ್ಗೆ, ಮಧ್ಯಾಹ್ನ, ಸಂಜೆ ಹೀಗೆ ನಾನು ಮೂರೂ ಹೊತ್ತು ದುಃಖದಲ್ಲೇ ಮುಳುಗಿರ್ತಿನಿ, ಕೊರಗ್ತಾ ಇರ್ತಿನಿ,+

ದೇವರು ನನ್ನ ಪ್ರಾರ್ಥನೆಯನ್ನ ಕೇಳಿಸ್ಕೊಳ್ತಾನೆ.+

18 ಜನ್ರೆಲ್ಲ ನನ್ನ ವಿರುದ್ಧ ಬಂದಿದ್ದಾರೆ,

ಹಾಗಾಗಿ ನನ್ನ ವಿರುದ್ಧ ಹೋರಾಡೋರ ಕೈಯಿಂದ ಆತನು ನನ್ನನ್ನ ತಪ್ಪಿಸಿ ಶಾಂತಿಯನ್ನ ಕೊಡ್ತಾನೆ.+

19 ಪುರಾತನ ಕಾಲದಿಂದ ಸಿಂಹಾಸನದ ಮೇಲೆ ಕೂತಿರೋ+

ದೇವರು ಕೇಳಿಸ್ಕೊಂಡು, ಅವ್ರಿಗೆ ಸ್ಪಂದಿಸ್ತಾನೆ.+ (ಸೆಲಾ)

ದೇವರಿಗೆ ಭಯಪಡದವರು,+

ಬದಲಾಗಲ್ಲ ಅಂತಾರೆ.

20 ಅವನು* ತನ್ನ ಸ್ನೇಹಿತರ ಮೇಲೆನೇ ಆಕ್ರಮಣ ಮಾಡಿದ,+

ಅವನು ಕೊಟ್ಟ ಮಾತನ್ನ ಮುರಿದುಬಿಟ್ಟ.+

21 ಅವನ ಮಾತು ಬೆಣ್ಣೆಗಿಂತ ಮೃದು,+

ಆದ್ರೆ ಅವನ ಹೃದಯದ ತುಂಬ ದ್ವೇಷ.

ಅವನ ನುಡಿ ಎಣ್ಣೆಗಿಂತ ನಯ,

ಆದ್ರೆ ಅದು ಕತ್ತಿಗಿಂತ ಚೂಪು.+

22 ನಿನಗಿರೋ ಭಾರನೆಲ್ಲ ಯೆಹೋವನ ಮೇಲೆ ಹಾಕು,+

ಆತನೇ ನಿನಗೆ ಆಧಾರವಾಗಿ ಇರ್ತಾನೆ.+

 2 ನನ್ನ ವೈರಿಗಳು ಇಡೀ ದಿನ ನನ್ನ ಮೇಲೆ ಆಕ್ರಮಣ ಮಾಡ್ತಾರೆ,

ತುಂಬ ಜನ ಅಹಂಕಾರದಿಂದ ನನ್ನ ವಿರುದ್ಧ ಹೋರಾಡ್ತಾರೆ.

 4 ನಾನು ಯಾರ ಮಾತನ್ನ ಹೊಗಳ್ತೀನೋ, ಆ ದೇವರಲ್ಲಿ

ಹೌದು, ಆ ದೇವರಲ್ಲಿ ನಾನು ಭರವಸೆ ಇಟ್ಟಿದ್ದೀನಿ. ನಾನು ಭಯಪಡಲ್ಲ.

 5 ಇಡೀ ದಿನ ಅವರು ನನಗೆ ತೊಂದ್ರೆ ಕೊಡ್ತಾರೆ,

ನನಗೆ ಹಾನಿ ಮಾಡಬೇಕು ಅನ್ನೋ ಯೋಚನೆ ಬಿಟ್ರೆ ಬೇರೆ ಯಾವ ಯೋಚನೆನೂ ಅವ್ರಿಗಿಲ್ಲ.+

 6 ಅವರು ನನ್ನ ಮೇಲೆ ಆಕ್ರಮಣ ಮಾಡೋಕೆ ಬಚ್ಚಿಟ್ಕೊಂತಾರೆ,

ಅವಕಾಶ ಸಿಕ್ಕಿದ ತಕ್ಷಣ ನನ್ನ ಪ್ರಾಣ ತೆಗೀಬೇಕು ಅಂತ+

ಅವರು ನನ್ನ ಪ್ರತಿಯೊಂದು ಹೆಜ್ಜೆಯನ್ನೂ ಗಮನಿಸ್ತಾರೆ.+

10 ನಾನು ಯಾರ ಮಾತನ್ನ ಹೊಗಳ್ತೀನೋ ಆ ದೇವರಲ್ಲಿ,

ನಾನು ಯಾರ ನುಡಿಯನ್ನ ಸ್ತುತಿಸ್ತೀನೋ ಆ ಯೆಹೋವನಲ್ಲಿ

11 ಹೌದು, ಆ ದೇವರಲ್ಲಿ ನಾನು ನನ್ನ ಭರವಸೆ ಇಟ್ಟಿದ್ದೀನಿ. ನಾನು ಭಯಪಡಲ್ಲ.+

12 ದೇವರೇ, ನಾನು ಹೊತ್ತ ಹರಕೆಗಳನ್ನ ತೀರಿಸೋದು ನನ್ನ ಕರ್ತವ್ಯ,+

ನಾನು ನಿನಗೆ ಧನ್ಯವಾದ ಹೇಳ್ತೀನಿ.+

13 ಯಾಕಂದ್ರೆ ನೀನು ನನ್ನನ್ನ ಸಾವಿನ ಬಾಯಿಂದ ಬಿಡಿಸಿದೆ,+

ನಾನು ಜೀವಂತವಾಗಿ ಇರಬೇಕು, ದೇವರ ಸೇವೆ ಮಾಡಬೇಕು ಅಂತ,*+

57 ದೇವರೇ, ನನಗೆ ಕೃಪೆ ತೋರಿಸು, ನನಗೆ ದಯೆ ತೋರಿಸು,

ಯಾಕಂದ್ರೆ ನಾನು ನಿನ್ನಲ್ಲೇ ಆಶ್ರಯ ಪಡ್ಕೊಂಡಿದ್ದೀನಿ,+

ಸಮಸ್ಯೆಗಳೆಲ್ಲ ಬಗೆಹರಿಯೋ ತನಕ ನಾನು ನಿನ್ನ ರೆಕ್ಕೆ ನೆರಳಲ್ಲೇ ಆಶ್ರಯ ಪಡೀತೀನಿ.+

 2 ಸರ್ವೋನ್ನತ ದೇವರನ್ನ ನಾನು ಕೂಗ್ತೀನಿ,

ನನ್ನ ಸಮಸ್ಯೆಗಳಿಗೆ ಅಂತ್ಯ ಹಾಡೋ ಸತ್ಯ ದೇವರಿಗೆ ನಾನು ಮೊರೆ ಇಡ್ತೀನಿ.

 4 ನನ್ನ ಸುತ್ತ ಸಿಂಹಗಳು ನಿಂತಿವೆ,+

ನನ್ನನ್ನ ನುಂಗಬೇಕು ಅಂತಿರೋರ ಮಧ್ಯ ನಾನು ಮಲಗೋ ಪರಿಸ್ಥಿತಿ ಬಂದಿದೆ,

ಅವ್ರ ಹಲ್ಲು ಈಟಿ, ಬಾಣ

ಅವ್ರ ನಾಲಿಗೆ ಚೂಪಾದ ಕತ್ತಿ.+

 5 ದೇವರೇ, ನಿನ್ನ ಮಹಿಮೆ ಭೂಮಿಯಲ್ಲೆಲ್ಲಾ ಇರಲಿ,

ಮೇಲೆ ಸ್ವರ್ಗದಲ್ಲೂ ನಿನಗೆ ಘನತೆಯಾಗಲಿ.+

 6 ನನ್ನ ಕಾಲು ಸಿಕ್ಕಿಹಾಕೊಳ್ಳೋ ತರ ಅವರು ಬಲೆನ ಸಿದ್ಧಮಾಡಿದ್ದಾರೆ,+

ನಾನು ಕಡುವೇದನೆಯಿಂದ ಬಗ್ಗಿ ಹೋಗಿದ್ದೀನಿ.+

ನನ್ನ ದಾರಿಯಲ್ಲಿ ಅವರು ಗುಂಡಿ ತೋಡಿದ್ರು,

ಆದ್ರೆ ಅದರೊಳಗೆ ಅವ್ರೇ ಬಿದ್ದುಹೋದ್ರು.+ (ಸೆಲಾ)

 7 ದೇವರೇ, ನನ್ನ ಹೃದಯ ಸ್ಥಿರವಾಗಿದೆ,+

ಹೌದು ನನ್ನ ಹೃದಯ ಸ್ಥಿರವಾಗಿದೆ.

 9 ಯೆಹೋವನೇ ದೇಶಗಳ ಜನ್ರ ಮಧ್ಯ ನಾನು ನಿನ್ನನ್ನ ಹೊಗಳ್ತೀನಿ+

ಅವ್ರ ಮಧ್ಯ ನಾನು ನಿನ್ನನ್ನ ಸ್ತುತಿಸ್ತೀನಿ.*+

10 ಯಾಕಂದ್ರೆ ನಿನ್ನ ಶಾಶ್ವತ ಪ್ರೀತಿ ತುಂಬ ದೊಡ್ಡದು. ಆ ಪ್ರೀತಿ ಆಕಾಶವನ್ನೂ

ನಿನ್ನ ಸತ್ಯತೆ ಗಗನವನ್ನೂ ಮುಟ್ಟುತ್ತೆ.+

11 ದೇವರೇ, ನಿನ್ನ ಮಹಿಮೆ ಭೂಮಿಯಲ್ಲೆಲ್ಲಾ ಇರಲಿ,

ಮೇಲೆ ಸ್ವರ್ಗದಲ್ಲೂ ನಿನಗೆ ಗೌರವ ಸಿಗಲಿ.+

 2 ನೀವು ಮನಸ್ಸಲ್ಲಿ ಕೆಟ್ಟದ್ದನ್ನೇ ಯೋಜನೆ ಮಾಡ್ತೀರ,+

ದೇಶದ ಮೂಲೆ ಮೂಲೆಯಲ್ಲೂ ಹಿಂಸೆ ತುಂಬಿಸ್ತೀರ.+

 3 ಕೆಟ್ಟವರು ಹುಟ್ಟಿದಾಗಿಂದಾನೇ* ಅಡ್ಡದಾರಿ ಹಿಡಿದಿದ್ದಾರೆ,*

ಮೊಂಡರಾಗಿದ್ದಾರೆ, ಸುಳ್ಳುಗಾರರಾಗಿ ಇದ್ದಾರೆ.

 4 ಅವ್ರ ಮಾತು ಹಾವಿನ ವಿಷ,+

ಕಿವಿಯನ್ನ ಮುಚ್ಕೊಳ್ಳೋ ನಾಗರದ ಹಾಗೆ ಅವರು ಕಿವುಡರಾಗಿದ್ದಾರೆ.

 5 ಹಾವಾಡಿಗರು ಎಷ್ಟೇ ಚೆನ್ನಾಗಿ ಪುಂಗಿ ಊದಿದ್ರೂ

ಅದು ಅವ್ರ ಸ್ವರನ ಕೇಳಲ್ಲ.

 8 ತೆವಳ್ತಾ ತೆವಳ್ತಾ ಕರಗಿಹೋಗೋ ಬಸವನ ಹುಳದ ತರ ಅವ್ರಾಗಲಿ,

ಅಮ್ಮನ ಹೊಟ್ಟೆಯಲ್ಲೇ ಸತ್ತು, ಸೂರ್ಯನ ಬೆಳಕನ್ನೇ ನೋಡದಿರೋ ಮಗುವಿನ ತರ ಅವ್ರಾಗಲಿ.

 9 ಮುಳ್ಳಿನ ಪೊದೆ ಸುಟ್ಟು ಅದ್ರ ಬಿಸಿ ನಿಮ್ಮ ಅಡುಗೆ ಪಾತ್ರೆನ ತಾಕೋ ಮುಂಚೆ,

ಆ ಹಸಿರಾಗಿರೋ ಉರಿದುಹೋಗ್ತಿರೋ ಕಡ್ಡಿಗಳನ್ನ ಒಂದು ಬಿರುಗಾಳಿ ಎತ್ಕೊಂಡು ಹೋಗೋ ತರ ದೇವರು ಮಾಡ್ತಾನೆ.+

10 ದೇವರು ಸೇಡು ತೀರಿಸೋದನ್ನ ನೋಡಿ ನೀತಿವಂತ ಖುಷಿಪಡ್ತಾನೆ,+

ದುಷ್ಟರ ರಕ್ತದಿಂದ ಅವನ ಕಾಲುಗಳು ನೆನೆದು ಹೋಗುತ್ತೆ.+

59 ನನ್ನ ದೇವರೇ, ನನ್ನ ಶತ್ರುಗಳಿಂದ ನನ್ನನ್ನ ರಕ್ಷಿಸು,+

ನನ್ನ ವಿರುದ್ಧ ಬಂದಿರೋ ಜನ್ರಿಂದ ನನ್ನನ್ನ ಕಾಪಾಡು.+

 2 ಕೆಟ್ಟವರ ತರ ನಡ್ಕೊಳ್ಳೋ ಜನ್ರಿಂದ ನನ್ನನ್ನ ರಕ್ಷಿಸು,

ಹಿಂಸೆ ಕೊಡೋರಿಂದ* ನನ್ನನ್ನ ಕಾಪಾಡು.

 3 ನೋಡು! ಅವರು ನನ್ನನ್ನ ಹಿಡಿಯೋಕೆ ಹೊಂಚುಹಾಕ್ತಾರೆ,+

ಶಕ್ತಿಶಾಲಿಗಳು ನನ್ನ ಮೇಲೆ ಆಕ್ರಮಣ ಮಾಡ್ತಾರೆ,

ಆದ್ರೆ ಯೆಹೋವನೇ, ನಾನು ತಿರುಗಿ ಬಿದ್ದಿದ್ದಕ್ಕೆ, ಪಾಪ ಮಾಡಿದ್ದಕ್ಕೆ ಹೀಗೆ ಆಗ್ತಿಲ್ಲ.+

 4 ನಾನು ಯಾವ ತಪ್ಪನ್ನೂ ಮಾಡಿಲ್ಲ,

ಆದ್ರೂ ಅವರು ನನ್ನ ಮೇಲೆ ಆಕ್ರಮಣ ಮಾಡೋಕೆ ಓಡೋಡಿ ಬರ್ತಾರೆ.

 6 ಅವರು ಪ್ರತಿ ಸಂಜೆ ವಾಪಾಸ್‌ ಬರ್ತಾರೆ,+

ನಾಯಿಗಳ ತರ ಗುರ್‌ ಅಂತಾರೆ,*+ ಪಟ್ಟಣದ ಸುತ್ತ ಸುತ್ತುತ್ತಾರೆ.+

 7 ಅವ್ರ ಬಾಯಿಂದ ಎಂಥ ಮಾತು ಬರುತ್ತೆ ನೋಡು,

ಅವ್ರ ತುಟಿಗಳು ಕತ್ತಿ ತರ ಇದೆ,+

ಯಾಕಂದ್ರೆ ಅವರು “ಇದನ್ನ ಹೇಳಿದ್ದು ನಾವೇ ಅಂತ ಯಾರಿಗೆ ಗೊತ್ತಾಗುತ್ತೆ?” ಅಂತ ಹೇಳ್ತಾರೆ.+

 8 ಆದ್ರೆ ಯೆಹೋವನೇ, ನೀನು ಅವ್ರನ್ನ ನೋಡಿ ನಗ್ತೀಯ,+

ಎಲ್ಲ ಜನಾಂಗಗಳನ್ನ ಅಣಕಿಸ್ತೀಯ.+

 9 ನನ್ನ ಬಲವೇ, ನಾನು ನಿನಗಾಗಿ ಕಾಯ್ತಾ ಇರ್ತಿನಿ,+

ಯಾಕಂದ್ರೆ ದೇವರು ನನ್ನ ಸುರಕ್ಷಿತ ಆಶ್ರಯ.*+

10 ನನಗೆ ಶಾಶ್ವತ ಪ್ರೀತಿಯನ್ನ ತೋರಿಸೋ ದೇವರು ನನ್ನ ಸಹಾಯಕ್ಕೆ ಬರ್ತಾನೆ,+

ಆತನು ನನ್ನ ಶತ್ರುಗಳ ಸೋಲನ್ನ ನನಗೆ ತೋರಿಸ್ತಾನೆ.+

ನಿನ್ನ ಶಕ್ತಿಯಿಂದ ಅವರು ಅಲೆದಾಡೋ ತರ ಮಾಡು,

ಯೆಹೋವನೇ, ನಮ್ಮ ಗುರಾಣಿಯೇ, ನೀನು ಅವ್ರನ್ನ ಕೆಳಗೆ ಬೀಳಿಸು.+

ತಮ್ಮ ಜಂಬದಿಂದಾನೇ ಸಿಕ್ಕಿಹಾಕೊಳ್ತಾರೆ,+

ಯಾಕಂದ್ರೆ ಅವರು ಶಾಪ ಹಾಕ್ತಾರೆ, ಮೋಸದ ಮಾತುಗಳನ್ನ ಆಡ್ತಾರೆ.

13 ನಿನ್ನ ಕ್ರೋಧದಿಂದ ಅವ್ರನ್ನ ನಾಶಮಾಡಿಬಿಡು,+

ಅವರು ಇನ್ನಿಲ್ಲ ಅಂತ ಹೇಳೋ ಹಾಗೆ ಅವ್ರ ಕಥೆ ಮುಗಿಸು,

ದೇವರು ಯಾಕೋಬನ ಮೇಲೆ ಮತ್ತು ಭೂಮಿಯ ಕಟ್ಟಕಡೆ ತನಕ ಆಳ್ತಾನೆ ಅಂತ ಅವ್ರಿಗೆ ಗೊತ್ತಾಗೋ ತರ ಮಾಡು.+ (ಸೆಲಾ)

14 ಅವರು ಪ್ರತಿ ಸಂಜೆ ವಾಪಾಸ್‌ ಬರಲಿ,

ನಾಯಿಗಳ ತರ ಗುರ್‌ ಅನ್ನಲಿ,* ಪಟ್ಟಣದ ಸುತ್ತ ಸುತ್ತಾಡಲಿ.+

15 ಒಂದೊಂದು ತುತ್ತಿಗೂ ಅವರು ಅಲೆದಾಡೋ ತರ ಆಗಲಿ,+

ಅವ್ರಿಗೆ ಹೊಟ್ಟೆ ತುಂಬ ಊಟ, ತಲೆ ಇಡೋಕೆ ಜಾಗ ಸಿಗದೆ ಇರಲಿ.

16 ಆದ್ರೆ ನಾನು, ನಿನ್ನ ಶಕ್ತಿಯ ಗುಣಗಾನ ಮಾಡ್ತೀನಿ,+

ಮುಂಜಾನೆ ನಿನ್ನ ಶಾಶ್ವತ ಪ್ರೀತಿಯ ಬಗ್ಗೆ ಖುಷಿಖುಷಿಯಾಗಿ ಹೇಳ್ತೀನಿ.

ಯಾಕಂದ್ರೆ ನೀನು ನನ್ನ ಸುರಕ್ಷಿತ ಆಶ್ರಯ,+

ನನಗೆ ಕಷ್ಟಗಳು ಬಂದಾಗ ಓಡಿಹೋಗೋಕೆ ಇರೋ ಒಂದು ಜಾಗ.+

17 ನನ್ನ ಬಲವೇ, ನಾನು ನಿನ್ನನ್ನ ಹಾಡಿ ಹೊಗಳ್ತೀನಿ,*+

ಯಾಕಂದ್ರೆ ನನಗೆ ಶಾಶ್ವತ ಪ್ರೀತಿಯನ್ನ ತೋರಿಸೋ ದೇವರೇ ನನ್ನ ಸುರಕ್ಷಿತ ಆಶ್ರಯ.+

 4 ನಿನ್ನ ಭಯ ಇರೋರು ಬಾಣಗಳಿಂದ ತಪ್ಪಿಸ್ಕೊಂಡು,

ಓಡಿ ಹೋಗೋಕೆ ಅವ್ರಿಗೆ ಒಂದು ಸನ್ನೆ ಕೊಡು.* (ಸೆಲಾ)

 5 ನಿನ್ನ ಬಲಗೈಯಿಂದ ನಮ್ಮನ್ನ ಕಾಪಾಡು, ನಮಗೆ ಉತ್ತರ ಕೊಡು,

ಆಗ ನಿನ್ನ ಪ್ರೀತಿಪಾತ್ರರು ಉಳಿತಾರೆ.+

“ನಾನು ಖುಷಿಪಡ್ತೀನಿ, ಶೆಕೆಮನ್ನ ಆಸ್ತಿಯಾಗಿ ಕೊಡ್ತೀನಿ,+

ಸುಕ್ಕೋತಿನ ಕಣಿವೆಯನ್ನ ಅಳೆದು ಕೊಡ್ತೀನಿ.+

 7 ಗಿಲ್ಯಾದ್‌ ನಂದು, ಮನಸ್ಸೆಯೂ ನಂದೇ,+

ಎಫ್ರಾಯೀಮ್‌ ನನ್ನ ತಲೆಯ ಶಿರಸ್ತ್ರಾಣ,

ಯೆಹೂದ ನನ್ನ ರಾಜದಂಡ.+

ಆದ್ರೆ ನೋಡು, ನೀನು ನಮ್ಮನ್ನ ತಳ್ಳಿಬಿಟ್ಟಿದ್ದೀಯ,

ನಮ್ಮ ದೇವರಾಗಿರೋ ನೀನು ಈಗ ನಮ್ಮ ಸೈನ್ಯದ ಜೊತೆ ಬರಲ್ಲ.+

11 ಕಷ್ಟಕಾಲದಲ್ಲಿ ನಮಗೆ ಸಹಾಯಮಾಡು,

ಯಾಕಂದ್ರೆ ರಕ್ಷಣೆಗಾಗಿ ಮನುಷ್ಯರನ್ನ ನಂಬೋದು ವ್ಯರ್ಥ.+

12 ದೇವರಿಂದ ನಾವು ಬಲ ಪಡ್ಕೊತೀವಿ,+

ಆತನು ನಮ್ಮ ಶತ್ರುಗಳನ್ನ ತುಳಿದುಹಾಕ್ತಾನೆ.+

 2 ನನ್ನ ಹೃದಯ ನಿರಾಶೆಯಲ್ಲಿ ಮುಳುಗಿದ್ದಾಗ,

ಭೂಮಿಯ ಕಟ್ಟಕಡೆಯಿಂದ ನಾನು ನಿನಗೆ ಮೊರೆ ಇಡ್ತೀನಿ.+

 3 ಯಾಕಂದ್ರೆ ನೀನು ನನ್ನ ಆಶ್ರಯ,

ಶತ್ರುವಿಂದ ನನ್ನನ್ನ ಕಾಪಾಡೋ ದೊಡ್ಡ ಗೋಪುರ.+

 6 ನೀನು ರಾಜನ ಆಯಸ್ಸನ್ನ ಜಾಸ್ತಿ ಮಾಡ್ತೀಯ,+

ಅವನು ತಲತಲಾಂತರಕ್ಕೂ ಜೀವಿಸ್ತಾನೆ.

 7 ಅವನು ನಿನ್ನ ಮುಂದೆ ಯಾವಾಗ್ಲೂ ಸಿಂಹಾಸನದ ಮೇಲೆ ಕೂತ್ಕೊಳ್ತಾನೆ,*+

ದೇವರೇ, ನಿನ್ನ ಶಾಶ್ವತ ಪ್ರೀತಿ ಮತ್ತು ನಂಬಿಗಸ್ತಿಕೆ ಅವನನ್ನ ಕಾದುಕಾಪಾಡಲಿ.+

 8 ಆಗ ನಾನು ನಿನ್ನ ಹೆಸ್ರನ್ನ ನಿತ್ಯನಿರಂತರಕ್ಕೂ ಹೊಗಳ್ತೀನಿ,*+

ಪ್ರತಿದಿನ ನನ್ನ ಹರಕೆಯನ್ನ ತೀರಿಸ್ತೀನಿ.+

 2 ಆತನು ನನ್ನ ಬಂಡೆ, ನನ್ನ ರಕ್ಷಣೆ, ನನ್ನ ಸುರಕ್ಷಿತ ಆಶ್ರಯ,*+

ಬಿದ್ದು ಹೋಗುವಷ್ಟು ನಾನು ಯಾವತ್ತೂ ಅಲ್ಲಾಡಲ್ಲ.+

 4 ಅವನನ್ನ ಮೇಲಿಂದ ಕೆಳಗೆ ಬೀಳಿಸೋಕೆ ಅವರು ಒಟ್ಟಾಗಿ ಸೇರಿ ಯೋಚಿಸ್ತಿದ್ದಾರೆ,

ಸುಳ್ಳು ಹೇಳೋದರಲ್ಲೇ ಅವ್ರಿಗೆ ಸಂತೋಷ.

 6 ಆತನು ನನ್ನ ಬಂಡೆ, ನನ್ನ ರಕ್ಷಣೆ, ನನ್ನ ಸುರಕ್ಷಿತ ಆಶ್ರಯ,

ನಾನು ಯಾವತ್ತೂ ಕದಲಲ್ಲ.+

 9 ಮನುಷ್ಯ ಬರೀ ಉಸಿರಷ್ಟೇ,

ಅವರು ಮೋಸಗಾರರು.+

10 ಅನ್ಯಾಯದ ಸುಲಿಗೆ ಮೇಲೆ ಭರವಸೆ ಇಡಬೇಡಿ,

ಕಳ್ಳತನದ ಮೇಲೆ ನಿರೀಕ್ಷೆ ಇಡಬೇಡಿ.

12 ಯೆಹೋವನೇ, ಶಾಶ್ವತ ಪ್ರೀತಿ ನಿಂದೇ,+

ಯಾಕಂದ್ರೆ ನೀನು ಪ್ರತಿಯೊಬ್ಬನ ಕೆಲಸಗಳಿಗೆ ತಕ್ಕಂತೆ ಪ್ರತಿಫಲ ಕೊಡ್ತೀಯ.+

 2 ಹಾಗಾಗಿ ನಿನ್ನನ್ನ ನೋಡೋಕೆ ನಾನು ನಿನ್ನ ಪವಿತ್ರ ಸ್ಥಳದಲ್ಲಿ ಹುಡುಕಿದೆ,

ನಿನ್ನ ಬಲ, ನಿನ್ನ ಮಹಿಮೆಯನ್ನ ನೋಡಿದೆ.+

 3 ಯಾಕಂದ್ರೆ ನಿನ್ನ ಶಾಶ್ವತ ಪ್ರೀತಿ ಜೀವಕ್ಕಿಂತ ಅಮೂಲ್ಯ,+

ನನ್ನ ಸ್ವಂತ ತುಟಿ ನಿನ್ನನ್ನ ಹೊಗಳುತ್ತೆ.+

 4 ಹಾಗಾಗಿ ನಾನು ಸಾಯೋ ತನಕ ನಿನ್ನನ್ನ ಕೊಂಡಾಡ್ತೀನಿ,

ನನ್ನ ಕೈಗಳನ್ನ ಎತ್ತಿ ನಿನ್ನ ಹೆಸ್ರನ್ನ ಕೂಗ್ತೀನಿ.

 5 ಒಳ್ಳೇ ಭಾಗನ ಮತ್ತು ದೊಡ್ಡ ಭಾಗನ ಪಡ್ಕೊಂಡು ನಾನು ತೃಪ್ತಿಯಾಗಿ ಇದ್ದೀನಿ,

ಹಾಗಾಗಿ ನನ್ನ ಬಾಯಿ ಸಂತೋಷದಿಂದ ನಿನ್ನನ್ನ ಹೊಗಳುತ್ತೆ.+

 6 ಹಾಸಿಗೆ ಮೇಲಿರುವಾಗ ನಾನು ನಿನ್ನನ್ನ ನೆನಪಿಸ್ಕೊತೀನಿ,

ಮಧ್ಯರಾತ್ರಿಯಲ್ಲಿ ನಾನು ನಿನ್ನ ಬಗ್ಗೆ ಧ್ಯಾನಿಸ್ತೀನಿ.+

 7 ಯಾಕಂದ್ರೆ ನೀನು ನನ್ನ ಸಹಾಯಕ,+

ನಿನ್ನ ರೆಕ್ಕೆಗಳ ಕೆಳಗೆ ನಾನು ಸಂತೋಷದಿಂದ ಜೈಕಾರ ಹಾಕ್ತೀನಿ.+

 8 ನಾನು ನಿನಗೆ ಅಂಟ್ಕೊಂಡು ಇರ್ತಿನಿ,

ನಿನ್ನ ಬಲಗೈ ನನ್ನನ್ನ ಗಟ್ಟಿಯಾಗಿ ಹಿಡ್ಕೊಂಡಿರುತ್ತೆ.+

 9 ಆದ್ರೆ ಯಾರು ನನ್ನ ಪ್ರಾಣ ತೆಗೀಬೇಕು ಅಂತಿದ್ದಾರೋ,

ಅವರು ಭೂಮಿಯ ಆಳಕ್ಕೆ ಇಳಿದು ಹೋಗ್ತಾರೆ.

10 ಅವರು ಕತ್ತಿಯಿಂದ ನಾಶ ಆಗ್ತಾರೆ,

ಅವರು ಗುಳ್ಳೆನರಿಗಳಿಗೆ* ಆಹಾರ ಆಗ್ತಾರೆ.

ಸುಳ್ಳು ಹೇಳೋರ ಬಾಯನ್ನ ಮುಚ್ಚೊದ್ರಿಂದ,

ದೇವರ ಮೇಲೆ ಆಣೆ ಇಡೋರೆಲ್ಲ ತುಂಬ ಖುಷಿಪಡ್ತಾರೆ.*

64 ದೇವರೇ, ನಾನು ಆತಂಕದಲ್ಲಿದ್ದೀನಿ, ದಯವಿಟ್ಟು ನನ್ನ ಮಾತನ್ನ ಕೇಳಿಸ್ಕೊ,+

ಶತ್ರುಗಳ ಘೋರ ಆಕ್ರಮಣಗಳಿಂದ ನನ್ನ ಜೀವವನ್ನ ರಕ್ಷಿಸು.

 2 ದುಷ್ಟನ ರಹಸ್ಯ ಸಂಚುಗಳಿಂದ ನನ್ನನ್ನ ಕಾಪಾಡು,+

ತಪ್ಪು ಮಾಡೋರ ಗುಂಪಿಂದ ನನ್ನನ್ನ ರಕ್ಷಿಸು.

 3 ಕತ್ತಿ ತರ ಅವರು ತಮ್ಮ ನಾಲಿಗೆನ ಚೂಪು ಮಾಡ್ತಾರೆ,

ಚುಚ್ಚೋ ಮಾತುಗಳನ್ನ ಬಾಣಗಳ ತರ ಗುರಿ ಇಡ್ತಾರೆ,

 4 ರಹಸ್ಯ ಜಾಗದಿಂದ ನಿರ್ದೋಷಿ ಮೇಲೆ ಆಕ್ರಮಣ ಮಾಡೋಕೆ ಹೀಗೆ ಮಾಡ್ತಾರೆ.

 5 ಅವ್ರಿಗೆ ಅವ್ರ ಕೆಟ್ಟ ಉದ್ದೇಶಗಳು ನಿಜ ಆದ್ರೆ ಸಾಕು,

ಅವ್ರ ಬಲೆಗಳನ್ನ ಹೇಗೆ ಬಚ್ಚಿಡಬೇಕು ಅಂತ ಅವರು ತಮ್ಮಲ್ಲೇ ಮಾತಾಡ್ಕೊಳ್ತಾರೆ.

 6 ತಪ್ಪು ಮಾಡೋಕೆ ಹೊಸಹೊಸ ದಾರಿ ಹುಡುಕ್ತಾರೆ,

ಯಾರಿಗೂ ಗೊತ್ತಾಗದ ಹಾಗೆ ಬುದ್ಧಿವಂತಿಕೆಯಿಂದ ಉಪಾಯ ಮಾಡ್ತಾರೆ,+

ಅವ್ರ ಹೃದಯದ ಆಳ ತಿಳ್ಕೊಳ್ಳೋಕೆ ಆಗಲ್ಲ.

 7 ಆದ್ರೆ ದೇವರು ಅವ್ರ ಮೇಲೆ ಬಾಣಗಳನ್ನ ಬಿಡ್ತಾನೆ,+

ತಕ್ಷಣ ಅವ್ರಿಗೆ ಗಾಯ ಆಗುತ್ತೆ.

 8 ಅವರು ಬಿದ್ದುಹೋಗೋಕೆ ಅವ್ರ ಬಾಯೇ ಕಾರಣ ಆಗುತ್ತೆ,+

ಅವ್ರನ್ನ ನೋಡೋರೆಲ್ಲ ತಲೆ ಆಡಿಸ್ತಾರೆ.

 9 ಆಮೇಲೆ ಎಲ್ರೂ ಭಯಪಟ್ಟು,

ದೇವರು ಮಾಡಿದ್ದನ್ನ ನೋಡಿ ಅದನ್ನ ಎಲ್ರಿಗೂ ಹೇಳ್ತಾರೆ,

ಅವರು ಆತನ ಕೆಲಸಗಳ ಬಗ್ಗೆ ತಿಳ್ಕೊಂಡಿರ್ತಾರೆ.*+

10 ನೀತಿವಂತ ಯೆಹೋವನಲ್ಲಿ ಉಲ್ಲಾಸಪಡ್ತಾನೆ, ಆತನಲ್ಲಿ ಆಶ್ರಯ ಪಡ್ಕೊಳ್ತಾನೆ,+

ಹೃದಯದಲ್ಲಿ ಪ್ರಾಮಾಣಿಕರಾಗಿ ಇರೋರೆಲ್ಲ ಖುಷಿಪಡ್ತಾರೆ.*

65 ದೇವರೇ, ಚೀಯೋನಲ್ಲಿ ನಿನಗಾಗಿ ಹೊಗಳಿಕೆ ಕಾಯ್ತಿದೆ,+

ನಾವು ನಮ್ಮ ಹರಕೆಗಳನ್ನ ನಿನಗೆ ಸಲ್ಲಿಸ್ತೀವಿ.+

 3 ನನ್ನ ತಪ್ಪುಗಳು ನನ್ನನ್ನ ಮುಳುಗಿಸಿಬಿಟ್ಟಿವೆ,+

ಆದ್ರೆ ನೀನು ನಮ್ಮ ದೋಷಗಳನ್ನ ಪರಿಹರಿಸಿಬಿಡ್ತೀಯ.+

 4 ನಿನ್ನ ಅಂಗಳದಲ್ಲಿ ವಾಸಿಸೋಕೆ

ನೀನು ಯಾರನ್ನ ಆರಿಸಿಕೊಳ್ತೀಯೋ

ನೀನು ಯಾರನ್ನ ಕರೀತೀಯೋ ಅವನು ಭಾಗ್ಯವಂತ.+

 5 ನಮ್ಮ ರಕ್ಷಕನಾಗಿರೋ ದೇವರೇ,

ಆಶ್ಚರ್ಯ ಹುಟ್ಟಿಸೋ ನಿನ್ನ ನೀತಿಯ ಕೆಲಸಗಳಿಂದ ನೀನು ನಮಗೆ ಉತ್ರ ಕೊಡ್ತೀಯ,+

ಭೂಮಿಯ ಮೂಲೆಮೂಲೆಯಲ್ಲಿ ಇರೋರಿಗೂ ನೀನೇ ಭರವಸೆ,+

ಸಮುದ್ರದಾಚೆ ದೂರದೂರದಲ್ಲಿ ಇರೋರಿಗೂ ನೀನೇ ಭರವಸೆ.

 6 ನೀನು ನಿನ್ನ ಶಕ್ತಿಯಿಂದ ಬೆಟ್ಟಗಳನ್ನ ದೃಢವಾಗಿ ಸ್ಥಾಪಿಸಿದ್ದೀಯ,

ನೀನು ಬಲವನ್ನ ಬಟ್ಟೆ ತರ ಹಾಕ್ಕೊಂಡಿದ್ದೀಯ.+

 7 ನೀನು ಅಲ್ಲೋಲಕಲ್ಲೋಲ ಆಗಿರೋ ಸಮುದ್ರವನ್ನ,

ಅದ್ರ ಅಲೆಗಳ ಅಬ್ಬರವನ್ನ, ಜನಾಂಗಗಳ ಗದ್ದಲವನ್ನ+ ನಿಶ್ಶಬ್ದ ಮಾಡ್ತೀಯ.+

 8 ದೂರದಲ್ಲಿ ಇರೋರು ನಿನ್ನ ಕೆಲಸಗಳನ್ನ* ನೋಡಿದಾಗ ಅವ್ರಿಗೆ ಮಾತೇ ಬರಲ್ಲ,+

ಪೂರ್ವದಿಂದ ಪಶ್ಚಿಮದ ತನಕ ಇರೋ ಜನ್ರೆಲ್ಲ ಸಂತೋಷದಿಂದ ಜೈಕಾರ ಹಾಕೋ ಹಾಗೆ ನೀನು ಮಾಡ್ತೀಯ.

 9 ನೀನು ಭೂಮಿಯ ಆರೈಕೆ ಮಾಡ್ತೀಯ,

ಅದು ಸಮೃದ್ಧವಾಗಿ ಬೆಳೆ ಕೊಡೋ ಹಾಗೆ ಮಾಡ್ತೀಯ,+

ನದಿಯಲ್ಲಿ ನೀರು ತುಂಬಿ ತುಳುಕೋ ಹಾಗೆ ಮಾಡ್ತೀಯ,

ನೀನು ಜನ್ರಿಗೆ ಆಹಾರ ಕೊಡ್ತೀಯ,+

ಅದಕ್ಕೇ ಭೂಮಿನ ಸಿದ್ಧಮಾಡಿದ್ದೀಯ.

10 ನೀನು ಅದ್ರ ನೇಗಿಲಸಾಲನ್ನ ತೋಯಿಸ್ತೀಯ, ಅದ್ರ ಮಣ್ಣಿನ ಗಡ್ಡೆಗಳನ್ನ* ಸಮಮಾಡ್ತೀಯ,

ನೀನು ಮಳೆ ಹನಿಗಳಿಂದ ಮಣ್ಣನ್ನ ಮೃದುಮಾಡಿ, ಅದ್ರ ಬೆಳೆಯನ್ನ ಆಶೀರ್ವಾದ ಮಾಡ್ತೀಯ.+

12 ಕಾಡಿನ ಹುಲ್ಲುಗಾವಲು ಹಸಿರು ಹುಲ್ಲಿಂದ ತುಂಬಿದೆ,+

ಬೆಟ್ಟಗುಡ್ಡಗಳನ್ನ ಸಂತೋಷ ಮುಚ್ಚಿದೆ.+

13 ಹುಲ್ಲುಗಾವಲು ಕುರಿಗಳಿಂದ ತುಂಬಿಹೋಗಿದೆ,

ಒಳ್ಳೇ ತೆನೆ ಕಣಿವೆಯಲ್ಲೆಲ್ಲ ರತ್ನದ ಕಂಬಳಿ ತರ ಹಾಸಿಕೊಂಡಿದೆ.+

ನಿನ್ನ ಮಹಾ ಶಕ್ತಿಯಿಂದ,

ನಿನ್ನ ಶತ್ರುಗಳು ನಿನ್ನ ಹತ್ರ ಗಡಗಡ ಅಂತ ನಡುಗ್ತಾ ಬರ್ತಾರೆ.+

 4 ಭೂಮಿಯ ಎಲ್ಲ ಜನ್ರು ನಿನಗೆ ಬಗ್ಗಿ ನಮಸ್ಕಾರ ಮಾಡ್ತಾರೆ,+

ಅವರು ನಿನಗೆ ಹಾಡಿ ಹೊಗಳ್ತಾರೆ,

ಅವರು ನಿನ್ನ ಹೆಸ್ರಿಗೆ ಗೌರವ ಕೊಡೋಕೆ ಸ್ತುತಿ ಗೀತೆಗಳನ್ನ ಹಾಡ್ತಾರೆ.”+ (ಸೆಲಾ)

 6 ಆತನು ಸಮುದ್ರವನ್ನ ಒಣನೆಲದ ತರ ಮಾಡಿದ,+

ಜನ್ರು ನದಿಯನ್ನ ನಡ್ಕೊಂಡೇ ದಾಟಿದ್ರು.+